Surxondaryo viloyati hokimi Ulug‘bek Qosimov joriy yil 4-iyul kuni Muzrabot tumanida og‘ir hudud sifatida tanlab olingan, yoshlar va turizm ko‘chalari tashkil etiladigan 10 ta mahallada infratuzilmani yaxshilash tadbirlariga start bergan edi.

Bugun viloyat rahbari mutasaddilar bilan Muzrabot tumaniga tashrif buyurib, mahallalarda ishlarning borishi hamda topshiriqlar ijrosini ko‘zdan kechirdi. Xususan, Do‘stlik mahallasida amalga oshirilayotgan ishlar bilan tanishildi hamda tuman sektor rahbarlari va mahallalar “yettiligi”ning axborotlari tinglandi.

Ichki yo‘llarni ta’mirlash, ko‘chalarni tartibga keltirish, elektr energiyasi, ichimlik suvi va boshqa kommunal xizmatlar bilan ta’minlash, umuman olganda mahallada infratuzilmani yaxshilash orqali aholi turmush farovonligini oshirish chora-tadbirlarining muddatida va sifatli bajarilishi yuzasidan vazifalar belgilab berildi.

Telegram | Facebook | Instagram | YouTube | Web-site | X