عدنه ذنوب من اتحطهه بالميزان
ينزل نزلة السيف الشطر مرحب

لسان حال مولاتي زينب ع

زرعوني صبر بالليل
خضرت الصبح زينب

سالت دموع الباب. لما رآى الاعراب
ناداه يا رباه ما هذا الدخان
اجهنم قد احرقت باب الجنان

للشاعر
علي عسيلي العاملي

اخر نظره. لوجه الزهره. تريد اعيون وحيل
روحي البيه. والكمريه. شو غابت بالليل
ما ينفع صبري. وانه احفر كبري

مولاتي    مولاتي     امن الخدم سجليني
***********************
قراري     شعاري      بسم الزجيه تخطه دمـــعاتي
بحزنهه     اعله ونهه     صرت انه اعلم نبرة اهاتي
واتاني     بمجاني     كثرن تره يزهــــره حسباتي
ابسجلهه     اكلهه     سجليني خادم هايه طلباتي

مولاتي   مولاتي   كونج تقبليني
************************
يزهره     اذكره     امصابج ابكل يوم واتألم
يواهس     مجالس     صدري شرف بالطم يتوسم
امن اطبن     اشمن     بالمجلس اني ريحة امخيم
بلا ظن     اكولن     فاطم وزينب حضرن المأتم

مولاتي   مولاتي   الطم اتشوفيني
**********************
عبرتي   دمعتي   من تجري احس بيهه شفه لجسمي
بفخرهه   شكبرهه   خادم الزهره ويا جمال اسمي
اعله كدي   اجدي   انه الشفاعه امن الزجيه امي
تحبني   وتودني   امن اذكر اسمهه ينجلي همي

مولاتي  مولاتي  عبدج اتقبليني
************************
يعمري     ويذخري     فدوه اصيحن اني للزهره
اسمعي      ويظلعي     اني الج يافاطمه امكسره
اليخدمج     يفهمج     لو نفترض باجر خلص عمره
بمنيه     الزجيه     هيه تجيله لكبره وتحضره

مولاتي   مولاتي   بالكبر حضريني
************************
الخدامه     شهامه     اعظم فخر وانه افتخر بيهه
حياتي     وحياتي     اني ابثواب احسين منطيهه
ابجنوني     وعيوني     لو ما بجت للزهره اعميهه
حنيني     وبنيني     بايعهم ومرضاج شاريهه

مولاتي   مولاتي   افدي كل اسنيني
************************

الشاعر // مصطفى البديريمولاتي    مولاتي     امن الخدم سجليني
***********************
قراري     شعاري      بسم الزجيه تخطه دمـــعاتي
بحزنهه     اعله ونهه     صرت انه اعلم نبرة اهاتي
واتاني     بمجاني     كثرن تره يزهــــره حسباتي
ابسجلهه     اكلهه     سجليني خادم هايه طلباتي

مولاتي   مولاتي   كونج تقبليني
************************
يزهره     اذكره     امصابج ابكل يوم واتألم
يواهس     مجالس     صدري شرف بالطم يتوسم
امن اطبن     اشمن     بالمجلس اني ريحة امخيم
بلا ظن     اكولن     فاطم وزينب حضرن المأتم

مولاتي   مولاتي   الطم اتشوفيني
**********************
عبرتي   دمعتي   من تجري احس بيهه شفه لجسمي
بفخرهه   شكبرهه   خادم الزهره ويا جمال اسمي
اعله كدي   اجدي   انه الشفاعه امن الزجيه امي
تحبني   وتودني   امن اذكر اسمهه ينجلي همي

مولاتي  مولاتي  عبدج اتقبليني
************************
يعمري     ويذخري     فدوه اصيحن اني للزهره
اسمعي      ويظلعي     اني الج يافاطمه امكسره
اليخدمج     يفهمج     لو نفترض باجر خلص عمره
بمنيه     الزجيه     هيه تجيله لكبره وتحضره

مولاتي   مولاتي   بالكبر حضريني
************************
الخدامه     شهامه     اعظم فخر وانه افتخر بيهه
حياتي     وحياتي     اني ابثواب احسين منطيهه
ابجنوني     وعيوني     لو ما بجت للزهره اعميهه
حنيني     وبنيني     بايعهم ومرضاج شاريهه

مولاتي   مولاتي   افدي كل اسنيني
************************

الشاعر // مصطفى البديري

قصيدة ( طف الزهراء)
للشاعر. انور الجبوري

باب وحرك .. خطن جرح اليه
عصره وذبح .. محسن وكع ضحيه
بابي الخشب يصيح. محسن وكع ذبيح
*********************
يانده ومكسور ضلعج والندى ما ينعصر
عمرج اثمنطعش حسره وتالي ضلعج ينكسر
المحسن ابطنج جنين وانتي ربيتي عمر
ما رفعتي ال الله ايدج حتى يكلبها حشر

الله سوه الدنيا كلها
حتى فاطم تستقر
جا شمال الناس هايه
اتلكت الزهره بعصر

كسرو احس .. ضلع السمه ابمصابج
وانت الصبح .. ستر العرش حجابج
الزهره من تطيح. محسن وكع ذبيح
*****************************
حيلي باد ورحي راحت والعصر رايدلي حيل
مثل كسرة عود يابس ضلعي طك ودنيا ليل
بس ذكرت حسين ابني فوك صدره اتدوسه خيل
انعصرت الباب واشوفن دمي كام يسيل سيل

ابيا ذنب بضعة محمد
دمهه فوك الكاع طايح
والهضيمه الزهره اني
والجنازه ابلايا صايح

ابلادمع .. ام الضلع دفنها
ناح ونحب .. حتى الحجر لبنها
يعني الخبر صحيح. محسن وكع ذبيح
*****************************
الفاكد ابوكت الاغروب ايونس عيونه الدمع
واني من اذكر الزهره لازم ابجيلي ضلع
يا حنينه ابكد حنانج ليش كلبج ينفجع
المثلج اعلى خدوده ورده مو سطر جف وطبع

الله حط إبين اديج
الجنه يارب الصدك
ليش هسه اجفوف اديج
موَرمات من الحرك

طحتي وطحت .. صحتي وصحت هظيمه
هسه اصبحت ... زينب صدك يتيمه
حيلي الصبح شحيح. محسن وكع ذبيح
***************************
فاطمه يا خيرة الله وخيرة الله اعلى الترب
طايحه ومدمعهه يجري والدمه منها تصب
اشلون حاله البيها فاطم حاله متروسه رعب
اتكوم وتطيح الزجيه وتنهضم من تنضرب

مات كل حيل الزجيه
نار وهموم وهظم
والاشد باب المصيبه
كسر من عدها عظم

كسر الضلع .. نَزل دمع المها
طكها النذل .. وجماله رد شتمها
عالغبره ظل طريح. محسن وكع ذبيح
****************************
طاحت الزهره واجاهه حسين مهموم ويون
يكلهه يمه الباب حافر مو ضلع حتى المتن
يمه شيب راس حيلي وصرت مرجع للحزن
الوركه والله اتموت يمه من تطيح من الغصن

يمي شمي بصدري فدوه
شمه من اخر نفس
صدري باجر بيه اهيس
اثر حافر للفرس

شمي النحر .. باجر تره يكطعونه
ابنج عرف.. .. جم خنجر يطعنونه
ابموتتي استريح. محسن وكع ذبيح
*****************************
الشاعر
انور الجبوري

يحيدر وين ماخذ فاطمه يحيدر
****************************
بويه وين تريد بمنه لياكتر وليا مجان
وين بويه تريد بيهه الزجيه ام الحنان
انت جفنت الزجيه لو مفاتيح الجنان
بويه خليهه المسيه نريد نشعر بالامان
*****************************
بويه ندري بأمنه حامل عجب جا وين الطفل
وين محسن وين اخونه بويه جا وين الحمل
حيدر ايكلهم يولدي ذاك اخوكم منجتل
طاح من امكم المحسن من عصر بيهه النذل
*****************************
بويه احنه ازغار تدري والجرح ما ينكدر
لا توصينه اصبرو وانت شيعت الصبر
احنه فاركنه العزيزه بعد ما يسوه العمر
هذا يا مبخوت اخذهه والله هنيال الكبر
*****************************
حيدر ايكلهم يولدي ودعو امكم بالعجل
اني اريد ادفنهه امكم باخر الليل اليجل
اهنا بدت كل المصايب والمصايب من تحل
والجبل لو سمع ونهم جا رمل صار الجبل
*****************************
الحسن يمهه ويكلهه يمه وين امسافره
بعدج اتعذب ييمه وناري تبقه اموجره
يمه عينج ليش حمره والضلوع امكسره
وهذا متنج ليش ازرك وانتي حرمه امخدره
*****************************
كعد يمهه حسين يبجي ودمعته مثل الجمر
يمه حاجيني يكلهه لا تخليني انقهر
يمه دنيه الليل هسه بس تمنيت الظهر
جا اطلع نحري واصرخ يالله عجل يالشمر
*****************************
كعدت الحوراء زينب يمهه بدموع وتون
اتكلهه يمه اشلون بعدج انه اغمضنه الجفن
راح تبقه ادموعي تسبل والحزن يبقه الحزن
كون اموتن هسه يمج حته وياج اندفن
*****************************
الشاعر
مصطفى البديري

قصيدة ( لوعة الانتظار)
للشاعر. انور الجبوري

كلبي مشتاك. يمهدي
بسك افراك يمهدي
بروحي ما باقي صبر. االيا وكت ابقى انتظر
؛؛؛**************
يا عشك كلبي الجبير وغيره ما عندي عشك
الدنيا جذبت مستحين وعلي بس انت الصدك
حالي مثل العود يابس وبغيابك احتررررك
مرني وامسح فوك راسي يا بعد كلبي اليدك

مرني لحضات دخيلك
عندي جلمات دخيلك
كلبي ورقه ابنص جمر اليا وكت ابقى انتظر
؛************************
دمعة الشلال تخلص بس دمع عيني يكت
وين ما اروحن يمهدي اوياي مو زين الوكت
حتى بحلامي يمهدي اشكثر باسمك صيحت
عمري مثل الماي صار بهيمه ضهريه وطحت

عمري احس ضاع. اناشد
حتى بالكاااع اناشد
يمتى مولانا يمر. الياوكت ابقى انتظر
*******************
ارضى كون اتمرني لحضه بيها اتغذى عمر
من يجي الليل واذكرك تنعصر روحي عصر
وابقى انشد وين نايم ووين هسه مستقر
هم تجي ابالك رقيه وتذكر اسياط الشمر

كلك اجروح. احسك
كلبك ينوح. احسك
عليك زينب والخدر. الياوكت ابقى انتضر
-؛؛؛؛؛**********************
اعليك مشي حسين ذاك ومنحره الشابع ضمه
اترحم اعليه يمهدي بداعت امك فاطمه
عبدك اني وارد اخدمك فخر شخصك اخدمه
انت يا سلطان روحي النصبك رب السمه

اندب اهوي. واريدك
تقبل ابهاي واريدك
خادمك اكظي العمر. الياوكت ابقى انتضر
؛*****************************
يا خلك فاطمه الزهره وحيل سبع الكنطره
ويا حزن طيحت رقيه وماتت ابشم منحره
مرني عازلك ابعيني اشلون دمعه امعتبره
مرنه عدنه ايتام فتحت عينه ابنص مكبره

كسر الايتام. يأذي
يشبه الجام يأذي
بالكلب يترك حفر. الياوكت ابقى انتظر
****************************
الشاعر
انور الجبوري

وداعا. وداعا. يافاطمه
وداعا. وداعا. يافاطمه
************************
ام الــــــوفه والـــعاطفه خالتنه بالحسره
الزهره هاي شوفتهه ماي واحنه ابطبع شجره
صوت اليتم مــــــا ينفهم يــــا فاطمه الزهره
فكدج يعز جـــــفج خبز حني عــــله الفقره
*************************
طير الفرح هسه انذبح من راحت البضعه
مثل الجمر عل الخد تمر من تنزل الدمعه
بوكت الظلام لمن ننام ما نشعل الشمعه
من فاطمه وجه الضوه مثل الكمر شعه
*************************
عدنه نقاش تيتم الــــفراش مـــــن تذبل الورده
شمحله الورد عطره يصد وضحكة ندى ابخده
وسفه وأسف كلشي اختلف صــــار العمر شده
راحت بــــعد طير السعد مـــــاظن بعد رده
*************************
كل الملك حـــــته الفلك وكـــــــل الخلق هايه
يــــا فاطمه بـــــاخر سمه سوولـــــــــــج اقرايه
ابـــحركه وهضم صــــار الطم حزنآ عـــــــله الايه
المصحف حزين وصوت الونين وصار البجي هوايه
************************
صوتج خلود وكل الوجود يبجي عله الزهره
حتــه الضلع صــب الدمع حته عـــلي ايعذره
والله صعب من تنضرب وعين الغدت حمره
بثمنطعش وسفه ابنعش بويه الــــكبر زغره
*************************
الشاعر
مصطفى البديري

ابلايه ماي
ياعلي ادفني. فشله من ابني. ابلايه ماي
ابني ياحامي الحمه
باجر ايكتله الضمه. ابلايه ماي
*****************************
لا تغسلني يحيدر واني روحي امعلعله
من اشوف الماي اشتم تدري ريحة كربله
بيدك تغسلني حيدر وانت جفي تسبله
كلي ابني حسين باجر ياهو يمه ايغسله

ما اريد
ياعلي اتغسل. وروحي تتبلل. ما اريد
لبني ناري مضرمه
باجر يكتله الضمه
*****************************
من اشوف الماي اني يكبر بكلبي الهظم
شلون اتغسل وابني منه باجر ينحرم
شد حبل بجفوفي حيدر كون يوصل للعظم
والكبر وسعه. عليه عندي كل ليله لطم

ياعلي
الكبر وسعه. الطم وانعه. ياعلي
بكبري انصب ماتمه
باجر ايكتله الضمه
*****************************
ياعلي الماي البجفك خله لطفوف الالم
باجر ايفيد العقيله اطفي بي نار الخيم
والرضيع الما يحصله حرمله يشربه سهم
وعل الشريعه الكمر طايح عل الجرف يرسم بلم

بلا جفوف
يرسم اماله. وفرحة اعياله. ابلا جفوفه
ويترس الجربه دمه
باجر ايكتله الضمه
*****************************
يا علي هين مصابي وي مصاب ابني تره
بس ظلع واحد تكسر ارجو منه المعذره
باجر ابكربله احسين اظلوعه كلهه مكسره
والشمر كدام زينب ويلي يكطع منحره

بالطفوف
ابني يتوذر. اظلوعه تتكسر. بالطفوف
خيلهم تسحك سمه
باجر ايكتله الضمه
*****************************
ابلا دفن خليني اموتن اني ام كلبي يحن
ارد اواسي احسين ابني ياعلي بنفس الحزن
شلون انام ابكبر اني شلون اغمضنه الجفن
وياعلي بدوس الحوافر ابني باجر يندفن

والخيول
باجر تسحكه. الحافر يمزكه. والخيول
كون انصاب بعمه
باجر ايكتله الضمه
*****************************
الشاعر
مصطفى البديري

قصيدة (شوغة اعمى)
للشاعر انور الجبوري

اخبرك خويه يحسين بدت توهه الرزيه
مثل خرسه اعلى عميان طحت وصياحي اديه
اسمعت صوت. اجه الموت
ابكسر ضلع الزجيه
*****************************
يا جرح بعيوني شفته ستر الله ودمه سايح
چن محطه وروحي تطلع من شوفن شخص رايح
ابجي سكته ودمعي شامت اشما اضمه الكاه طايح
الهيج الامي وجروحي بكل زوايه البيت صايح

حرك باب امي يحسين يوضح حرك الخيام
وطيحت دمعتك هاي اشوفن بيها الايتام
تون غاد. والارماد
ابكسر ضلع الزجيه
*****************************
اليعثر ابحزنه ودموعه ابهل وكت محد ينشده
خويه كوم ابداعت اختك ضلع امنه خل نشده
بلكي دمها اليجري خويه جفك الغالي يبرده
بس تراه ازغير جفك جبير جرح امنه اشيسده

يخويه بغترتك هاي نلف ضلع الحنينه
بلكت تهده وتنام وكلبهه ايكف ونينه
التعب بان. يقرأن
ابكسر ضلع الزجيه
****************************
الينضر امه اكباله تبجي يجرح احساسه الحرير
كوه اكوم وجدمي يرفض ما يطاوعني المسير
مدري اطفي النار خويه مدري الم بيكم شصير
مثل طير اتكصله جنحه وترجه من عنده يطير

اتدهون فكري واحتار كلبي خويه يحسين
شفت ضلع امي مكسور وجف مطبوعه عالعين
ويشتمون. ويضحكون
ابكسر ضلع الزجيه
*************************؛****
امي محد فازعلها خويه لا واحد اجاهه
بس اجت نيران يمها واللهب خويه چواهه
صاحت الفضه تعالي وقنفذ ابسوطه اعتناهه
بالوجه نار وضربه وحايط الدار ابراهه

حالة امنه يحسين شمعه مكباله الريح
ضربهه ابسوطه ملعون وشفتهه اتكوم وتطيح
الالم بات. الطفل مات
ابكسر ضلع الزجيه
********؛*********************
ابوكت الاغروب امي جانت تنطي للفقراهه عشاهه
هسه هاي المغربيه النذل ياوسفه ولاهه
اتكوم وتطيح ابئلمها وما شفت واحد حماهه
وسفه اشوفن زهرة الله طايحه وينزف دماهه

الكوثر هسه عالكاع تبجي وتذرف ادموع
چاا شمسويه يا ناس ويهشمون الاضلوع
تون ليش. وفرح جيش
ابكسر ضلع الزجيه
*****************************
الشاعر
انور الجبوري

قصيدة (يعسوب الصبر)
للشاعر الحبيب
السيد مرتضى الياسري


لسان حال مولاي امير المؤمنين (صلوات الله عليه)

شويه امن الصبر انطيته لأيوب
بس عگبچ يفرهد صبري الغروب
بسالفتي امن اريد ابدي
غيرچ فاطــمه شعندي
*****************************
وداع عيوني تقراه .. وإتعوفيني للـ اه
عسى بيه الالم وانتي عسنچ

عسى ماجاسچ الباب .. ولا بظلوعچ صواب
ولو عگبيش شتفيد العسنچ

روحي بلسم جروح .. اداوي جروحچ بروح
احس كلچ جرح شو صرتي چنچ

بطلي ولا تونين .. عليج عيون الحسين
اخذ كل حيلي يم حسين ونج

ذاك الحيل يم الـــحسن مــــادام
بعد مابيهه توگف لحضه الاجدام
يمچ حيلي مــــتبدي
غيرچ فاطمه شعندي
*****************************
ما اندلهه الدموع .. ولا دلالي مشلوع
گبلچ كل بچي ما مر خيالي

من دمعي ولا اشوف .. الحسره ابگد الطفوف
اليعض چفوفه ندمان اعله غالي

الفاگد دمعه مو عيب .. شوفي اتبلل الشيب
يكسر خاطر البسمار حالي

الرَحّى الهايمه بيچ .. مختنگه الشبابيچ
يازهره وراچ البيت خالي

ما كف الدمع من فوگ الخدود
سود عيوني بس عگبچ فلا سود
عيوني شابهن چبدي
غيرچ فاطمه شعندي
*****************************
جدامي صارن اثگال .. بعد مابيهه تنشال
إشيوگفه العنه طلعت غفله روحه

اليحچي الچلمه بحساس .. اليداوي علت الناس
منو يداويهه لو هاجت جروحه

چا شيصبر الروح .. وانظر زينب تنوح
وانظر للحسن يتعالى نوحه

منيدي اطشر الماي .. هاي جروحچ هواي
الوح العين بس ضلعچ شلوحه

اخاف ألچم يفاطم منچ جروح
وبهالحاله بيـــدي الچم الروح
روحي بكل جرح تحدي
غيرچ فاطمه شعندي
*****************************
گلبي إيسبح ااهات .. تحچي عيوني دمعات
بسمچ ماهدت لحضه النواظر

يومي يعدي بالويل .. شحچيلچ على الليل
باالف ياعلي يالله يصير باچر

انكسر خاطرهه الخدود .. تشبه كسرت العود
غيرچ ياهو يجبرهه الخواطر

هواي بگلبي حسرات .. احبس دمعي مرات
ومحد يفهم اوجاع اليكابر

يالفرگتچ موت وخوش تختار
تندل الــــجروح الكلش كبار
وجرح دموعي البخدي
غيرچ فاطمه شعندي
*****************************
ريت العمر ماطال .. الدنيه حجايه تنكال
سراب وماتدلي اعله الحقيقه

بترافه لمن احچيچ .. صديقة گلبي اسميچ
يعيش شلون اليفارگ صديقه

بعيوني انطفه النور .. ضلع الورده مكسور
وهالمره النده تيه طريقه

اعيش بخنگة البين .. حرام الغمض العين
حرام اعله النفس لو جر شهيقه

ابد مو من رضاتي اشتم الانفاس
كون ويـــه الضلع يتطبر الراس
چا المن اضل وحدي
غيرچ فاطمه شعندي
*****************************
وي كل هذا الونين .. مختلفه الموازين
واقع مـُبهم يسولف ألـَمنه

مني سافر البال .. بيه تغير الحال
بصفنت بالي وبلحضه انلچمنه

ليچ بدمعة العين .. صاحو لا تروحين
بس الصوت اجاني وينه عمنه

شو وي حرگت الباب .. من شمينه عطاب
زينب صاحت احترگت خيمنه

بعد لحضه يفاطم تغمض العين
شعندچ أشريتي لثوب الحسين
زيــــنب نـــادتچ ردي
غيرچ فاطمه شعندي
*****************************
احساس الشاعر
مرتضى الياسري

ثصيدة ( موطن الجروح)
للشاعر انور الجبوري

حرگ بابج ابكلبي يعيش وجروحچ احس بيه
واكره كلشي بي بسمار چي يتمله علويه
يا زهراء. يازهراء
*****************
ثكل بعيوني حتى الشوف مصابج عذب احوالي
يمولاتي الدمع مريود من اتفارك الغالي
ترس طولي جرح واهات ومحسن طايح كبالي
وضلع مكسور والبسمار حتى بحلمي يبرالي

يربي ارزقني اريد ادموع اواسي الزهره يوميه
******************
قليله اعليج اهل ادموع كون ابجيلج عيوني
من افارك اهلي ميدورون بالمجلس يعرفوني
وصل بيه العشك لحسين كون انسبي ويحدوني
والسوط اشتهي مرات اريده يشلع امتوني

كون اني وهلي وال اه بخرابة انبات ليليه
**************************
ترستينه كرم واخلاق يالدمعج ترس بابج
اريد ابضلعي چم بسمار واعيشن لحضة مصابج
واطيحن ماي فوك الكاع مثل ما طحتي بعتابج
وسطره ابخدي هم تنعاف ثواب لشوفة حجابج

وكون ابابي تنشب نار وجمره اتچوي رجليه
**************************
اشما الطم عليج ابنوح احس ابروحي صرت انسان
لا مو عاطفه من انعاچ يالموجوده بالوجدان
عايفلج كتر بالروح بي ضلعج صبح عنوان
عبد لسمج اريد اصبح عليج اوليدج العطشان

حتى اكبر بعين حسين واتذكر المسبيه
*************************
من الطم عليج ابنوح حكي اتذكر العصره
ما عندي طمع وياج اريد الحركه والعبره
وكالولي الينوح اعليج الله بجنته ايبشره
جنه ابلا مجالس هيج احسن بيها جن صحره

واجب الطم اني اعليج يالمتفضله اعليه
************************
الشاعر
انور الجبوري

لسان حال السيده زينب ع

انه اخت الاه. والويلاه. والدمعه
محتاره ابين. جسم حسين. والبضعه
اركض للباب مختنگه. اركض لحسين محترگه
****************************
الموقف بعيني يعيد. بين امي والشهيد
انه محتاره بقيت
امي طاحت بالمصاب. والحسين اعله التراب
المن اركض ما دريت

اخاف اركض عله الزهره ويحركوني
واخاف اركض عله احسين ويضربوني

انه ابلا حيل. بين الخيل. والزهره
اسمع بدموع. صوت اضلوع. متكسره
مابين الخيل والطبگه. اركض لحسين محترگه
*****************************
انظر اعله امي واصيح. مدري اوكف مدري اطيح
مابقت للدمعه عين
وانظر احسين واشوف. تاكل بجسمه السيوف.
باقي وحده ابلا معين

اشوف امي الزجيه شلون تتعذب
واشوف احسين اخوي شلون يتسلب

عل الزهره شلون. ويهجمون. يا ويلي
واحسين ابهاي. رايد ماي. يشكيلي
ابدمه ايشربوه ويشرگه. اركض لحسين محترگه
*****************************
تحملت هاي الجروح. عجبه ظلت عندي روح
ما متت والله عجيب
ابيا ذنب مطلوبه بيش. تحترك كدامي ليش
تستغيث امن يجيب

شلون اليحترك ناره يطفيهه
وفوكاهه النذل واكف يطك بيهه

توكف واطيح. امي تصيح. بالرضه
شيليني ابساع. عن الكاع. يافضه
موقف بالعين ماصدكه. اركض لحسين محترگه
*****************************
طفله من شفت العذاب. والحزن رافگني شاب
حته ملاني الصبر
واليشب اعله الدموع. يشيب بكسر الظلوع
ومن يطيح اعله الجمر

شنو السويته حته اتعذب ابعمري
اتيتم ابزغري وانسبي ابكبري

مطلوبه ابيش. ادري وليش. اتيتم
من خمس اعوام. بالالام. اتآلم
دنياي الاه بيهه الكه. اركض لحسين محتركه
*****************************
قارنت هل الركضتين. بين امي والحسين
الفرق وكفه اعله تل
الضرب امي وشتم. هوه حاركهه الخيم
والكتل نفس الكتل

يمه الخله عينج تنزف وحمره
نفسه الشد حبل بجفوفي يالزهره

الدافع بسمار. شب النار. بخيامي
والطك العين. ذبح حسين. كدامي
غمضت العين ومدنگه. اركض لحسين محتركه
*****************************
الشاعر
مصطفى البديري

قصيده ( كاروك اللحد)
للشاعر انور الجبوري

تكسر الخاطر زينب وتصيح
شمسوي محسن شو وكع ذبيح
من بطن امي للكبر
ما شاف كلشي من العمر
شمسوي محسن شو وكع ذبيح
***********؛*********
متحيره ومستغربه وبعيوني متخوصر جرح
چا شنهي ذنبه يا خلك خاطر المحسن ينذبح
هضيمه وجريمه كسرة الخاطر يا خلك
اذيتي وبليتي الباب عالزهره انطبك
بلاني زماني جف امي بالباب احترك

فوك الحرك بيها شفت جروح
والمحسن ابدمه وكع ينوح
طيحت ندى ابوكت الفجر
ما شاف كلشي من العمر
******؛****************
حتى الهوه ايفزز تره الفاكدله غالي يا بشر
واني الشده بالي وصحت المحسن اكبالي انعصر
نضرته وسمعته صاح او وكع فوك الثره
ييمه اشيلمه حيله النزف دم منحره
عصرني وكتلني بسمار المدافع تره

انعصر صدري وهيج الونين
الله يساعد صدرك الحسين
بصدره چم حفره وكسر
ما شاف كلشي من العمر
*********؛******************
شفت العجب محسن وكع مثل الندى ابحضن الورد
جسمه الترف يا ابو الحسن بالعصره كلش منمرد
هضمني وجرحني ابنص ضلمه شوطاح الضوه
عجيبه وعجيبه هوه الدوه ومات الدوه
الاصعب لمن طب بسماره نص جبد الهوه

جسم الطفل ما يحمل العذاب
جا ليش جسمه اتوسد التراب
ابلا ذنب مات البدر
ما شاف كلشي من العمر
**********************؛******
كلشي شفت بس ما شفت جنه وضلع منها انكسر
واني بعمر خمسه وشفت سوط وحرك باب اندفر
اعلى بابي عذابي اتوضح وشفته اندرس
ونضرته وعتبته ابدم امي يا ناس انترس
شفتها اعرفتها ابصدر الحسين اشكم فرس

باجر ابصدرك تسحك الخيول
وتركض اعليك وتندب البتول
ذبحو اوليدي اهل الغدر
ما شاف كلشي من العمر
********************؛*******
ادري اليموت ابهل وكت الوادم اتلحكه ابدفن
شو ولد فاطم يا خلك من ماتو انطحنو طحن
زمنهم غدرهم بالباب وبسم وسحك
والاصعب والارعب حرمهم ابنار وحرك
الازغار ابلهب نار تتجوه والشامت يطك

لو باب لو هيمه وتضيع
لو ينذبح منهم نحر رضيع
والكافر ابنحره يكر
ما شاف كلشي من العمر
**********************
الشاعر
انور الجبوري

على الدنيا العفا
بعد ام الوفا
فنورها انطفا
حسين حسين حسين
*********************
حسرة عاشت بالحياة وحسرة الفاكد الم
جانت تحب الحسين ابكثر ما كالت نعم
جانت تسوي خيام وتدخل وحافي الجدم
ومن تصير المغربيه تحرك اعليهه الخيم

فصبرها انقضا
وعمرها انقضا
وقلبها اكتفا
حسين حسين حسين
*********************
تسهر الليل بنياحه والصبح نفس الوضع
دوم توكف وره الباب تكول بلكت يندفع
هيه والشمعه سويه ثنينهن نفس الطبع
الشمعه تخلص وي دمعهه وهيه ما تخلص دمع

فدمعها بكا
اليه المشتكا
اما هذا كفا
حسين حسين حسين
*********************
العاشت ابنص المصيبه شلون تفرح يا خلك
شلون ترتاح بعمرهه والهه صيوان احترك
والهه واحد عل الشريعه او واحد ابخيل انسحك
وحرمه محتاره ويتامه وطفل بالنبله شهك

وصوط يضرب
لمتن زينب
ولكن بالخفا
حسين حسين حسين
*********************
ماتت بلوعة يتاني وماتت وياهه الهله
حته عزريل امن اجاهه تحير ابهل المسئله
دور اعله الروح بيده وين روح الفاضله
لگه روح ام النشامه دافنيهه ابكربله

فطفها وطن
لروحها سكن
الى ذاك الجفا
حسين حسين حسين
*********************
توضت اعليج الشريعه وصلت الوحشه شكر
والهوه ونسماته لجلج فاتحه يقره شكثر
والعمر ايامه تجري ويبجي لسنينج عمر
يالزرعتي شكد مواقف للابد يبقن حضر

كتبتي في السما
شعارات الدما
وما شخص نفا
حسين حسين حسين
*********************
الشاعر
مصطفى البديري

ماتت ام عباس بالهم نايحه
الفاتحه نقراهه يم الفاتحه
الفاتحه تسهيل امر .. وحشه أحِسن عالكبر
********************؛******
الفاتحه ام عباس هيه ام الكتاب
اشلون هسه الفاتحه يلمهه التراب
يا عذاب ابكلبي يا اكبر عذاب
من سمعت ام البنين ابهل مصاب

الله يرحم نعمة الله ام البنين
الكلشي ما باقي عليها من الونين
ربي زودها صبر .. وحشه أحِسن عالكبر
*****************؛**********
يهمل القرءان هالليله الدموع
و سورة الكوثر اجت شعلت شموع
ونزل جبرائيل وبوجهه خشوع
واجه حسين اعلى الكبر شايل ضلوع
گال هاي اضلوعي هيه الاذتج
يمه خليهن يسدن وحشتج
خذت خنصر منبتر .. وحشه أحِسن عالكبر
***************؛******
هناك لان صوت اعتلى من المشرعه
وابو فاضل اجه جثه امكطعه
مدري يومج مدري يوم الواقعه
وصار مجلس كلها ضلت سامعه
شافت اسرافيل شايل بيده صوور
وبيد جايب شمعه وياهه بخور
راد يكلبها حشر .. وحشه أحِسن عالكبر
************************؛
اجت حرمه وشايله ابجفهه سلام
وبوجهه امبين ارماد وغمام
من اجت محنيه تصرخ اا يشام
كالت ام عباس اشم ريحة خيام

اجت زينب تعثر ابهمهه وتنوح
لسه بيها من الضرب ضلت جروح
بيهه لوعات اليسر .. وحشه أحِسن عالكبر
************************؛**
بين هاي الفاجعه شفت الالم
اجت طفله ابجفها شاهدنه ورم
السوط من امتونها وصله ثلم
ركزت لانها رقيه وبيها دم

وابمتنها ادمايه وبجفهه حبل
باقي بيها اثار من سوط النذل
والتراجي بيا كتر .. وحشه أحِسن عالكبر
********؛*************
التمو وسوو عزه وصار الدمع
ااا يفكد الغاليه الما ينجرع
اليشوف الحاله كلش ينفجع
من كبرها ام الوفه الون ينسمع

ميته هيه لچن مشلوعة كلب
تكول سكنه ضلت ابنص الغرب
جيبو سكنه ابلا جمر .. وحشه أحِسن عالكبر


خادمكم انور الجبوري

اوصيكم واسمعوني يشيعه
احفرولي كبر يم الشريعه
حته اشبك الجفين واشتم ريحة احسين
*******************************
انه اوصيكم يشيعه ابهل الوصيه
بلكت ادفنوني بأرض الغاضريه
يم جسم عباس احفرو گبر اليه
حته من استاحش ايسير عليه

اذا استاحش ابگبري يجيني
بس شلون اذا يسمع ونيني
ما يرضالي الونين واشتم ريحة احسين
*******************************
يم جسم عباس اغمض عيني واغفه
حته من اختنك اشتم عطر جفه
هوا يعرفني شريد واني اعرفه
شكثر طيب كلبه اخوي وروحه ترفه

ابو فاضل حبيبي وكلشي بيه
كل مصباح جان ايبوس اديه
بس اعتب عله البين واشتم ريحة حسين
*******************************
يالتشيعوني بعد هم عندي طلبه
هناك يم جسم الكمر تلكون جربه
بيهه غسلوني لان بالماي غربه
الماي اذا مو من كفيلي ما احبه

ماي الشط غريب وما اريده
اريدن ماي اخوي الكطعو ايده
ماي النهر مو زين واشتم ريحة حسين
*******************************
من تجفنوني يشيعه ابساعة البين
لا تلقنوني لان موجود الحسين
اهو ايلقني اريد ابدمعة العين
وبيده يدفني ويصليلي ركعتين

صلاة الوحشه هوا ايصلي يمي
واريد الفاتحه تقراهه امي
وحيدر يدمع العين واشتم ريحة احسين
*******************************
وبعد اخر طلب عندي وهاي هيه
عله كبري اي اسم ماريد اليه
كتبو يا شيعه فقط كبر السبيه
ولا تحطون الورد تزعل رقيه

كون الي يزور ابهاي اوصي
الماي اعله كبري لا يبدي
نطلب مايكم دين واشتم ريحة احسين
*******************************
الشاعر
مصطفى البديري

قصيدة ( اخوتي)

جنت يمكم اسير يا ضوه اعيوني
اذا حلت منيتي هم تمروني
تمروني وتشوفوني انه ابيا حال يخواني
***************************
جنت يمكم اسير اني واهمومي
واظل ابجي لحد ما تنكع اهدومي
اكل لروحي فوك اكبورهم حومي
هذوله العذبوج وسلبو نومي

الم اجروحي يمكم يابعد روحي
واظل ابجي عليكم اني واجروحي
تعوفوني وتشوفوني انه ابيا حال يخواني
**************************
اشم اكبوركم بس مو عطر اشتم
اشم بترابكم دخان المخيم
اصلي اعليكم وبدموعي اتيمم
اخاف اتوضه والعباس يتالم

لان ماي الشريعه ايزيد الامي
وشفت كدامي طايح كافلي ضامي
ضوه اعيوني وتشوفوني انه ابيا حال يخواني
*****************************
احبكم يالمشيتو كلكم ابساعه
وقارب حزني يمكم يفتح اشراعه
المفارك يظل الصوت بسماعه
ولهسه اباذني صوت حسين واظلاعه

صوت حسين اخوي باذني ظل يفتر
سمعت شلون صوت اظلوعه تتكسر
يسمعوني وتشوفوني انه ابيا حال بخواني
*****************************
جنت يمكم اجي وافرشهن احزاني
اليضيعني يجي ابكربله يلكاني
جنت ادعي الاهي ابكلبي والساني
يلاهي كلش اشتاقيت لخواني

العمر ما يسوه لو مابي اخو يمي
من اهتم منو احجيله عن همي
عله اظنوني وتشوفوني انه ابيا حال يخواني
*****************************
اذا ما اوصللكم يا ضوه اعيوني
يعني عمري خلص يهلي اعذروني
مثل ما جنت اجيكم هم تحضروني
وحيده ابكبري يهلي لا تخلوني

اذا حلت منيتي وانتهه عمري
يخوتي بلكت تسيرون يم كبري
تزوروني وتشوفوني انه ابيا حال يخواني
***************************
الشاعر
مصطفى البديري