❓ Мактабдаги савол: Камолиддин, уй вазифаларидан қутулдингми?
❗️ Жавоб: Ўртоғимдан кўчириб олдим. Қутулдим.
❓ Институтдаги савол: Абдумўмин, имтиҳонни топшириб қутулдингми?
❗️ Жавоб:  Домланинг машинасини ювиб "уч" қўйдириб олдим. Қутулдим.
❓ Ишхонадаги савол:  Мулла Мирфаёз, ойлик олдингизми?
❗️ Жавоб:  Олдим. Битта тўрхалтани тўлдириб бозор қилдим. Қутулдим.
❓ Кўчадаги савол: Холиқбой ота, бола-чақалардан қутулганмисиз?
❗️ Жавоб: Худога шукур, тўрт ўғилни уйлантириб, етти қизни чиқардим. Қутулдим.
❓ Сўнгги савол: Ҳалим бува, қанисиз, қаердасиз?
❗️ Қабрдан овоз: Омонатимни топширдим болам, қутулдим.

Эркин ВОҲИДОВ,
"Улғайиш азоби"дан

⭕️ Каналга обуна бўлинг👇👇👇
https://t.me/mushtumjurnali

Юрт байроғини баланд кўтарган ўзбек қизи!

Германиянинг Геттинген шаҳрида немис тили бўйича дунёнинг 62 давлатидан Бутунжаҳон олимпиадаси бўлиб ўтди. Унда ҳамюртимиз андижонлик Райёна Иброҳимова мутлоқ ғолиб деб топилди.

Эслатма:☝️Тавба! Нега ҳеч ким, рўмолингни еч, Райёна, демади-я!..
Бўмапти немислар!

⭕️ Каналга обуна бўлинг 👇👇👇
https://t.me/mushtumjurnali

"МАШЕНИК"

Ҳажвия

Автобуснинг ичи тўла хотин-қизлар бўлганлиги сабабли ёнимдаги ўриндиққа ўтириб кетаётган 80 ёшли қўшни отахоннинг “армийский” сўкинишларидан бироз ҳижолат чекканлигим учун у кишидан:
– Отахон секинроқ сўкининг! Атроф тўла хотин-қизлар бўлса... Ўзи сизга нима бўлди? Нега бунча асабийсиз? – деб сўрадим. Отахон эса, мени ҳам авра-астаримни чиқариб, бир сидра сўкиб, хуморидан чиққанидан сўнг, озроқ ҳовуридан тушиб, шундай деб жавоб қайтарди:
– Болалигимдан қоронғуликдан қўрқаман! Қоронғу хонада бир дақиқа ҳам яшай олмайман! Ўзинг кўриб турибсан, қариман! Эрта-индин ўлишим ҳам бор гап! Қабрнинг ичи эса зим-зимистон бўлади, деб эшитганман! Шу сабабли қишлоғимиздаги мулладан: “Нима қилсам қабримнинг ичи ҳам уйимдаги “свет”дайин чароғон бўлади?” деб сўраганимда, у: “Аҳли илмларга кўп-кўп садақа қилинг! Шунда улар “Қабринг ичи нурга тўлсин!” деб дуо қилишади ва сиз қоронғуликда қолмайсиз”, деб маслаҳат берганди. Унинг шу гапидан сўнг мана салкам ўн йилдан бери ҳар ҳосилдан сўнг бир қўй сўйиб, ўша муллага едириб, дуосини оламан! Аммо, кеча бир ойга етадиган қилиб пул тўлаган бўлсам ҳам “свет”им ўчиб қолди! Бугун шуни аниқлаштириб олиш учун “Электросет”га борсам, ўша мулланинг она сути оғзидан кетмаган боласи менга қараб: “Отахон, “свет”нинг нархи ошди! Энди токни тежаб, кечалари “свет”ни ўчириб ухланг! Бўлмаса топган пулингизни светга тўлаганлигингиз учун охирги “Тўй”ингизга пул қолмайди! Сизнинг ёшингиздаги одамлар қоронғуликка мослашавергани маъқул! Барибир у ёқларда свет йўқ-ку!” дейди ярамас! Ўғлининг бу гапларидан сўнг энди отасининг олдига кетяпман! Унинг олдига бориб, дангал шарт қўяман: Ё ота-бола гапини бир жойдан чиқариб, келишиб ишласин, ёки 10 йил унга берган пулларимни қайтарсин! Қайтариб олган пулларимни “свет”га тўлайман!

Отахоннинг бу гапларидан кейин рангим докадек оқариб кетди! Чунки, мен ҳам бир вақтлар ундан: “Шоирга садақа қилсангиз ўлганингиздан кейин у шеърларига таърифини келтирган ҳуснга тенги йўқ ҳурлиқолар сиздан хабарлашиб туради”, деб пул олиб қўйгандим!

Абдулла ОМОН,
Термиз шаҳри

⭕️ Каналга обуна бўлинг👇👇👇
https://t.me/mushtumjurnali

⚡Нега ҳукумат амалдорлари оммавий равишда қимматбаҳо BYDларни сотиб олмоқда?

Жазирама бўлишига қарамасдан пул ҳақида ўқиш доимо қизиқ.

Шу вақтда эса Uzdiplomat мухбирларини бошқа бир ҳолат қийнамоқда. Ҳукуматдаги амалдорлар давлат бюджетини нега ўз ҳузур ҳаловати учун совурмоқда?

❓Қайси вазирлик ва давлат ташкилоти бизнинг бюджет пулларини қаерга совурди?

❗️Қизиқ бўлса шу каналга қўшилинг: 👉 @uzdiplomat

❗️Коррупцияни очиб берадиган Uzdiplomat'ни бошқаларга ҳам улашинг.

Каналга уланиш:➡️ https://t.me/uzdiplomat

САҲАРХАНДА

Иккита йигит кинотеатрда кино бошланишини кутиб ўтиришса, олди қаторда бир кал одам ўтирган экан, шунда қитмир дўсти шеригига:
— Кел, гаров ўйнаймиз! Анави кални бошига уриб келсанг, эллик минг бераман, — дебди.
Шериги ўйланиб туриб, рози бўлибди. Аста кални олдига бориб, бошига бир уриб:
— Салом Аҳмад! Қаерларда юрибсан? — деса, кални жаҳли чиқиб:
— Мен Аҳмад эмасман! Адаштириб юбордингиз, — дебди.
— Кечирасиз, худди Аҳмадга ўхшар экансиз, — деб жойига бориб ўтирибди. Бироздан сўнг ҳалиги шериги:
— Яна бориб бошига урсанг, юз минг бераман, — дебди. Шериги яна бориб кални бошига бир уриб:
— Салом Аҳмад! Сочимни олдирсам, танимайди деб ўйлаяпсанми?, — дебди. Кални яна жаҳли чиқиб:
— Акажон, мен Аҳмад эмасман, — деб бошқа жойга бориб ўтирибди. Яна бироз вақт ўтгач, ҳалиги йигит:
— Яна бориб бошига урсанг, икки юз минг сўм бераман, — дебди. Шериги кални олдига бориб, бошига бир уриб:
— Салом Аҳмад! Бу ердамидинг? Боядан буён нариги ёқда бир болани сенга ўхшатиб, бошига уриб юрибман, — дермиш.

* * *
Туристлар ўрмонда айланиб юрса, олдиларидан баҳайбат айиқ чиқиб, қувлаб кетибди. Қўрққанларидан қочиб кетаётган туристлар ўрмонда зиёфат қилиб ўтирган ўзбек йигитларини дастурхонини вайрон қилиб ўтиб кетишибди. Шунда ўзбеклардан бири уларнинг ортидан қувлаб кетибди. Ниҳоят етиб олиб, бир муштдан тушириб, қайтиб келса, бошқа ўзбек сўрабди:
— Қани улар?
— Уриб келдим.
— Ўзи нимадан қочишибди?
— Нимадан қочишганини билмадим-у, лекин анави аблаҳ жигарранг, катта шериги калтакка роса чидар экан-да!.. — дермиш.

➡️ Каналга обуна бўлинг 👇👇👇
https://t.me/mushtumjurnali

Беғубор табассум

Ўзбегимнинг буюклиги ҳам, соддалиги ҳам ўзига хос!..

➡️ Каналга обуна бўлинг 👇👇👇
https://t.me/mushtumjurnali

Қайга борса бошда калтак,
Ўзбегим, жон ўзбегим!..

➡️ Каналга обуна бўлинг 👇👇👇
https://t.me/mushtumjurnali

➡️ Каналга обуна бўлинг 👇👇👇
https://t.me/mushtumjurnali

САҲАРХАНДА

⚽️

1. Тўп эгасини топади.
2. Дарвозабон кўзини сузмаса, ҳужумчи гол урмайди.
3. Ҳакам битта гапиради.
4. Голни гол қиладиган ҳам ҳакам, гоҳида пул қиладиган ҳам ҳакам.
5. Гол урсанг роҳат топасан.
6. Етти ўлчаб тепгунча, тўпни олдириб қўясан.
7. Ҳужумчи ўзар, ҳимоячи тўзар.
8. Ҳужумчини югургани дарвозагача.
9. Ҳужум қилсанг, гол урасан.
10. Ҳужуминг 100 та бўлса ҳам оз, рақиб ҳужуми битта бўлса ҳам кўп.
11. Ҳакамга яқинлашсанг, карточкали бўласан.
12. Мураббий ҳужумчини майдонда синайди.
13. Олдин ўзингга ур, кейин рақибга.

* * *
— Доктор, ёрдам беринг! Тушимда нуқул сичқонлар футбол ўйнаб чиқишади. Ухлолмаяпман!
— Сизга дори ёзиб бераман, бугундан бошлаб ичасиз.
— Доктор, эртадан ичсам майлими?
— Нега?
— Бугун финал бўлади-да...

⭕️ Каналга обуна бўлинг👇👇👇
https://t.me/mushtumjurnali

КУН КАРИКАТУРАСИ

Рассом Фарруҳ ТЕШАЕВ

⭕️ Каналга обуна бўлинг 👇👇👇
https://t.me/mushtumjurnali

МАЖЛИС

Сиз мажлис қиласиз узундан узун,
Сўз олиб ўзингиз сўзга чиқасиз.
Худо жонингизга берсинда тўзим,
Бу кетишда аниқ юзга чиқасиз.

Биз кўзга тираймиз гугуртчўпларни,
Қулоққа тиқишга пахта излаймиз.
Мабодо бизга ҳам сўз тегиб қолса,
Сизнинг маърузангиз ҳақда сўзлаймиз.

Жаноб бошлиқ, ахир қандоқ қилайлик,
Сабрнинг косаси тўлиб бўлди-ку!
Бизга иш, сизга гап экан қулайлик,
Ишлар нима бўлса, бўлиб бўлди-ку.

Бир соат чайнадик битта мавзуни,
Барибир топмадик бир тугал ечим.
“Масала кўрилди”, деган ҳужжатга
Имзо чекмасликка етмади кучим.

“Кимда гап бор?”, — дейсиз мажлис сўнггида,
Айтгим келади-ю, айта олмайман.
Айтсам, куни бўйи мажлис бўлади,
Кейин уйимга ҳам қайта олмайман.

© Исломжон ҚЎЧҚОРОВ

⭕️ Каналга обуна бўлинг👇👇👇
https://t.me/mushtumjurnali