ــــــــــــــــــــــــــــــــــــــــــــــــــــــ
📜 القصيدة: يالمَاشي لبعيد
🎤 أداء:مُرتضىٰ حَرب
🖋 كلمات: مُسلم المطوري
ــــــــــــــــــــــــــــــــــــــــــــــــــــــ
يالماشي لبعيد عِليلة إلكم بالديار
عفتوها چَن بيت شَعر بي كضّت النَار
ــــــــــــــــــــــــــــــــــــــــــــــــــــــ
يا رَاچبن فوگ سَبّاگة الرِيح
خُذ لعَمامي وابويه حسين مرسال
گلّه العليلة تراها تگوم وتطيح
بفراگكم يَحسين مشدوهة البال
ــــــــــــــــــــــــــــــــــــــــــــــــــــــ
عِفت بالدَار عيني مغورجة دِموع
متعوّدة إعله عينك
كلما جاسها بحرورته الشُوگ
تصرخ بوية وينك
تطلبك دين ابوّة يَبن الأكرام
تعال ووفّي دينك
يَبو چف الطويل ب وَصل الارحام
لا تگصر يِمينك

يابلسم الرُوح تعال و دَاوي الجروح
العايفها بالدَار تريد وِياكم تروح
ــــــــــــــــــــــــــــــــــــــــــــــــــــــ
تتعب مِن تجي ساعات الغروب
يَبني الفرگه مُرّة
عليلة وحگها إذا تعتب يَمهيوب
فراگ الغالي كسرة
صوت وجسم مِن الهَجر متعوب
البُعد محدّ يگدره
وفوگ جفونها دَمعاتها تروب
وتنام بعين حَمره

بُعد الاهل موت ثجيل يِحز بالرگاب
يابو المداليل العليلة فراشها تراب
ــــــــــــــــــــــــــــــــــــــــــــــــــــــ
يمضيّج دِيار العِز يمسؤول
رِد و اخذ الامانة
خيول الهجر يم دِيارنه تِجول
تَعبنه مِن المتانه
لا حاظين بيك ولا إحنه ميتين
سَبي غيابك سِبانه
يَبو علوم الچبيرة الترفع الراس
فراگك شَيّبانه

خاف أعتب إعليك وأزعّلك وانتَ مَتعوب
حال العليلة بغيابك يِكسر گلوب
ــــــــــــــــــــــــــــــــــــــــــــــــــــــ
إعله دارك مِن يحط الطير احاچي
واگلّه شلون اهلنه
بلكت مار بيكم واسمع اخبار
عَن ذيچ المَحنّة
عساها ببخت طَف الشوؤم يحسين
رحتله وطَش شَملنه
لا مرسال مِنّك جاي وارتاح
ولا انتَ الراجع إلنه

ماراح احاچيك واجرحك خاف اأذيك
تدري العِليلة بغيابك بس تِهم بيك
ــــــــــــــــــــــــــــــــــــــــــــــــــــــ
إذا ماناوي ترجع وِدّي عَبّاس
يجي وحِملك يشيله
آنه ابقه بديارك ماجي وياه
بس إخذ العليلة
خاف تموت عِندي مِن بَچي الليل
عِتبكم مالي حيله
شگلكم قَصّرت وِياها لو اگول
مِتاناكم ثجيله

يالماخذ الحيل هَجركم سُوطه جَلّاد
بُعد الاهل نار توجّر حَدر الفاد
ــــــــــــــــــــــــــــــــــــــــــــــــــــــ
يمزوّد مَرضها بروحتك هاي
تعال الفَرگه تكتل
غاليتك ييُمّه تگوم وتطيح
كلما شاهدت إبل
لامقتنعه ما ترجع يَـسردال
ولا مقتعنه تِقبل
حرت مابين هاي وهاي يَحسين
ودَمعها عليك يِهمل

بُعد الأبو يريد گلب ما مَرّة مفجوع
عِفت العليلة گلبها إعليك مشلوع
ــــــــــــــــــــــــــــــــــــــــــــــــــــــ
@MurtazaHarb313

ماكو امل وهل كمل
الضعن وانه على الهوادج عيني
عاتبت شگد ردت .. واحد يركبني ويرضيني
من المرض تعبانه .. چاگولو امشي ويانه
تعوفوني محتارة ودمعاتي بعيوني
تمنعني احجي العبرة ..وكل محمل ابچي بكترة
مااگدر حته اوگف .. خلصانه شوفوني
ياهلي ماتعبكم ... تكفيني بس شوفتكم
ما اصعد بأي محمل انه امشي اخذوني
شيصبر ابنيتكم ... كلشي ولا فرگتكم
شلون اصبر لو طالت هل فركه حاچوني
دموعي تهون عليكم .. لاياهلي
كلكم محنه ادريكم .. لاياهلي
الموعد حان والزمن .. مالي مچان بالضعن لاياهلي


مو مالت اتعوفوني لاياهلي
اندارو علي شوفوني لاياهلي
هاي احنان گلبي حن مالي مچان بالضعن
لايـاهـلي
...........................................................

ياهلي ياهوالي .. وانه شيل الجدم مابي حيله
شنتضر احتضر .. گاعدة والفرگه چنهه اطويله
گلبي يريد احبابه .. هذا الفراگ اشجابه
وطشرنه وخلانه كلمن صار ابديره
صح مرضي ثگل جدمي .. بس چنتو كلكم يمي
شتحمل فرگاكم لو مرضي شهل حيرة
مابيه حيل الفرگه .. وگلبي الفراگ يحرگه
شوفولي حل يهلي محلفتكم بالغيرة
روحي تحب لمتكم .. صعبه انحرم من عدكم
لغز الفرگه يحير وين الگه تفسيره
مو هذا چان احسابي .. لاياهلي
اسئل واريد اجوابي .. لاياهلي
گبالي النوگ من حدن .. ومالي مچان بالضعن
لايـاهلـي


مو مالت اتعوفوني .. لاياهلي
اندارو علي شوفوني .. لاياهلي
هاي احنان گلبي حن .. مالي مچان بالضعن لايـاهـلي

...........................................................

معلعله ياهو اله ... گلبي المخلينه تلهب ناره
بدمعتي وحسرتي .. اگعد انشد عالضعن وخباره
تراب الدرب شميته .. ومن دمعتي ساجيته
بكل شهگه اتنفس يحبابي فرگتكم
ياهلي تعبتوني بهذا الجفه تموتوني
هل بينت برسومي يالرحتو عازتكم
اباب الدمع راح اگعد .. وانطر ضعنكم ونشد
عفتوهه من الوحشه ماتنطب ديرتكم
وين انتم بياديره .. حيرة جفاكم حيره
لا بيه متاناكم ولا بيه الأتبعكم
مو انتم التنسوني .. لاياهلي
يالتارسين عيوني .. لاياهلي
هموم الليل من اجن .. مالي مچان بالضعن
لايـاهـلي


مو مالت اتعوفوني .. لاياهلي
اندارو علي شوفوني .. لاياهلي
هاي احنان گلبي حن .. مالي مچان بالضعن لايـاهـلي
...........................................................

يادمع ينسمع .. وانه ضلت عندي بس ادموعي
هل حمل مو سهل .. وانه تعب المرض حاني اضلوعي
يهلي الهجر كاسرني .. عالفرگه شيصبرني
روحتكم خلتني مشتاگه وزعلانه
ها ياهلي شعطلكم .. ردو على بنيتكم
العفتوهه من الفرگه الماترحم تعبانه
الليل يبدي وتبدي .. تجرح ادموعي بخدي
لاتخلص دمعاتي ولا انه الخلصانه
بالي بقه من حيلي .. انطر نهاري وليلي
التارس گلبي وعيني ضل فارغ ديوانه
چنه تگرب موتي .. لاياهلي
ومايوصل الكم صوتي .. لاياهلي
واالحسراات ماگضن .. مالي مچان بالضعن لايـاهـلي


مو مالت اتعوفوني .. لاياهلي
اندارو علي شوفوني .. لاياهلي
هاي احنان گلبي حن .. مالي مچان بالضعن لايـاهلـي
...........................................................

ماغفن عيوني ذن .. ياهلي من اهد ماعفتوني
من النشد ينمرد .. گلبي لو عنكم خلك نشدوني
عليكم دليلي معود .. حگه اذا ماهود
رايدكم لجروحه المن عدكم ردوله
موو مالت افراگ انه .. ولا بيه حيل متانه
ماراح اتردولي يحبابي معقوله
يومي علي گوه يمر .. اگطع الضن لو اصبر
ودولي أي طارش وخل يسرع گلوله
لن بعد ما اتحمل .. گلبي الحنين اتعلعل
ماتگدر توصلكم بنيتكم معلولة
لو ما احسب بيكم .. لاياهلي
چا ما عتبت عليكم .. لاياهلي
العلوياات مو مشن .. مالي مچان بالضعن لايـاهلـي

مو مالت اتعوفوني .. لاياهلي
اندارو علي شوفوني .. لاياهلي
هاي احنان گلبي حن .. مالي مچان بالضعن لايـاهلـي
...........................................................

القصيـــدة : لا يـا هلـي
اداء : مـــرتضـئ حـرب
كلـمـات : مـــرتضـئ حـرب

يـمـه الـدمـع صـار دم بغـيابچ
وتاكل بالضلوع لوعة مصابچ

(بابچ يزهره بڪل گـلـب مشتعله ناره)
---------------------------
يـا عـطر ذيچ المحنه الغرب ومشتاگ اشمه
يمه مشتاگ لسماك الچانت معيشتني نجمه
ياحضن عگبچ بلمني ودمعي ياعين التفهمه
وسط ريـح الدنيا ڪلها ضايعه بلياچ نسمه

بڪل مغرب الروح يڪبر وجعها
وتـرسـم معانيچ عـيـنـي بـدمعها

(وگـلـبـي يـون بــفـرگـتـچ لـيـلـه ونهاره)
ــــــــــــــــــــــــــــــــــــ

عيني يوميه عله بابج تبجي وتوشل دمعها
تـزغـر الدنيا بصفنتي ويكبر بروحي وجعها
يادمع مشتاگه لامي تضمني يم حنية ضلعها
يمه زينب ورده چانت ومنجل فراگج گطعها

يمه الجرح صار بنص روحي ديره
وتـريـد الاحـبـاب جـروح الـچبيره

(وانه ادري بجروح الفگد مـا الها چـاره)
ـــــــــــــــــــــــــــــــــــــ

جروحي بفراگج جبيره وما قبل يبطل نزفها
ومـن تعـثرني الدنـيـا ماكو ام ينمدلي چفها
البنت اذا ينضك ڪلبها بس كلب امها يعرفها
امـهـا تـحـضـنـهـا بـمـحـنـه وبـعبـايتها تلمها

يـا يـمـه الفراگ هـادمـلـي حيلي
ومخـلـف الـمـوت لـچـمه بدليلي

(و زرعـج يـزهره يمـوتتچ ذبل خضاره)
ــــــــــــــــــــــــــــــــــــــــــ

باگ عافيتي ورمـانـي اه يـبـسـمار المصيبه
ندفعت الدنيا عله روحي بدفعة الباب العجيبه
والبنيه بـلايـه امها تعيش مهضومه وغريبه
تبچي وانـه ادري تشور دمعة الطاهر حليبه

عـالـدافـع الـبـاب ادعـي بدمعتي
ورب السماوات يـسـمـع حسرتي

(ورب العرش ڪسر الضلع يـاخذلي ثاره)
ـــــــــــــــــــــــــــــــــــ

من بعد دفنج ييمه كعدنه وسط البيت كعده
وعين ابوي الحمره صارت من تهل حيلي تهده
اسمـع يگلچ يزهره جرح فكدج بيش اشده
ياام حسن فارغ مجانچ دنيا عگبج ما تسده

ويحضنه ويـصـيح ويـن المحنه
ونـگــلـه الـتـراب فـرق شـمـلـنـه

(غـرب بـعـد لا مـا يـرد حـضـن الطهاره)
----------------------------

قصيدة: مسمار المصيبه
الرادود: مرتضى حرب
الشاعر: مصطفى حرب

نعزي صاحب العصر والزمان(عج)
ومراجع الدين العظام بذكرى استشهاد السيدة زينب (ع)

💔

(لا بجي يكفي ولا قصيدة
للمالها خوان وبعيده
سودا بوجهنه عله الوحيده)

(نعش مطروح محتار بمصابه
نعش ماصحله اهل لامن كرابه
مكتوب اعله راعيته التعب وظيم
بخرابه اتعيش وتموت بخرابه💔)

حد موتچ و تنتظرين ياروحي
يكتل متانه الميتين ياروحي

النظره الأخيره شگد بيها حيره
ياروحي
ــــــــــــــــــــــــــــــــــــــــــــــــــــــــــــــ
رحله و بدايتها تعب
و لحد نهايتها تعب

ياروحي شفتي شگد وجع
و لموتچ أكثر من سبب

گبالي شفت كسر الضلع
و ثوب أخوتي گبالي أنسلب

يا ليل مر بلا دمع؟
ويا صبح من عمري أنحسب

عطشانه ضلّت لعيون ياروحي
والفرگه بالموت تهون ياروحي

تريدلها غيره النظره الأخيره
ياروحي ..(٢)
ــــــــــــــــــــــــــــــــــــــــــــــــــــــــــــــ
يتعنى لسنيني الحزن
عنوة التايه عالضوه

و ضل يكبر وياي الجرح
لا لگه أضماد ولا دوه

عرفت العمر يگضي تعب
من چفّي باللباب أنچوه

من رَف على ظعوني العلم
حسيت ما نبقى سوه

خطواتي وي ظعن الموت ياروحي
رسمن علي بصف تابوت ياروحي

يدور عشيره النظره الأخيره
ياروحي ..(٢)
ــــــــــــــــــــــــــــــــــــــــــــــــــــــــــــــ
يم كل فَيّ أتخيل هَلي
وألتفت ما ألگه أهل

و أحلم يجوني بغربتي
و لا حلم بأحلامي كمل

لخاطرهم مطيحه العتب
و ماحاچي گلبي شما سأل

زعلتني فرگتكم هَلَي
فزعولي خيطيح الزعل!

لو چلمه ينگلها الريح ياروحي
كل التعب ذاك يطيح ياروحي

تحدد مصيره النظره الأخيره
ياروحي ..(٢)
ــــــــــــــــــــــــــــــــــــــــــــــــــــــــــــــ
عيوني فتحتها على الهظم
و جفوني دوم مبلله

بس چانوا وياي أخوتي
بنص الحزن و مدلله

ضيّعني ياروحي الوكت
و خلُّصت عمري " كربله "

ياروحي مو حتى الشجر
" يموت أذا ما يلگه أهله "

بدرب الملح أمشي جروح ياروحي
الما له أهل وين يروح ياروحي

حسره چبيره النظره الأخيره
ياروحي ..(٢)
ــــــــــــــــــــــــــــــــــــــــــــــــــــــــــــــ
ما أَنصَف وياي الزمن
خلّاني مايل معصبي

غير آنه دُرّة فاطمه؟
غير آنه ناموس العبي؟

شلون أصعد بـ نوگ الغُرب؟
وآنه شرف كل طالبي

ياروحي موت آنه أشبعت
ميته منهد أول سبي

و رَد بيّه وكتي للشام ياروحي
هنا عشت أصعب أيام ياروحي

و كتبت أسيره النظره الأخيره
ياروحي ..(٢)
ــــــــــــــــــــــــــــــــــــــــــــــــــــــــــــــ
يخنگني بالشام الهوى
بي ما أشم نسمه لهَلَي

ولا أَسمع حجاية أُخو
" يابعد أخوچ أتدللي "

واگف على راسي الأجل
ما يمي أخت لطمت إلي!!

من صوتي شح ، صاح الگلب
يا حيرتك عمّه علي

بهذا العمر شتگولين ياروحي
شيضل باليعوفه حسين ياروحي

تحچي المسيره النظره الأخيره
ياروحي ..(٢)
ــــــــــــــــــــــــــــــــــــــــــــــــــــــــــــــ
- ياروحي
الرادود والشاعر | مرتضى حرب
الكاتب | الميرزا محمد المياحي

الخوة محتاجة الخوة
و متون التسوة يم تابوتي

صعبه ينشال بغربة
ولا واحد بيكم يحضر موتي
ــــــــــــــــــــــــــــــــــــــــــــــــــــــــــــــ
گبل چنه و چنت يمكم
تسوة الدنيا لمتكم
و گبل لا أفتح عيوني
أفك ريجي بسوالفكم

الشام أخذتني من عندكم
أعذروني من أعاتبكم
تدرون بگلب زينب
بگد ما أحبكم أعذركم

حنيّن ورايدله امچيّن
گلبي ويَّ أعزازه ها ياخوتي

صعبه ينشال بغربة
ولا واحد بيكم يحضر موتي ..(٢)
ــــــــــــــــــــــــــــــــــــــــــــــــــــــــــــــ
حلاة موادع الخوه
چتف يشبگ چتف يسوه
يحضنه لحد طلاع الروح
بس يهدّه بالگوه

تمنيت بحلم ضايع
نتشابگ بالموادع
و ما نتفارگ لحد ما
ردنّنا من الدمع ناگع

بيكم شگد أعاتب بيكم
مبحوح عليكم گلبي و صوتي

صعبه ينشال بغربة
ولا واحد بيكم يحضر موتي ..(٢)
ــــــــــــــــــــــــــــــــــــــــــــــــــــــــــــــ
اليضل يتاني بالغربة
يجيله الشخص اليحبه
يضل يتلفت ويندار
لما يوگف نبض گلبه

يهلي آنه شكثر تانيت
و كلساع للطف أنداريت
گضت روحي بأجوا ما أجوا؟
لحد ما للگبر طبيت

أنعاني و شگد نتاني
و تلاگن بيه كسري و قوتي

صعبه ينشال بغربة
ولا واحد بيكم يحضر موتي ..(٢)
ــــــــــــــــــــــــــــــــــــــــــــــــــــــــــــــ
يخوّاني لَوَن تدرون
عگبكم حالي صار شلون؟
الدنيا و ناگتي و نعشي
كلهن مالن ويَّ أُم عون

صحت بآخر نفس مخنوگ
لا تمرونّه نعشي بسوگ
ولا يهتز گفى التابوت
و يذكرني بطريق النوگ

أرجف لسه من الموقف
من صاح الحادي زينب فوتي

صعبه ينشال بغربة
ولا واحد بيكم يحضر موتي ..(٢)
ــــــــــــــــــــــــــــــــــــــــــــــــــــــــــــــ
وحگ كل شوغه إلي بدربي
وداعت حيرتي و تعبي
عشر أخيام محترگات
ماتوصل جمر گلبي

زينب غيرة أخوتها
تموت بلا عشيرتها
والطف والسبي والشام
تلگونه بعبايتها

روحي يمهم ياروحي
سمعيهم نوحي وهذا سكوتي

صعبه ينشال بغربة
ولا واحد بيكم يحضر موتي ..(٢)
ــــــــــــــــــــــــــــــــــــــــــــــــــــــــــــــ
- محتاجة الخوة
الرادود | مرتضى حرب
الشاعر | حسين حازم البوشي
الكاتب | الميرزا محمد المياحي

القصيدة :: سمعني صوتك
الرادود :: مرتضى حرب
الشاعر :: مصطفى حرب
ــــــــــــــــــــــــــــــــــــــــــــــــــــــــــ
يعباس الخبر ماريد اسمعه
خبر موتك يكض گلبي ويشلعه
ويخليني الچفن مابيه ارفعه
ويطيحني اعله خد الضيم دمعه

اريد اتاكد وماگدر امشي
حيره وصار ضلمه بعيني كلشي
خاف اتعنه واسمع طاحت الرايه
تكسر ضهر اخيك هاي الحچايه


اذا بعدك عدل سمعني صوتك
ماريد اسمع من عداك موتك
اذا حسبو طاح وطشرو مايه
تكسر ضهر اخيك هاي الحچايه
ـــــــــــــــــــــــــــــــــــــــــــــــــــــــــ
بس حچيلي ياهو يسد مكانك
وامان منين احصل مثل امانك
ارجع وترس خيمنه بحنانك
يلذة چلمة الخويه بالسانك

المثلي ويسمع بطيحة عضيده
ياهو اليلومه اذا كض گلبه بيده
طحت يحزام اخوك وحيله وفيايه
تكسر ضهر اخيك هاي الحچايه


اذا بعدك عدل سمعني صوتك
ماريد اعرف من اعداك موتك
اذا حسبو طاح وطشرو مايه
تكسر ضهر اخيك هاي الحچايه
ـــــــــــــــــــــــــــــــــــــــــــــــــــــــــ
سمعت وصار كلشي بعيني غربه
ووسدني الخبر سيف اعلى رگبه
النهر صار اعلى اخوك شبعده دربه
وصفت نگلت اجدامي اعليك صعبه

النهر عن الخيم عباس شمره
بس تثگل اجدامه الخالي ضهره
چفك چان خويه الضهري تچايه
تكسر ضهر اخيك هاي الحچايه


اذا بعدك عدل سمعني صوتك
ماريد اعرف من اعداك موتك
اذا حسبو طاح وطشرو مايه
تكسر ضهر اخيك هاي الحچايه
ـــــــــــــــــــــــــــــــــــــــــــــــــــــــــ
ومشيت بنگلت اجدامي الثجيله
گلت من اوصل بروحي انحنيله
احلف الگمر بدموع العليله
واگله ارجع فراگك مالي حيله

وبلكي الگاه عدل وياي اجيبه
ووگفه بخيمة الضلت غريبه
يالواگف گبال حسينك مرايه
تكسر ضهر اخيك هاي الحچايه


اذا بعدك عدل سمعني صوتك
ماريد اعرف من اعداك موتك
اذا حسبو طاح وطشرو مايه
تكسر ضهر اخيك هاي الحچايه
ـــــــــــــــــــــــــــــــــــــــــــــــــــــــــ
يعين الخوه عباس وكحلهه
من ارجع منك الزينب شگلهه
موبس خيمتك ينجر حبلهه
بخبر موتك تطيح خيامي كلهه

متعودين نلتم وانته يمنه
اخلافك تدخل النار الخيمنه
وانه چفوفي من دمك محنايه
تكسر ضهر اخيك هاي الحچايه


اذا بعدك عدل سمعني صوتك
ماريد اعرف من اعداك موتك
اذا حسبو طاح وطشرو مايه
تكسر ضهر اخيك هاي الحچايه
ــــــــــــــــــــــــــــــــــــــــــــــــــــــــــ
الكاتب
كرار جواد

انا لله وانا اليه راجعون

الإمام الخامنئي سّْهيداً 💔

على حب امير المؤمنين (ع)

القصيدة :: يالغايب انه زينبك
الرادود :: مرتضى حرب
الشاعر :: أحمد اللامي
ـــــــــــــــــــــــــــــــــــــــــــــــــــــــــــــــ
يالشايل بگلبك عمر جمرة عذابي
ماجاي اذكرك ادري عايش وي مصابي
ولاتگلي ياعمه اعتذر طول غيابي
ياعمه من دمعك يصب يكفي لجوابي


بس انه اريدك تگعد ونبچي سويه
وتسولف ونحچي قصص عالغاضريه
لجدك نسوي مجلس ومدمعنه جاري


منتضره وانه ياگلب مثل انتضاري
يالغايب انه زينبك شيطفي ناري
ماغيرك من اهلي بقه يرد اعتباري
ـــــــــــــــــــــــــــــــــــــــــــــــــــــــــــــــ
انه ادري تسالني شعجب يثكل كلامي
وينگطع نفسي بالحچي من اذكر خيامي
هاك اخذ واشتم معصبي وافهم مرامي
الدخان تارس هدمي من راح المحامي

تسالني اگلك اي صدگ داسو ثنيتي
لهاساعه دخان الخيم خانگلي ريتي
مجبوره اثگل بالحچي مو بختياري


منتضره وانه ياگلب مثل انتضاري
يالغايب انه زينبك شيطفي ناري
ماغيرك من اهلي بقه يرد اعتباري
ـــــــــــــــــــــــــــــــــــــــــــــــــــــــــــــــ
موتدري عمه بياگلب ودعت اخوتي
والنار اجتني لخيمتي وكسرت سكوتي
اتنخيت اخوتي والغرب سمعو شكوتي
سمعوني وانه الماطلع ياعمه صوتي

مادري چاعفت الخيم تحرگني عمه
من يعرف بصوتي انسمع عباس الچمه
اي عمه صوتي من طلع بان انكساري


منتضره وانه ياگلب مثل انتضاري
يالغايب انه زينبك شيطفي ناري
ماغيرك من اهلي بقه يرد اعتباري

ـــــــــــــــــــــــــــــــــــــــــــــــــــــــــــــــ
منها ورحت يبن الحسن صوب الشريعه
اتذكر ابن امي طلب ماي لرضيعه
فرغت جود الماسلم من چف گطيعه
وشميت ريحت كافلي وهاي الفجيعه

حسيت بعيون الگمر تحرس مشيتي
ويگلي ليش من الخيم وحدچ اجيتي
مايدري راحو كل هلي وحرگولي داري



منتضره وانه ياگلب مثل انتضاري
يالغايب انه زينبك شيطفي ناري
ماغيرك من اهلي بقه يرد اعتباري
ـــــــــــــــــــــــــــــــــــــــــــــــــــــــــــــــ
منتضره انه وعالصبر گلبي اغصبه
لدرب السبي اهتم وتجي ثاري تطلبه
تلگاني امشي عالهزل وتحفني غربه
ابلا كافل الممشه هضم عالمثلي صعبه

موانه ياعمه الذي يبين مشيها
تانيت تتبع ضعن زينب تجيها
منتضره اشوفن رايتك ويقر وقاري



منتضره وانه ياگلب مثل انتضاري
يالغايب انه زينبك شيطفي ناري
ماغيرك من اهلي بقه يرد اعتباري
ـــــــــــــــــــــــــــــــــــــــــــــــــــــــــــــــ
الكاتب
كرار جواد

القصيدة :: سر النجاة
الرادود :: مرتضى حرب
الشاعر :: حسين حازم البوشي
ـــــــــــــــــــــــــــــــــــــــــــــــــــــــــــــــ
احلى اسم موجود بالكون
اسمك علي حرز اليحبون
ياابو اتراب واحلى الالقاب
وصار التراب اغلى من العيون

يهل اتى مثلك رجل يمشرف الكعبة
قلنا اسجدو لادم تره چي نورك بصلبه
يادر يمضهر يابدر يمسهل الصعبه
المؤمن فقط هذا الذي حبك ترس گلبه

من ادخل ضريحك سيدي الگه الامان
والگه على شباچك علي غيمة حنان
عطرك للريه هوه دخيلك شباچك دوه


سر النجاة سر النجاة
الله ياحبك علي سر النجاة
ياعشگ اهلنه الاولي ومعنى الحياة
دخيلك محراب الضوه
دخيلك شباچك دوه
سر النجاة سر النجاة ـــــــــــــــــــــــــــــــــــــــــــــــــــــــــــــــ
انته علي للشده مذخور
انته علي يانور من نور
انته علي القبل الخلق چان
اسمه على ساگ العرش محفور

ياخل يمذهل يامذل ياكل عجايبها
الدنيا عين شما علت تبقى انته حاجبها
حتى الشمس بيدك علي اجرها لمغاربها
يمسير الدنيا علي وداير كواكبها

منو مثلك بهذا البشر كفؤ البتول
ومن مثلك بكل الزمن روح الرسول
سرك واسراره سوه دخيلك شباچك دوه


سر النجاة سر النجاة
الله ياحبك علي سر النجاة
ياعشگ اهلنه الاولي ومعنى الحياة
دخيلك محراب الضوه
دخيلك شباچك دوه
سر النجاة سر النجاة ـــــــــــــــــــــــــــــــــــــــــــــــــــــــــــــــ
الله يشباچك يبو حسين
نركض علي عدلين ميتين
تشيعنه الك من قبل الاصلاب
من چنه بين الماي والطين

ياشيخنه وشيخ النجف خيرك ترس عيني
يحرگني شوگ زيارتك وبابك يطفيني
ماحس حواجز سيدي مابينك وبيني
احچي البخاطر خاطري وعطفك يحاچيني

يابحة امي البشدد تتنخه بيك
بالريج توگف ياعلي وتحلها اديك
تنطي الگلب شمانوه دخيلك شباچك دوه


سر النجاة سر النجاة
الله ياحبك علي سر النجاة
ياعشگ اهلنه الاولي ومعنى الحياة
دخيلك محراب الضوه
دخيلك شباچك دوه
سر النجاة سر النجاة ـــــــــــــــــــــــــــــــــــــــــــــــــــــــــــــــ
مثل الضوه اليعبر من البوب
هيچ انته من تمر للگلوب
مثل المطر من يغسل الگاع
حبك علي يغسل بالذنوب

طير اعله شباچك اجت روحي بمدامعها
والشده يمك ياعلي متحلها تقلعها
الوادم تجي الصحنك لان بس انته تسمعها
بس انته للفقره ابو وتسمع مواجعها

من اقصى كلمات العشگ تحچي العيون
الحكمه بالحب تلغي ويبقى الجنون
جنوني بهذا المستوه دخيلك شباچك دوه


سر النجاة سر النجاة
الله ياحبك علي سر النجاة
ياعشگ اهلنه الاولي ومعنى الحياة
دخيلك محراب الضوه
دخيلك شباچك دوه
سر النجاة سر النجاة ـــــــــــــــــــــــــــــــــــــــــــــــــــــــــــــــ
بين اليعبدك واليبغضوك
ومابين ناس الماينصفوك
تبقى انته عل التاريخ تاريخ
مثل الشمس خلهم ينكروك

مالي للناس ان حچو اوحاولو ذمي
حبيتك انه واعرفت طاهر حليب امي
حبك يقيس النه الشرف مصيون لووهمي
واليتك وصار الشرف يسري بوصط دمي

سبحان من اسره بنا لبابك عبيد
مدللنه صحنك ياعلي ينطي شنريد
بحبك دلالي ارتوه دخيلك شباچك دوه


سر النجاة سر النجاة
الله ياحبك علي سر النجاة
ياعشگ اهلنه الاولي ومعنى الحياة
دخيلك محراب الضوه
دخيلك شباچك دوه
سر النجاة سر النجاة ـــــــــــــــــــــــــــــــــــــــــــــــــــــــــــــــ
الكاتب
كرار جواد

القصيدة: وكفة الياس
الرادود: مرتضى حرب
الشاعر: مصطفى حرب
-------------
رحت امشي واعثر للنهر
من اسمعت طاح الكمر
امشي ودمعتي تسولف وياي
عالماي طايح اليشبه الماي
-----------------
جيت ادور.... جف يشور
كافل اخت مدلله
كضه وكته.... يفي لخته
من المدينه لكربلا

شما اشوفن دم ادنك والكه ايدك
تنزف ومستحيه من بوسة عضيدك
والكه كاتب عالتراب بدم وريدك
اعتذار لزينب التصيح اريدك

الجفك الثاني من وصلت
بدمه شكثر خوه شفت
شميته كتله شلون طايح
احشمن من يصير صايح
ياجف يرد عنه الخطر
----------------
خطوة خطوة.... امشي كوة
بين جفك والجسد
راح حيلي.... ياخليلي
من علي طولك بعد

بين جفك والجسد جم مره عاثر
بهل مسافه تعلمت كضه الخواصر
خطوه خطوه تقربتلك وانه حاير
شفتك وصارت الدنيا بعيني حافر

عباس محتاجك زند
يفتر بحوده على الورد
والعطش يكتل وكفة الياس
لو مايمر جودك يعباس
صيت الضمه بصيتك كبر
----------------
جيتك امشي.... وعفت كلشي
بالخيام ايتاني
صوت زينب.... بذني جلب
طاح زود اخواني

يلي ماتعرف تطيح شلون طايح الكاع اجتك لو جنت للكاع رايح
خويه تدري شكد وراك احاه صايح
عليك ماكد بالخيم صارت نوايح

رجفت خيمنه بطيحتك
وطحنه وياطيحه خيمتك
يالجنت ملتف فوكنه احزام
بيا حضن تغفه الخوه وتنام
يستفحل عليهه السهر
-----------------
من وصلته.... كوه شفته
طفه بفكدك شوفي
ردت اشمك.... الزمت هدمك
مله الدم جفوفي

الطرف هدمك ليش دمك خويه واصل
وجهك الينكط عوافي شلون ذابل
هذا مو وجهك يخويه لون السنابل
السهم عايل لو بعينك ضيف نازل

السهم بعيونك طمع
شاف الجمال وماطلع
وانه اريد اشوفن لون عيناك
حتى اخل عيني تسولف وياك
نشبع سوالف بالنظر
-----------------
كوه اجيتك.... ومن لكيتك
ايدي سدت عيني
يابوفاضل.... ليش ذابل
ياجمال سنيني

ياخويه هضمتني كلمتك من كلتها
يهل فارس من كلت روحي مردتها
السهم ما خلاك تعرفني بوكتها
وكتلك اني حسين والعين افتحتها

عينك لمن صدت علي
هذني الجمال البلصبي
شنهي الحمال الشالته العين تارس عيونك عشك الحسين
من غمضت عمري كصر