МУҲАММАД ИСМЛИ БОЛАНИ СЎКСА ИМОНДАН ЧИҚАДИМИ?
#исм_қўйиш

❓CАВОЛ: Муҳаммад исми ҳакида маъруза қилганда бир домла: "Ким "Муҳаммад" исмли болани сўкса имондан чиқади ва никоҳи бузилади", — дедилар. Муҳаммад исмига яна бир исм қўшиб қўйилган бўлса ҳам шундай бўладими?

💬 ЖАВОБ: Бисмиллаҳир Роҳманир Роҳим.
"Муҳаммад" исми пайғамбаримиз соллаллоҳу алайҳи васалламнинг исмлари экани маълум ва машҳур. Агар бу исмни бирор инсонга қўйилса, ўша инсоннинг исми ҳисобланади. Бу инсонни чақирилса ёки исми айтилса, унга саловат айтиш каби Расулуллоҳ соллаллоҳу алайҳи васалламга оид ҳукмлар қилинмайди.

Саволда сўралган нарса ҳам мана шундан келиб чиқади. Агар Муҳаммад исмини айтиб Расулуллоҳ соллаллоҳу алайҳи васалламни назарда тутиб сўкса, бу шаксиз диндан чиқади. Бироқ шу исмли болани сўкиши билан бу ҳукм собит бўлмайди. Чунки ота болани тарбиялаши учун айрим ҳолатда қаттиққўллик қилишига тўғри келади. Бироқ бундай номдаги инсонга шу исм қўйилса, унга эҳтиром қилиши афзал саналади. Уни қисқартириб, ёки бошқача қилиб айтиши мумкин эмас. Пайғамбаримиз соллаллоҳу алайҳи васаллам ҳадиси шарифларидан бирида:

مُرُوا الصَّبِيَّ بِالصَّلَاةِ إِذَا بَلَغَ سَبْعَ سِنِينَ، وَإِذَا بَلَغَ عَشْرَ سِنِينَ فَاضْرِبُوهُ عَلَيْهَا (رَوَاهُ أَبُو دَاوُدَ وَأَحْمَدُ وَالتِّرْمِذِيُّ).

"Бола етти ёшга етганда уни намозга буюринглар. Ўн ёшга етса, намозни тарк этгани учун уринглар", — деганлар. (Имом Абу Довуд, Имом Аҳмад ва Имом Термизийлар ривоят қилишган).

Ушбу ҳадисда ҳам Расулуллоҳ соллаллоҳу алайҳи васаллам "Муҳаммад" исмли болани мустасно қилиб "уни урманглар" деб айтмаганлар. Валлоҳу аълам.

@MUOZIBNJABAL_UZ каналига уланиш ⤵️
https://t.me/joinchat/mNPnPRxynodiNzEyar

АСР НАМОЗИНИ КЕЧИКТИРМАСЛИК
#намоз

❓825-CАВОЛ: Aср намозни бир дақиқа ҳам ўтказиб бўлмайдими?

💬 ЖАВОБ: Бисмиллаҳир Роҳманир Роҳим.
Бошқа амалларни узр билан кечиктириш мумкин, аммо намозни бутунлай тарк қилиш ёки ўз вақтидан кечиктиришга ўлим ва бехушликдан бошқа узр йўқ.
Аср намози борасида Аллоҳ таоло:

حَافِظُوا عَلَى الصَّلَوَاتِ وَالصَّلَاةِ الْوُسْطَى وَقُومُوا لِلَّهِ قَانِتِينَ

“Намозларни, ўрта намозни муҳофаза қилинг ва Аллоҳга тоат ила қоим бўлинг”, — дея буюрган (Бақара сураси, 238-оят).

Намозни муҳофаза қилиш бу доимо ўз вақтида адо этиш деганидир. Кўпчилик уламолар, ояти каримдаги "ўрта намоз"дан мурод — Аср намозидир, деганлар. Абдуллоҳ ибн Умар разияллоҳу анҳумодан ривоят қилинган ҳадисда Пайғамбаримиз соллаллоҳу алайҳи васаллам:

"الَّذِى تَفُوتُهُ صَلاَةُ الْعَصْرِ كَأَنَّمَا وُتِرَ أَهْلَهُ وَمَالَهُ" (رَوَاهُ الْبُخَارِىُّ).

“Аср намозини ўтказиб юборган одам оиласидан, бойлигидан айрилган киши кабидир”, — деганлар. Яъни, аср намозини узрсиз ўқимаган одам оила аъзоларидан, мол-мулкидан айрилиб қолганга ўхшайди.

Аслида ҳар қандай намозни ҳам вақтидан кечиктириш мумкин эмас. Аммо юқоридагилардан аср намозига яна ҳам аҳамиятли бўлиш зарурлиги келиб чиқяпти. Чунки бошқа ҳадисда аср намозини қазо қилганни амаллари ҳабата бўлибди, дейилган. Валлоҳу аълам.

Ўзбекистон мусулмонлари идораси
Фатво ҳайъати.

@MUOZIBNJABAL_UZ каналига уланиш ⤵️
https://t.me/joinchat/mNPnPRxynodiNzEyar

УКОЛ ОЛГАНДАН КЕЙИН ТАҲОРАТ ҚИЛИШ
#қисқа_савол_жавоблар

❓CАВОЛ: Укол олган киши қайта таҳорат қилиши керакми?

💬 ЖАВОБ: Бисмиллаҳир Роҳманир Роҳим.
Маълумки, бадандан қон чиқиши билан таҳорат бузилади. Укол олганда одатда игна санчилган жойдан оз бўлсада қон чиқади. Шунинг учун эҳтиёт юзасидан укол олгандан кейин намоз учун алоҳида таҳорат олиш мақсадга мувофиқ саналади. Валлоҳу аълам.

Ўзбекистон мусулмонлари идораси
Фатво ҳайъати.


@MUOZIBNJABAL_UZ каналига уланиш ⤵️
https://t.me/joinchat/mNPnPRxynodiNzEyar

#БИЛАСИЗМИ?

«Фотиха» сураси ➖ АЛЛОҲнинг қаҳридан сақлайди ...

«Ясин» сураси ➖ Охиратда чанқоғингизни қондиради ...

«Воқеа» сураси ➖ Камбағалликдан, очликдан сақлайди ...

«Мулк» сураси ➖ Қабр азобидан сақлайди ...

«Кафирун» сураси ➖ Жон таслим қилаётганда куфрдан сақлайди ...

«Ихлос» сураси ➖ Иккиюзламачи, ёмонлардан сақлайди ...

«Фалақ» сураси ➖ Кулфатдан сақлайди ...

«Нас» сураси ➖ Ёмон ҳаёллардан сақлайди ...

«Юсуф» сураси➖ Юрак сиқилиши, мазлумлик, ғам қайғуда фойда ...

♻️Ёққан бўлса дўстларингизга ҳам улашинг!

@MUOZIBNJABAL_UZ каналига уланиш ⤵️
https://t.me/joinchat/mNPnPRxynodiNzEyar

#видео

Мазҳабга эргашишнинг зарурати

Тошкент шаҳар бош имом-хатиби Саййид Раҳматуллоҳ Термизий

🕌Дўстларингизга тарқатинг🕌


@MUOZIBNJABAL_UZ каналига уланиш ⤵️
https://t.me/joinchat/mNPnPRxynodiNzEyar

Урганч туман "Муоз ибн Жабал" масжиди

НАМОЗ ВАҚТЛАРИ

🗓 20--27 Робиъус соний 1443 ҳ.й

26.11.2021. дан. 03.12.2021 гача

🌃 ТОНГ 06:38🕰

🏙 БОМДОД - 07:30 🕰

🌇 ҚУЁШ - 07: 59 🕰

🏞 ПЕШИН - 13:30 🕰

🌇 АСР - 15:45 🕰

🌆 ШОМ - 17:35 🕰

🌃 ХУФТОН - 19:05 🕰

@MUOZIBNJABAL_UZ каналига уланиш ⤵️
https://t.me/joinchat/mNPnPRxynodiNzEy

ТИРНОҚНИ ЖУМА КУНИ ОЛИШ КЕРАКМИ?
#қисқа_савол_жавоблар

❓CАВОЛ: Тирноқни фақат жума куни олиш керакми?

💬 ЖАВОБ: Бисмиллаҳир Роҳманир Роҳим.
Тирноқни ҳафтанинг барча кунларида олиш мумкин. Айнан жума куни олиш борасида бирорта саҳиҳ ҳадис бизга маълум эмас. Лекин саҳобалардан Абдуллоҳ ибн Умар разияллоҳу анҳу одатда ҳар жума куни тирноқларини олиб, мўйловларини қисқартирганларини Имом Байҳақий ривоят қилганлар. Шунинг учун айрим фуқаҳоларимиз жума куни жума намози учун покланиб чиқиш мақсадида тирноқ олса яхши, дейишган. Валлоҳу аълам.

Ўзбекистон мусулмонлари идораси
Фатво ҳайъати.


@MUOZIBNJABAL_UZ каналига уланиш ⤵️
https://t.me/joinchat/mNPnPRxynodiNzEyar

ФАРЗАНДЛИ БЎЛГАН АЁЛНИНГ ҚЎЛИДА УЗУК БЎЛИШИ КЕРАКМИ?
#қисқа_савол_жавоблар

❓CАВОЛ: Фарзандли бўлган аёлнинг қўлида узук бўлиши керак (қўли билан боланинг иштонларини ювади, овқат қилади, хамир қоради...), қўли ҳалоллиги учун деб эшитганман. Бу динимизда қанчалик тўғри?

💬 ЖАВОБ: Бисмиллаҳир Роҳманир Роҳим.
Фарзандли бўлган аёлнинг қўлида узук бўлиши керак, деган гап шаръий асосга эга эмас. Валлоҳу аълам.

Ўзбекистон мусулмонлари идораси
Фатво ҳайъати.


@MUOZIBNJABAL_UZ каналига уланиш ⤵️
https://t.me/joinchat/mNPnPRxynodiNzEyar

НАСИҲАТ

Ҳар бир тўлган нарса, аниқ, озаяди,
Кўкка учган қуш барибир пасаяди.

Шундоқ экан, инсон учмай алдовларга,
Фикр қилсин ҳаётдаги синовларга.

Кунлар бир кун яхши бўлса, бир кун ёмон,
Баъзан қувнар бўлса, баъзан йиғлар замон.

Бу дунёга ҳеч ким устун бўлган эмас,
Кунлар бирдек ўзгармасдан келган эмас.

Яшасада осмонўпар қасрларда,
Маза қилиб тонгда, тушда, асрларда,

Одам жони ҳиқилдоққа етар экан,
Синов ичра юрганин ҳис этар экан.

Эй одамзод, билмайсанки, эртагача,
Яшайсан ё кунинг битар ушбу кеча.

Қанча қизни куёвига шайладилар,
Ёрин кўрмай, кафанига бойладилар.

Қанча бола қиқирлаши бўлмай унут,
Ажал келиб, тойчоқ эмас, минди тобут.

Касал бўлмай кулиб ўлган одам қанча,
Паймонаси тўлиб ўлган одам қанча.

Шундай экан, ўлар вақтинг ўйла сен ҳам,
Гўрга ёлғиз келар вақтинг ўйла сен ҳам,

Сен ҳам ўшал енгсиз тўнни кияжаксан,
Сўзламасдан ушбуларни деяжаксан:

"Мени суйган яқинларим тез турдилар,
Ювмоқ учун ғассолни тез келтирдилар:

- Биродарлар, устами бу ўз ишига,
Талаб бордир зукко, билгир, зўр кишига.

Бири келиб ечинтирди шунда тамом,
Менда на ҳис, на қувват бор, на-да калом.

Индамасдан тахталарга ётқиздилар,
Шилдиратиб устимдан сув оқиздилар.

Шундай қилиб мени ғусл қилдирдилар,
Уч бор ювиб, тараб, кафан кийдирдилар,

Бир кийимки, на ёқаси, на енги бор,
Барча уни кияжакдир чору ночор..".

Буни шундай тарзда айтдим, ибрат олгил,
Ҳаётингга қара, ҳолинг нечук, билгил.

Ҳали барча ишни яхши қилсанг бўлар,
Ҳақ нидосин қулоғингга илсанг бўлар,

Шошил, дўстим, оч дилингни чақириққа,
Ҳайқириқ-ла жавоб бергил ҳайқириққа.

Ахир сени чақирмоқда кунда беш бор,
"Намозга кел", "Нажотга кел", дея Ғаффор.

Тўхта, етар, шунча қулоқ солмаганинг,
Буюк Раббинг чақириғин олмаганинг.

Ичдан титраб ўзингни от Раббинг томон,
Кечиргайдир қилган бўлсанг неки ёмон.

У шундайин Раҳмли бир Зотдир билсанг,
Денгиз каби ювар тоғдай гуноҳ қилсанг.

Ҳаёт нима? Ўтиб кетар "ҳув" дегунча,
Азоби ҳам, лаззати ҳам, бил, ўткинчи.

Кел энди, тур, ўтказ қолган умрингни сен,
Ибодат-ла, қиёматга тўша бўлсин,

Раббинг сендан кўп ибодат сўргани йўқ,
Бор ҳаётинг сажда қил, деб тургани йўқ,

Неъматларга кўмди, ибрат олғил, қара,
Бутун умра сажда қилсанг, етмас сира.

Шунча оний лаззат олдинг, этмай шуур,
Кел, сажданинг лаззатин ҳам бир тотиб кўр..

Каналга уланиш ⤵️

@MUOZIBNJABAL_UZ

ИҚТИДО ҚИЛУВЧИ АТТАҲИЯТ ВА САЛОВАТНИ АЙТИШИ КЕРАКМИ?
#намоз

❓CАВОЛ: Масжидда фарз намозини имомга иқтидо қилаётганда намоз охирида аттаҳият ва саловотни айтиш керакми ёки имомга иқтидо қилиб сано дуосини ўқисак бўлдими?

💬 ЖАВОБ: Бисмиллаҳир Роҳманир Роҳим.
Имомга иқтидо қилган кишининг намоз ўқиш тартиби қуйидагича, имомга иқтидо қилишни ният қилади. Имомдан кейин такбири таҳрима айтади, кейин сано ўқийди ва жим туради. Аъузу ва бисмиллаҳни айтмайди. Имом қироат қилганда жим туриб эшитади. Махфий ўқиладиган намозларда ҳам имомни орқасида Фотиҳа ва зам сура ўқимайди. Имом Фотиҳани тугатганда махфий "Омин", дейди. Имом “Самиъаллоҳу лиман ҳамидаҳ”, дейди, иқтидо қилгувчи “Роббанаа ва лакал-ҳамд”, дейди. Руку ва саждага кетиш такбирларини махфий айтади. Руку ва сажда тасбеҳларини айтади. Аттаҳият дуоси, салавот ва саломдан олдинги дуоларни ўқийди. Имомдан бироз кейин салом беради. Рамазонда витрни жамоат билан ўқилса, иқтидо қилганлар ҳам, махфий қунутни ўқийди.

Ташаҳҳуд ва салавотларни иқтидо қилгувчи ўқиши борасида фиқҳ китобларимизда бундай дейилган: “Агар иқтидо қилгувчи ташаҳҳудни ўқиб бўлмай туриб имом салом бериб юборса, иқтидо қилгувчи ташаҳҳудни охирига етказиб қўяди”. (Ал-Фатово ал-ҳиндия, 1-ж. 99-б). “Агар иқтидо қилгувчи ташаҳҳуддан кейинги дуо ёки Пайғамбар алайҳиссаломга салавотни айтиб бўлмасдан туриб, имом салом бериб юборса, иқтидо қилгувчи имом билан салом бераверсин”. (Ўша манба, 99-100-бет). Валлоҳу аълам.

Ўзбекистон мусулмонлари идораси
Фатво ҳайъати.


@MUOZIBNJABAL_UZ каналига уланиш ⤵️
https://t.me/joinchat/mNPnPRxynodiNzEyar