اللهم عمرة لبيتك الحرام 🕋

لاتتهاونوا في مظالم العباد


أكثر ما يُدخِل الموَحِّدين النار، مظالم العباد؛ فديوان العباد هو الديوان الذي لا يُتْرَك.*


📔المناوي/فيض القدير

أمنياتكم يأت بها الله

إيه علاج التشتت المستمر وقلة التركيز في المذاكرة من وجهة نظرك؟

ج/ بصفتي عضواً وممتحناً في الزمالة البريطانية للأمراض الباطنية (MRCP UK)، ومر علي آلاف الأطباء والطلاب في لجان الامتحانات، أقول لكم بـكل أمانة: التشتت وقلة التركيز في المذاكرة ما دايماً مشكلة ذكاء أو كسل بل هي في الغالب سوء إدارة لطاقة العقل البشري تحت الضغط!

عشان تقفلوا الملف ده وتدخلوا لجانكم بـأعلى كفاءة، إليكم الخلاصة من واقع التجربة والممارسة في أربعة جوانب أساسية:

🧠 1. الجانب العلمي

فخ السهر والـ Caffeine: أكبر خطأ بيمر علي هو الطالب الـ بيشرب منبهات بـكمية ضخمة وبنوم 4 ساعات بـدافع اللحاق بالمنهج. علمياً، خلايا المخ بتحتاج النوم العميق (REM sleep) عشان تنقل المعلومات من الذاكرة مؤقتة المدى للذاكرة بعيدة المدى. بدون نوم، أنت بـتصب موية في غربال!

نقص الفيتامينات: شيكوا دايماً على مخزون الحديدو (Vitamin D)، والـ (Vitamin B12)؛ لأنو النقص فيهم بـيعمل Brain Fog حقيقية مهما حاولتوا تركزوا.

🎯 2. الجانب العملي والتقني

مشتتات اليد: الـ Smart Phone هو العدو الأول للـ Retention. ممنوع تذاكر والتلفون في غرفتك؛ العقل البشري بيحتاج 23 دقيقة عشان يرجع لـقمة تركيزه بعد كل إشعار أو نظرة في الموبايل.

تكتيك الـ Pomodoro: ذاكروا بـ نظام الفترات (25 دقيقة تركيز حاد، يعقبها 5 دقائق راحة)، العقل بيعشق الأهداف القصيرة وبـ ينجز فيها بشكل فعال.

🌱 3. الجانب النفسي

رعب الـ Perfectionism: الـخوف من إنك ما تقفل المنهج بالكامل بيخليك تقيف في مكانك وما تبدأ أصلاً. تجاوزوا وهم الكمال؛ "ما لا يُدرك كله، لا يُترك جُلّه".

متلازمة الاحتراق (Burnout): خصصوا وقت صغير في يومكم لفصل الشحن تماماً بدون أي ذنب، المخ الـبيرتاح بـشكل صح، بينتج بشكل مضاعف.

4. الجانب الديني والروحي
البركة في البكور: "بورِك لأمتي في بكورها"؛ المذاكرة بعد صلاة الفجر فيها تدفق ذهني وهدوء فسيولوجي غريب بـسبب هرمونات الجسم الطبيعية البتفرز في الوقت ده زي الكورتيزول الطبيعي

سلاح الاستغفار وسجود الحاجه: كان شيخ الإسلام ابن تيمية يقول: "إن المسألة لتغلق عليّ، فأستغفر الله ألف مرة حتى ينشرح صدري وتنقشع الظلمة".

العلم رزق، والرزق بيستجلب بالطاعة والصلة بالله.
وفقكم الله وسدد خطاكم، ونراكم قريباً زملاء لنا في ميادين الطب والزمالات.

د. سعيد جمعة أحمد
استشاري الباطنية وطب الحالات الحرجة
MRCP UK & SMSB Clinical Examiner

#الطب_سؤال_وجواب

قد تضيقُ نفسُك، ويصِلُ بكَ الأمرُ لتظنَّ أنّها النِّهاية، وأنْ لا مخرجَ أبدًا ممَّا أنتَ فيه، قد يعتريكَ الخوفُ ويداهمُك التّفكيرُ المُرهقُ، هُنا ليسَ عليكَ إلّا أن تحمدَ اللهَ، وتنتبِهَ للنِّعمِ الّتي يغمرُكَ بها، وتُسلِّمَ له أمورَك كلَّها؛ حتّى ترتاحَ نفسُك، سلِّم وقُل بقلبك مستشعرًا: "اللّهمَّ إنِّي أسلمتُ نفسي إليكَ وفوَّضتُ أمري إليكَ" سلَّمتُ لكَ كلَّ شيءٍ، يا ربِّ سلَّمتُ لكَ ذاك الهَمَّ وذاك الحَزنَ وذاك التَّفكيرَ وذاك الألَمَ، كأنَّ الجبلَ الّذي تحملُه فوقَ كتفيكَ قد خفَّ، وكأنَّ نفسَك قد هدأتْ حينما سلَّمتَ لمولاكَ.

موضوع كشف العورات في المستشفيات مش مجرد إجراء طبي .. ده اختبار حقيقي لأمانتك ومهنيتك كطبيب أو تمريض.

المريض لما بيدخل المستشفى بيبقى في أضعف حالاته .. وواجبنا نحفظ كرامته زي ما بنحفظ حياته.

القاعدة الفقهية والطبية بتقول: "الضرورات تبيح المحظورات، والضرورة تقدر بقدرها".
يعني إيه؟
يعني بنكشف اللي محتاجينه بس، وللوقت اللي محتاجينه بس، وللشخص اللي هيعمل الإجراء بس.
اكشف مكان الإجراء بس
خلصت الإجراء بتاعك تستر المريض فوراً
الموجود في الغرفة هما الأشخاص اللي بيعملوا الإجراء و بس .. و امنع دخول أي حد تاني.

طيب إيه هي أهم القواعد لحماية خصوصية المريض؟

قاعدة "الستر الجزئي" :
ممنوع المريض يتعرى تماماً عشان نركب قسطرة بولية أو ندي حقنة عضل أو هنغير علي جرح.
الصح اننا بنكشف المنطقة اللي هنشتغل فيها "فقط" ، وبمجرد ما نخلص بنغطيها فوراً
استخدم ملاية (Drape) أو فوطة لتغطية باقي الجسم.

الستاير والخصوصية (The Curtains) :
قبل ما تلمس هدوم المريض اتأكد إن الستارة مقفولة تماماً من كل الجوانب والباب مقفول .. ولو فيه مرافقين مش ضروري وجودهم، اطلب منهم الخروج بلطف.

الاستئذان (Permission) :
حتى لو المريض "غائب عن الوعي" استأذن منه
ده بيخلق هيبة للمريض ويخلي اللي واقفين معاك يحترموا خصوصيته.

الجنس المماثل (Same Gender) :
الأصل إن التمريض "الرجل" يتعامل مع "الرجال" .. والتمريض "السيدات" مع "السيدات"، إلا في حالات الطوارئ القصوى أو عدم توفر بديل.
لو مريضة محتاجة إجراء محرج، حاول تخلي زميلة هي اللي تعمله، أو تكون موجودة معاك .

أخطاء بنشوفها ولازم نتجنبها:

الهزار والضحك:
ممنوع تماماً الهزار أو الكلام الجانبي أثناء كشف عورة المريض، ده قمة قلة الأدب المهني.

التعود (Desensitization):
مع الوقت بنتعود على شكل الأجسام، فممكن ننسى نغطي المريض وهو رايح الأشعة أو وهو خارج من العمليات. خليك واعي دايماً! المريض بيحس بكل لحظة عري وبيحزن عليها.

دخول الغرفة فجأة:
دايماً خبط على الباب وانتظر ثواني قبل الدخول، ممكن يكون المريض بيغير هدومه أو في وضع مش حابب حد غريب يشوفه فيه.

أخطاء بنشوفها في "لبس المريض": ترك الظهر "مكشوف": من حق المريض وكرامته إن الجاون يكون مقفول كويس من الظهر ب جاون عكسي لو المريض هيتحرك أو هيقعد، عشان نحافظ على خصوصيته (Privacy).

فيه علم كامل اسمه Psychoneuroimmunology بيثبت إن الحالة النفسية (الشعور بالخجل، العجز، أو انتهاك الخصوصية) بتأثر مباشرة على سرعة التئام الجروح واستجابة الجسم للعلاج.

المريض اللي حاسس إنه "مكشوف" أو "مُهان" كرامته بيبقى في حالة قلق دائم، وده بيصعب مهمة الطاقم الطبي في استقرار علاماته الحيوية.

من أهم أسباب التوتر Stress والICU Psychosis هي إحساس المريض إنه مستباح وإنه مش في بيئة آمنة وما عندهوش أي خصوصية. وخاصة كبار السن

وخد بالك جدا إن ما فيش حد من العمال أو الأمن أو المرافقين أو مرافقين الحالات التانية أو المرضي اللي قصاد الحالة أو حد ماشي في الطرقة أو أي حد شغال في المستشفي. إنه يشوف جزء مكشوف بدون داعي من المريض أو المريضة اللي انت مسؤل عنها أو أي مريضة تانية في القسم. وخصوصا لو المريضة مش واعية لإن إنت اللي هتتسأل عنها يوم القيامة.

رسالتي لكل زميل:
"يا صديقي، جسد المريض أمانة في رقبتك. تخيل إن المريض ده هو أبوك أو أخوك، هل هترضى حد يشوف عورته بدون داعي؟ الستر بركة في الشغل وفي الحياة."

- نُقِل