السلام عليكم....

قبل ما اتكلم عن مذاكرة الجراحة في شي حابة اتكلم فيه وهو مااااتصدقوا تثبيطات الطلاب وتعقيدات بعض الدكاترة والكلام اللي بيحبطك وماعد تعرف من وين تجي للجراحة
ع الرغم انا عن نفسي قصرت في مذاكرة الجراحة نوعا ما بس مابجي اتعذر ب كلام ممكن يكون احباط لغيري  ، مشكلة الاغلب بيروح يسأل أي حد من اللي قبله ممكن ذا الشخص كان مقصر مش عاجبته الجراحة ويقوم من بدايتها يعقد ويثبط وكلام مااااله داعي ...
الجراحة مثل ما عداها غيرنا وصاروا جراحين انتم بتعدوها
الجراااااحة ممتعة مذاكرتها اذا ذاكرتها بفهم واستيعاب وبدون قلق وتيهان وتعدد ملازم وضياع بغض النظر انت في ضغوطات مشاكل
وبغض النظر كيف بيكون امتحااانااااات الجراحة
انت لمى تذاكر ذاكر لك لفائدة
الجراحة أكبر مشكلة عند الاغلب  هي كلام اللي قبلنا وتعقيداتهم ....
انت سمي الله وذاكر
والله ماتصعبك حاجة إذا ذاكرت وعملت جهدك
ولو ذاكرت ونسيت مش تحبط نفسك وخلاص
اكتئاب ومدري ايش
طبيعي تذاكر وتنسى طالما في معلومات كثير
ومحصور في وقت معين ....

وبالنسبة ل امتحاننا ممكن تتعقدوا من كلام الطلاب ونفسيتهم لكن هذا الشي خلوه ع جنب لا تتأثر بسبب هالشي ، حتى وان الامتحان صعب مش معناه الجراحة صعبه لا وربي مش كذا ، مجرد اسباب وصلتنا لذي المصيبة ...
ذاكروا وماعليكم من كلام وتثبيط أي حد ...


المهم بجي لمذاكرة الجراحة
ك تجربة شخصية أكثر حاجة أثرت فيني هو الشتات والضياع من وين اذاكر واشتريت أكثر من مصدر وملاازم لهناك وبالنهاية كان هذا الشي غلط في غلط
لان تحاول تريد تذاكر من كل الملازم تجمع من كل الجهات وانك تضيع وقتك وتحبط وماتعرف من وين تبدأ
وكلامي اللي بنصح اي حد اللي يعجبك انت ذاكره ماعليك من كلام اي حد

لكن ك نصيحتي من وين ذاكرت بالنسبة للنظري ك مذاكرة لكم  ذاكرو من القصر العيني يكفي ويوفي والحلو فيه أنه بداية كل موضوع يبدأ لكم اناتومي
ف ماعد بترجعوا للاناتومي ولا عاد تتشتتوا
حتى وان شفتوه كثير هو لكثرة دش تمشيه بسهوله
برضوا ملااازم الدكاترة مهمات ف انتو بدل ما تضيعوا نفسكم وتهموهن كل ما تأخذو موضوع روحوا اقرأوه من ملزمة الدكتور وماترجعوا له إلا قرب الامتحان ، تقرأوه فقط عشان قرب الامتحان لمى ترجع له ماتحس ب إحباط وأنه حاجة جديدة وماتعرف ايش تمسك
وبالذات محاضرات
د. فارس الهجامي ،د. وهيب القباطي و د.التام

وشرح الدكتور فارس تكتبوا بعده كل كلمة يقولها امتحانه من كلامة ومن ملازمة
و " من المريخ "🙂 بالنسبة ل امتحاننا
كلامي مش تعقيد بس هو امتحاننا متعمد فيه فلا تأخذوا من اي طالب كلام تثبيط ومدري ايش هي غير مصيبة وقعت ع راسنا لا غير مالوش دخل ب الجراحة ودراستها وصعوبتها

المهم كلام الدكتور فارس تكتبوا بعده كل شي وتروحوا تسمعوا المحاضرة إذا فاتكم اشياء ماكتبتوها (ما انصح أنه تركنوا ع التسجيلات تابعوا الدكتور افضل )
في تفريغات للدفع السابقة لكل المحاضرات للي يريد ع الرغم انا افضل أنه أفرغ لنفسي
طبعا القصر العيني مع ملازم الدكاترة يكفي ويوفي  مع فيديوهات د. وحدان لا عاد تضيعوا ب فيديوهات غيرهن أمسكوا وحدان عشان ماتتشتتوا
وهولا لوحدهم وافي وكاافي

وللي يريد  يشوف بيلي اند لف
طبعا المرجع ضخم ف اذا حد ناوي يذاكره يمسكه من الان وبلاه القصر العيني وطبعا الدكاترة معتمدينه هووو

في اخذو ملازم وحدان وفيديوهاته برضوا حاجة حلو وملم في المواضيع

بالنسبة لفيديوهات د. علي حسيب ضخم بس مش كامل ف للي يريد يشوفهن مع وحدان أو يكمل المواضيع الناقصة من وحدان ع الرغم الأفضل تمسكوا وحدان ويكفي عشان ماتشتتوا انفسكم
واللي بيعجبكم امسكوه بس ماتشتتوا انفسكم أثبتوا ع شي عشان الوقت والضياع والنفسية ما تلعبوا فيها بين الكتب والحيرة والشتات

بالنسبة لمتولي صراحة هو مختصر  وللي قد هو مزنوق نهاية الكورس ممكن يمسكه مع التسجيلات لكن ما انصح فيه خالص من وجهة نظري الا اذا فقط من باب أنه تحضروا المواضيع قبل المحاضرات العملي تشوفوا منه كونه مختصر وسهل تأخذوه معكم في الدوام
لكن أنه تذاكروا منه وتعتمدوه ما انصح فيه لأن مختصر ويريد الا حفظ وبس ..
واعيد واكرر اللي عاجبة يمسك اللي يريد ومايتأثر بكلام حد وكل شوي يمسك حاجة لأن بتتشتتوا ف اللي يريد يذاكره يمسك تسجيلاته عشان يستوعب ويفهم ملازمة  او وفيديوهات ووحدان

وفي وفي كم يا كتب بس هو اخس شي الشتاااات والضياع بين الملازم ف نصيحتي أثبتوا ع حاجة تعجبكم من الان في حال تمسكوا شي ثاني يكون من باب أنه تتوسعوا تستفيدوا في المواضيع المهمة

بالنسبة للعملي
طبعا مواضيع العملي نوعا ما نفسهم المقررات بالنظري ف مافي شتات
أمسكوا متولي عملي وفيديوهات وحدان يكفوا
في كتاب اسمه  SDas  نصحنا فيه الدكتور محمد عيسى حلو للي يريد

في مواضيع خلو الدكاترة يشرحوهن لكم بتلاقوهن كثير وبتمتحنوا عليهن
Snake bite
hydatid cyst
Necrotising fascitis
D.foot
وحاولوا أنه ال truma hxs تأخذوه وتدربوا عليه لأن بيقولوا لكم أكثر الدكاترة ذا سنة خامسة لكن بتمتحنوا عليه فخلوهم يشرحوا لكم عملي وبرضوا خذوا حالااات عشان تدربوا لا أتهربوا منهن ابدا
وكونوا اعملوا انتوا examination لا تنتظروا فقط الدكاترة "حتى لو بس تشرحوا لبعض " لان اغلب الحالات post operative الدكاترة فقط يشرحوا كلام مافي تطبيق
طبعا في نقطة مهمه
كل مايشرح لكم الدكتور حالة كونوا خلوه يشرح لكم ع اي ادوات في المريض
اذا انتو ماطالبتوا ماحد بيشرح لكم
Drainage,Stoma,NGT,Ttube ,Chest tube ,Catheter
وغيرهن من الأدوات حتى على مستوى ال cannula types خلو يشرحوا لكم عملي برضوا حساب تعويض السوائل والالكترولايت وكذا شي خلو الدكاترة يشرحوا لكم برضوا عملي عشان تثبت عندكم أكثر (بتأخذو نظري مع د. عارف الحاشدي) ...
وك بداية الكورس أمسكوا Hernia , GB stone , appendicitis, Ints  obstruction  اقرأوا عليهم ذولا المواضيع من الان لانهم شائعات ومهمات وفي كل مستشفى ف عشان تستفيدوا من الان اقرأو عليهم من بدري ...

وطبعا history الجراحة سهل مرررة كل موضوع معه نقاط خاصة وبس مافيها اي صعوبه ولا تعب
وختاما إذا انتوا اجتزتوا الخوف والقلق وطنشتوا كلام الطلاب اللي قبلكم والتعقيدات وربي بتجتازو الكثير ..
مثل ماوصل غيرنا بنوصل وافضل اذا تمسكنا ب احلامنا بعيد عن كل الضغوطات والتثبيط..
#اطباء _بلا حدود _دفعة رابعة

#Group B
#مشاركة إحدى الزميلات🌸🌸