فرصة للتطوع مع منصة باحثون التعليمية التوعوية 💛🩵

هل لديك شغف بالإبداع ومهارات في التصميم والإخراج الفني وصناعة العروض المرئية؟ 🎨💻


هل تؤمن أن للجمال البصري دورًا كبيرًا في تبسيط العلم وإيصاله للناس؟ 🌍✨

نسعى في منصتنا إلى تكوين فريق الفنية ليكون مسؤولًا عن تحويل الأبحاث والمحتوى العلمي إلى تصاميم جذابة، عروض مميزة، ومواد بصرية تفاعلية تصل للجمهور بسهولة ووضوح.

وكذلك نحن بحاجة إلى مسوّق يمتلك أفكارًا إبداعية لنشر رسالتنا وتعزيز حضورنا الرقمي والتعليمي 📢🌱.

إذا وجدت نفسك مناسبًا، ندعوك للتقديم عبر هذه الاستمارة:
https://forms.gle/4KfyALdCk1Qx3EL69

ملاحظة: ستكون الاستمارة متاحة فقط لمدة ثلاثة أيام 👆🏻.

#فريق_باحثون_التعليمي_التوعوي 🩵💛

انشروها يا شباب

قال رسول اللهﷺ:

«إنك لَن تدَع شيئًا اتِّقَاءً للهِ عزَّ وجلَّ، إلا بَدّلك اللهُ ما هو خيرٌ لكَ منه».

💯💯💯

2. المبادئ ليست قيوداً… بل دلائل طريق
في بدايات العمر، يغريك الانفتاح، وتستهويك التجارب،
لكن البوصلة التي لا تستند إلى مبدأ… تضيع في أول ريح.

﴿ قُل هَل نُنَبِّئُكُم بِالأَخسَرينَ أَعمالًا ۝ الَّذينَ ضَلَّ سَعيُهُم فِي الحَياةِ الدُّنيا وَهُم يَحسَبونَ أَنَّهُم يُحسِنونَ صُنعًا ﴾

أما بعد


« إذَا اسْتقامَتِ المَرْأَةُ فِي زمَانِنا ، اسْتَقَام الجِيلُ كُلّه ».

لو كُتبت بالذكاء الاصطناعي لكانت أكثر مروءة من هذا الغباء البشري!

أحاوِلُ، للمرّةِ مجهولةِ الترتيب، علىٰ أملِ ألا يطعمَنِيَ اليأس، وأن يرَىٰ اللّٰه منّي خيرًا

بسمِ اللّٰهِ،
أُغالِبُ نفسي.

غًدا سوفَ نحتضِنُ الأماني
وإن كنَّـا نراها مُستحيلة!")🫂

أبشروا. 💛

جزاكم الله خير الجزاء 🩶.

كنت مرهق جدا وفى اشد الحاجه للراحه ، جالي اتصال من المستشفى بيبلغنى بحالة زايده بالمنظار .
ولانى كنت مرهق اتصلت بكل الزملاء اللى باتعاون معاهم يمكن حد فيهم يكون فاضى يخدر الحاله بدلا منى ولكن للاسف الكل غير متاح ، مفيش حد ولازم انا اللى اخدر المريضه .. توكلت على الله وشربت كوب من القهوه وبدأت استعيد بعض النشاط و روحت انيم الحاله ( وياريتنى ما كنت روحت )
مريضه اقل من ٤٠ سنه تاريخها المرضى ليس به ما يقلق طبيب التخدير اطلاقا ..بدأت اجراءات التخدير وكل شئ على ما يرام و مرت لحظات العمليه وكله تمام والنبض والضغط ومعدلات ثانى اوكسيد الكربون (Etco2) كله زى الفل ..الاجراء الجراحى لم يستغرق نص ساعه وبدأت مرحلة ايقاظ المريضه ..
بدون تفاصيل طبيه لما بنصحى المريض بنقفل غازات التخدير و بنستنى المريض يبدأ ياخد نفسه ونديله الريڤيرس ونشفط الافرازات من فمه ونشي الانبوبه ونصحيه ..
كانت كل حاجه زى الفل والمريضه بتاخد نفسها واخدت الريفيرس وهاشفط واشيل الانبوبه
مره واحده وبدون سابق انذار ، المريضه بطلت تاخد نفسها .. بصيت على بالونة التنفس والويڤز اللى بيرسمها جهاز التنفس كله flat ..ضربات قلبى بتتسارع كرد فعل طبيعى على الشعور بالخطر ..نظره على المونيتور ( جهاز متابعة المريض ) كان رسم القلب راسم (V.F) ارتجاف بطينى بالقلب
للحظه فكرت ( او على ادق تعبير اتمنيت ) ان المونيتور يكون بيخرف وحطيت ايدى على رقبة المريضه احس النبض فى شريان الرقبه ..كنت حاسس بتنميل فى ايدى وانا بارفعها واحطها على رقبة المريضه وباعد وان ،تو، ثرى ،فور .. تين ..
للاسف المونيتور على حق العيانه قلبها وقف ...
كان معايا فى الغرفه الفنى منتظر ينقل المريضه لما تصحى وممرضة التخدير اللى بتساعدنى بصيتلهم وانا باحاول اتماسك واسيطر على انفعالاتى واظبط قراراتى وطلبت منهم طلبين :
اطلبوا مساعدة زملائى من الغرف المجاوره و هاتوا الكراش ترولى من الطرقه ..
كنت باتكلم وانا باتحرك بشكل اوتوماتيكى ( برغم كل الانفعالات اللى جوايا ) وشغلت جهاز التنفس الصناعى وطلعت على السلم بجوار المريضه علشان اشتغل CPR ) انعاش القلب) ..
لحظات وانا لوحدى مع المريضه باعمل CPR فى انتظار المساعده ، سؤال ورا سؤال بيخبط فى دماغى :
ليه قلبها وقف ..هترجع ولا لا ..لو رجعت هترجع بعد قد ايه ..ولو رجعت هترجع سليمه ولا باى نسبة عجز ..
هاقول لاهلها ايه ..اهلها هيعملوا معانا ايه ..؟!
عقلى بفضل الله ضرب كل الاسئله دى بعرض الحائط وحمل مكانهم صفحة ال algorithms من كتاب ال Als ..
وصل الدعم وادينا صدمات للقلب ..
صدمه .. التانيه .. التالته .. العيانه بتقلب asystole بنستمر فى ال CPR .. امبولات الدرينالين عماله تتكسر امبول ورا امبول ... وكميات تانيه من الادرينالين عماله تجرى فى عروقى وتنفض فى قلبى  ..
ال CPR ده عامل زى ما تكون بتلعب ضغط على صدر المريض .. انا فى العادى لو لعبت ضغط ما باقدرش اعمل ١٠ ضغطات على بعض .. فى ال CPR احنا بنضغط بمعدل ١٠٠ - ١٢٠ ضغطه فى الدقيقه .. فى العادى بنستمر فى ال CPR لمدة ٢٠ دقيقه ولو المريض ما رجعش بنعلن الوفاه ..
بعد ٢٠ دقيقه كان كل اللى فى الغرفه اصيبوا بالارهاق واليأس وكلهم بدأوا يركنوا ضهرهم على الحيطه ويتراجعوا ...
لكن انا ما كانش عندى الرفاهيه دى .. مفيش قدامى غير حل من اتنين " يا هى ترجع يا نا اموت " مفيش حل تالت اصل هاقول لاهلها ايه .. هافهمهم ازاى ان البنج ده شئ مرعب وان الوفاه المفاجأه ممكن تحصل مع اى مريض ومع اى عمليه هايفه حتى لو عملية زايده ..
عدت ساعه الا تلت والانعاش القلبى الرئوى مستمر بلا توقف والارهاق واليأس على وجوه الزملاء و عنيهم بتقولى " خلاص بقى ده عمرها " ..
مش بس عنيهم اللى كانت بتقول خلاص .. قلبى اللى ضرباته عدت ال ١٢٠ ضربه فى الدقيقه عضلات كتفى اللى بقيت مش حاسس بيهم وحتى صوتى اللى بقى بيطلع بالعافيه من النهجان وانا بقول ( ادى ادرينالين ) وعقلى اللى ماسك ورقة ال algorithms وواقف يعيط كلهم بيقولوا خلاااااااص ..
ساعه الا تلت وانا واقف بشتغل CPR وباقول خلاص اخر محاوله ..بس طالما اخر محاوله بقى يبقى اسيب كل الاسباب اللى اخدت بيها والجأ لرب الاسباب ..

غمضت عينى واستمريت فى الضغط و دعيت " يارب انقطعت الاسباب الا منك وانقطع الرجاء الا اليك .. يارب ارحم ضعفى وضعفها وارحم لوعتى ولوعت من يحبها ... يارب لو مش علشانى وعلشانها طيب علشان خاطر عيالها وعيالى " ..
انتهيت من الدعاء وانتهيت من ال CPR و ربنا فرجها برحمته ..
القلب رجع .. النبض رجع ...

وشوش الناس كلها نورت .. الناس كلها بتقول الحمد لله الحمد لله ... الا انا ... كنت باقول خليك معانا فى اللى جاى يارب .. يارب تفوق وتنفصل بدون اى عاهه او اصابه ...
طلعنا المريضه العنايه وبدأنا علاج ما بعد عودة النبض بعد توقف القلب ..

يتبع 👇👇👇