لا تجلس فارغًا؛

سبِّح، إستغفر، كبِّر، هلِّل،

انت
الآن في أحب أيام الله 💛✨


الله آكبر الله آكبر لاإله إلا الله
الله آكبر كبيرا
والحمدلله كثيرا
وسبحان الله بكرة وآصيلا
الله آكبر الله آكبر الله آكبر الله آكبر

كنت مرهق جدا وفى اشد الحاجه للراحه ، جالي اتصال من المستشفى بيبلغنى بحالة زايده بالمنظار .
ولانى كنت مرهق اتصلت بكل الزملاء اللى باتعاون معاهم يمكن حد فيهم يكون فاضى يخدر الحاله بدلا منى ولكن للاسف الكل غير متاح ، مفيش حد ولازم انا اللى اخدر المريضه .. توكلت على الله وشربت كوب من القهوه وبدأت استعيد بعض النشاط و روحت انيم الحاله ( وياريتنى ما كنت روحت )
مريضه اقل من ٤٠ سنه تاريخها المرضى ليس به ما يقلق طبيب التخدير اطلاقا ..بدأت اجراءات التخدير وكل شئ على ما يرام و مرت لحظات العمليه وكله تمام والنبض والضغط ومعدلات ثانى اوكسيد الكربون (Etco2) كله زى الفل ..الاجراء الجراحى لم يستغرق نص ساعه وبدأت مرحلة ايقاظ المريضه ..
بدون تفاصيل طبيه لما بنصحى المريض بنقفل غازات التخدير و بنستنى المريض يبدأ ياخد نفسه ونديله الريڤيرس ونشفط الافرازات من فمه ونشي الانبوبه ونصحيه ..
كانت كل حاجه زى الفل والمريضه بتاخد نفسها واخدت الريفيرس وهاشفط واشيل الانبوبه
مره واحده وبدون سابق انذار ، المريضه بطلت تاخد نفسها .. بصيت على بالونة التنفس والويڤز اللى بيرسمها جهاز التنفس كله flat ..ضربات قلبى بتتسارع كرد فعل طبيعى على الشعور بالخطر ..نظره على المونيتور ( جهاز متابعة المريض ) كان رسم القلب راسم (V.F) ارتجاف بطينى بالقلب
للحظه فكرت ( او على ادق تعبير اتمنيت ) ان المونيتور يكون بيخرف وحطيت ايدى على رقبة المريضه احس النبض فى شريان الرقبه ..كنت حاسس بتنميل فى ايدى وانا بارفعها واحطها على رقبة المريضه وباعد وان ،تو، ثرى ،فور .. تين ..
للاسف المونيتور على حق العيانه قلبها وقف ...
كان معايا فى الغرفه الفنى منتظر ينقل المريضه لما تصحى وممرضة التخدير اللى بتساعدنى بصيتلهم وانا باحاول اتماسك واسيطر على انفعالاتى واظبط قراراتى وطلبت منهم طلبين :
اطلبوا مساعدة زملائى من الغرف المجاوره و هاتوا الكراش ترولى من الطرقه ..
كنت باتكلم وانا باتحرك بشكل اوتوماتيكى ( برغم كل الانفعالات اللى جوايا ) وشغلت جهاز التنفس الصناعى وطلعت على السلم بجوار المريضه علشان اشتغل CPR ) انعاش القلب) ..
لحظات وانا لوحدى مع المريضه باعمل CPR فى انتظار المساعده ، سؤال ورا سؤال بيخبط فى دماغى :
ليه قلبها وقف ..هترجع ولا لا ..لو رجعت هترجع بعد قد ايه ..ولو رجعت هترجع سليمه ولا باى نسبة عجز ..
هاقول لاهلها ايه ..اهلها هيعملوا معانا ايه ..؟!
عقلى بفضل الله ضرب كل الاسئله دى بعرض الحائط وحمل مكانهم صفحة ال algorithms من كتاب ال Als ..
وصل الدعم وادينا صدمات للقلب ..
صدمه .. التانيه .. التالته .. العيانه بتقلب asystole بنستمر فى ال CPR .. امبولات الدرينالين عماله تتكسر امبول ورا امبول ... وكميات تانيه من الادرينالين عماله تجرى فى عروقى وتنفض فى قلبى  ..
ال CPR ده عامل زى ما تكون بتلعب ضغط على صدر المريض .. انا فى العادى لو لعبت ضغط ما باقدرش اعمل ١٠ ضغطات على بعض .. فى ال CPR احنا بنضغط بمعدل ١٠٠ - ١٢٠ ضغطه فى الدقيقه .. فى العادى بنستمر فى ال CPR لمدة ٢٠ دقيقه ولو المريض ما رجعش بنعلن الوفاه ..
بعد ٢٠ دقيقه كان كل اللى فى الغرفه اصيبوا بالارهاق واليأس وكلهم بدأوا يركنوا ضهرهم على الحيطه ويتراجعوا ...
لكن انا ما كانش عندى الرفاهيه دى .. مفيش قدامى غير حل من اتنين " يا هى ترجع يا نا اموت " مفيش حل تالت اصل هاقول لاهلها ايه .. هافهمهم ازاى ان البنج ده شئ مرعب وان الوفاه المفاجأه ممكن تحصل مع اى مريض ومع اى عمليه هايفه حتى لو عملية زايده ..
عدت ساعه الا تلت والانعاش القلبى الرئوى مستمر بلا توقف والارهاق واليأس على وجوه الزملاء و عنيهم بتقولى " خلاص بقى ده عمرها " ..
مش بس عنيهم اللى كانت بتقول خلاص .. قلبى اللى ضرباته عدت ال ١٢٠ ضربه فى الدقيقه عضلات كتفى اللى بقيت مش حاسس بيهم وحتى صوتى اللى بقى بيطلع بالعافيه من النهجان وانا بقول ( ادى ادرينالين ) وعقلى اللى ماسك ورقة ال algorithms وواقف يعيط كلهم بيقولوا خلاااااااص ..
ساعه الا تلت وانا واقف بشتغل CPR وباقول خلاص اخر محاوله ..بس طالما اخر محاوله بقى يبقى اسيب كل الاسباب اللى اخدت بيها والجأ لرب الاسباب ..

غمضت عينى واستمريت فى الضغط و دعيت " يارب انقطعت الاسباب الا منك وانقطع الرجاء الا اليك .. يارب ارحم ضعفى وضعفها وارحم لوعتى ولوعت من يحبها ... يارب لو مش علشانى وعلشانها طيب علشان خاطر عيالها وعيالى " ..
انتهيت من الدعاء وانتهيت من ال CPR و ربنا فرجها برحمته ..
القلب رجع .. النبض رجع ...

وشوش الناس كلها نورت .. الناس كلها بتقول الحمد لله الحمد لله ... الا انا ... كنت باقول خليك معانا فى اللى جاى يارب .. يارب تفوق وتنفصل بدون اى عاهه او اصابه ...
طلعنا المريضه العنايه وبدأنا علاج ما بعد عودة النبض بعد توقف القلب ..

يتبع 👇👇👇

‏رَحِمَ اللّٰهُ أبا الدّرداء كان منزله خاليًا فلمَّا سُئِل:
أين متاعُكَ يا أبا الدّرداء؟
قال: لنا دَارٌ أُخرى نُرسِلُ إليها صالِح متاعِنا.

الجدول السنوي للعام ١٤٤٧ هـ 📊💚📗👇👇👇

#فترة_فراق_أم_حلم 🎋

أسنلتقي !
لا أعلم ، ماذا أسميتُها
فترة ، حُقبة أم قرن ، لا أعلم كم مر من الزمن .
الذي أعلمه جيداً أنه ليس بكثير ، لكنه من أصعب ما قد مَر ّ.

تشعر بأنك ما عدت تريد الاستمرارية.

ولكن هل يوجد خِيارٌ آخر ، لا يوجد...

الطريق مسدودة 🌊🌊🌊

كجبلٍ جليدي يصدك عن الوصول ببرودة
عن الجانب الآخر ،
الذي فيه الشمس و الحقول الخضراء والحيوانات اللطيفة

الطريق مسدودة 🛳🛳🛳

كــسفينتة في وسط المحيط بين عمق العاصفة الممطرة و شماخة المحيط الهائج ، تحاول الوصول إلى بر الأمان ، فقط بر الأمان.
لكن يجب عليها أما تحفادي العاصفة أو المرور عليها مراراً وتكراراً لتنجح في المحاولة ...

الطريق مسدودة 🛤🛤🛤

كــعاملٍ " عجزَ " عن الخروج من منجم الفحم الذي خّرَ مهتداً عليه ويهول يحاول النجاة بقوت يوم عياله يحاول قرع الحجارة ، فيسمع دويها ملء صدره ولا أحد غيره يسمع فينادي له ليخرجهُ من تلك الثغرة الموجودة بين الصخور ...

نعم أنها ليست النهاية
بل هي فترة " الأبطال "
كن قوياً ، وأستعن بالله ولا تعجز
وهات يدك ، لنتجاوز تلك المحن سوياً
عُد إليَ منتصراً ، عدني بذلك 🌇

Was Written 2020/ 10/ 7

كتاب
#ما_بعد_المستحيل 🍁

كانَ ابنُ عمر، وأبو هريرة يَخرُجان إلى السُّوق في أيّام العشر يُكبّران، ويُكبِّر النّاسُ بِتكْبيرهما!

-رواه البخاري