Ba'zi narsalarni ishlash mohiyatini tushunishimiz uchun vaqt kerak

Har gal bir marotaba o'qib tugatgan kitobingizni oradan bir muddat o'tgandan keyin qayta o'qiganingizdagi olgan xulosangiz, birinchi marta o'qiganingizdagi olgan xulosalaringizdan tubdan farq qiladi. Keyingilarda qayta - qayta o'qiganingizda ham shunday. Yakun bir xil, xulosalar va tushunchalar o'zchaga.

Bugun Data Scienceda ko'p ishlatiladigan Pythonning pandas kutubxonasining data typelardan biri DataFramelarni o'rgandim. Bu xuddi C++ dagi matritsalarga o'xshaydi, deyarli bir xil. Universitetda bundan 3 yil oldin 1 - kursda matritsa va teskari matritsalarni o'rgangan edim. Lekin bugun ularni qanday ishlashini yaxshiroq tushundim. O'shanda aynan bu xossalarni qayerda ishlatishni va qanday muammoga yechim tariqasida qo'llashimni tushunmagan edim. Bugun bir nechta misollar yordamida tushundim.

Tasavvur qiling sizda ma'lum songa ega foydalanuvchining username va email laridan iborat ma'lumotlari bor. U ma'lumotlar username va email satr ko'rinishida tartiblangan. Lekin sizga u ma'lumotlar ustun shaklida tartiblangan xolatda ular ustida amal bajarishingiz kerak. Agar ma'lumotlar nisbatan ozroq bo'lsa muammo yo'q, bu muammoga yechimni 4 yoki 5 qator code yozib xal qilishingiz mumkin. Lekin ma'lumotlar 100♾ ta bo'lsachi? Manashu muammoga yechim beruvchi codeni ham topdiz ham deylik. Siz bu vaziyatda memory va time managementni ham inobatga olishingiz kerak. Aynan manashunday big datalar bilan ishlashga to'g'ri kelib qo'lsa DataFrame lardan foydalanish yaxshi yechim bo'lar ekan.

Ps: Bu birinchi marta o'rganganimda olgan xulosalar, keyingi gal yana boshqa yechimlarni o'rgansam bu xulosalar balki o'zgarishi mumkin:)

@mukhammadjon_tech

Sizning tanishlaringiz 4 xil tipga bo'linadi

1. Introducer - sizni tanishtirib yuradi, boshqalar bilan ulaydi
2. Passive tanish - shunchaki tanish, eslasangiz eslaydi
3. Investor - sizga, g'oyalaringizga va mahsulotingizga pul tikadi
4. So'ruvchi - eng yomon tip faqat sizdan oladi, tez aloqani uzish kerak

@mukhammadjon_tech

Dasturlash olamiga endi qadam qo'yganlar uchun qimmatli maslahatlarim.

Ishingizdagi uzoq tanaffuslardan saqlaning. Kuniga kamida bir soat, loyihangiz bilan to'liq shug'ullanishga va hech narsaga chalg'imaslikka harakat qiling. Asta-sekin bu odat tusiga kiradi va siz o'zingizni bir joyda turib qolgandek his qilmaysiz.

Dasturlashni o'rganish oson emas va u tafakkur qilishni talab qiladi. Ammo natija berishni boshlagach, siz bundan katta zavq olasiz...

Taslim bo'lmang. Har kuni, hech bo'lmaganda ozgina vaqt davomida, yangi ma'lumotlarni ishlab chiqish va o'rganishga bag'ishlang. Va siz albatta muvaffaqiyat qozonasiz.

Ishingizda tartib bo'lsin. Ehtimol, bir necha oy mobaynida hech qanday muhim o'zgarish bo'lmas, lekin bir muncha vaqt o'tgach, sekin-sekinlik bilan bu sodir bo'la boshlaydi.

Eng muhumi ishingizni seving, shunda u siz uchun charchoq va mashaqqat emas, rohat va dam olish vazifasini o'taydi.

Zafarbek I.

@mukhammadjon_tech

#challange_sql #day_1_30

Retrieving Records (Part 1)

1.1. Retrieving All Rows and Columns from a Table 1

1.2. Retrieving a Subset of Rows from a Table 2

1.3. Finding Rows That Satisfy Multiple Conditions 2

1.4. Retrieving a Subset of Columns from a Table 3

1.5. Providing Meaningful Names for Columns 4

@mukhammadjon_tech

KAM ISHLA - LEKIN YAXSHI ISHLA

Internetdagi motivatorlarni eshitib, xar dushanba xayotimni o’zgartiraman deb va’dalar berardim. Shu hafta ishimni to’g’irlayman, shu hafta loyihalarimni bitiraman va boshqa yuzlab shunga o’xshash narsalarni o’zimga va’da qilardim. Odatlarni shakllantiraman, kunimni samarali o’tkazaman deb ko’plab urinib ko'rardim.

Bu xolatni sababi:
🚫 yalqo’vlikdan
🚫 noto’g’ri rejalashtirishdan
🚫 samaradorlik qoidalarini bilmaslikdan
🚫 vaqtni to’g’ri taqsimlamaslikdan deb o’ylar edim

Ko’p do’stlarim va tanishlarim bilan gaplashib tushunib yettimki, man yagona bunday muammoga ega inson emas ekanman.

Mani samarasizligimni, vaqtimni to’g’ri taqsimlay ololmasligimni asosiy sababi duch kelgan odamga «HA» deb o’zimni bo’ynimga yuzlab birovning ma’suliyatlarini ilib olish bo’lgan ekan. Ish ko’pligidan hammasini vaqtida bajara olmay ko’plab loyihalarimdan pulimni ololmaslikka, yaqin insonlarimga yordam beraman deb ishiga rozi bo’lib, ishning o’rtasida ularga yomon ko’rinib qolishimga olib keldi. Ishdan charchaganimdan, o’sha ishni boshlamaslik uchun vaqtimni youtube, instagram va boshqa bexuda narsalarga sarflar edim 🎮

Doimiy band insonlarning barchasida shu muammo borligiga amin bo’ldim. Xammaga yaxshilik qilaman, xammaga xo’p deyman deb o’zingizni qulga aylantirib qo’yishingiz mumkin ekan. Balkim aylanib bo’lgandirsiz …

Qanday bu botqoqdan chiqib kettim? Qanday qilib bu zanjirlarni uzib tashladim?

Man bosib o’tgan qadamlarni ket-ma-ket tushuntirishga harakat qilaman:

1. Xamma ishni birozga to’xtating. Bu zanjirda ekanligingizni tan oling, tushunib yeting.
2. Barcha bajarishga majbur bo’lgan loyihalaringizni ro’yxat qilib yozib chiqing.
3. Ishlarni muximligi va deadline bo’yicha saralab chiqing.
4. Aniq necha soat vaqt ketishini yozing. 10-20-30 soat bo’lishi mumkin.
5. Telefoningizdan barcha ijtimoiy tarmoqlarni ochirib tashlang (vaqtinchalik)
6. Terminator rejimini yoqib Xar kuni kamida 8 soat tinimsiz ishlab barcha ishni tugating
7. Bu vaqt mobaynida boshqa loyihalarni olmang
8. Ishni yakunlagach 4-5 kun internetsiz dam oling
9. Sizga o’ta muxim va katta daromad olib keluvchi 1-2 loyihani olib faqat shular bilan ishlang

@mukhammadjon_tech

Muhimlik darajasi

1. Muhim va shoshilinch ishlar.
Avvalo ishlarni muhimlik darajasini aniqlab olish kerak. Keyin shoshilinch yoki unday emasligini ham. Lekin agarda to'g'ri yo'sinda muhim va shoshilinchligi aniq bo'lsa bu ishlarni o'zingiz qilishingiz kerak. Qisqa reja tuzish orqali.

2. Muhim lekin shoshilinch emas.
Bunday ishlarni rejalab qilish kerak. Misol uchun: yoshlar pala-partishlik bilan bir sohani tanlamasdan nimada istedodi borligini aniqlab, reja bo'yicha oldinga intilishi.

3. Muhim emas shoshilinch.
Bunday ishlarga vaqtingizni sarflamang. Sizdan boshqa ham qila oladimi boshqalarga topshiring. Misol: Bizni uyda usta ishlayapti va ish yakunida tozalash, yana bir qancha ishlar bor. Biz bu vaziyatda vaqtimizni sarflashdan ko'ra yollanma ishchi olib kelsak maqsadga muvofiq bo'ladi. Chunki vaqtimiz ham, iqtidorimiz ham isrof bo'lmaydi.

4. Muhim ham emas shoshilinch ham emas.
Ayollarni serial ko'rishiga o'xshataman. O'rtaga olib "nima uchun", "nima foyda bor" degan savollar bilan oxirigacha berib borilsa javobi aniq chiqadi.

Yuqoridagilar bo'yicha oldin muhimlik va shoshilinchlik darajasini aniqlab olish kerak.

@mukhammadjon_tech

3 xil munosabat kerak

1. Mentor - bir odam sizning yo'lingizni bosib o'tgan, plus-minus'larini tushungan

Siz xohlayotgan natijaga chiqishni xuddi choy damlash algoritmidek biladigan

Suvni 100' da qaynatasan, choyni solasan, 5 minut kutasan

Xuddi shu algoritm kabi - topish juda qiyin, ammo topilsa jackpot, yillab yutasiz

2. Peer (Tengdosh) - tengdoshlik yoshdamas, darajada bo'lsa yaxshi

Saviyada, fikr doiraning kengligida

Moliyaviy jihatdan, ilmda

Musobaqalashish, do'stlar qilayotganini ko'rib harakatga kelish bu juda ham kuchli instrument

Shaxsan man atrofimni shunaqa deb o'ylayman, birgalikda, bir-biriga yordam bergan holda o'sish oson, tez

Haftada bir 15 ta siz kabi do'stingiz bo'lsa, ular hafta davomida orttirgan tajribasi, bilimlari, ⚠️ tanish bilishlari'ga ega bo'lasiz

Shunchaki shunaqa muhitga tushing (internetdan "Peer Pressure" deb qidiring)

3. Mentee (Shogird) - Barcha o'rgangan narsangizni o'rgatish uchun

Agar yaxshi ustoz bo'lsangiz, ular tez sizning darajangizga chiqadi, balki o'tib ham ketadi...

Foydasini keyin aytarsiz)))

Sizda hammasi mavjudmi?

@mukhammadjon_tech

10x tezroq o'rganish

Amaliy ishlaydigan metod

Birinchi muammoni olamiz, keyin yechishni o'rganamiz

Teskarisi emas

Avval formula yodlab keyin masala yechishmas

Masalani javobini qidirish uchun formula qidirish kerak yoki keltirib chiqarish

Birinchi topshiriq, keyin mahorat, keyin yechim

Doim ishlaydi, avval mas'uliyat olasiz keyin bajarasiz...

@mukhammadjon_tech

Ishni samarali va tez bajarish uchun yordam beradigan instrumentlar ro'yxati:

1. Figma — dizayn yasash uchun (10$)

2. Adobe photoshop — rasmlar ustida ishlash + AI yordamchi (33$)

3. Figma jam — Dashboar yasash uchun. Yillik rejalarni ko'rish uchun. (0$)

4. Notion — konspektlar, kunni rejalashtirish, loyihalarning ma'lumotlar bazasi, foydali materiallar, longridlar uchun. (10$)

5. Trello — uzoq muddatli ishlarni rejalashtirish uchun. (0$)

6. Remove.bg — rasmlarning orqa fonini ochirish (9$)

7. Midjorney — sun'iy intellekt orqali rasmlar tayyorlash (30$)

8. ChatGPT — kopirayting uchun, tahlil qilish, savol berish, g'oyalar olish, maslaxatlar olish. (20$)

9. Pinterest — dizayn uchun g'oyalar olish platformasi. (0$)

10. Habit — odatlarni nazorat qilish. (7$)

11. Tilda — saytlar yasash uchun instrument. (15$)

12. Wallet — shaxsiy va biznes moliyasi nazorati uchun. (0$)

13. Google sheets — foydali trekerlar uchun (0$)

14. Google disk — ma'lumotlarni saqlash uchun (0$)

15. Typing club — tez yozishni o'rganish uchun. (0$)

@mukhammadjon_tech

Ko'pchilik resumeni qanday to'ldirishga qiynaladi yoki yaxshiroq to'ldira olmaydi. O'zining bor imkoniyatlarini, mavjud bo'lgan potensialini to'la qonli ochiqlab bera olmaydi. @mukhammadjon_feedbackbot botga yo'llangan savollarning aksari shu haqida bo'lgan ekan. Shu o'rinda google recruiterlari tomonidan tavsiya qilinadigan ushbu maqolani o'qib chiqishingizni maslahat beraman. Bunda xyz taktikasi haqida o'rgatilgan.