ሙከሚል የንፅፅር ቤተ መጽሐፍ

አሥ-ሠላሙ ዐለይኩም
ሙሥሊም እኅትና ወንድሞቼ ዒድ ሙባረክ እንኳን አደረሳችሁ!
ተቀበል አሏሁ ሚና ወሚንኩም🌴

2.0K viewsሙከሚል ሙሥሊም ልጅ።, 15:29

መጦም አይችሉምን?

በአላህ ስም እጅግ በጣም ሩኅሩኅ በጣም አዛኝ በሆነው

የረመዳንን ወር ጦም መጦም ከእሥልምና መሰረቶች ውስጥ አንዱ ነው።
አምላካችን አሏህ በተከበረው ቃሉ እንዲህ ይላል

يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ

እናንተ ያመናችሁ ሆይ ጦም በነዚያ ከናንተ በፊት በነበሩት (ሕዝቦች) ላይ እንደ ተጻፈ በናንተም ላይ ተጻፈ (ተደነባ) ልትጠነቀቁ ይከጀላልና፡፡
[2:183]

ይህም የጦም ወር የረመዳን ወር ነው።

شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَىٰ وَالْفُرْقَانِ ۚ فَمَن شَهِدَ مِنكُمُ الشَّهْرَ فَلْيَصُمْهُ ۖ وَمَن كَانَ
مَرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَر
(እንድትጦሙ የተጻፈባችሁ) ያ በርሱ ውስጥ ለሰዎች መሪ ከቅን መንገድና (እውነትን ከውሸት) ከሚለዩም ገላጮች (አንቀጾች) ሲኾን ቁርኣን የተወረደበት የረመዳን ወር ነው፡፡ ከእናንተም ወሩን ያገኘ ሰው ይጡመው፡፡ በሽተኛ ወይም በጉዞ ላይ የኾነም ሰው ከሌሎች ቀኖች ቁጥሮችን (በልኩ) መጦም አለበት፡፡
[2:185]

ይህን የረመዳን ወር ጦምን መጦም በሁሉም ሙሥሊም ላይ ግዴታ ነው ዑዝር ካለው ሰው በስተቀር ዑዝር ያለው ሰው ረመዳን ላይ ያልጦማቸውን ቀኖች ቆጥሮ ከረመዳን ቦኋላ መጦም አለበት።

ይህ ሆኖ ሳለ አንዳንድ ጥራዝ ነጠቅ ወገኖቻችን በእሥልምና ሴቶች ከባሎቻቸው ፍቃድ ውጭ የረመዳን ጦምን መጦም አይችሉም ብሎ ይቀጣጥፋሉ።

ለዚህ ቅጥፈታቸው የሚያቀርቡት ሐዲስ ቦኻሪ ላይ ያለን ያልተሟላ ዘገባን በመጥቀስ ነው።

لا تَصُومُ الْمَرْأَةُ وَبَعْلُهَا شَاهِدٌ إِلا بِإِذْنِهِ
ሚስት ቦሏ እያለ ከእርሱ ፍቃድ ውጭ መጦም አትችልም።
[ቦኻሪ 5192]

ይህ ሐዲስ አንድም ነቢዩﷺ የተናገሩት ሙሉ ቃላቸውን አልያዘም ሆኖም ግን በዚህ ሐዲስ ላይ የትኛው ሀይለ ቃል ነው ሚስት ከባሏ ፍቃድ ውጭ ግዴታ ጦምን መጦም አትችልም የሚለው?? ቅጥፈት አይሰለቻችሁም??

ቅሉ ግን ሐዲሱ የሚናገረው ስለ "ሱና" ጦሞች እንጂ ስለ ግዴታው የረመዳን ወር ጦምን አይደለም።

ከላይ ያለውን ሐዲስ በተሟላ መልኩ ቲርሚዚ ዘግቦታል።
የተሟላው ሐዲስ እነሆ

أَبِي هُرَيْرَةَ، عَنِ النَّبِيِّ صلى الله عليه وسلم قَالَ ‏ "‏ لاَ تَصُومُ الْمَرْأَةُ وَزَوْجُهَا شَاهِدٌ يَوْمًا مِنْ غَيْرِ شَهْرِ رَمَضَانَ إِلاَّ بِإِذْنِهِ ‏
"‏
አቢ ሁራይራህ እንደተረከው፦"ነቢዩ"ﷺ እንዲህ አሉ፦ "አንዲት ሴት ከረመዷን ወር ውጪ ባሏ እያለ ከእርሱ ፈቃድ በስተቀር አንድ ቀን መጦም አትችልም"።
[ጃምዒ አት-ቲርሚዚይ መጽሐፍ 8, ሐዲስ 101]

ምን ትፈልጋለህ?? የሱና ጦም መጦም ምንዳን የሚያስገኝ ሥራ ቢሆንም የሱና ጦም አለመጦም ግን አያስጠይቅም።

ሚስቶች በባሎቻቸው ላይ መብት እንዳላቸው ሁሉ ለባሎችም በሚስቶቻቸው ላይ መብት አላቸው።
ለምሳሌ ሚስት ግዴታ ያልሆነውን የሱና ጦም ስትጾም ቦሏን ሳታስፈቅድ ከሆነ ባሏ ግን ያንን የሱና ጦም የማይጦም ከሆነ ምናልባት እርሷ ጦም ላይ ኹና ባሏ ግንኙነት ማድረግ ልፈልግ ይችላል ስለዚህ ሚስት የሱና ጦም መጦም በፈለገች ጊዜ ባሏን ማስፈቀድ አለባት።

በጣም የሚገርመው ደግሞ ሚስት የሱና ጦም መጦም ፈልጋ ባሏን ብታስፈቅደውና ባሏ ባይፈቅድላት ራሱ ሦስት አጅር (ምንዳ) ታገኛለች!

:-አንድም ጦሙን ለመጦም በማሰቧ እንደጦመች ይቆጠርላታ።
ስራ የሚመዘነው "በኒያ" ነውና።
ቦኻሪ መጽሐፍ 1,ሐዲስ 1

:-ሁለትም ባሏን እሺ ብላ በመታዘዟ ምንዳን ታገኛለች እንደውም ባሏን እሺ ብላ በመታዘዟ ምክንያት የገነት በሮች ተከፍቶላት በፈለግሽው በር ግቢ ትባላለች።
[ሙስነድ አሕመድ 1661]
(ሰሒሑል ጃሚዕ 660]

:-ሦስትም ከሀላል ባሏ ጋር ግበረ ሥጋ ግንኙነት በማድረጋቸው ምክንያት "ምንዳን" ያገኛሉ።
[ኢማሙ ሙሥሊም 1006 ።]

ግዴታ ያልሆነውን ባይጦሙት ቅጣት የሌለበትን የሱና ጦም ለመጦ ባሏን ማስፈድ ነው ጉዳት ወይስ ባሏን እሺ ብላ በመታዘዟ ምክንያት ከላይ የጠቀስናቸውን ሁሉ ትሩፋት ማግኘት ነው የሚሻለው??

ወገኖቼ ሆይ እሥልምናን እና ሙሥሊሙን ለመተቸትና ለማብጠልጠል ቀንና ለሊት ከምትፍጨረጨሩ እሥልምናን በሰከነ መንፈስ አጥንታችሁ ወደዚህ ብርሃን ወደ ሆነ እምነት እንድትመጡ
አሏህ ጤነኛ አዕምሮ ይስጣችሁ።

ولله اعلم

✍ ሙከሚል ሙሥሊም ልጅ።
https://t.me/mukamil12

1.9K viewsሙከሚል ሙሥሊም ልጅ።, edited 09:43