E’tiborli bo‘ling

Muhofaza zonalari yaqinida varrak uchirish hayot uchun xavfli va elektr ta’minoti barqarorligiga salbiy ta’sir qiladi

Qonunchilikka ko‘ra, muhofaza zonalarida elektr tarmog‘i xo‘jaligi obyektlarining xavfsiz ishlashining buzilishi, ekologik zarar va yong‘in keltirib chiqarishi mumkin bo‘lgan biron-bir harakatni sodir etish taqiqlanadi.

Jumladan:

a) elektr uzatish havo tarmoqlari simlariga va tayanchlariga begona predmetlarni tashlash, shuningdek, elektr uzatish havo tarmoqlari tayanchlariga ko‘tarilish;

b) ... elektr tarmog‘i xo‘jaligi obyektlariga yurib o‘tish va transport vositasida o‘tish joylariga har qanday obyektlarni, predmetlarni joylashtirish;

v) … elektr uzatish havo tarmoqlari muhofaza zonasi doirasida, shuningdek, elektr uzatish kabel tarmoqlarining muhofaza zonalarida olov yoqish (muhofaza zonasida) taqiqlanadi.

👉kanalimizni kuzatib boring👇👇
👉👉👉https://t.me/muhofaza

Yoshlar bilan harbiy-vatanparvarlik tadbirlari

Andijon viloyati Favqulodda vaziyatlar boshqarmasi Andijon tumani FVB, Andijon harbiy prokuraturasi, MG viloyat boshqarmasi hamda tuman IIB xodimlari tomonidan tumandagi 15-umumta'lim maktabi o‘quvchi yoshlari bilan harbiy-vatanparvarlik uchrashuvi o‘tkazildi.

Maktab o‘quvchilarini harbiy-vatanparvarlik ruhida tarbiyalash, ularni qutqaruvchilik kasbiga qiziqtirish maqsadida tashkil etilgan mazkur uchrashuvda favqulodda vaziyatlar to‘g‘risida hamda ular yuzaga kelganda to‘g‘ri harakat qilish bo‘yicha amaliy tushunchalar berildi.

Shuningdek, vazirlik tasarrufidagi FVV Akademiyasi hamda “Temurbeklar maktabi” harbiy akademik litseyiga kirish istagida bo‘lgan yoshlarga kerakli tushuncha va ko‘rsatmalar berildi.

👉kanalimizni kuzatib boring👇👇
👉👉👉https://t.me/muhofaza