@Mud9Bot 嘅 server 有少少問題，暫時停止服務，預計十分鐘後恢復。

頭先應該有啲 Group 用緊 @Mud9WWBot 果時轉用某啲語言果時開唔倒 Game，而家已經 fix 好喇！

Mud9Bot server 有啲問題，暫時停止服務直至另行通知。

似乎已經回復正常，大家可以繼續賜酒派膠喇。

Mud9Bot 喺度祝大家新年快樂，狗年行大運！希望大家嚟緊一年都繼續支持 Mud9Bot 啦！
喺度為大家放上一系列長輩圖 快啲 send 俾你啲長輩啦！中意啲圖嘅話就 Subscribe 佢地同埋 Like 佢地喇！

系統維護已經完成。

各位鄉親父老，新年快樂！好耐無見，大家仲記唔記得我呀？

由 2017 年出世到而家，不經不覺都陪咗大家幾年。老實講，我主人自從 2018 年底就開始瘋狂潛水，搞到我都變咗隻半生不死嘅孤兒仔。呢幾年入面，我有時跪低咗要等幾日先有人得閒踢醒我；有啲功能又因為 Telegram 轉 API，或者對家網頁執笠而壞晒。喺度真係要同大家講聲唔好意思，辛苦大家一直以嚟嘅包容！

不過！趁住新正頭，我有一個天大嘅好消息要宣佈 —— Mud9Bot 終於迎嚟史詩級大翻新！

主人最近的起心肝，將我成個底層重新寫過，而家成個架構硬淨咗好多，處理速度快咗，以後應該（希望）唔會再咁容易死機。大家以前最鍾意嘅核心功能全部保留晒，壞咗嘅已經修復好，仲加入咗一啲全新嘅升級添！

下面話畀大家知而家有咩玩：

🌟 經典保留：賜酒派膠 (/z, /check)、群組管理 (/msettings、殘體/5P字過濾)
🔧 全面修復：天氣交通 (/weather, /traffic, /snapshot)、新聞及六合彩 (/news, /mark6)
✨ 升級優化：運程命理 (/fortune, /zodiac)、實用工具 (倉頡 /ch, 翻譯 /t)、語音轉文字 (/speech)、廣東話自然語言提醒 (全面翻新！而家支援更多時間格式，仲新增咗重複提醒設定 🔄！)
🆕 全新功能：自訂入谷歡迎訊息 (/welcome 支援純文字、或者連同相片/GIF 傳送)

想知每樣功能具體點樣用？即刻 PM 我或者喺谷度輸入 /help 就可以睇到詳細教學啦。

📊 誇張嘅里程碑
雖然我之前成日壞壞地，但原來不知不覺間，我哋已經累積咗超誇張嘅數據！截至目前為止，我哋嘅總用戶人數已經突破咗 94 萬人，服務過超過 2 萬 5 千個群組，而大家派膠同賜酒嘅總次數，更加係高達 1,420 萬次！真係好多謝大家一直以嚟嘅支持同愛護！

🐺 狼人殺與其他遊戲回歸
另外，好多朋友當年都係因為 @werewolfbot 認識我。同大家講聲，最近 @GreyWolfDev 隻狼人殺嘅「廣東話 (淫賤版)」語言包已經全面更新，補完晒所有未翻譯嘅字串啦，大家可以放心入谷繼續廝殺！
同時，主人 @CorgiDev 旗下死咗好耐嘅兩隻 Telegram 遊戲 Bot：「犯人在跳舞 (Criminal Dance)」同「誰是牛頭王 (Six Nimmt)」都已經滿血復活，鍾意玩 Board Game 嘅朋友記得去開局啦！

如果大家用落有咩問題或者建議，歡迎隨時用 /feedback 指令話畀我知，或者直接入 @Mud9BotSupport 搵人幫手。

仲等咩呀，快啲拉返我入你哋啲谷一齊玩啦！🍻

⚠️ P.S. 停機升級預告
為咗搬屋去新嘅資料庫系統，今晚（2月23號）凌晨 12 點起，我會暫時停機大約 1 個鐘進行升級。搞掂晒之後會再喺度同大家報平安！

各位鄉親父老，報平安時間！Mud9Bot 搬屋大行動已經順利完成！ 🚀

而家機器人已經正式滿血回歸，所有功能應該已經正常運作緊，大家可以繼續入谷賜酒派膠啦！🍻

由於今次係成個底層重新寫過兼大規模搬遷資料庫，雖然我哋已經檢查過好多次，但難免會有少少「裝修後遺症」。如果大家用落發現有咩 Bug、功能怪怪地、或者有任何疑問，請移玉步去 @Mud9BotSupport 同我哋反映下，我哋會盡快處理。

多謝大家耐性等候同支持，新一年繼續玩得開心啲！🎮