#Live
#DXX_Kubogi

Futbol bo‘yicha O‘zbekiston Respublikasi DXX kubogi musobaqasining Muborak tumani bosqichi final bellashuvi o‘z yakuniga yetdi.

Ushbu bahsda "Paxtakor" jamoasi a'zosi Jamshid Turopov tomonidan kiritilgan yagona gol o‘yin taqdirini hal qildi.

Yakunda "Paxtakor" mahallasi yoshlari 1:0 hisobida "Sariq" mahallasi jamoasi ustidan g‘alaba qozonib, mazkur musobaqaning viloyat bosqichida ishtirok etish huquqini qo‘lga kiritdi.

Kanalga obuna bo‘ling:
👉https://t.me/muborakinfo

#Yoshlar_oyligi
#DXX_kubogi

Muborakda DXX kubogi g‘oliblari taqdirlandi

Bugun, 15-iyun kuni Muborak tumanida DXX kubogi musobaqasining tuman bosqichi g‘oliblarini taqdirlash marosimi boʻlib o‘tdi.

Dastlab, taqdirlash marosimini tuman hokimi Muxtor Xayitmuradov kirish so‘zi bilan ochib berib, ayni vaqtda davom etayotgan yoshlar oyligi hamda ushbu musobaqalarda g‘olib bo‘lgan barcha yoshlarni samimiy tabrikladi.

Shundan so‘ng, Oʻzbekiston Respublikasi DXX kubogi" musobaqasining futbol hamda mini-futbol bahslarida g‘oliblikni qo‘lga kiritgan jamoalarga diplom hamda esdalik sovg‘alari topshirildi.

Shuningdek, tuman madaniyat bo‘limi xodimlari tomonidan kuylangan kuy-qo‘shiqlar tadbir ishtirokchilariga ko‘tarinki bayramona kayfiyat ulashdi.

Kanalga obuna bo‘ling:
👉https://t.me/muborakinfo

#DXX_kubogi

Muboraklik futbolchi qizlar jamoasi chorak finalga yo‘l oldi

Mini-futbol bo‘yicha DXX kubogining Qashqadaryo viloyati bosqichining guruh bahslari ham o‘z yakuniga yetdi.

Unga ko‘ra, mazkur musobaqaning "D" guruhidan o‘rin olgan Muborakning "Yoshlik" mahallasi jamoasi guruh bosqichidagi so‘nggi bahsda Shahrisabz jamoasini 1:0 hisobida mag‘lub etdi.

Yakunda, "Yoshlik" jamoasi qizlari guruhdagi 3 ta o‘yindan 2 tasida g‘alaba hamda bitta bahsda esa durang natija qayd etib, chorak finalga yo‘l oldi.

"Yoshlik" mahallasining yoshlar yetakchisi Alisher Qodirovning ma'lumot berishicha, chorak finalda muboraklik mini-futbolchi qizlar Nishon tumaning "Tinchlik" mahallasiga qarshi bahs olib boradi.

Kanalga obuna bo‘ling:
👉https://t.me/muborakinfo

#Xushxabar
#DXX_kubogi

Muboraklik futbolchi qizlar jamoasi yarim finalga yo‘l oldi

Mini-futbol bo‘yicha DXX kubogining Qashqadaryo viloyati bosqichining chorak final bahslari ham o‘z yakuniga yetdi.

Unda ishtirok etayotgan Muborakning "Yoshlik" mahallasining qizlar jamoasi mini-futbol bahslarida Ko‘kdala tumanining "Sho‘rbozor" jamoasi ustidan 2:0 hisobida g‘alaba qozondi hamda ushbu musobaqaning yarim finaliga yo‘l oldi.

Ma'lumot o‘rnida, ertaga, 4-iyul kuni "Yoshlik" jamoasi yarim final bahsida kosonlik raqiblariga qarshi final yo‘llanmasi uchun bahsda maydonga tushadi.

Kanalga obuna bo‘ling:
👉https://t.me/muborakinfo

#Live
#DXX_kubogi

Ayni vaqtda Qarshi shahrida mini-futbol bo‘yicha DXX kubogining Qashqadaryo viloyati bosqichining yarim final bahslari bo‘lib o‘tmoqda.

Unda Muborakning "Yoshlik" jamoasi Kosonning "Mudin" mahallasiga qarshi bahs olib bormoqda.

Hozircha hisob 1:0. Muboraklik yoshlar oldinda.

Kanalga obuna bo‘ling:
👉https://t.me/muborakinfo