ولا يقرّب ديارك يوم انويها

يا كود جمسٍ ما ترهبه المسافاتي
ملكع بأول الدنيا وتاليها

منحره لا اقبل مع خشم الطويلاتي
منحر ذلول تزول بكبد راعيها

وامرايته دون كبوته عريضاتي
كفوف إمام معه دعوه ويدعيها

والهولي يبخ بلوفه بلوفاتــي
يولع النار والا مايطفيها

ما بينه وبين أهل نجد علاقاتي
لاهي تدانيه ولاهو يدانيها

صوته لا ريح بنمرة عقب زتاتي
تنهيدة الي صدوق العشق كاويها

تناحي أهل المحبة بالتنهاتي
ولا لقت بالمحبة من يناحيها

ورفارفه يوم يصفق بالمطباتي
ردوف بنتٍ من النعمة تدربيها

إليا نطحها هواء هيفيتن عاتي
تحسب انه من الزود متقفيها

مساحتينه لا قامت تقبل وتآتي
أصبع عجوزٍ كثيراتٍ دعاويها

عليه الأحياء يدخل جو الأمواتي
وعليه الأموات ما أدري وين أوديها

يوم يتفلت على الطرقى تفلاتي
ضعاف الأنفس على الفتنة يجريها

الجاكوار اكبر عياله و البنياتي
اللكزس البورش والبي ام واخيها

وإن قلت يالجيب خاوه قال ما أحاتي
لكن ديرة يواليها ما أواليها

يشرب فناجيلي ويكسر بيالاتي
ويمد رجله على دربي ويثنيها

إن قلت يالفرت قال الفورد سكاتي
بعض الطواريق ما ودك تلاحيها

الجمس إبداع من كل الإتجاهاتي
كنه قصيدتك ذي الي على ايها

مصدر للفجيرة باسم كرواتي
يدرس علوم الطبيعة في نواحيها

وشراه واحد سعودي من إماراتي
وباعه على حضرميٍ رايحٍ فيها

والحضرمي كل ما خزن من القاتي
الحاجة اللي على باله يسويها

إلى بغا يرهب كبار الحكوماتي
رجله على قطعة الفرجة أمضريها

وإلا خواطر خفوقـي واخـر أبياتـي
قصايدي كل أبيها قد سمعتيها

إي والله أني عشقت رضاش بالذاتي
ما به مساحة بقلبي ما مشيتيها

يا نيلي العذب يا دجلاي يا فراتي
يا ديرة الحب شارعها وكبريها

يا أبلغ قصيدة عليها من حركاتي
ما يجلب الدهشة لعيني قاريها

إلى إنتثر دمع عينش سوي سواتي
قولي بكمش كذيا ثم مشيها

الحزن يوم المفارق عاملن ذاتي
فطرة بالإنسان ما يقدر يخليها

• محمد بن الذيب

مساكم الله بالخير

تأخرنا عليكم ، لكن اليوم إن شاء اللـﮧ مقطع لمصلح بن عياد 😁

يا رجال أنتم رياجيل تبغون الصحيح
والصحيح أقفى عليه العجاج وضيعه

كل ما ربي جمعكم على هبات ريح
كثرت اللجة وصرتوا ثلاثة وأربعة

كان ما فالقوم نطحة ونارٍ في قديح
لين يلقى طالب المر مرٍ يجرعه

لا تلومون المصيح ليا عوّد يصيح
عزتي له كان ما فيه حيٍ يسمعه

والله لـ يبطي وهو من معاناته جريح
كلمةٍ تجرح ضميره وكلمة توجعه

نثرة المجلس على راس أبو وجهٍ قبيح
ودك أنه يعترض له قبيح ويجضعه

الهذور الي يبي المدح ما حوله مديح
من هو الي يمدحة نعنبو من طبّعة

والله أني يوم أشوف المنافق ما أستريح
وأنه أبغض عندي من المدير الأمعة

المنافق والكذوب الربادي والشحيح
كان مامنهم مضرة مامنهم منفعة

والغرور وكبرة النفس راعيها يطيح
يحسب انه في مظلة وهو في مدرعة

لو رصيده بالملايين ولسانه فصيح
ما تساوي قيمة الخاتم اللي بأصبعه

أنشده عن غزوته كم صويب وطريح
وأنشده هو مالقى ابن حلال يفرعه

توحّد رايكم ما يزحزحكم مزيح
وإن تفرق رايكم صار فيكم مطمعة

وإن بغيتوا ذا يخيل وهذا يستضيح
والنوايب ذي رهينة و ذيّ مودعة

عود الشيعي يحلق على راس المسيح
والمسيحي عجزت أمة محمد تمنعه

عزوتي يا عزوتي وارد الجمة يميح
لا تخلون الضعن في سراب ومقطعة

⋆ مصلح بن عياد

ترا الرجال أنواع وأعز الأنواع
اللي تقدر بعض قبل تواجه

وإلا أنا حرٍ على راس مطلاع
مالي ومال أهل الحكي واللجاجة

لو الدجاجة تقدر تفارق القاع
بتفارقه لكن أصلها دجاجه

• محمد بن الذيب

يا الله يا رب عبدٍ سارحٍ توّه
يوم المواذين تذّن في مساجدها

نطرد ورى الرزق والأرزاق تلهوّة
لين المنايا توردّنا مواردها

المال خلّى الغناوي صافيٍ جوّه
والعسر رد النشاما عن عوايدها

والحايز اللي من القبلة زفى نوّه
قدامه الارض خاليةٍ قواعدها

إن كان ما باشروه الناس من توّه
والله ليحرم هل الديرة مقاصدها

واللي يبا من حلال الناس بالقوّة
والله ليتعب وهو ما فاد فايدها

واللي يحط الردى والكره تلهوّه
الزرعة اللي زرعها صبح حاصدها

ورجلٍ يبي منك رفقٍ زين وعنوه
افقد معانيه وعلومك تفقدها

لا ترخص العار عند اللاش والبوه
تجيك بكرا مقطعةٍ قلايدها

وإليا نصحته يقول اللي تبي سوّه
والمشكلة كان ماليةٍ صوايدها

ولا تعطي السد من لا يعرف الخوّة
والسالفة عن طويل ذراع سنّدها

⋆ مصلح بن عياد

وجدي كما الي ما تريح بدنياه
يرفع يدينه يم ربه ويرجيه

يالله يالمعبود تمسح خطاياه
وتفكه من الي عن الناس حاديه

مسجون والمسجون سبة سواياه
درب الخطاء غصب على النفس تمشيه

ابوه طاح من المرض مالقى دواه
وداه للدكتور ضنه يداويه

فحص عليه وقال ويلاه ويلاه
وده للندن كان تقدر توديه

وان كان ما تقدر تصبر بما جاه
ربك هو الي من السرطان ينجيه

كسر وحسب مد كفه بمخباه
فتش وما يلقى لو ريال يقنيه

مديون والمديون وشلون يلقاه
ما يملك إلا جمس باقصاد شاريه

قام يترفد مد للناس يمناه
كلٍ يقول اذلف ولاني بمعطيه

عزي لمن حده زمانه على اقصاه
يشدى وينخى مير محدٍ نظر فيه

وقت الرخى ياكثر من قال نفداه
بالمال وإلاالجاه بالروح نفديه

وقت الشدايد كلن يقول فرقاه
مالي وماله ثم روح مخليه

خلوه في فقرٍ وهمٍ ومأساه
اطيبهم اطيبهم بهرجه يهديه

أيس وقال العبد لابد مثواه
في وسط قبرٍ بأبيض الخام نطويه

روح لداره يوم كلٍ تباطاه
هو يحسب إن الناس قدمه تحاتيه

مايدري بصكات بقعاء تحراه
في وسط بيتٍ له بالأقصاد بانيه

البيت محترقٍ من اعلاه لدناه
والورع يبكي والقصيرة اتحاضيه

وامه توفت والمصايب تقفاه
ماتت ولحدٍ بالمصيبه مواسيه

ماغير ورعٍ قطع ال

سرا الليل واللي طرالي طرالي
وانا بعد ساقت هواجيس بالي
اباضد الاقصى واضد الموالي
ولا كل من غاب جاب الغنايم

ليا صرت يمناي لا تعترضني
أنا افرضك في الراي ما تفترضني
وانا صقر وجناحي اللي نهضني
ولا كل من غاب جاب الغنايم

حدود الخريطه من اللي رسمها
ولو وجودها صار يشبه عدمها
الأهرام بدري عليك إتهدمها
ولا كل من غاب جاب الغنايم

انا ويش أبا يوم احرش عليكم
وانا اشوف الأوضاع منكم واليكم
تشيلون جمر الغضا في يدكم
ولا كل من غاب جاب الغنايم

✦ تركي الميزاني

يالله ياربي عليك اتكالي
يارب عمرٍ زل منه النصيفة

مدري بقى لي من حياتي ليالي
وإلا وصل راع الشداد ورديفه

يالله يا معبود تلطف بحالي
ليا طفح شوفي وحسيت خيفة

ليا خبثت الخطر وجضوا عيالي
والتفت الساقين مثل الكتيفة

وظفوا هدومي وتركوني لحالي
وجوني بصابونة وقطنة وليفة

وتناقوا جسم من الروح خالي
وحان الوداع من الوليف لوليفة

اغفر ذنوبي يارفيع الجلالي
واجعل سجلات الخطايا نظيفة

نويت أسوق القاف يوم استوالي
سوق الركاب بخيزرانٍ صخيفة

بتر العضود مصرمات الحبالي
شقر العيون ملاعبات السفيفة

جني هواجيس الضماير هيالي
بيت أحذفه منها وبيت استضيفه

اختار من زين العلوم الجزالي
وأعاف من نشر العلوم الضعيفة

وأهرج إلى قالوا تعيش الرجالي
واصمت لا شفت السوالف طريفة

خفت موازين العلوم الثقالي
وثقلت موازين العلوم الخفيفة

بـصون عرضي وأتفقد حوالي
وأهدف على علمٍ يصيب تهديفه

وإليا عرفت اللي عليه ومالي
وظيفة ياويها من وظيفة

أخلص وأخلص قبل يرمى خيالي
والعز أخير من الحياة الكسيفة

وأصبر بزلات الرفيق الموالي
وأقنب قنيب الذيب وأهرف هريفة

الطيب اللي يستحي من سبالي
غلاه عندي ما يوصف وصيفه

يرخص له المطلوب لو كان غالي

ودي يجيني ضيف قدام أضيفه

وإليا نويت الدرب وإلا طرى لي
أكره ترداد الحكي وتحريفه

يا زين رفقة ملحقين التوالي
دسمين الأيدي يوم الأيدي حفيفة

ليا قربوا شهبٍ تبوج الرمالي
وكيلهن عبداللطيف وحليفة

وتنحروا وادٍ من الوسم سالي
مسيول من تالي ربيعة وصيفه

فيه الحباري والقطا والغزالي
طعس وجلد ومريقباتٍ منيفة

وصلوا سوا ما فيهم أول وتالي
العصر يوم الظل ميل سنيفة

وأحدٍ قعد عند الحطب والدلاي
ودث الوجار وشغلة الكيف كيفه

وأحدٍ بدا بالطير في راس عالي
والطير فارس والمدرب خليفة

وأهل البرانو ناحروا للجبالي
وحطوا خشوم الضلع عنهن سديفة

وعصير وإليا المشوك يلالي
وطير السعد ما تسمع إلا رفيفه

وطاح العشاء من كل جولٍ موالي
ولا واحدٍ منا بقي له حسيفه

هذاك والله يا بدر شف بالي
البعد عن قوم النوايا القصيفة

⋆ مصلح بن عياد

يا ملكنا المفدّى وأنت بالوضع داري
إن دون الوطن شعبك يصير انتحاري
سيدي كل شعبك جيش وقوة طواري

لا يهمك يا زعيم الدار
سيدي سلمان ما غيره


يا ملكنا لعلك طول الأيام عايش
دام الإرهاب عايش بين مرشي ورايش
لين نقضي على زمرة جنود الدوايش

سيفنا يا سيفنا البتار
في الوطن ما ماتت الغيرة


فمدح امدح بشرط المدح من طيب نية
لو عبيد الله اللي يدخل العسكرية
يلبس البدلة وفي يده البندقية

الله الله والزمن دوار
بالزمن لفة وتدويرة


أنت يا أحمد دخلك الشك والشك قاضي
وأنت فالمحكمة قاضي ولا انت بقاضي
تحسب الحرب يا شاعر في لهرج فاضي

الفلك بأم المعارك دورة
والخطر دقت مساميرة


أنت اللي تحب الشك نيتك سية
عادي لو تشتغل بالجيش لو عنقرية
هذي خدمة وطن وانت عزومك قوية

قارحيٍ مسوي استشوار
شوشته يا ليته قصيرة


خدمتي للوطن عادي وما قلت عادي
تاج راسي وراسي دون خدمة بلادي
وانت وسط العلا دايم تصيح وتنادي

لي هدف وإليا انتهاء المشوار
ينتهي بالشك والحيرة


أنا آسف ووضعك ما هو اللي بهادي
ترفض الخدمة أب ضني وحسب إعتقادي
إنت تستاهل التسفير برا البلادي

إستر الشوشة عن الإعصار
قبل ما تاصلك تغبيرة

دام مشغلك راسي فالزمام بوس راسي
لين أسميك شاعر منطقة دبلماسي
وإلا خلك مسفط عن يسار الكراسي

العلا ديرة هواء وغبار
لو باجاور ما معه جيرة


أحمد المصيليح

في زحمة أيام عمري دار دولابي
والوقع إنه يدور بعكس دولابك

ياللي تقول الصراحة طول غيابي
ولازلت تسأل وش الي صار بغيابك

واصلتني بالغياب أكثر من أحبابي
عساك ما تفقد الغالي من أحبابك

يا صار منت رفيقٍ لي من أصحابي
وش مشغلك في بشر ما هو من أصحابك

مرت سنين العمر عايش على أعصابي
والظاهر أنك بعد مثلي على أعصابك

حاولت أواصل هال المعروف بكتابي
لأني توقعت ما دريوا عن كتابك

ما أضن لك مصلحة تستثمر عتابي
وتحسس الناس في شرهتك وعتابك

خلك على ما تبي محتال ومرابي
وأحرص على اللي كسبته من سهم سابك

عطني حسابك وصادر باقي حسابي
لا بارك الله في شيءٍ صار بحسابك

قصرت بالطيب وأنا فاتحٍ بابي
وشلون تقواه وانت مسكر بابك

⁑ أبو مطلق الشمري

🔴 قصيدة بندر بن سرور :

الفرت روّح وحـط طريف من دونه
عقب حدود السعودية لعماني

شدالخواجة يجيب اللي يطبلونه
أقطع عليه الخطر كان الله احياني

يوم ان خطو الولد رزقه على شونه
رزقي على واحدٍ ما هـــوب مناني

ضحاكة الوجه مثلي ما يفيدونه
يضحك بوجهي وإلى أقفيت يتقفاني


🔵 رد سلطان النحاوي :
الفرت روح وحط طريف غربية
متنحرٍ للشمال وهكالأوطاني

يبي بلادٍ عجم ما هي عربية
عليه كارون النصارى كروز دخاني

وأجيب كار العرب شغل الألمانية
سقم المعادي لا جاء العلم برهاني


🟣 رد سلطان النحاوي الثاني :
يالله يالي جميع الناس يرجونه
يا خالق بالبشر مسلمٍ ونصراني

تفرج بروحٍ من الهاجوس مشطونة
من مغناطيس الفواد تقول نيراني

لو ربوعي سوار الليل من دونه
عند الربعي جليت من خوف عدواني

تعبت من كثر حكيٍ يقولونه
حكيٍ يولا بين فلان وفلنتاني

تهوم نفسي والزمن صار ضده
وآخذ مع الهوجاس سرداد مرداد

يا جاوز التفكير مضمون حده
يعود في واقع تصاريف الأضداد

ناسٍ بلونا بالقلوب المصدة
مشغلهم الله بين عايد وعواد

مهما نعاملهم بلطف ومودة
يطغى عليهم حقد ماضين الأجداد

أفكارهم للتفرقة مستعدة
تحمل خصال نفوسهم ظلم وأحقاد

كلٍ يقول وما لقينا نعده
ما فيهم الي ينتسب لقمة الضاد

حسن التعامل يرفضونه بشدة
ضاعت سنين العمر والصبر ما فاد

كم واحدٍ يا شاف خيرٍ يلده
والحقد في قلبه مع الوقت يزداد

ضاعت خطانا ما قدرنا نعده
لعلنا نلقى مواريث الأجواد

أهل النفوس الطيبة مستعدة
يا قلهم يا صب وادٍ على واد

يا ليت وضعي للنشاما مرده
كان إنتهت مأسات عايد وعواد

⁑ أبو مطلق الشمري

محمد بن الذيب يشبع إلى جاع
ويشرب من زلال المقام وهماجة

كم مرةٍ حده زمانه ولا طاع
لو صيدته ضاعت عليه فعجاجة

ملعون مترس ويتلكع تلكاع
وإلى إندرج على الولي اندراجة

• محمد بن الذيب

يا سويلم لا تجي راس الزبارة
تبتلش باللي يقصون الاثاري

احذر اللي لنبته فوق الغمارة
الونيت اللي على الهجمات ضاري

في فوادي من حطب شيخٍ ضيوفه شيوخ
جمرةٍ يغري سنا نارها أكبر موبذان

من جنونٍ دوختني وعيت لا تدوخ
والمجنن زادوا جنانها السابق جنان

ليت شعري أين أمست ملوكٍ من تنوخ
عودت أحداثهم من أحاديث الزمان

يا مرقصة الجمال يا مقرنسة الفروخ
من طمان نفوسكم نازلينٍ في الطمان

عالمٍ لبسوا ثياب الدهاة وهم دلوخ
أوردتهم حوض فرعون قفزه بهلوان

لا نجوا من فخ طاحوا بآلاف الفخوخ
عشرهم في مجلس العم سام أضحت ثمان

وشرهة الطوخي على من حضر من أهل طوخ
لأنتصب حد السنان إرتخى حبل العنان

العوض في قبة البيت الأقصى بيت كوخ
وكل حربة عود زانٍ عوضها عود بان

في حضور المسخ الأكبر تعشتنا المسوخ
وأردفونا في ظهر بكرتينٍ من عمان

لا بدا الخافي وباخت علوم القوم بوخ
للمذلة في وجه ربها شاهد عيان

صفعةٍ في الخد مع ضربتينٍ في النفوخ
روعت خورشيد باشا وهو فوق الحصان

ماجنه تحمل يداها تسع حبات خوخ
سرها عند آل حسان والبيض الحسان

من كبر شرخٍ معانا تصاغرنا الشروخ
ندرق في القرع مع كل قرعة صولجان

السلام اللي يفسر لنا معنى الرضوخ
ليس إلا الموت في كفنٍ من طيلسان

والشموخ اللي على ذل لو سمي شموخ
المقابر منه أعظم شرف وأطهر مكان

الكرامة جوخةٍ من نفيس الجوخ جوخ
ما تناسب من قصر به عن الطول الهوان

وآعذابي من ينوخ جمال هذيل نوخ
قبل لا يهتز من ساسه الركن اليمان

الطعون طعون ياللي تسميها مشوخ
ولا يحقر ثاره إلا الجبان إبن الجبان

ياحفرنا عدنا لين يآتي له نضوخ
يا نادينا في خبر كان ياما كان كان

أمة ما للقيم في ضمايرها رسوخ
مجدها ماءٌ تبخر على هيئة دخان

★ ناصر الفراعنة