ليا جيت لي أعمى بضلمى خمشته
وإذا كان فيه خصوم فأصبع لكشته
وإذا كان لابس بشت .. فتروح بشته
طلبناك يالغفار تغفر ذنوبنا

... تراجف كل أبوها ورا بعض
وناخذ بعض منها .. ولا ينوخذ بعض
تشاوا شوية ثم يرجع بك المرض
طلبناك يالغفار تغفر ذنوبنا

❈ منيف المنقرة

والعلم مرتفع فوق راس الجبل
مرتفع فوق رفرف ولونه خضر

وعدلوا
ومالوا
وقالوا
أخيره

منيف مع الأعمى
ونورٍ وضلمى
يا كبرك يالأسمى
طويل وقصيره

سوالف كثيره
طويلة قصيرة
وكل بعيره
يحاول يغيره

والعلم مرتفع فوق راس الجبل
مرتفع فوق رفرف ولونه خضر

بقي حرف واحد
وجمهور شاهد
ترا الوضع جاحد
واضنك نسيته

ما فطرت صايم
ما صحيت نايم
ترا الداب قايم
برجلك وطيته

قريبٍ تردّا
ومسرع وهدّا
وملعون جدّا
لأني نويته

والعلم مرتفع فوق راس الجبل
مرتفع فوق رفرف ولونه خضر

عتيبي يتبسّم
ودوبه تنسّم
يخطط ويرسم
يبي يصير باشه

عظامٍ تراعش
رموشٍ ترامش
وقام يتخامش
عبيد الخماشة

وانا بس أهوّش
على البدر أشوّش
لما بوش بوّش
وخذها عكاشه

والعلم مرتفع فوق راس الجبل
مرتفع فوق رفرف ولونه خضر


❈ منيف المنقرة

أشكر جماعة التيك توك
على تصحيح بعض الأخطاء
ولهذا أعدت رفع الفيديو
وانا حريص جدا على نقل كلمات المحاورة نفسها

ومستقبلا اللي يحصل غلط في أي تصميم يبلغني عشان نعدله إن شاء الله

ألا يالهبوب البارده عجلي هبي
على جاش من قامت هواجيسه أتلوبه

أنا مرةٍ أصحى ومره يغيبي
وأسرح مع كثر الطواري بغيبوبه

أعبادٍ مغفلها الزمان وتعجبي
يحسبون قل المال فالرجل عذروبه

وأنا قانعٍ باللي علي كاتبه ربي
ومؤمن بمقدوره وقانعٍ بمكتوبه

ولا أبغى عما الأرياء برايه يجربي
وهو ماعرف ماجوب ربي وماجوبه

هذور المجالس راعي المدح والسبي
وهو بالخلاء لو جاه بنتٍ خذت ثوبه

يقولون لي جز من تصرفك وتحبي
وهي توبتي من مجتمعهم هي التوبه

ديار الوباء من طبها راح متوبي
وقرابة الجرباء على الحول مجروبه

أنا عارفٍ منصاي ألامن بدا نبي
وعارف طريقي والذي بالتجه صوبه

وأنا أعرف من أعادي وأنا أعرف من أحبي
وبه ناس لاتعرف ولاهيب محبوبه

_كلمات سعد بن جدلان
- صوت خليل الشبرمي

الغباء في المهبل صار طبع وجبلة
بالقزازة يحذفون الجبال المطلة
والقزاز يتكسر والجبل في محلة

- عبدالله بن شايق الله يرحمه

بفضل من الله افتتحنا منتدى القناة باليوتيوب .. وهذي أول مشاركة في المنتدى ... وراح يستمر التنزيل بشكل يومي بإذن الله كل يوم بيتين الساعة ٨ مساء بتوقيت مكة المكرمة 🌺🤍

*فهد السحيمي:*
سرا الليل يا منيف المناحي سرا الليل
وأبا أعطيكم الموجز ولا فيه تفصيل
وتفهم كلامي فالليالي المقابيل

*منيف المنقرة:*
الاخبار أنا رجال ما ودي أخبار
إذا جوكم غاشيه عجات وغبار
الإنذار الأول بعده إنذار وانذار

*فهد السحيمي:*
تقوله تقوله والتحدي تحدي
وأنا عارفك يا منيف منت بقدي
ولا أنت ولد عمي وخالي وجدي

*منيف المنقرة:*
أنا يا فهد يا صاحبي ما أتحداك
أنا لا زعلت أقوم لك واتوطاك
ولا همني غيضك ولا همني رضاك

*فهد السحيمي:*
توطا صحيبك يا بعيد المدالي
وأنا خابرك يا منيف بأول وتالي
وأبا أقول لك يالشيخ يا هملالي

*منيف المنقرة:*
خويك أنا والله مني خويك
أنا أقدر عليك وفيه مليون زيك
ولكن حيك يا ابيض الوجه حيك

السلام عليڪم ... ⁦🙋🏼‍♂️⁩
مساكم الله بالخير يالنشاما

قبل امس جاني تنبيه بالبريد بخصوص القناة وتم ايقاف البريد

والحمد لله استرديته

لكن اليوم دخلت أشيك في القناة واستغربت ان منتدى القناة انحذف بالكامل

صراحه شيء يزعل لكن الحمد لله شيء يهون عن شيء

واعتذر منكم عن الانقطاع 🥰

الحمد لله رجع المنتدى 🥳🥳

ذكرياتٍ ماضية عجعجت قبل السبات
و اطردت عني رقادٍ يسلي وحدتي

واعصفت ثم معها شالت مباني والنبات
وخلّفت من بعدها ما يزيد بحيرتي

وشردت ناسٍ تحاول تلملم الشتات
وسالت دموعي وانا محاول اكتم عبرتي

# عمر الواكد

طاروق رباعي :
ـ # حبيب العازمي
ـ # فلاح القرقاح
ـ # راشد السحيمي
ـ # معتق العياضي

🔵 العازمي :
فلاح متحـزّم وراشد معـزّم
ومعتق يقول القضية قويّة

وانا اقول يالّي تصوم وتصلّي
ترى العز فالدين والعالم الله

🔴 القرقاح :
يا معتق تقدّم ولو ينثر الدّم
ينادونك القوم والنار حيّة

يا طول المسافة ولا به ضعافة
تقر الموازين والعالم الله

🟢 السحيمي :
تراي اتحدّى وأنا ما اتعدّى
لكن انتبه لا تعدا عليّه

علومك طويلة ولا فيك حيلة
اثركم شياطين والعالم الله

🟡 العياضي :
ترانا نباكم وزايد غلاكم
علشان كنتوا في نجد العذيّة

رسالة صريحة والألسن فصيحة
واعلمك بعدين والعالم الله

🔵 العازمي :
اشوف السحيمي يحد القديمي
يبا قبل شعبان يذبح ضحيّة

وهذي بديعة فحكم الشريعة
واسال القحاطين والعالم الله

🔴 القرقاح :
جملنا جملها ولا زلنا اهلها
ولا ينزل الراس والمعنويّة

إذا معك حجّة تعال وتوجّه
سنونك ثلاثين والعالم الله

🟢 السحيمي :
تراني بضحّي لكن لا توحّي
تراهم يعدونك الجاذبيّة

بعضكم تكبّر لكن ما يعبّر
من الحين للحين والعالم الله

🟡 العياضي :
غزينا وجينا وتندا يدينا
كسبنا بعير وكسبنا مطيّة

لكن لا تضايق تراها دقايق
نسوق البعارين والعالم الله

🔵 العازمي :
على طير شلوى ترى الحب بلوى
ولو لا الهوى كيف شدت طميّة ؟

لكن الحقيقة ما شفنا الوثيقة
نتيجة براكين والعالم الله

🔴 القرقاح :
يا راع المدينة غشتك السكينة
ولا جيت بوابة العاذريّة

الأكراني أخطى يقول أنه أسطى
لعب فيه بوتين والعالم الله

🟢 السحيمي :
محمد رسولي ولا أنته بحولي
بعديك بوابة العنبريّة

بعدها تفضّل ولا أنته مفضّل
رصيدي ملايين والعالم الله

🟡 العياضي :
بدا الحرب روسي عشان المجوسي
يسوي لهم نكبةٍ عالميّة

لكن يا مطوّع ما نبغا تروّع
وواصلتك الصين والعالم الله

🔵 العازمي :
رجل معه بندق وجيبه مصندق
ولا هوب فالشرطة العسكريّة

ليا جاك كافح وحاول تصافح
لو تحيمر العين والعالم الله

🔴 القرقاح :
تعدل وساوس ترى حرب اشاوس
رياجيل ما يقبلون الخطيّة

ولا جاء تفاوت تبا تطلع آوت
وحنا مقيمين والعالم الله
.

طاروق رباعي :
ـ # منيف المنقرة
ـ # متعب السفري
ـ # أحمد مصيليح
ـ # عايد العنزي

🔴 أحمد :
أسمعوني زين واسمع يا منيف المنقرة
إن بغيت الميمنة وإليا بغيت الميسرة
إنت تامر ثم تنهى وأنت عز ومفخرة

عشر زايد عشر ضرب اثنين ناتجها أربعين

إنت الزعيم وشاعر الجمهور
الرقم الأول في السعودية


🔵 المنقرة:
الحقيقة يا أحمد إن النور جلاي الظلام
والبارودة في يديّا والفشق ملي الحزام
بس انا هالوقت هذا تكل مايل للسلام

عشر زايد عشر ضرب اثنين ناتجها أربعين

ما فيه داعي للسلاح يثور
أصحابنا مية على مية


🟢 المسفري:
الأمر وانه إلى الله .. من على خلقه جميع
هيه ياللي تعرض الددسن على الخط السريع
يمكن يشيلك تريلة ويحصل حادث شنيع

عشر زايد عشر ضرب اثنين ناتجها أربعين

أبو مناحي كفو وأنت تبور
تجازي الحسنات بالسية



🟡 عايد:
الجماعة بالحقايق كل ليلة يشهدون
وأنت يا منيف المناحي عند بن عمك تمون
مار لا يمكنك تسالم ولا هم يحزنون

عشر زايد عشر ضرب اثنين ناتجها أربعين

صايبك علة ما لها دكتور
والظاهر إن فيك نفسية



🔴 أحمد :
الأمر وانه إلى الله .. ثم حتى للبشر
لا تحسس لا تفسر ماني اللي معتبر
العرب شافوك بالورشة تصلح لك كفر

عشر زايد عشر ضرب اثنين ناتجها أربعين

حتى لباسك ما هو بمستور
قلت لهم الله يصلح النية


🔵 المنقرة:
أنت يا عايد صديقي لا تذل ولا تخاف
أركد أركد طال عمرك ما على مثلك خلاف
أدري إنك تحمي المياقف في حد الرهاف

عشر زايد عشر ضرب اثنين ناتجها أربعين

الله بلاني في ثمان طيور
سبعة صقور وفرخ قمرية


🟢 المسفري:
يا وجيه الخير ويش العلم وش قوم العرب
كل من قام يتهددنا يدور للنشب
غير أنا من فضل ربي ما علي فأطلق شنب

عشر زايد عشر ضرب اثنين ناتجها أربعين

أدفك لقدام وانت تدور
تدور دورتك السنوية


🟡 عايد:
يرحم الله والدي ويرحم الله والديك
غنِّ يالركن الشمالي ما علي ولا عليك
كل ما أطلق هذيك أحط في بيتي هذيك

عشر زايد عشر ضرب اثنين ناتجها أربعين

وأنا بعد عندي ثلاث صقور
ومسباقها بيديك وبيديه


🔴 أحمد :
مني مهددك وأنت ضيف عندي بالشمال
وقحطانيٍ نعزه لا شكوك ولا جدال
يا صغر غترتك ورويسك مكبره العقال

عشر زايد عشر ضرب اثنين ناتجها أربعين

حبتك بقعاء وأنت دون شعور
اللي تكلم فيك جنية


🔵 المنقرة:
طلق اللي تطلقه لكن انتبه لا يخلعوك
ان لحقك الخلع بكرا رجعوك لبيت أبوك
من زرعها ورد يلقى ورد ورد بدون شوك

عشر زايد عشر ضرب اثنين ناتجها أربعين

باقي ليالي وندخل بعاشور
لكن غنوها على النية


🟢 المسفري:
طول الله عمرك أسمع علم من ضيف اليمين
رابطة موالكم من عام الألفين ... ( أربعين )
غير أبا أزود عليها واسمعوا يا حاضرين

عشر زايد عشر ضرب اثنين زايد خمسة خمس وأربعين

تراك يا أحمد كنك ديناصور
لو ينقرض ما ينوجد زيه


🟡 عايد:
كانها راحت فأنا ماني بناقل همها
وأنت حاول يا زميلي لا تفور دمها
سامعٍ متعب يقول البنت يا ويل أمها

عشر زايد عشر ضرب اثنين ناتجها أربعين

أخاف بكرا لا يجيك الدور
وتروح معهم للحسينية


🔴 أحمد :
ما هنيا صياح وأنت حاضرٍ بالملعبة
لو حصل لي ضيف وأنت عازمه ومعزبه
أحمد مصيليح شاعر منته اللي متعبه

عشر زايد عشر ضرب اثنين ناتجها أربعين

بالله ناظر ثوبك المزرور
ثوبك تبلل كله بمية

🔴 المنقرة :
بعد غيبة طويلة جيت يم الشمالي
وكل ما آخذ شمال شوي اميل عقالي
ما كسبنا رضا الأقصى بغيض الموالي

شاعر مطير أدلى بشاعر عتيبة
وما كل مرة يا عتيبة سلامات

إن ابعد مصيبة وان طاح بمصيبه
الله يعينه هالسفر بالمطبات


🔵 سفر :
غبت غيبة طويلة عن مرتك وعيالك
فيه غيبة بغرفة مظلمة كيف حالك
اطلع وعايد ربوعك وميل عقالك

شاعر عتيبة بالرضا والغصيبة
يقرا عليك الفاتحة والتحيات

منيف شكل من خنادف كتيبة
بس النهاية مثل ياسر عرفات


🔴 المنقرة :
أنت اللي نويت الشر أنا ما نويته
المراة به بدلها في طريقي لقيته
لو سفر يفهم الموضوع ما فات بيته

هرج الزعل هو نفس هرج الغليبة
والفرق واجد بين الأحياء والأموات

الجرح لا طول يعذب طبيبه
وإن طعتني شغل جميع المحطات


🔵 سفر :
هرجك اللي تقوله واقعي ما يخالف
والمراة به بدلها مع قبايل خنادف
ساكتٍ عن عن علوم وخابرٍ لي سوالف

لا تحسب إنك بوش وإلا صحيبه
يوم أظهروك مصورين المجلات

يا بن رفادة يا عطيب الضريبة
رح عالجه في عمان وإلا الإمارات


🔴 المنقرة :
ارفع ارفع علومك خلها فوق فوقك
قبل لا أزعل ويجمد دمك اللي بعروقك
ول ما اسرع غروبك ول ما أبطى شروقك

حبة عنب تصير حبة زبيبة
والوقت هذا وقت وقف خذ وهات

آل ابن رفادة شيخنا نعتزي به
ما يصدق اهل الكذب واهل الدعايات


🔵 سفر :
احمد الله كلامي فوق ماني بواطي
راس حربة ما احب اللاعب الإحتياطي
والعنب والزبيبة عند ذاك الشراطي

وابك العنب يا شاربه وش تبي به
مكسبك منه الهلوسة والخرافات

إعاده تنشيط 😬👍🏼