ــــــــــــــــــــــــ المنقرة ـــــــــــــــــــــــــــ

والعلم مرتفع فوق راس الجبل
مرتفع واركد اركد يا موج البحر

في راسي يغني
ثمانين جني
وجَني حدني
على الدرب الأقشر

لهن نقع ثار
ومسحنا الأثار
ويطاردني بـ ثار
وهذا الموت الاحمر

يحدني امشي
على طرف رمشي
يبن ذبح كبشي
عليـه الله أكبر

والعلم مرتفع فوق راس الجبل
مرتفع فوق واركد يا موج البحر

ـــــــــــــــــــــــــــ سفر ـــــــــــــــــــــــــــــــ

والعلم مرتفع فوق راس الجبل
مرتفع واركد اركد يا موج البحر

جنونك براسك
لو الوقت حاسك
وانا اعرف مقاسك
من الشبر واقصر

ما دامك تحدا
تراك المبدا
ما دونك مصدا
يا أبو عين الأعور

ترانا عتيبة
نروم الصعيبة
بقوة وهيبة
وفي كل محضر

والعلم مرتفع فوق راس الجبل
مرتفع واركد اركد يا موج البحر

ــــــــــــــــــــــــ المنقرة ـــــــــــــــــــــــــــ

تقوله تقوله
نهار البطولة
تبين الرجولة
يا شاعر عتيبة

ما هي بالتمنّي
وأنا قمت اغنّي
و هالعلم عنّي
تصير المصيبة

تقدم توخّر
تعطر تبخّر
ترا الوضع صخّر
وهذي عجيبة

والعلم مرتفع فوق راس الجبل
مرتفع فوق واركد يا موج البحر

ـــــــــــــــــــــــــــ سفر ـــــــــــــــــــــــــــــــ

والعلم مرتفع فوق راس الجبل
مرتفع واركد اركد يا موج البحر

علومك ردية
وعينك شرية
.... كذية
ولو بالغصيبة

بلي في ديرها
لو الله امرها
تربط جعرها
هذا وش نبيبه

أنا ذيب عاوي
يا كلب القهاوي
.. نفوك الشواوي
بدار غريبة
ــــــــــــــــــــــــــــــــــــــــــــــــــــــــــــــ

❈ منيف المنقرة
✼ سفر الدغيلبي

ــــــــــــــــــــــــــ ابن رحمه ــــــــــــــــــــــــــ
ولع النار يا شبابها

دوروا لي منيف المنقرة
كان يبغى علوم لها ثمرة
له زمانين عامل شوشرة

ولع النار يا شبابها

أعرف الدرب وأركد يا منيف
الأوادم حرقت أعصابها
تدحم القوم بالجنب الضعيف
والمشاكل تراك أسبابها

ــــــــــــــــــــــــــــــ المنقرة ــــــــــــــــــــــــــــــ
ولع النار يا شبابها

يا بن رحمة أنا هنا هنا
وأنت موتك يا بن رحمة دنا
وأنت دمك ما يشبه دمنا

ولع النار يا شبابها

لي عامين في ظهر العسيف
وأخذ القوم هي وإركابها
وأنت لا تقترب باب الشريف
خل الأشراف هي وبابها

ــــــــــــــــــــــــــ ابن رحمه ــــــــــــــــــــــــــ
ولع النار يا شبابها

أنت دايم تسوي مشكلة
قالوا إنك تصنع قنبلة
يا محبك لكثر البلبلة

ولع النار يا شبابها

صار لي مع بلي موقف طريف
حذر القوم لا يغدى بها
موعدك في الشتاء وإلا الخريف
وأنكبك نكبةٍ يدرى بها

ــــــــــــــــــــــــــــــ المنقرة ــــــــــــــــــــــــــــــ
ولع النار يا شبابها

طال عمرك ترا المعنى انكشف
والهدف ما بقي فيها هدف
مار أبا أزهمك وأخذك بطرف

ولع النار يا شبابها

خابرٍ داخلك ما هو نظيف

أنت تنوي بلي وتهابها
هرجتك طال عمرك كيف كيف
أنت أظنك جهلت حسابها

ــــــــــــــــــــــــــ ابن رحمه ــــــــــــــــــــــــــ
ولع النار يا شبابها

أبعدوا يا ضعيفين أبعدوا
وأسمعوا ما نقوله يا بدو
كم عرب عاندونا ثم غدوا

ولع النار يا شبابها

قبل أحملك بالحمل الكليف
بلوة القوم لا تبلا بها
لا تعفف ترا منت بعفيف
غلطتك محدٍ يرضى بها

ــــــــــــــــــــــــــــــ المنقرة ــــــــــــــــــــــــــــــ
ولع النار يا شبابها

البدو فهموك وعلموك
وكل ما قلت لا لا .. يلطموك
لكن أوقف هنا قل: يوك يوك
ولع النار يا شبابها

ولع النار يا شبابها

والله أني لا أسبب لك نزيف
الزمل دوم عوج ارقابها
تستحسب أنك على أصحابك عريف
بعض الأخبار وش تبغا بها

ــــــــــــــــــــــــــ ابن رحمه ــــــــــــــــــــــــــ
ولع النار يا شبابها

طيع ما قلت لك يا short man
والعجم يجلهون الترجمان
ما بقى لك مع أصحابك مكان

ولع النار يا شبابها

أنت مبصر ولكنك كفيف
ديرتك وش حصل فأحزابها
أنت لوك مع عتيبة حليف
ولع النار يا شبابها

ــــــــــــــــــــــــــــــ المنقرة ــــــــــــــــــــــــــــــ
ولع النار يا شبابها

أنت تنسى العلوم الأولة
يوم جتك الرجال محولة
قلت يكفي وقلنا مطولة

ولع النار يا شبابها

حية الأرض تشبه دابها
ما طمع بالشداد إلا الرديف

ــــــــــــــــــــــــــــــــــــــــــــــــــــــــــــــــــــ

يوم مريتش وانا عجل وانتي عند طرش
ينتبه ريح الحيا نتب مزن من عريش

انطوى عرقي ورا الضلع الأقصى طي فرش
استحيت اقول من انتي وقلت وين ابيش

سلهمت رمشش تخرش الفؤاد الترف خرش
كن رمشش حيةٍ مرقطة في بطن حيش

احبٍ من الدواسر وقلبي قلب هرش
وان لقيتش راغ قلبي مثل روغ الخريش

لكن اسوالي مساوي لو ما معي قرش
اذبحيني وأحياء من جديد ولا عليش

عشقتش عشق شيخٍ على الشدات حرش
افتحي باب السياشة واحبش حب فيش

يا ما أفضي لش وأعبي وانا من دون شرش
كهرباء حبش تجي كذا من دون فيش

غير لا جيت مريت عجل وانتي عند طرش
ورديني الحوض لين ارتوي في وجه ابيش

• محمد بن الذيب

يا حليل الجيب لا ثور غبارة
واحتمى الشكمان تسمع له صفير

سايقة مع قو باسة به شطارة
ما يهاب من الملف لو هو خطير

لا تذكر صاحبه بأول نهارة
فز قلبه من ضلوعة تكل طير

عشقة بإثنين واعطاه الزبارة
يوم فز مع الزبارة يبي يطير

وناوله بالثالث وغير مساره
وريّحه والسير تسمع له صرير

من غباره ما تبين إلا الغمارة
دايسٍ رجله فالبنص إلى الأخير

أجنبيٍ وإنتحى به عنه دياره
داعج العينين ملبوسه حرير

تذبح العشاق بهروج القمارة
كم صبي بالهوى يزفر زفير

ليه يالمجمول تخطي والأمارة
يوم قلت الأجنبي حبلة قصير

ما دريت إني من رجال النمارة
به ذبيح بدربهم وإلى كسير

أوصلك لو حط من دونك خفارة
أوصلك وآطى على راس الخفير

❈ منيف المنقرة

قصه وقصيدة :
تل قلبي تل فرتٍ تحت منحاش
عليه القريفل واقتفا الهاف دورية

ما هي مباحة حملته والخليط رياش
جديدٍ تعرض للنمر والخطارية

خذاه طلوع الشمس من حد شبه الطاش
والمشكلة يبغى حدود السعودية

تولاه مع حر اللواهيب عنتر ناش
مهرب وشاحن وسلاح حدود ودوريّة

عطاه الثلاث الين ميّ الرديتر غاش
ولا ريحه لين الحمر عقب الميّة

وقاه الولي مذر ي الهبايب من الرشاش
وراح يتنزح مع ديارٍ خلاويّة

بعد ما تنحا بعيد قال المعاون عاش
عاشت يمينك يا عشير السنافيّة

يحده مع اللفات يوم الدريول شاش
مع ديار مخليةٍ من العام قفريّة

وأنا حن قلبي حن خلجٍ تحن اعطاش
تجاذبن الصوت من فوق مطويّة

على اللي غلاهم وسط مكنون قلبي ناش
مرهيٍ عليه وصار دونه حسوديّة

❃ سلطان النحاوي

تل قلبي تل فرتٍ تحت منحاش
عليه القريفل واقتفا الهاف دورية

كامله للي طلبها 😇
❃

❁ بندر بن سرور رحمه الله :

رسمت لي مع طلعة الشمس خطة
وبالليل غيرنا اتجاه الخريطة

أشيل بميزان الروابع واحطه
الله من بحرٍ قطعنا محيطه

أنا الذي قاسيت راحة وشطه
بحلت بأيامي واثرها بسيطة

ما يطلع القرناس من عش بطة
والجبو ما يروي النوامي نقيطه

ليا صار من ربعك أقيشر ونطه
هز المحاله لين يفرد شريطه

تراه ما ينفع عساها تلطه
خيال دجا باليل عنزٍ ربيطة



❃ رد سلطان النحاوي :

الله من قلبٍ بلا الروح عطه
ينقط على معلوق قلبي نقيطه

من فعل هالأيام شيله وحطه
أضرب واجمع والليالي محيطه

كم مرقبٍ في عالي الرجم أنطه
لكن على المحوال عسرٍ هبيطه

كم خايعٍ خالٍ خلاوي يعطه
من فوق فرتٍ يوم تسمع شفيطه

نوبن ورى ثمود ونوبٍ بقطه
ونوبن ورى نزوا ونوب بشبيطه

صبرك على نفسك بدارٍ أقشطه
أخيرٍ من شوف الوجيه البليطه

محمد السكران :
يا حبيبي لا تعنيني ما دمت أعاني
الظروف الله يخارج والمشاكل بقطى

والله انك مسيطر بدمي وفي شرياني
سيطرة بابا الكنيسة فالقرون الوسطى

الفرج ماهوب حولي والصبر خلاني
راحت ضلوع الصدر راحت هشيم الارطى

ارقبه رقب البدو للعامل السوداني
خايفين الزول لايبطي عليهم وابطى

راح للخرطوم شهر وغاب شهرٍ ثاني
كل مادقوا تلفونه ماهو بمغطى

لا تخليني على بر الشقى وحداني
قاعدٍ مابين ذيب وحيتين رقطا



محمد بن الذيب :
.... بعد حقبة محسن الهزاني
الخراب اللي لحقها ما لحق هالملطا

يبخل بن ادم لا منه اعطى لو انه فاني
جل شان اللي مهو يفنى ويجزل لا اعطى

والأراضي واطيه .. وابن آدم الفوقاني
وإن قارنته بالسماء شفت ال بن آدم لاوطى

والخطا وارد .. لكن بالمنطق العقلاني
قمة إنسانية ابن ادم تجسد لا اخطى

وأنا محزنّي مارادونا وهو نصراني
جعل تفداه الصغيرة وأختها والشمطا

الملك فاروق جده الأولي عثماني
غن يا عبدالحليم وجيب ولعة يا سطا

شكرا لكل اللي شاركوا بالإستفتاء
وآسفين أخذنا من وقتكم وأزعجناكم ♥️🌹🙏

الست يالسنباطي تلامس الروح
بصوتها .. وألحانك السنبطيّة

لكن على موتر بخيت الفاتوح
اللي عطاني واشهد أنه عطيّة

عن جرة المنكوس ماني بمسموح
إذا طوى البطناج طية وطيّة

جمس إلى قامت شكامينه تفوح
يمديك تكوي به جنوب المطيّة

فالبر أو فالمدن وين ما تروح
له هيبةٍ بين المواتر سطيّة

تشكيلتة تدعوا هل البوح للبوح
ويعطيك دافع لإرتكاب الخطيّة

لو كان ربي باعث في هيكلة روح
نوعيته نوعية مهايطيّة

آي يالجمس تقديرك مع كل طحطوح
مع الدروب العالية والوطيّة

ذكرتني عصرٍ بها الطيب مشفوح
عصر الزعيم ومكرمات العطيّة

اللي على جمر الغضا قدره يفوح
في مجلسٍ ضيفانه بواسطيّة

ما هوب بشيخٍ يحسب الشيخة مزوح
إذا نصيته جاته المالطيّة

مجملين كلكم يالفاتوح
بقلوبكم تقديري أكبر عطيّة

• محمد بن الذيب

ليا جيت لي أعمى بضلمى خمشته
وإذا كان فيه خصوم فأصبع لكشته
وإذا كان لابس بشت .. فتروح بشته
طلبناك يالغفار تغفر ذنوبنا

... تراجف كل أبوها ورا بعض
وناخذ بعض منها .. ولا ينوخذ بعض
تشاوا شوية ثم يرجع بك المرض
طلبناك يالغفار تغفر ذنوبنا

❈ منيف المنقرة

والعلم مرتفع فوق راس الجبل
مرتفع فوق رفرف ولونه خضر

وعدلوا
ومالوا
وقالوا
أخيره

منيف مع الأعمى
ونورٍ وضلمى
يا كبرك يالأسمى
طويل وقصيره

سوالف كثيره
طويلة قصيرة
وكل بعيره
يحاول يغيره

والعلم مرتفع فوق راس الجبل
مرتفع فوق رفرف ولونه خضر

بقي حرف واحد
وجمهور شاهد
ترا الوضع جاحد
واضنك نسيته

ما فطرت صايم
ما صحيت نايم
ترا الداب قايم
برجلك وطيته

قريبٍ تردّا
ومسرع وهدّا
وملعون جدّا
لأني نويته

والعلم مرتفع فوق راس الجبل
مرتفع فوق رفرف ولونه خضر

عتيبي يتبسّم
ودوبه تنسّم
يخطط ويرسم
يبي يصير باشه

عظامٍ تراعش
رموشٍ ترامش
وقام يتخامش
عبيد الخماشة

وانا بس أهوّش
على البدر أشوّش
لما بوش بوّش
وخذها عكاشه

والعلم مرتفع فوق راس الجبل
مرتفع فوق رفرف ولونه خضر


❈ منيف المنقرة

أشكر جماعة التيك توك
على تصحيح بعض الأخطاء
ولهذا أعدت رفع الفيديو
وانا حريص جدا على نقل كلمات المحاورة نفسها

ومستقبلا اللي يحصل غلط في أي تصميم يبلغني عشان نعدله إن شاء الله

ألا يالهبوب البارده عجلي هبي
على جاش من قامت هواجيسه أتلوبه

أنا مرةٍ أصحى ومره يغيبي
وأسرح مع كثر الطواري بغيبوبه

أعبادٍ مغفلها الزمان وتعجبي
يحسبون قل المال فالرجل عذروبه

وأنا قانعٍ باللي علي كاتبه ربي
ومؤمن بمقدوره وقانعٍ بمكتوبه

ولا أبغى عما الأرياء برايه يجربي
وهو ماعرف ماجوب ربي وماجوبه

هذور المجالس راعي المدح والسبي
وهو بالخلاء لو جاه بنتٍ خذت ثوبه

يقولون لي جز من تصرفك وتحبي
وهي توبتي من مجتمعهم هي التوبه

ديار الوباء من طبها راح متوبي
وقرابة الجرباء على الحول مجروبه

أنا عارفٍ منصاي ألامن بدا نبي
وعارف طريقي والذي بالتجه صوبه

وأنا أعرف من أعادي وأنا أعرف من أحبي
وبه ناس لاتعرف ولاهيب محبوبه

_كلمات سعد بن جدلان
- صوت خليل الشبرمي

الغباء في المهبل صار طبع وجبلة
بالقزازة يحذفون الجبال المطلة
والقزاز يتكسر والجبل في محلة

- عبدالله بن شايق الله يرحمه

بفضل من الله افتتحنا منتدى القناة باليوتيوب .. وهذي أول مشاركة في المنتدى ... وراح يستمر التنزيل بشكل يومي بإذن الله كل يوم بيتين الساعة ٨ مساء بتوقيت مكة المكرمة 🌺🤍

*فهد السحيمي:*
سرا الليل يا منيف المناحي سرا الليل
وأبا أعطيكم الموجز ولا فيه تفصيل
وتفهم كلامي فالليالي المقابيل

*منيف المنقرة:*
الاخبار أنا رجال ما ودي أخبار
إذا جوكم غاشيه عجات وغبار
الإنذار الأول بعده إنذار وانذار

*فهد السحيمي:*
تقوله تقوله والتحدي تحدي
وأنا عارفك يا منيف منت بقدي
ولا أنت ولد عمي وخالي وجدي

*منيف المنقرة:*
أنا يا فهد يا صاحبي ما أتحداك
أنا لا زعلت أقوم لك واتوطاك
ولا همني غيضك ولا همني رضاك

*فهد السحيمي:*
توطا صحيبك يا بعيد المدالي
وأنا خابرك يا منيف بأول وتالي
وأبا أقول لك يالشيخ يا هملالي

*منيف المنقرة:*
خويك أنا والله مني خويك
أنا أقدر عليك وفيه مليون زيك
ولكن حيك يا ابيض الوجه حيك