❐ တကသများ-ရန်ကုန်နှင့် ကျောင်းသားလက်ရုံးတပ်တော်တို့ ဆဲဗင်းဂျူလိုင်နေ့ အထိမ်းအမှတ် အခမ်းအနားများပြုလုပ်။

ဇူလိုင် ၈၊ ၂၀၂၄။

ရန်ကုန်အခြေစိုက်တက္ကသိုလ်ကျောင်းသားသမဂ္ဂများ (တကသများ-ရန်ကုန်) နှင့် ကျောင်းသားလက်ရုံးတပ်တော်တို့ သည် ယမန်နေ့ ဇူလိုင်လ (၇) ရက်နေ့တွင် ကျရောက်သော ဆဲဗင်းဂျူလိုင်နေ့အထိမ်းအမှတ် အခမ်းအနားနှင့် ချီတက်ဟောပြောခြင်းများကို အခြေစိုက်ရာဒေသအသီးသီးတွင် ပြုလုပ်ခဲ့ကြကြောင်း သတင်းထုတ်ပြန်ထားသည်။

စစ်ကိုင်းတိုင်း၊ ဘုတလင်မြို့တွင် တကသများ-ရန်ကုန်အပါအဝင် ကျောင်းသားသမဂ္ဂများ၊ မြို့နယ်သပိတ်ကော်မတီများပူးပေါင်းကာ ဆဲဗင်းဂျူလိုင်၏ သမိုင်းဆိုင်ရာ ပြောကြားခြင်းများ၊ ဆိုင်ကယ်များဖြင့် ချီတက်ဆန္ဒပြခြင်းများ ပြုလုပ်ခဲ့ပြီး ဆဲဗင်းဂျူလိုင်မှ ယနေ့တိုင် ကျောင်းသားများမှ အာဏာရှင်ကို ခေတ်အဆက်ဆက်တော်လှန်တိုက်ပွဲဝင်လျက်ရှိကြောင်း ကျောင်းသားလူထုနှင့်အတူ ဆဲဗင်းဂျူလိုင်အောက်မေ့ဦးညွှတ် အထိမ်းအမှတ်အခမ်းအနား ကျင်းပခဲ့ကြကြောင်း ဆိုထားသည်။

ဘုတလင်မြို့နယ်အခြေခံကျောင်းသားများသမဂ္ဂ (ဗကသများ အဖွဲ့ချုပ်)၊ တကသများ ရန်ကုန်၊ ရေဆင်းတက္ကသိုလ်ကျောင်းသားများသမဂ္ဂနှင့် နယ်ခံ သပိတ်အင်းအားစုများအပြင် ပြည်သူများ ပူးပေါင်း၍ ပြုလုပ်ခဲ့ခြင်းဖြစ်သည်။

ထို့အတူ ကျောင်းသားလက်ရုံးတပ်တော်၏ ဗဟိုဌာနချုပ်တွင်လည်း ရဲဘော်များက မဟာမိတ်အဖွဲ့အစည်းအသီးသီးမှ တက်ရောက်သူများနှင့်အတူ ဆဲဗင်းဂျူလိုင်နေ့အခမ်းအနားပြုလုပ်ခဲ့ကြကြောင်း သိရသည်။

အဆိုပါအခမ်းအနားတွင် တိုက်ပွဲဝင် သမဂ္ဂခွပ်ဒေါင်းအလံတော်အား အလေးပြုခြင်း၊ စစ်အာဏာရှင်စနစ်ကိုတော်လှန်တိုက်ပွဲဝင်ရင်း ကျဆုံးခဲ့သော ရဟန်းရှင်လူ အာဇာနည်ရဲဘော်များအား အလေးပြုခြင်း၊ ဝမ်းနည်းခြင်း အထိမ်းအမှတ် (၁) မိနစ်ငြိမ်သက်ခြင်းနှင့် ဆဲဗင်းဂျူလိုင်နေ့ အမှတ်တရစကားပြောကြားခြင်း၊ ထုတ်ပြန်ချက်များ၊ သဝဏ်လွှာများဖတ်ကြားခြင်း အစီအစဥ်​​များ ကျင်းပပြုလုပ်ခဲ့ကြကြောင်း သိရသည်။

တကသများ-ရန်ကုန်၏ (၆၂) နှစ်ပြည့် ဆဲဗင်းဂျူလိုင်နေ့ထုတ်ပြန်ကြေညာချက်တွင် လက်ရှိကာလသည် ကျောင်းသားပြည်သူများက အခက်အခဲများကြားကပင် တော်လှန်ရေးလမ်းခရီးကိုဆက်‌လျှောက်နေသည်မှာ ပန်းတိုင်သို့နီးကပ်နေပြီဖြစ်ကြောင်း၊ အဆိုပါအခြေအနေတွင် တော်လှန်ရေးအင်အားစုများအနေဖြင့်လည်း ပြည်သူလူထုကို မျက်နှာမူရန် လိုအပ်ကြောင်း ဆိုထားသည်။

လက်ရှိတွင်မူ အာဏာရှင်ကိုတော်လှန်ရင်း အာဏာရှင်ဆန်လာကြသည်ကို တွေ့မြင်နေရကာ အမျိုးသားညီညွတ်ရေးအစိုးရလက်အောက်ခံ ပသုံးလုံးများ၏လုပ်ရပ်များကို ထုတ်ပြန်ကြေညာချက်တွင် ထောက်ပြထားသည်။

ထို့အပြင် ကျောင်းသားသမဂ္ဂများအနေဖြင့်လည်း အဖိနှိပ်ခံလူထုဘက်ကို မျက်နှာမူလျက် စစ်သုံးစစ်အမြစ်ဖြုတ်ရေးနှင့် နိုင်ငံတော်သစ်တစ်ရပ်ကို အောင်မြင်စွာထူထောင်နိုင်ရန် ကြိုးပမ်းရာတွင် NUCC၊ NUG နှင့် ERO များအပါအဝင် တော်လှန်ရေးဦးဆောင်အင်အားစုများကို ဝေဖန်ထောက်ပြခြင်း၊ တိုက်တွန်းတောင်းဆိုခြင်းများအား ပြည်သူလူထုနှင့်အတူ ရပ်တည်လျက် လုပ်ဆောင်ရမည်ဟု ရှုမြင်ကြောင်း ဖော်ပြထားသည်။

သတင်းဓာတ်ပုံ - Alliance of Students' Unions Yangon

#တကသများရန်ကုန် #ကျောင်းသားလက်ရုံးတပ်တော် #ဆဲဗင်းဂျူလိုင်
#ဆီသို့ #Towards

---------------------------

Subscribe to us on;

Telegram >>> https://t.me/towardsweeklynews

SoundCloud >>> https://soundcloud.com/towards-podcast

YouTube >>> https://www.youtube.com/@SiTho-Towards-Media

Website >>> https://towardsmedia.com

လူထုခေါင်းဆောင်ဒေါ်အောင်ဆန်းစုကြည်ရဲ့ နိုင်ငံရေးလှုပ်ရှားဆောင်ရွက်ခဲ့မှုတွေကို လေးစားတာကသက်သက်ပါပဲ

ဒါပေမယ့် လူထုခေါင်းဆောင်နိုင်ငံရေးခေါင်းဆောင်တွေရဲ့ အတိတ်ကလူသိမများဘဲ တိမ်မြုပ်နေခဲ့တဲ့ သမိုင်းဖြစ်ရပ်တွေကို နောက်မျိုးဆက်တွေလူငယ်ခေါင်းဆောင်တွေအနေနဲ့ “သင်ခန်းစာယူဖို့ တာဝန်ရှိတယ်” ဆိုတဲ့ ရှူထောင့်ကနေ ဒီစာကိုဖတ်ရှူနိုင်စေဖို့ Aung Moe Win ရဲ့ Post ကို ပြန်လည်မျှဝေပါတယ်

(အခြားသောဆယ်လီအပေါင်းအပါအုပ်စုများနဲ့အတွဲလိုက်ပုံများလည်းရှိပါသေးတယ်)