အယ်လ်နီညိုဖြစ်စဉ်သည် ဇန်နဝါရီလအတွင်း အားအကောင်းဆုံး အခြေအနေဖြစ်ပေါ်ခဲ့ပြီးနောက် ဧပြီလကုန်အထိ ဆက်လက်ရှိနေနိုင်ကာ မေလအလယ်ခန့်မှသာ အယ်လ်နီညိုမဟုတ်/လာနီညာမဟုတ်သော ENSO-NEUTRAL ပြန်ဖြစ်နိုင်ချေ ၇၃% ရှိကြောင်း အပြည်ပြည်ဆိုင်ရာ ရာသီဥတုလေ့လာစောင့်ကြည့်သူသိပ္ပံပညာရှင်များ၊ မိုးလေဝသဌာနကြီးများက ခန့်မှန်းထုတ်ပြန်ထားကြပါသည်။

၂၀၂၄ ခုနှစ် ဇူလိုင်လမှ စတင်၍ လာနီညာရာသီဥတု ဖြစ်နိုင်ချေတဖြည်းဖြည်းများလာပြီး ဇူလိုင်လမှ အောက်တိုဘာလအတွင်း လာနီညာဖြစ်နိုင်ချေ ၅၀ % ကျော်မှ ၆၀% ကျော်အထိ ရှိနိုင်ကြောင်းလည်း ခန့်မှန်းထားကြပါသည်။

မြန်မာနိုင်ငံ၏ မိုးဦးကာလတွင် ဧပြီလသည် အပူရှိန်အပြင်းဆုံးသောလ တလ ဖြစ်လာနိုင်ပြီး တိုင်းနှင့်ပြည်နယ်ဒေသအချို့ ၌ အပူချိန် ၄၀°C အထက် မှ ၄၅°C အထက်အထိရောက်နိုင်ကြောင်း၊ မိုးဦးကာလအတွင်း အများအားဖြင့်မေလမှ စတင်၍ စက်တင်ဘာလအထိ မိုးများလာနိုင်ကြောင်း၊ နိုဝင်ဘာလကုန် ဒီဇင်ဘာလဆန်းအထိ မိုးရွာနိုင်မည့်အခြေအနေများ ဖြစ်ပေါ်နိုင်ကြောင်း တွေ့ရပါသည်။

မြန်မာနိုင်ငံတိုင်းနှင့်ပြည်နယ်များတွင် ၂၀၂၄ ခုနှစ်အတွင်း ဖြစ်ပေါ်နိုင်သည့် အပူချိန်နှင့် မိုးရွာသွန်းနိုင်ချေများကို MMWeather Site တွင် တင်ပေးထားပြီး အောက်ပါလင့်မှတဆင့် ဝင်ရောက်ကြည့်ရှုနိုင်ပါသည်။

https://www.mmweather.org/2024-weather-forecast

နိုင်ငံရေးပါတီများ စစ်ကောင်စီ၏ လက်ကိုင်တုတ်များအဖြစ် သွတ်သွင်းအသုံးချခြင်းမှ ရုန်းထွက်ကြရန် NUG တိုက်တွန်း
https://www.youtube.com/TachileikNewsAgency/?sub_confirmation=1
* * * * *

နိုင်ငံရေးပါတီများအနေဖြင့် အကြမ်းဖက်စစ်အုပ်စု၏ သတင်းပေး နှင့် လက်ကိုင်တုတ်များအဖြစ် သွတ်သွင်း အသုံးချခြင်းမှ ရုန်းထွက်ကြရန် အမျိုးသားညီညွတ်‌ရေးအစိုးရ(NUG)က ယနေ့ ၂၀၂၄ ခုနှစ် ဖေဖော်ဝါရီလ(၁၀)ရက်နေ့ တွင် သတိပေးတိုက်တွန်းလိုက်သည်။

အာဏာသိမ်း စစ်‌ခေါင်းဆောင် မင်းအောင်လှိုင်သည် ၎င်းတို့ တရားမဝင် ပြဌာန်းထားသည့် ဥပဒေအရ မှတ်ပုံတင်ခွင့်ပြုပြီးဖြစ်သည့် နိုင်ငံရေးပါတီများမှ ဥက္ကဌများ၊ ဒုတိယဥက္ကဌများ၊ တာဝန်ရှိသူများနှင့်တွေ့ဆုံပြီး နိုင်ငံရေးပါတီများအနေဖြင့် စစ်အာဏာရှင် စနစ်ချုပ်ငြိမ်းရေးအတွက် ကြိုးပမ်းဆောင်ရွက်နေသူများအား သတင်းပေးပို့ရန်ပြောကြားခဲ့သည်ဟု ဆိုသည်။

စစ်ခေါင်းဆောင်၏ ပြောကြားချက်သည် အဆိုပါ နိုင်ငံရေးပါတီများ၏ နိုင်ငံရေးရာလုပ်ငန်းတာဝန်များကို အသိအမှတ်ပြုခြင်း မရှိသည့်အပြင် နိုင်ငံရေးပါတီခေါင်းဆောင်များနှင့် ပါတီဝင်များကို အကြမ်းဖက်စစ်အုပ်စု၏ သတင်းပေးများသဖွယ် အသုံးပြုရန် ကြိုးပမ်းနေခြင်း၊ အကြမ်းဖက်စစ်အုပ်စု၏ ပြည်သူ့လုံခြုံရေးနှင့် ပြည်သူ့ကာကွယ်ရေးစနစ်အမည်ခံ လက်ကိုင်တုတ်များအဖြစ် အသုံးပြုရန် ရည်ရွယ်ခြင်း၊ ဒီမိုကရေစီကို ပုံဖျက်သည့် သမိုင်းတရားခံ ပါတီများအဖြစ် သွတ်သွင်းခြင်းဖြစ်သည်ဟု ဆိုသည်။

အကြမ်းဖက်စစ်အုပ်စုမှ ဖွဲ့စည်းထားသော အတုအယောင် ရွေးကောက်ပွဲကော်မရှင်ထံတွင် နိုင်ငံရေးပါတီများအဖြစ် မှတ်ပုံတင်ထားသော နိုင်ငံရေးပါတီခေါင်းဆောင်များနှင့် ပါတီဝင်များအနေဖြင့် အကြမ်းဖက်စစ်အုပ်စု၏ အကြမ်းဖက်လုပ်ငန်းများတွင် သတင်းပေးများအဖြစ် ပါဝင်ဆောင်ရွက်၍ ပြည်သူ့သစ္စာ ဖောက်ဘဝဖြစ်နေရခြင်း၊ အကြမ်းဖက်စစ်အုပ်စု၏ ဖိနှိပ်ရေးယန္တရားအတွင်း အစိတ်အပိုင်းအဖြစ် ပါဝင်သွားနိုင်ခြင်း၊ သမိုင်းတရားခံ ဖြစ်နေရခြင်းတို့မှ လွတ်မြောက်ရေးအတွက် နိုင်ငံရေးပါတီများ အဖြစ်မှ မှတ်ပုံတင်မှု ရုတ်သိမ်းခြင်း၊ ပါတီဝင်များအဖြစ်မှ နှုတ် ထွက်ခြင်း၊ ကင်းကွာပါတီဝင်များအဖြစ် ပြုမူနေထိုင်ခြင်းတို့ ပြုလုပ်ကာ နိုင်ငံရေးဂုဏ်သိက္ခာကို ထိန်းသိမ်းစောင့်ရှောက်ကြရန် သတိပေးတိုက်တွန်းကြောင်း ထုတ်ပြန်ထားသည်။

News: https://www.tachileik.net/mm/news/35035

#TachileikNewsAgency

တိုက်ပွဲအတွင်း စွန့်ခွာ သေဆုံး ထွက်ပြေးသူများလာသည့် စစ်ကောင်စီတပ်က အင်အားတိုးချဲ့ရန်အတွက် ပြည်သူ့စစ်မှုထမ်းဥပဒေကို ယနေ့ ၂၀၂၄ခုနှစ် ဖေဖော်ဝါရီလ(၁၀)ရက်နေ့တွင် ပြဌာန်းလိုက်ကြောင်း ကြေညာလာသည်။

#TachileikNewsAgency

အရေးနိမ့်နေတဲ့စစ်တပ်က တနိုင်ငံလုံးစစ်မှုထမ်းရမယ့်ဥပဒေ ကျင့်သုံးမယ်လို့ ထုတ်ပြန်

မြေလတ်အသံ၊ ဖေဖော်ဝါရီ ၁၀၊ ၂၀၂၄။

ယခင် နအဖစစ်အစိုးရလက်ထက် ၂၀၁၀ ပြည့်နှစ်မှာ ပြဌာန်းခဲ့တဲ့ ပြည်သူ့စစ်မှုထမ်းဥပဒေကို ဖေဖော်ဝါရီ ၁၀ ရက် ဒီကနေ့ ရက်စွဲနဲ့ အာဏာတည်ကြောင်း အခုညပိုင်းမှာ စစ်တပ်ထိန်းချုပ်မီဒီယာတွေက ထုတ်ပြန်လာပါတယ်။

အဆိုပါ ပြည်သူ့စစ်မှုထမ်းဥပဒေအရ အသက် ၁၈ နှစ်ပြည့်ပြီးသူ နိုင်ငံသားအားလုံး စစ်မှုထမ်းဆောင်ရမှာဖြစ်ပြီး အမျိူးသားဖြစ်ပါက အသက် ၁၈ နှစ်နဲ့ ၃၅ အကြား၊ အမျိုးသမီးဖြစ်ပါက အသက် ၁၈ နှစ်နဲ့ ၂၇ နှစ်အကြား၊ ကျွမ်းကျင်သူအမျိုးသားဖြစ်ပါက ၄၅ နှစ်နဲ့ အမျိုးသမီးဖြစ်ပါက ၃၅ နှစ်အတွင်း အကျုံးဝင်မှာဖြစ်ပါတယ်။

ဒါ့အပြင် စစ်မှုထမ်းကာလကို သာမာန်အားဖြင့် ၂၄ လ ထက်မပိုတဲ့ကာလ၊ ကျွမ်းကျင်ပညာရှင်ဖြစ်ပါက ၃၆ လထက်မပိုတဲ့ကာလအဖြစ် သတ်မှတ်ထားပြီး နိုင်ငံတော်မှာ အရေးပေါ်အခြေအနေဖြစ်ပေါ်ရင် စစ်မှုထမ်းကာလကို ၅ နှစ်အထိ တိုးမြှင့်နိုင်တယ်လို့ ပြဌာန်းထားပါတယ်။

သတင်းအပြည့်အစုံ - https://www.myaelattathan.org/articles/အရေးနိမ့်နေတဲ့စစ်တပ်က_တနိုင်ငံလုံးစစ်မှုထမ်းရမယ့်ဥပဒေကျင့်သုံးမယ်လို့_ထုတ်ပြန်

သတင်းတူပါသည်။

အရွယ်ရောက်သူတိုင်း အမြင့်ဆုံး ၅ နှစ်ကြာ စစ်တပ်ထဲဝင်ရမည့်ဥပဒေ စစ်ကောင်စီအသက်သွင်း

စစ်ထဲဝင်ရန် ငြင်းဆိုပါက ထောင် ၅ နှစ်အထိချနိုင်
==========================

Myanmar Now
February 10, 2024

အာဏာရှင်ဟောင်း ဗိုလ်ချုပ်သန်းရွှေအမိန့်ဖြင့် ၂၀၁၀ ကတည်းက ပြဋ္ဌာန်းခဲ့သည့် အရွယ်ရောက်သူတိုင်း စစ်တပ်ထဲတွင် အချိန်အကြာဆုံး ၅ နှစ်အထိ ဝင်ရမည့် ပြည်သူ့စစ်မှုထမ်းဥပဒေကို စစ်ကောင်စီက အသက်သွင်းလိုက်သည်ဟု ယနေ့တွင် ကြေညာလိုက်သည်။

ထိုဥပေဒအရ သာမန်အရပ်သားများထဲမှ ၁၈ နှစ်မှ ၃၅ နှစ်အတွင်း အမျိုးသားများနှင့် ၁၈ နှစ်မှ ၂၇ နှစ်အတွင်း အမျိုးသမီးများကို ၂ နှစ်အထိ စစ်မှုထမ်းရန် စစ္တပ္က ဆင့်ဆိုနိုင်သည်။

ဆရာဝန်၊ အင်ဂျင်နီယာ၊ စက်မှုလက်မှုပညာ တတ်မြောက်သူ သို့မဟုတ် အျခား အတတ်ပညာတစ်ရပ်ရပ်ဖြင့် အသက်မွေးဝမ်းကျောင်းနေသူများဖြစ်ပါက စစ်မှုထမ်းရမည့် အသက်အပိုင်းအခြားကို အမျိုးသားဖြစ်ပါက အသက် ၁၈ မွ ၄၅ နှစ်၊ အမျိုးသမီးဖြစ်ပါက အသက် ၁၈ နှစ်မှ ၃၅ နှစ်ဟု သတ်မှတ်ထားသည်။

အရေးပေါ်အခြေအနေဟု သတ်မှတ်ပါက စစ်မှုထမ်းကာလကို ၅ နှစ်အထိ သက်တမ်းတိုးနိုင်သည်။

စစ်မှုထမ်းခြင်းကို ငြင်းဆိုပါက ထောင်ဒဏ် ၅ နှစ်အထိချနိုင်ကြောင်းလည်း ထိုဥပဒေတွင် ပြဋ္ဌာန်းထားသည်။

ကျန်းမာရေးအဆင့်မမီကြောင်း စစ်တပ်ထောက်ခံချက်ရထားသူများ၊ စစ်ကောင်စီဝန်ထမ်းများ၊ ပညာသင်ကြားနေသူများ၊ အခြားပြုစုစောင့်ရှောက်မည့်သူ မရှိသော မိအိုဖအိုမ်ားကို ပြုစုလုပ်ကျွေးနေသူများ၊ မူးယစ်ဆေးဝါးဖြတ်ရန် ဆေးကုသမှုခံယူနေသူများ၊ ထောင်ဒဏ်ကျခံနေသူများသည် စစ်မှုထမ်းရန် ယာယီရွှေ့ဆိုင်းနိုင်သည်။

စစ်မှုထမ်းရန် ကင်းလွတ်ခွင့်ရသူများသည် သာသနာ့ဝန်ထမ်းများ၊ အိမ်ထောင်သည်အမျိုးသမီးများ၊ ကိုယ်လက်အင်္ဂါတစ်ခုခု အမြဲတမ်းမသန်စွမ်းသူများ၊ ကျန်းမာရေးအဆင့်မမီကြောင်း စစ်တပ်ထောက်ခံချက်ရထားသူများ၊ ပြည်သူ့စစ်မှုထမ်းဆင့်ခေါ်ရေးဗဟိုအဖွဲ့က အမိန့်ထုတ်ပြန်၍ ကင်းလွတ်ခွင့်ပြုထားသူများ ဖြစ်သည်ဟုလည်း ထိုဥပေဒက ဆိုသည်။

#MyanmarNow #MyanmarJunta #MilitaryService #စစ်မှုထမ်း

စစ်ကောင်စီလက်အောက်မှာ စစ်မှုထမ်းမလား၊ တော်လှန်ရေးတပ်ထဲ စစ်မှုထမ်းမလားဆိုတာ ရွေးချယ်ရတော့မယ်အချိန်ကို ရောက်လို့လာပါပြီ။

BPLA က တပ်သားသစ်တွေ စိစစ်ရွေးချယ်ခေါ်ယူနေပါပြီ။ Page Messenger မှာ တိုက်ရိုက်ဆက်သွယ်စုံစမ်းနိုင်ပါတယ်။

https://www.facebook.com/BamarPeoplesLiberation?mibextid=2JQ9oc

စစ်မှုထမ်းဟောင်းတွေနဲ့ စစ်တပ်အင်အားပြန်လည်ဖြည့်တင်းမလား
======================

မိုးသောက်
Mizzima
February 10, 2024

(မဇ္ဈိမ) ။ ။ တပ်အင်အားပြုန်းတီးမှုတွေ နေ့စဉ်ဖြစ်နေတဲ့ စစ်ကောင်စီက စစ်မှုထမ်းဟောင်းတွေကို စစ်မှုပြန်ထမ်းစေတာတွေရှိလာနေတယ်လို့ သိရပါတယ်။

၂၀၂၄ခုနှစ် ဖေဖော်ဝါရီလ ၁ ရက်နေ့ ရက်စွဲနဲ့ လူမှုကွန်ရက်စာမျက်နှာမှာ ပျံ့နှံ့နေတဲ့ စာတစောင်မှာတော့ အငြိမ်းစား ဗိုလ်ကြီးအောင်ချစ်မင်းကို အမှတ် (၂၆ )ခြေလျင်တပ်ရင်း(တောင်ငူ)သို့ တပ်ခွဲမှူး(ဗိုလ်ကြီး) အဖြစ်လည်းကောင်း၊ အငြိမ်းစားဗိုလ်ကြီးဘုန်းမြင့်အောင်ကို အမှတ်( ၁၉ )ခြေမြန်တပ်ရင်း(ဆွာ) သို့ တပ်ခွဲမှူး(ဗိုလ်ကြီး) အဖြစ် လည်းကောင်းပြန်လည် ခန့်ထားလိုက်တယ်လို့ တွေ့ရပါတယ်။

တင်ဆက်၊ တည်းဖြတ်။ ။မိုးသောက်

သတင်းအပြည့်အစုံ 👇👇👇

လက်နက်ကိုင်တော်လှန်ရေးကိုမဖြစ်မနေရွေးချယ်ရမည်ဆိုလျှင်

ရေဆန် 
ဖေ/၁၀/၂၀၂၄

ယနေ့ ၂၀၂၄ ဖေဖော်ဝါရီ ၁၀ရက်နေ့မှာပဲ စစ်ကောင်စီဟာ ပြည်သူ့စစ်မှုထမ်းဥပဒေကိုတရားဝင်အတည်ပြုလိုက်ပါတယ်။ စကစရဲ့ အတင်းအဓမ္မဥပဒေအောက်မှာ စစ်အာဏာရှင်လူတစ်စုအတွက် အသက်ပေးအသေခံရမယ့်အစား တော်လှန်ရေးအဖွဲ့တွေနဲ့အတူ တိုက်ပွဲဝင်တာကမှ ပိုပြီးမွန်မြတ်တယ်လို့ ခံယူကြမယ့်သူတွေအတွက် တော်လှန်ရေးလက်နက်ကိုင်အဖွဲ့ပေါင်းများစွာရှိတဲ့အထဲကမှ ဘယ်လိုအချက်တွေနဲ့စံနှုန်းရှိတဲ့အဖွဲ့တွေကို ရွေးချယ်ချိတ်ဆက်သင့်တယ်ဆိုတာ သိထားသလောက် မျှဝေချင်ပါတယ်။ 

💢မတတ်သာတဲ့အဆုံးမှသာ လက်နက်ကိုင်တော်လှန်ရေးကိုရွေးချယ်သင့်ခြင်း

ပထမဆုံးအနေနဲ့ အရေးကြီးဆုံးအချက်ကတော့ လက်နက်ကိုင်တော်လှန်ရေးကို ရွေးချယ်ရခြင်းဟာ ဘယ်လိုမှမတတ်နိုင်တဲ့အဆုံး နောက်ဆုံးရွေးချယ်စရာအဖြစ် မဖြစ်မနေရွေးချယ်လိုက်ရတယ်ဆိုတဲ့ အကျိုးအကြောင်း ခိုင်ခိုင်မာမာ စဉ်းစားဆုံးဖြတ်ထားဖို့ပါ။ နောက်တချက်ကတော့ သေနတ်ကိုင်ချင်ရုံ သေနတ်ပစ်ချင်ရုံ ၊ လူသတ်ချင်ရုံ စစ်တိုက်ချင်ရုံလောက်ပဲဆိုရင် အစထဲက မရွေးချယ်တာ အကောင်းဆုံးပါပဲ။ အရင်ထဲကလက်နက်ကိုင်တော်လှန်ရေးကို ရွေးချယ်ထားပြီးတဲ့သူတွေတောင် လက်နက်ခဲယမ်းရိက္ခာအတွက် အနိုင်နိုင်ရုန်းကန်နေရဆဲဖြစ်လို့ နောက်မှဝင်လာမယ့်သူတွေအတွက်ဆို ပိုလို့တောင်ခက်ခဲနိုင်ပါတယ်။ စကစဆီကရထားတဲ့လက်နက်တွေကို ပြန်ဝေခွဲရင်တောင် လက်ရှိရဲဘော်တပ်သားတွေအတွက်နဲ့တင် လုံလောက်အောင်သေချာစီမံရဦးမှာပဲဖြစ်ပါတယ်။

💢တပ်ပုံ/စစ်ပုံကျသောတပ်ဖွဲ့များကိုသာရွေးချယ်ချိတ်ဆက်ခြင်း

အများစုက စစ်ထဲ/တပ်ထဲဝင်ရင် လက်နက်ကိုင်ဖို့ သေနတ်ပစ်တတ်ဖို့ကိုပဲ အဓိကအာရုံစိုက်/အားကျကြတာများပါတယ်။ လက်နက်တွေအဆင်သင့်ချပေးထားပြီး လမ်းပေါ်မှာကျနေတဲ့လက်နက်တွေကို ကိုယ်ကြိုက်တာကိုယ်ယူပြီးပစ်လို့ရတာဟာ ဂိမ်းထဲမှာပဲရှိပြီး လက်တွေ့စစ်မြေပြင် စစ်ရေးဟာတော့ ဂိမ်းနဲ့များစွာကွာခြားပါတယ်။ လက်နက်ကိုင်တော်လှန်ရေးရဲ့အဓိကအရေးကြီးဆုံးအချက်ကတော့ သေနတ်ပစ်တတ်ဖို့မဟုတ်ပဲ တပ်ပုံ/စစ်ပုံကျဖို့ စစ်သားကောင်းတစ်ယောက်ဖြစ်ဖို့ပဲ ဖြစ်ပါတယ်။ တပ်ပုံ/စစ်ပုံကျတယ်ဆိုတာ အမိန့်ပေးကွပ်ကဲမှုစနစ် (chain of command)၊ စစ်ရေးကျင့်ဝတ် (code of conduct)နဲ့ IHL(International Humanitarian Law) အပါအဝင် အရေးအကြီးဆုံးနောက်တစ်ချက်ကတော့ နိုင်ငံရေးအမြင်နဲ့ မူဝါဒရပ်တည်ချက်တွေ စနစ်တကျ ထုတ်ပြန်ထားခြင်းပဲဖြစ်ပါတယ်။

💢စစ်ရေးအမြင်နဲ့တကွ နိုင်ငံရေးအမြင်/မူဝါဒများအတည်ပြုပြဌာန်းထားရှိခြင်း

စစ်တပ်တစ်တပ်ဟာ ပြည်သူရွေးချယ်တင်မြောက်ထားတဲ့အရပ်သားအစိုးရအောက်မှာရှိရမယ် ၊ အရပ်သားအစိုးရရဲ့ထိန်းကျောင်းမှုနဲ့အညီ ပြည်သူနဲ့တိုင်းပြည်ကိုကာကွယ်ရမယ် ဆိုပေမယ့် ဒါဟာတိုင်းပြည်ပုံမှန်အခြေအနေ (သို့) တိုင်းပြည်တစ်ခုတည်ဆောက်ဖို့အတွက်ကာကွယ်ရေးအခန်းကဏ္ဍကို ထည့်သွင်းစဉ်းစားရတဲ့အခါမှသာ လက်တွေ့ကျပြီးဖြစ်သင့်ဖြစ်ထိုက်တာပါ။ အခုလို တိုင်းပြည်ပုံမှန်မဟုတ်တဲ့ ပြိုလုပျက်ဆီးနေတဲ့အခြေအနေ (တော်လှန်ရေးကာလ) မှာတော့ လက်နက်ကိုင်တော်လှန်ရေးရဲ့ စစ်ရေး/စစ်တပ်တစ်ခုတည်ဆောက်ရာမှာ စစ်ရေးအမြင်နဲ့တကွ နိုင်ငံရေးအမြင်/မူဝါဒ/ရပ်တည်ချက်စသဖြင့် ခိုင်ခိုင်မာမာ ပြဌာန်းထားရှိမှသာ ဒီတပ်ဖွဲ့တွေဟာ လေးစားအားကိုးထိုက်တဲ့ စစ်တပ်တွေအဖြစ် ပြည်သူကိုကာကွယ်နိုင်မှာ အကျိုးပြုနိုင်မှာဖြစ်ပါတယ်။ 

💢နိုင်ငံရေးမှူးနှင့် လူထုလက်ရုံး လူငယ်ရေးရာအဖွဲ့များထားရှိခြင်း

တချို့တပ်ဖွဲ့တွေမှာ နိုင်ငံရေးမှူးကိုပါ တွဲဖက်ထားရှိသလို လူထုလက်ရုံး လူငယ်လက်ရုံး ရေးရာအဖွဲ့တွေအသီးသီးထားရှိပြီး လက်နက်ကိုင်တပ်ဖွဲ့တစ်ခုထက်ပိုတဲ့ တော်လှန်ရေးတပ်ဦးများအဖြစ် အခိုင်အမာတည်ဆောက်ထားကြပြီးဖြစ်ပါတယ်။ နိုင်ငံရေးစစ်ရေးမူဝါဒရပ်တည်ချက်များအပြင် တပ်သားသစ်စုဆောင်းရေးမူဝါဒ ဖက်ဒရယ်ရေးရာရပ်တည်ချက် စတဲ့ နိုင်ငံသစ် လူ့အဖွဲ့အစည်းသစ်ကိုပါ မျှော်မြင်ပြီး စနစ်တကျ ထုဆစ်တည်ဆောက်ထားတဲ့အဖွဲ့တွေလည်းရှိပါတယ်။ (ဒါပေမယ့်အလွန်နည်းပါတယ်) 

💢ဘယ်လိုအဖွဲ့တွေကိုရွေးချယ်သင့်သလဲ

တော်လှန်ရေးမှာ ဘယ်လိုလက်နက်ကိုင်အဖွဲ့တွေရှိသလဲဆိုရင်တော့ သူ့သက်ဆိုင်ရာစစ်ဒေသအလိုက် အသီးသီးရှိကြပါတယ်။ အမျိုးသားညီညွတ်ရေးအစိုးရ(INUG) ရဲ့ ပြည်သူ့ကာကွယ်ရေးအဖွဲ့ (PDF)တွေလည်းရှိသလို ဒေသခံကာကွယ်ရေးအဖွဲ့ (LDF)တွေလည်းရှိပြီး NUG-MOD နဲ့ တိုင်းရင်းသားလက်နက်ကိုင်တော်လှန်ရေးအဖွဲ့ ERO/EAO နဲ့အတူပူးပေါင်းဆောင်ရွက်နေတဲ့ လူမျိုးအခြေပြု ဒေသအခြေပြု Independent တပ်တော်တွေ စစ်တပ်တွေလည်း အသီးသီးရှိပါတယ်။ ဘယ်အဖွဲ့ကပိုကောင်းတယ် ဘယ်အဖွဲ့ကိုဝင်ပါ ဘယ်အဖွဲ့ကိုမဝင်နဲ့ဆိုတာမျိုး ခွဲခြားပြီးအကြံပြုတာမျိုးမလုပ်လိုပေမယ့် အကယ်၍ မဖြစ်မနေလက်နက်ကိုင်တော်လှန်ရေးကို ရွေးချယ်ကြမယ်ဆိုရင်တော့ အပေါ်မှာမျှဝေထားခဲ့တဲ့အချက်တွေနဲ့အညီ ရွေးချယ်ချိတ်ဆက်ကြဖို့ကိုတော့ အသိပေးတိုက်တွန်းလိုပါတယ်။
 
နောက်ဆုံးအချက်အနေနဲ့ မဖြစ်မနေရွေးချယ်ဖို့ဖြစ်လာတဲ့လက်နက်ကိုင်တော်လှန်ရေးအပြင် အခြားသော လူထုအခြေပြုအာဏာဖီဆန်ရေးနည်းနာများကိုပါ ပြည်သူအထိအခိုက်အနည်းဆုံးနဲ့ ရွေးချယ်ကြဖို့ ပူးပေါင်းပါဝင်ကြဖို့ ထပ်လောင်းအသိပေးလိုက်ရပါတယ်။