مساء الخير ، أما بعد :
لِولا غلاك وصافي الود والشوق
ما كان بالي دايم منشغل فيّك .

انا اللي حبِيتك وغيري خذاك
بذمتك في أقسى من هالشعور ؟

لا تخليني حاير ولا محتار
علمني قلبك لي ولا لغيري

الله من طيفٍ
عن البال ما غاب
طيفٍ يراودني وانا في مكان

ماتعمدت
الغياب عن دنياه
واثر الغياب أذاني وبكاني

كنت أخاف من رسالة الوداع
وكان الوداع .. بدون رساله

لا شفتني فالوقت غايب عن الناس
ماني ردي لكن .. شفت العجايب

كبر العشم .. يورث الندامه
احسبك كبر طويق واثرك مطبه .

نفسي عزيزه من جفاني جفيته
حتى لو يصعب على الوقت فرقاه

يسبك اللي عاجز عن دروبك
لا فاعل فعلك ولا هو مجنبك

دام النوايا في حشانا سليمه
ما همنا من قال فينا ومن عاب

عسى مقابيل الليالي تباشير
علم يسر الخاطر ولا يضره .

يا داعي الشوق ما لـ أشواقنا داعي
دام المواصل على حسب المزاجيه

الوصل تحيا به ارواح والفرقا تلوع
والوفى في تالي الوقت عمله نادره

شفت الهموم وشلون صارت قصايد
ووشلون صفقلي من الهم جمهور

الضيقه اللي تالي الليل تنعاد
اتبع رضاها خوفي الناس تدري

لا غيرتك الليالي يالرفيق القريب
ترا الليالي بغت فينا لكن ما قوت .

شرعت لك بيبان صدري تراحيب
أقلط وقلط يا غرامي طيوفك .