كلشي الا انت حبيبي
حسرة الدنيا وعذابي
وشيب راسي
ولا حسرتك
فراگ الوجوه العشت وياها عمري
ولا فرگتك
طعنة صحابي وهلي
وكل الخناجر من يحطن فوگ ظهري
ولا طعنتك
خلي افارگ ضحكتي المامنها رجعة
ولا ضحكتك

انا ماعندي مكان بغير حضنك
هاك روحي وخذني يمك
انتَ لمني وانا المك

تذكر من جنت احط بوسات الك عالباب
والباب الصبح من تكعد يكلك
تذكر من اجي لشوفتك جيت الروح
وعلى حطتك جرف ضليت ماملك
لا اني من البحر خلصان وابقى وياك
ولاجرفك يكضني وتعبت خلك
بصراحة انتَ جرح
وادري من اخيطه يطيب
وغلاتك لو صبر مانعني ماشلك
السمه بعينك شبچ
عوف الاوهام وطير
حط ايدك بدي لوموت ما اهدك
بعدك والسهر وحجاية البطران
تولني نهش وتشوف ماكلك
نسمه بعاصفه لو رحت هم الگاك
ضل بالليل ماكو وميزت ضلك
واندلك واجيك واكدر اوصلك
ادورك ما امل والگاك واندلك
ولو حبة رمل عنوانك بصحراء
اشمن ريحتك بالگاع واوصلك

"سمير صبيح "

أشتهيت الليلة احبك من جديد
نصير ساگين بجذر
انتَ يا فرحة يتيمة
انتَ طيف معلگ على ذيال غيمة
وانا هاوي
وانا خاوي
وانا جاهل باع عمره ويه التتن
بين الگهاوي
وشيبة شيبة
كبرن هموم الليالي
وظُفرن سنينك ظفر
ومرجحت روحي بگصايب
وبمصايب
ولو ماظلت بعد بالروح گطرة
بس اجيتك !
اشتهيت الليلة اموت بباب بيتك
آخ مني
آخ مني شكد تنيتك

وشبگ روحي بحنين
من الجرح للراس
لگيت الناس ؟
شفت هواي ناس ومالگيت الناس
ترد وياي ؟
تعبت الچفن واحد والاحلام هواي
ترد بعد ؟
سحگت الليل كله وما لگيت احد
ومن ذبني القطار وهمت
چان غروب
شفت شامات چفك على خدود البوب
وشفت گطرات ليلي يطيحن بصفي
وشلت گطرة ظلام
ونامت بجفي

" مع شخص واحد بس .."
عرفت ان البداخلي شي حنوون وأن
الثرثرة شيء لطيف ، والاحاديث
الطويلة غير مملة

" مع شخص واحد بس .."
عرفت أن الحياة ابسط من كل هاي
التعقيدات وأن الحب شي نظيف
✨ انت محتاج شخص نظيف ✨

شكد حتاريت بي رغم ثقافتة وقوة شخصيته ماعرف يتقبل خيانتهة أله وبقى يحبهة

-

بالاغنيه مايقصد انه خايف من العطر يبرد يقصد انه من قوة الشوق والعجله حتى العطر اللي رشه ماامداه يجف

نوڤمبر 🍬❤️