MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟧मुख्यमंत्री नितीश कुमार यांनी राज्यपालांकडे सोपवला राजीनामा.

बिहारचे मुख्यमंत्री नितीश कुमार यांनी त्यांचा राजीनामा राज्यपालांकडे सोपवला आहे. मंत्रिमंडळाच्या बैठकीत विधानसभा भंग करण्याची शिफारस करण्यात आल्यानंतर नितीश कुमार यांनी त्यांचा राजीनामा राज्यपालांकडे सोपवला आहे.

यापूर्वी आज झालेल्या एनडीएच्या बैठकीत दिवाळीनंतर आपला नवा नेता निवडण्यात येईल असा निर्णय घेण्यात आला. मुख्यमंत्री नितीश कुमार यांच्या निवासस्थानी ही बैठक पार पडली. यापुढची बैठक १५ नोव्हेंबरला होणार आहे अशीही माहिती नितीश कुमार यांनी दिली.

बिहार विधानसभा निवडणुकीचा निकाल ११ नोव्हेंबरच्या पहाटे लागला. या निकालात एनडीएलाच बहुमत मिळालं आहे. मात्र भाजपाच्या जागा वाढल्या आहेत तर जदयूच्या जागा कमी झाल्या आहेत. असं असलं तरीही नितीश कुमार हेच मुख्यमंत्री होतील हे भाजपाने स्पष्ट केलं आहे.

असं असलं तरीही जदयूच्या जागा कमी झाल्याने नितीश कुमार हे नाराज असल्याची चर्चा राजकीय वर्तुळात आहे. आता बिहारमध्ये सत्ता स्थापन होताना काही नाट्यमय घडामोडी घडणार का? हे पाहणं महत्त्वाचं ठरणार आहे.
🟧भगवान बिरसा मुंडा’ यांची जयंती: 15 नोव्हेंबर

भगवान बिरसा मुंडा यांच्या जयंतीनिमित्त पंतप्रधान नरेंद्र मोदी यांनी त्यांना श्रद्धांजली अर्पण केली. 15 नोव्हेंबर 2000 रोजी झारखंड राज्य अस्तित्वात आले, त्यामुळे हा दिवस झारखंड राज्यदिन म्हणून साजरा करतो.

♦️बिरसा मुंडा (15 नोव्हेंबर 1875 - 9 जून 1900.

ते आदिवासी समाजक्रांतीचे जनक व एक स्वातंत्र्यसेनानी होते. त्यांचा जन्म झारखंडमधील उलिहातु या छोट्याशा खेड्यात झाला.

हिंदू, ख्रिश्चन व मुंडा आदिवासी या धर्मांतील चांगली तत्त्वे एकत्रित करून नव्या ‘बिरसाईट’ (Birsaites) धर्माची स्थापना करून त्यांनी लोकसंघटन केले, तसेच मुंडा जमातीत एकता निर्माण केली. त्यामुळे ते भगवान बिरसा म्हणून ओळखले जाऊ लागले.

1857च्या क्रांतीनंतर इंग्रजांनी छोटा नागपूर प्रदेशातल्या मुंडा आदिवासींच्या शेतजमिनी हिरावून घेतल्या होत्या. त्या परत मिळविण्यासाठी त्यांनी इंग्रजांविरुद्ध संघर्ष सुरू केला. त्यांनी इंग्रजांच्या गुलामीत असलेल्या आदिवासी समाजाला मुक्त करण्यासाठी क्रांतिकारक चळवळीला सुरुवात केली.

मुक्तीआंदोलनाला मुंडारी भाषेत ‘उलगुलानʼ असे म्हणतात. 3 फेब्रुवारी 1900 रोजी बिरसांना पकडण्यात आले. रांची येथे कैदेत असताना त्यांचे निधन झाले.

बिरसा यांच्या आंदोलनाची ब्रिटिशांना गंभीरपणे दखल घ्यावी लागली. ब्रिटिशांनी ‘छोटा नागपूर टेनन्सी ॲक्टʼ (वर्ष 1902) मंजूर करून आदिवासींचे जमिनीवरील हक्क मान्य केले. आदिवासी-हक्क, स्त्री-स्वातंत्र्य, मानवी प्रतिष्ठा यांच्यासाठी लढा देणारा पहिला आदिवासी नेता म्हणून बिरसा यांची ओळख आहे.
🟧2 लाख 65 हजार कोटींच्या अर्थसाह्य़ाची घोषणा.

करोनामुळे मंदावलेली अर्थव्यवस्था गतिमान करण्यासाठी ‘आत्मनिर्भर भारत’ योजने अंतर्गत 2 लाख 65 हजार कोटींच्या तिसऱ्या आर्थिक साह्याची घोषणा केंद्रीय अर्थमंत्री निर्मला सीतारामन यांनी गुरुवारी केली.

तर त्यात 26 क्षेत्रांतील रोजगारनिर्मितीला प्रोत्साहन देणाऱ्या नव्या योजनेचा समावेश असून, गृहखरेदी करणाऱ्या मध्यमवर्गाला तसेच बांधकाम क्षेत्राला सवलतीची दिवाळीभेट देण्यात आली आहे.

आत्मनिर्भर भारत रोजगार योजनेची घोषणा निर्मला सीतारामन यांनी केली. भविष्य निर्वाह निधी संघटनेशी (ईपीएफओ) संलग्न आस्थापनांमध्ये 15 हजारांपर्यंत मासिक वेतन असलेल्या नव्या कर्मचाऱ्यांना योजनेचा लाभ मिळेल.
1 मार्च ते 30 सप्टेंबर 2020 या कालावधीत रोजगार गमावलेल्या आणि 1 ऑक्टोबर 2020 वा त्यानंतर पुन्हा रोजगार मिळवलेल्या कर्मचाऱ्यांना लाभ मिळणार आहे.

एक हजार कर्मचारी असलेल्या कंपनीतील कर्मचारी व कंपनीमालकाकडून दिला जाणारा भविष्य निर्वाह निधीतील प्रत्येकी 12 टक्क्यांचा मासिक हप्ता पुढील दोन वर्षांसाठी केंद्र सरकार भरेल. एक हजारपेक्षा जास्त कर्मचारी असतील तर फक्त कर्मचाऱ्यांचा 12 टक्क्यांचा हप्ता सरकार भरेल.

तसेच ही योजना 30 जून 2021 पर्यंत सुरू राहणार असून, 50 पर्यंत कर्मचारी असलेल्या कंपनीने किमान दोन अतिरिक्त रोजगार, तर 50 पेक्षा जास्त कर्मचारी असलेल्या कंपनीने किमान 5 अतिरिक्त रोजगार निर्माण करणे गरजेचे आहे.
🟧 भारत ‘या’ देशाला विकणार घातक ‘ब्रह्मोस’ क्षेपणास्त्र.

‘ब्रह्मोस’ हे भारताच्या ताफ्यातील सर्वात घातक क्रूझ क्षेपणास्त्र आहे. भारत लवकरच हे क्षेपणास्त्र निर्यात करु शकतो. पुढच्यावर्षी पंतप्रधान नरेंद्र मोदी आणि फिलिपिन्सचे राष्ट्राध्यक्ष रॉड्रिगो ड्युटर्ट यांच्यात एक परिषद होणार आहे. त्यावेळी दोन्ही देशांमध्ये ‘ब्रह्मोस’च्या निर्याती संदर्भात महत्त्वाचा करार होऊ शकतो.

तर हा करार प्रत्यक्षात आल्यास फिलिपिन्स हा ‘ब्रह्मोस’ क्षेपणास्त्र विकत घेणारा भारताचा पहिला ग्राहक ठरेल.‘ब्रह्मोस’ हे भारत आणि रशियाने मिळून विकसित केलेले क्षेपणास् आहे. ब्रह्मोस एरोस्पेसची एक टीम पुढच्या महिन्यात डिसेंबरमध्ये या करारासंदर्भात मनिलाला जाऊ शकते.

तसेच दोन्ही देशांमध्ये हा करार होण्याआधी काही मुद्दे आहे, त्यावर तोडगा काढण्यासाठी ही टीम मनिलाला जाणार आहे. फिलिपिन्सच्या लष्कराला जमिनीवरुन जमिनीवर हल्ला करणाऱ्या ‘ब्रह्मोस’ क्षेपणास्त्राच्या आवृत्तीचा पुरवठा करण्यात येईल.

हवेतून जमिनीवर मारा करणारे ब्रह्मोस हे भारताचे सर्वात घातक क्रूझ क्षेपणास्त्र आहे. 300 किलो वॉरहेड वाहून नेण्याची क्षमता असलेले हे क्षेपणास्त्र हिंदी महासागरातील चिनी युद्धनौका तसेच तिबेट आणि शिनजियांगमधील चीनच्या धावपट्टया उद्धवस्त करु शकते.

तर या क्षेपणास्त्राचे वैशिष्टय म्हणजे सुखोई Su-30 MKI या फायटर जेटमधूनही हे क्षेपणास्त्र डागता येते. त्यामुळे ब्रह्मोसमधून होणारा हल्ला अधिका घातक असेल. चीन बरोबर सुरु असलेल्या तणावाच्या पार्श्वभूमीवर भारताने लडाखमध्येही हे क्षेपणास्त्र तैनात केले आहे. “भारत आणि रशिया मिळून या क्षेपणास्त्राचा पल्ला वाढवण्यावर काम करत.
शांघाय सहकार्य संघटना (SCO) मंडळातल्या देशांच्या सरकारप्रमुखांची 20 वी शिखर परिषद

शांघाय सहकार्य संघटना (SCO) मंडळातल्या देशांच्या सरकारप्रमुखांच्या 20 व्या शिखर परिषदेचे व्हिडिओ कॉन्फरन्सच्या माध्यमातून 10 नोव्हेंबर 2020 रोजी आयोजन करण्यात आले. बैठकीत भारतीय प्रतिनिधी मंडळाचे पंतप्रधान नरेंद्र मोदी यांनी नेतृत्व केले.

ठळक बाबी

या बैठकीच्या अध्यक्षस्थानी रशियाचे राष्ट्रप्रमुख व्लादिमिर पुतिन होते.

या परिषदेला SCO सचिवालयाचे महासचिव, SCO क्षेत्रीय दहशतवादविरोधी संरचनेचे कार्यकारी संचालक, अफगाणिस्तान, बेलारूस, इराण, मंगोलिया या चार देशांचे निरीक्षक उपस्थित होते.

2021 साली SCOचा 20 वा वर्धापन दिन आहे. यानिमित्त “SCO संस्कृती वर्ष” म्हणून साजरे करण्यासाठी पंतप्रधान मोदी यांनी पाठिंबा दर्शवला. या वर्षात SCO पाककृती महोत्सव, भारतीय संग्रहालयाच्यावतीने पहिले बौद्ध वारसा प्रदर्शन भारतामध्ये आयोजित करण्यात येणार. तसेच रशियन आणि चीनी भाषेमध्ये 10 भारतीय प्रादेशिक भाषेतल्या साहित्य कृतींचा अनुवाद प्रकाशित करण्यात येणार.

30 नोव्हेंबर 2020 रोजी SCO मंडळाच्या सरकारप्रमुखांची नियमित बैठक आभासी स्वरूपात होणार असून त्याचे यजमानपद भारत भूषविणार आहे.

नवसंकल्पना आणि स्टार्टअप्स यांच्याविषयी विशेष कृती दल स्थापन करण्याचा प्रस्ताव भारताने मांडला आहे. तसेच पारंपरिक औषधांविषयी SCOचा उपगट स्थापण्याचा प्रस्तावही मांडला.

शांघाय सहकार्य संघटना (SCO) विषयी
#SCO #current_affairs_Notes

शांघाय सहकार्य संघटना (Shanghai Cooperation Organisation -SCO) याची स्थापना 15 जून 2001 रोजी झाली. संघटनेचे मुख्यालय बिजिंग (चीन) येथे आहे. ही एक यूरेशियन राजकीय, आर्थिक आणि सुरक्षा युती आहे.

SCO मध्ये चीन, रशिया, कझाकिस्तान, किर्गिस्तान, ताजिकिस्तान, उज्बेकिस्तान, भारत आणि पाकिस्तान या देशांचा समावेश आहे. चीन हा संघटनेचा संस्थापक देश आहे. भारताला या संघटनेचे 2017 साली पूर्ण सदस्यत्व मिळाले.
●▬▬▬▬⚜۩۞۩⚜▬▬▬▬●
सेल!! सेल!! सेल!! सेल!! सेल!!सेल!!
●▬▬▬▬⚜۩۞۩⚜▬▬▬▬●

🟧 दिपावली पाडवा व भाऊबीज निमित्त विशेष सवलतीत सर्व पुस्तके घरपोच 🟧

●▬▬▬▬⚜۩۞۩⚜▬▬▬▬●

👇आगामी राज्यसेवा पूर्व व संयुक्त परीक्षासाठी (Combine Exam) उपयुक्त सर्व पुस्तके सवलतीच्या दरात एकाच Platform उपलब्ध.

👉 सिम्प्लिफाईड प्रकाशनाची सर्व पुस्तके 50 टक्के पर्यंत विशेष सवलतीत उपलब्ध.
👉 इतर सर्व प्रकाशनाची पुस्तके 20% - 50% विशेष सवलतीत उपलब्ध.
👉 भाऊबीज निमित्ताने महिलांनी केलेल्या Booking वर 16 वा चालू घडामोडी अंक मोफत

●▬▬▬▬⚜۩۞۩⚜▬▬▬▬●
‼️BUY ONLINE BOOKS ‼️
●▬▬▬▬⚜۩۞۩⚜▬▬▬▬●

👉 SIMPLIFIED PUBLICATIONचे अधिकृत ONLINE BOOK STORE 👇


www.simplifiedpublication.com

▪️ Door Delivery Available
▪️Home delivery
▪️Offer Only 16/17 November
▪️संपर्क :- अभिजीत थोरबोले

9423333181 | 8788639688
●▬▬▬▬⚜۩۞۩⚜▬▬▬▬●
🟧 दिपावली पाडवा व भाऊबीज निमित्त सर्वांना मनपूर्वक हार्दिक शुभेच्छा!💐💐
www.simplifiedcart.com
●▬▬▬▬⚜۩۞۩⚜▬▬▬▬●
🟧हॅमिल्टनला सातवे जगज्जेतेपद.

मर्सिडीझच्या लुइस हॅमिल्टनने रविवारी ओलसर अशा ट्रॅकवर निर्विवाद वर्चस्व गाजवत तुर्कीश ग्रां. प्रि. फॉर्म्युला-वन शर्यतीचे जेतेपद पटकावले आणि सातव्यांदा जगज्जेता होण्याचा मान मिळवला. या कामगिरीसह त्याने मायकेल शूमाकर याच्या सात जगज्जेतेपदाच्या विक्रमाशी बरोबरी साधली.

तर या मोसमातील 10वी शर्यत जिंकत हॅमिल्टनने कारकीर्दीत 94 जेतेपदे पटकावण्याचा विक्रम आपल्या नावावर केला.

2013 मध्ये मर्सिडीझ संघातील शूमाकरची जागा घेतल्यानंतर हॅमिल्टनने सहा जगज्जेतेपदे मिळवली आहेत. मॅकलॅरेनकडून खेळताना त्याने 2008 मध्ये जगज्जेतेपद पटकावले होते.
🟧कर्नाटकात मराठा विकास प्राधिकरणाची स्थापना.

कर्नाटकात मराठा विकास प्राधिकरणाची स्थापना करण्याचा निर्णय घेण्यात आला आहे. कर्नाटकचे मुख्यमंत्री बी एस येडियुरप्पा यांनी यासंबंधी आदेश दिला आहे.

मराठा विकास प्राधिकरणासाठी 50 कोटींची तरतूद करण्यात आली असून निधी राखीव ठेवण्यात आला आहे.

तसेच कर्नाटक राज्यात तसंच खासकरुन सीमारेषेवरील परिसरात वास्तव्यास असणाऱ्या मराठा समाजातील नागरिकांसाठी हा निर्णय घेण्यात आला आहे.

तर अधिकृत आदेशानुसार, गेल्या कित्येक दशकांपासून कर्नाटक राज्यात वास्तव्यास असणाऱ्या मराठा समाजाच्या विकासासाठी प्राधिकरणाची स्थापना करण्याचा निर्णय घेण्यात आला आहे.

मराठा विकास प्राधिकरणाचं मुख्य लक्ष्य समाजाच्या शैक्षणिक, आर्थिक, सामाजिक आणि धार्मिक विकासाकडे असणार आहे.
🟧अरुणाचल प्रदेशात सर्वोत्तम स्त्री-पुरुष प्रमाण आहे:

एक अहवाल
‘व्हाईटल स्टॅटिस्टिक्स ऑफ इंडिया बेस्ड ऑन द सिविल रजिस्ट्रेशन सिस्टम’ अहवालात दिलेल्या आकडेवारीमधून असे दिसून आले आहे की, अरुणाचल प्रदेशात सर्वोत्तम स्त्री-पुरुष प्रमाणाची नोंद झाली आहे.

🌸ठळक बाबी.

अरुणाचल प्रदेशात दर एक हजार पुरुषांमागे 1084 महिला असल्याची नोंद झाली असून त्याच्यापाठोपाठ नागालँड (965), मिझोरम (964), केरळ (963) आणि कर्नाटक (957) असा राज्यांचा क्रम लागतो आहे.

मणीपूर राज्यात अत्यंत वाईट स्त्री-पुरुष प्रमाणाची नोंद झाली आहे. मणीपूरमध्ये दर एक हजार पुरुषांमागे 757 महिला असल्याची नोंद झाली असून त्याच्यावरती लक्षद्वीप (839), दमण व दीव (877), पंजाब (896) आणि गुजरात (896) ही राज्ये आहेत.

राजधानी दिल्लीत स्त्री-पुरुष प्रमाण दर एक हजार पुरुषांमागे 929 एवढे आहे. जम्मू व काश्मीरमध्ये हे प्रमाण 952 एवढे आहे.

2018 साली जन्म नोंदणीचा दर 89.3 टक्क्यांपर्यंत वाढला आहे, जो 2009 साली 81.3 टक्के होता.सरासरी, जन्म किंवा मृत्यूच्या नोंदणीसाठी विहित कालावधी 21 दिवसांचा आहे.
🟧आरसेप व्यापार करारावर 15 प्रमुख देशांच्या स्वाक्षऱ्या

‘आरसेप’ म्हणजे प्रादेशिक सर्वंकष इकॉनॉमिक पार्टनरशिप) करारावर आशिया—पॅसिफिकमधील चीनसह पंधरा प्रमुख देशांनी स्वाक्षरी केली आहे.तर हा आतापर्यंतचा सर्वात मोठा व्यापार करार मानला जात आहे.

‘आसियान’ (‘असोसिएशन ऑफ साउथ इस्ट एशियन नेशन्स’) देशांच्या वार्षिक परिषदेच्यावेळी रविवारी या करारावर स्वाक्षऱ्या करण्यात आल्या.

करोनामुळे बिघडलेली आर्थिक स्थिती सावरण्यासाठी या देशांनी या करारावर स्वाक्षऱ्या केल्या असून भारत व अमेरिका मात्र त्यापासून दूर राहिले आहेत.

जागतिक सकल राष्ट्रीय उत्पन्नात या देशांचा वाटा 30 टक्के आहे. 2012 मध्ये आरसेप कराराची संकल्पना मांडली गेली होती. या करारावर आग्नेय आशिया शिखर बैठकीत शिक्कामोर्तब करण्यात आले असून त्यामुळे करोनाचा फटका बसलेल्या अर्थव्यवस्थांना सावरण्याची संधी मिळणार आहे.
🟧नितीशकुमारच मुख्यमंत्रिपदी.

बिहारचे मुख्यमंत्री नितीशकुमार हेच असतील, यावर रविवारी झालेल्या राष्ट्रीय लोकशाही आघाडीच्या बैठकीत शिक्कामोर्तब झाले.

तर आज नितीशकुमार चौथ्यांदा मुख्यमंत्रिपदाची शपथ घेतील. मात्र, उपमुख्यमंत्रिपद कोणाकडे सोपविले जाईल,याबाबत उत्सुकता असून तारकिशोर प्रसाद आणि रेणुदेवी यांची नावे या पदासाठी आघाडीवर आहेत. भाजपच्या विधिमंडळ नेतेपदी तारकिशोरप्रसाद सिंह यांची निवड करण्यात आली आहे.

नुकत्याच झालेल्या बिहार विधानसभा निवडणुकीत राष्ट्रीय लोकशाही आघाडीला 125 जागांवर विजय मिळाला. रालोआला निसटते बहुमत मिळाले असले तरी नितीशकुमार यांच्या जदयुला अवघ्या 43 जागांवर समाधान मानावे लागले.
🟧प्रसिद्ध बंगाली अभिनेते सौमित्र चटर्जी यांचे निधन

प्रसिद्ध बंगाली अभिनेते सौमित्र चटर्जी याचे निधन झाले आहे. ते 85 वर्षांचे होते.
सौमित्र चटर्जी हे बंगाली कलाविश्वातील एक नावाजलेलं नाव होतं.

त्यांनी 1959 मध्ये अपुर संसार या चित्रपटाच्या माध्यमातून करिअरची सुरुवात केली.तर प्रसिद्ध दिग्दर्शक सत्यजीत रे यांच्यासोबत त्यांनी जवळपास 14 चित्रपटांमध्ये काम केलं होतं.

विशेष म्हणजे फ्रान्समधील सर्वात मानाचा Ordre des Arts et des Lettres या पुरस्काराने त्यांना सन्मानित करण्यात आलं होतं. त्याचसोबत त्यांना दादासाहेब फाळके पुरस्कारानेदेखील गौरविण्यात आलं होतं.

इतकंच नाही तर 3 वेळा त्यांना राष्ट्रीय पुरस्कार, संगीत नाटक अकॅडमी पुरस्कार , 7 फिल्मफेअर व पद्मभूषण पुरस्काराने सन्मानित करण्यात आलं होतं.
🟧आंतरराष्ट्रीय अर्ध-शुष्क उष्णकटिबंध पीक संशोधन संस्था ड्रोनचा वापर करणार

कृषी संशोधनासंबंधी कार्यांसाठी ड्रोनचा वापर करण्यासाठी हैदराबादच्या आंतरराष्ट्रीय अर्ध-शुष्क उष्णकटिबंध पीक संशोधन संस्थेला परवानगी मिळाली.

संस्थेला नागरी विमानचालन मंत्रालय तसेच नागरी विमानचालन महासंचालनालय (DGCA) यांच्यावतीने सशर्त सूट देण्यात आली आहे.

🔴ड्रोन काय असतात?

ड्रोन हे जमिनीवरुन नियंत्रित केले जाणारे चालकरहित हवाई वाहन असतात. त्याचा उपयोग एका हवाई वाहनाप्रमानेच केला जाऊ शकतो.

भारत सरकारकडून सुरक्षेच्या कारणामुळे ड्रोन उडवण्यावर काही प्रतिबंध लावण्यात आले आहे.

🟧DGCA ने ड्रोनची पाच भागात विभागणी केली आहे.

▪️नॅनो ड्रोन - ज्याचे वजन 250 ग्रॅम असते.
▪️मायक्रो ड्रोन - 250 ग्रॅम ते 2 किलो
▪️लहान ड्रोन - 2 किलो ते 25 किलो
▪️मध्यम ड्रोन - 25 किलो ते 150 किलो
▪️मोठे ड्रोन - 150 किलोपेक्षा अधिक
ड्रोन उडवण्यासाठीचे नियम

DGCA कडे ओळख आणि ड्रोनच्या कागदपत्रांची पूर्तता करावी लागते. ड्रोनसाठी युनिक आयडेंटीफिकेशन नंबर घ्यावा लागतो.

त्यासाठी एअरक्राफ्ट ऑपरेटर परवाना घ्यावा लागतो.मायक्रो ड्रोन 200 फुटांच्या खाली उडवायचे असल्यास 24 तासापूर्वी त्याची माहिती पोलिसांना द्यावी लागते.
ड्रोन उभा 400 फूटांपेक्षा जास्त उडवता येत नाही.

ड्रोन ऑपरेटरने वयाची किमान 18 वर्षे पूर्ण केलेली असावी. ड्रोन ऑपरेटरने इंग्रजी हा विषय घेऊन दहावी उत्तीर्ण केलेले असावे. ड्रोन ऑपरेटिंगसाठी ट्रेनिंग प्राप्त केलेले असावे.

DGCAच्या परवान्याची वैधता पाच वर्षांची असते. दर पाच वर्षांनी परवान्याचे नूतनीकरण करणे अनिवार्य आहे.
ड्रोनचा विमा उतरवलेला असावा. तसेच DGCAने ड्रोन उडवण्यासाठी वेळेची मर्यादा घालून दिली आहे. त्यावेळेतच ड्रोन उडवावे लागते.

दिल्ली, मुंबई, चेन्नई, कोलकाता, बंगळुरु या शहरांतल्या विमानतळाच्या पाच किलोमीटरच्या परिघात ड्रोन उडवता येत नाही. इतर शहरातल्या विमानतळाच्या परिसरात 3 किलोमीटरच्या आत प्रतिबंध आहे.

आंतरराष्ट्रीय सीमेच्या 25 किलोमीटरच्या जवळ ड्रोन उडवण्यावर प्रतिबंध आहेत.
'नो फ्लाय झोन' जाहीर केलेल्या परिसरात ड्रोन उडवता येत नाही.