#upscmain
#mpscpre

भारताला 80 अब्ज डॉलरची संधी
परदेशी पर्यटक आणि परकी गंगाजळी यांना आकर्षित करण्याची संधी भारताला असून, यात तो मागे पडत आहे. यामुळे भारताला दरवर्षी 80 अब्ज डॉलरवर पाणी सोडावे लागत आहे. वैद्यकीय पर्यटनात भारताचा वाटा 3 अब्ज डॉलर असून, तो 2020 पर्यंत 7 ते 8 अब्ज डॉलरवर जाणे अपेक्षित आहे. थायलंडसारख्या लहान देशांमध्ये कोट्यवधी पर्यटकांचा ओघ सुरू असून, भारतात मात्र, ही संख्या त्या तुलनेत अतिशय कमी आहे.

#current

अमेरिकेचे 99 टक्के तंत्रज्ञान भारतासाठी खुले

अमेरिकेशी संरक्षण सहकार्य करार केलेल्या देशांपैकी केवळ भारतालाच लवकरच अमेरिकेच्या अत्याधुनिक संरक्षण तंत्रज्ञानापैकी 99 टक्के तंत्रज्ञानाचा वापर करता येणार आहे. अमेरिकेने भारताला "महत्त्वाचा संरक्षण सहकारी' म्हणून जाहीर केल्यामुळे भारताला हा फायदा होणार

"भारताला हा दर्जा दिला गेला असल्याने आमच्या इतर सहकाऱ्यांना न मिळू शकणारी माहिती भारताला मिळणार आहे. अमेरिकेने असा दर्जा दिलेला भारत हा एकमेव देश आहे,'

#geography
#mpscsimplified

## झंझावात, तुफान, चक्रीवादळ, आवर्ती किंवा अभिसारी चक्रवात... वाहणाऱ्या वाऱ्याला त्याच्या वेगानुसार आणि प्रकारानुसार अशी कितीतरी वेगवेगळी नावं आहेत.

#पश्‍चिम अटलांटिकमध्ये तयार होणाऱ्या वादळांना झंझावात (हरिकेन) म्हणतात, तर पश्‍चिम प्रशांत महासागरात तयार होणाऱ्या वादळांना आवर्ती किंवा अभिसारी चक्रवात (टायफून) म्हणायची प्रथा आहे. बाकीच्यांना चक्रीवादळ (सायक्‍लोन) असं म्हटलं जातं.


#मॉन्सूनच्या मुख्य पावसाआधी येणाऱ्या पावसाला आपण ‘वळिवा’चा पाऊस असं म्हणतो. जोराचं वारं, अचानक आभाळ भरून येणाऱ्या ढगांची बहुतेक वेळा सायंकाळ होण्याआधी होणारी गर्दी आणि नंतर येणाऱ्या जोरदार सरींनी त्याची हजेरी लागते. उकाड्यानं हैराण झालेले आपण या अचानक होणाऱ्या शिडकाव्यानं आनंदून जातो; पण या अचानक आलेल्या सरींमध्ये ‘पावसाळ्या’ची नुसती चाहूलच असते. प्रत्यक्ष पावसाळा मात्र काही दिवसांनी सुरू होतो; पण हे मधले काही दिवस मात्र तगमग देणारे असतात. हेच दिवस जगभर आणखी एका गोष्टीसाठी, ‘मोसमी वादळांच्या सुरवाती’चे दिवस ठरतात.

#साधारणतः २१ किंवा २२ जूनला सूर्य आकाशात सर्वात उत्तरेकडं असतो. त्यानंतर त्याचं दक्षिणायन सुरू होतं.

-उन्हाळ्यात जे जोराचे वारे वाहतात, त्यांना आपण सहसा वादळ म्हणत नाही. गोलाकार फिरणारी धुळीची वावटळ मात्र पठारी प्रदेशात जागोजागी दिसते; पण जी जोरात आणि सलग वाहणारी गरम हवा; विशेषतः दुपार ते संध्याकाळ या वेळात दिसून येते, तिला ‘लू’ म्हणतात.

# वाऱ्याची दिशा आणि वेग यावर तो ‘मंद वारा’ आहे, झुळूक आहे की तो सोसाट्याचा वारा आहे हे ठरत असतं. पूर्वी नाविकांसाठी वाऱ्याच्या वेगाकरिता ‘बोफोर्ट-क्रमांक’ वापरत असत. एका नाविक अधिकाऱ्यानं, फ्रान्सिस बोफोर्टनं १८०५ मध्ये हे कोष्टक तयार केलं होतं. (यात एक नॉट म्हणजे ताशी १.८५२ किलोमीटर वाऱ्याचा वेग धरलेला आहे.)
(० ते १ नॉट) क्रमांक ० = स्तब्ध हवा, हालचाल नाही. या वेळी शेकोटीचा धूर सरळ उभा वरच्या दिशेनं जातो.

(१ ते ३ नॉट) क्रमांक १ = वाऱ्याची दिशा धुरामुळं कळते; पण दिशादर्शक यंत्रावर मात्र परिणाम दिसत नाही.
(४ ते ६ नॉट) क्रमांक २ = झाडाची पानं सळसळतात, तोंडावर वारा जाणवतो, सामान्य दिशादर्शकही हलतो.
(७ ते १० नॉट) क्रमांक ३ = झाडाच्या डहाळ्या म्हणजे छोट्या फांद्या डोलू लागतात, लहान झेंडे फडफडतात.
(११ ते १६ नॉट) क्रमांक ४ = झाडाच्या छोट्या फांद्या हेलकावे घेत हलू लागतात, धूळ उडते, कागदाचे कपटे या वाऱ्यानं उडू लागतात.
(१७ ते २१ नॉट) क्रमांक ५ = लहान झाडंच आता डोलू लागतात. तलावाच्या पाण्यावर या वाऱ्यानं छोट्या छोट्या टोकदार लाटा तयार होतात.
(२२ ते २७ नॉट) क्रमांक ६ = झाडाच्या मोठ्या शाखा डोलतात. छत्री सांभाळणं कठीण होतं. दूरध्वनीच्या टांगलेल्या तारांमधून शीळ घातल्यासारखा आवाज येऊ लागतो.
(२८ ते ३३ नॉट) क्रमांक ७ = संपूर्ण वृक्ष हलू लागतात. झाडांच्या छोट्या नाजूक फांद्या तुटायला लागतात. या वाऱ्याच्या विरुद्ध दिशेनं चालणं मुश्‍किल होतं.
(३४ ते ४० नॉट) क्रमांक ८ = वृक्षांच्या फांद्या तुटायला लागतात. सामान्य मानवी जीवनाला अडथळे निर्माण होऊ लागतात. (३५ नॉटच्या वर वाऱ्याचा वेग असेल, तर म्हणजेच सुमारे ६३ किलोमीटर ताशी वेगाचे वारे म्हणजे वादळ असं आजकाल मानण्यात येतं.)
(४१ ते ४७ नॉट) क्रमांक ९ = इमारतींना धोका निर्माण होतो. कौलं, छताचे पत्रे उडतात, भिंती कोसळतात.
(४८ ते ५५ नॉट) क्रमांक १० = जमिनीवर एवढ्या प्रमाणातला वारा फारच कमी प्रमाणात अनुभवास येतो. मात्र, उंच इमारतींचा फार मोठा विध्वंस या वाऱ्यामुळं होतो. या वाऱ्याच्या वेगानं वाहनं रस्त्याबाहेरही फेकली जातात. गाड्या रुळावरून खाली घसरतात. गलबतांना-जहाजांना तर फारच धोका; कारण ते उलटतात किंवा लाटांच्या तडाख्यानं फुटतातही.
(५६ ते ६३ नॉट) क्रमांक ११ = फारच क्वचित अनुभवास येतो; पण चक्रीवादळात वाऱ्याला एवढा वेग असू शकतो. त्यानं फार मोठा आणि विस्तृत प्रदेशात विध्वंस होतो.
(६४ नॉटच्या पुढं) क्रमांक १२ = अपरिमित नुकसान करणारी स्थिती. ही स्थिती फक्त काही ठिकाणीच अनुभवास आलेली आहे.

#वारा किंवा हवेत हालचाल निर्माण होण्याची प्रमुख कारणं म्हणजे वातावरणातल्या हवेवर होणाऱ्या निरनिराळ्या प्रेरणांचा (बलांचा) परिणाम.
१) पृथ्वीचं गुरुत्वाकर्षण, जे सर्वच पदार्थांवर सततच कार्य करत असतं,
२) कमी-अधिक उष्णतेमुळं हवेची घनता कमी-अधिक होणं,
३) त्यामुळंच हवेच्या दाबात होणारा फरक,
४) कोरिऑलिस बल,
५) घर्षण आणि
६) केंद्रोत्सारी (सेंट्रिफ्युगल) बल या प्रेरणा हवेच्या स्थितीवर बदल घडवून आणतात. त्यामुळं वारे निर्माण होतात. गुरुत्वाकर्षण बलाचा परिणाम हा जमिनीपासून वर उभ्या दिशेनं होत असल्यानं तो वादळी वाऱ्यांसाठी फारसा परिणाम दाखवत नाही; पण कोरिऑलिस बल मात्र वाऱ्यांवर जागतिक परिणाम दाखवतं


#काय आहे कोरिऑलिस बल?

-फ्रेंच गणिती गास्पार ग्युस्ताव

कोरिऑलिस यानं हे बल कसं कार्य करतं ते त्याच्या १८३५ च्या एका शोधनिबंधात दाखवून दिलं. यात होतं काय की पृथ्वीच्या रोजच्या परिवलनामुळं - एका दिवसात स्वतःभोवती एक फेरी घेण्याच्या वेगामुळं - विषुववृत्तावरून जसजसे वर किंवा खाली म्हणजे उत्तरेस किंवा दक्षिणेस जाणाऱ्या वाऱ्याची दिशा एका कमानीसारखी वळताना भासते. उत्तर गोलार्धात ही गती चक्राकार; पण घड्याळ्याच्या उलट दिशेनं असते, तर दक्षिण गोलार्धात घड्याळ्याच्या सुलट्या दिशेनं असते. त्यामुळे जागतिक वाऱ्यांच्या दिशांवर हा परिणाम सततच दिसून येतो.

#जमिनीवर असणारी धूळ, धूर आणि इतर पदार्थांमुळं वारे अधिक सघन होतात. त्यामुळं ते वाहताना त्यात होणारं घर्षण जास्त, तर महासागरावर असणाऱ्या वातावरणात घर्षणबल कमी आढळतं. या सगळ्याचा परिणाम वारे वाहण्यावर होतो. वाऱ्याचा वेग वाढला, की त्यालाच आपण ‘वादळ’ म्हणतो

#geography
#mpscsimplified

# चक्रीवादळं ही उष्णकटिबंधात तयार होणारी आणि दोन्ही गोलार्धांत विषुववृत्तापासून दूर कमानीच्या आकारात पसरत मार्गक्रमण करणारी असतात.
-वादळांचे विविध प्रकार आहेत. (हरिकेन) झंझावात, (स्टॉर्म) तुफान, (सायक्‍लोन) चक्रीवादळ, (टायफून) आवर्ती किंवा अभिसारी चक्रवात, असे शब्द त्यासाठी आहेत.
- या प्रकारात जरी थोडे फरक असले, तरी या साऱ्यांचा उगम उष्णकटिबंधात (ट्रॉपिकल रीजनमध्ये) होत असल्यानं सगळ्यांनाच ‘ट्रॉपिकल सायक्‍लोन’ म्हणजे ‘उष्णकटिबंधीय
चक्रीवादळं’ म्हणतात.

#विषुववृत्तावर कधीही चक्रीय वादळ तयार होत नाही
कारण कोरिओलीस बल तेथे नसते.

#चक्रीवादळं कशी तयार होतात?

-चक्रीवादळं तयार होण्यासाठी मुख्य सहभाग असतो समुद्राच्या पृष्ठभागावरच्या पाण्याचं तापमान किती झालं आहे याचा.
-उन्हाळा-पावसाळा आणि हिवाळा-उन्हाळा या दोन्ही ऋतुबदलांच्या दरम्यान ही वादळं तयार होतात असं दिसतं. -विषुववृत्ताच्या पाच अंश उत्तर ते पाच अंश दक्षिण या भागात या वादळांचा अभाव दिसतो; पण त्याच्या वरच्या १८ अंश अक्षांशादरम्यानच्या सागरी विभागात आणि जिथं सागराच्या पृष्ठभागाचं तापमान २६ ते २८ अंश सेल्सिअस होतं, तिथंच ही वादळं निर्माण होतात असं दिसतं.
-या ठिकाणी वाऱ्यांची आणि वादळांचीही दिशा आधी पूर्वेकडून पश्‍चिमेकडं आणि नंतर ती वर उत्तरेकडं वळत कमानीसारखी परत ईशान्येकडं जाताना दिसते.
-सागरावरच्या अधिक तापमानाच्या जागी गरम हवा वरच्या दिशेनं आधी जाऊ लागते. त्यामुळं तिथं एक कमी दाबाचा पट्टा तयार होतो. या जागेकडं (कमी दाबाच्या स्तंभाकडं) वाहणारे वारे सोबत पावसाळी ढगही घेऊन येतात. कारण वाढलेल्या तापमानानं सागराच्या पाण्याची वाफही हवेत बरीच तयार झालेली असते. वर जाणाऱ्या हवेच्या स्तंभाकडं येणारे वारे आणि ढग त्याभोवती वक्राकार, वर्तुळाकार फिरू लागतात. वर वर उचलले जाऊ लागतात. त्यांची जागा दुसरे ढग आणि वारे घेत ते मोठ्या वेगानं गोलाकार घुमू लागतात.
-पृथ्वीच्या परिवलनामुळं, कोरिऑलिस प्रेरणेमुळं हे वारे कमानीच्या मार्गानं पुढं कूच करू लागतात, त्यातून घोंघावणाऱ्या चक्रीवादळाचा जन्म होतो.
-पाण्याचं बाष्प असणारे ढग यात खूप उंचीवर पोचले, की तिथल्या थंड वातावरणानं त्या बाष्पाचं द्रवीभवन होऊन पाऊस पडू लागतो.

-चक्रीवादळाच्या मधल्या जणू रिकाम्या राहिलेल्या भागाला चक्रीवादळाचा ‘डोळा’ असं म्हणतात. त्या जागी वाऱ्याचा आडव्या दिशेनं फारसा वेग नसतो; पण या जागेकडं येणारे वारे मात्र प्रचंड वेगवान असतात, तर वर गेल्यावर ते जेव्हा पसरट होतात, तेव्हा त्यांचा वेग मंदावतो.
-या डोळ्यापासून जसजसे दूर जाऊ तसतसाही हा वेग कमी झालेला दिसतो. कधी कधी अशी चक्राकार गती असणारे अनेक स्तंभ एकाच मोठ्या चक्रीवादळाचा भाग बनतात. अशा वेळी त्यांची एकूण ऊर्जा वाढते. ते जास्त हानिकारक ठरतात.

# उच्च अक्षांशमधील चक्रीवादळे

-उत्तरेकडं अधिक अक्षांशावरही चक्रीवादळं तयार होतात. त्यांचा मार्ग या उष्णकटिबंधातल्या वादळांच्या उलट दिशेनं असतो.
- तिथले वारे पश्‍चिमेकडून पूर्वेकडं जाणारे असतात त्यामुळं असं होतं;
-शिवाय अशा वादळांचा कालावधीही वेगळा असतो. ही वादळं नोव्हेंबरच्या दरम्यान अधिक असतात. यांच्यामुळं पावसाऐवजी बर्फ जास्त प्रमाणात पडतो आणि थंडीची लाटही येते.

#चक्रीय वादळे नावे

-वादळं कुठं होतात, त्यांच्या जागा, त्यांचा अंदाजित कालावधी आणि त्यांच्यातल्या वाऱ्याचा वेग या वर्गीकरणातून विविध हवामान संस्थांना अशा चक्रीवादळांची नावं देण्यासाठी ठराविक क्षेत्रांसाठी नेमून दिलेलं आहे.
-त्यांनी आधीच ठरवलेल्या यादीतून ही नावं देण्यात येतात.
- साधारणपणे ताशी ६३ किलोमीटरपेक्षा जास्त वाऱ्याचा वेग आहे, अशा चक्राकार फिरणाऱ्या वादळाला, ते पाच ते सहा दिवसांपेक्षा जास्त टिकणारे असल्यास नाव देण्यात येतं.
- उत्तर अटलांटिक; तसंच पूर्व प्रशांत महासागराच्या क्षेत्रासाठी अमेरिकेतल्या, पश्‍चिम प्रशांत महासागरासाठी जपान, उत्तर हिंदी महासागरासाठी भारतीय, दक्षिण-पश्‍चिम हिंदी महासागरासाठी मादागास्कर, ऑस्ट्रेलियाशेजारच्या विभागासाठी इंडोनेशिया, दक्षिण प्रशांत महासागरासाठी न्यूझीलंड, तर दक्षिण अटलांटिक महासागरासाठी ब्राझीलच्या हवामान वेधशाळांना अशी नावं देण्याची मुभा असते.
- ही नावं आधीच तयार केलेल्या आणि मान्यता मिळवलेल्या यादीतून देण्यात येतात.

@mpsc_simplified

#current

अडीच हजार किलोमीटर ताशी वेगाने भ्रमंती करण्याची क्षमता राखणाऱ्या ‘सुखोई’ विमानाच्या भात्यात आता स्वप्नातित वेगाने लक्ष्य भेदणारे ‘ब्राम्होस’ क्षेपणास्त्र कार्यान्वित झाल्यामुळे भारतीय हवाई दलाची संहारक क्षमता वाढणार आहे.

अत्याधुनिक क्षेपणास्त्र लढाऊ विमानात कार्यान्वित करणारे भारतीय हवाई दल जगातील पहिले दल ठरले आहे.

*ब्राम्होस

२९० किलोमीटर मारकक्षमता असणारे ब्राम्होस हे बहुउद्देशीय क्षेपणास्त्र असून, त्याचा वेग २.८ मॅकइतका आहे. जमीन, सागर व हवेतून ते लक्ष्यांवर मारा करू शकते. नौदलाच्या विनाशिकेवरून याआधीच ब्राम्होसच्या सुधारित आवृत्तीची चाचणी झाली होती. हवेतून जमिनीवर मारा करण्यासाठीची क्षमता प्राप्त करण्यासाठी सुखोईच्या व्यवस्थेत काही बदल करण्यात आले. २५०० किलोग्रॅम वजनाचे ब्राम्होस कार्यान्वित झालेले सुखोई पाऊण तास हवेत भ्रमंती करत होते.

*‘सुखोई – ३०’

-‘सुखोई – ३०’ ही सर्वोत्तम बॉम्बफेकी लढाऊ विमाने म्हणून ओळखली जातात.
-वेगवेगळ्या प्रकारची सात ते आठ टन वजनाची शस्त्रास्त्रे आणि अणुबॉम्बही ते वाहून नेऊ शकते.
-इंजिनद्वारे सोडल्या जाणाऱ्या हवेच्या झोताच्या आधारे ते अचानक वळण घेऊन पाठलाग करणाऱ्या शत्रूच्या विमानाला धोबीपछाड देऊ शकतात.
- अचानक वेग कमी करून वरच्या दिशेने वळण्याच्या या थ्रस्ट व्हेक्टरिंगह्ण तंत्राच्या मदतीने ते विमानविरोधी क्षेपणास्त्राला चकवा देतात.
-तब्बल ५५ हजार फूट उंचीवरून आणि ध्वनिहून अधिक म्हणजे ताशी २ हजार ६५० किलोमिटर इतक्या प्रचंड वेगाने ती मार्गक्रमण करतात.

@mpsc_simplified

#current
#stimain

$अभय योजना$

-विहित प्रमाणात कर आणि दंडाची रक्कम भरून काळ्या पैशाच्या कबुली देणाऱ्यांसाठी मर्यादित काळासाठी नव्याने खुल्या झालेल्या अभय योजनेत जास्तीत जास्त लोकांचा सहभाग मिळविण्यासाठी प्राप्तिकर विभागाने आपल्या सर्व अधिकाऱ्यांना कंबर कसण्याचे गुरुवारी आदेश दिले.
-अशा मंडळींची विनासायास व स्वेच्छेने या योजनेकडे पावले वळतील यासाठी त्यांची ओळख गोपनीय ठेवण्याचीही खबरदारी घेतली जाणार आहे.
-केंद्रीय प्रत्यक्ष कर मंडळाने ‘उत्पन्न प्रकटन योजना-२०१६’ या नावाने १ जूनपासून ३० सप्टेंबर अशी चार महिने कालावधीसाठी देशांतर्गत काळा पैसा खणून काढण्यासाठी ही अभय योजना सुरू केली आहे.
-योजनेचा जास्तीत जास्त प्रचार व्हावा यासाठी श्रीमंतांची वर्दळ असलेल्या क्लब हाऊसेस, मॉल्स व बाजारपेठा, महागडय़ा वस्तूंच्या शोरूम्सच्या दर्शनी भागात भित्तिपत्रके लावण्याचे आदेश देण्यात आले आहेत.
-अभय योजनेत सहभाग घेऊन काळ्या पैशाच्या मालकीचा कलंक पुसू पाहणाऱ्या या संभाव्य करदात्यांची ओळख म्हणूनच गोपनीय राखली जाणार आहे.
- त्यांच्याशी फक्त प्रत्येक कर आयुक्तालयातील प्रधान आयुक्त अथवा प्राप्तिकर आयुक्त दर्जाचा उच्चाधिकारीच व्यक्तिश: संपर्क साधू शकणार आहे. किंवा या दर्जाच्या अधिकाऱ्यांपुढेच ते आपले प्रकटन सादर करतील.

Ajit Thorbole:
#radionews


आकाशवाणी रेडिओ बातम्या-26 जून 2016

-पुणे,औरंगाबाद,मुंबई आणि नागपूर केंद्राच्या दिवसभरातील बातम्या pdf स्वरूपात

-फक्त लाल चिन्हांकित बातम्या वाचा

http://www.mpscsimplified.com/2016/06/radio-news-26-june-2016/

शेअर करा

प्रश्न विचारा👇
@ajit_thorbole

चॅनेल जॉईन करा👇
Telegram.me/mpsc_simplified

Website ला भेट द्या👇
Mpscsimplified.com

प्रश्न विचारा(plz no hi,namskar..फक्त प्रश्न विचारा)👇
@ajit_thorbole

चॅनेल जॉईन करा👇
Telegram.me/mpsc_simplified

Website ला भेट द्या👇
Mpscsimplified.com

मान्सून स्पेशल लोजराज्य highlight स्वरूपात
जुन 2016

https://www.mpscsimplified.com/lokrajya-magazine-june-2016/

@ajit_thorbole

आकाशवाणी रेडिओ बातम्या-27 जून 2016

-पुणे,औरंगाबाद,मुंबई आणि नागपूर केंद्राच्या दिवसभरातील बातम्या pdf स्वरूपात

-फक्त लाल चिन्हांकित बातम्या वाचा

https://www.mpscsimplified.com/?p=1162&preview=true

शेअर करा

सामान्य ज्ञान सिम्पलीफाइड भाग 1

https://wp.me/p7qxhH-iN

#current

MTCR:

-The MTCR regime urges its 34 members, which include most of the world’s key missile manufacturers, to restrict their exports of missiles and related technologies capable of carrying a 500-kilogram payload at least 300 kilometers or delivering any type of weapon of mass destruction.
-Since 2008 India has been one of the five countries that are unilateral adherents to the MTCR.

#mpscsimplified

1)#economics

-रिझर्व्ह बँक कायदा 1934 मधे केलेल्या सुधारणांची अंमलबजावणी आजपासून करण्याचा सरकारचा विचार आहे.
- यानुसार, पतधोरण समितीचे वैधानिक स्थान प्रभावी केले जाईल.
- त्याशिवाय चलनफुगवटा नियंत्रित ठेवण्याचं लक्ष्य गाठण्याबाबतचे यशापयश गृहित धरुन, पतधोरण समितीतील सदस्यांची नेमणूक करण्याबाबतचे नियमही लागू केले जाणार आहे.
-दर नियंत्रण करण्यासोबतच विकासाचे उद्दिष्ट मनात ठेवून, सरकारने 2016 मधे रिझर्व बँक ऑफ इंडिया कायदा, 1934 मधे काही सुधारणा केल्या.
- या सुधारणांनुसार, पतधोरण समितीला वैधानिक आणि संस्थात्मक आराखडा देण्यात आला आहे.
-यानुसार, पतधोरण समितीतल्या दहा सदस्यांपैकी 3 सदस्य रिझर्व बँकेचे असतील.
-रिझर्व बँकेचे गव्हर्नर जनरल समितीचे पदसिद्ध अध्यक्ष असतील. इतर तीन सदस्य हे केंद्र सरकारकडून नियुक्त केले जातील.
-कॅबिनेट सचिवांच्या अध्यक्षतेखालील निवड समितीच्या शिफारसीनंतर या तीन सदस्यांची निवड होईल.
-हे तिन्ही सदस्य अर्थ, बँकिंग आणि पतधोरण क्षेत्रातले तज्ञ असतील. यांची नियुक्ती चार वर्षांसाठी केली जाईल आणि ते पुनर्नियुक्तीसाठी पात्र ठरणार नाही.
- या पतधोरण समितीच्या वर्षातून किमान चार बैठका व्हायला हव्यात आणि त्यांचे निर्णय, त्यानंतर सार्वजनिक केले जातील.


2)
#schemes
दीनदयाळ उपाध्याय ग्राम ज्योती योजना

-20 ते 26 जुलै 2016 या काळात दीनदयाळ उपाध्याय ग्राम ज्योती योजनेअंतर्गत देशभरातल्या 145 गावांमधे वीज-पुरवठा करण्यात आला.
-यात 63 गावं आसाम, 16 झारखंड, 29 मेघालय, 8 राजस्थान तर 11 ओदिशा, 3 मध्य प्रदेश, 8 बिहार, 2 छत्तीसगड आणि 1 गाव उत्तरप्रदेशातील आहे.
-पंतप्रधान नरेंद्र मोदी यांनी 15 ऑगस्टला लाल किल्ल्यावरुन केलेल्या भाषणात, येत्या 1000 दिवसांत, देशातल्या सर्व गावांमधे विद्युतपुरवठा केला जाईल, असं आश्वासन दिले होते.
-त्यानुसार, 1 मे 2018 पर्यंत 18 हजार 452 गावांमधे वीज पुरवठा देण्याचं काम युद्धपातळीवर सुरु झालं आहे. यासाठी संपूर्ण वर्षभराचं वेळापत्रक आखण्यात आलं असून आत्तापर्यंत 8,529 गावांमधे वीजपुरवठा करण्यात आला आहे.
-विद्युतपुरवठ्याच्या कामाला गती देण्यासाठी ग्राम विद्युत अभियंता या कामावर देखरेख ठेवत असतात.

3)
#mpscmains

*नवीकरणीय ऊर्जा मंत्रालय, 2016-17 दरम्यान एक लाखाहून अधिक बायोगॅस तयार करणार


-स्वच्छ इंधनाच्या वापराला प्रोत्साहन आणि सेंद्रिय जैवखताची निर्मिती करण्यासाठी, केंद्रीय नवी आणि नवीकरणीय (अपारंपारिक) ऊर्जा मंत्रालयाने वर्ष 2016-17 मध्ये एक लाख घरगुती बायोगॅस प्रकल्प उभारण्याचे उदिृष्ट ठेवले आहे.
-सर्व राज्ये आणि केंद्रशासित प्रदेशांना हे उदिृष्ट पूर्ण करण्याचे निर्देश देण्यात आले आहेत.
-या प्रकल्पांमुळे दरवर्षी सुमारे 21 लाख 90 हजार गॅस सिलेंडर्सची बचत होऊ शकेल त्याशिवाय यातून मिळणारे खत हे रासायनिक खतांना उत्तम पर्याय म्हणून वापरता येऊ शकेल.
-या सेंद्रीय खतामुळे 10 हजार टन युरियाही वाचू शकेल
- -तसेच यामुळे वातावरणातल्या कार्बनडाय ऑक्साईड उत्सर्जनाचे प्रमाण 4,50,000 टन तर मिथेन उत्सर्जनाचे प्रमाण 2,50,000 टन इतके कमी होऊ शकेल असे मंत्रालयाच्या प्रसिद्धीपत्रकात म्हटले आहे.
-यासाठी मंत्रालयाने राष्ट्रीय बायोगॅस आणि खत व्यवस्थापन योजना हाती घेतली आहे. या योजनेमुळे ग्रामीण आणि निमशहरी भागातल्या महिलांचे श्रमही वाचणार आहेत.
-चुलीवरचा स्वयंपाक, इंधन गोळा करणे यासाठी महिलांची खर्च होणारी शक्ती आणि वेळ यातून वाचू शकेल. -
--गावांमधल्या स्वच्छतागृहांशी या बायोगॅस प्रकल्पांना जोडल्यास त्यातून स्वच्छतेचा मार्गही मिळेल शिवाय मोठ्या प्रमाणात खत उपलब्ध होईल. चुलीच्या धूरामुळे होणारे प्रदूषण टाळण्यासाठी बायोगॅस प्रकल्प उपयुक्त ठरतील.

@ajit_thorbole

Ajit Thorbole (Deputy Collector,Nanded):
प्रश्न विचारा(plz no hi,namskar..फक्त प्रश्न विचारा)👇
@ajit_thorbole

चॅनेल जॉईन करा👇
Telegram.me/mpsc_simplified

Website ला भेट द्या👇
Mpscsimplified.com