Core MPSC By Shrinivas Patil 📚🗝

“याची तात्काळ विभागातून बदली करून टाकण्याची मला शिफारस करा”, असे कक्ष अधिकारी यांना निर्देश देवून ते तडक कार्यासानातून बाहेर पडले.
त्यानंतर बाळूची आमच्या कार्यासनातून बदली करण्यात आली. मंत्रालयात नकोच म्हणून त्यांला सध्याचे छत्रपती शिवाजी महाराज टर्मिनस येथे महाराष्ट्र वित्त आयोगात बदली करण्यात आली. बाळूच तो, तिथले तरी काम त्याला काय आवडणार ? असाच सगळयांचा समज. पण क्षेत्रिय स्तरावरील सार्वजनिक वित्तपुरवठा या विषयानुसार विशेष काम हाताळण्याची संधी यातून बाळूस काहीतरी आव्हानात्मक आढळले व आवडीने कामास सुरुवात झाली. तोच याच विषयाचे अनुषंगाने संयुक्त राष्ट्र संघाचे एक पथक महाराष्ट्र दौ-यावर आले. मा. मुख्यमंत्री महोदयांना भेटून त्यांनी महाराष्ट्रातील आर्थिकबाबींचे अनुषंगाने सार्वजनिक वित्त पुरवठा (Public Finance ) या विषयावर एक प्रबंध त्यांना तयार करावयाचा होता. त्याकरीता स्थानिक स्वराज्य संस्थांचा कारभार व त्यातील करपध्दती अभ्यासण्याची इच्छा तत्कालीन मुख्यमंत्रयाकडे व्यक्त केली. पथकाचे मागणीनुसार पथकास महाराष्ट्र वित्त आयोगाच्याच्या माध्यमातून स्थानिक स्वराज्य संस्थाची पहाणी करण्याचे निश्चित करण्यात आले. महाराष्ट्र वित्त आयोगाकडून पथकासोबत जाण्यासाठी तसेच अभ्यासपूर्ण प्रबंध तयार करण्याचे कामाची जबाबदारी बाळूची आवड पाहून बाळूवर सोपविण्यात आली. बाळूला खरोखरीच आता आव्हानात्मक मिळाले होते. बाळू खुश झाला. इंग्रजीही चांगले होते. त्यामुळे पथकासोबत सुसंवादाचा धागा आपसूकच जुळून आला. संयुक्त राष्ट्र संघासाठी सार्वजनिक वित्त पुरवठा या विषयावर प्रबंध करण्याचे कामातील त्याचे योगदान देणे हेच खुप मोठे होते. बुध्दीकौशल्याचा व अंगी असलेल्या सर्व गुणांचा वापर करुन अथक परीश्रमातून बाळून पथकासाठी प्रबंध तयार करुन दिला.
संयुक्त राष्ट्र संघाच्या पथकाचा महाराष्ट्रातील दौरा पुर्ण होताच त्यांनी महाराष्ट्र वित्त आयोगाच्या अध्यक्षांना भेटून,"या कामी बाळूची खुपच मदत झाली"असे कळवून "बाळूची आम्ही जागतीक बँकचे भारतातील पथकाचे सल्लागार म्हणून शिफारस करत आहोत." असे अध्यक्षांना कळविले.आणि काही दिवसांतच बाळूची जागतीक बँकेचे पथकासोबत सल्लागार म्हणून काही वर्षाचे कालावधीसाठी नियुक्ती झाली. येथूनच बाळू आता बाळू राहिला नसून तो एक प्रगल्भ अभ्यासू व्यक्तीमत्व असलेला महाराष्ट्र शासनातील हिरो झाला होता. तो आता जागतीक स्तरावर दौरे करत होता.
जागतीक बँकेवरील सल्लागार पदाचा कालावधी पुर्ण होताच बाळू पुन्हा शासनाच्या सेवेत आला. जेथे जागतीक स्तरावर ज्याला सल्लागार म्हणून ठेवण्यात आले त्याचा सल्ला/मार्गदर्शन याचा उपयोग करण्यासाठी यशदा प्रशिक्षण संस्था टपूनच होती. पण येथेही आड आले ते बाळू धारण करत असलेले पद. संस्थेला सल्लागार म्हणून अतिरिक्त जिल्हाधिकारी दर्जाचा अधिकारी लागत होता. बाळूकडे ज्ञान, विद्वत्ता होती पण पद नव्हते. पण तत्कालीन अपर मुख्य सचिव (वित्त) यांना बाळूची कामगीरी माहित होती. त्यांनी बाळूचे पदच श्रेणी उन्नत करुन बाळूला अतिरीक्त जिल्हाधिकारी पदाचा दर्जा देण्यात आला आणि बाळू आता रीतसर यशदा प्रशिक्षण संस्थेत वरिष्ठ सल्लागार म्हणून नियुक्त झाला. तेथे वरिष्ठ रा.प्र.से./म.पो.से. अधिका-याना प्रशिक्षण देवू लागला. तसेच प्रसंगी भा.प्र.से./भा.पो.से. यांचेसाठी निमंत्रीत व्याख्याता म्हणून देखिल व्याख्यान देवू लागला.
आज बाळू एक उद्यमशील,उपक्रमशील कृषिविज्ञान तज्ञ शेतकरी म्हणून स्वत:चे कृषि उद्योगात अत्यंत व्यस्त आहे. आधुनिक शेती, त्यात कल्पकतेच्या जोरावर विविध कृषिविषयक प्रयोग नवनविन प्रकारची फळे, भाज्या त्यांच्या आधुनिक संकरीत जाती यांची पीकांची लागवड करुन कमीत-कमी भूक्षेत्रात महत्तम उत्पादन घेवून शेतीच्या माध्यमातून भूमाता अधिक सुजलाम सुफलाम करत आहेत.

तात्पर्य कोणीही छोटा किंवा मोठा नसतो तर तो आपल्या ज्ञानाचा वापर कसा करतो? यावर त्याचे मोठेपणा अवलंबून असतो.आजही प्रशासनात अनेक बाळू/बबलू/ छोटू/पिंटू या सारख्या व्यक्तिरेखा कार्यरत आहेत. केवळ पद, बाह्य स्वरूपातील त्यांचा पेहराव, वा त्याला काहीच येत नाही, किँवा तो टाकावू आहे असे कधीच नसते. फक्त त्याला संधीचा स्पार्क मिळणे आवश्यक असते. असे स्पार्क मिळालेले बाळू प्रशासन तेजांकित करून स्वतःसह प्रशासनास देखिल एका नवीनच उंचीवर नेवून ठेवत असतात. चला तर मग, बाळूचा शोध घेवू ! ..... आणि आपल्या कथेतील बाळू कोन आहे, याची उत्सुकता नक्कीच लागली असेल त्यालाही पाहू.!

Join @mpsc_sci

👍36🔥7❤4👏3

4.07K views05:24