ပုံပြင်ပြောမယ် ✍️

ဒီကားမှာပါတဲ့ ပုံပြင်လေးအကြောင်းပါ။

​ကိုရီးယားရိုးရာပုံပြင်တွေထဲမှာ နာမည်အကြီးဆုံးဖြစ်တဲ့ ပုံပြင်လေးတစ်ပုဒ်ပါ။

​တစ်နေ့မှာ အမေဖြစ်သူဟာ အိမ်အပြန်လမ်းမှာ ကျားဆိုးကြီးတစ်ကောင်နဲ့ ဆုံပါတယ်။ ကျားက ပါလာတဲ့ မုန့်တွေကို တစ်ခုပြီးတစ်ခု တောင်းစားရင်း နောက်ဆုံးမှာ အမေဖြစ်သူကိုပါ စားပစ်လိုက်ပါတော့တယ်။

​အဲဒီနောက် ကျားဟာ အမေယောင်ဆောင်ပြီး အိမ်က ကလေးနှစ်ယောက်ကို ထပ်စားဖို့ လာပါတယ်။ ကလေးတွေက ရိပ်မိသွားလို့ သစ်ပင်ပေါ် ထွက်ပြေးပြီး ကယ်တင်ဖို့ ဆုတောင်းကြပါတယ်။
အဲဒီအခါ ကောင်းကင်ကနေ ခိုင်ခံ့တဲ့ကြိုးတစ်ချောင်း ကျလာပြီး မောင်နှမနှစ်ယောက်ဟာ အဲဒီကြိုးနဲ့ "နေ" နဲ့ "လ" အဖြစ် ကောင်းကင်ယံကို ထာဝရ ရောက်ရှိသွားကြပါတယ်။
သူတို့ကို အတုခိုးပြီး လိုက်တက်တဲ့ ကျားဆိုးကြီးကတော့ ကောင်းကင်ကချပေးတဲ့ ကြိုးဆွေးကြီးပြတ်ကျပြီး သေဆုံးသွားခဲ့ပါတယ်။

​ဒီပုံပြင်လေးက ဆိုးသွမ်းသူတွေဟာ ထိုက်တန်တဲ့ အပြစ်ဒဏ်ခံရတတ်ပြီး ဖြူစင်သူတွေအတွက်ကတော့ အခက်အခဲကြားကနေ မျှော်လင့်ချက် အမြဲရှိတယ်ဆိုတာကိုပြထားတာပါ။

ဒါကဘယ်ကမှန်းမသိ ကိုယ်ငယ်ငယ်ကကြားဖူးတာလေးပါ။ ✍️

ဇာတ်ကားလင့်- ဒီကိုနှိပ်ပါ။