قد اكون لطيف ، ذلك لا يعني إنني سهل المكسب فلا تحاول الاقتراب بطرقك السخيفة.

*مشهد*
-فريده ؟
فريده : ايوا ، حضرتك مين ؟
-انا حليم !
فريده : حليم مين معلش ؟
حليم : الكتب والكافيه والوقعه *وبيضحك*
فريده : حليم ايوا ، معلش اصل شوفتك مره واحده ومكانتش مُشرفه خالص يعني *بتبص ف الارض*
حليم : تعالي نقعد ع الكافيه طيب ولا وراكي حاجه ؟
فريده : لا انا كنت مروحه خلاص مش ورايا حاجه ف هقعد عادي ..
حليم : طب حلو يلا وبالمره نتعرف اكتر ع بعض انا حابب اننا نبقي صحاب لو معندكيش مانع؟
فريده : لا خالص دي حاجه جميله ان يبقي ليا صحاب *بتبسم*
حليم : *بيشدلها الكرسي* ، اتفضلي
فريده : شكراً
حليم : ها تشربي اي ؟
فريده : قهوه .. قهوه مظبوط
حليم للويتر : اتنين قهوه مظبوط لو سمحت
حليم لفريده : انا اول مره شوفتك كانت ف كافيه الجامعه ساعتها انتي اتزحلقتي والكتب طارت ووقعت ع دماغي انا *بيضحك* ، من ساعه م قعدتي تقولي انا اسفه وانا نفسي اتعرف عليكي
*يحمر وجهها خجلاً*
وترد : انا اسفه فعلا ع الموقف دا بجد ، منظري كان زباله اوي
حليم : يمكن دا حصل عشان اعرفك
فريده : هو بص انا لازم امشي حالاً
"وتغادر فريدة مُسرعه تاركة حليم جالساً في حيرة وتذهب إلي صديقتها ليلي"
فريده : ليلي كويس اني لقيتك هنا
ليلي : بتنهجي كدا لي كنتي بتجري ؟
فريده : كنت بهرب قبل م اقع
ليلي : انا مش فاهمه حاجه !
فريده : فاكره الشاب اللي وقعت الكتب ع دماغه ؟
ليلي : حليم؟
فريده : ايوا هو ، قابلني صدفه انهارده وقعدنا ع كافيه وقالي عايز نبقي صحاب ، هو حلو بصراحه بس نظرته ليا مش عارفه بحس عينه بتلمع وهو بيبصلي ي ليلي
ليلي : فريده مش عايزه اصدمك ي حبيبتي بس حليم قابلك مره واحده ؟
فريده : عارفه ي ليلي .. المصيبه انه قالي من ساعه م قعدت اقوله انا اسفه وهو عايز يتعرف عليا ونبقي صحاب ؟ ولما قولتله ان الموقف كان زباله جداً ، قالي يمكن دا حصل عشان اعرفك ، وبعدها سبته ومشيت بعد م شوفت نظره عينه ليا
ليلي : هو انا مش بقتنع بالحب المُفاجئ دا بس يمكن يستي أُعجب بيكي ؟ ، يمكن حب بساطتك؟
فريده : يمكن بس انا مش عارفه ي ليلي ، خايفه احبه
ليلي : سبيها بظروفها يستي يمكن تبقي حدوته حلوه ف الاخر .
فريده : انتي صح ، بس انا مشيت بسرعه حتي مخدتش رقمه او اي حاجه
ليلي : هتتقابلوا بكرا ف الكليه عادي واقفي معاه شويه كدا وهو هيطلب رقمك بنفسه بس اتقلي

*تاني يوم في الجامعه*
*فريده قابلت حليم ف المحاضره*

فريده : حليم ، ازيك
حليم : تمام وانتي
فريده : تمام ، اا بص انا اسفه ع اللي حصل امبارح هو معرفش بس حسيت اني لازم امشي
حليم : اولاً كفايه اسفه ، انتي بتقوليها كتير اوي وانا مش عايزك تقوليها ، تاني حاجه ولا يهمك الايام بينا كتير *بيبتسم*
فريده : طب اي رايك بعد المحاضره نروح ناكل ؟
حليم : موافق ، تحبي تاكلي اي ؟
*دخول الدكتور*
*يعم الصمت ارجاء القاعه*
*حليم ظل يسترق النظر لفريده طوال المحاضره*
*بعد المحاضره*
فريده : يلا نروح ناكل ، احنا ممكن نروح ماك اوكي ؟
حليم : اوكي ، اا فريده علي فكره انتي حلوه اوي
*يحمر وجه فريده وتنظر ارضاً*
فريده : مش عارفه ارد
حليم : يلا نروح ناكل *بيبتسم*
*وصلوا ماك*
حليم : اقعدي ، هتاكلي اي ؟
فريدة : ميكس ميل
حليم : اوكي
*بعد ربع ساعه*
حليم : يلا يستي ، اتفضلي
فريده : شكراً
*حليم لم يُزيح عينه من علي فريده*
*فريده تُلاحظ*
فريده : حليم ؟
حليم : نعم
فريده : في حاجه ؟
حليم : لا ، بس انا مُعجب ببساطتك وبساطه جمالك
فريده : لتاني مره مبعرفش ارد :"
حليم : مش لازم تردي والله
فريده : هنعمل اي بعد الاكل ؟
حليم : هوديكي مكان انا بحبه جداً ومتاكد انه هيعجبك
فريده : متاكد كدا لي
حليم : مش عارف احساس انه هيعجبك
فريده : اوكي نروح يلا
حليم : يلا
"فريده ابتدت تعجب بحليم وروحه اللي حست انها روح طفوليه ، حست انه شبهها"
"وصلوا المكان بعد ساعه"
حليم : هو دا المكان اللي بحبه جداً
فريده : الله ، الله بجد اي كل الجمال دا
"بدت فريده مبتهجه عن العاده وجهها يشع نوراً من جمال ذلك المكان"
فريده : كنت متاكد انه هيعجبني عشان الورد صح؟ ، مين قالك اني بحب الورد؟ ، ليلي؟
حليم : بصراحه انا روحت سألتها وقالتلي انك مبتحبيش قد الورد ، المكان يُعتبر مكاني السري ، دايماً بلجأله لما بتعب ، بحس اني مرتاح وانا وسط الورد .
فريده : هو ازاي الجنينه دي موجوده ومحدش واخد باله ؟
حليم : مش عارف ، انا لقيت المكان دا صدفه ، كنت ماشي وانا مباخدش بالي اوي انا فين او رايح فين ولقيتي ف المكان دا ، لقيت نفسي بعيد عن كل حاجه كانها صحرا بس فيها بيوت ، بس الجنينه دي كانها مخفيه .
فريده : هو مكان جميل اوي بجد يعني
حليم : لو بتعرفي تطلعي الشجر ، الشجره دي متينه لو طلعتي عليها تشوفي النيل وتشوفي منظر الغروب
فريده : لالا اطلع فين انا بخاف *بتضحك*
حليم : تعالي بس متخافيش انا معاكي

فريده : مستحيل ابداً ، حلو المكان من تحت *بتضحك* ، الوقت اتاخر لازم امشي
حليم : طب يلا هوصلك
فريده : هروح عند ليلي ، انا قاعده عندها يومين
حليم : تمام
فريده : صحيح انت تعرف ليلي منين ؟
حليم : ليلي دي اول بنت عرفتها ف الكليه ، زي اختي جداً يعني بلجأ لها ف المواقف المعكوكه كدا وهي بتقولي اتصرف ازاي
فريده : ليلي دي طيبه جداً ، عارف انا مليش اخوات بنات وهي اختي وصحبتي الوحيده فعلا
حليم : ادينا وصلنا عند ليلي ، اتفضلي وسلميلي عليها
فريده : حاضر
"حليم يُغادر وتنادي عليه فريده"
فريده : حليم
حليم : نعم
فريده : انا بقالي كتير متبسطتش زي انهارده ، ميرسي ع اليوم دا جداً ، وعلي فكره انت كمان جميل اوي .
"غادر حليم مُبتسم ، ولكن قلبه كان يرقُص فرحاً"
"صعدت فريده الي ليلي وهي مُتفاجئه من نفسها"
فريده : ليلي ، انا شكلي هحبه.
ليلي : اصبري متتسرعيش ، حليم كل حاجه عايزه تعرفيها عنه عندي هو اكيد قالك انه يعرفني ، بس انا هسيبك تتعرفي عليه بنفسك بالتفصيل ودا طبعاً هيحصل لما تخرجوا كل يوم مع بعض .. بس انا المهم عندي انك تاخدي بالك من خطواتك ي فريده كل حاجه ليها حساب فاهمه؟
فريده : فاهمه ، بس هو بجد جدع وكويس حساه طيب اوي وقلبه ابيض
ليلي : هو جدع وطيب وكويس بس برضو ي فريده انا خايفه عليكي ..
فريده : حاضر مش هتسرع
ليلي : احكيلي بقي عملتي اي ؟
"وبدأت فريده تحكي كل اللي حصل بالتفصيل"
*موبايل فريده بيرن*
فريده : الو ؟
-موحشتكيش؟
فريده : مين معلش مش واخده بالي ؟
-حسام ي فريده ..
فريده : حسام ؟ ، هتوحشني لي ؟ انت عايز منيي اي ؟ كفايه اللي عملته بجد كفايه
حسام : فريده كل اللي حصل دا كان غصب عني
*بتقفل الخط ف وشه وتقفل الفون*
*بتعيط*
ليلي : حصل اي ؟ في اي مين كلمك ؟
فريده : حسام .. حسام ي ليلي بيكلمني ويقولي موحشتكيش بعد كل اللي عمله ، انا م صدقت ابتديت ارجع كويسه زي الاول ي ليلي هو لي قرر يرجع لما بدات ابقي كويسه ، لي مصمم يتعبني دايماً ؟
ليلي : اهدي بس وبطلي عياط ، انتي قفلتي معاه قولتيله حاجه؟
فريده : قفلت الخط ف وشه
ليلي : *تضحك* ، طلعنا سترونج وبنقفل الخط ف وش الناس الوسخه
"ضحكت فريده اخيراً ومسحت دموعِها"
فريده : بصي انا فعلاً بدأت ابقي كويسه بعد م اتعرفت ع حليم ، ليلي هو انتي اللي جبتيه طريقي ؟
ليلي : وحياتك انا مليش دخل ، حليم لما شافك معايا فضل ورايا لحد م عرف انتي مين ، انا قولتله انك صاحبتي من الثانويه بس حالياً انتي مش ف مزاج كويس لانك تتعرفي ع حد ، قالي ملكيش دعوه سيبهالي بس قوليلي هتبقوا فين وقولتله بس
فريده : وساعتها حصل اللي حصل من غير اي ترتيب صح
ليلي : بالظبط ، حليم مُعجب بيكي وحابب انك بسيطه ف نفسك .. دايماً كان يقولي البنت اللي هحبها لازم تبقي بسيطه وبتحب البساطه واحسها جميله ببساطتها ، بس مكنتش اعرف انه هيحب اقرب واحده ليا ، يفرحتي بيكوا لما تحبوا بعض
فريده : وانتي محبتيش حليم ؟
ليلي : لا طبعاً حليم صاحبي واخويا بس وانا زي اخته ومتاكده من دا جداً
فريده : عارفه ي ليلي ، انتي بتمثلي الصحبيه الحلوه فعلاً ، ليلي انتي احسن صاحبه ف الدنيا
ليلي : انا مش الاحسن ولا حاجه انا الاحسن ف نظرك بس
فريده : بامانه انتي الاحسن ، انتي دايماً واقفه جمبي .. مسبتنيش لحظه ي ليلي ، احنا صحاب من زمان وعمرنا م بعدنا عن بعض وكل سنه من السنين اللي فاتت كنتي بتثبتيلي قد اي انك صاحبه كويسه ، انا بسببك اتعلمت يعني اي صُحبيه بجد ، غيرك ي ليلي كان زمانه سايبني عشان حد تاني ، بس انتي عمرك م سبتيني عشان حد انتي دايماً كنتي بتسيبي الناس عشاني *بتحضنها*
ليلي : هنعيط كدا هنعيط فكينا كدا م الجو دا وتعالي نتفرج ع فيلم كدا ولا حاجه
فريده : استني بس ، انا مخدتش رقم حليم برضو ؟
ليلي : هدهولك انا يستي يلا
"بعد مُشاهده الفيلم غطت فريده في نوم عميق"
نظرت لها ليلي وقالت : انتي اللي علمتيني يعني اي صاحبه بجد ي فريده مش انا .
*تاني يوم*
"استيقظت فريده ولم تري ليلي بجانبها"
فريده : ليلي ؟ انتي هنا ؟
"وجدت فريده ورقه علي الطاوله وبجانبها ورده"
*الورقه*
"صباح الخير يقمر ، انا نزلت انهارده رايحه استقبل ماما وبابا اخيراً رجعوا من السفر ، الفطار ف التلاجه ورقم حليم ف ضهر الورقه ، خدي بالك من نفسك"
"ابتسمت فريده ثم ذهبت لتاكل وتذهب"
"فريده وهي تأكل طلت تُفكر بحليم وللحظه قد تذكرت ما حدث مع حسام وبدأت في البكاء .."
فريده لنفسها : لي ي حسام عملتت كدا ، لي خونتيني ، انا محبتش قدك ، كنت بالنسبالي كل حاجه ف الدنيا لي خليت ثقتي بكل الناس تتهز ، خلتني خايفه احب لأتخان تاني ، مش قادره انسي المنظر اللي شوفتك فيه معاها ف نفس الكافيه اللي بحبه ماسكها نفس مسكه ايديك ليا ، حبيت فيها اي عني .. انا لازم افوق وانساك تاني مش كل الناس زيك حليم مش زيك ..

"مسحت دموعها ثم اتجهت الي باب البيت حتي تغادر"
*في الكليه*
"حليم نادَ علي فريده سبع مرات ولكنها لم تكن في وعيها"
"امسكها حليم من يديها"
حليم : فريده ؟؟
فريده : اي في اي
حليم : ناديت عليكي كتير وانتي شكلك تايه وفي عمود قدامك ؟
فريده : اي انا اسفه مخدتش بالي بس كنت بفكر
حليم : اكيد كنتي بتفكري فيا *بيضحك*
فريده : مش وقته ي حليم عندي محاضره
حليم : تعالي معايا طيب هبقي اجيلك كشكول المحاضرات
فريده : اي ي حليم عايز اي
حليم : مفيش بس عايز اعرف مالك ، انا اسف لو بتدخل بس شكلك مش عاجبني كدا
فريده : مفيش حاجه افتكرت حاجه ضايقتني بس
حليم : مش عايزه تحكي طيب ؟
فريده : هيضايقني اكتر ، انا عايزه انسي
حليم : طب اي رأيك اوديكي ماك ؟
فريده : لا مليش نفس
حليم : فريده انا فعلا مش عاجبني اشوفك كدا ، انا بحب فريده اللي قالتلي امبارح اني جميل ، فريده اللي مكانتش عايزه تطلع الشجره ، عايز فريده اللي اخيراً ضحكت من قلبها امبارح
"احمر وجه فريده ووضعت يديها علي عيناها"
فريده : كنت بحب واحد اسمه حسام ، حسام دا اعرفه من وانا صغيره كبرنا سوا صعب انساه ورغم دا نسيته ، حبيته جدا وحبني ، مره ف يوم كنت رايحه اقعد ف الكافيه اللي بنحبه ، شوفته هناك ومعاه واحده ، نفس مسكه الايد نفس القعده نفس كل حاجه عملها معايا ، عجبه اي فيها شعرها ؟ جسمها ؟ لي عمل كدا .. خلاني خايفه احب اي حد وبقيت خايفه اتحب ، مش عايزه اتخان تاني ، خلاني شايفه كل الناس زيه .. *بتعيط*
حليم : فريده انا اسف ، بس البنات اللي بشعرها متجيش جمب جمالك بالحجاب حاجه ، مش بكدب دي حقيقه ، انتي جميله جداً ي فريده ، وكل حاجه هتتحل ، وهتنسي صدقيني ..
فريده : حليم انت فعلا جميل وشكراً
"اللمعه التي رأها حليم في عين فريده جعلته يقع في حبها"
حليم : المرادي انا اللي مش عارف ارد ، *بيحاول يغير الموضوع* بقولك اي هنعمل حفله التخرج الخميس الجي ، ولازم تيجي عشان في حاجه مهمه عايز اقولهالك وكمان تيشيرت التخرج عليا والحجاب كمان تمام؟
فريده : تمام ، حليم ممكن توديني المكان بتاع امبارح ؟
حليم : تعالي يستي يلا
*بعد ساعتين*
فريده : انا عايزه اطلع الشجره
حليم : هتنتحري ولا اي *بيضحك*
فريده : يلا ي حليم متبقاش تنح
حليم : حاضر حاضر
"يساعدها حليم علي تسلق الشجره ويصعد بجانبها"
حليم : اي رأيك ؟
فريده مبتسمه وعيناها تلمع : دا احلي منظر شوفته ف حياتي ي حليم شكراً
"حليم يدرك للمره الثانيه انه وقع بحبها"
حليم : تعالي كل يوم *بيضحك*
"مالت فريده علي كَتف حليم ، وغفوت!"
"ايقظها حليم بعد مرور ساعه"
فريده : حليييييم ، مصحتنيش لي اول م نمت يحييوااان
حليم : كان شكلك حلو
"صمتت فريده ولم تتحدث"
حليم : يلا عشان اروحك
"يساعدها علي النزول من علي الشجره"
فريده : هووف ، متقوليش كلام حلو فجأه *وركلت قدمه بقوه*
حليم : رجلي ي مجنونه في ايي
فريده : اسفه *ببتسامه مستنكره*
حليم : فريده انا .. "ولم يُكمل ما كان يريد قوله" ، قصدي يلا عشان اروحك..
فريده : اوكي
"أعادها الي منزل ليلي وذهب"
"ظلت فريده تفكر فيما كان يريد قوله"
فريده : ليلي ، جيتي ؟
ليلي : وحشتيني ي قرده ، عملتي اي ؟
فريده : تقدري تقولي اني وقعت ف حب حليم
ليلي : الف مبروك *تضحك*
فريده : ليلي انا مش بهزر ، المهم فين طنط وعمو ؟
ليلي : بيستريحوا من السفر ، تعالي نقعد ناكل ، فضلت مستنياكي
فريده : يلا
"علي طاوله الطعام حكت فريده الي ليلي كل ما حدث"
ليلي : بمعرفتي بحليم هو خلاص بيحبك
فريده : تفتكري ؟ ، بس ي ليلي انا خايفه
ليلي : متقلقيش حليم نضيف ، مش زي اي حد
فريده : يارب ميبقاش زي حسام
ليلي : انتي مش هتقابلي حليم لحد يوم التخرج صح؟
فريده : اها مش هقابله لمده 3 ايام بس
ليلي : كويس ، في تالت يوم دا هتنزلي تقابليه هو قالي اقولك كدا
فريده : وانتي كلمتيه امتي دا
ليلي : وانتي نايمه ع كتفه يقمر *تضحك*
فريده : لولا ان عمو وطنط نايمين بس كنت خليتك تصوتي
ليلي بضحك : خلااص خلاص تعالي جبتيلنا فيلم جديد حلو
"وكالمره السابقه نامت فريده في منتصف الفيلم"
ليلي : ملاك نايم جمبي ؟ ، يارب احمي قلبها الطفولي دا ، هي مجنونه ومتخلفه ومبتفكرش بس طيبه وصعب اشوفها بتتكسر تاني ..
"بعد مرور يومين بلا ايي احداث ، جاء اليوم الثالث وعلي فريده ان تقابل حليم"
"هاتف فريده يتصل"
فريده : الو؟
-هتنزلي امتي ؟
فريده : حليم ؟
-لا اخوه التوأم
فريده : تنحح بامانه يعني تنح
حليم يضحك : خلاص يستي ، ها هتنزلي امتي؟
فريده : دلوقت اهو لبست وخلصت وهنزل
حليم : طب يلا انا تحت بيت ليلي
فريده : اوكي اوكي
حليم : انجزي *ويغلق الخط ف وجهها*
"ذهبت فريده وقابلت حليم"
حليم : عامله اي
فريده : زي كل يوم
حليم : بس وشك منور عن العاده يعني
فريده : كلمه كمان وهرجع *تضحك*
حليم : خلاص خلاص ، انا نزلتك عشان اديكي طقم التخرج اتفضلي اهو

"فريده تفتح صندوق هدايا متوسط الحجم ، وتجد به تيشيرت ابيض اللون ، وطرحه زرقاء وبعض الورود الصفراء اللون"
فريده : مش هخمن عرفت منين اني بحب الازرق والاصفر
حليم : مش محتاجه تفكير يعني اكيد ليلي ، يلا عشان ارجعك البيت ، ورايا حاجات كتير عشان الحفله دي
فريده : وراك اي يعني ؟
حليم : وانتي مالك انتي
فريده : اوكي اوكي
"اعادها حليم الي البيت ، وقبل ان تصعد فريده اوقفها حليم واقترب من اذنيها"
حليم : بحبك.
"ثم ذهب وتمسمرت فريده مكانها وكاد قلبها ان ينفجر"
فريده لنفسها : هو قالها ومشي لي ، حاسه ان قلبي هيقف ..
"ثم صعدت الي منزل ليلي"
فريده : ليلييي ، لييلي
ليلي : في اي يمجنونه
فريده : دا قالي بحبك
ليلي بتضحك : اخيراً نطقها ، انتي اول واحده تسمعها منه ، حليم بيحبك
فريده : انا لسه مصدومه لدرجه اني بتحرك بالعافيه ، قلبي بيدق بطريقه رهيبه
ليلي : انتي كمان بتحبيه .
فريده : انا هدخل اجهز حاجات بكرا ، ومحتاجه ارتاح ، متصحنيش غير بكرا ماشي ؟
ليلي بضحك : حاضر
"ارتمت فريده علي السرير وغطت في النوم كانها طفله ودخلت عليها ليلي وراتها"
ليلي لنفسها : اخيراً جه اليوم اللي هشوفها فيه مبسوطه .. الحمدلله ، هي دايماً شايفه اني احسن صحابها ف حين انها هي احسن صحابي ، هي مصدر كل الفرحه الطفله دي ، فرحتها بتدي للقلوب طاقه انهم يبقوا كويسين ، يارب تفضل بفرحتها
*يوم التخرج*
*في الجامعه*
فريده : ي تري حليم فين
حليم من وراها : صباح الخير
فريدده بفرع : حد يجي من ورا كدا في اي
حليم : مفيش اي حاجه ، غمضي عينك بس
"ركع حليم علي ركبته ، وفتح علبه بها خاتم زِفاف وقال : فتحي عينك ..
فتحت فريده عيناها ، مصدومه من كل ذلك وقفت لوهله لا تستوعب ما يحدث"
حليم : فريده ، انا امبارح قولتلك ف ودنك اني بحبك ، دلوقت بقولك قدامهم كلهم انا بحبك ، تتجوزيني ي فريده ؟
فريده وضعت يدها علي رأسها وقالت : انت مجنون حرفياً ، وانا مجنونه اني هوافق عشان بحبك .

اخييييراً ، خلصت اطول مشهد ف حياتي ، هو معكوك شويه ف الاخر معلش ، تعبت فيه جداً عشان اخلصه ، كان صعب جداً 😂🤦🏻‍♀️💜
يارب يعجبكوا 💜

صباح الخير لمن أصابه الحُزن ، إبتسم ليُضئ وجهك 🌻

"‏نرشد التائهين ولا نعرف كيف نغادر المتاهة"

المره الجايه هصورها لما تبقي الطياره اقرب للارض اكتر 💜✈️

تمر الأيام ، ولا شئ مُثير للإهتمام يحدث .. أقضي الوقت في السرير لا أفعلُ شيئاً ، فقط أنام وأغطُ في النوم ، إن ذلك يُزعجني .. ليس من عادتي أن لا أفعل شيئاً عادتاً أنا اجري في جميع انحاء البيت ، اظل أُتمتم بالموسيقي التي أحب ، أرقص عليها إلي أن يتم إهمادي ، حقاً أكره كوني لا أفعل شيئاً ، لقد كُنت أبعد الحُزن عن الناس والأن الحُزن تملكني .. ، أحقاً أنطفئ الأن ؟ ، لا أعرف أصبح كل شئ غريب .. هل يجب أن تُصبح الأمور علي ما هي الأن؟ لا أعتقد ذلك ، لا أعلم ماذا يحدث .. لا يهم ، لا يهم.

صلي علي النبي ومررها 💜🌻.

مخيف إنني أحمل كل ذلك الأسى في صدري بهذا العمر بينما الآخرين في مثل عمري لم تداهمهم أي حماقة تسمى الإكتئاب.

‏بذلت الكثير كي لا نصبح غُرباء.

ولكننا أصبحنا.

لا أستطيع ان أغير العالم مثلك أنتِ تفعلين ذلكّ بمنتهى السهولة عندما تضحكين 🍂.

صباح الخير 🌻

لو كانت المسافه موسيقى ، لعُزفت كل الاغنيات وصولاً لعينيك.