مساء الخير ، لم يعد قلبي يهتم بوجودك .🥀

قالت : عارف انت احساس انك تحس ان انت مرفوض من الكل ، مرفوض بشكل تام .. تحس ان الكل بيبعد عنك بسببك ، بسبب شخصيتك اللي مش مفهومه ، وبسبب انك مبتعرفش تحل اي حاجه ، مبتعرفش تتكلم ، مبتعرفش تعمل اي حاجه ف حياتك .. تبقي نفسك تتصرف بس مبتعرفش ، احساس الخوف بيتملكك عشان خايف انك تتصرف غلط ويأدي دا لانك تخسر حد ، الاحساس دا انا بحسه كل يوم مع اقرب الناس ليا .. بحس اني مرفوضه تماماً .. بحس ان كلهم بيبعدوا عني ، بيبعدوا بشكل ميجرحنيش ، اللي هو انا هبعد من غير م اذيكي .. بس هما مش واخدين بالهم انهم بيأذوني ، انا اه عارفه اني منفعش اكون صاحبه او اي حاجه لاي حد ، بس انا بحاول ..
لي تصرفات الكل بيحسسوني انهم مش عايزني ، او وجودي ف حياتهم غلط .. الاحساس دا وحش اوي وبيخلق جوايا مليون تفكير ، بيخليني اتعب جداً ودماغي بتبقي هتنفجر من كتر التفكير ف لي كدا ، ولي انا دخلت حياتهم .. انا لحد دلوقتي ملقتش اللي يحسسني بغير دا ، انا تعبت.

‏أؤمن بموت المشاعر فجأة .

‏في كل مرةٍ أول من ينجو مِن العالم ذاك الذي ينام أول الليل.

‏أنت الأمان المُطمئن لقلبي دائماً.💜

ألا يُمكن لهذا العالم أن يصنع لنا مكانا ًصغيراً لنلتقي؟

أن تعتاد على مقهى للجلوس وحيدًا أفضل أن تمارس الهراء اليوم مع الناس .✨

رسالة لم تُرسل (34)
سأقف معك حين يظن الجميع بأنك سيء، سأقول بأنك لي وتخصني بكل سيئاتك.

بكتب مشهد جديد ، هيبقي طويل حبتين 🌚 .. جاهزين ؟🤔💜

تجاوزهُم ببُرود كما يتجاوز الجُندي جُثث أعداءه في الحَرب.✨

11:11

الحُزن يُحاصرني أينما كُنت والحرب مُستمره بداخلي مثل نارٌ لا تُريد أن تَنطفئ.

‏- ذات مره بكيت لأن وقتي مر من دُونك ، وليلة الأمس تناثرت دموعُي لأني متعب من تصرفاتك ، و قبل قليل انهرت بالبكِاء لأني اشتٌقت إليك كثيراً .✨💔

"إنك لا تفهم ما معنى أن أقضي يوماً كاملاً يملؤه القلق في ترقب رسالة منك، أن اكون ضائع و مشوّش فقط لأنني شعرت لدقيقة أن قلبك مشغول بشيء آخر."

أوحش حاجة ممكن تحصل !
ان ميبقاش في كلام تاني ، الكلام يخلص .. ومش لاقي حاجة تتكلم فيها مع اللي بتحبه ، السكوت دا بيخلي الواحد يحس انه بهتان ملوش لازمة بيحس انه اتزهق منه ")) .. متسكتوش اتكلموا مع اللي بتحبوهم مَتخلُهمش يحسوا انهم مش كافيين ✨.

انا لما بسال كل شويه عن مكاني ، ببقي خايفه .. ببقي خايفه اني مكُنش كافيه للشخص دا ، بخاف مكُنش قد مسئوليه انه فِ حياتي .. بخاف اكون زي الشخص الغلط ، اللي مبيعرفش يتصاحب ع حد ، ودايماً بيعك الدنيا ف كل حاجه ودا بيخلي الناس تبعد عنه ، بسبب شخصيته اللي بتعقد كل حاجه وبتكبرها .. ساعات كدا بحس اني فعلا مينفعش اتصاحب وازاي صحابي مستحملني ! ، وساعات بحس انهم زهقوا ، ومش هيقدروا يستحملوني اكتر من كدا ف بتضطر اني اسال عن مكاني عندهم ، انتوا لسه بتحبوني ؟ لسه عايزني ف حياتكم ؟ هو انا كويسه ك حد يتصاحب وكدا ؟
بتبقي مجرد اسئله بطمن بس يطمن خوف قلبي وقلقي مش اكتر :")✨

صباح الخير لِمن ملوا من كُثرة الإنتظار ، صباحُ الخير لكم ولقلوبكم التي أهلكها الإنتظار .. كفاكم إنتظار ، لن يعود الغائب أكملوا حياتكم كما هي ✨.

‏كيف أحببتها؟
‏كانت تكتشف حُزني بينما أنا أضحَك.

*مشهد*
*عياده دكتور مخ واعصاب*
*مامتها بتخرج من عند الدكتور*
-ها ي ماما ، الدكتور قالك اي ؟
-ولا حاجه ي حبيبتي هتبقي كويسه *وشها باين عليه الحزن*
-ماما ! متكدبيش عليا انا مش عيله ، قالك اي ؟؟
-عندك ورم في المخ ..
-انا ؟ ورم! ليي..
-الحمدلله ي حبيبتي ، هتبقي بخير متقلقيش ..
*بتمسك نفسها من الانهيار قدام مامتها وتتظاهر بالقوه*
-اكيد هبقي كويسه طول م انتي معايا ي ماما .
*صاحبها بيكلمها*
-روحتي للدكتور؟
-اها روحت والحمدلله يعني هبقي تمام .
-قالك اي ؟
-عادي يعني احاول اخفف من مسك الفون شويه
-انتي بتكدبي ؟
-هكدب لي يعني !
-قالك اي متخبيش ؟
-عندي ورم في المخ ..
-اي !
-زي م قولت كدا ورم في المخ.
-هتبقي كويسه ، هتبقي كويسه..
-انا محتاجه ابعد شويه .
-تبعدي ؟
-اها ، مش عايزه اتعلق بحد ولا حد يتعلق بيا دلوقت
-بس انتي كدا مش بتخلي نفسك كويسه ؟
-انا عايزه ابعد بس
-انتي بتهربي لي؟ ، انا معاكي وهفضل جمبك ، وكلنا جمبك.
-انا خايفه يحصلي حاجه ..
-مش هيحصلك حاجه طول م انا جمبك ، انا هفضل معاكي وهتبقي كويسه صدقيني هتبقي كويسه
-انا خايفه اوي .. خايفه محققش حاجه من اللي نفسي فيها ، خايفه معملش اللي كان نفسي فيه ..
-هتحققي كل حاجه نفسك فيها وهتعملي كل اللي نفسك تعمليه متقلقيش ، متفكريش كتير ف الموضوع ، ربنا كبير وانتي هتبقي بخير
-الدكتور قال اني لازم اروحله تاني بعد اسبوع
*قفلت موبايلها*
*اتوضت وهتصلي*
-يارب ، انا ممكن اكون غلطت كتير وانا عارفه ان دا ابتلاء عشان ارجعلك ، يارب اشفيني من الورم دا يارب ..
*مامتها بتدخل عليها*
*بتشوفها منهاره ف العياط*
*بتحضنها وتعيط معاها*
-متقلقيش انتي هتبقي بخير ، ربنا مش هيوجع قلبي عليكي ي بنتي لا ..
-هو انا هموت ي ماما !
-لا متقوليش كدا انتي هتبقي كويسه ..
*نامت ف حضن مامتها*
*بعد اسبوع*
*عياده الدكتور*
-بصي انتي الورم عندك حميد الحمدلله وهتتعالجي وتبقي كويسه ، وانا هعمل كل حاجه اقدر عليها ف علاجك.
-هتعالج بالكيماوي صح ؟
-ايوا ، شعرك هيقع وهتخسي شويه بس ان شاء الله هتبقي بخير..
-متشكره ي دكتور .
-العفو ع اي .. انتي بس المفروض تجيلي كل فتره المستشفي عشان العلاج هيبقي هناك ..
-تمام ..
*بتخرج هي ومامتها*
*وشها تايهه*
-حبيبتي انتي هتبقي كويسه ..
-ان شاء الله ي ماما.
*صاحبها بيكلمها*
-طمنيني الدكتور قالك اي ؟
-ولا حاجه ، قالي هروحله كل فتره المستشفي عشان هتعالج هناك ، هتعالج بالكيماوي ..
-انا هفضل معاكي مش هسيبك ابداً .. انا جمبك متقلقيش .
-انا محتاجه اقفل شويه
-ابقي طمنيني عليكي .
*بترفع وشها للسما وعينها كلها دموع وحزن*
يارب انا عارفه ان دا ابتلاء عشان ارجعلم ، وانا دايماً برجعلك يارب .. انا مليش غيرك يارب .. اشفيني من المرض دا يارب انا عايزه احقق حلمي .. يارب انت العالم بكل حاجه جوايا ، يارب اشفيني يارب..
*بعد اسبوعين من متابعه الدكتور للمرض*
*واقفه قدام المرآيه*
-انتي هتقدري تكملي علاجك وهتعيشي ، انت قد انك تعملي دا ، يارب انا متعشمه فيك انك تشفيني يارب ، متعشمه فيك بكل حاجه جوايا يارب..
*بعد 6 شهور علاج*
*عياده الدكتور*
-انا عايز اطمنك ، انتي بقيتي الحمدلله كويسه ، وهترجعي تعيشي حياتك طبيعيه تاني ، وانك تخفي بعد 6 شهور دا معجزه من ربنا ، اكيد ربنا بيحبك ، الحمدلله .
-الحمدلله يارب ، الحمدلله انا هعيش
-ايوه هتعيشي بس هتجيلي كام مره كدا علي فترات عشان نطمن اكتر برضو
-شكراً جداً ي دكتور ، الحمدلله..
*بيخرجوا من عند الدكتور ف قمه الفرحه ومامتها من الفرحه كانت بتعيط وعماله تردد الحمدلله 💜*
*ربنا يشفي كل مريض يارب*💜

ادييي المشهد اهو ، هو مش مظبوط اوي ، لاني معرفش مده العلاج بتبقي قد اي .. بس يارب يعجبكوا 💜🥀.

صباحُ الخير للذين ينتظروا رسالة تَبعُث السعادة في قلوبهم ولم تأتي .. صباحِ الخير لكم :"💜