Getting medical for university registration| Sister entering Engineering faculty |Registration
https://youtu.be/IGanAsx_RQE

අරයා ඉන්නවා
මෙයා ඉන්නවා
කියලා කීවාට
ඇත්තටම අපි ළඟ හිටියේ
අම්මා තාත්ත සහෝදරයෝ
විතරමයි නේද අපිට ඕනිම වෙලාවෙදි
ඒක තමා බං ඇත්ත...

අපි හීන මැව්වට අපිට
ඇත්තටම ආදරේ දීලා
අපේ පිටිපස්සෙන් අපිට හයියක් වෙන්නේ
අපේ පවුලෙම මිනිස්සු විතරයි බං

ඒක හොදට සිහියේ තියාගෙන
බය නැතුව ප්‍රශ්න වලට මුහුණ දෙන්න
කවුරු නැතත් ඕනෙම ප්‍රශ්නයකට
පවුලෙ අය ඉදී උබ එක්ක....


#Gethmina_Bandara
#Naughty_CG @TheAuthorNaughty

➖🌼➖🌼➖🌼➖🌼➖🌼➖🌼➖

දඟකාර රචකයා ✍️|° 🇱🇰
#ගෙත්මිණ_බණ්ඩාර



https://t.me/TheAuthorNaughty

https://whatsapp.com/channel/0029VaEXUv72P59lDJWWrP2J

ඕනෑ ම මනුස්සයෙකුට තමාගේ ජීවිතය ඇතුලේ චරිත දෙකක් තියෙනවා .

01 පළවෙනි ම කරුණ තමයි විනෝදාත්මක චරිතය

02 දෙවනි කරුණ තමයි වෘත්තීමය විද්වත් ස්වරූපය

අපි ජීවත් වෙන සමාජය ඇතුළේ හැම මොහොතක ම අප ආධ්‍යාත්මික එසේත් නොමැති නම් විද්වත් ස්වරූපයෙන් ම කාලය ගත කළ යුතුමද ? ඇත්ත වශයෙන් ම අපිට හැම මොහොතක ම විද්වත් ස්වරූපයෙන් ම කාලය ගත කළ හැකිද?. එය ඉතා අපහසු කටයුත්තකි.

අපේ ජීවිතයට විනෝදාස්වාදය සහ සතුට හැම මොහොතක ම අත්‍යවශ්‍ය වෙන සාධකයක් . තවද චාරිකාවක් සඳහා පිටත්ව යන අවස්ථාවක දී පවා ගී ගයමින් , නර්තනයන් ඉදිරිපත් කරමින් සතුටු සාමිචියේ යෙදෙමින් ගමන් කරයි. කොතරම් උසස් නිලයක් , ගරුත්වයක් පවතින්නා වූ පුද්ගලයන් පවා සතුට විනෝදය ලබා ගැනීම පිණිස මදකට තනතුරු ඉවත දමා තම චරිතය තුළ සැඟව සිටින්නා වූ විනෝදකාමී චරිතය එලියට ගනීයි.

එවැනි වාතාවරණයක් තුළ උසස් නිළතල දරන්නාවුන් විනෝදකාමී පෝස්ටුවක් සමාජ මාධ්‍ය තුළ ශෙයර් කළ විට දී ඔහු වටා සිටින , ඔහුව අනුගමනය කරනු ලබන් පිරිස් ඔහු පිළිබඳ විමතියට පත් වෙයි.සමාජයේ ජීවත් වන්නා වූ විද්වත් විනයගරුක යැයි සම්මත පුද්ගලයින් විනෝදස්වාදය මුසු පෝස්ට් සමාජ මාධ්‍ය හරහා ශෙයර් කරනු ලබන විටදී මහත් සේ විමතියට පත්ව අදාල පුද්ගලයාගෙන් ඔහුගේ හැසිරීම පිළිබඳ ප්‍රශ්න කරනු ලබයි.

ඇත්තට ම අපි අපේ වෘත්තිය ජීවිතය තුළ ම සිර වී සිටිය යුතුම ද professional මනුස්සයෙකුට විනෝදාස්වාදය උරුම නැතිද?. ඔබ මා නිරීක්ෂණය කළ යුතු වන්නේ මා විසින් සමාජ මාධ්‍ය තුළ බෙදා ගනු ලබන විනෝදාස්වාද ජනක ලිපි හෝ පළකිරීම් තුළින් නොව මා විසින් සමාජයට සපයන්නා වූ සේවය සලකා බැලීමෙනි එමෙන් මා සමග සංවාද කිරීමෙනි. නැතහොත් මා පරික්ෂා කිරීමෙන් අනතුරුවයි. එම නිසා අධ්‍යාත්මය පවතිය යුත්තේ සිත තුළ මිසක ශෙයර් කරනු ලබන පෝස්ට් තුළ නොවේ

Harsha Maduranga Abesundara
Motivational Speaker
BA ( Hons )Buddhist Psychology
Department of Pali And Buddhist
University Of Kelaniya

අම්මගේ ලේ කිරට හරවගෙන
තනපුඩු උබ විකනකොට
ඒ වේදනාව දරාගෙන
උබ අඩනකොට උබත් එක්කම අඩාගෙන
උබ හිනාවෙනකොට ඒ ඇස්වලින්
සතුටු කදුලු වගුරවපු
අම්මගෙ ඇස් වලට සතුටක්
මූණට අහිංසක හිනාවක්

අතේ කර ගැට දානකන්ම
දුක් මහන්සියෙන් හම්බකරන
හැම සතේම උබටම වියදම් කරලා
ඇඟිල්ලෙන් ඇන ඇන
වැටෙනකොට අතින් අල්ලලා නැගිට්ටවල
හරි මාර්ගෙට එනකන් කටින්ලේ රහ දැයෙනකන් කෑගහගෙන උබව
හදපු තාත්තාගේ(අප්පච්චි)
ඇස් වලට සතුටක් ගේන්න
ඒ මූණට හිනාවක් ගේන්න

උබට පුලුවන් එකම දේ....
කලු ලෝගුව පැලදගෙන
හිසට කලු කැප් එක දාගෙන
කරට ගෙතුනු පලදනාව දාගෙන
උපාධිදාරියෙක්ව නුඹෙ හෙට හදාගන්න
පුංචිම දේ විතරයි කරන්න තියෙන්නේ...


ඒ දුන් කිරිවලට
ඒ කැපකල දහඩියට
ණය ගෙවන්නනම් කලහැක්කේ
ඒ අම්මා තාත්තගේ මූණට හිනාවක් දීලා...
උබට බලපු ඒ දෙන්නව අන්තිම මොහොත වෙනකන් හරි ආදරෙන්
බලාගන්න එක විතරයි
ලස්සන ලමයෝ....

ඔව් ඔයාට ඒක කරන්න පුලුවන්....


Gethmina Bandara |° ✍️

Channel 👇 🦋


https://t.me/TheAuthorNaughty

https://whatsapp.com/channel/0029VaEXUv72P59lDJWWrP2J

ගිය වතාවේ ලිපිය මගින් මම අවධාරණය කලේ සාමාන්‍ය සමාජයේ ජීවත් වන මිනසාට මෙන් ම ආධ්‍යාත්මික සහ වෘත්තීමය වපසරිය තුළ ජීවත් වන්නා වූ මිනසාට ද තමන් කැමති ඇඳුමක් පැළඳුමක් අඳින්නට , ආහාරයක් අනුභව කරන්නට , ගමනක් බිමනක් යන්නට සහ සිත් සේ විනෝද වන්නට අයිතියක් පවතින බවයි.

මෙළොව ජීවත් වන අප කවුරුත් දුප්පත් පොහොසත් උගත් නූගත් වශයෙන් බෙදීමට ලක් වී සිටියද අප සියලු දෙනා ම මිනිසුන් ය. වෘත්තීමය ජීවිතය තුළ ජීවත් වන්නේ ද මිනිසෙකි. එබැවින් ගුරුවරයාද , වෛද්‍යවරයාද අනෙකුත් සියලු දෙනා ද මිනිසුන් ය .එහෙත් වත්මන් සාමාජය කෙනෙකු පරික්ෂාවකට ලක් කරනු ලබන්නේ නිලතල , වත් පොහොසත් කම් සහ දුප්පත් පෝසත් භේදය සලකා බලාය.

එවන් වාතාවරණයක් තුළ මීට වසරකට පමණ පෙර එක්තරා පාසලක ලෝක ළමා දින වැඩසටහනක දී " මධ්‍ය පාන ගීතයට " ගුරුවරුන් සහ දරුවන් ඉදිරිපත් කළ නර්තනයට බොහෝ දෙනා චෝදනා කර තිබුණා. ඇත්තටම පාසලක විනෝදාස්වාදය උදෙසා මෙවන් ගීතයක් යොදා ගැනීම වරදක් ද ? ගුරුවරුන් ද මිනිසුන්‍ ය. එවන් වතාවරණයක් තුළ දරුවන් සතුටින් තැබිම පිණිස ලබා දෙන දායකත්වය අප්‍රමාණය. ඉතින් දරුවන්ගේ සතුට වෙනුවෙන් ගීතයක් සඳහා නර්තණයක් ඉදිරිපත් කිරීම වරදක් ද . මෙවැනි ම උදාහරණ සමාජයේ ඕනෑතරම් ලබා දීමට හැකියාව තියනවා.

පාසල් දරුවෙකු වත්මන් ගායක ගායිකාවන්ගේ ගීත ගායනා කරන විට එවන් ගීත ගායනා කිරීම නුසුදුසු යැයි පවසා දරුවන්ගේ දක්ෂතා යටපත් කිරීමට කටයුතු කරයි.තවද බොහෝ දෙනෙකුට දරුවන්හට දෙමාපියන්ට වඳින ගාථා සිහිපත් කිරීමට කටයුතු කරන්නේ ද මෙවැනි වටපිටාවක් තුළය . ඒ තුළින් දරුවා පිළිබඳ පූර්ව අර්ථකතන සැපයීමට සමාජය හුරු පුරුදු ව සිටිති. ඇත්තටම මට තියෙන ප්‍රධාන ගැටලුව තමයි දරුවෙක් කලෙන් කාලෙට ජනප්‍රිය වෙන ගීතයක් ගායනා කිරීම හෝ නර්තනයක් ඉදිරිපත් කිරීම දරුවාගේ මුල් ළමා විය සංවර්ධන නොවීමට හේතුවක් වන්නේ කෙසේද ? මට හැඟෙන විදියට නම් දරුවගේ මාර්ගයේ හෝ උසස් නිලතල දරන්නා වූ අයගේ මාර්ග අවහිර කිරීමෙන් සිදු වන්නේ ඔවුන් සමාජ ප්‍රගමනයට දායක නොවීමයි

Harsha Maduranga Abesundara
Motivational Speaker
BA ( Hons ) Buddhist Psychology
Department of Pali And Buddhist
University Of Kelaniya

අලුත් අලුත් හීන
ඇති කරන්නේ අලුත් ඉලක්කයන්...
කොච්චර අලුත් හීනයන් හැදුනත්
වටිනාකමක් නෑ 🌼🦋

ඔයා ඒ හීනවලට පණ පොවන්න
උත්සාහයක් කරන්නේ නැත්තම්
ඉතින් හීන දකින එකට අමතරව
හීන පණ පොවන්නත් මහන්සි වෙන්න... 💪🫀


Gethmina Bandara |° ✍
@TheAuthorNaughty

Vote එකක් දාලා help එකක් දෙන්නකෝ

ලෝකය වෙනස් කිරීමට ප්‍රථම ව ඔබ වෙනස් වන්න.

අද මම මේ ලිපිය මගින් ඔයාලාගේ විශේෂ අවධානය යොමු කිරීමට බලාපොරොත්තු වන්නේ සුවිශේෂ මාතෘකාවක් පිළිබඳවයි.මේ මාතෘකාව පිළිබඳ අවධානය යොමු කරන විට මට හැඟුණු දෙයක් තමයි අපේ ජීවිතය ඇතුලේ අපි නොහිතපු ඒත් අපට මග හැරුණු කරුණක් පිළිබඳ විස්තර කරන්න ඕනේ කියන කාරණය.

ඒ වැදගත් ම කාරණය තමයි ගොඩක් වෙලාවට අපේ අතේ දාහක් විතර අඩුපාඩු තියාගෙන සමාජය නිවැරැදි කරන්නට එහෙමත් නැත්නම් සමාජය හදන්නට උත්සහ කිරීම. අපි කොච්චර අවවාද දීලා සමාජය නිවැරැදි කරන්න උත්සහ කරත් අර ප්‍රසිද්ධ කියමනක තියනවා වගේ " තමන්ගේ ඇහේ තියෙන පොල් පරාලය පේන්නේ නැහැ . අනුන්ගේ ඇහේ තියෙන පොල් කෙන්ද පේනවා කියන අදහස විදියට අපේ පෞද්ගලික ජීවිතය අඩියක්වත් ඉදිරියට ගෙනියන්න දශමයකින් හෝ කටයුතු කරලා නෑ කියලා ඔයාට වැටහෙනවා නේද ?

එ වගේ ම මෙහෙම දේකුත් තියෙනවා . ඒ තමයි කොයිම වෙලාවකවත් ඔයා වැරදි වැටහීමක් ඇති කර  ගන්න එපා අපිට සමාජය දියුණු කරන්න නිවැරැදි කරන්න අවස්ථාවක් නැද්ද කියලා . ඔයාට සමාජය තුළ ජීවත් වෙන මිනිස්සු වෙනුවෙන් සේවය කරන්න අයිතියක් තියෙනවා වගේ ම එයාලා වැරදි මාර්ගයක ගමන් කරනවා නම් නියමිත මාර්ගයට අදාල පුද්ගලයින් යොමු කිරීමේ අයිතියත් ඔයාට තියෙනවා .

මම මේ ලිපිය මගින් ඔයාට කියන්න උත්සාහ කලේ සමාජය ගොඩ නගන්න ඔයා දායකත්වය ලබා දෙනවා වගේ ම ඔයාගේ ජීවිතය තුළත් සුභවාදී ආකාරයෙන් පරිවර්තනයන් කරගන්න උත්සහවත් වෙන්න කියලායි. ඒ මොකද කියනවා නම් අපි කොච්චර දාර්ශනික වුනත් සමාජය දියුණු වෙලා අපේ පෞද්ගලික ජීවිතය අඩියක්වත් ඉදිරියට පිම්මක් පැන්නෙ නැත්නම් එතන ලොකු ගැටලුවක් තියෙනවා .

ඒ නිසා මැනවින් පාසල් අධ්‍යාපන ලබා ගැනීමත් ඒ තුළින් ඔබ ලබා ගන්නා ජයග්‍රහණ පිළිබඳ ඔබ මෙතෙක් පැමිණි ගමන් මග පැහැදිලි කර දීම හරහා ඔබ මෙන් ම සමාජයද ජයග්‍රහකයන් බවට පත් වනවා නොඅනුමානයි. එම නිසා යම් දෙයක් සාර්ථක කර ගැනීමෙන් අනතුරුව සමාජය ද එම දිශානතිය වෙත මෙහෙම වීමට ඔබට හැකියාව ලැබෙනු ඇත. එවිට ඔබ දියුණු වන විට සමාජය ද සමාජය දියුණු වන විට ඔබත් ක්‍රමක්‍රමයෙන් සාර්ථකත්වයට පත් වෙයි. අධ්‍යාපන මට්ටම අතින් පමනක් නොව කුසලතා සහ ආකල්ප තුළින් ද සමාජය දියුණු කිරීමට මගඟු දායකත්වයක් ලබා දීමට ඔබගේ වටිනා දායකත්වය ලබා දීමට අවශ්‍ය පදනම ශක්තිමත් කර ගැනීම ඔබ සතු වගකීමකි.

Harsha Maduranga Abesundara
Motivational Speaker
BA( Hons )Buddhist Psychology
Department of Pali And Buddhist
University Of Kelaniya

පොත පත පාඨකයන් එකට හිදින්නේ...
කියවන්නට ආසව හේතුව වන්නේ...
රසවින්දනයට කැමතිය අප දන්නේ...
එක්වන්නට ඉතින් මගෙ පන්හිඳ මත්තේ...


දඟකාර රචකයාගේ පන්හිඳ |° ✍

• නිසදැස් 🌼
• කවි 🌸
• ආර්ටිකල් 🌺
• කෙටිකතා 🌷
• නවකතා 💐
• මෝටීවේෂන් 🌻

කියවන්න ආස අය එකතුවෙන්න පන්හිඳ සමඟින්....


Share කරලා සපෝර්ට් එකක් දෙන්න අමතක කරන්න එපා...

Thank You ♥️🌼

අවුරුදු චාරිත්‍ර අප ජීවිතයට කරන බලපෑම

සිංහල දෙමළ අලුත් අවුරුද්ද එහෙමත් නැත්නම් බෞද්ධ හින්දු අලුත් අවුරුද්ද වාර්ෂිකව අප්‍රේල් මස 12 , 13 , 14 යන දින වකවානු වලින් එකක දී උත්කර්ෂවත් අන්දමින් සැමරීම පිණිස ලංකාවාසි සියලු දෙනා එකතු පහදු වී සිටිනු දක්නට ලැබීම අරුමයක් නොවේ. සූර්යා මීන රාශියෙන් මේෂ රාශියට සංක්‍රමණය වීමේ ක්‍රියාවලිය මත පදනම් ව අලුත් අවුරුද්ද සමරනු ලබයි.තවද නැකත් ක්‍රමය අනුව අලුත් අවුරුදු චාරිත්‍ර සිදු කරනු ලබන අතර නව සඳ බැලීම , වැඩ ඇල්ලීම , ගනුදෙනු කිරීම ඉන් කීපයක් ලෙස දැක් විය හැකිය .

ඇත්තටම අපි අලුත් අවුරුද්ද සැමරිය යුතුමද ? එසේත් නොමැති නම් නැකත් චාරිත්‍ර ඉටු කල යුතුමද ? නැත . කිසි සේත්ම අප අලුත් අවුරුද්ද සැමරීම හෝ නැකත් චාරිත්‍ර ඉටු කළ යුතු නැත . එය අනිවාර්ය නොවේ. අනෙක් අතට ගත් කල ජෝතිෂ්‍යමය නැකත් සිට්ටු මත කේන්දරය මත පදනම්ව කවරදාක හෝ චාරිත්‍ර ඉටු කිරීම හෝ පිළිපැදීම බෞද්ධ ක්‍රමය නොවේ.

එහෙත් මදක් කල්පනා කර බලන්න. සමාජයේ මිනිසුන් වන අප අතර පවත්නා වූ කාර්යබහුලත්වය නිසා නිවැසියන් සමග එකට එක්ව ආහාර ගැනීම හෝ ඔවුන්ගේ සුවදුක් සොයා බැලීම අතපසු වී ගොස් නේද ? ඉතින් එම කාර්යබහුලත්වයෙන් මිදී මනසික නිදහස සතුට විනෝදය ළඟා කර ගැනීම පිණිස අවුරුද්දකට එක් වතාවක් හෝ පවුලේ අය සමග එකට ඉන්නට , අහාර ගන්නට ලැබීම කොතරම් අගනේද යන්න සිතා බලන්න . එපමණක් නොව ගම්වාසීන් සමග අදහස් බෙදා හදා ගැනීම , එකමුතුකම වර්ධනය කර ගැනීමට අලුත් අවුරුද්ද මනා පිටුවහලක් ලබා දෙනවා.

එම නිසා අවුරුදු සමරන්නේ අලුත් නැකත් සීට්ටුවටද පරණ නැකත් සීට්ටුවට ද කිය කියා කේවල් කර කර ඉන්නේ නැතිව තම අබිමතය පරිදි කුමන හෝ නැකතකට නිවැසියන් සමග එකට හිඳිමින් අහාර ගන්න , එයාලට තෑගි , බෝග අරන් දෙන්නත් අමතක කරන්න එපා. අවසාන වශයෙන් නැකත් මොකක්ද කෝකද හරි මේකද හරි කියන්නේ නැතුව බුදු දහමට අනුව හොඳ ම නැකත වර්තමාන මොහොතයි යනුවෙන් සිතා වැඩ කටයුතු කරන්න. තව දෙයක් අන්න ඔයාගේ අම්මා තාත්තා අයියලා අක්කල නංගිලා මල්ලිලා ඔයා ඉකමනට එනකම් බලන් ඉන්නවා . පරිස්සමෙන් මේ මොහොතෙවත් ඇවිත් එයාලව සතුටින් තියලා ඇවිල්ල බලලා යන්න .

Harsha Maduranga Abesundara
Motivational Speaker
BA (Hons) Buddhist Psychology
Department of Pali And Buddhist
University Of Kelaniya

වාසනා මුට්ටිය බිඳීම සහ සගයාට කිරි කැවීම

අතීතයේ පටන් වර්තමානය දක්වා මෙතෙක් පැමිණි ගමන් මග තුළ විශේෂ අවශ්‍යතා සහිත පුද්ගලයින් ආමන්ත්‍රණය සඳහා භාවිතා කරන ලද වචන මාලාවක් පැවතුනා. ඒ අතර අන්ධ , බිහිරි , කොර බව යන වචන භාවිතා කිරීම සුළභව දක්නට ලැබුණා. එහෙත් ක්‍රමානුකූලව එම වචන තුළ පවත් නා වූ යම් ආකරයක රළු බව සහ පහත් කොට සැලකීමක් ලෙස සලක මානුෂවාදී පිළිවෙතක් ලෙස පොදුවේ ඉහත වර්ගීකරණය තුළ සිටි ළමුන් සහ වැඩිහිටියන් විශේෂ අවශ්‍යතා සහිත පුද්ගලයන් ලෙස ආමන්ත්‍රණය කිරීම දක්වා වර්ධනය වෙමින් මේ දක්වා පැමිණ තියනවා.

එවන් වට පිටාවක්  තුළ මෙවර අවුරුදු උත්සව සංවිධානය කිරීම් තුළ යම් ආකාරයක මෙතෙක් පැවති නම් වෙනස් කරමින් එම තරඟ ඉසවු සඳහා අදාල බලධාරීන් වෙනත් නම් යෝජනා කොට තිබීම මෙවර කැපී පෙනෙන ලක්ෂයක් බවට පත් වුණා . මෙවන් පසුබිමක් තුළ මෙම කරුණ ඇතැමෙකුගේ හාස්‍යටත් , දැඩි දෝෂ දර්ශණයටත් ලක් වී තිබීම දක්නට ලැබෙනවා.

එක් අතකින් නියපොත්තෙන් කඩන්න්නට තියෙන දේ පොරවෙන් කැඩීමට යාමක් මෙමගින් පිළිඹිබු වන ආකාරය දක්නට ලැබෙනවා. සමාජයක ආකල්පමය වෙනසක් ඇති කළ යුතු වන්නේ ගසක අතු වැඩෙන තෙක් බලා හිඳ එය කපා දැමීම නොව ගස මුලින් ම උදුරා දැමීමයි කළ යුතු වන්නේ. මන්ද ගසක අතු කපා දැමීමට පසු කාලයක් ගතවී හෝ අතු වර්ධනය විය හැකි බැවිනි . ඉතින් ගැටලුවක් ඇතොත් ගැටළුවේ මූලය පරික්ෂා කොට ඊට පිළියම් සොයනු විනා ගැටළුව මර්ධනය කොට කිසිඳු පලක් නැත.

වර්තමානයේ පවතින ආර්ථික අර්බුධය හමුවේ විශේෂ අවශ්‍යතා සහිත පුද්ගලයි දැඩි ප්‍රීඩාවට පත් වන අතර කළ යුතු වන්නේ ඔවුන් සඳහා සමාජ සුභසාධ වැඩසටහන් ආරම්භ කිරීමයි . තවද වෘත්තිය මාර්ගෝපදේශන වැඩසටහන් සහ වෘත්තිය පුහුණු මධ්‍යස්ථාන පිහිටවා ඔවුන්ට ආවේණික පහසු ක්‍රම ඔස්සේ ඉගැන්වීම් කරමින් රැකියා ලෝකයට මග විවර කර දීම වඩාත් යෝග්‍ය වන අතර තරඟ නාමාවලි වෙනස් කිරීම හරහා පවතින ගැටළු සඳහා විසඳුම් නොලැබේ. තවද නාමාවලි වෙනස්  කිරීම හමුවෙ ඒ දෙස විහිළුවෙන් බලා ගැරහුමට ලක් කළ ඔබගේ යුතුකම වන්නේ එය විවේචනයට බඳුන් කිරීම නොව විශේෂ අවශ්‍යතා සහිත සමාජය සඳහා ඔබගේ  හැකියාවන්ගෙන් සහ දිරිමත් කිරීම මගින් ඔවුන් හට පිහිටක් වීමයි

Harsha Maduranga Abesundara
Motivational Speaker
BA ( Hons ) Buddhist Psychology
Department of Pali And Buddhist
University Of Kelaniya

IMBS එකේ psycology HND එක කරන කෙනෙක් ඉන්නවද කරපු කෙනෙක් හරි නැත්තම් ඒක කරන කෙනෙක්ව ඔයා අදුරනවනම් හරි මට මැසේජ් එකක් දාන්න....

@Naughtyoffbot

Thanks you

https://youtu.be/Mb2LCqsKnMo
Full screen බලන්න ළමයී.. වෙනදා විදියට නෙවේ හැදුවේ, phone eke Full screen එකේ බලන්න හැදුවේ insta facebook tiktok reels වගේ.

ඊර්ෂ්‍යා නොකරන්න. අත්දැකීම් ගන්න එකතු වෙලා වැඩ කරන්න .

අපි ජීවත් වෙන සමාජය හරිම විවිධාකාරයි. සමාජයේ ජීවත් වෙන මිනිස්සු එකාට එකෙක් නෑ පුදුම කුහක කමක් ඊර්ෂ්‍යාවක් තියෙන්නේ. ඒ තරම් අපේ මිනිස්සුන්ට තව එකෙක් දියුණු වෙනවා බලාගෙන ඉන්නම බෑ. කකුලෙන් ඇදලා පස්සට විසි කරන්නමයි බලන්නේ. තමන්ට වඩා එක පියවරක් හරි මනුස්සයෙක් ඉස්සරහට ගියොත් කටු අයිනවා වගේ . ඉතින් එදා ඉඳන් අර ඉහළට ගිය මනුස්සයව පහළට ඇදලා දාන්න පුදුම දහම් ගැටයක් ගහන්නේ.

මේ සිද්ධිය වැඩිපුර දකින්න තියෙන්නේ වැඩිහිටි පරපුර සහ නවක පරපුර යන යන පරම්පරා දෙක ඇතුලේ තමයි.තමන්ට වඩා දක්ෂයෙක් මිහිපිට නොමැති බවත් තාමා ඉතා කැපවීමෙන් කළ කාර්යන් වත්මන් පරපුරට කළ නොහැකි බව වැඩිහිටි පරපුර නිගමනය කරයි. එම නිසා බොහෝ විට තමා සිටින්නා වූ මට්ටමටවත් නවක පර්පුරේ කිසි වෙකුට ළඟා වීමට මාර්ගය සලසා දෙන්නේ නැත. සෑම ව්ටම ජ්‍යෙෂ්ඨයන් නිගමනය කරනු ලබන ආකාරයට න්වකයින් යනු අත්දැකීම් නොමැති ලඳ බොළඳ පිරිසක් ලෙසයි.

නමුත් සිදු  විය යුත්තේ නවක පරපුරේ පවත්නා වූ අඩුපාඩු මහා ඉහළින් ලොකු වැරැද්දක් සේ හුවා දක්වමින්  අවතක්සේරුවට ලක් කිරීම නොව ඔවුන් නිවැරැදි මාර්ගයට ගැනීමට හැකි ක්‍රියාමාර්ග සලකා බැලීමයි.වත්මන් නැගී එන පරපුරේ සුළු වැරදි ස්මතු කරමින් නොයෙක් ආකාරයේ අවමන් නගන ආකරය සමාජ මාධ්‍ය හරහා හරහා දැකිය හැකි අතර ඇතැම් නිග්‍රහයන් කුඩා දරුවෙකුටවත් නොඇසිය යුතු අන්දමේ අමාන්ත්‍රණයන් ද ඒ අතර වෙයි.

අකමැත්තෙන් වුවත් පිළිගත යුතු සත්‍යක් ඇත . එනම් එදාට වඩා අද ජීවත් වන සමාජය දනුමෙන් සහ බුද්ධියෙන් , නිර්මානශීලීත්වයෙන් බොහෝ සේ ඉදිරියෙන් සිටියි. අප නොදුටු අප භාවිතා කර නොමැති නවීන පන්‍යයේ උපාංග සහ විව්ධ තාක්ෂණික මෙවලම් සහ සමාජයට මගපෙන්වීමට හැකියාවක් නවක පරපුර සතුය.

ඉතින් මා කුඩා කල පටන් මෙතෙක් පැමිණි ගමන් මග තුළ බොහෝ දේ සාමාජ ජාලා මාධ්‍ය සහ බොහෝ නව මානයන් පිළිබඳ හදාරනු ලැබුවේ නවක පරපුරේ සහයෝගය සහ මගපෙන්වීම මතය.මා නොදත් බොහෝ දේ නවක පරපුර හරහා ඉගෙනීමට හැකියාව ලැබිණි . තවද ඔවුන්ගේ අත්දැකීම් මාගේ සාර්ථකත්වය සඳහා ඉවහල් වූ බව කිව යුතුය .සෑම ව්ට ම මාහට අවශ්‍ය වූයේ නව පරපුරට ඊර්ෂ්‍යා කිරීම නොව ඔවුන්ගේන් බොහෝදේ ඉගෙනීමය. ඔවුන්ගේ අත්දැකීම් ලබා ගැනීමට මා කලේ ඔවුන් සමග එකට වැඩ කිරීම සහ ගරු කිරීම මිස මා ඔවුන් මා අභිබවා යන විට කුහකකම් කිරීම නොවේ.ඉතින් ඔබත් දක්ෂයින්ට ඊර්ෂ්‍යා නොකර සාර්ථක වීමට අවැසි නම් ඔවුන් සමග එකට වැඩ කරමින් අත්දැකීම් ලබ ගන්න .

Harsha Maduranga Abesundara
Motivational Speaker
BA ( Hons) Buddhist Psychology
Department of Pali And Buddhist
University Of Kelaniya

ආත්ම විශ්වාසය

බුදු දහමේ එන කවුරුත් දන්න ගාථවක " විශ්වාසා පරමා ඤාති " යනුවෙන් පාලි පාඨයක් තියනවා.ඒ පාලි පාඨයේ සරල තේරුම තමයි " විශ්වාසය පරම ඤාතීත්වයයි " කියලා දක්වලා තියෙන්නේ. සමාජයේ ජීවත් වන විට අන් අය සමග අන්තර් පුද්ගල සම්බන්ධතා පවත්වාගෙන යාමේදී සහ කණ්ඩායම් හැඟීමෙන් වැඩ කිරීමේ දී විශ්වාසය යන සංකල්පය අතිශය වැදගත් වෙනවා . එහෙත් වත්මන් සමාජය තුළ සිදුවන පවුල් ආරවුල් සහ ඉඩම් ආරවුල් තුළදී මෙන් මිතුරන් අතර දී පවා නොයෙක් කරුණු කාරණා හේතුවෙන් විශ්වාසය පළුඳු වෙනවා.

එනමුත් අද අපගේ කතාබහට ලක් වනුයේ සමස්ථ සමාජයේ ජීවත් වනු ලබන පුද්ගලයන් අතර පැවතීම යුතු විශ්වාසය පිළිබඳ නොවේ. අද අප අවධානය යොමු කිරීමට බලාපොරොත්තු වන්නේ ආත්ම විශ්වාසය නැමැති සංකල්පය පිළිබඳවය.ඇත්තටම ආත්ම විශ්වාසය කියලා කියන්නේ මොකක්ද? අපිට ආත්ම විශ්වාසය අවශ්‍යය වන්නේ ඇයිද? යනාදී වශයෙන් නොයෙකුත් ආකාරයේ ප්‍රශ්න ස්මතු කළ හැකිය.

ආත්ම විශ්වාසය යනුවෙන් හඳුන්වන්නේ තමා පිළිබඳ තමා තුළ ඇතිවන ධනාත්මක ආකල්පයකි. එනම් මෙය මට කළ හැකිය . මෙය කිසිලෙසකින් මා හට වරදින්නේ නැත . මා මෙය කෙලෙස හෝ සාර්ථක ව අවසන් කරමි යන්න තමන් තුළ ඇති වන්නා වූ සුභවාදී හැඟීමකි.තාමා පිළිබඳ තමාටවත් විශ්වාසයක් නොමැති නම් අන් අය කෙසේ විශ්වාස කරන්නද?.බොහෝ දෙනෙක් තම අරමුණ වෙත පිය නැගීමේදී මෙය කිරීමට හැකිවේවිද , මා රෝගී වේවිද යනුවෙන් දෙගිඩියාවට පත් වන්නේ නම් අන් අය කෙරෙහි වුවද විශ්වාසය තැබිය නොහැකිය. යමක් සාර්ථක කර ගැනීම පිණිස ආරම්භක ක්‍රියාවලිය වන්නේ ආත්ම විශ්වාසය සිතෙහි ධාරණය කර ගැනීමයි. නිවසක් ශක්තිමත් වීමට නම් එහි පවතින අත්තිවාරම නිවැරැදි ව සකස් කළ යුතු අතර අත්තිවාරම ශක්තිමත් නොවේ නම් නිවස කල් පවතින්නේ නැත.එමෙන් ම ආත්ම විශ්වාසය නොමැති නම් තම අරමුණ වෙත පිය නැගීම අපහසුවේ.

Harsha Maduranga Abesundara
Motivational Speaker
BA ( Hons ) Buddhist Psychology
Department of Pali And Buddhist
University Of Kelaniya