وأرد فشلان بـ عيونك
ويرد بيه الحزن يزهي
وأگلك شوف
واگفلك عذر كل فشلتي ابـ وجهي
- سعد هاشم الزبيدي

من كلمن لوحده
تمشي الدقيقة عمر
و مثل السهم لو سوة
وكلشي شفت بس ماشفت
الساعة ما تستحي..!
تغار من نلتقي
تمشي اسرع من الضوة..

أنا معَلَم على الدنيا وخنگها
وسِچة روحي، وياقطار الماسحگها؟
مچلچل العاگول بيها
ولا وصل ماي لعرگها
(اسم اللّه) من تعثر تگلك
وتدري متعَمّد حرگها !!

موفق محمد

ردت اگلك
يم صور وجهك فحطنه
ونمنه فوگ اگزازهن نوم الهنه

فاطمة الصالحي

من شفتك شفت روحي بلا مرايه
ولگيتك تشبه البيه وحيد وحزنك ولايه

مصطفى الخزاعي

منو غيرك يلم البچي لبعيوني ويگلي أضحك

مصطفئ الخزاعي

الدنيـــــا لــو رادت تـــذلك
تعتني ‎لگلبك تلچمك بالعزيز

عريان السيد خلف

انعم الله اعله الوكف
والماوكف بالضيج
هن ايام يكضن والقصص تبقى

عريان السيد خلف

غبت و استفگدوني الناس الٱغراب
و اليـَمّي ولا عرفوا ينِشـدون

كرار كاظم.

اي وحگ العباس صدگ

- حتى وإن اقسموا بالبقاء، لا تثق .
Even if they swear to stay, do not trust.

‏- لم يحبك أحد، كنت مثيراً للفضول لا أكثر .
Nobody liked you, you were just curious.

- هنا شخص غير مؤذي يتعرض للكثير مِن الإذى.
Here's a harmless person who gets hurt a lot.

" ‏كُل مُتوقّعٍ آت ؛ مُنتظر الفرح سيحصل عليه ، وصاحب اليقين ستتحقّق فكرته ، مُسيء الظن سينال ظنّه ؛ فتوقع ما تتمنى💜👍

دعواتكم للوالده حالتها صعبه فدوه اروحلكم

اللهم بحق ام البنين من على أمي بالشفاء العاجل

اكو فد موضوع ديتكرر بـ مجتمعنـة كلش ..

اني شكلي حلو لازم اگعد اخلي افلان براسي لأن ممكن يكون شكله ابسط من شكلي و ملابسه طبيعية و يمكن تسريحـة شعره ملايگه عليه ولازم كل ما اشوفه احسسه انو اني دا استهزء بي واقلل منه واضحك ويا الي يمي و بس يكون مخلي صورته اجي اكسر واهسه بـ ( اضحكني )

وهل موضوع ميقتصر ع الشباب بس ..
اكو بنات هم والله ملابسي ماركه ومرتبه واضافري ومااعرف ايش لازم هل بنيه الي اتكون بسيطة بكل شي ( اخلي دوبي من دوبها ) و كل لمة بنات اكسر ام واهسها واخليها اتكون محط انتقاد و سخرية

عادتآ ما مثل هيچ اشخاص يكونون حساسين لدرجـة الكلام يوجعهم و شما بيهم يحاولون ينعزلون ويبتعدون عن المجتمع والأختلاط و شما بيهم هم يحاولون يكونون طبيعين ويجمعون كل ما عندهم من طاقة حتى يواجهون و يمارسون حياة طبيعية لكن للأسف لازم ينصفعون من كم جاهل من ( عبيـد الشكل و المظهـر ) ويرجعون للصفر و يتهدم كلشي بنوا بداخلهم حتى يكونون مثلهم مثل اي شخص الخ

انتـه انتـي ، الله احسن خلقتكم نفسه الي سواهم وخلقهم لكن الفرق همه اقرب واحب اله لأن خلاهم بأختبار ديختبر بي قوة تحملهم وصبرهم و هم قادر الله ع انو يسوي بيك نفس الشي ويعيشك نفس الظروف او الأختبارات والحياة الي ديعيشوها همه

الله ما خلاه بين احشاء امه 9 اشهر وابدع بي وخلقه وجابه ع هل دنيا وخلاه بالوجود حتى تجي انته تنتقده و تنزل من قيمته ..

البشاعـة روحكم و تفكيركم مو وجووهـم ..
الأنسان مينذكر بـ شكله
باچر من تموت ميگولون والله افلان ( چان حلو ) ح يگولون چانت اخلاقه حلوه
الما ترضا لنفسك او اي شخص يخصك لا ترضا لـ غيرك
كلنه بشر و كلنه عبـيد الله ماكو واحد احسن من واحد محد طينته نعجنت بـ مي ذهب و محد اجه كامل مكمل

الكمال لله وحده 💚

فضفضة ..
عندك شخص مهتم بيك و يحبك

ويحب يشوفك بخير ويحاول يسعدك ولو بكلمة يخليك تبتسم
يخليك تفرح
يحزن لحزنك يفرح لفرحك

تنزل دمعته گدام دمعتك من تنغث و يلفيك هم يضحك گبل ضحكتك من يضحكك شي

يحب كل تفاصيلك الصغيره والچبيره يحبك و متقبلك بـ صحك و غلطك ويحبك بعيوبك و بأطباعك ويحب التحبه ويكره التكرهه ويهتم للي تهتمله يخاف عليك من الهوى

مصورلك الدنيا بـ أجمل صورة ينصحك و يسندك يمارس روتين يومك الممل وياك ويومك المتعب هم وياك اتزاعله انته يزاعلك هو
يجي و 'يبادر' و يراضيك بحچايه انته اتحبها و يطيح الزعل مخليك انسان متفائل مخليك مبتسم رغم قساوة الحياة يحسسك بوجوده

"ع طول يشتاقلك حتى من هو يمك"
مو شرط هل شخص يكون حبيب يمكن اخ صديق انسان ما تعرف شنو تسمي بس هو بهل صفـات وياك

بس انته مقابل كل هذا اهتمامة وحبه الك ماعندك منه بداخلك غير يمكن %3 و ماعندك بگد اشتياقه الك ولو نقطة في بحر ..
عندك عادي اتهمله بس هو يشوف حتى غلطك صح ويخليلك الف عذر بداخله ها خاف هيچ خاف هيچ و يگعد ينتظرك اوقـات اهوايه و بدون ما يمل و يگعد ينتظر حجايه حلوه من يمك ''

بالنهاية يوعى ع حالة و يگول اني ليش هيچ اني هم خطيه اني هم انسان مثله اني هم استاهل الخيـر الي اني دا اتمنا اله و يحس حاله گعد من غيبوبه چان عايشها
( بيك ومنك و الك)
يروح و يبتعد
انته الچنت متقبله يمكن گوه
راح تشتاقله بيومك كله راح تفتقده راح اتحس شي مهم منك مموجود راح اتحس نفسك كأنما عطشان وتشرب بالماي بس مترتوي

راح تفتقد اهتمامه و كلامه و كلشي تفتقد حتى تفاهاته واخبالاته تفتقد ضحكته وصوته واسمه الما يمر عليك بعد تفتقد وتحن وتشتاگ لـ شكله
راح تحتاجه و تلگي كلشي منه بس ما تلگي راح تفتقد حتى
(سكرينات الشاشه مال تلفونه الچان يوضحلك بيها شحنه خلصان و ح يروح يشحن)
وتفتقد اكله الي مصوره الك حتى يحسسك بكلشي هو وياك ويمك چان و بكل صورة ح تجيك وخزة الم بگلبك لأن بكل صورة (اهتمام عظيم) افتقدته وبكل حرف منه تقرا ح يأذيك لأن من چان يمك والك ما حافظت عليه وغيرك يتمنا ..

اذا عندك هيچ شخص حافظ عليه بكل ما اؤتيت من قــوة '' لأن هواي ناس تتمنى لو عدها هيچ شخص💚

كلمن يدلع كرشه هذا البرد مايرحم 😂😂😂