وهل هناك اجمل منك يايوسفي 💚💚💚

اكو واحد يسكن بالريف
يگول : احنه اربعة اخوه اخونه الچبير اسمه شمخي زلمه معدل وهو بمثابة ابونه وهو القائم بأمورنه يگول : تمرض شمخي وراح الرحمة الله ، فأنتقلت زعامة العائلة لخوي الثاني اسمه جابر
طبعاً بلهجه اهل الجنوب اسمه ( يابر )
احنه ما مقتنعين بيه بس ما نگدر انخذله گدام الناس ونطير مهابته لان هو چان فقير وفهمه على گده وأحول .. يگول : احنه نشتغل بالگاع وهو بس گاضيها گعده بالديوان ويه الشيوخ ويوم من الايام قرر شيخ العشيرة على كل بيت يشتري برنو لان كثرة الحرامية بالديرة والبرنو لازم تكون عد زلمه نشمي بالعائلة واللي ما عنده فلوس يعذرونه من شراء البرنو ،
يگول : احنه گاعدين ويابر سولف سالفة البرنو ،
وانه وخوي وامي گناله : يابه ما عدنه فلوس خلي الشيخ يعذرنه .. يگول : يابر مارضى وگال : تردون تفشلوني گدام الزلم الا اشتري البرنو ، يگول وباع نص الهوايش واشتره البرنو وضل يابر بالنهار بالديوان وبالليل فوگ السطح ينطر من الحرامي
احنه انخاف منه لا يجيب النه اطلابه لان احول ما يشوف يابر بس يسمع حركة وصاح ( انا اخو شمخي ) وسحب سرگي البرنو وگام يرمي بس چيلاته بنص الحوش مو يم الحرامي ويوم من الايام گتله وحده من الهوايش ومره من المرات چا كتل امي وآخر مره هم سمع حركة وصاح ( انا اخو شمخي ) وهو سحب سرگيها ورمه ويصك مرته بچيله ويكسر رجلها .. يگول احنه گمنه من نسمع يابر يصيح ( انا اخو شمخي ) نشرد للشارع وما نضل بالحوش .. وبعدين امي راحتله وگالتله : يمه يابر خلي الحرامي يبوگنه ولا نطارتك
يگول : وتالي ملينه من يابر وبعنه البرنوا بخسارة بس كون نخلص من يابر ..
وراحت هوايشنه نص باعهن يابر علمود يشتري البرنو ونص كتلهن لمن چان ينطر عليهن ..

😂😂😂😂😂😂😂😂😂😂

وعلي القصه كلها بصفحه وتعليق #مصطفى_حرب بصفحه

يكول ( جا همه مايعرفون يطكون يابر بربد ويذبونه من فوگ السطح )

بعدني بواهس العميان
احن واشتاك للنضره 🌿مرتضى حرب

جديد مرتضى حرب

تحضيرات محرم

رحمك الله ياناعي الزهراء

الى رحمة الله
خادم الامام الحسين الطيب (حرب المزيرعاوي)
والد الشاعر مصطفى حرب
والرادود مرتضى حرب
انا لله وانا اليه راجعون
نسال الله ان يرحمه ويسكنه فسيح جناته

ابونه الفرحتنه عيده صاحب النظره البعيده

رحمك الله ياصاحب القلب الطيب

موقف ودرس حسيني

مرة من المرات ايام زيارة الأربعين والمشايا بدت توصل للرميثة بوقتها جنت كاعد من الشغل والوضع مو تمام فما كدرت اروح اوكف على الشارع اشوف الزوار مثل كل سنة ... اخاف انحرج واتفشل وي زوار الإمام الحسين عليه السلام

بس اكو غصة بالقلب لان ما جبنا زوار للبيت
المهم
دك عليه مصطفى حميد احد اصدقائي القريبين من الناصرية كال وين انت عقيل ؟ كتله بالبيت ...

كال خويه احنا وصلنا الرميثة كتله حياكم الله والف هلا وكذا.... كتله جيب الولد وتعالوا كالي لا احنا هواي بينا ٣٠ زاير تعال انت لجسر الرميثة علما يوصلون و نلتم وتاخذنا لبيتكم
كتله جايكم للجسر

طلعت مشي لان ما جان عندي فلوس تكسي الله شاهد ومحتار شلون راح أقصر وي ربعي وزوار الحسين واحس ماي وجهي وعزة نفسي صارت على المحك وشنو العذر

كلت لأمي يمه سوي عشا تمن ومرك هواي كالت يمه جا بس تمن ومرك دون لحم كتلها الباقي سهل

مريت اخذت تقريبا ٢٠ سمجة وياهن كم دجاجة من ( عبد الله ابو طيبة ) كتله لراس الشهر كال انت متعين هههههههه كتله همه ذوله اليتداينون يكولون لراس الشهر ضحك وكال المحل كله كدامك تحمله وتروح بس اني وجهي ينكط ماي وخجلان حيل

وصلت للولد للجسر والتموا كلهم وصرنا اكثر من سيارة فصعدت بالسيارة اللي بيها صديقي الشاعر باسم الخاقاني واجينا اول ما صعدت ابو سجاد طلع ضرف مسدود ...

كال عقيل هاي من مصطفى المالكي كتله مال شنو ؟

كال انت جاي بالسابع قاري بمهرجان وبايتين يم احمد عبادي ومصطفى ناسي ينطيك استحقاقك كتله تحجي صدك؟ المهرجان مابي فلوس وما متفق على فلوس اني ....

كال والله احجي صدك وخابر مصطفى كدامي مصطفى كال خويه من بتنا سوه اخذتنا السوالف ونسيت انطيك الضرف بوقتها وفعلا اني بالسابع قاري بالناصرية وما ادري المهرجان بي استحقاق

فتحت الظرف بي تقريبا 300 الف حاولت ما ابجي من الموقف والصدمة كتله شكرا ابا عبدالله ما فشلتني وي خطارك

رجعت لعبد الله ابو طيبة طلعت فلوس السمج كتله هاك كالي غير كتلي لراس الشهر كتله الحسين دزهن هذا رزقك أخذه

رجعت كملت مسواك كامل دخلت امي كالت اللهم صل على محمد عفية ابني كتلها هاي السالفة بجت

هنا تيقنت الانسان مهما كان توجهه كلما يكون صادق مع نفسه ومع الحسين راح يوكفله وما يفشله باصعب المواقف

اصدقوا مع الحسين

منقول من صفحة عقيل العرد

انهيار مرتضى حرب عند تشييع والده

ينعي على ابوه عمت عيني

والله الحسره اللي بگلبك چبيره يساعدك الله روضي

شاهد تشييع والد مرتضى حرب بحظور سيد فاقد وعمار الكناني

هوسات كاطع المياحي في كربلاء يرثي والد مرتضى حرب

مرتضى حرب يحتظن خالته ويبچي

الله يعينك على فراگ ابوك