يا مولاتي يا ام عون

بيش ابچيلچ ام عون
ماتكفيچ الاعيون
++++++++
وين يتحصل دمع گــد مستواچ
وهاي ياعين الجروحچ تتســع
صار مألوف الدمع وبكل مكان
يختلف عن كلها رايــدلچ دمــع
دمعه سمره توگع ابلون الرمــاد
ودمعه خرسه الصوتچ المامنسمع

بچفي ولطمة الراس
اكبر منها لحساس
كون انزفلچ امتون
ماتكفيچ الاعيون
+++++++++++
ودمعه بيضه بلون نيتچ بالدعاء
ربي اقبل مني نحره المنگطع
ودمع تلزم بالرمش عن لاتطيح
الفوگ هزله ابلاوطاء بيا وضع
تشبگ بظهر الهزيله من تميل
من اقل هويه الضعيفه تندفع

الهاي ادموعي شتفيد
فزعت كافل اتريد
واخوانچ يسمعون
ماتكفيچ الاعيون
+++++++++
رايد ابگد مستحاتچ ابچي حيــل
الرادو ايچتفون اديها وتمتــنع
اب آه كافل والهزل مرت عليه
حسره وبصدر الگمر من تنجمع
الزينب انه اوّيني اوين الونين
الغــربتِچ ياقابلــيه التــتسع

ميته ابحرگ الاخيام
وميته بطبة الشام
والعنچ يسألون
ماتكفيچ الاعيون
+++++++++++
گد حجم منزلتچ ابگلب الحسين
هيچي كون ابعيني دمعه تنجمع
من علي الاكبر اعز خدرچ علــيه
وشقّت الجيب اغله من كسر الضلع
ماكو هظمه امن الطم ابخدي عليچ
مو غريبه ابچفي خدي منصــفع

الطم ما اكو آثار
ابراسي من الاحجار
بالشام اشيشمرون
ماتكفيچ الاعيون
++++++++++
لابقت دمعت اخو توگــع وراچ
لا ولد ناصبله ماتــم منفجــع
ونعشج الكزبر خجل من شيعوه
مستحي اعله امتون غربه ينرفع
وين يتحصل دمع گد مستواچ
وهاي ياعين الجروحچ تتــسع

انه ادموعي بس ماي
وانتي جروحج اهواي
ابگدهن انجرح كون
ماتكفيچ الاعيون

ثائر الربيعي

جبت الخنصر المگطوع
خويه حسين وين الجف
ابالي وجيت ارجعنه
الجفك بس بقيت التف
غير الگه عظم صاحي
بجسمك ها يالمكلف
مطشريك اعله كبر الكاع
يالمكتول ومچتف

من الحر الرمل يبس لهات الماي
وانت اعليهه نايم صار مده هواي

خويه ……. لصفاحك المچويه
خويه ……. اشلون امد ايديه
خويه …… وانه هم محترگه
خويه …… وطگگت رجليه

………………………………

من جيتك وادور اعليك
بليل وفازع الدخان
ها يحسين يبن امي
اصيح بلكي الگه امجان
البي طايح يبعد اختك
وسمعت مسلب وعريان
ردت اتاكد وارجع
محد يمهن النسوان


ماصدگت كلشي من سمعت صياح
مت عيني يالمذريك چم مرواح

خويه ….. موذر وهم عاري
خويه ….. ويلوح بيك الذاري
خويه ….. وانه اشگف وانسب
خويه ….. والهظم مگداري

…………………………

تركض خيلهم وافتر
واخاف تباوع اعليه
مامش شي واشاگف بي
البيرغ مات راعيه
يصيحوني واشوف الصاح
ماعنده عرف بيه
مايعرفني اخت عباس
بس يعرفني مسبيه

صاحو باسمي لاچن منتبه چني
ياهو الشايف اختك حته يعرفني


خويه …… كلها گالوا هايه
خويه …… الزينب مسمايه
خويه …… ياشرون واركض صوبك
خويه ….. عرفوني من القرايه

…………………………………

وصلت ومالگيتك غاد
ليش حسين عايفني
يلچمني الحرگ واتعب
واصيحن اخ من متني
رايح وين وبهل الليل
مو طبعك تتعبني
ادورك وبخفيف الصوت
چا وينك يخال ابني

عليك ابروح امي دلني بمچانك
يكونك عدل الحگ شوف نسوانك


خويه ……. تاهت العلويه
خويه …… وباگو الترچيه
خويه ….. عتها وبكل قوته
خويه ….. من اذنها ارقيه

………………………………………

ليش الموت اذا دگ باب
مايمهل ولا يصبر
طشوك اعله كبر الطف
اشلون ازگيك واتخضر
شصاير بيك يبن امي
من كل كتر متفطر
الله وياك راح امشي
الصايم بيك مايفطر

يبعد اختك بقت العيون مشبوحه
وراسك صار يمي وعالي مالوحه

خويه …… ما الوحك تالي
خويه …… يالچنتلي خيالي
خويه …… هاي مو تاليه
خويه…… مگيده بلا والي


……………………………………………


الاقل شرفاً
كرار اللامي
#محرم الحرام

خدام ونصرخ للموت ماعدنه غير الزهراء

المنتظرين لأمام زمانهم 🦋

۞اَللّهُمَّ۞
۞کُنْ لِوَلِیِّکَ۞
۞الْحُجَّةِ بْنِ الْحَسَنِ۞
۞صَلَواتُکَ عَلَیْهِ وَعَلی آبائِهِ۞
۞فی هذِهِ السّاعَه وَفی کُلِّ ساعة۞
۞وَلِیّاً وَحافِظاً وَقائِداً وَناصِراً وَدَلیلاً۞
۞وَعَیْناً حَتّی تُسْکِنَهُ أَرْضَکَ۞
۞طَوْعاً وَتُمَتِّعَهُ فیها۞
۞طَویلا۞

~ اللهم عجل لولیک الفرج ♥️

( عيد الشيعه )


    عــــيــــد     احــلــى الأعــيــاد
    عــــيــــد     هــــلّ الــســجـــاد

               🌷---------------🌷---------------🌷

   يا هله وميت هــلــه بســجــادنـه
   هلت الفـرحــه وجــمــيـع اعيادنه
   حــبــه يجمعنه وشـــرف ميعادنه
   ابجاهه ندعي يحرس النه ابلادنه

             دوم بالحب نزداد

               🌷---------------🌷---------------🌷

   يالتناشد هــذا عــيــد الشيعــه
   خبــر عــاجــل والسماء اتذيعه
   انــجــدد لآل الــرســول البيعه
   والــحــزن هاليوم حـل توديعه

             راح ماضن ينعاد

               🌷---------------🌷---------------🌷

   مــولــده يا نــاس احلى ابشاره
   حــجــة الله للبــريــه اخــتــاره
   الليله مسروره السمه بــأنــواره
   وشمس ربــنــه بنظرته محتاره

             صار أجمل ميعاد

               🌷---------------🌷---------------🌷

   اتحير الكــون بجــمالــه ونــوره
   حقهه تــفــرح شيعته ومسروره
   اليوم تــزهــي أبجيّته المعموره
   نــزّلــه المعبود بأجــمـل صــوره

              شاء ربك والراد

               🌷---------------🌷---------------🌷

   فــرحــه هـايـه والــحــزن ذبينه
   واليــلــوم أيــلــوم بــي شعلينـه
   انــبــارك حـســيــن بعلي التمينه
   واليضدنه انصير شــوكــه بعينه

              هذا ابن الامجاد

               🌷---------------🌷---------------🌷

✍ بقلم خادم السجاد ع
      الشاعر رعد الجريخي

نسألكم الدعاء

الليله نور الله انولد       مهدي
حيوا على خير العهد        مهدي
مهدينه    يامهدينه     يامهدينه
يامهدي
.................................................
الليله كل عاشك يجي وبجفه ورده
ويسلم اعله حسين وبلهفه يعيده
الليه ثار الله انولد وانولد وعده
اليله كل شيعي حضر فاز ويه جنده
اليلله ميلاد الشمس      مهدي
الليه مو مولد عرس      مهدي
مهدينه      يامهدينه       يامهدينه
يامهدي
....................................................
فكر عند اللي يضدنه الغاب ميعود
واحنه كل لحضه نطش ارواحنه ورود
شما تطول الغيبه يعني المهدي موجود
المهدي رحمه ورحمة الله مالها حدود
كل عاشك بنوره ابتهج        مهدي
اضهر وعجل بالفرج      مهدي
مهدينه        يامهدينه        يامهدينه
يامهدي
...............................................................
ابمولد الحجه الكمر يعلن بشاره
يم ضريح حسين تتويج الاماره
فاطمه تستقبل انصاره الغياره
ياهله بشيعة علي نلتوا الصداره
الليله كل شيعي حضر         مهدي
سجلت اسمه بدفتر     المهدي
مهدينه       يامهدينه         يامهدينه
يامهدي
.............................................................
مولد ألمهدي شمس ضََوئ البراية
أمن المهد للغيبة آية تروي آية
كل عشك بالدنيا تاليته النهاية
إلا عشك ألمهدي يبدي بلا نهاية
عشكة بس عشكة الصدك.   مهدي
بدربه يا محلى العشك.... .. مهدي
مهدينه يا مهدينه يا مهدي
............................................
نور من نور العرش سره أو وجوده
مولد ألمهدي حرز جسََد خلوده
الباري لأجله خالق الدنيا أعله موده
أفرح أفرح يالمحب وانصر جنوده
الليلة عرش الله أبتهل.         مهدي
جبريل يقره المستهل......... مهدي
مهدينه يا مهدينه يا مهدي
.................................

خادم المهدي
#الشاعر محمد الموالي

*♦ابوذيات لميلاد الامام الحسين (ع)*♦

ـــــــــــــــــــــــــــــــــــــــــــ

*بعيـن الـوادم آنه ازغــر   و لكبار*

*الك يحسـين اضل خادم  و لكبار*

*امشـي عليـك اَنـه رقــيه  و لكبار*

   *خلني بخـدمتك يبـن الزچـيه*

ـــــــــــــــــــــــــــــــــــــــــــ

*كــل الــناس تصـفـگ راح    بالراح*

*و دايــم بـس تـهم بالجاي    بالراح*

*گلــبي راح مــنــي لــچــن    بالراح*

    *اعـله بابك يـبن حمـاي الحمـيه*

ـــــــــــــــــــــــــــــــــــــــــــ

*الغــيره الحــسـره ماتــحله    وجرها*

*و كــون ابابـــك ادمــوعــي   وجرها*

*روحــي تــريــد تـنــساكــم    وجرها*

    *و گلـهه بدونـه ياهو اليمر بيه*

ــــــــــــــــــــــــــــــــــــــــــ

*الــهـج دايــم ابــ اسـمك  و لامال*

*و دربّـك جـدمي ماعـافه  و لامال*

*اسـم مــاردت بالخـدمـه  و لا مال*

    *اريـدك كِل وكت ترضـٰه عليه*

        ـــــــــــــــــــــــــــــــ

كلمات خادم الحسين :
محمد الحايي

جبرائيل هز مهده ويلوليله
واسرافيل يضحكله ويناغيله
وفطرسهم ابثوب احسين شد حيله
وابنور الجنه امكمطينه
....
هله براعي النعم والخير والرحمه
هله بمولد الفزعه ومولد الخدمه
هله وميت هله بجيتك يبواليمه
يومك يحسين امتانينه
...
اليزرع بالورد يحتاج أمور اهواي
يحتاج الضوه ويحتاج للسقاي
ومايطلع ورد اله نرشه بماي
وعباس الماي يوصفونه
...
يربي ابداعت العدهه تسع اولاد
اريد الهوسه هاي اتفرح السجاد
وابارك للحسين بزينة العباد

وافرح بالغالي ابن الغالي
...
وأما لابوصالح خل ادنگ الراس
وامسح ذنبي كون ابراية العباس
يوم اخمسعطش آنه وجميع الناس
بيبان احسين انحنينهه
....
محمد الجماسي

ولادة الامام المهدج عج

يا صاحب زماني .. ياكـهفي وأماني
    يامهدي .. يامهدي .. يامهدي

ياترافـت عـمري .. وياهـواي العُـذري .. يامهدي
اشهگـك بأنفاسي .. ياغرام احساسي .. يامهدي
ياعـشگ دلالـي  .. وياحبـيبـي الغالي .. يامهدي


انته يا اغلـى محـب  هايم انــا بضحكاته
بـيك ولـهان الگـلب  وانـتـه نبـض دگـاته
لهـفـه بيـه الطلـعـتـك يمته الفرج ساعاته

انته حسن اظنوني .. وماي وجهي ولوني
بطلعـتك چـا يمـته  .. تكحـل انته عـيوني
يامهدي .. يامهدي .. يامهدي

……………………………… 

والله يا معـشوگي .. ما بردلك شوگي .. يامهدي
يافرحـتي وخيري .. يالخذت تفـكيري .. يامهدي
بسمك الهج دومي .. صبح ليل ابيومي .. يامهدي


ياعـُطر وجه الصبح  وكـت الصلاه اشـتـمك
ليلي ونـهـاري صرت  الـهـج يـغـالـي بـأسمك
عيني ما تحمل هجر  مشتاگـه تحظن رسمك

اي وحگ اعيونك .. هايم ومجنونك
طـولت بالـغـيـبة  .. ياحبيبي شلونك
يامهدي .. يامهدي .. يامهدي

………………………………

بطيفي لو تلــفـيني .. الفرحه تترس عيني .. يامهدي
روحي الك ملـهوفه .. الغالي يمته انشوفه .. يامهدي
بالگـلب چـم حسره .. لطلـعـت ابـن الزهره .. يامهدي

مرني لـَون دنـيـتي  بالوانـها الورديه
روحي يمك امنت  منك خـذت حنيه
سيدي مـن المـهد  وياك بـيضه النـيه

عشت عمري بخيرك .. وما رحت يم غيرك
وكـبـرتـني  بــزودك .. وعـطـفك وتـقديرك
يامهدي .. يامهدي .. يامهدي

………………………………

بروحي اوج اشموعك .. وارتقب لطلـوعك .. يامهدي
احسب ايطل فجرك .. بروحي يمرد هجرك .. يامهدي
بكل صباح الجـمـعـه .. ادعي الك بالطـلعـه  .. يامهدي


سيدي بشوگ الدمع  ينـزل عالمـصلايـه
اقره قـرآن الـفـجـر  ودعيلك ابكـل آيــه
فات يالمهدي شكـثر  والباقي هم هوايه

كـل فجـر اتـوقــع .. شمس وجـهـك تطلـع
وتلفي وحشة ليلي .. وليلي اخلصه بمدمع
يامهدي .. يامهدي .. يامهدي

………………………………

اقره الك چم ندبه .. حسين تجبر گلبه .. يامهدي
تـفـرح المعصوره .. فاطمـه المكسوره .. يامهدي
يمن فدوه الصبرك .. فاطمه تنـتظرك  .. يامهدي

بهـاي ليـلـة مـولـدك  مـن يكـتـمـلـك بــدرك
فاطـمـه ام الحـسن  يبـن الحـسن تنـتـظرك
تدعي  الله يعجـل  بساعـة ظـهورك وامـرك

لله الك دعـواها  .. يافـرج بـلـوهــا
واحنه يامهدينا .. ندعي الك وياها
  يامهدي .. يامهدي .. يامهدي

#الشاعر #عقيل #الحسناوي..

ليمته الگلب بشواگك    .. ليمته
و  لايم شوگي ما اهتم  .. ليمته
سؤالي : الوعد يالمهدي  .. ليمته ؟
هواك اشتمه لاخر نفس بيه


يالربك رادك 
و يا ذخر اجدادك
(ليلة ميلادك ..كحلةعين الدنيه)

//

ويدمعي يطيح ماي العين    ..ويهيل
اعله شوفك يل طعم ذكراك  ..وي هيل
بخيت ؟؟ وهيچ ابقه عدل    .. ويهل
گمر وجهك بليلي .. بخت بيه ؟!

و انه التدريني
بحروفك ديني
و مافتّح عيني .. لو مر طيفك بيهه


//

حبيبي الحافظ اوصافه  .. مسل بيه
اضيعه شلون واگليبي    .. مسل بيه
وعلي بشمسين احسبنه  .. مسه البيه
اكحل عيني بالطلعه البهيه


اذبلّك شمعه
وأوگعلك دمعه
وكل ليلة جمعه .. بس اسمك بشفافي

//


على الشيعه الوكت ملتف  .. تره افعه
الاه بالروح يل بسمك       .. ترفعه
متى چفك لثار امك         .. ترفعه
تجي .. وفرحة الزهره اتصير هيه

ما شاغل بالي
بَل ،، مالِك حالي
وجه الله العالي شاف الخير الشافك

//

امتاني ولا أمِل لحظه   .. ولا حول
وانه الما يصح لهمومه  .. ولا حول
بدونك ديني لا قوه      .. ولا حول
ترد .. وتردله صحته الاوليه

باب الله بابك
وينباس اترابك
بعيون احبابك  تقره احروف الندبه

//

✍سعد هادي الشمري✍

يارب ضعني في مكاني الصحيح
الذي أجد فيه ارتياحي أخيراً
لاتجعلني اتخبط في وجهات لا تناسبني
وخذ بيدي بين كل هذه البعثرة
إلى السكون الذي أحتاجهُ

هوسات لمواليد شعبان
،،،،،،،،
اضمن ياعشك يحسين جا هو العشك ينظم
انته و رحمة الله اخوان من نفس البطن توأم
وبس احسين وي احسين وي غيرك فلا ترهم

الليله ابحضن الزهره
الزهره اتكمط بيك
...
وداعا للدمع هاليوم خل نفرح ولو مره
عشكنه انولد والخدمه والحنيه والفطره
ماجنك بشر مولاي تضوي وجنك الحضره

الليله انذب الهوسه
ابشباج العباس
...
كضينه اوياك جم شعبان جم عاشور خو تدري
وكل خادم وراك ايصيح اخذ الباقي من عمري
الليله ابمحفلك مولاي حتى مطلع الفجري

احسين اعكال الشيعه
وبيرغ ال البيت
....
اذا هوسنه للعباس كون الهوسه مملوحه
وكون الطف يصيح الله والتل تنشف اجروحه
وكون الماي من يسمع يقره الفاتحه الروحه

الهوسه التعجب زينب
يقبلهه العباس
....
المريض ايروح للدكتور يكتبله دوه العلته
بس عدنه علي السجاد من اتدهورت صحته
راح العمه ابوفاضل وبالرايه مسح كصته

اباب الخيمه ايهوس
يابخت العباس


محمد الجماسي

#اللهم_عجل_لوليك_الفرج

#افراح #شعبان


يحياك  ياصـاحب  الـزمان
علي وياك ياصاحب الزمان

.ـــــــــــــــــ ❁ ❁ ❁ ـــــــــــــــــ

ياآخـر  انـوار   الـولايـه  
                         وخـاتـم  العــتره
يالمنــتظر تحـمل  لـواء
                     المصـطفى ونصره
جدك همـس بذن الزچيه
                        الطاهره  الحره
وتبسمت من سمعت اسمك
                         فاطمه الزهره
.
لوجـهك تنتظر .. يا اجـمل بـدر
يلي بثـورتك .. دومك منتصر
.
نظرناك  ياصاحب  الزمان
علي وياك ياصاحب الزمان

.ـــــــــــــــــ ❁ ❁ ❁ ـــــــــــــــــ

ياجـوهـرة  جـنة  عـدن
                   مـن  العرش  نازل
لمعـت  فـقـار  بنظـرتك
                   لارض المجد راجل
حامل  شمايل  حيدره
                حامي الحمه الباسل
نور  الحسـين  بوجـهك
                 وخزرات ابو فاضل
.
امك بالمهد .. كتبتلك عهد
انت المدخر .. لايام الشدد
.
نطرناك  ياصاحب  الزمان
علي وياك ياصاحب الزمان

ـــــــــــــــــ ❁ ❁ ❁ ـــــــــــــــــ

كلما لفـظت اسـمك احسّن
                      تطـهر اذنوبي
ابقى ارتقي بديني وشاهد
                    تختفي عيوبي
يالمهدي أنصر ثورتك
                 لو موتي بدروبي
حبواً على الثلج انطلق
                  لجلك يمـحبوبي
.
يوم الزلزله .. جيشك بالفلا
وبركبك نحج .. كلنه الكربله
.
نخيناك  ياصاحب الزمان
علي وياك ياصاحب الزمان

.
ــــــــــــــــ ❁ ❁ ❁ ـــــــــــــــــ
.
أنت امامي الحي تعيش
                  بروحي واحساسي
ريحك  اشمه   بالهوه
               بكل شهگه بنفـاسي
شما انخذل طول الزمن
                    من اهلي وناسي
بلساني دوم اسمك حرز
                   وحروفه حراسي
.
اسمك بالنبض .. تسبيحة فرض
لو بيه انتخي .. تهتز الأرض
.
دمه فداك ياصاحب الزمان
علي وياك ياصاحب الزمان


ـــــــــــــــــ ❁ ❁ ❁ ـــــــــــــــــ

يل أسمك الماء المعين
                   القائم الناصر
المـنتـقم والمـرتجى
                 والـناطق الثائر
بقيـةالله المنـتصر
             والمصـلح الجابر
الداعي انت والسبيل
              الحـجه والصابر


بأسمائك صفه .. رقه وعاطفه
منك نرتوي  ..    يابحر الوفه

وجدناك ياصاحب الزمان
علي وياك ياصاحب الزمان

ـــــــــــــــــــــــــــــــــــــــ

حسن الموالي الفاطمي

قصيده مربعه حزينه للحباب ويوم الخميس😭
◆━━━◆❃◆━━━◆
خميس اليوم روحي اتحن للحباب
قــــريت الفاتــحه وسويت الثواب
◆━━━◆❃◆━━━◆
خميس اليوم روحي تحـــن ليهم
مشـــتاگه الگلب يســـمع حجيهم
اريـــد اعرف هــلي شبيهم مبيهم
شلون اعرف خبرهم جوه التراب
◆━━━◆❃◆━━━◆
منيتي اعرف هلي شنهو وضعهم
جـــــــوه هالرمـــل يهمل دمعهم
تطــــــشر يـــاوسف ذاك جمعهم
شمـــــــلنه مايرد هــيهات غياب
◆━━━◆❃◆━━━◆
اســــــوي اثوابهم وبگــلبي الام
الگلب لحبابه ياهل ناس محتام
زايــــــد شوگي اشما تمر اعوام
گلبـــي محترگ بالفــرگه عطاب
◆━━━◆❃◆━━━◆
اقـــــره الفاتحه لحـــــباب گلبي
وأتامل يـــــجوني وعـيني تربي
زايــَـــد ياونينـــــــي وزاد تعبي
فكدهم للگلـــب هم وقهر جاب
◆━━━◆❃◆━━━◆
صـــــعبه الفـــرگه يا احبابي تكتل
وكــــــــالو بالخميــس الروح تنزل
ثــــواب ان شاءالله يحبابي واصل
ماضلـــــي امـــل عندي الامل خاب
◆━━━◆❃◆━━━◆
تمت بعون الله تعالى
بقلم خادمة أهل البيت عليهم السلام
✍🏻الــشــاعــره رحـمـة اللّٰـه تـحـسيـن
  

أحله عشگ مر بينه يالمهدي يا والينه
يالمنتظر يالمنتظر يالمنتظر

❣️❣️❣️❣️❣️❣️❣️❣️❣️

أحله عشگ مــر بالمحب أحله غرام الصار
عاشرنه بالـذر بالمهد غذانه واحنــه زغــار
وعذالي من هذا ألعشگ محتاره مني تغار
منعوفـــه حبــك للأبــد يــا وارث الأطهـار
أبدم الگلب شارينه يالمهدي يـا والينه
يالمنتظر يالمنتظر يالمنتظر

❣️❣️❣️❣️❣️❣️❣️❣️❣️

بشاطي العشگ روحي رست يالمهدي محتاره
وبحــور شوگي بهل العشگ تدريهه تتجـاره
وتــدري الدمع يــا سيدي مــا سكنـت أنهاره
وتــدري اليحب يالمنتظـر مفضوحـه أسراره
تفضحهه دمعة عينه يالمهدي يـا والينه
يالمنتظر يالمنتظر يالمنتظر

❣️❣️❣️❣️❣️❣️❣️❣️❣️

عاشــگ ألك يبن الحسن تدريني يالموعــود
وتـدري اليحب يالمنتظر ينطر حبيبه يعــود
طـال البعد يا سيدي وجفــن اليحب مرمود
وتدري النظر ياسيدي لدرب المحب مشدود
لجيتك عمر تانينه يالمهدي يـــا والينه
يالمنتظر يالمنتظر يالمنتظر

❣️❣️❣️❣️❣️❣️❣️❣️

نبته ونعاني من العطش مـــر بينه يا مـولاي
نحيه ونطگ أحنه ورد يالشوفك أعذب مـاي
يا يوم ينطــر الفجر يكشــف ظـلام أعــداي
وأترّجـع الثــار بألـف يالمهـــدي يالوفـــاي
وجدك توافــي لديّنه يالمهدي يا والينه
يالمنتظر يالمنتظر يالمنتظر

❣️❣️❣️❣️❣️❣️❣️❣️

الشاعر
موسى البديري

موال للأمام الحجة ابن الحسن ع

گالو ما تجي يا سيدي الشمات .
گلتلهم يچي شما طول أفــراگه🌞 .

گالولي خرافه العشگ للغياب
گلتلهم دليلي يعيش بشــواگه🌞 .

گالولي تحب غايب ابد ميعود
گتلهم يجــي وبلهفه نتلاگــــه🌞 .

گالولي عليك هواي يالمحجوب
برد متلوحه مشراگه🌞.

شما گالو عليك اهواك يا مولاي .
وتظل هالروح مشتاگه🌞

اظل اتناك اظل اهواك اظل وياك
والعاشگ ابد ميعوف عشاگه🌞 .

.......
الك روحي شكثر شهگــت وحنيت 🌺 .
والك چـــم بـــاب دگيتـــه وحنيت 🌺 .
كـسر گلبــي البعــد تــدري وحنيت 🌺.
لغيـابــك چــم ظهــر يبن الزچــيــه .


🌹🌹🌹🌹🌹🌹

✍🏻 موسى البديري

لمتنه راحت لا متنعاد
فارغ مكانك ماصخ الزاد
نتسحر بدمعات فرگاك
رمضان اجانه وردنه ملگاك
لمتنه راحت

***


يا سالفتنه بكل وكت يا عطرك المالي الدار
وينك نناشد صورتك نبچيلك ازغار اكبار
بكل عام نتسحر سوى چا هلسنه شنهي الصار
لا سافرت مده وترد چا گلنه رايح خطار

چنك صرت من اهل الگبور
خليت خد وفوگه ناعور

دورنه يمنه وما لگيناك
رمضان اجانه وردنه ملگاك
لمتنه راحت

***



ثاري الصور بيهن حچي بگد الالم والفرگه
يتعاونن لچمه ودمع صفنه وضياع وشهگه
من طرف واحد تشتعل كلشي البديك اتحرگه
من تحظن الصوره وتون وتموت ويه الشبگه

تشيل الصور مدري انته تنشال
منا لحد متصير تمثال

مغزل بدو وتدور دنياك
رمضان اجانه وردنه ملگاك
لمتنه راحت



***

ضحكاتك وصوتك بقن ما راحن الگبرك ذاك
ليهسه نگصد گعدتك ونشورك ونحچي وياك
خليت بينه الما شفن ما يبرن ولا ننساك
ترجع بعد لا ما تصح يل بلترب غطيناك

گعدت الزاد تريد الأحباب
مسامر أهلنه ومامش اعتاب

شفنه الهلال وگمنه ننعاك
رمضان اجانه وردنه ملگاك
لمتنه راحت

***

عطر الثياب يظل عمر لو غالي فارگ داره
والعشره والملگه الحلو لو رحب بخطاره
يبقى المكان البيه گعد يمه الدمع يتجارى
طبع العيون التنتظر ما ترهم ألهن چاره

لا يستراحن لا غفن ليل
نگضيهه وياهن تواسيل

رادن يروحن للگبر ذاك
رمضان اجانه وردنه ملگاك
لمتنه راحت

**

من يگبل العيد وتجي الوادم تهني البيتك
ودموعنه تجاوب هلا ونتمنى حاضر ريتك
ونتمنى تتلگه الاجو بعگالك وشخصيتك
يابو البخت ساكن گبر بس باقي عايش صيتك

عيد المبارك چلمه تنگال
عيد الدمع والضحكه موال

يلغربت بس ظال طرواك
رمضان اجانه وردنه ملگاك
لمتنه راحت


كلمات الخادم / رعد الفريجي