كل عمره مظلوم   وعيونه سهرانه
باب السجن ليش   مقفوله بيبانه
ناعي الحزن صاح   والعسكري راح  والمهدي دفانه
***
بسجنه ويتعبد   وشعظم المشهد
صادق ايمانه   بلله الاوحد

راعي الصبر  عانه اشكثر   سيرت حياته اقراها
لجل الشرف   ضحه العمر   والذمه ما باعاها
بوجه الظلم  صوته ارتفع   واهل الحقد ذلاها

سجانه محتار   بصبره كسر قيده
وتسجد الحيطان    كل ما رفع ايده
عالم بالارواح   والعسكري راح   والمهدي دفانه
****
ما يخلص نوحه   وشكثر اجروحه
ون حيل المهدي   من طلعت روحه

حته الهوه  يدور هوه   ويصيح اريد اشتمه
عالعسكري  كلشي حزن   والدنيه صارت ظلمه
صوره جرح   سجنه رسم  والبسمه ماتت يمه

بجفوفه كل يوم   يمسحها دمعاته
وسامره يا ناس   تشرح موعاناته
حته الصخر ناح   والعسكري راح   والمهدي دفانه
*

بحساسه ايودعه    وبعينه الدمعه
واشلون المهدي   هالليله ايشيعه

عالمغتسل  خله الابو   وضل بحنانه ينضره
يم جثته   صله وبجه   والمهدي لازم ضهره
جار الزمن  عكب الحسن   وظلمه اصبحت سامره

جا ليش اليروح   حته الهوه ايكطعه
والفارك اعزاز   ميفارك الدمعه
متكسر اجناح   والعسكري راح   والمهدي دفانه
***
يا ناس المهدي   اليوم الله ايعينه
بجفوفه يغسله   والدمعه بعينه

فكد الابو   ما ينحمل   صاح الابو شيعوده
يم الكبر  ناح وبجه   وناس الاجت معدوده
واشلون ابو  وجه الترف   لاح التراب اخدوده

يشتم بالتراب   وينادي حاجيني
مو وكته الفراك   يابويه تانيني
اشلون اغفه ورتاح   والعسكري راح   والمهدي دفانه
**





بالدنيه اتعذب   ومن الهم شيب
ضلت بحشائه    نار السم تلهب

لمصيبته   ناح الفلك   والكون كله تغير
وكل شيعته   ضلت تون   وتاخذ نفس ما تكدر
اصعب جرح   جرح الهجر   كلشي بغيابه تأثر

شيخلص الليل   والغالي بترابه
والشيعه هاليوم   تنحب عله مصابه
جن الكمر طاح   والعسكري راح   والمهدي دفانه
****
تمت
تحسين الخفاجي

:آللهم زدنا حُبـاً و دمعـاً و شوقـاً و تعلُقـاً
بالحُسين ..💔🏴

الإمام العسكري مخاطباً
الحجة القائم عليهما السلام




يبني اوصيِّـتِي /  ساعة دفنـِـتِي
تذكر عمِّــــتِي ...  زينب
ماتت آلام  /  من ضيم الشام ...  زينب

ــــــــــــــــــــــــــــــــــــــــــــــــــــــــ

ساعة تلقيني / وغسلي وتكفيني
أنعه وبچيني / لعمتي العلويه

بعد الكفلوها / طلعت شافوها
بالصوط آذوها / حرمه وموليه

مچتوفه ايديها / وهزله امرچبيها
شمر اليحديها / وراحت مسبيه

بت اشرف نبي /  تمشي اويه اجنبي
محروگة عبي ...   زينب
مصيوبه اسهام  /   من ضيم الشام ... زينب

ــــــــــــــــــــــــــــــــــــــــــــــــــــــــ

المحد شافاها / ولحد سمعاها
فگدت ولياها / وظلت محتاره

حامي اصواوينه / لوتسئل وينه
مگطوعه ايمينه / ومگطوعه ايساره

وي طيحت جوده /  وسهمه وعاموده
وصلوها احدوده /  وسحگوها ازغاره

من طاح العلم /  ماظلت خيم
واتچوت جدم ...  زينب
مچويه اجدام   /   من ضيم الشام  ... زينب

ــــــــــــــــــــــــــــــــــــــــــــــــــــــــ

صورتها ابـالي / ابتوديع الغالي
دمعتها اتلالي / وتشم بالمنحر

ساعه وميمونه /  رد خالي ابدونه
گالتله شلونه /  گاللها اموذر

والعشر اخيوله /   لعبت بي جوله
باگن من طوله / وعافنه امطشر

حزو منحره / گطعو خنصره
واتسلب تره ...  زينب
گربت لـ ايام   /  من ضيم الشام  ... زينب

ــــــــــــــــــــــــــــــــــــــــــــــــــــــــ

يلـغايب هيه /  اول علويه
تطلع مسبيه   من ديره لديره

للشام وكوفه / راحت مچتوفه
والكل ملهوفه /  تنظرها  ايسيره

راس الكفلاها / يبره لـممشاها
تعثر و وياها / يتحرك غيره

سهمه امن الدمع /  خضر چن زرع
وسفه ابهلـ وضع  ...  زينب
بي نار اخيام /  من ضيم الشام ... زينب

ــــــــــــــــــــــــــــــــــــــــــــــــــــــــ

يلمهدي اونيني / لا ما يكفيني
لو كل اسنيني /  زينب ابچيها

ابذكره استشهادي /  يا زينب نادي
خل حزنك بادي /   بالسادي اعليها

جرد بتارك / جهز انصارك
الها اطلب ثارك / طلعه انتانيها

اطلب يا ذخر  / ثارات الخدر
يلجيتك تسر ... زينب
ثار الايتام / من ضيم الشام ... زينب

ــــــــــــــــــــــــــــــــــــــــــــــــــــــــ
سيد علي عبدالزهره الناجي

دمعاته نهرين 00 وينعه حيدر علي
راح ابني كبرين 00 الج واحد والي
ظهري انكسر يم الحسن 00 يازهراء
اشلون آنه الفج بالجفـن 00 يازهراء

اشحال حماي الحمه 00 حين غسّل فاطمه 00 ومرّت اجفوفه على اضلوع الزجيه
علي المطوك الحديد 00 علي ظهره خلّه ايد 00 وايد يلطــــم خدّه حمـــــاي الحميه
صاح والمدمع جمر 00 بعدج اشيسوه العمر 00 بعدج ليا محنه اعيش ليا رزيـــه
انتي جرحي والدوه 00 عسّر ابريتي الهـــوه 00 روحي فاضت وانهدم بيتي عليه
يفرك بالايديـــن 00 وينظــــر لفاطمـــه
محمرّة العيــــن 00 اضلوعهه امهشمه
ناداهه واضلوعه انحنن 00 يازهراء
اشلون آنه الفّج بالجفــن 00 يازهراء


جفّج اشبيه يجري دم 00 باب هذه لوخيــم 00 احنه بالطف فاطمه لو بالمدينـــــه
ادري مابيهـــــم شمر 00 شبيهن امتونح حمر00 اشسوه بيج الصوط يازهره الحزينه
ماطلب ماي ادري بيه 00 محسن وماشال اديه 00 ليش ذبحوه وانتي يمه وتنظرينــه
حاير ابها المسألـــــه 00 ماكو بيهم حرملــــه 00 قرطج الهاديه الــــــج ياحرّه وينــه
بس ماكو ديوان 00 وماكو نوك وهزل
بس بيت الاحزان 00 ومهـد مابيه طفل
ولاكو خرابه ولا ضعـــن 00 يازهراء
اشلون آنه الفّج بالجفــن 00 يازهراء


ماتم ابكلبي انصب 00 من امسح ارماد الحطب 00 من جبهتج وامسح ارماده ابجبهتي
ريت بابج رد علي 00 وريت محروكـــات ادي 00 لجن ياوسفه الوكع بالعتبه انتـــــــي
امجتف وحين اطلعت 00 عاينت بابي وشفــت 00 أثر طبع اجفـــــوف من دم ابعتبتــي
الباب فاطم مستعـــر 00 وحامي بسمار الصدر 00 لان صابج لو لان حامي صرختـــي
دفعوه بالايدين 00 الباب لو بالرجل
مو واحد اثنين 00 ثلــــث مية نـذل
للفاجعه اعيوني انعمن 00 يازهراء
اشلون آنه الفّج بالجفــن 00 يازهراء


الهه ثنّــه ركبتــــه 00 شلون اوصف دمعتــــه 00 دمعة امفارك يصد نومـــة حبيبـه
دمعه صعبه تنحبس 00 ويحجي وياهه ابهمس 00 دمعه يجري وينظر لباب المصيبه
انتي عيني البيهه اشوف00انتي كعبه وبيهه اطوف00وروحي تمت من عكب عينج غريبه
الباب من دمــج شرب 00 وعمرج الزاهي انصلب 00ومن دمه اضلوعج غدت حنّة صليبه
آنه ادري بالبـــاب 00 كسر منج ضلع
وعالخد الاصواب 00 ادري بيه منطبع
ليش الجفوف اتحركــــن 00 يازهراء
اشلون آنه الفّج بالجفــن 00 يازهراء


من الهضم كام وبجه 00 على الحايط وانتجـــــــه 00 حين شاهد حيدر الصطره ابجفنهه
صطره من واحد نذل 00 ابكلبه مودم يجري غل 00 من وره الخد والجفن عبرت لاذنهه
علي الضرغام الاسد 00 ماكـــــــــدر يوكف كعـد 00 وبين رجليه خله راســه وونه ونهه
ابد ماكالـــــــــو مره 00 محسن افراشه الثــــــــره 00 ومنعو امه لو زحف توصل لابنهه
متهدهد الحيــــل 00 علي عقد الوله
لو يدري بالخيل 00 اشسوت ابكربله
حركت خيم داست بدن 00 يازهراء
شلون آنه الفج بالجفن 00 يازهراء


الخيل داست ياصدر 00 يوم عاشور الظهر 00 ويا اخت مهضومه واتفرهد خدرهه
ياجسد فوك التراب 00 وياعقيله ابلااحجاب 00 وياجدم فوك الترايب بان أثرهــــه
يدري حيدر باليصير 00 ايجفّن حسين الهجير 00 ومثل امهه ينحني زينب ظهرهه
يدري بالطف ياقدر 00 يكطع جفوف الكمر 00 والشمر رد غايته ايهــدم كبرهــــــه
يم الكبر عاد 00 الشمر بيده الحبل
وياه الاوغاد 00 بيده جاب الهـزل
ويلاه يلوعات الزمن 00 يازهـــراء
شلون آنه الفج بالجفن 00 يازهراء

اليوميه يشتاك ما يحمل افراك
فوك الجفن دمعي كتب
بسك يكلبي امن العتب
ضاك النفس ضاك
****
كلبي يم سامره ودموعي تلالي
راح ابوي العسكري وكلشي بجالي
انه ابو صالح يشيعه وهذا حالي
ياهو منكم تعزيه الليله قرالي

كل يوم الغروب اكعد عالدروب
من دنيتي شفت العجب
بسك يكلبي امن العتب
ضاك النفس ضاك
*
انه ابوي العسكري ياشيعه مظلوم
ليش متغرب صحت ويموت مسموم
انه يا ناس اتعبت من كثر الهموم
والذي ايفارك حبايب يكره النوم

شميت التراب بي ريحت احباب
ويا لوعة الفاركله أب
بسك يكلبي امن العتب
ضاك النفس ضاك
***
سافرو عني الحبايب وانتظرهم
اتردلي عافيتي الي امن اشم عطرهم
ضلت دموعي تسولف وي صورهم
لحضه ابد ما راح عن بالي ذكرهم

ليش اليروحون يعمون العيون
من البجي جفني تعب
بسك يكلبي امن العتب
ضاك النفس ضاك
****
جم جرح من الجفوني بكلبي شايل
وانه من اشتاك تجويني الرسايل
ضهري من ضيم الزمان اهوايه مايل
أسأل اعله الفاركوني ودمعي سايل

من كثر الجروح مو طلعت الروح
والغيبه هاي اكبر سبب
بسك يكلبي امن العتب
ضاك النفس ضاك
**
الفاركاله اعزاز وين ايكضي عمره
الهم بحيطان كلبي احله ذكره
روحي اعصره كمت من جفي اعصره
العايش بلايه اهل شنهو اليصبره

شيخلص الليل ماضل بعد حيل
يمته الفرج كلشي ندب
بسك يكلبي امن العتب
ضاك النفس ضاك
***
فاركاني العسكري وخلاني وحدي
ودعاني ودمعتي تجري اعله خدي
ابجي مره الفركته ومره اعله جدي
الدنيه صاحت راحت عيونك يمهدي

من اذكر حسين تشبع بجي العين
من كلشي ابو اليمه انسلب
بسك يكلبي امن العتب
ضاك النفس ضاك
*
تمت
تحسين الخفاجي

كل موالي وحيدري..ينتحب للعسكري
ويه أمه فاطمه...ويه أمه فاطمه

بينه لوعة حزن عاشور المصايب
ويه مهدينه حملناهه النوايب
بالمصايب چم گلب مولانه ذايب
انواسي ام الحسن جينه بالمواكب
الليله لمصاب الحسن...مهدي دمعاته جرن
عالچبدته امسممه...عالچبدته امسممه

كل موالي ايحب علي حامي الحميه
الليله ثوب اسود لبس لجل الرزيه
تنحب املاك السمه وتبچي المسيه
اتواسي طه المصطفى وبنته الزچيه
ننحب ابهالفاجعه..واحنه اجينه انشيعه
والعزيه قائمه...والعزيه قائمه

الليله لمصاب الحسن تبچي العوالم
كلهه تندب عظم اجرك يبو القائم
ننصب اعله العسكري هايه المآتم
هالعزه طول الزمن للحجه دايم
بالدموع الهامله...هالعزاء انواصله
والمجالس دايمه...والمجالس دايمه

يالحسن جينه نواسيك ابمحنتك
نلعن الناس الذي سمت چبدتك
احنه ولدك يالولي وكلنه ابخدمتك
نبقه زوارك نجي ونگصد حظرتك
تبقه شامخ يالولي..بيك ريحه من علي
اي وحگ حامي الحمه...اي وحگ حامي الحمه

يا أملنه ويا فخرنه ويا سندنه
كفرونه وعنكم ابدا مابعدنه
ابمجلسك هالليله يامولاي ردنه
ارفع ايدك سيدي وادعي البلدنه
يالدعائك مايرد...احنه بيكم نعتقد
ولجلك انضحي الدمه..لجلك انضحي الدمه


سيد علي الموسوي

هالليله
تجري دمعة ناظري
هالليله
للامام العسكري
...
انه ابوصالح يشيعه ودمعتي مثل المطر
معاشر الهم والمصايب شسوه بجدادي الدهر
عندي جد بالكوفه طايح بسجدته راسه انطبر
حيدر بگبره وينادي وينه ابني المنتظر
بضلوعي
يبقه جمره الحيدري
ودموعي
للامام العسكري
...
من الطفوله بعيني دمعي ما يفارگني الدمع
عندي ام بالباب اجوها وكسرو منها ضلع
ليش بالسوط اضربوها ليش خدها ينصفع
ليش ظل مخفي گبرها وعالگبر ماكو شمع
اشجاني
للمصاب الكوثري
واحزاني
للامام العسكري
...
والحسن بنفاسي ناره وبيها روحي معذبه
بالطشت چبده توذر ياعظم هالنايبه
نعشه صابو واعله بالي هالمصيبه الراتبه
يمته ابنيلي مناره للامام المجتبه
بدمعاتي
انكسر لجله خاطري
واهاتي
للامام العسكري
...
لكربله وعاشرها ظلت دمعتي دم هامله
ليلي ونهاري انادي آيمحنة كربله
بيها جدي حسين ضامي وعالصدر شمر اعتله
من الگفه يذبح وريده وعالرمح راسه اعتله
واتمنيت
گبله يگطع منحري
بهم ظليت
للامام العسكري
...
نار باب الزهره بيها حرگو خيام النبي
آه ذيج النار حرگت باب وخيام وعبي
عندي عمه شاهدوها فوگ تل الزينبي
ساعه بين الخيل تركض ساعه بدروب السبي
واويلاه
السبي جمره بضامري
آه وآه
للامام العسكري
...
بالذبح والسم اهلنه خلصو بدار الغرب
والدي آخر ضحيه مات مسموم الگلب
وبأرض سامره جسمه بيدي غطيته بترب
ها يشيعه ولمصابه دمعي وياكم يصب
يا روحي
للمصاب اتصبري
وجروحي
للامام العسكري
...
خادم الحسين ( عليه السلام)
كرار حسين الكربلائي
( ابو كميل)

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

هذا الخبر الى كل الهواشم
عدكم علم ذبل غصن المكارم
صوت ارتفع •• كلمه بنبرت عتب
محد فزع •• يهل الغيره اشعجب
.......................................
ناعينه ناده. حيهم ياساده
فوك المصايب اجتكم مصيبه
شدو الظعينه من ارض المدينه
بسامره الكم جنازه غريبه

اي يالهواشم هظيمه جبيره
فخر العشيره صفه ابلا عشيره
بديره غريبه تحتم مصيره
ولحيره حيره

شوفو الحسن افزعو ياعمامه
الكم تره يوجهون الملامه

للعسكري •• لاثار ولا طلب
محد فزع •• يهل الغيره اشعجب
.....................................
هزو علمكم. . حشمو زلمكم
جردو الصوارم يا اهل المهابه
جبتوها لو دم بالدنيه لو سم
يوميه واحد يهدكم مصابه

جم واحد الكم صفت وحشه داره
محد فزعله واخذ بيده ثاره
مالايكه الكم طبعكم غياره
جنكم حياره

وكت الزعل ولا وكت التراضي
الكم اشو ولا لمعت مواضي

شنهو الحصل •• ها يليوث العرب
محد فزع •• يهل الغيره شعجب
.........................................
بساعة غيابه عينه اعله بابه
ها يالهواشم اشو ما اجيتو
مات ودمعته ترسم غربته
لجنازه تحجي وتكلكم بطيتو

يالما اجيتو اشبعد ينتظركم
وجرح المصيبه يلجمه عذركم
وسفه الترايب تغيب بدركم
اه ياكسركم

مايندفن جرح عضمه ومصابه
ولعسكري ك منو يعوض غيابه

عكب الحسن •• راح يزيد التعب
محد فزع •• يهل الغيره اشعجب
....................................
ها ياعمامه عنده يتامه
لا يروعوهم افزعو ابشيمكم
لحكو عليهم. واحد يجيهم
ومثل العقيله يصير ابحرمكم

هنا يالرضيتو وجرعتو الرزايه
بس لا حرمكم يطلعن سبايه
زينب جرحها عليكم كفايه
اي صعبه هايه

الكم حرم. وسط ديره غريبه
هنه ابخطر مصيبتهن مصيبه

بالطف كبل •• خدر الحره انسلب
محد فزع •• يهل الغيره اشعجب
........................................
وسام الشويلي

SNTAT :https://play.google.com/store/apps/details?id=my.game.sntat

رمز الحاله
2209717386

بين امصابه وبينج الله ايعين حسينج
من تغمض عينج يايمه يايمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حنيت ورجف كلبي وصارت راحتي الونه
اذا منج ظلع كسرو حسين الخيل داسنه
اذا صاب الضلع بسمار حسين اسهام صابنه
ما يكدر اخيي ايكوم حرت اشلون اكومنه

كل ساع ايسحكونه وبالخيل ايرضونه
والدم اعله عيونه يايمه يايمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الج حيدر لمن عصروج واخوي حسين اله الله
اذا عالكاع صليتي حسين اعله الرمح صله
اذا محسن اكبالج مات ذبحو بيده عبد الله
شرب دمه ولذيذ الماي كام ايصيحله اسم الله

ست اشهور اوليده واشكد فرفح بيده
منه الماي ايريده يايمه يايمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اذا حركو عليج الدار حسين اخيامه حركوها
واذا مو يم علي ضربوج زينب يمه ضربوها
شفتيلج اخو امن الخيل حته اثيابه سلبوها
شفتيلج مره بهل الليل تباري ايتام خلوها

راحو مني اخواني ودهري اشكد سلاني
شيخلصها احزاني يايمه يايمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عله امصاب الغريب حسين نارج تسعر وناري
عفته بخطة الميدان امسلب والجسد عاري
كلها اتجفنت وحسين بالطف جفنه الذاري
ومن كد ما ابروحه اجروح يقبض روحه اجه الباري

ملك الموت اتعذر لمن شاف المنحر
بدمه حسين اتعفر يايمه يايمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اقارن بينج وبينه وعالخد دمعتي اتلالي
اذا نفرض نسيت حسين اشيمسح رسمه من بالي
شفت بالدنيه كلشي ايموت من ايسافر الغالي
مو بس الخيم من راح ضل حته الهوه خالي

جانت حلوه ايامه ماتت ليش احلامه
راح الجان احزامه يايمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اذا امج خديجه حسين امه فاطمه الزهره
وجم مره رسول الله باس حسين من نحره
منو مثله بثواب الله كام ايثوب بصدره
احله امن الشهد اسمه ويعطر حلك اليذكره

حته الله ايحب روحه اشكد حسين اجروحه
جم ايه المذبوحه يايمه يايمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تمت
تحسين الخفاجي

يبو فاضل دخيلك
٠٠٠٠٠٠٠٠٠٠٠٠٠١٠٠٠٠٠٠٠٠٠٠٠٠
هلا بفراس الوغه وراعيها
الصيده من ابعيد مايخطيها
هلا بالدك صدره كال افنيها
ابن ابوه وكدها من يحجيها

هلا بعباس ترفرف رايته
سبع خيال حجاها احجايته

هلا بشيخ الساده جاب روس القاده
٠٠٠٠٠٠٠٠٠٠٠٠٠٢٠٠٠٠٠٠٠٠٠٠٠٠
ابو فاضل بالحرب دك ثايه
الريشه رفت وي رفيف الرايه
صال بيها وتيه اعليهم درب
الزلمه بيهم ما حجه اي احجايه

شمر الخيل على الخياله
يطر راسه اليصير اكباله

ياحلات اعناده ونار تدوي افاده
٠٠٠٠٠٠٠٠٠٠٠٠٣٠٠٠٠٠٠٠٠٠٠٠
هلا بالكال انه ابن ام البنين
انه فارس حوك ابن ليث العرين
ارض صولاته علي ابدر وحنين
انه ابن الصار للعرش متين

الميت ابصوت اردن روحه
الشرد مني خزرتي اتلوحه

ابكيفي احط قانوني عركتي بعيوني
٠٠٠٠٠٠٠٠٠٠٠٤٠٠٠٠٠٠٠٠٠٠٠
هلا بشيخ النايبه وزلم الحرب
هلا بالطشر الناس اعله الدرب
هلا ياملح الحجي وشيخ الرجال
هلا يسف انثلم من الضرب

رعد عباس وصارت هوسه
اتعنت الكوم الجدمه اتبوسه

ابو فاضل سيفه مايرجع ضيفه
...
محمد تقي الزاملي

للاستفسار @daam25

المايلوگ الها الگبر دفنوها
ورده بـتـراب اللحد خلوها
ورده ضماها الگبر
وندفن اطيب عطر
المايلوگ الها الگبر دفنوها
____
ياأرض ظمت جسدها الطاهره
او يا مكان البيه اندفنت ياتـره
چان مثل النجف هسه اوكربله

ياترب غطاها
يا لحد ظماها

من سنين العمر هم حرموها
المـايلوگ الها الـگبر دفـنـوها
____
نبي عدنه اوزين نعرف هـيـبتـه
هجمو اعله البيت ضربو حرمته
ولها حرمه الدار هتكو حرمـتـه 

نار حرگو دارهم
يوم طبو داهم

ابنار فاطم وبجمر چووهـا
الما يلوگ الها الگبر دفنوها
____
العاشت ابيت النبي اوبحضانه
فاطمه انطاها العدل سبحـانه
هيه روح المصطفى اوريحانه

ثـمـر من جنة عـدن
نزلت ابارض الحزن

بعد مامات النبي ايظربوها
الما يلوگ الها الگبر دفنوها
____
سر گبرها او لسه مـحـد زارهـا
اوهيه سر محد عرف بسرارها
الباري سواها العلي اومختارها

من عرف سر فاطمه
سرهـا مـحـد يعـلمـه

هيه امانه او ليش ما يرعوها
الما يـلـوگ الـهـا الگبر دفنوها
____
هيه شجرة نور معروفة اصل
ولها كل معصوم يرجع للاصل
بينه اوبين النبي حلـقة وصل

يرضـه مـن ارضـاهـا
اويغضب اعله اعداها

تالي مكسورة ضلع جازوها
الما يلوگ الها الگبر دفنوها
____
حسام عبد علي جبر
القصائد للثواب
نسألكم الدعاء

جيتك بحزني وانيني...رايدك تقبل حنيني
ارد ارخص كلشي لجلك...وابقه كل عمري حسيني

..................
حزن رافك حزن..وكعد يرسم جفن
مبلل بلمدامع يجري كل يوم
مثل حال الشمع..بقيت اذرف دمع
لاجن مالكيت الخزنك اهموم

ضايع وانته جبتني وعلمتني
شماازل عن الدرب لا ماعفتني
شكبره عطفك سيدي وانته قبلتني
بكل مصاعبد دنيتي انته رافكتني

حبي الك عابر حدوده
عبد مالكلك وجوده

بلعزه اندليت ديني
وابقه كل عمري حسيني

...................

عبرت انه القهر..وجزه ليلي السهر
وبقيت بغربه ادور العيني ماي
الدمع ينزل جمر..خلص غفله العمر
الحمد ل الله وعشكت حسين مولاي

تايه وانته برحمتك قربتني
ابتعد وتحن عليه ورجعتني
التهي بغيرك واشوفك صايحتني
انه مااسوه التعب يلكبرتني

يل عليه هواي خيرك
مااريدن اهوه غيرك

ارد اضل بدموع عيني
وابقه كل عمري حسيني

..................

رزق من الله هاذ...وصرت انته الملاذ
وتلم كل الحياره المالهه فياي
وجودي بمجلسك..دموعي لمحبسك
والله لو مانته ماعدي انه راي

اعثر بذنبي وتدليني برحمتك
ابتعد عنك وتكسرني بخدمتك
وين مااروحن الاكيه نعمتك
مبجي كل هذه الوجود انته بعضمتك

وين مااضيعن تضمني
وكبل مااطيحن تلمني

عمري الك كله وسنيني
وابقه كل عمري حسيني

..................

بقيت بحر شمس...وصبح صوتك همس
وين مااروحن الاكي حزنك وياي
عطشت الحضرتك..ورويت بحسرتك
ولكيتك للعطش دوم انته رواي

اذنب وترجع تذكرني بوعودي
وترجع تعلمني مامعنه وجودي
واذكر انه غربتك كله علمودي
وارجع اتخاذل انه بذنبي وبرودي

منك انه اطلب خضوعي
وحسره واهات ودموعي

ويبقه الك نوحي وانيني
وابقه كل عمري حسيني



محمد تقي الزاملي