عمه رايح . .. عنكم شويه ابتعد
عمه رايح .. ادفن حسين وارد
من رخصتج يالعقيلة.. اعله الضعن ضلي كفيلة
،،،،،،،،،،،،،،،١
لازم امشي الكربله لحسين اشوفه
لسه ضل عريان ابوي شلون اعوفه
راح اتعنه يزينب يم طفوفه
واوصل العباس وادفله چفوفه

واعتذاري .. منچ عيونچ بچن.
واعتذاري.. ماكو عندي الهم چفن
وابقه بس دمعي اسيله .. اعله الضعن ضلي كفيلة
،،،،،،،،،،،،،،،٢
اشتاگ للأكبر اخوي هوايه گلبي
خلاف اخوي من الحزن تيهت دربي
ارده الم أوصال جسمه ادموع صبي
خايف الچم جرح منه لاتعتبي

شلون بيه .. اجساد اخوتي مگطعه
شلون بيه.. لو رحت للمشرعه
شلون عباس من اشيله .. اعله الضعن ضلي كفيلة




،،،،،،،،،،،،،،،،،،،٣
لو رحت يم ابو فاضل صعبه اصدليه
بعينه نبله وعني نايم وانحب اعليه
والعمود براسه احسن بيه ياذيه
گلبي مايطيني عمه وحده اخليه

سهم عينه.. شلون اشلعه اتحيرت
سهم عينه.. يمه بس ابچي صرت
من الالم روحي عائله.. اعله الضعن ضلي كفيلة
،،،،،،،،،،،،،،،،،،،،،،٤
شلون لو شفت الغريب وشفت صدره
ظلوعه كلهه مكسره وحاچاني نحره
وگال يمي ادفن رضيعي بگلبه حسره
تدري اخيك منذبح ماظاگ گطره

فوگ صدره . وسدت عمه الطفل
فوگ صدره . الخيل صعدت والنبل
يمه اون ونه طويله .. اعله الضعن ضلي كفيلة
،،،،،،،،،،،،،،،،،،،،٥
ادفن العريس والگه الحنه بيده
الگيت راسه منجسم مثل الصميدة
لسه جاسم ماسكت ينزف وريده
گال سلملي اعله رمله امي بعيده
.
يحچي احسه . عليكم يسلم تره
يحچي احسه . صاح زينب منحره
هالكفاله ادري ثجيله .. اعله الضعن ضلي كفيلة


..........
حيدر موسى الرميثي

تم نشر قصائد جديدة للعشره الثانيه مع الالحان
@Saadhadi83

بويه فدوه *وياك اخذني

ما اعيشن * لو عفتني

راح اخلص اليل اون * زغيره مو مالت حزن
_____________________

اجيتك بويه اروح وياك * صعبه العيشه من دونك
ما تغفه بعد عيناي * لوما شافت عيونك
جر كلبي بعد حسرات * راح اهلك يعوفنك
شلون اصبر تضل هواي * وانته تحمل اضعونك

رد عليه بويه وينك
جنت انامن * بين ادينك
شلون بعد اني استجن * راح اخلص اليل اون
_____________________________

مريود الابو يحسين * مثل الماي للورده
وأنته تريد مني تروح * وعمري سنين ما عده
ما عدي صبر ايوب * هوه المثلي اشعنده
دمعي عليك جن شلال * غيرك محد يرده

بس اشوفك * ما اعوفك
بويه اليه * مد جفوفك

ارد اروح وي الضعن ₩ راح اخلص اليل اون
_____________________________
ذبلت وردتك يحسين* تعبها الصبر جندوب
تدري انته الهجر جتال * لو سير عليه غروب
وأنته بعيد لا مرسال * لا طيفك يدك البوب
ما راح انه اطول هواي * لو منك ولا مكتوب

لحضه لحضه * كمت أتاني
ليش شخصك * ما اجاني
الكم اني كمت احن * راح اخلص اليل اون
_____________________________
احاجي بروحي يوميه * طول غيبته الغالي
اكولن انه منسيه ¡* هاي الضلت بالي
ابوي الساكن الدلال * ليش لهسه ما جالي
بعد ماضل صبر بروح * بعدك ما رحم حالي

يمته ترجع * يا دليلي
خلافك اني * تبده حيلي
ما تجيني هيج اضن * راح اخلص اليل اون
_____________________________
كمت انه انتضر مرسال* منك لو يجي عمي
عيوني من البواجي عليك* توارد لونها بدمي
ولو جلجل عليه اليل * أكبر من كثر همي
بويه اتمنه انه اليوم * واقع مو حلم يمي

كلشي بيه متاني جيتك
تعباها * ** البجي بنيتك
دمعي نايم علوجن * راح اخلص اليل اون
_________________________
الشاعر : أنور خلف البيضاني

وين اروح حسين خلاني وحيده
واليسر يا عالم دروبه بعيده
*وين اروح وبيه ما يرحم زماني ..
*واليسر دربه طويل وعذباني ......
وين اروح ............ وين اروح
------------------------------------
آنا زينب واشرح هموم العليه
حين بخواني سرى ضعن المنية
وحدي ضليت وتلاوي الدنيه بيه
تعيش مهظومة الي ما عدها خويه

عالهزل وانضر حرمنه بلا محامل
ومن يضربوهن انادي يابو فاضل
*بكل مصيبة يحشمه متعود لساني ....
*واليسر دربه طويل وعذباني ............
وين اروح ............وين اروح
------------------------------------
بجال اخوتي مدللة جنت وأميرة
وهسه يا هو الجان ويكلي اسيرة
انا ما محتاره والله بهيجي حيرة
بين الاجناب واطب كل يوم ديرة

وروس اخوتي اعله الرمح تنظر اليه
جفي ملفوف بحبل وي جف رقية
*ميته كون بهالوكت اني عساني .......
*واليسر دربه طويل وعذباني ............
وين اروح ............وين اروح
------------------------------------
بالخرايب كعدونه وتنشد الناس
شو الوحدج ها يزينب وينه عباس
جلمة الشامت سهم وتصيب الاحساس
كمت احسن روحي تطلع وي الانفاس

كون اموت ولا يكلولي يزينب
وين اخوج البالحرب كال انا متعب
*شرد اكلهم راح عباس ونساني ........
*واليسر دربه طويل وعذباني ..........
وين اروح ............وين اروح
------------------------------------
ومن اشد ذيج الهموم وذيج الالام
بغربة صارت موتتي ياويلي بالشام
عندي جانت امنيه وهالصارت اوهام
موتتي يمك تصير وجفني ينام

حتى من اشتاك اشم عطرك وزورك
وي ابوفاضل تبادلني شعورك
حتى حلمي تبدد بلحظة وثواني....
*واليسر دربه طويل وعذباني ......
وين اروح ............وين اروح
------------------------------------
خلصت عمري هضم انا ومآسي
والزمن ضدي يخويه وحيل قاسي
بس وحقك ما هبط فد يوم راسي
انا تربات الصميدة وعالي باسي

ما سمع صوتي عدوي من اونن
والمصايب تشتعل وبصدري يطفن
يالي تسأل هاي قصتي وزينب آني.....
*واليسر دربه طويل وعذباني ..........
وين اروح ............وين اروح
------------------------------------

الشاعر : محمد الهاشمي

الشاعر حسن لعيبي الحريشاوي:
ياصاحب العزيه بجتك يارزيه
يلماتفض احزانه يلمهدي يامولانه
بجتك يارزيه
..............
.
من اول الطف وعذابه بدت ساعة غربتك
اودعت راحة الدنيا استقبلت حر دمعتك
يارزيه المنها تبجي جمره تلهب سوتك
كربلا مهموم تمشي طول عمرك خلتك

ياصاحب العزيه زينب مشت سبيه
عمرك حزن عنوانه يلمهدي يامولانه
بجتك يارزيه
.................

على الاكبر تهل عينك من رجع يشكي العطش
لوعلى جسمه التكطع جسمه علغبره انفرش
يوم لموه ابحصيره وصارت الجسمه نعش
كبال ابوه انذبح لمن حاطته فلول الدغش

طاح الهلال وضيه ماعافته المنيه
انهدت الحيل اركانه يلمهدي يامولانه
بجتك يارزيه
..................

علكمر مولاي تنحب من وكع يم النهر
لاجفوف وعين ظلت ذبحته جفوف الغدر
شكثر للعباس عمك صبت عيونك جمر
وبعده كلبك علمصابه اشد كسره منكسر

حقك تعيش بلوعه جفوف البطل مكطوعه
وطاري الاخو بلسانه يلمهدي يامولانه
بجتك يارزيه
........................

لوعلى القاسم حسرتك يوم من شاف الحسين
وحده بين الكوم واكف لانصير ولامعين
الباع روحه لاجل عمه وكصد جيش الظالمين
حاطته جيوش الاعادي عن شمال وعن يمين

القاسم مكطعينه وبدمه مغسلينه
مارحمته عدوانه يلمهدي يامولانه
بجتك يارزيه
..........................

علرضيع شكثر ونتك عشت كلبك منصدع
من العطش يابس لسانه ومثل ورده التنكطع
راد مي يسكي رضيعه حسين بيه لمن طلع
بالسهم مكطوع نحره جابه للخيمه ورجع

فاض الرضيع بدمه مذبوح رد بيه لمه
طير اكسروا جنحانه يلمهدي يامولانه
بجتك يارزيه

..........................

لوعلى حسين وغربته شوفك من الحركه راح
غارت عليه العساكر لاحته اسهام ورماح
البلرمح مرفوع راسه وعلى الغبره جسمه طاح
الف طعنه والف ضربه صدره مهبط للجراح

ماينوصف مصابك ولوعاتك وعذابك
روحك هظم خلصانه يلمهدي يامولانه
بجتك يارزيه

الشاعر حسن لعيبي الحريشاوي

احتاج لسجدة…. علـّى ارض كربلاء
اهمس فيها لرب السماء
عشقت #العباس ع لحد الجنون
فأحشرني معه يا اللّـہ...💔 ■●

جانت سوالفنه دموع بس ما حجينه
اتشابكنه خويه الحد ما سومر حجينه
روحي ضلت وياك
وكلبي صعبه ينساك
*******
ما امعودني اعله هجرك يالعشت بيه
جانت اوياك السوالف كلها حنيه
غاليات وداعت الله عيونك اعليه
خويه والعشره الطويله صارت اشويه

يوميه افزن بليل واتذكر الراح
ويحسين من كد فركاك لزمني الاصفاح
يكتل خويه فركاك
وكلبي صعبه ينساك
**************
صورتك ياخويه عندي ذكره خليها
حته من اشتاك اشمن ريحتك بيها
اتحيرت بجروحي كلبي اشلون اداويها
اسنيني كبرت والمصايب كبرت اعليها

بله اعله كيفك وياي يا شيب الفراك
عود امن اذكرنك ليش تذبحني الشواك
وينك دمعي ناداك
وكلبي صعبه ينساك
*************
عيوني حكها حسين خويه الليله تبجيلك
امن الشمس كمت بعباتي خويه افييلك
اشكثر يبن امي المصايب خذت من حيلك
لا تخليني بعذابي كتلك ادخيلك

يالنايم اعله التربان نوم العوافي
كل ساع اصيحن بالخيل خلنه غافي
سابح خويه بدماك
وكلبي صعبه ينساك
********
البارحه اشكد حلوه جانت خويه لمتنه
وبالمجان البي كعدنه بقت ريحتنه
ليش هيج ويانه تقسي اشبيها دنيتنه
واحد عيونه اعله الاخر خويه خلتنه

واشكد وكف بينه الشوك حد ما مشينه
واحد بقت خويه اهناك عالثاني عينه
ضلت روحي تنعاك
وكلبي صعبه ينساك
********
انته يارب المحنه اشكد حنين انته
ياهو كلي وهوه ميت ما يعوف اخته
اسمك ورسمك حبيبي بكلبي شايلته
من رحت يحسين عني راسي شيبته

يبن امي تدري بعيني جم ذكره ماتت
وياخويه راحت بالي من عندي راحت
بيه باقي ذكراك
وكلبي صعبه ينساك
********
الليله زينب خويه حكها اعله الزمن تعتب
انه اصعب وحشه عندي من يجي المغرب
شككت كل الرسايل والدمع يكتب
اشما اون ريح النوايب نسمه نسمه اتهب

يالماشي لخيامك عود ما بيه لجمات
تكتلني وتهد الحيل يا جلمت المات
اتكاثر نوحي بجفاك
وكلبي صعبه ينساك
*********
تمت
تحسين الخفاجي

تم نشر قصائد جديدة للعشره الثانيه مع الالحان
@Saadhadi83

نار...نار...بيه من طف كربله
نار...نار...عَلّي شردن بل فله
نار....نار
.
.
نار بيه لسه من حرگ الخيم
تاكل بگلبي او توج نار الألم
لسه بعيوني تفر والله الحرم
بلا معين او بالضرب صار الكرم

عين...عين...عيني بيها بس سبي
عين...عين...دوم عالطف هامله
.
.
.
لسه اشوفن عمي واكع عالنهر
ابلا جفوف او لا عمامة او لا نحر
واكع او كاسر لبوي اكبر ظهر
واخته تنشد ليش غايب يالكمر

وين...وين...تنشد اخته او ما يرد
وين...وين...طايح بهالمعظله
.
.
.
اكبر اجروحي لمن شفت الشمر
رافع الراس الخضيب او مبتشر
طاح حيل الجان عندي والصبر
والكتلني صد كترنه او مفتخر

اشلون....اشلون....اكدر انسى هالفعل
اشلون...اشلون....انسى نوح العايله
.
.
.
اشكد ردت موتي انه بالارض الطفوف
ويه ابوي احسين تاخذني السيوف
او عنه ما تمنعي يا ريت الظروف
حتى عنه الموت ادفعه بهالچفوف

هاي...هاي...منيتي او كل الرجه
هاي...هاي...كون بيه حاصلة
.
.
.
اه يوم فرت كل اهلنه بالعره
والخيم نيران بيها اموجره
من شفت والله رقية حايره
ردت موتي او لا اشوف الي جره

خوف...خوف...بيها اشوفه مشتعل
خوف...خوف..ابگلبه الفاكد هله
.
.
.
فاضل عباس الخزاعي

#زين_العابدين

♡اللهم صديقاً يكون قلبي معقوداً بقلبه♡ حتى اذا دعا الله قال،، اللهم ورفيقي♡ معي. 💙

Custom Commands

تم نشر قصائد جديدة بالطور النسائي @h_ameer4

كلشي اخذ من السبي .. بس اظل بنت النبي
الدنيه انه الحَجبتها
بالحجـاب الـزيـنـبي
----------------------------------

لاتجرئون .. مــن تــذكــرون الجــره والــصار بــــيه
لاتجرئون .. (علي) خدري وعفتي (الزهره) الزچيه
لاتجرئون .. صـح مشــيت اويــه الشـمر انــي سـبيه
لاتجرئون .. لـــچــن خــــدر الدنـيه لابــسـته عـــليه

لا تـهـتكـون الـســتر .. ابخدري حيرت الخدر
خافو الله بالعقيـله
من يمر طاري العبي
----------------------------------

انه زينب .. كلي عـفه وهــاي عـــني مـو بعيـده
انه زينب .. اليذكر اسـمي كـون يتــوضه اريـده
انه زينب .. غايـب العـبـاس شـفــتوني وحـيده
انه زينب .. اشعر ابسـوط الشمر بشچم قصيده

انـه بــت البالنجـف .. زينب انه ام الشرف
المعارفنــي راح اگــله
الشرف ديني ومذهبي
----------------------------------

بت محمد .. النـبــي وامــي والـدي لــَمــن يگـــعدون
بت محمد .. امن اسمي جبرائيل يخجل من يذكرون
بت محمد .. طـولـــي ياهــالــناس بالله لاتــوصــفون
بت محمد .. تـره يـزعــل كــافـلي وبالــگمــر تــدرون

والـيـزعــل كـافــلـي .. منه شيخلصه وعلي
ابو راس الحار ينغر
من احلفه ابمعصبي
----------------------------------

من سبوني .. والله ادري الدنــيــه بچــاها مـــصابي
من سبوني .. ال امـيه اتــفــننــون هــمــه بــعــذابي
من سبوني .. كلشي من عندي وگع بس ظل حجابي
من سبوني .. طـولي ماشــافوه بــس شافــو سرابي

چنت عالناگه ضوه .. وستحه مني الهوه
الله مايرضاها امشي
انــي ويــه الاجـنبي
----------------------------------

راسي عالي .. ظنهم ايـذلوني ابــرحله طـويله
راسي عالي .. وانه ادري ابها المصيبه مو قليله
راسي عالي .. چنـت بس بالليـل المــدمع اسيله
راسي عالي .. حـتى ميگــولون زينــبكم ذلـيله

چنت من ابچي همس .. بيــه لا واحـد يحس
لايشوفون المدامع
الطغــاة ابمــوكــبي
----------------------------------

لاتسألون .. مـنو هـاذي عالهـزل يانــاس كـافي
لاتسألون .. لايـفز راس الاخـو الـعالرمـح غـافي
لاتسالون .. الـشام مــن طبيـته حيرته ابعـفافي
لاتسألون .. زينــب وتسبـيحة الزهـره ابشـفافي

نـَزلت روس الزلم .. وشامهم ظـلت اسم
انتهت لمَن صحت بيها
هــا يــشــام اتـهــذبــي
----------------------------------
حيدر تركي الكربلائي

عماك الله اكسرت ظهر المضيف شبيك

العاشر ماخلص تونه عله بيبانه

حسين اطاكم العباس والعباس

من اتطيح رايه ايطيح صيوانه

انه حرمه وجبيره ومالي كدره عليك

بس جان استحيت اكبال ديوانه

هدمت البيه إدلال الحسن متربيات

مضيف و طين بس البخت بلسانه

ومن شفتك اتهدم غمضت والله

عبالي خيم والجوه نسوانه

يل مالك حيه ولا ربعك ايشيمون

كلمن كادر عله الماله عوانه

هدمتوا ابيوتنه وراضين خل اتطيح

مضيف حسين هم متجاوز اهنانه

شهدمت التجي المشايه بيه ترتاح

هسه ام البنين عليك زعلانه

انه الماباجيه بس بشهر عاشور

بجت من شافت امطيحين حيطانه

مضيف وبيه كسر ضلع ام حسن ملجوم

وعلي مايقبل اتهدمون باركانه

(يمه عمت عيني اتعوضج الزهره ع)

محمود الموسوي

كربلائي 3 دگات..

يــاخـويــه يـاعبـاس الحـگ عـلـيـه
جــاني الشمر ويـريد امـشي سبـيـه

ياخـويه گـوم ابسـاع عـوف الشـريعه
ردعـيـنك وچـفـيك خـويـه الگـطـيعـه
يسـبـيني شمر ايـريـد وانـي الـوديـعه
الحــگ حــبل عبـاس شــدو بـديــه

بـيدي يــبـعد العــين شــداها الحـــبال
ودمع الهضيمه ادموم من عيني من سال
هـسه الخــدر ياحــيف اتحـيطه الارجال
وچــان اسـمي زيــنب حيف الهاشمـيه

الهـاشـمـيـه انــي يــاخــويـه وسـفــه
گـامـت تصـدني عـيون ياخـويه صـلفه
ويضـربـني گـام ابـسـوط بـيـه ايتـشفه
ومــن شتـمـه صـار المـوت اهـون عليه

اهــون علـيـه المــوت بــس لا يـسـبنـي
لطـگــاتــه مــاهـمـيت لـمـن يـطـگـنـي
بــس بـالشـتـم يـاخــوي رايـد يـذلـنـي
الهــاضـمـنـي يـاعبـاس ســب الـزچـيـه

ســب الزچــيـه وگــام يـشـتـم ببــوهـا
وامــتونــي يـاعبـــاس هـالــورمــوهــا
اخــتك سـبـي لـلشـام الحـگ خــذوهـا
وچـتال اخــيي صــار اليحـــدي بــيــه

چــتال اخــيي صـار حــادي الضـعينـه
مــن فــزعــتك عبــاس چـــا ايـسـينـه
يامــن جــبتـني بــزود مــن المــديــنه
راح ادخـــل الديـــوان ابـــن الدعــيــه

راح ادخــل ابــديــوان وانــي الامــيره
ياخــويه بيــن ارجــال ماعــدها غـيـره
فرصــه واجــت ليــزيـد زيـنب اسـيـره
ايـصـب عـليــه احــقاد كـل ال امـيــه

الشـاعـر عـقـيـل الحـسنـاوي..

اللهم صل على محمد وال محمد 🌺

‏السّلامُ عَلى الشّيبِ الخَضيب..
السّلامُ عَلى الخَدِّ التّريب..♤
السّلامُ عَلى الثّغرِ المقروعِ بالقَضيب..
السّلامُ عَلى قلبِ زَيْنبِ الصّبُور..♡
السّلامُ عَلى لِسانِها الشّكُور..
السّلامُ عَلى أُمِّ المَصائِبِ زَيْنَب..♡

• ‏اريد ادخل ضريححک •
• وأجذب الونـآت ؛○
• واشڪيلڪَ هُموم التعِبت ڪَلبي 💔'

"