MOMSAR

ТЕШАМЕ НАКЪОСТ ЙОЛУШ ЧЕКХЪЙЕЛИРА ИЗА
(Лоьмас яьккхина "рентген")

(Хьалхара дакъа)

#дагалецамаш

Сан 10-11 шо долуш дар иза, дериг самукъа буьрках ловзар дар сан а, вешин а бериг тхан накъостийн, цхьа а вацар тхуна юкъахь дийнахь буьрках ца ловзуш, буьйсанна гойтуш нисделча телевизор чохь футбол ца хьожуш, деана ло хилча а ловзар, догӏуш догӏа хилча а ловзура, дериг даша дой. Тхан майда оха хаьржинчу хенахь ериг тӏехь баьӏаш долуш яр, цунна тоха мангал, метиг яцар тхоьгахь, цундела оха тӏоьхула идана къар дир ах майдана тӏера баьӏаш, ткъа важа ах, уьш андий дар, тхан голел дар уьш, цара тхо къардира))
Тхан майданна уллехь охьа доьдуш кхин башха кӏорга доцуш хи а дар, наггахь буьрка цу чу южий дӏахьора, арахь шийла яр аьлла ца ӏаш цхьаъ сиха хечин когаш хьала дина хи чу ваьлла тӏаьхьа вада везаш вар))
Иштта цхьана дийнахь буьрканна тӏаьхьа ведда воьдуш и хи чу йожали аьлла сихвелла дӏа кхоссавелла кӏажа цунна дуьхьала биллина кура сацор ю аса и аьлла сай дагахь кхоссавели со, амма сан кӏажа цунна дуьхьала ца нисбелира, нисса цунна тӏе нисбелира, тӏаккха ойла йе ахьа тӏехӏотта безаш болу ког сих керчаш йолу буьрканна тӏехь нисбелча хӏун хир ду! Нийса бах ахьа, изза хилира суна а, секунда ялале сан ши ког стиглахь бар цхьа 1,5 метр гергга лакхахь, ткъа корта лахахь, сай ма-хуьллу дуьхьала ши куьг дилла гӏиртира со охьа кхеташ лаза ца вайта, амма йа лекха ирах кхоьссина хиллехь, йа куьг нис охьадиллина ца хиллехь а охьа кхетча аьрро куьг чӏогӏа лаздира сан, тоха са доцуш лазделира...
Арахь садовш дара, ӏаш долчу меттигана генахь хиларна сиха цӏа даха деза вай аьлла, дӏа дуьйла делла, сайн свитерах сайн куьг коча олла гӏайгӏа бина и коча оьллана вар со, ткъа соьца берш мацбелла бетош охкина бар, со а вар уьш санна батт уллура волуш, амма куьйго дериг дицдинера))
И буьйса чӏогӏа и куьг лозуша дагар хьала даьлла яьккхира аса, ӏуьйранна сама ваьлча и жимма сенделла, дистана кардира, тӏаккха тхан нанас (Аллахӏа декъала йойла иза) лулар Лоьмина гайта деза, Лоьма дика кхеташ ву бах аьлла, цунна тӏе вигира со. Делахь а, Лоьма и куьг гича кхачам бийра болуш ца хиллера...Лоьмина сан куьг шен куьг долуш санна хаадала дезаш хиллера)))))
Хӏинца иштта яздеш беламе ду хӏара, амма цо сан куьйганна тӏехь динарг цхьанна бусулба стагна ма гойла! Ша хьекъала долуш гайта лааро, шена "ца хаьа" ала ца лааро адаме дукха гӏурт кега бойту...
Атта таӏзар дацар Лоьмас суна динарг, аса дагаро воттуш, куьг лозуш яьккхина буьйсанах моз тардира суна Лоьмас. Тхан нана (Аллахӏа къинхетам бойла цунах) со Лоьми кар дӏа а велла, цуьнан зудчуьнга йиста хила дехьа яьллера. Кхин дӏа йолу 10-15 минотехь со Лоьми карахь вар, хиланза велира!... Лоьма ша онда стаг вар. Цо шен пӏелгашца рентген яьккхира сана куьйгана, амма ца яьккхира цхьа тӏоьхула яьккхина ӏад а ӏаш, мелхо шен андий куьйгашца гӏарчӏ аьлла куьг тӏетта ӏуьйдуш, нисса оцу иккхина йолчу даьӏахканна чу пӏелг теӏош, шегахь ницкъ мел бу чӏогӏа, цо дукха лазавеш валлахӏи велха ца вилхинехь а, бӏаьргара шаьш хиш дар охьа оьхуш, цергаш яр вовшаха етталуш кӏац-кӏац деш))
И таӏзар дина ваьлча Лоьмас сацам бира, "кӏентан куьг кагделла!"
Сан дахарехь дуьххьара кагъйелла меже яр иза, иза цхьа сингаттам хеташ хилла волу Лоьми рентген дӏа йирзинчул тӏаьхьа цхьа а сингаттам хала бацар лан... Шолгӏа дийнахь нанас Шела вигира со, лоьранна гайта вуьгу аьлла, цига ваха новкъа ваьлчахьана, нене дехарш деш, гипс ма тохийтахьара ахьа суна бохуш, лор волче чу кхечира тхо, цигахь цара хила ма езза рентген яьккхира суна, делахь а, бакъдерг бакъ хила деза Лоьмас аьлчул сов хӏумам ца элира цара. Лоьма ши куьг жимма буьрса делахь а, говза хиллера. Цара кхин ловза ца веш, гола тӏе кхаччалц хьала гипс тоьхна, и гипс дика йакъа йаллалц дӏаса ма сеттаде куьг аьлла, цара и тохарна оьгӏаза вахана цу чура ара волушшехь сай ма хуьллу сетто вола велира со и гипс йохо, амма куьг гӏийла дар, ткъв гипс сиха йакъалуш хиллера... Цӏа даха новкъа делира Нана а, со а, цӏа кхаччалц хӏара хӏунда тохийти ахьа суна, со иштта толура ма вар бохуш векачара ца соцуш цӏа кхечира.
...

1.6K views17:52