قصائد الليلة الأولى محرم:
https://t.me/joinchat/AAAAAEhaEXcHMRmRXb5HnQ

قصائد الليلة الخامسة محرم

⬛️◾️▪️⚫️﷽⚫️▪️◾️⬛️
.
الجزء الثاني

•● *(نواعي بأوزان مختلفة للسيدة فاطمة الصغرى العليلة عليها السلام)* ●•

▼△▼△▼△▼△▼△▼△▼

الطور ؛ نعي (يمه انا زينب) و غيره


يا بـويه يا بـويه ، مشتاگه لعيونك
يا بـويه يا بـويه ، وادفني بجفونك


حـلمــانه هـاللـيله ، دنــيتـنه اتغـدرك
مطروح عالغبره ، دم يجري من نحرك
و إخيام محروگه ، زينب تون كترك
و أطفال مضروبه ، يبچون وينخونك

يا بـويه يا بـويه ، مشتاگه لعيونك
يا بـويه يا بـويه ، وادفني بجفونك


گلي الحلم باطل ، و انتَ ترد سالم
ويعود إلي الأكبر ، و يزف لنا القاسم
مشتاگه لك بويه ، هم حگ قمر هاشم
أنـذر إذا تـرجع ، أفـدي العمر دونك

يا بـويه يا بـويه ، مشتاگه لعيونك
يا بـويه يا بـويه ، وادفني بجفونك

◆◇◆◈◆◇◆

لسان حال العليلة عليها السلام و كتابة الرسالة...

الطور؛ نعي ، (يمه قد عمر الورد) و غيره


أكتب * لأهلي الفارگوني و ما أجوني
أكتب * مكتوب ابحبر دمـعة عيوني
أكتب * و الرمش القلم يروي شجوني
أكتب * قصة شوقي وأدري ما نسوني


◆◇◆◈◆◇◆

كأني بلسان حال الإمام الحسين عليه السلام ، حينما قرأ رسالة ابنته فاطمة الصغرى عليها السلام ، ظهر عاشوراء...

الطور ؛ نعي (سامحيني-للحجيرات) او (المؤيد4) وغيره


يالعليله * يالعليله
هذا مكتوبچ وصل بالغاضريه
يالعليله * يالعليله
ريتچ ابقربي و تشوفين الرزيه
يالعليله * يالعليله
ما دريتي أهلي راحوا من ايديه
يالعليله * يالعليله
ما أرد لچ و العدو ناوي عليه


آ يبنتي * آ يبنتي
لو نشدتي عالقمر ، عالشاطي مطروح
آ يبنتي * آ يبنتي
هذا الأكبر مختضب من دم الاجروح
آ يبنتي * آ يبنتي
لا تهــزين المـهد ، عبد الله مذبوح
آ يبنتي * آ يبنتي
و الشمر حالف يجيني و ياخذ الروح


◆◇◆◈◆◇◆

كأني بحوار بين العليلة و عمها العباس عليهم السلام...


الطور ؛ نعي كل ما يناسب وزن *البحر الطويل*
يقرأ بأطوار #النعي ، ك ؛
1 التغريد الحزين
2 لفى عاشور
3 آنه اللي شفت نارين
4 يا تالي هلي يحسين
5 يا سلاب تاج حسين
6 من دارت عليه القوم


يعـــمي يـا أبو فاضل ، أتــاني رجعــِتك ليه
وعد انطيت تاخذني ، لبـويه و أحتمي ابفيه
شنو اللي أخرك عني ، أخافن ما إلك جيه
حِلمت الرايه عالشاطي مطروحه وكترها چف


يفاطم بـالله لتعتبين ، عتبــچ يكــسر الخاطر
قسم مو بيدي أرجعلچ ، سهم ماخذ ضوه الناظر
جبيني بالعمد مهشوم ، بـاقــي عـالألـم صـابر
چفوفي عالثره طاحت وأحس صار الأرض يرجف
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء

تمت بحمد الله تعالى
*و نسألكم الدعاء لتعجيل الظهور*
ــــــــــــــــــــــــــــــــــــــــــــ
#القصائد_والنواعي_والأطوار_في_الرابط 👇🏻👇🏻

https://t.me/joinchat/AAAAAD8_rhRMz0RN2ZsQJg

تابع قناة أطوار أشعار الملاية المؤيد على اليوتوب 👇👇

https://www.youtube.com/user/ze14mo

#انشروا_وشاركونا_في_الثواب
.

#محرم
#ابوذيات


جدّي باللحد ضمني يَجَداه
لدمومي الخصم عزمه يجِدَه
شيفيد الوعظ بيهم و يجْداه
الأُمّه خالفت بيك الوصيّه

ويلي عالزمن هل بينا من دار
ألوان الكدر يا وسفه من دَر
انوار الوحي مطروده من دار
طلعت بالأسىٰ للغاضريه

حَنَّت بالگبر مكسوره ضلعين
فاطم للبچي بس إلها ظل عين
و نادت للولي يَوليدي ظل عين
گلبي ع الحزن وَيّه الرزيّه

أبو شهيد الأحسائي

https://www.ⓣelegram.me/manbarhoysayne1

# محرم ١٤٤١
#طور الفراق


انه زينب..امشي واعثر بالفله
انه زينب..إشصار بيه ابكربله
انه زينب..بس دموعي سايله

انه زينب..انه اجيتك و اعتنيتك
انه زينب..بلا نَفس خويه لقيتك
انه زينب..يالعفتني وعفت بيتك

آه لقيتك ..طايح ودمك خضاب
آه لقيتك..موذر اموسد التراب
آه لقيتك.. دامي ومسلب ثياب

🖊خادمة أبالفضل
t.me/manbarhoysayne1

#محرم
#خروج الحسين ع من المدينة
#طور : يمه ذكريني


سافر المظلوم .. لكربله وعاف الديار
وي أهل بيته .. يحدي بهذا المسار
من وطن جده _ للغاضريه
وي أهل بيته .. يحدي بهذا المسار
سافر المظلوم .. لكربله وعاف الديار
〰〰〰
من المدينه .. طلع لحسين بهله
ومن قبل مكه .. رايد يقصد كربله
بمدمعه ودع .. سيد البريه
وي أهل بيته .. يحدي بهذا المسار
〰〰〰
صاح آيا جدي .. قلبي من الدنيا ضاق
وي أهل بيتي .. قاصد لأرض العراق
ماخذ اعيالي .. و الفاطميه
وي أهل بيته .. يحدي بهذا المسار
〰〰〰
رايح يجدي .. وماخذ اوياي العيال
لدرب الشهاده .. بروحي شديت الرحال
واتركت بالدار .. بنتي الزچيه
وي أهل بيته .. يحدي بهذا المسار
〰〰〰
أدري يجدي .. بكربله نشوف الصعاب
بيها الحرايب .. وتنقطع بيها الرقاب
وادري بدربي .. درب المنيه
وي أهل بيته .. يحدي بهذا المسار
〰〰〰
وينچتل عباس .. اهناك ايظل عالمشرعه
وجاسم العريس .. هم اشاهد مصرعه
ويم علي الأكبر .. جثته رميه
وي أهل بيته .. يحدي بهذا المسار
〰〰〰
أدري مانسلم .. ياجدي من القتل
وأدري بزينب .. تركب يجدي هزل
للكوفه والشام .. تمشي سبيه
وي أهل بيته .. يحدي بهذا المسار
〰〰〰
وأدري ببناتي .. تجرع الهم والمرار
وزينب اتباري .. ياجد اطفالي الصغار
بذيچ الخرابه .. تفقد رقيه
وي أهل بيته .. يحدي بهذا المسار
〰〰〰
تمت بحمد الله تعالی
✒ بقلم الشاعرة/ فاطمہ كريم

▪️قصيدة في خروج الإمام الحسين عليه السلام من المدينة ٢٨ رجب / مع أبيات جديدة في ختامها.

يا راحلينَ إلى المنونِ تمهَّلوا
مَنْ للْمدينةِ بعْدكُمْ إِنْ ترْحلوا؟!

هذي الديارُ غدتْ تسحُّ دموعَها
وتجرُّ آهاتِ الوَدَاعِ وتسْألُ

أتُرى يعودُ بِنَا الزمانُ ونلتقي؟
أمْ إنَّهُ السفَرُ البعيدُ الأطْوَلُ؟

يا راحِلينَ أرى النِّياقَ تسمَّرتْ
في أرضِها! أفَهَلْ درتْ ما يحصلُ؟

ظعنَتْ يظلّلُها الكفيلُ برايَةٍ
ألكــوْنُ تحتَ جــناحِها يتـظلَّلُ

في عينِهِ اليُسرى تسيرُ محامِلٌ
ويسيرُ في اليُمنى لزينبَ محملُ!

إِنْ مالَ..مالَ القلْبُ عَنْ خفقانِهِ
فدنـا عــلى عجـلٍ إليْهِ يُعــدِّلُ

يا راحلينَ أنا العليلةُ فاطمٌ
أأظلُّ وحديَ ،مَنْ تُراهُ يُعلِّلُ ؟

خلّوا "الرضيعَ" هنا ، فقلبي يلتظي
شوقاً ، وهذي الروحُ لا تتحمَّلُ

خلُّوا "الرقيَّةَ" كيْ تُسلِّيَني إذا
أمسيتُ في ليلِ الأسى أتململُ

بعدَ "الحسينِ" فلا السماءُ وسيعةٌ
وبِبُعدِهِ في الأرضِ ضاقَ المنزلُ


https://t.me/AliOsailyAmily

لا يـبـعدنَّ وإن تـغـيَّرَ مـألف...بـالـجمعِ كـانَ يـؤلفُ الأحـبابا
ولـقد وقـفتُ فـما وقفنَ مدامعي...فـي دارِ زيـنبَ بـل وقفنَ ربابا
فـسجمتُ فـيها مـن دموعي ديمة...وسـجرتُ مـن حرّ الزفيرِ شهابا
واحـمرَّ فـيها الدمعُ حتى أوشكت...تـلـكَ الـمعاهدُ تـنبتُ الـعنّابا
وذكـرتُ حـينَ رأيـتها مهجورة...فـيـها الـغرابُ يـردّدُ الـتنعابا
أبـيـاتُ آلِ مـحمّدِ لـمّا سـرى...عـنها ابـنُ فـاطمةَ فـعدنَ يبابا
ونـحا الـعراقَ بـفتيةٍ من غالب...كــلٌّ تــراهُ الـمدركُ الـغلابا

وتـنادبت لـلذبِّ عـنهُ عـصبة...ورثـوا الـمعالي أشـيباً وشـبابا

خـفّوا لـداعي الحربِ حينَ دعاهم...ورسـوا بـعرصةِ كربلاء هضابا
أُسْـدٌ قـد اتّـخذوا الصوارمَ حلية...وتـسربلوا حـلقَ الـدروعِ ثـيابا

يـتـمايلونَ كـأنّـما غـنّى لـهم...وقــعُ الـظُبى وسـقاهمُ أكـوابا


وتحزَّبت فرقَ الضلالِ على ابن مَنْ...فـي يـومِ بـدرٍ فـرَّقَ الأحـزابا
فـأقامَ عـينُ الـمجدِ فـيهم مفردا...عـقـدت عـليهِ سـهامُهم أهـدابا
أحـصاهمُ عدداً وهم عددُ الحصى...وأبـادهم وهـم الـرمالُ حـسابا

قوّض ظعونه من المدينه وسافر حسين...خايف ومن خلفه محمَّد وام البنين


وحالة محمَّد ياخلق تشجي الأعادي...مشقوق جيبه ويلطم الهامه وينادي
يحسين لَتسوق الظّعن ذايب افّادي...وكلما تلومه النّاس يصفج راح اليدين


امْن الوجد نشفت دمعْته ولو نهض طاح...وكلما يسلّونه جذب ونّاته وصاح
لحّد يسلّيني ترى منّي الأخو راح...كلكم متدرون ابمصابي يامسلمين


هلّي يقودون الظّعاين هالنّشامه...قلبي مهو باني عليهم بالسّلامه
خايف يرد هالظّعن بس نسوه ويتامه...ريّض لخيك بالظّعن يا قرّة العين


يحسين سلطان البلد لو عزّم يشيل...تطلع النّاس اتشيّعه و تسرج على الخيل
وانتَ يسلطان المدينه تطلع بليل...يحسين ويّاكم اخذوني ياضيا العين


تتنومس ابنصرك يبو سكنه الأجانب...و آنه نصيبي الحزن وامقاسى المصايب
ليّه الفخر والصّيت بايّام الحرايب...قاسيت أنا اهوال الجمل وايّام صفّين


تدري بجسمي من المرض يحسين متعوب...و الجبد منّي امفطّره و القلب مشعوب
و انجان فارقني جمالك جسمي يذوب...مقدر أشوف ابيوتكم يَبن الميامين

ودع وطن طيبة حسين
ولكربلا تعناهه
حفت بالضعن عدنان
وتعنت مناياهه

يثرب حين ودعها
وعنها الضعن راد يشيل
سمعت هاشم بنيته
ناوي على المسير بليل
لفاه محمد يناديه
ودمعه على خدوده يسيل

ناوي بهالضعن لاوين
ماخذ كل هلك يحسين
لاتضعن يا نور العين
يثرب ما تود فرگاك
ليش تريد فرگاهه


ليش بضعنك بهالليل
طالع من وطن جدك
يظلم من عگب عينك
وهاشم تنذل من بعدك
إنجان الگصد للكوفه
إترك يا فحل گصدك

لا تضعن لواديها
تخونك بس تصل ليها
ياخويه نسيت أهاليها
وخوك شسوت وعوده
تدري بكل فجاياها

لمن سمع حجيه حسين
ون وصفگ إيد بإيد
يگله عداي يردوني
ابايعهم وطيع يزيد
واگضي العمر بالذله
يخويه لهالعمر ماريد

خليني ارشد بنيتي
وآخذ كل أهل بيتي
بالعز رايد منيتي
عليل الدين يامحمد
ودمي لعلته دواهه

هيهات أصبر على الظيم
وعليه تغمض عيوني
لن صوت العليله تصيح
ياهل الضعن تانوني
صاح ارشد ياحادي وسير
وتجدم على ضعوني

ياهلي وياكم إخذوني
عگبكم تعمى عيوني
وحدي لا تخلوني
فرگاكم هدم حيلي
وروحي المرض اسلاهه


ياويلي من سمعها حسين
رد من الضعن ليها
گعد يمها يصبرها
على فرگاه ويسليها
يگلها يا ضوه عيوني
دمعتج لا تهليها

يابويه للوطن ردي
وخليني ارشد بگصدي
ونتج ذوبت جبدي
تراني من اسمع ونينج
روحي تزود بلواها


تگله شلون اتم وحدي
ولاعرف وين منواكم
عگبكم من يصبرني
ويسليني على فرگاكم
يابويه وياكم إخذوني
أموتن واحتيي وياكم
مني ليش تتعذر
وآنه على البعد ماگدر
ضعنكم ناحر بهالبر
ولا أدري رگايبكم
وين يصير منواهه

جاوبها عليله إنتي
يابويه وخطر مسرانه
وخاف من التعب ياذيج
لو خذناج ويانه
كلنا هنا وبعد ايام
اودي لج الريحانه

يجيبج والشمل يلتم
گلبج لا يظل يهتم
گلبي عليج يتألم
لو شفتج بهالحاله
روحي الحزن يسلاهه

تگله كلكم تغيبون
وابگه بهالوطن وحدي
مالي حيل فرگاكم
وذاب من الحزن جبدي
يابويه عاد خليلي
عبدالله الطفل عندي

بلجن يرد وحشتكم
يسليني على فرگتكم
خاف تطول غيبتكم
خاف دمعتي تجري
ولا ينگطع مجراها

گلها شلون عبدالله
نمشي وعندج نخليه
عليه أمه شيصبرها
وتصعب فرگة أمه عليه
خويه حرمله ظالم
لخوج بكربله يتانيه

صايغ له لخيج طوگ
لبسه بس عليه يلوگ
جنه عاشگ ومعشوگ
يطوّگ رگبته بنبله
تظل للحشر وياهه

كون من الدليل تشوف
أخيج سابح بدمه
وسدر بيه للمخيم
ومني تاخذه أمه
نوبه تشم وجناته
ونوبه بمنحره تشمه

وساعة تخمش بخدها
ولا يبگه عگل عدها
بويه الله يساعدها