هلال محرم مقدمه

يهلال انته نورك يجرح احساسي
لو ادري بطلعتك ماشلت راسي

لو ادري بطلوعك ماشلت هامي
انته هذا لو كربله الكدامي!!!!
اشوفن بيك اخوتي ودمعة ايتامي
جبل فوك النهر ماادري عباسي
*
ماناسي الكلب والعبره خنكتني
مو حسبالك الايام نستني
انه هاي اليالي هوايه بجتني
ماناسي الكلب لاوالله ماناسي
*
ماناسي الكلب بس توجع الذكره
ويقين اليله كامت تنحب الزهره
الجفن لو مادمع هليله ماعذره
تره اسلوب الحزن مابيه رحم قاسي
*
يامن صورتك تشبه مهد خالي
ومهد عبدالله من شفتك اجه ابالي
عند امه الطفل تدري اشكثر غالي
تكله انته حبيبي ولذت انفاسي
*
مثل سن الصوارم سنك اتصور
شايفتك كبل يمكن ويه العسكر!!
اشكن الك طعنه بكلب ابو الاكبر
ومشارك بكطع اجفوف نوماسي
*
ياهاي المسيه وين ردتني
وانه واكفه الكربله ودتني
اعله تل الزينبي هل الذكره مرتني
واسيني بدمع يل رايد اتواسي
***
سعد العبودي


-

#اول_محرم
1439هجريه

اول ليله بمحرم يوسفنا بقى بحيره
يذكر زينب الحره ويذكر عمه ابو الغيره


اول ليلة بمحرم المهدي يجذب الحسره
هلال الشوم يمحرم بيك اقلوب متوجره
بيك حسين ظل حيران انصاره اموسده الغبره
وشاطي العلكمي يهلال عالكافل حنى ظهره

اول ليله بمحرم يوسفنه بقى بحيره
يذكر زينب الحره ويذكر عمه بو الغيره
&&&&&&&&&&&&&&

يباوع للسمه المهدي وبيهه كل نجم تذكار
بيهه الاكبر اينظره شابح للابو الانظار
وسط العسكر يشاهد شبه المصطفى المختار
جدي جابه للصيوان ومنه تايهه الافكار

اول ليله بمحرم يوسفنه بقى بحيره
يذكر زينب الحره ويذكر عمه بو الغيره
&&&&&&&&&&&&&&&

بيهه جاسم العريس حنته من دمه الخضاب
نجمه وبظهر عاشور تهاوى وي نسيم الهاب
لجم قلب العقيله اهناك دمع احسين ظل سجاب
جن شاف الحسن جاله وجن وسط النعش نشاب

اول ليله بمحرم يوسفنه بقى بحيره
يذكر زينب الحره ويذكر عمه بو الغيره

&&&&&&&&&&&&&&&&&&

بيهه طفل بقماطه اعله الماي العده ذبحوه
وقلب العدو ما يرحم اجته الخيل هم سحكوه
راس الطفل وشيحمل فوق الرمح من شالوه
اتعاين امه من بعيد اوليدي بالمهد خلوه

اول ليله بمحرم يوسفنه بقى بحيره
يذكر زينب الحره ويذكر عمه بو الغيره

&&&&&&&&&&&&&&&&&&&

بيهه الخيمه محتركه خيل وزلم ويه الليل
بيهه اطفال محتاره ونسه ما عدهه بس ياويل
بيهه احسين ظل عريان اموسد الغبرى وجديل
بيهه موكب للسبى مجتوفه باحبال وعليل

اول ليله بمحرم يوسفنه بقى بحيره
يذكر زينب الحره ويذكر عمه بو الغيره

تمت بعون الله
خادمة الزهراء / ليلى زغيب

😭💔😭💔😭💔😭💔

گـــــرّب محــــرم خلّي نستقبــله
انصيح اويه الايصيحون ياكربله

ربنـــه يبلغنه الشهر نرتجـــــي
والوالده العطشان ابنهه تجـي
بدموعهه الگلب الصبخ تنسجي
وتبچي لمصاب الجانت الامدلـله

گرّب نهار البيه الشوف انعدم
وصيوان أعز مخلوقه لله انهدم
ذب ثوبك المبراد والبس خيـــم
وحضّر دمـع للشام والقافلــــه

ماباقـي هنّه ايام وايهــــل شهــر
بيه ظهر أبو اليمه ابعضيده انكسر
وايغيّر الحر لون أجمل بشر
وانسلب جم مـكفول وامكفـله

گربت ليالي البجي ومشي الغرب
وطلعت الما لامس جدمهه التـــرب
والستر مو من گمر ما ينطلــــــب
والميله لوما يجي اتظل مايلـــــه

گرب اليوم البيه ايشيل الضعن
وعفّه وعيــــون أنذال يترافگـــن
ضاعن بنات اخدور أم الحسن
ولمهن سگف ديــوان والسلسه

الشاعر الموفق احمد الهلباوي🖋🗒

قصيده ل هلال محرم

من يهل عاشور
المهدي گلبه يفور
بكل عزاء يدور
ينتظر احبابه
//////////
مقصرين اهواي وي المهدي احنه
ومانوافي لو فقط لطامه رحنه
لازم من اجروح ابو صالح جرحنه
ويختلف طعم العزه لو وسطه نحنه

الخادم المقهور
بصدره تكله كسور
يدري بالمنظور
ينتظر احبابه
//////////
كون من نحضر عزه نحضر مصيبه
واليجي مهضوم واحزانه التجيبه
لو قره الناعي مشت زينب غريبه
مثل زينب يشتعل بالراس شيبه

بكل عزه الموعود
ندري بي موجود
بالهدوم ال سود
ينتظر احبابه
//////////
بكل خشوع ادموعنه ترتل قضيه
بيها مذبوح وحرك خيمه وسبيه
نلعن الضلام من نلعن اميه
وندعي يارب الفرج للمهدويه

للفرج كل يوم
ندعي ياقيوم
اجبر المهموم
ينتظر احبابه
//////////
فرض عاشور ابشروطه ومعطياته
اليدور اجره لازم ينسه ذاته
ينزع اب احرامه للمجلس حياته
ويبقى بس حسين مرسوم ابصفاته

بهل شهر يا ناس
كل عمل ينقاس
واليعيش احساس
ينتظر احبابه
//////////
اشكد عظيم اليلتقي وجهه اب امامه
وياخذ من انوار قدسية الكرامه
خادم اهل البيت مقبول الخدامه
ويه جبريل الملك ينعد مقامه

يا عظم هل جاه
المهدي من تلگاه
بالحظور وياه
ينتظر احبابه
//////////
بالحشر يا ناس النه المهدي شاهد
بالحساب ا يكول هذا ويانه گاعد
لاطم اعله حسين واصحابه الاماجد
وتحظر الزهره ابدمع عينك تواعد

كل عمل موصول
بالسبط مقبول
عل صراط ايجول
ينتظر احبابه
//////////

احمد عيسى البديري

#قصائدالهلال ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


(نعي لهلالِ محرم )

ذاكَ هلالُ الحزنِ يبكِي في السما  يبكِي على الحسينِ والدمـــــعُ دِما

وكيف لا يبكِي هلالٌ قـــــــد رأى  صــدرَ الرسولِ المصطفى مهشما

بالخيلِ قدْ رضوهُ وهوَ في العرا  ملقاً صريعاً في الحشى حرُّ الظما

وقدْ رأى بنــــــــاتِ طـــــه أحمدا  عـــن العدا يَلُــــذنَ في ظلِ السمـا

قدْ حُرقتْ خيامُهُـــنَّ ما بقــــــى   سوى البراري ولهــــم من ظلــما

بالخيلِ يعدو بينَهُــــــنَ قاصداً    ترويعَهُــنّ بعدمــــــــا راحَ الحمى

يسلبُ قرطَ طفلةٍ تيتـــــــــمتْ  ويدمـــي بالســــــــوطِ صغيراً يُتِما

*****************************************

تمت بعونِ الله وتوفيقه والحمدللهِ رب العالمين وصلى الله على محمدٍوآله الطاهرين

حيدركريم جارالله


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائدالهلال ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


آنه زينب....شفت الهﻻل وصحت
آنه زينب.....للخيم صار الوكت
آنه زينب......آنه زينب.....آنه زينب
.....................................................
لسه أمن الضلع عندي مواجع
يهﻻل اني زينب بيه سامع؟ ؟
بس ابشهرك أتفگد اصابع
ﻷن كل عام خنصر النه ضايع

انه زينب. . ..دمع للطف حضرت
انه زينب.....للخيم صار الوكت
انه زينب.....انه زينب.......انه زينب
.................................................
اذا تسألني شأتمنى من اﻻحﻻم
ماتحترك كون احتاج الخيام
وبالطف كل سنه تحرجني اﻻيتام
ليش بكربله ما يكعد النام؟؟

آنه زينب. ...بيه مابيه افزعت
انه زينب. ....للخيم صار الوكت
انه زينب......انه زينب......انه زينب
................................................
من طف المضى واسمعها مني
لسه من السبي يوجعني متني
واليسأل عله الكافل لچمني
ما شايفته بجفوفه بعدني

انه زينب..... ﻻبو الغيره حشمت
انه زينب......للخيم صار الوكت
انه زينب. .......انه زينب.....انه زينب
........................ .................. .............
توصي السوط احلفك بيش يهﻻل
ما يدنى ابد لمتون اﻻطفال
وبدين التدعي ل(الله)اشعدها اﻻحبال
الشتم مرات هم يصير چتال

انه زينب. .....زحمه اگول تشتمت
انه زينب......للخيم صارت الوكت
انه زينب ......انه زينب. ...آنه زينب
......................................................
بعرس الطف حزنه ما فرحنه
منين انجيب ماي وعدنه حنه
قبل العرس وأترملت سكنه
ومن دون الشمع طافي شمعنه

انه زينب.......شمعه نادتني متت
انه زينب. ...للخيم صار الوكت
آنه زينب. ....آنه زينب.....آنه زينب
................... ....................................
كون اتلگه يوميه المنيه
وﻻ اسمع ينادوني السبيه
وكثر مادورت طاحت اديه
ماشايفها ترجيه رقيه؟؟؟

آنه زينب. ...عل الجرالي اتلوعت
آنه زينب......للخيم صار الوكت
آنه زينب. ......آنه زينب. ....آنه زينب
........................................................
احمد ماجد الكﻻبي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائدالهلال ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


اهلالك
*السيد
هادي الموسوي

عاشورك هل إبأحزانه
****
ياريتك مخسوف الليله
هديت الخادمهم حيله
يتذكر احوال العيله
صاير عاشور ابوجدانه
عاشورك هل إبأحزانه
****
نتذكر ضعن الخياله
بالطف إيرتب بأحواله
واحدهم خيّم بإعياله
وعيون إلخدّر ذبلانه
عاشورك هل إبأحزانه
****
باجر تحدي الخيل اعليهم
واطيور الموت اتناغيهم
زينب تبقى اتحامي عليهم
تصرخ للعسكر هاي آنه
عاشورك هل إبأحزانه
*
ماذلت زينب ماذلت
چن حيدر للمصرع نزلت
واعيون العدوان انشلت
صبر حسين ابكل وجدانه
عاشورك هل إبأحزانه
*
باجر ياخيمه إيحرگوهه
وبت حيدر ناس إيشتموهه
لاأخوه هناك اويحموهه
تفتر محتاره وعطشانه
عاشورك هل إبأحزانه
****
الحمدلله رب العالمين
ديوان
دموع الهاشميات
الجزء الثالث


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الهلال

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

➰هل محــرم ونــذبح راس الشريعة ➰
ــــــــــــــــــــــــــــــــــــــــــــــــــــــــ

قصيدة.. هلال محرم

هليت يهلال
واذكرت الاحبال
واتذكرت ذيچ المحن.. زحمه الفواطم ينسبن
واذكرت الاحبال.. واذكرت الاحبال
…………… ..
هليت يهلال الحزن ريتك عسن ما هليت
يالذكرتني بغربتي ونار المصايب وجيت
واتذكرت چنه سوه وياريت نرجع ياريت
بيت ام الحسين الوطن وهيه الضوه بذاك البيت

تذكرت الاحباب
من طال الاغياب
وينچ صحت يم الحسن.. زحمه الفواطم ينسبن
واذكرت الاحبال.. واذكرت الاحبال
…………… ..
يهلال مليت الصبر وامن الحزن شاب الراس
ومگيده ايدي ابحبل وتشمتت بيه الناس
اتلفت او انظر كتر ساعه ويجيني العباس
بس راسه شفته اعله الرمح وجسمه بحوافر ينداس

گتله انهض بساع
يا حلو الاطباع
إلحگ خواتك لو مشن .. زحمه الفواطم ينسبن
واذكرت الاحبال.. واذكرت الاحبال
………………
يهلال عاشور ابألم كل ذكره منك تنعاد
أذكر رقيه مگيده وسكنه بحبلهه تنگاد
ما ظلت اعلينه خيم ظل الخيم صار ارماد
بعيوني اطفال او حرم وبظهري سوط الجلاد

وامتوني تنجاس
الحگ يعباس
يالسفرت بينه الضعن .. زحمه الفواطم ينسبن
واذكرت الاحبال.. واذكرت الاحبال
……………… ..
كل لحضه من عندك تمر والدمعه تجري امن العين
ها يلخذت مني اخوتي خليني اودعهم زين
خليني اشتم الترب هذا العطر عطر احسين
دليني درب المشرعه مشتاگه ابوس الچفين

مشتاگه العيون
للما يردون
بيهم اسف خان الزمن .. زحمه الفواطم ينسبن
واذكرت الاحبال.. واذكرت الاحبال
……………… ..
حنيت لتراب المشو يا ريت الايام تعود
وبجال اخوتي مدللة ومخدره بذاك الزود
هسه انسبت زينب صدگ وين اليصل حامي الجود
ويگله حرگوهه ودروا راعي الخيم ما موجود
ويخبره بالصار
من شبت النار
من داروا اعليهن بچن .. زحمه الفواطم ينسبن
واذكرت الاحبال.. واذكرت الاحبال
……………… ..
خادم الحسين
حسام ناجي الحلي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://t.me/joinchat/Dw92Dj9pmspPx7OpNRYqtA

على أعتاب شهرِ المُحَرَّم ...

ها قد تصرَّم عامُنا وأتى لنا
شهرُ المحرّمِ والعزَا يتجدّدُ

فيه على المولى الحسينِ وآلِهِ
بلَهيبِ فاجعةٍ غدت تتوقَّدُ

شهرٌ تنوحُ به البتولُ لشبلها
شجواً ويبكيهِ النبيُّ محمّدُ

شهرُ تميَّز بالشُّجونِ مع الأسى
وشعارُهُ في ذاك ثوبٌ أسودُ

لِمَ لا وقد بكت السَّماءُ لِما جرى
فيه دمَاً وعليه ناحَ الجَلمَدُ

فِيهِ الدَّمُ الزَّاكي أُريقَ بكربلا
وحرارةُ بقلوبنا لا تبردُ

فيه ثوى سِبْطُ النبيِّ مُبَضَّعا
وبصدره شمرُ المخازي يصعَدُ

تلك المصيبةُ أقرحت جفنَ الْهُدَى
ولعُظمِها بقيَ الزَّمانُ يُرَدِّدُ

فكرُ الحسينِ يُبَثُّ عبرَ مآتِمٍ
وإلى القيامةِ ذكرُهُ لا يخمدُ

ومصابُه جعلَ الدُّموعَ سواقياً
تجري على صحنِ الخدودِ و تُنشِدُ

يبقى الحسينُ مدى الزَّمانِ مُخلَّداً
رغماً على أنفِ العنيدِ ويصمُدُ .

بقلم الأقل / عيسى البدن .

١٤٣٩/١٢/٢٦

في كل عام ياشيعه تِنوحوا والدمع سچاب
وأنا امن انظر شعايركم أذكر چم وچم امصاب
١-
كلما ترفعوا رايه اذكر راية العباس
وكلما تطلموا اعله الرؤوس أذكر جثه وبلا راس
وكلما تلطموا لصدور أتصور صدر ينداس
صدر في حجري ربيته حوى اعلوم النبي ولكْتاب
٢-
وكلما تنظر اعيوني حسينيات مبنيه
أشوف ابعيني من لطفوف بقعه ابكل حسينيه
وألطم عالصدر لو گام وقرا الرادود لطميه
واتذكر لطم خدي ولطم زينب على الأحباب
٣--
ولو واحد وگف يصرخ بالمصرع ودمعه هل
أتصور أنا زينب لمن وگفت اعله التل
وتشوف ابعينها الوالي ابدم اجروحهِ امغسّل
وكلما راد ايگوم الها يرد يوگع على لتراب
٤--
ومن واحد ايصب الماي گلبي تكسره العبره
أتصور رضيع احسين من الما ماشرب گطره
بدل مايرتوي بالماي جاه السهم في نحره
وظل السهم في نحره وجابه احسين إلى الأطناب
٥--
وكلما اسمع الضجه والصيحات في المأتم
أذكر صيحة النسوان حين احترگ لمخيّم
وچان ابدمع تبچوا احسين أنا ابچي عليه ابدم
وترى ماطاح أبو الأكبر إلا ابطيحتي ابلعتاب
٦--
ولمن تنشروا الأسود وأشوفه دمعي يتحدر
أتذكر سواد الليل وظلمة ليلة احدعشر
ظلت زينب ابوحشه بعد ذبحة ابو الأكبر
وأشد عدها من الوحشه مشيتها مع الاجناب
٧-
ولو سلمتوا اعله احسين التحيه توصل العندي
واتصوّر ترى اوياكم سلام الحجة المهدي
وأصيح واياه كلما صاح أويلي اعليك ياجدي
أويلي اعليك يامذبوح عطشان وفؤادك ذاب

علي كويل
المناسبه/ حادي محرم تمت في ١/ ١١/ ١٤٣٨
الوزن/ طويل

قصائد أ / علي كويل

قميص احسين ابو اليمه
الْملايك بالسما اتنشره
وباول ليله في امحرم
تشوفه فاطمه الزهرا
*1*
تنشره بالسما الأملاك
بامْر الواحد القيوم
وتشوفه بضعة المختار
وهوه املطّخ ابلدموم
وتشهگ فاطمه وتصيح
واويلي على المظلوم
وا ويلي على لِحْسين
حبيبي الّي انگطع نحره
*2*
تشاهد فيه أثر لدموم
ويظل منها الدمع ساجم
دم من طبرة الأكبر
و دم من طبرة القاسم
ودم من نحر عبدلله
ودم طبرة گمر هاشم
ومن كثر الدما چنّه
گطعه امن الدما حمره
*3*
تشوفه فاطمه امزّگ
وآثار الّي فيه صعبه
أثر طعنه على طعنه
والضربه على الضربه
وأثر سهْم المثلث ذاك
الّي شاله من وسط گلبه
ودم اجروحهِ السالت
ودم من جبهته الغرّا
*4*
حراره في قميص احسين
تحسها خيرة النسوان
الْعطش لنّه حرگ گلبه
وخلّاه يلتهب نيران
كم مره صرخ في الگوم
وحگ جدي أنا عطشان
وذبحوه العدا ظامي
وگلبه يلتهب جمره
*5*
قميص احسين ياشيعه
تشوفه الزهرا مفجوعه
امخرَّگ من طعن لرماح
وبيه آثار مطبوعه
بيه آثار دوس الخيل
ذيك الْرضّت اضلوعه
جالت ياوسافه اعليه
وساوت صدره ابظهره
*6*
وتنظر فاطمه الزهرا
ابقميص احسين أثر مازل
وهذا الأثر ياشيعه
منّه اتصدَّعَت لجبال
حين الِّي الشمر داسه
بگى ابصدره أثر لنعال
وأثر لتراب لمّن ظل
يتعفّر على الغبرا

علي عبدالله كويل(تاروت).
المناسبه/ أول محرم.تمت في 23/9/1434هـ.
الوزن/ طويل(مربعه).
لمن نوى امن ارض المدينه ايسافر احسين
وشلون چان اوداع زينب وامّ لِبْنين
*1*
أم الخدر والصون طلعت من خدرها
تمشي ابجلاله والگمر يمشي ابكترها
وجت ليها أم لِبْنين وضمتها ابصدرها
وصار الوداع وصارت الصيحه ولوْنين
*2*
أم البنين اتصيح والدمعه جريه
ودَّعتچ الله يالعقيله الهاشميه
والله يعينچ في اطفوف الغاضريه
كم من مصيبه وفاجعه بالطف تشوفين
*3*
چني اشوفچ حايره ومهبطه الراس
مره تنظري اعله النهر طايح العباس
ومره تشوفي احسين وصدره ابخيل ينداس
ومرمي على الغبرا بلا راسٍ ولا ايدين
*4*
وچني أشوفچ من بعد عزچ ذليله
من غير والي تركبي ناگه هزيله
راح الكفيل وانتي أصبحتي الكفيله
بيتام أخوچ امحيره شنهو تسوين
*5*
وبعد المعزه ومن بعد ذيك الفوارس
والهودج الّي چان إله عباس حارس
خوفي يزينب تدخلي ابوسط المجالس
حسرى يبنتي والستر راحة الچفين
*6*
واليوم بالعز تطلعي ابهاي الضعينه
وباچر تردي بالحرم لارض المدينه
وچني أسايلكم حبيبي احسين وينه
وتجاوبي احسين انذبح لاتسألي وين
*7*
باچر تردي للوطن يا أمّ المصايب
وچني أنظرچ والگلب بالحزن ذايب
ظهرچ يبنتي منحني والراس شايب
ومْن البواچي يالعقيله ذبلت العين

علي عبدالله كويل(تاروت).
المناسبه/ وداع أم البنين لزينب(ع) وقت الخروج من المدينه.تمت في 5/10/1434هـ.
الوزن/ فائزي(مربعه)
شاء الله آنا أنذبح بالغاضريه
وشاء الله نسواني يودّوها سبيه
*1*
شاء الله في طف كربله أبگى لوحدي
ومحتار أوگف والدمع يجري ابخدي
ويجيني لمثلث ويوگع وسط چبدي
ومن فوگ مهري أوگع ابحر الوطيه
*2*
شاء الله في طف كربله أوگع بلرمال
وشمر الضبابي يعتلي صدري بلنعال
ويحزّ نحري وراسي ايشيله اعله عسال
وزينب تِنِظره فوگ روس السمهريه
*3*
شاء الله في طف كربله أنذبح ظامي
والأعوجيه بالثرى تِطْحن عظامي
ويْسَلْبُوا أيتامي الْعده ويحرگوا خيامي
وكمّن طفل ينداس بخيول آل أميه
*4*
وزينب الحورا بت علي حيدر الكرار
شاء الله في طف كربله ايسلبوها لخمار
وتِسْتُر وجهها بيدها اليمنى وليسار
وبالسوط ايضربوها الأعادي الناصبيه
*5*
زينب العاشت ويّا أخوتها أميره
شاء الله في طف كربله تصبح أسيره
ويّا اليتامه امحيّره وشلون حيره
آه اعله زينب چيفه تصبح مبتليه
*6*
شاء الله في طف كربله عگب الصناديد
تركب على ناگه هزيله وتگطع البِيد
وتالي الأعادي ايدخلوها ابمجلس ايزيد
حسرى ابْحلگها احبال واعظم الرزيه

علي عبدالله كويل(تاروت).
المناسبه/ خروج الإمام الحسين(ع) من مكة.كتبت في 8/10/1434هـ.
الوزن/ فائزي(مربعه).
حميده يانظر عيني
نُوحي ابدمعه مذروفه
ترى يامهجة افادي
أبوچ انذبح بالكوفه
*1*
مسلم ياحميده راح
وأخبرچ يابعد عمري
جميع الّي جرى الْمسلم
عليّه والله ابيجري
وإذا أهوه انگطع نحره
آنا ابينگطع نحري
وراسي ينرفع بسنان
ومنّه الجبهه مخسوفه
*2*
وإذا أهوه انذبح ظامي
امن المْا ماشرب گطره
أنا مثله ابيذبحوني
ومنّي الچبد متفطره
وإذا وسْط الحفيره طاح
أطيح آنا على الغبرا
ابسهم يوگع وسط گلبي
ومنّي الروح ملهوفه
*3*
وإذا مسلم بگى وحده
يبنتي وهيّج أحزاني
أنا مثله أظل وحدي
وحاير بين عدواني
وإذا أسنانه كسروها
أنا ابتتكسّر أسناني
يكسّرها ابعصاته ايزيد
يبنتي وزينب اتشوفه
*4*
والله ياحميده حال
مسلم زيّد الهمي
وإذا أهوه انسفك دمه
آنا ابينسفك دمي
وإذا أهوه انرمى جسمه
آنا ينرمي جسمي
أظل مرمي ثلاث أيام
وجسمي امگطعه اچفوفه
*5*
وإذا أهوه العدا دبّوه
من فوگ الگصر للگاع
ومنّه انهشْمت أضلاعه
و

ما واحد إله فزّاع
أنا مثله ابخيول الجور
منّي تنْطحن لضلاع
وأتوزعّ يمين اشمال
ابجيش الغدر وسيوفه
*6*
وچان انتي يتيمه اليوم
تصيحي والدي وينه
باچر من عگب ذبحي
الْيتيمه تصبح اسكينه
يسليها الشمر بالسوط
وينظرها العدو ابعينه
ويرفسها ويضربها
حتى جسمي اتعوفه

علي كويل(تاروت)
المناسبه/لسان حال الإمام الحسين لحميده وهي في حجره(ع)
كتبت في ١٤/ ١٠ /١٤٣٤ه
الوزن/طويل(مربعه)
لمّن نزل بارض الطّف
حبيب المصطفى المرسل
إجا الْزينب مسك چفها
وصَعَد ويّاها فوگ التّل
*1*
أشّر بيده المظلوم
يشيعه وصعّد الأنفاس
يگول اهناك نظري اهناك
يزينب مصرع العباس
يِگَطْعوا منّه اچفوفه
ويصبوه ابعمد في الراس
ولازم ياختي اتشوفيه
رميه اعله الثّرى امجدّل
*2*
يامحزونه دِيري العين
ونظري ياختي هالوادي
ترى بيه مصرع ارجالي
ومصرع أهلي واولادي
ولمثلث يجيني اهناك
ويوگع وسطة افّادي
وأشيله من خرز ظهري
ولجْلي الكون يتزلزل
*3*
وِتْوَگْفِي اعله هذا التل
تنادي وتسچبي العبره
واسمع منّچ الصيحات
بس وشْبيدي ياحسره
كل ما أمشي لچ خطوه
أرد أوگع على الغبرا
گوه ياختي ماعندي
ويَريت الْگوه لي تحصل
*4*
وشوفي اهناك يازينب
أوگع آنا من مهري
وبذاك التّرب ياختي
ترى هو ابينحفر گبري
وأمّا اهناك يالحورا
الشمر يجلس على صدري
ويگطع راسي ابسيفه
والأفلاك تتعطَّل
*5*
وياختي اهناك وگبالچ
منّي ايرضُّوا اعضامي
وبهذا المَحَل شوفي
يزينب موضع اخيامي
والعدوان ايحرگوها
وِيْسلبون أيتامي
وإنْتِي اتروحي مسبيه
وآنا ابدمّي امغسَّل

علي كويل(تاروت).
المناسبه/ خطاب الإمام الحسين للسيدة زينب(ع) عند النزول في كربلاء.تمت في 15/10/1434هـ.
الوزن/ طويل(مربعه)
ياوليدي چان اعليك صعبه هالرزيه
روح الضعينه وعاين الحالة رقيه
*1*
وسْط الضعينه روح يابني وشوف لطفال
وشاهد رقيه اتصيح ومنها الدمع همّال
طفله وصغيره وياوسف مچتوفه بحبال
وتْميل ياوليدي على ظهر المطيه
*2*
ونچان صارت حالتك بعدي أليمه
وحسّيت يابني باليتم ويّا الهضيمه
هاذي رقيه أصبحت مثلك يتيمه
وماحد يسلِّي هالصغيره الهاشميه
*3*
يوليدي روح ومگنعه ودّي إليها
وشوف الأعادي شنهو ايْسوّون فيها
كما تصيح السوط يتلوّى عليها
وكلما يضربوها تون ونّه خفيه
*4*
ونچان ياولدي أبوك ابسيف ذبحوه
مثلك أبوها احسين نحره ابسيف حزّوه
ظامي ومن بعد الذبح بالخيل داسوه
وبنته رقيه اتشوف دوس الأعوجيه
*5*
وباچر ترى العدوان والله ايروِّعوها
ابْذيك الخرابه حين تبچي ويسمعوها
ابْطشت الذهب بِيْوَدُّوا ليها راس أبوها
ومن تنظره الطفله توافيها المنيه
*6*
ونچان إنته شِفِت راسي امعلِّگينه
ألله يساعد گلب هالطفله الحزينه
بتشوف راس احسين ومصوَّب جبينه
ومن دمِّ نحره امخضبه الشيبه البهيه
*7*
بتشوف راس احسين مولانا او رجانا
امغمّض اعيونه ومنّه مكسوره أسنانه
والسَّبب كله ايزيد وضربه ابخيزرانه
وهالطفله والله ابتنظره ابحاله شجيه

علي عبدالله كويل.(تاروت).
المناسبه/ شهادة حبيب(ع)وخطابه بلسان الحال لإبنه القاسم.كتبت في 22/10/1434هـ
يا خويه انكسر ظهري
وبيّه شِمْتتِ العدوان
بس ياخويه باوصّيك
ابوصيه يا گمر عدنان
*1*
گبل ماتْموت ياعباس
وِتْخلِّينيِ ابحسره
أبا وصّيك سلِّم لِي
على أمي فاطمه الزهرا
وگول الْها تركت احسين
وحده ومنكسر ظهره
محتار ابحرم واطفال
وگلبه مشتعل نيران
*2*
ويخويه اعطيها چفينك
تحفظها ليوم الدين
حتى اهناك ترفعها
وتنسى كسرة الضلعين
انتقم ياربي
من الي گَطَع هالچفين
وحْكم بيني وبينه
يربّي وخالق الأكوان
*3*
وراويها ادموم الراس
وهالطبره يَابِن لطياب
وگِلْها يُمّه هالطبره
أصلها طبرة المحراب
ذيك ابسيف ابن ملجم
شگَّت راس داحي الباب
وهاذي طبرتي ابعامود
رماني ابوسطة التربان
*4*
وراويها سهم عينك
ياضنوة علي الكرار
وگول الْها السهم هذا
أصله وكزة المسمار
ذاك انتشب في صدرچ
يوم الْهجموا اعله الدار
وهذا انتشب في اعيوني
وصرت ماشوف في الميدان
*5*
وخبّرها السهم هذا
من بعده تجي سهمين
في نحْر الطفل واحد
وثاني ابگلب أخوك احسين
وأشيله من خرز ظهري
ومن چبدي أخذ ثلثين
ويجري امْن الگلب دمي
وأوگع من ظهر لحصان
*6*
يخويه واعتذر منها
وشْرح حالتي المُرّه
وگول الها أخويه احسين
ترى ابيوگع على الغبره
وبعد ساعه يمظلومه
الشمر يجلس على صدره
ويگطع راسه ابسيفه
ويعلگه في طرف لسنان
*٧*
وخبّر أمي عن زينب
بعد عيني يسلبوها
ويمها جثتي خويه
ترى بالخيل ايرضّوها
وتالي من عگب عزها
على ناگه يركبوها
ويدخلوها ابمجالسهم
مع الأطفال والنسوان

علي كويل(تاروت)
المناسبة/وصية الحسين للعباس(ع)
الوزن/طويل(مربعه)
يابني جاسم-گوم وتذكّر دلالي
يابني جاسم-ياثمر گلبي يغالي
*١*
ياحبيبي-يالّي غذيتك حناني
ياحبيبي-يالذي راح ونساني
ياحبيبي-بيك صوّبني زماني
ياحبيبي-بعدك آنه اشلون حالي
*٢*
رد عليه-يانجم سعدي يجاسم
رد عليه-لاتظل عالغبره نايم
رد عليه-يالي زفُّوك ابصوارِم
رد عليه-يابني وجاوب

لحاطمه
٥
وگام ايجر المگنعه وزينب تنادي يازجر
خلها لا ينكشف راسي ومايظل ليّه ستر
واني معروفه مصونه بت علي وأم الخدر
يازجر لاينكشف وجهي وگلبي اتألمه
٦
وسحب بيده المگنعه وطاحت ومدمعها ذروف
وبس سُكينه أگبلت لنها لعمتها تشوف
ماعليها مگنعه وتسْتر وجهها بالچفوف
هلّت الدمعات وصاحت ياعسى اعيوني العمى..
علي كويل(تاروت)
المناسبه/سلب زجر لمقنعة السيدة زينب(ع)
كتبت في ١٠/ ١١ / ١٤٣٤
الوزن/ هجري
كل حرمه نادت بالعشيره وطلّعوها
وزينب بگت وين العشيره مايجوها
*1*
محتاره ظلّت باليتامه والنساوين
بين الأجانب واگفه وتدير بالعين
ماعدها والي وتندب العباس واحسين
تتمنه في وسطة الكوفه يحضروها
*2*
وتصيح وينه مايجي حامي الضعينه
ويشوف چيف الناس تتصدق علينا
وهذا يشتمنا وذاك ينظرنا ابعينه
وماظنه يرضاها الأعادي ينظرونا
*3*
وماظنه يقبل لو نظر حالة أطفالي
ويزعل أبو فاضل إذا شاهد أحوالي
وعاينّي أستر وجهي بيميني وشمالي
ومايرضه أطفالي ابسياط ايلوعوها
*4*
اوينه أخويه احسين مايحضر إليه
ويشوف چيف الناس تتفرج عليه
آنه العزيزه صار إسمي خارجيه
وأمي الزهرا اگبال وجهي يشتموها
*5*
ياريته يحضرني الأخو شيخ العشيره
وينظرني محتاره أنا وشلون حيره
بحبال مچتوفه ومسبيه وأسيره
ولعْده تِنادي هاذي زينب تعرفوها
*6*
وچيفه يِحضروها أخوتها الْيرفعوا الراس
ويم النهر راح البطل كافلها عباس
ولحسين ذبحوه الأعادي وصدره انداس
كلهم ضحايا اشلون بالله يعتنوها

علي كويل(تاروت).
المناسبه/ السيدة زينب(ع) بالكوفه.تمت في 14/11/1434هـ.
الوزن/ فائزي(مربعه).
حطّ اعله النحر خدّه
وگام ايقبله ويشمّه
ويِگله الدنيا من بعدك
يبويه موحشه وظلمه
السجاد:
*1*
أنا ودّي على راسك
أقبلك يا أعزّ الناس
لكن چيفه يابويه
ونته جثه وبلا راس
بس باقبلك ابنحرك
ومنّي هايج الإحساس
وگلبي والله لمصابك
أبد ماينجلي همه
الحسين:
*2*
ظل يبچي علي السجاد
ومْن النحر صاح احسين
ودّي أحضنك يابني
وتحضني ينور العين
بس وشلون ياوليدي
ومنّي امگطعه الچفين
گطعها ابخنجره الجمال
ولا راگب نبي الرحمه
السجاد:
*3*
يريت اتضمني ابصدرك
يروح المرتضى حيدر
وأحط گلبي على گلبك
لكن أدري ماتگدر
گلبك بالسهم مصيوب
ومنّك صدرك امكسّر
وجسمك يالولي امگطع
والأضلاع متْهشْمه
الحسين:
*4*
سلّم لي على زينب
ونشّف يابني دمعتها
ولا اتْذكّرها بحوالي
تراها اتزيد حسرتها
غريبه أدري هالأيام
وياهي غربه غربتها
ما واحد يسلّيها
وگلبها ايطيِّبِ الْغمّه
السجاد:
*5*
غريبه أصبحت زينب
يريتك حالها اتشوفه
على ناگه هزيله اتطوف
حسرى ابوسطة الكوفه
وطبّت مجلس ابن ازياد
وهي بحبال مچتوفه
وراسك بيده اتنظره
وهوه امخضب ابدمه

علي عبدالله كويل(تاروت).
المناسبه/حوار بين الإمام الحسجاد والإمام الحسين عند دفنه(ع).تمت في 16/11/1434هـ.
الوزن/طويل(مربعه).

سؤالي
*٣*
آنا رمله-آنهِ المحزونه أمك
آنا رمله-ودّيِ ابصدري أضمك
آنا رمله-ريت أتخضب ابدمك
آنا رمله-غير حزنك مابگى لي
*٤*
ياوحيدي -چنْت الي يالغالي سلوه
ياوحيدي- عيشتي وياك حلوه
ياوحيدي- عمري من بعدك مايسوه
ياوحيدي-ابفرگتك وحشه الليالي
*٥*
ودي والله -منك اسمع يابني چلمه
ودي والله -بس تناديني يايُمّه
ودي والله-گلبي بس ينزاح همه
ودي والله-أستمع صوتك يغالي
*٦*
گوم واذكر-يالولد ليلي السهرته
گوم واذكر-تعبي وياك التعبته
گوم وذكر-لِلحليب الي رضعته
گوم وذكر- يابني ليام الخوالي
*٧*
معرس انته-وماتهنيت ابشابك
معرس انته-والدمه أصبح خضابك
معرس انته-چيفه أتحمل غيابك
معرس انته-وأنظرك ميت اگبالي
*٨*
ياوسافه-شمعتك يابني طفوها
ياوسافه-الْحنه بالدمِّ اعْجنوها
ياوسافه-زوجتك مازيّنوها
ياوسافه- بيتي منك صار خالي
*٩*
حسِّبيتك-تبگى ذخري ابتالي عمري
حسيبتك-إنته توصعني في گبري
حسبيتك-بس يجاسم خان دهري
حسبيتك-ومصرعك ما جا اعله بالي
*١٠*
عني ترحل-يابعد روحي لوينه
عني ترحل-وأبگى من بعدك حزينه
عني ترحل-من يرجعني المدينه
عني ترحل- والعدو يسبيني تالي

علي كويل(تاروت)
المناسبه/لوعة فراق رمله لشبابها القاسم(ع).تمت في ٣٠/ ١٠/ ١٤٣٤
الوزن/مثلث مربعه طور مالي غيرك
فگدت المصطفى جدي
ابْفگدك ياعلي الأكبر
وفگدت الحسن ويَّا أمي
وأبويه المرتضى حيدر
*1*
وجهك يشبه الهادي
وحگي اعليك لو أجزع
ترى صعبه على گلبي
أشوفك مرمي بالمصرع
لأن أتصور المختار
چنه اعله الثرى امگطع
ومو بس خدّك امعفر
كأنه خدّه امعفر
*2*
يالّي تشبه الكرار
فِي احْروبه وصولاته
يابني ابطبرتك هاذي
عليّه اتعود مأساته
چنّي انظره مطبور
والدّم خضب شيباته
وطايح وسطة المحراب
ومنّه ادمومه تتفجر
*3*
عمرك ما وصل عشرين
تشبه أمي الزهره
ويابني ابرضّت اضلوعك
عليّه انعادت الحسره
أذكر أمي من ماتت
ومنها اضلوع متكسره
ابْمصابك ياعلي يابني
كمّ امصاب أتذكر
*4*
رحت ياوليدي من ايدي
وعطش گلبك وصل حدّه
وإذا انْته امفطره چبدك
ظامي وشدتك شده
ياوليدي الحسن عمك
بالسم فطّروا چبده
گلبه بالسم اتفطر
وگلبك بالظمه اتفطر
*5*
بعد فگدك يروح الروح
أبطّل چيفه عن نوحي
وكلّ اجروحك الْتنزف
أحسها يابني اجروحي
إنته روحي وبعدك
ترى فاگد أنا روحي
شبيه الخمسة الأشباح
على فرگاك من يگدر
*6*
وإذا انْته ابينگطع نحرك
وتبگى اعله الثرى مرمي
أنا مثلك بذبحوني
ويجري امن النحر دمي
وتالي ياضوه اعيوني
گبرك ينحفر يمّي
وكلمن يلفي ليّه ايزور
يزورك وهْوه يتحسر

علي عبدالله كويل(تاروت).
المناسبه/ في مصاب الأكبر(ع).كتبت في 6/11/1434هـ
الوزن/ طويل(مربعه).
زينب شافت الميمون
خالي ابغير أخوها احسين
ونادت يامهر بالله
خبرني أخويه وين
*١*
ناداها يمحزونه
اسْتعدي للبچا ولنياح
أخوچ احسين يازينب
على حر الترايب طاح
والعدوان حاطت بيه
بسيوف ونبل وارماح
گومي بالعجل شوفيه
وسِمْعينه يون اونين
*٢*
طلعت تمشي وتعثر
مدهوشه ابگلب وجعان
تِتْبع مصدر الونات
وگصدت وسطة الميدان
ولن تسمع اخوها احسين
ينادي آه أنا عطشان
سمعت صوته وراحت
تصفگ راسها ابليدين
*٣*
وبس وصلت لخوها احسين
لگته ايلوج عالغبرا
وجبينه بالحجر مصيوب
ومنه ادماه متفجره
وشافت سهم لمثلث
طالع من خرز ظهره
وجُرُوحه ما إليها عد
لا واحد ولا إثنين
*٤*
ابْصعوبه فتح اعيونه
ومن شاهدها گلبه ارتاع
يريد ايگوم ويحظنها
ويِرِد ايطيح فوگ الگاع
يگول الْها يزينب ليش
تجيني وماعليچ اگناع
گالت خويه سلبوني
وستري صار بالچفين
*٥*
ياختي ردّي للخيمه
أخاف ايذوبچ ونيني
وإذا عندچ يزينب ماي
جيبي ماي وسگيني
وإذا عندچ دوه ليّه
الدوه جيبيه وداويني
تراها كثرهِ اجروحي
ولا هو جرح لا جرحين
*٦*
گالت ماي ماعندي
الشّريعه عنا منعوها
وچيف أرجع الى لخيام
والعدوان حرگوها
يخويه هجموا اعلينا
والنسوان سلبوها
وإذا رايد دوى منّي
أداويك ابدموع العين
*٧*
أخاف اعليچ إذا تِبگَيْ
يمي يابعد عمري
وإذا ماترجعي الخيمه
الله ايعينچ اتصبري
ترى اتشوفي الشمر بنعال
يتربع على صدري
ويگطع منحري ابسيفه
ونتي يختي اتنظرين

علي كويل(تاروت)
المناسبه/ليلة عاشر
حوار بين السيدة زينب والإمام الحسين(ع) كتبت في ٧/ ١١ /١٤٣٤
الوزن/طويل مربعه
يازجر هالمگنعه مگنعة أمي فاطمه
ليش تسلبها يظالم خاف من رب السمه
١
هاذي فيها ريحة أمي فاطمه أم الحسن
غاليه هالمگنعه ولا مايقدروها ابثمن
بيها أذكر شنو لاگت أمي من جور الزمن
حتى ماتت ياوسف وآنا بگيت اميتمه
٢
بيها آنا أذكر أمي والْجرى اعليها وصار
يوم عصروها الأعادي ابّابها ويّا الجدار
ومگنعه ماهي عليها اتصيح جيبوا لي اخمار
المگنعه عنها بعيده ويدري حماي الحمه
٣
چان ماتعرفها هاذي مگنعة أمي ترى
أمي الماتت وضلعين ابحشاها امكسره
بالله خليها اعله راسي تدري عني امخدره
ولاتأذّي أمي يكفيها البتوله امألمه
٤
امن الصغر ماحد لمحني وما أحد شاهد خيال
المگنعه دوم اعله راسي واني في عزه ودلال
ونته ترفعها عن راسي اتريد تنظرني الرجال
يازجر ماتخاف بالله امن الجحيم ا

يا شيعتي نصبوا العزا .. ونوحوا عليـَه ..
مذبوح ظامي ما شربت .. گـطرة اميـَه ..
حطوا المآتم واندبوني بدمع ساكب .. وابـچـوا على تعفير خدي بالترايب
ليكم يا شيعة تحملت هاي المصايب .. حتى حريمي تسلبت بالغاضرية
* * *
يا شيعتي نصبوا العزا .. ونوحوا عليـَه ..
مذبوح ظامي ما شربت .. گـطرة اميـَه ..
زوروا ضريحي عـگـب موتي و اندبوني .. و ليمن شربتوا الماي يا شيعة اذكروني
ترى متت عطشان ظامي ماسـگـوني .. حز الشمر راسي و چـبدي ملتظيه
* * *
يا شيعتي نصبوا العزا .. ونوحوا عليـَه ..
مذبوح ظامي ما شربت .. گـطرة اميـَه ..
ما واحد الا انصاب من گـبللي بفجيعة .. لكن مصابي ما جرى مثله يا شيعة
شفتوا احد ذبحوا على صدره رضيعه .. جدام عيني اتعفر بسهم المنية
* * *
يا شيعتي نصبوا العزا .. ونوحوا عليـَه ..
مذبوح ظامي ما شربت .. گـطرة اميـَه ..
يوم الذي شفته يلوح و ذوب حشاي .. شلته و رحت للـگـوم منهم أطلب الماي
جاه السهم من حرملة و تعفر احداي .. و ايده على رگـبتي لواها و شبح ليه
* * *
يا شيعتي نصبوا العزا .. ونوحوا عليـَه ..
مذبوح ظامي ما شربت .. گـطرة اميـَه ..
و ابني علي الأكبر من الميدان جاني .. و يصيح يابويه العطش غير ألواني
و اتعذرت له و راح عني و لا لفاني .. لكن نظرته على الثرى جثه رميه
* * *
يا شيعتي نصبوا العزا .. ونوحوا عليـَه ..
مذبوح ظامي ما شربت .. گـطرة اميـَه ..
لو تنظروني يوم جبته يم الخدور .. جسمه مبضع بالسيوف ودمه يفور
و انا على العباس مني الظهر مكسور .. من وگـفتي فوگـه ضلوعي منحنيه
* * *
يا شيعتي نصبوا العزا .. ونوحوا عليـَه ..
مذبوح ظامي ما شربت .. گـطرة اميـَه ..

لية الاولى
يا هلالا بدا فأبدى الكروبا
ملأ الكون ضجة ونحيبا
شق نهرا من الدموع ففاضت
حمما يطفئ اللهيب اللهيبا
جئت من عالم الحسين رسولا
فانحنى الكون خاشعا ومجيبا
جئت تتلو على القلوب كتابا
فسبى ذلك الكتاب القلوبا
واحسيناه صيحة لك دوت
ياهلال العنا فشقت جيوبا
واحسيناه كل حرف تملى
الما لم يجد سواك طبيبا
واحسيناه صرخة صنعتها
مأتما خاشعا لها وخطيبا
واحسيناه كلما صاح ناع
قتلوه فردا وحيدا غريبا
واحسيناه كلما نظرته
الشمس ملقى على التراب سليبا
واحسيناه كلما صرخت زيـ
نب ياغوثي فلا تراه مجيبا


يصيح اهلال لمحرم لفيت الكم على العاده
دقوموا للعزا كلكم ننوح احسين واولاده

عجب يهلال لمحرم تظن ننسى الشهيد احسين
وليل انهار واحنا ابهم تشهد لك دموع العين
عمرنا صار اله ماتم وقف حتى يجينا البين
ونتلاقى اوياه هناك ونخلي تربته اوساده

تظن ننسى الشهيد اللي انذبح في كربلا عطشان
وصدره رضضته الخيل وصارت جثته ميدان
ودمه السدر والكافور وسافي كربلا اكفان
لو ننسى الرضيع اللي انذبح في يوم ميلاده

لو ننسى اليتاما اللي ابظلام الليل تسطع نور
فرت من هجوم الخيل ياويلي بليا اشعور
لو ننسى الوديعه اللي ذوبها شهر عاشور
خلاها ابيسر تبرى يتاما احسين اوسجاده

الشيخ قاسم آل قاسم

قصيدة لهلال محرم و السيدة زينب
قد تُقرأ على لحن لفى عاشور للمعاتيق أو لحن عبد الحي قمبر أو مقام الصبا و العديد من الألحان المشهورة.

يا هْلال الحِزِنْ هلِّيتْ
وآنا دْمُوعِي بِعْيُونِي
أَذْكرْ زينب ظلِّيتْ
وْأبدْ ما غِمْضَتِ جْفوني

يا هْلالِ الحِزِنْ أَذْكُرْ
زينبْ تِبكي مَلْهُوفة
تبْحَث عالغريب تمرّ
يمَّه و تِبْكِي وِ تْشوفه

تِشوفِ حْسينْ بِلاية راس
وْمِنّه مْهَضّمة ضْلوعه
تروح بْلهْفة للعباس
تْشوف كفوفه مقطوعة

يا هلال الحزن راحت
بْحَرْقَة تِجْمَعِ الأيْتامْ
وْمِن لَهْفَتْها صاحتْ
وِينه كافلي الضّرغامْ

مَرَّة تْنادي للعبّاسْ
و مرَّة يا حُسينِ تصيحْ
ما لي ناصِر مْن الناسْ
وِخْيامي عِمدْها يْطِيحْ

( أبيات فائزي وممكن تكون لطميه قدوم شهر محرم )

هل المحرم عاينوا ياناس لهلال
وابكوا على احسين الذي داسوه بنعال


هل المحرم والبكا زايد ولونين
والكل ينادي آه واحزني على احسين
ماتغلى لجل احسين والله دمعة العين
هيهات ننسى امصيبته هذا ترى امحال


هل المحرم دنشروا رايات لحزان
وثيابكم سود البسوها ابدمع غدران
لجل الذي في كربله مذبوح عطشان
جسمه امعفر بالثرى اوراسه ابعسال


هل المحرم والمعزه ابهالمصايب
جده رسول الله وهل بيته الأطايب
هيهات ننسى احسين من فوك الترايب
اوزينب سبيه ياحسافه فوك لجمال


هل المحرم والبتوله نصبت النوح
لحسينها في كربله ياحيف مذبوح
راسه امعلى والجسد بالترب مطروح
لاغسل لاتكفين جسمه ابدون شيال


هل المحرم والعزه منصوب عشره
من شهر عاشور الحزن نجذب الحسره
اوتنشر قميصه بالعزه امه الزهرا
اوفي كل سنه انجدد عزاها ابدمع همال


هل المحرم والحزن بادي علينه
لجل الذي قوم الأعادي ذابحينه
اوصدره ابخيل الأعوجيه كاسرينه
اومن بعد ذبحه سلبوا اخيامه ولعيال


هل لمحرم دنصبوا الماتم يشيعه
لاجل الذي ذبحوا على صدره رضيعه
وضاعت عقب عينه حريمه اشلون ضيعه
في الكوفه والشامات حسره بين لنذال


(خادمهم عليهم السلام المقصر في حقهم /عبدالأمير الصايغ ليلة الثلاثاء من ذي الحجة الحرام ١٤٣٨/١٢هجريه)

إلك مشتاگ يا عاشور واترقب إلك كل يوم
أريد ألطم على صدري وأريد أبچي على المظلوم
١-

علاقه تدري آنه وياك، وصار الْهالعلاقه اسنين
من صغري وعلي الدنيا أوّل مافتحت العين
أشوف أمي تون وتصيح على العباس ويّا احسين
ومن مأتم إلى مأتم تاخذني ابدمع مسجوم
٢-
گبل أيام ياعاشور استعديت آنه للخدمه
وشرف ليّه يصير اسمي أقل خادم لبو اليمه
وشْما أبذل امگصّر لجل اللي بذل دمه
واحْرُم نفسي لجل اللي من شرب العذب محروم
٣-
من گالوا جميع الناس هل ابهالسنه عاشور
صحت مأجوره يازهرا وياحيدر علي مأجور
ابسبط المصطفى واللي تركوه والنحر منحور
سافي الترب أكفانه وتغسيله نزف لدموم
٤-
من هليت ياعاشور اهلالك هيّج احساسي
ثوب الفرح شلته وصار ثوبي الأسود الباسي
أريد ابچي ابكل مأتم وأريد ألطم على راسي
فدوه راسي وصدري إلى سبط النبي المهضوم
٥-
من اسْمع صوت لقرايه والناعي بدا ينعي
أروح المأتم ابسرعه ويجري امن الجفن
دمعي
وبكل مأتم اتصوّر، الزهرا اتصيح آه ضلعي
اضلوع احسين نسّتني ابكسرها ضلعي المهشوم
٦-
لو طول الدهر ألطم ولو طول الدهر أنحب
دمعي كل مايساوي دمعه وحده من زينب
ولو تنسلب مني الروح ولا اسْمع خدرها اتسلّب
ورقيه وموتها بالشام على كل شيعي زاد اهموم

علي كويل
المناسبه/ هلال محرم .كتب في ١٩/ ١٢/ ١٤٣٩
الوزن/ طويل(مربعه)

🔺استقبال هلال شهر محرم🔺

يا شهُرْ ينْزِفْ هلاله بالدِّمَه
يِصْبغ الأكوان وتِحْمَرِّ السِّمَه
مِنْ نَحُرْ سبْط الرَّسُول
ويِفْجَع الزَّهره البتول

يا شهُر كُلْ عام يِگبِل ينقرُح مِنِّي الجفِن
والنَّعي اوْصوت المآسي دوم باسْماعي يرِن
يالهِلاله ريشه صايُر ترْسِم آيات الحزِن
مِنْ تمُرْ أَيّامه ينْبِشْ أَلَمْ قَلْبي المنْدفِنْ
يرْوي لَيَّه امْصاب امامي الْـ جسْمَه محراب الطَّعِن

يرْوي لَيَّه امْصاب مُهجَةْ فاطِمَه
يِصْبغ الأكوان وتِحْمَرِّ السِّمَه
والخَطُبْ جدَّن مَهول
ويِفْجَع الزَّهره البتول

يا شهُرْ أَحزانْ تُبْگى خالِدَه طول الدّهُر
ننْظُرَه أَسْود وِشاحَه منْ طَلَع ذاك الفجُر
نذْرف ادْموع المواجِعْ فقطْ إِسْمه من يمُر
نجْزَع ابْذكْر المُصيبه وبِيْه ما يِحْلا الصّبُر
يا وسف صَدْر الإمامه يصْعَد اعْليه الشّمُر

عالثّرى اوْچبْدَه تِفَطَّرْ بالظَّمَه
يِصْبغ الأكوان وتِحْمَرِّ السِّمَه
امحرَّم الْـ ماله أُفول
ويِفْجَع الزَّهره البتول

يا شهُر يبْچيِ ابْلوعه مَنْ عَلى اعْتابه وگف
مو دَمِعْ بل دَمْ عِيُونه فوق خدّينَه ذَرَف
وكربلا بسْ يِنْظُر الْها أَبَدْ عنْها ما صَرَف
يلْطُم الهامه اوْيِنادي حالَهُمْ ما ينْوَصَف
ابْنيْنَوى والغاضريّه ابْكَربلا وْحاير وَطَف

ظعن شِبْل المرتضى حامي الحِمَه
يِصْبغ الأكوان وتِحْمَرِّ السِّمَه
والسّفَرْ بيهُمْ يِطول
ويِفْجَع الزَّهره البتول

يا شهُر نَوح الملايك والعرِشْ ويَّ القَلَمْ
ياللي يرْوِي لينا قصَّةْ شهِم ثابت بالقدَم
وهامِتَه حامي الظّعينه بو الفَضِل راعي الشّيَم
وجُودَه واليَسْرَه وْيمينَه القُمَر شيّال العَلَم
من وقع كبْش الكتيبه شرُع بو الزَّهْره انْثَلَم

من وقع والهامه ويلي امْهشَّمَه
يِصْبغ الأكوان وتِحْمَرِّ السِّمَه
صابَه غدّار اوجهول
ويِفْجَع الزَّهره البتول

يا شهُر قَلْب العقيله الْـ قاسى أَنْواع الشّدَد
يا خيال ابْنَتْ ولينا وگبُلْ ما شافَه أَحَد
يا متِنْ أُمّ المصايب يضْربَه كِلْ من حقَد
يا ضياع الحورا وسْفَه ابْلا محامي اوْلا سنَد
تصْعد التّل اوتِنادي خويه يا نور الصّمَد

نحْرك ابْفعْل العصابَه الغاشِمَه
يِصْبغ الأكوان وتِحْمَرِّ السِّمَه
صابَنَا عقْبَك ذُهُول
ويِفْجَع الزَّهره البتول

يا شهُر عَشْرَةْ ليالي تِنْقضي همّ اوأَسى
يا زمان الْـ صاب سَهْمَه وجوره عالعتره وْقسى
ياللي بيهْ تِنْسى أَلَمْها والضّلِع خير النِّسا
ياللي بيهْ منْبر نواعي باسْمَه أَسَّس مدرسه
وكل موالي شيعي يلْطُم عين حيدر تحرِسَه

بالعزا لَحْسين ينْصُبْ ماتمَه
يِصْبغ الأكوان وتِحْمَرِّ السِّمَه
يَصْرخ ابْدَمْعه الهَمول
ويِفْجَع الزَّهره البتول

🖊أديب نبيل