https://t.me/joinchat/AAAAAEhaEXcHMRmRXb5HnQ

قصائد الليلة الخامسة محرم

#كعدية_للهلال
#الرادود_احمد_الزوار


يهلال النوايب هليت ابمصايب
شفنه ابجيتك ايتام وعسكر يحرك اخيام
وانكسفت كواكب يهلال النوايب
**** **** ****(شيعتي)
آه يهلال المحرم بيك شفنه اشچم مصيبه
من تهل نعلن حزنه وكل محب يكثر نحيبه
كثره بينه اجروح منك والجمر يسعر لهيبه
خليت بينه اشجم جرح،،بيك السبي وبيك الذبح،،ودين الله مرفوع ابرمح
والنبي انصاب ابحبيبه
شفنه ابجيت الاهلال،،خيل اتدوس الاطفال،،يهمل دمعي ساكب يهلال النوايب
**** **** ****
شـــفنه بهلالك منايه وحـــــزن منك يشب جمره
بيك شفنه الدين ضامي وخيل سحگت فوك صدره
وشفنه بهلالك رضــــــــــيع بيا سهم مفطوم نحره
ذبحوه ظامي بلا ذنب،،وانحرمت امه ابلا سبب،،محروم من ماي العذب
بالگماط انختم عمره
هل بهلالك البين ،،ذبحو بيك الاحسين ،، وانصاره الأطايب ،،يهلال النوايب
**** **** ****



قوس ترمي اسهام حزنك بيك چم حره السبوها
شفت طفله ابهمها تمشي وگصدت اتودع ابوها
هــــاي الاتودع وليها وذيج الاتـــــودع اخوها
بعبرتها گامت تختنك،،واخيام ضلت تحترگ،،واطفال صارت تنسحك
ويا حراير روعوها
فرت لايذه ابخوف ،،يم مگطوع الاچفوف،،والمدمع يخاطب ،،يهلال النوايب
**** **** ****
غيب يهلال المصيبه الروح ما طابت عللها
انشوف بيك ادموع زينب اتخاطب اچفوف الكفلها
گبل مهيوبه وعزيزه اودعت بالطف اهلها
والكفل زينب والحرم،،يتوسد ابذاري الالم،،وحصن الخدر ذاك انهدم
اوودعت وياه املها
زينب ضلت اليوم تتسلى ويه الاهموم ،،بيوم البدر غايب ،،،،يهلال النوايب
************



خادم الحسين
ابو باقر الساعدي


https://t.me/ahmed_alziwar

#مقدمة للهلال محرم 1440
#الرادود_احمد_الزوار


بيك المصايب يا شهر عاشور ... بيك المصايب
شفت العجايب يا شهر عاشور ... شفت العجايب
(١)
شفت العجايب يا شهر بيك وشفت شده وحزن
من مطلع اهلالك بدت بينه المصايب تقترن
يهلال لا تطلع بعد عاشورك ابگلبي يون
اذّكر اخوه ابشوفتك روحي وتضل ليهم تحن
طحت ابنوايب يا شهر عاشور ... طحت ابنوايب
(٢)
أنشد اهلالك لو ردت وشوف النوايب يا شهر
يا نايبه المرت عَلَيْ مرت علي شده وقهر
وأنشد هلالك عل ضعن وعن بدر طايح عل نهر
وبحسين أنشد لو ردت السالت ادماه أمن النحر
فوك الترايب يا شهر عاشور ... فوك الترايب
(٣)
بشوفت اهلالك يا شهر اذكر مصيبة جسام
بالحرب صارت زفته وزفته سيوف الظلام
وأمه التحاچيه ابدمع ردتك ذخر للأيام
يبن الحسن لاچن وسف راحت هذيج الأحلام
ويه الحرايب يا شهر عاشور ... ويه الحرايب
(٤)
انشد اهلالك عن طفل يا شهر وبنحره انصاب
من صوب عليه حرمله وصابه بوريده النشاب
سالت ادماه ابلا ذنب بجفوف ابن داحي الباب
عبد الله ياشهر انذبح عطشان وتروه اخضاب
ودلالي ذايب يا شهر عاشور .... دلالي ذايب
(٥)
والأشد چان على الگلب ابدرب اليسر اخذونه
للشام بيت ال النبي وبسياطهم مشونه
وابن امي راسه اعلى الرمح ياشهر بي فجعونه
بلا والي نمشي ولا سند بانجادهم كادونه
والكفل غايب ياشهر عاشور...... والكفل غايب
بقلم
طارق السماوي






https://t.me/ahmed_alziwar

#نزلة للهلال
#الرادود_احمد_الزوار


شعمل بينه محرم ها يشيعة
ـــــــــــــــــــــ
استمع لي يالموالي انه زين العابدين
اروي مأساة الطفوف الشيبت حتى الجنين
شلون هجمت غدر هجمت جيش امية الحاقدين
دارت اعلى حسين عودي وثارت لبدر وحنين
من فجايع كربله بقت روحي معلعله
ــــــــــــــــــــ
اخذ من عندي محرم اخوتي وكل الاهل
وماسلم من ايد ظلمه اليرضع وبعده طفل
واخذ من عندي ابو فاضل ساقي العيله البطل
من عكب عزك يعمي عمتي مجتوفه بحبل
من وكع راعي العلم منهو اليحامي الحرم
ـــــــــــــــــــــــــــــ
انظر لمصرع الاكبر شفت ابوي تعنه له
تمدد وياه بالمعاره وناح نوح الثاكله
وشفته من تعنه جاسم قتل حتى قاتله
جابه للخيمة ودمعته على خدوده سايله
نادى عالدنيا العفه وشمع هالعمر انطفه
ـــــــــــــــــــــــــــ
شكد متتصور فجيعة شكد متتصور الم
لوحده من هاي المصايب باد حيلي وانهدم
ساعة الهجمت العسكر نار شعلوا بالخيم
شفت محنه عمتي زينب حايره بجمع الحرم
هذه بالنار احترك هذا بالخيل انسحك
ـــــــــــــــــــــــــ
ثلاثه من سهام يومك يامحرم قاتله
ظل اثرها بنص دليلي وابجي من اتامله
سهم صوب عين عمي الكمر واطفاها اله
وسهم في نحر الرضيع الصوبه من حرمله
وسهم في كلب الابو بالله ياشيعة اندبوا
ـــــــــــــــــــــــــــــــــ
لخادم المنبر الحسيني :
ناظم الفضلي الكربلائي
16\12\2010

https://t.me/ahmed_alziwar

قصيدة نزلة .... في قدوم شهر محرم الحرام

اگبل علينـه شـهـر الأحزان
شهر الذبيح المات عطشان
.............

شهر المصايـب فضله مذكور
كل اليواسـي حسيـن مأجـور
هيّئوا المجالس وحيو عاشور
وقـروا المصيبـه بكل الاوطان
..............

اندگ السـواد بكل وجه دار
نحيي الشعائر نجري الاعبار
حته الزچيــه تشوفنه انصار
ويّانه تـحـضـر ام الاشجـــان
................

كل الحُسيّـنـيــات تـنـعــد
نهيّـئـهـا ونغـطـيـــها بسوَد
اگـبـل محـرّم بيــها نـگـعـد
ونواسي بيها اعظم انسان
..................

انـحـضّـر دمعنـه والمـواكـب
مجلس لطم يروي المصايب
مو مستحب نعتـبـره واجـب
والمـايشــارك هــذا خســران
....................

شهر المحرّم والحزن جاي
شهر الذبيح الماشرب ماي
وينه اليشارك فاطمة بهاي
وينه العله الدمعـات لهفان
.................

ياشيعه اهل البيت يبچون
بهـذا الشهـر ويّـه اليعــزون
نحيي الشعـائر منّـه يردون
هـاي الشعـائـر اصل الإيمان

سيد زيد الفحام
_____________________

https://t.me/ahmed_alziwar

#قصائد_الهلال

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤يا هلال الــﺡــزن ارحــل 🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁




هل محرم والدمع يتلاله يذبح بنحر الغريب أهلاله

* * *

هل محرم والدمــــــع مــن دم جـــــره
چني شفــــــت حسين طايـــح عالثـره
شفت شمــــر أتعنـــه يگطـــع منحـره
وچن علــي السجــــاد لـم أوصالـــــه

*
هل محـرم وأنظــــر هلالــه أنــرسم
زينب الحــــوراء محتــــاره بحـــرم
من أشوف أهلالـــــه أنظـــر للخيــم
أبنـــار ملتهبــه وركـــــض خيالــــه

*
هل محرم وأنظـر بزينب تطـــوف
أبلا كفيل أنوب مچتوفـه الچفـوف
چنهه نادت وين أبو فاضل يشوف
شمر يضرب بالسيـــاط أعيالـــــه

*

هل محرم وأنظر الأكــــــبر وگــــع
وجاسم العريس طفولـــه الشمــــع
وشفت چن ليلى تهل مجرى الدمع
ورمله عالقـــاسم دمـــــــع يتلالــه

*


هــــل محرم شفـــت بهلالـه النبل
صاب نحر حسين لكـن بالطفـــــل
بيا ذنب عبــدالله راواه الأجـــــــل
حسين فطمــو بالسهـام أطفالــــه

*
هــل محــــرم شفت بهلاله الگمــر
بالعمد مصيــوب طايـــــح عالنهــر
وچن أشوف حسين مكسور الظهر
راح يـــــم عبــــاس وتعنالــــــه

*
يا هلال أنظـــــرلك أگليـبي يــــون
چني أشوف أعيون يبچنلك حزن
طفله معلوله ومشه عنه الضعـن
تبچي وبحــور الدمــــع همــــاله

*

الشاعر
موسى البديري



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

هاك أخذ روحي وأخذ كـلشـي بـحياتـي
وخـل يـصـيــر ويـاك يا خـويــه مـمـاتـي
يـا مـضـلـوم حُـسـيـن يـا مـضـلـوم
.....................................................
خـويـه أروح أويـاك وأمـشـي وأسـكـن أويـاك أللـحـد
عـمـري يـخـلـص بـالـمـواجـع مـالـي حـيـل أعله الـبـعـد
أدري عـگبـك كل دلالـي وخـدري مـنّـي يـنـفـگـد
هـجـرك ونـيــران گـلبـي مــرّدن بـيّــه الــچـبــد

تـسـعـر بـنـيـران حـزنـي الـغـاضـريّــه
خـويه ريـت أويـاك تـاخذنـي الـمنيّـه
يـا مـضـلـوم حُـسـيـن يـا مـضـلـوم
....................................................
من زغـر سـنّـي غـريـبه هـيـچ خـلـصـت الـعـمـر
چـم مـصـاب وچـم مـصيبـه بـگلبـي تتـناثـر جـمـر
شـلون لو بـاچـر يـصيـر وحـيره أمـشـي لـيـا كـتـر
شـلـون لو بـعيـونـي أشـاهد خـيلهـم فـوگ الـصـدر

آه يـا طــف كـربـلــه ولـوعــة عــذابـــه
بـيـه شـفـت الـضيـم وحسين ومـصابـه
يـا مـضـلـوم حُـسـيـن يـا مـضـلـوم
.....................................................
مـن رجـع مـهـرك الـخـالـي بـنـار صـبّـت دمـعـتـي
وعـالـشريـعـه الـروح هـامـت تـنـشـد أهـلا يـخّـوتـي
مـن عـلـى الـتـل وأنـادي هـنـاك صـارت وگـفـتـي
ريـت يـبـن أمـي تـصـيــر ويـاك سـاعـة دفّـنـتـي

لا تـخـلـينـي وحـيـده بـهـالـمـصـايـب
مالـي حـيـل وأحـمـل هـموم ونـوايـب
يـا مـضـلـوم حُـسـيـن يـا مـضـلـوم
.....................................................
من طحـت يـحـسيـن خـويـه بـصـوت مهضومـه صـحـت
عدمـن الحـرّه عـفـتـهـه وچـم ضـلـع بـيهـه أكـسـرت
ويـن حـمّـاي الـحمـيّـه الـيـوم يـحـضـرنـي ردت
يـشـوف شنهـي أللـي جـرالي بيا هـظـم خـويـه صـرت

شـلـون بـيّـه ودار بـالـغـربـه زمـانـي
تـاه فـكـري أتـحيـرت خـويـه تـرانـي
يـا مـضـلـوم حُـسـيـن يـا مـضـلـوم
.....................................................
بـيـن صـرخـات الـيـتـامـه وبيـن ونّـات الـحـرم
تحيـرت يبن أمـي حيـره وصـبّـن دمـوعـي بـألـم
هـالـعـده ماعـدهـه غـيـره لا عـرب لا هـم عـجـم
من بـعـد ما سـلّبـونـه حـرگـو أعـلـيـنـه الـخـيـم

شـلـون عـنّـي تـروح يا تــاج الإمـامــه
أسـمـع الـونّـات بـأصــوات الـيـتـامــه
يـا مـضـلـوم حُـسـيـن يـا مـضـلـوم
....................................................
الـشـاعـر
سـيـد عــلاء الـحـيّــدري

#قصيدة الهلال بعنوان موعاشگ الماينوجع
°°°°°°°°°°°°°°°°°°°°°°°°°°°°°°°°°°°°°°°°°

يلهلال..لمن تهل هل أبدمع
يلهلال…لحسين نقبل ننفجع
لوتعرف الدمعه أبيش*-*تسوه الحظاره أمنتعيش
يلهلال…………………… يلهلال
°°°°°°°°°°°°°°°°°°°°°°°°°°°°°°°°°°°°°°°°°
الجرح بينه ايعيش ماشايف طبيب
وبينه عايش على الفطره ومايطيب
شلون خد حسين عالغبره تريب
وانت سولفلي شكبر جرح الحبيب
يلهلال… موعاشگ الماينوجع
يلهلال… لحسين نقبل ننفجع
لوتعرف الدمعه ابيش*-* تسوه الحظاره امنتعيش
يلهلال…………………. يلهلال
°°°°°°°°°°°°°°°°°°°°°°°°°°°°°°°°°°°°°°°°°
للحسين الدمعه مطلوبه نذر
ونفرح ابمجلسه لويگظي العمر
الله خالقنه أله أنخدمه بنصر
الدمعه من توگع أله أتخظر ذخر
يلهلال… والدمعه مكسورة ظلع
يلهلا… لحسين نقبل ننفجع
لوتعرف الدمعه أبيش*-* تسوه الحظاره أمنتعيش
يلهلال…………………… يلهلال
°°°°°°°°°°°°°°°°°°°°°°°°°°°°°°°°°°°°°°°°°
وحنه خلينه نعيش أبلاضواك
والله لوتعرف يالاهلال أشغلاك
عيونه تتنطرك تركض وراك
وحنه نعرف بالسبي مجرح گفاك
يلهلال… چم گلب عايش منفجع
يلهلال… لحسين نقبل ننفجع
لوتعرف الدمعه أبيش*-*تسوه الحظاره أمنتعيش
يلهلال…………………. يلهلال
°°°°°°°°°°°°°°°°°°°°°°°°°°°°°°°°°°°°°°°°°
أنشوفك أمحدب مثل ظهر الظعن
وحتى حسراتك ابظلك بينن
والسياط ابمتنك ايحفرن وطن
ياسور قراءن راحن ينسبن
يلهلال… متوارد أنت اويالشمع
يلهلال… لحسين نقبل ننفجع
لوتعرف الدمعه أبيش*-*تسوه الحظاره أمنتعيش
يلهلال………………….. يلهلال
°°°°°°°°°°°°°°°°°°°°°°°°°°°°°°°°°°°°°°°°°
بيك حسرة جرح يتگاطر خجل
والسوالف بيك مالمهن زعل
شلون زينب من شفتهه أبلا أهل
وشفت من السوط يامتن أنهدل
يلهلال… وأخ الجرح ماتنسمع
يلهلال… لحسين نقبل ننفجع
لوتعرف الدمعه أبيش*-*تسوه الحظاره أمنتعيش
يلهلال………………..... يلهلال
°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت.. ع..
أبوحسين السرگودي…🕊🕊🕊

هل عاشور ومسومر أجه أهلاله
ونشوف الخيم نار أوناس خياله
أخلافچ يمه شلهن.. البيارغ من يشدهن
وجرح الفرگه عاشت جمره بذياله
°°°°°°°°°°°°°°°°°°°°°°°°°°°°°°°°°
الجرح شيطيبه اذا كل ساعه يتلچم..
وبذياله جمرته أوحگه يتألم..
محرم يمه مجبل والگلب مئتم..
ونشم عطاب كل خيمه وهوه الله أغتم..
… ونزل يلطم دمعنه ويشرح الحاله…
… ونشوف الخيم نار أوناس خياله…
ويزيدنه حزنهن…. البيارغ من يشدهن
وجرح الفرگه عاشت جمزه بذياله
°°°°°°°°°°°°°°°°°°°°°°°°°°°°°°°°°°°
ييمه دمعتچ چانت ترف رايه..
أذا جيرانه أمسوين الأقرايه..
وتركض روحچ أمگبعتهه بحچايه..
نهر العلگمي شماله أوبخل مايه..
… وبيت الفاگدچ متخوصرأخياله…
… ونشوف الخيم نار اوناس خياله…
ألتبدن من يلمهن… البيارغ من يشدهن
وجرح الفرگه عاشت جمره بذياله
°°°°°°°°°°°°°°°°°°°°°°°°°°°°°°°°°°°°°°°°°
بصماتچ حرز بالبيت من تنحط..
والقطعه الندگهه أبدمعتچ تنخط..
اباب ادموعچ أيجدي لمحنه الشط..
وهسه أخلافچ انحس الجرح شعوط..
… الطم محتاجلچ بس انتي تچايه…
… ونشوف الخيم نار وناس خياله…
الجروح أشمانظمهن… البيارغ من يشدهن
وجرح الفرگه عاشت جمره بذياله
°°°°°°°°°°°°°°°°°°°°°°°°°°°°°°°°°°°°°°°°°
مرينه بصورچ بالگلب حافر..
الهسه أثار بيهن لليلة العاشر..
عشتي الوحشه نار أوموحچي أوعابر..
عشتيهه أبدمع شيصبر الحاير..
… المظيف أيكيف أشما سومر أدلاله…
… ونشوف الخيم نار اوناس خياله…
أبنار أصبح فخرهن… البيارغ من يشدهن
وجرح الفرگه عاشت جمره بذياله
°°°°°°°°°°°°°°°°°°°°°°°°°°°°°°°°°°°°°°°°°
نشم اهدومچ ونشتم عطر خدمه..
وصباحچ من يأذن بينه الف رحمه..
ييمه اشما نگول أونعطش أبيمه..
ويم غيرچ نحس أمچتفه الكلمه..
… اليروح أومايرد شيسوي بعياله…
… ونشوف الخيم نار أوناس خياله…
ينذرون النذرهن… البيارغ من يشدهن
وجرح الفرگه عاشت جمره بذياله
°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت.. ع..
أبوحسين السرگودي…🕊🕊🕊

هلالك لا يهل عاشور
دمع زينب تره منثور
.......
دمعها هل عله اخوتها
حـزن يبجي ويعـبرتها
وعـليها تبجي نـاكـتها
شوصف حـاله حالتها
المصايب كلها شافتها
شافت جم نحر منحور
.......
دمع زينب عله العباس
الكفيل الساكن الانفاس
بحزنها الما اله مقياس
تشوفه جثه وبلا راس
وخدرها شاهدته الناس
كبل جان الخدر مستور
.......
دمعها ضل يهل سجاب
هـلالك فـرق الاحباب
حزنها من هذاك الباب
وجرحها لا ابد ماطاب
عدها ويسبوها حساب
حساب الخاطر المكسور
.........
بجت من دم عله المذبوح
نضرها ضل عليه مشبوح
دمه عله الارض مسفوح
تمنـت لـو بقـت بي روح
تسأله جم جرح مجروح
تـشـاهـد يا صبع مبتـور
..........
نهار البي ضواك اظلم
عذابي بس علي يرهم
وحـزني بيا كتر ينضم
ضلوعـك كلها تتهشم
وحـيده بلا اخـو لا عم
سوط عله المتن محفور
..........
الشاعر
اياد الفرح التميمي

ماذا يعني هلال محرم ?



هل محرم وهلت احزانه معه


هل محرم يعني المهدي نعه

هل محرم يعني فاطم دامعه


هل محرم يعني حرب ومعمه


هل محرم يعني كف عالمشرعة


هل محرم يعني عرس وفاجعة

هل محرم يعني اخته اتودعه


هل محرم يعني القماط اقطعه


هل محرم يعني قلبه يشلعه


هل محرم يعني روس امقطعه


هل محرم يعني جثة اموزعه

هل محرم يعني اخت املوعه


هل محرم يعني جمرة لاذعة


هل محرم يعني طفله مروعه

هل محرم يعني نسوه ضايعه

هل محرم يعني طفلة امصفعة




تمت