قصيدة نزلة .... في قدوم شهر محرم الحرام

اگبل علينـه شـهـر الأحزان
شهر الذبيح المات عطشان
.............

شهر المصايـب فضله مذكور
كل اليواسـي حسيـن مأجـور
هيّئوا المجالس وحيو عاشور
وقـروا المصيبـه بكل الاوطان
..............

اندگ السـواد بكل وجه دار
نحيي الشعائر نجري الاعبار
حته الزچيــه تشوفنه انصار
ويّانه تـحـضـر ام الاشجـــان
................

كل الحُسيّـنـيــات تـنـعــد
نهيّـئـهـا ونغـطـيـــها بسوَد
اگـبـل محـرّم بيــها نـگـعـد
ونواسي بيها اعظم انسان
..................

انـحـضّـر دمعنـه والمـواكـب
مجلس لطم يروي المصايب
مو مستحب نعتـبـره واجـب
والمـايشــارك هــذا خســران
....................

شهر المحرّم والحزن جاي
شهر الذبيح الماشرب ماي
وينه اليشارك فاطمة بهاي
وينه العله الدمعـات لهفان
.................

ياشيعه اهل البيت يبچون
بهـذا الشهـر ويّـه اليعــزون
نحيي الشعـائر منّـه يردون
هـاي الشعـائـر اصل الإيمان

سيد زيد الفحام
_____________________

https://t.me/ahmed_alziwar

#قصائد_الهلال

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤يا هلال الــﺡــزن ارحــل 🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁




هل محرم والدمع يتلاله يذبح بنحر الغريب أهلاله

* * *

هل محرم والدمــــــع مــن دم جـــــره
چني شفــــــت حسين طايـــح عالثـره
شفت شمــــر أتعنـــه يگطـــع منحـره
وچن علــي السجــــاد لـم أوصالـــــه

*
هل محـرم وأنظــــر هلالــه أنــرسم
زينب الحــــوراء محتــــاره بحـــرم
من أشوف أهلالـــــه أنظـــر للخيــم
أبنـــار ملتهبــه وركـــــض خيالــــه

*
هل محرم وأنظـر بزينب تطـــوف
أبلا كفيل أنوب مچتوفـه الچفـوف
چنهه نادت وين أبو فاضل يشوف
شمر يضرب بالسيـــاط أعيالـــــه

*

هل محرم وأنظر الأكــــــبر وگــــع
وجاسم العريس طفولـــه الشمــــع
وشفت چن ليلى تهل مجرى الدمع
ورمله عالقـــاسم دمـــــــع يتلالــه

*


هــــل محرم شفـــت بهلالـه النبل
صاب نحر حسين لكـن بالطفـــــل
بيا ذنب عبــدالله راواه الأجـــــــل
حسين فطمــو بالسهـام أطفالــــه

*
هــل محــــرم شفت بهلاله الگمــر
بالعمد مصيــوب طايـــــح عالنهــر
وچن أشوف حسين مكسور الظهر
راح يـــــم عبــــاس وتعنالــــــه

*
يا هلال أنظـــــرلك أگليـبي يــــون
چني أشوف أعيون يبچنلك حزن
طفله معلوله ومشه عنه الضعـن
تبچي وبحــور الدمــــع همــــاله

*

الشاعر
موسى البديري



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

هاك أخذ روحي وأخذ كـلشـي بـحياتـي
وخـل يـصـيــر ويـاك يا خـويــه مـمـاتـي
يـا مـضـلـوم حُـسـيـن يـا مـضـلـوم
.....................................................
خـويـه أروح أويـاك وأمـشـي وأسـكـن أويـاك أللـحـد
عـمـري يـخـلـص بـالـمـواجـع مـالـي حـيـل أعله الـبـعـد
أدري عـگبـك كل دلالـي وخـدري مـنّـي يـنـفـگـد
هـجـرك ونـيــران گـلبـي مــرّدن بـيّــه الــچـبــد

تـسـعـر بـنـيـران حـزنـي الـغـاضـريّــه
خـويه ريـت أويـاك تـاخذنـي الـمنيّـه
يـا مـضـلـوم حُـسـيـن يـا مـضـلـوم
....................................................
من زغـر سـنّـي غـريـبه هـيـچ خـلـصـت الـعـمـر
چـم مـصـاب وچـم مـصيبـه بـگلبـي تتـناثـر جـمـر
شـلون لو بـاچـر يـصيـر وحـيره أمـشـي لـيـا كـتـر
شـلـون لو بـعيـونـي أشـاهد خـيلهـم فـوگ الـصـدر

آه يـا طــف كـربـلــه ولـوعــة عــذابـــه
بـيـه شـفـت الـضيـم وحسين ومـصابـه
يـا مـضـلـوم حُـسـيـن يـا مـضـلـوم
.....................................................
مـن رجـع مـهـرك الـخـالـي بـنـار صـبّـت دمـعـتـي
وعـالـشريـعـه الـروح هـامـت تـنـشـد أهـلا يـخّـوتـي
مـن عـلـى الـتـل وأنـادي هـنـاك صـارت وگـفـتـي
ريـت يـبـن أمـي تـصـيــر ويـاك سـاعـة دفّـنـتـي

لا تـخـلـينـي وحـيـده بـهـالـمـصـايـب
مالـي حـيـل وأحـمـل هـموم ونـوايـب
يـا مـضـلـوم حُـسـيـن يـا مـضـلـوم
.....................................................
من طحـت يـحـسيـن خـويـه بـصـوت مهضومـه صـحـت
عدمـن الحـرّه عـفـتـهـه وچـم ضـلـع بـيهـه أكـسـرت
ويـن حـمّـاي الـحمـيّـه الـيـوم يـحـضـرنـي ردت
يـشـوف شنهـي أللـي جـرالي بيا هـظـم خـويـه صـرت

شـلـون بـيّـه ودار بـالـغـربـه زمـانـي
تـاه فـكـري أتـحيـرت خـويـه تـرانـي
يـا مـضـلـوم حُـسـيـن يـا مـضـلـوم
.....................................................
بـيـن صـرخـات الـيـتـامـه وبيـن ونّـات الـحـرم
تحيـرت يبن أمـي حيـره وصـبّـن دمـوعـي بـألـم
هـالـعـده ماعـدهـه غـيـره لا عـرب لا هـم عـجـم
من بـعـد ما سـلّبـونـه حـرگـو أعـلـيـنـه الـخـيـم

شـلـون عـنّـي تـروح يا تــاج الإمـامــه
أسـمـع الـونّـات بـأصــوات الـيـتـامــه
يـا مـضـلـوم حُـسـيـن يـا مـضـلـوم
....................................................
الـشـاعـر
سـيـد عــلاء الـحـيّــدري

#قصيدة الهلال بعنوان موعاشگ الماينوجع
°°°°°°°°°°°°°°°°°°°°°°°°°°°°°°°°°°°°°°°°°

يلهلال..لمن تهل هل أبدمع
يلهلال…لحسين نقبل ننفجع
لوتعرف الدمعه أبيش*-*تسوه الحظاره أمنتعيش
يلهلال…………………… يلهلال
°°°°°°°°°°°°°°°°°°°°°°°°°°°°°°°°°°°°°°°°°
الجرح بينه ايعيش ماشايف طبيب
وبينه عايش على الفطره ومايطيب
شلون خد حسين عالغبره تريب
وانت سولفلي شكبر جرح الحبيب
يلهلال… موعاشگ الماينوجع
يلهلال… لحسين نقبل ننفجع
لوتعرف الدمعه ابيش*-* تسوه الحظاره امنتعيش
يلهلال…………………. يلهلال
°°°°°°°°°°°°°°°°°°°°°°°°°°°°°°°°°°°°°°°°°
للحسين الدمعه مطلوبه نذر
ونفرح ابمجلسه لويگظي العمر
الله خالقنه أله أنخدمه بنصر
الدمعه من توگع أله أتخظر ذخر
يلهلال… والدمعه مكسورة ظلع
يلهلا… لحسين نقبل ننفجع
لوتعرف الدمعه أبيش*-* تسوه الحظاره أمنتعيش
يلهلال…………………… يلهلال
°°°°°°°°°°°°°°°°°°°°°°°°°°°°°°°°°°°°°°°°°
وحنه خلينه نعيش أبلاضواك
والله لوتعرف يالاهلال أشغلاك
عيونه تتنطرك تركض وراك
وحنه نعرف بالسبي مجرح گفاك
يلهلال… چم گلب عايش منفجع
يلهلال… لحسين نقبل ننفجع
لوتعرف الدمعه أبيش*-*تسوه الحظاره أمنتعيش
يلهلال…………………. يلهلال
°°°°°°°°°°°°°°°°°°°°°°°°°°°°°°°°°°°°°°°°°
أنشوفك أمحدب مثل ظهر الظعن
وحتى حسراتك ابظلك بينن
والسياط ابمتنك ايحفرن وطن
ياسور قراءن راحن ينسبن
يلهلال… متوارد أنت اويالشمع
يلهلال… لحسين نقبل ننفجع
لوتعرف الدمعه أبيش*-*تسوه الحظاره أمنتعيش
يلهلال………………….. يلهلال
°°°°°°°°°°°°°°°°°°°°°°°°°°°°°°°°°°°°°°°°°
بيك حسرة جرح يتگاطر خجل
والسوالف بيك مالمهن زعل
شلون زينب من شفتهه أبلا أهل
وشفت من السوط يامتن أنهدل
يلهلال… وأخ الجرح ماتنسمع
يلهلال… لحسين نقبل ننفجع
لوتعرف الدمعه أبيش*-*تسوه الحظاره أمنتعيش
يلهلال………………..... يلهلال
°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت.. ع..
أبوحسين السرگودي…🕊🕊🕊

هل عاشور ومسومر أجه أهلاله
ونشوف الخيم نار أوناس خياله
أخلافچ يمه شلهن.. البيارغ من يشدهن
وجرح الفرگه عاشت جمره بذياله
°°°°°°°°°°°°°°°°°°°°°°°°°°°°°°°°°
الجرح شيطيبه اذا كل ساعه يتلچم..
وبذياله جمرته أوحگه يتألم..
محرم يمه مجبل والگلب مئتم..
ونشم عطاب كل خيمه وهوه الله أغتم..
… ونزل يلطم دمعنه ويشرح الحاله…
… ونشوف الخيم نار أوناس خياله…
ويزيدنه حزنهن…. البيارغ من يشدهن
وجرح الفرگه عاشت جمزه بذياله
°°°°°°°°°°°°°°°°°°°°°°°°°°°°°°°°°°°
ييمه دمعتچ چانت ترف رايه..
أذا جيرانه أمسوين الأقرايه..
وتركض روحچ أمگبعتهه بحچايه..
نهر العلگمي شماله أوبخل مايه..
… وبيت الفاگدچ متخوصرأخياله…
… ونشوف الخيم نار اوناس خياله…
ألتبدن من يلمهن… البيارغ من يشدهن
وجرح الفرگه عاشت جمره بذياله
°°°°°°°°°°°°°°°°°°°°°°°°°°°°°°°°°°°°°°°°°
بصماتچ حرز بالبيت من تنحط..
والقطعه الندگهه أبدمعتچ تنخط..
اباب ادموعچ أيجدي لمحنه الشط..
وهسه أخلافچ انحس الجرح شعوط..
… الطم محتاجلچ بس انتي تچايه…
… ونشوف الخيم نار وناس خياله…
الجروح أشمانظمهن… البيارغ من يشدهن
وجرح الفرگه عاشت جمره بذياله
°°°°°°°°°°°°°°°°°°°°°°°°°°°°°°°°°°°°°°°°°
مرينه بصورچ بالگلب حافر..
الهسه أثار بيهن لليلة العاشر..
عشتي الوحشه نار أوموحچي أوعابر..
عشتيهه أبدمع شيصبر الحاير..
… المظيف أيكيف أشما سومر أدلاله…
… ونشوف الخيم نار اوناس خياله…
أبنار أصبح فخرهن… البيارغ من يشدهن
وجرح الفرگه عاشت جمره بذياله
°°°°°°°°°°°°°°°°°°°°°°°°°°°°°°°°°°°°°°°°°
نشم اهدومچ ونشتم عطر خدمه..
وصباحچ من يأذن بينه الف رحمه..
ييمه اشما نگول أونعطش أبيمه..
ويم غيرچ نحس أمچتفه الكلمه..
… اليروح أومايرد شيسوي بعياله…
… ونشوف الخيم نار أوناس خياله…
ينذرون النذرهن… البيارغ من يشدهن
وجرح الفرگه عاشت جمره بذياله
°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت.. ع..
أبوحسين السرگودي…🕊🕊🕊

هلالك لا يهل عاشور
دمع زينب تره منثور
.......
دمعها هل عله اخوتها
حـزن يبجي ويعـبرتها
وعـليها تبجي نـاكـتها
شوصف حـاله حالتها
المصايب كلها شافتها
شافت جم نحر منحور
.......
دمع زينب عله العباس
الكفيل الساكن الانفاس
بحزنها الما اله مقياس
تشوفه جثه وبلا راس
وخدرها شاهدته الناس
كبل جان الخدر مستور
.......
دمعها ضل يهل سجاب
هـلالك فـرق الاحباب
حزنها من هذاك الباب
وجرحها لا ابد ماطاب
عدها ويسبوها حساب
حساب الخاطر المكسور
.........
بجت من دم عله المذبوح
نضرها ضل عليه مشبوح
دمه عله الارض مسفوح
تمنـت لـو بقـت بي روح
تسأله جم جرح مجروح
تـشـاهـد يا صبع مبتـور
..........
نهار البي ضواك اظلم
عذابي بس علي يرهم
وحـزني بيا كتر ينضم
ضلوعـك كلها تتهشم
وحـيده بلا اخـو لا عم
سوط عله المتن محفور
..........
الشاعر
اياد الفرح التميمي

ماذا يعني هلال محرم ?



هل محرم وهلت احزانه معه


هل محرم يعني المهدي نعه

هل محرم يعني فاطم دامعه


هل محرم يعني حرب ومعمه


هل محرم يعني كف عالمشرعة


هل محرم يعني عرس وفاجعة

هل محرم يعني اخته اتودعه


هل محرم يعني القماط اقطعه


هل محرم يعني قلبه يشلعه


هل محرم يعني روس امقطعه


هل محرم يعني جثة اموزعه

هل محرم يعني اخت املوعه


هل محرم يعني جمرة لاذعة


هل محرم يعني طفله مروعه

هل محرم يعني نسوه ضايعه

هل محرم يعني طفلة امصفعة




تمت

هلالُ الحُزنِ فينا يومَ هلَّا
دمٌ من عينِ فاطمةَ استَهَـلّا

هِلالٌ عادَ لــٰـكـنْ كيفَ عادا
ليُذكي القلبَ ناراً و اتِّـقَـادا
فـيُـمـسي بين أضلاعي رَمَادا
كخَـيْـمةِ زينبٍ بالنَّارِ تُصْلىٰ

هلالٌ عادَ بالبلوىٰ علينا
ليُدمي من إمامِ العصرِ عينا
و إنّي فيه عايَـنْتُ الحُـسيـنـا
وحيداً حوْلهُ الشُبَّانُ قتلىٰ

هِلالٌ فيهِ مُلقىً بالـهَـجيرِ
شبيهُ المصطفىٰ الهادي البشيرِ
غدا شِلْوَاً و جُمِّعَ بالحَـصِيرِ
أعَانَ اللهُ فيهِ قلبَ ليلىٰ

و فيه قاسمٌ قاسىٰ البَـلـيَّهْ
و زُفَّ إلى الظـُـبَـا و السَّمْـهريَّهْ
فلا أدري أعَـرْسٌ أمْ مَنـيَّه
و ماذا في بَوَادِي الطفِّ حَلَّا

هلالٌ فيهِ قد قُطِعتْ يمينُ
و هُشِّمَ بالعَـمُـودِ بهِ جَبينُ
فأضحىٰ السبطُ ليسَ لهُ مُعِينُ
يذودُ عن النِّسَا ناراً و خيْلا

و أعظمُ ما جرىٰ في ذا الهِلالِ
تُشَدُّ يدُ الفواطمِ بالحِبالِ
و تركبُ بالسِّياطِ على جِمَالِ
عجَافٍ لا تطيقُ لهنّ حملا

بَوَاكٍ صارخاتٍ نادباتِ
على ظامٍ قضى جنب الفراتِ
و تطوي بالسبا عرْضَ الفلاةِ
عليٌ هل درىٰ بالخطبِ أم لا ؟

____

الميرزا عادل أشكناني

"شهر البكاء" القصيده ملمعه المستهل فصيح والنص شعبي
محرم 1440 الشاعر عمار حسن الدراجي
----------------------------------------------------

مَوعدُ اللقاء في خَيمةَ العَزاء
على الأبوابِ يَقرعُ شَهرَ البُكاء
********************
اهل العشگ خل تستعد شهر الحزن اجانه
شهر الدمع . بي فاطمه. يعني تجـي بعزانه
كلها خدم باچر سـوه . تلطم عله مـولانه
اهل الغنى. وهل الفقر . كلهم خـدم ويانـه

هكذا نكون. لِواردَ المَنون
نأتي معاً ونَخْضعُ ونُطلبُ الرجاء
على الابوابِ يَقرعُ شَهرَ البُكاء
****************
بنص العزه يكنس بسط شيخ السلف تشوفه
شيبه وطفل ماكو فرق حسين كلها ضيوفه
نقسم قسم. الـفـاطـمـه هــذا الـعـزه منعوفه
نخدم نضل ابكل سنه. ابجاه الگطيعه چفوفه

بحاملَ اللواء يارافعَ السماء
نَطلبُ العَينَ تدمـعُ لفاقد الرداء
على الابوابِ يَقرعُ شَهرَ البُكاء
****************
ننصب خيم. ابكل شبر. شهر السبي نستقبله
نعيش الالم. بحرگ الخيم. ونـذكر مصيبة كربله
باچر صعب ادوس الجمر. زينب تره والعايله
حسين السبط. من ينذبح. ماتبقه اميره مدلـله

فتُسلبُ النِساء. وتَجرِيَّ الدِماء
والسَوَطُ فيهن يَطبعُ في كربلاء
على الابوابِ يَقرعُ شَهرَ البُكاء
***************
بهذا الشهر. بارض البلا اعيال النبي طبوها
الماي انگطع. اعليهم وسف ونار الحقد شَبّوها
باچر سبي ونوگ الهزل. گوم العده جابوها
لو ينرفع. الراس برمـح. يعني الحرم سلبوها

وتُحرَق الخيِامْ ويُسحقُ الإمام
وزينبٌ قد تُفجعُ وموكبُ الإباء
على الابوابِ يَقرعُ شَهرَ البُكاء
***********
هلال العطش لمن يهل. يعني اجتنه الفاجعه
يعني طفل. بنحره سهم. حرمله طفل يصارعه
بهذا الشهر. فوگ النهر. چفوف الكفيل مگطعه
وابن الحسن. بثوب العرس. بالطف يلاگي مصرعه

وتُذبحُ الشباب. مُجدلَ التُراب
للذله هُـم لايـركعُ صُحبَ الفداء
على الابوابِ يَقرعُ شَهرَ البُكاء

***********
تمت والحمدلله
الشاعر عمار حسن الدراجي محرم1440
ونسالكم الدعاء والفاتحه على روح والدي وامواتكم اجمعين

#محرم_1440هـ #2018م

#نعي_للهلال
{كأني بلسان حال مولاتنا زينب "ع"}

#يقرأ {حدي حجاز خليجي أول} أو
{حدي حجاز خليجي ثاني}

لمن شفت الهلال
صار الدمع همال
حَمل ضعننا وشال...لارض الطفوف انسير

ودعنة اراضينه
حسرة بقت بينه
وبليل حادينه...ويعرف الراح يصير

هلالك هلال الشوم
جيت وأجت الهموم
من اخواني تجري دموم...وانة اصفگ ايدية

يهلال بيك الويل
مني يروح الحيل
حسين انظره والكفيل...والاجسام مدمية
:::::::::::::::::::::::::::::::::::::::::::::::::::::::

#طور_الفراق {مالي غيرك}

شفت الهلال...شفت بي حزن ومآسي
شفت الهلال...گلبي حَسني وشاب راسي
شفت الهلال...وگرب اوداعي وية ناسي

آه يجدنة...طلعونة من وطننه
آه يجدنة...عفنة ديرتنه واهلنه
آه يجدنة...نمشي وبليل بضعننه

جيت يمه...آخر اوداع انة اودعچ
جيت يمه...وادري يألمچ كسر ضلعچ
جيت يمه...ماأريد احچي وافجعچ
:::::::::::::::::::::::::::::::::::::::::::::::::::::::
#يقرأ_بهذهِ_الأطوار👇
(نصاري_عاشوري_عكراوي_گرناوي_مُلائي_جنوبي)

نوينة اعلة السفر ماندري لا وين
يحملون الضعن عباس وحسين
أظن هذا سفرنة بي نشوف البين

يهلال انظَرك وعيوني اتسيل
وحملنة الضعن وبهدوة الليل
لارض الغاظرية انوينة انشيل
وهناك نشوف العجب والويل

دمعتنة تهل لوداع اهلنه
وياهم أظن نگطع وصلنه
أشوفن چن گرب موعد أجلنه
ومن اعـزازنة نگطع أملنه

أدري بهالشهر بيه المصايب
واشوفن بالغرب كل العجايب
أصيح انة عليهم گلبي ذايب
ميردون لية اهل المحنة...

يا شهر الكدر يا شهر الاحزان
بيك اتفارگ وية اخواني الحنان
وعگبهم بالخيم تستعر نيران
ويلوذون الحرم واطفال بية...
:::::::::::::::::::::::::::::::::::::::::::::::::::::::
#طور_الحدي_السريع

يا حادي بينا للغرب
هذا الدرب بيه الآجل
هونك علينة شوي يخوي
لا تمشي بينا بالعجل
خ نودع الزهرة ونسير
تاليها ما واحد يظل
لارض الطفوف ارض المِحن
البيها ما يسلم طفل
من ايدي افگد كل عزيز
هلال المحرم من يهل
بهذا المسير أدري شيصير
تغدي الجثث منكم وصل
بالحومة اشوفنكم واصيح
ودمعي عليكم مابطل
نومة على الغبرة اخوتي
منكم بعد أگطع أمل
اتلفت اشمال ويمين
بگلبي الآلم سليتوا سَل

تـمــت بــعــون الله
14/7/2018
✍🏻 #ولائـية_وافتـخر (دعاء العامري)
❌لاإجيــز حـذف الأسـم❌
✅إجيز للقراء بعدم ذكر أسمي
:::::::::::::::::::::::::::::::::::::::::::::::::::::::

منهاج محرم الحرام ١٤٤٠ هجري

هلال المحرم

قصيدة بحر الطويل ( طور كربلائي )

يهلال الكدر والنوح والحسره بأثر حسره
يتجدد ألم كل روح عشره من بعد عشره
…………………………………………………………………………………………
مصايب عاشر امحرم بالدمعه نوافيهه
نلطم واللطم لحسين والفجعه ومآسيهه
يهلال وتمر عالناس وتسمع كل نواعيهه
يا بيت التدگ بابه
تسمع ونّة أصحابه
آه يحسين وامصابه
مصيبه وكل سنه الموعد نكتبه بآه وبعبره
…………………………………………………………………………………………
مواكبنه ومجالسنه ما بين اللطم والنوح
ازغار اكبار صرختنه واويلي على المذبوح
كل گلب بمصاب حسين يهلال الكدر مجروح
من اتهل على الوادم
تفزز چم گلب هايم
الله وحده العالم
بسواد اتوشحت دنياك حزن لمصيبة العتره
…………………………………………………………………………………………
قليل اشما نقدمله أبو السجاد غالينه
تقرّب للآله نريد من نحيي ليالينه
ما تخلص وحق حسين للتالي بواچينه
عزاء وللأبد دائم
الى أن يظهر القائم
ما يمنعنه كل ظالم
نواسي صاحب الغَيبه أبد ما نطمع بأجره
…………………………………………………………………………………………
يقيناً وبمجالسنه تحضر بيهه أم حسين
تسمع كل ونين الناس تجمعهن دموع العين
هنياله الخلص گلبه ضامن فوز بالدارين
ما يتركهه هالخدمه
يبقه يوافي وبهمّه
ينال الرحمه والنعمه
أكيد اليخشع ويخلص بنت المصطفى تحضره
…………………………………………………………………………………………
يهلال ومواجعنه عام بعام نذكرهه
وهاي ادموعنا لجيتك بالحسره نحضّرهه
على الظامي عهد عهدنا مهجتنا نوجّرهه
نيران الحزن تلهب
نصيح حسين نتعذّب
ومن نصيح يا زينب
نشعر بالسبي للشام دم المدمع نعذره
…………………………………………………………………………………………
يهلال ومشاعرنه لآل المصطفى تباصر
كل يوم الذي يگظي نشتاگ ويظل حاضر
نشتاگ ونظل نسأل شنقدم اله باچر
حسين اشما نقدّمله
ماظن أبد نوصلّه
نذر عمره ونذر أهله
لكن نرتجي منه على خدامه بس نظره
…………………………………………………………………………………………

خادم الإمام الحسين عليه السلام

عمار هليل الواسطي

محرم الحرام ١٤٤٠ هجري

ابوذيات الليلة الأولى: هلال محرم

يشهر الحزن بيك أشكال وألوان
المصايب وانت شهر النوح والون
اهلالك كطّع الدلال والون
اضلوعي امن ذكرت زينب سبيه
****************
إهلالك يا شهر عاشور من هال
خلّه الدمع شبه السيل من هال
عله جسم حسين كلي اتراب من هال
يوم اللي مشت زينب سبيه
********************
خفه وجه السرور او صار ماتم
او عسى اهلالك يشهر الحزن ماتم
جم طفله او طفل لحسين ماتم
بكه ينعه او يون ونه خفيه
************************
عسى اهلالك يشهر الحزن لا هل
او عسى مدمع بنات حسين لا هل
غرايب ضلن اويه اندال لا هل
يلوذن بيهم امن أهل الردية
**********************
علامه الهم يبو اليمه علانه
محرم كل سنه لو هل علانه
نعزي فاطمه او حيدر علينه
ابجتلك ياذبيح الغاضرية
**********************
🖊الأبيات من نظم خادم الإمام الحسين عليه السلام الخطيب الحسيني السيد جاسم الطويرجاوي الكربلائي دام توفيقه
في ديوانه المطبوع نفحات الولاء ص٢٢٢.

👒متيمة الحسين👒 .:
*في هلال شهر محرم الحرام*

*لا تمر يهلال ظل بمجانك*
*ظلمة دنيانه بسواد الوانك*

يا شهر عاشور شجايب من حزن
دمع زينب بيك ينزل جالمزن
و شثگل عبراتها ما تنوزن
*مجلجل اعليها بوشاح احزانك*


جن وشاحك لاح شايل حيرة
بي علم عباس راعي الغيرة
بي ضعن من ديرة يحدي لديرة
*بي گمر مخسوف بين اركانك*


بالسمه حل الظلام بجورك
ظلمة يهلال و تبدل نورك
جن گرب بين المحامل دورك
*شايل بجفك ثرى ميدانك*


گلي يا ميدان رايح بينه
شنهي من غبرة الذي تراوينه
من سرى بسبط النبي حادينه
*رجفت الدنيا بلهب نيرانك*


نار جم نار الي ناوي تثورها
من العقيلة لو گرب عاشورها
من ايديها ناوي تطفي ابدورها
*من تسدد بالمنايا اعنانك*


لا تسدد يا شهر رمياتك
لا تهل رد بالدمع و اهاتك
لا تكدر زينب بلوعاتك
*اه من جور وسخط عدوانك*


اه منك يا شهر غدرك يفوح
جم گلب ناوي تصب بيه الجروح
ارض وسمانه تظل منك تنوح
*لو جرى بهذا الشهر طوفانك*
•••••••••••••••••••••••••••••••••••••••••••••••••
*السبت*
*1/9/2018*
*٢٠ ذو الحجة ١٤٣٩هج*

الحبر الحسيني(بقلم متيمة الحسين)
سأظل أرسم امنيتي على ترانيم لوحة دعائي..
لأني أثق بربي كثيراً...
https://telegram.me/mutaima2016

القصيدة الثانية
في استقبال هلال محرم الحرام
محمد باقر أحمد جابر

يَا آلَ فَاطِمَةٍ دَنَا وَقْتُ العَزَا
هَلَّ الهِلالُ مُوَشَّحًا بِسَوادِ

قُومُوا اسْتَعِدُّوا للبَلاءِ ، فَأَحْمَدٌ
يُرْمَى بِنَبْلِ الجَوْرِ والأَحْقَادِ

لا تَشْرَبوا مَاءً مَعِينًا بَارِدًا
إِذْ سَوْفَ تَظْمَا أَكْبُدُ الآسَادِ

يَمْشِي الحُسَيْنُ بِأَهْلِهِ مُسْتَبْشِرًا
بالمَوْتِ ، ما أَحلى لِقَاءَ الهادي!

لِيَصُوغَ مِنْ آهاتِهِ تَاجَ الهُدَى
وَيَزِيدَ أَمْجَادًا على الأَمجادِ

قوموا اسْتَعِدُّوا إِنَّ نَارَ سَقِيفَةٍ
سَتَشِبُّ في خِيَمٍ على الأَولادِ

سَيُرَوَّعُ الأَطْفَالُ ، يا لِرَزِيّةٍ
يَتَجَرَّعونَ لَظًى وَحَرَّ بَوَادي

لَهَفِي على المَهْدِيِّ يَبْكِيهِ دَمًا
لا دَارَ بَعْدَ الطَّفِّ للأَعْيَادِ

وإِذا أَتَاهُ مُحَرَّمٌ عَصَفَتْ بِهِ
أَوْجَاعُ مَنْ سُبِيَتْ إِلى ابْنِ زِيَادِ

ما ذَاقَ غَيْرَ الحُزْنِ كُلَّ حَيَاتِهِ
فالنَّارُ تَسْكُنُ في حَشًا وفُؤادِ

يَمْضِي إِذا هَلَّ الهِلالُ لِكَرْبَلا
شَوْقًا لِـمَذْبوحٍ غَرِيبٍ صَادي

يَبْنِي كَفَاطِمَةٍ أَمَامَ ضَرِيحِهِ
بَيْتًا لِحُزْنٍ دَائِمٍ وَحِدادِ
***
...................

الشاعر محمد باقر أحمد جابر (العاملي)
قناة خاصة بالشاعر محمد باقر جابر لنشر قصائده الولائية التي تتناسب مع أفراح وأحزان محمد وآل محمد
https://t.me/aboualijaber

منهاج محرم الحرام ١٤٤٠ هجري

هلال المحرم

قصيدة بحر الطويل ( طور كربلائي )

يهلال الكدر والنوح والحسره بأثر حسره
يتجدد ألم كل روح عشره من بعد عشره
…………………………………………………………………………………………
مصايب عاشر امحرم بالدمعه نوافيهه
نلطم واللطم لحسين والفجعه ومآسيهه
يهلال وتمر عالناس وتسمع كل نواعيهه
يا بيت التدگ بابه
تسمع ونّة أصحابه
آه يحسين وامصابه
مصيبه وكل سنه الموعد نكتبه بآه وبعبره
…………………………………………………………………………………………
مواكبنه ومجالسنه ما بين اللطم والنوح
ازغار اكبار صرختنه واويلي على المذبوح
كل گلب بمصاب حسين يهلال الكدر مجروح
من اتهل على الوادم
تفزز چم گلب هايم
الله وحده العالم
بسواد اتوشحت دنياك حزن لمصيبة العتره
…………………………………………………………………………………………
قليل اشما نقدمله أبو السجاد غالينه
تقرّب للآله نريد من نحيي ليالينه
ما تخلص وحق حسين للتالي بواچينه
عزاء وللأبد دائم
الى أن يظهر القائم
ما يمنعنه كل ظالم
نواسي صاحب الغَيبه أبد ما نطمع بأجره
…………………………………………………………………………………………
يقيناً وبمجالسنه تحضر بيهه أم حسين
تسمع كل ونين الناس تجمعهن دموع العين
هنياله الخلص گلبه ضامن فوز بالدارين
ما يتركهه هالخدمه
يبقه يوافي وبهمّه
ينال الرحمه والنعمه
أكيد اليخشع ويخلص بنت المصطفى تحضره
…………………………………………………………………………………………
يهلال ومواجعنه عام بعام نذكرهه
وهاي ادموعنا لجيتك بالحسره نحضّرهه
على الظامي عهد عهدنا مهجتنا نوجّرهه
نيران الحزن تلهب
نصيح حسين نتعذّب
ومن نصيح يا زينب
نشعر بالسبي للشام دم المدمع نعذره
…………………………………………………………………………………………
يهلال ومشاعرنه لآل المصطفى تباصر
كل يوم الذي يگظي نشتاگ ويظل حاضر
نشتاگ ونظل نسأل شنقدم اله باچر
حسين اشما نقدّمله
ماظن أبد نوصلّه
نذر عمره ونذر أهله
لكن نرتجي منه على خدامه بس نظره
…………………………………………………………………………………………

خادم الإمام الحسين عليه السلام

عمار هليل الواسطي

محرم الحرام ١٤٤٠ هجري

بين هلال المصايب من جديد
كعدت كباله العليله ومدت ايد

ياوجه فركه شبعد
شعندي وشتاخذ بعد

جاي شتريد استقبلك1
ماعندي جف يوميلك
ماتدري جمرت حالتي
التشعل نهار بليلك
لم روحك واشبع بجي
عن حالي خل احجيلك
يالماخذ شفاف الفرح
عندي نعي يهد حيلك

بين ضلمه وحايط وجمره عذاب
اغفه بدموعي وحلم نومي الغياب

ضعن امالي ابتعد
شعندي وشتاخذ وشبعد

مابيه حيل لشوفتك2
ومنحلات اعضامي
يالغير الأسود ماجبت
مضخم بياض احلامي
نورك فلا يرهم علي
خلني بضلام ايامي
لم نورك ومني ابتعد
يكيفيني جمر خيامي

خلني بيه دموعي ترغب هالضلام
ولو مامطيفيه نار البالخيام

بضلمه اعيشن هالوعد
شعندي وشتاخذ وشبعد

معلوله عافيتي الدمع 3
وبروحي مات الخاطر
خافك تضن مالي علم
بالصار يوم العاشر
يالكاعد بحضن السما
شاف الطفوف الناضر
شفت السهم من صوبه
وطيح وكفته الحافر

خيل عشره بصدره من كامت تدوس
وحترك جسمه بلهب نار الشموس

الحافر بعضمه استبد
شعندي وشتاخذ وشبعد

لو نيتك تذكرني لا 4
موش انه انسه احبابي
ماهود بروحي الجرح
كل ساعه دك ابابي
متعاييشه بطور النعي
ويوميه اون بعتابي
لو ميته بالطف وعلي
اهونلي من غيابي

الموت رحمه للي محبوبه بعيد
من يموت الفاكد اهاته تهيد

كبره لجروحه ضمد
شعندي وشتاخذ وشبعد

وداعت كفاهه المنحني 5
وعلى النهر من طاحت
من وكفت عله التل امس
لمصاب ابوي وناحت
وداعت كمرهه المنذبح
وعلى الهزل من راحت
ماتطفه جمراتي بعمر
وامالي بيه الماتت

المثلي ماتهده ولايكضهه الصبر
وجف رقيه الترفه محروك بجمر

لعمري دمعاتي سند
شعندي وشتاخذ وشبعد

ماأوكف وياك بعتب6
لووالدي مطاوعني
لو وي عزيزه مهجتي
جف الشمر ضاربني
جا بين الخيام وعلي
اصرخ علي وسامعني
جا وي رقيه على الطشت
راس الأبو موادعني

جان اشم شيباته وهجر هالحياه
ونشغ وياهه بهضم ورجو الممات

موتتي وجه السعد
شعندي وشتاخذ وشبعد

الشاعر جعفر اللامي
https://t.me/joinchat/AAAAADyvNcFdjoQh-74liA
رابط القناةّ نشر قصائد خدام الحسين دخلوا الرابط التلګرام كل ما هو جديد بالقناةّ قصائد كل الشعراء

#جديد_هلال_محرم

دمعه دمعه من يجي شهر الحزن
دمعه دمعه تهمل عيون الجفن
دمعه دمعه بونه سكته من تون

آه يهلال الحزن وبالسمه لمن تلوح
ذكريات اهواي بيك وبيك تتفتح جروح
خامس اصحاب العبا بكربله عطره يفوح
جم بدر يهلال بيك بطيحته يهدم صروح

لا تهل يهلال بيك ملجومه السمه
لا تهل يهلال عيونهه التمطر دمه
لا تهل يهلال اعيون صبت جل المزن

☆☆☆☆■■■■☆☆☆☆


بيك يهلال الحزن تجدد مصاب البتول
تنزل بموكب عزاء وينزل وياهه الرسول
من تشوفك بالسمه تندب مصاب المهول
جم ضلع ليها بطفوفك تسحكه عمد الخيول

خيول بيك تسحك بصدر السمه
خيول بيك تروع يتامه لفاطمه
خيول بيك تسحك ضلع لم الحسن

☆☆☆☆■■■■☆☆☆☆

بيك يهلال الكدر زفه ودموع وشمع
جاسم العريس صارت حنته دم و دمع
وشمعة العريس صارت قلب رمله المنفجع
احسين جابه للخيم ومنه ملجوم الضلع

شمعه ذابت بالطفوف مابين الخيم
شمعه ذابت قلب رمله من الهضم
شمعه ذابت آه يا شبل الحسن

☆☆☆☆■■■■☆☆☆☆

بيك يهلال الكدر تشوف الأكبر عالثرى
مغسل بفيض الدمه والسمه تبجي مكدره
بطوله يتمدد الدين والعقيله اتهل عبرى
وامه بهضمهه اتنادي بغيابه العيشه كشره

نور الأكبر غاب والعيشه ظلام
نور الأكبر دمعه بعيون الإمام
نور الأكبر شمعه بدروب الزمن

☆☆☆☆■■■■☆☆☆☆

بيك يهلال الحزن عباس ونجوم وشمس
كلها اوبساعه وحده انخمد من عدها النفس
زينب وتل المآسي وجمر بضلوعي انغرس
واليتامه اعله الهزل ياقلب بيها اليحس

آيجروح الوِلد التكاثرن فوق القلب
آيجروح الوِلد احسين مذبوح انسلب
آيجروح الوِلد يلجم بضلعي الزمن

تمت بعون الله
خادمة الزهراء/ ليلى زغيب

242-هلال محرم الحزن
**************************
هل الهلال بشجونه..دمعة اوداع بعيونه
ينتحب شفته اعله حالي
لابس احرام الليالي
**************************
هل الهلال بشجونه ونزف الجروح
وانه اعاتب من مراري ودمعة النوح
اشعاعه مكسور ويجيني ويرجع ايروح
حالة من حالة عذابي وتشعب الروح
يشرح بنور انكساره
لوعة ايتام وحياره
والدمع من عينه هالي....
**************************
كتله ليش بلا ضوه وتتنازف اشعاع
أحمر بلون الدمايه وشايل اوداع
كلي يا زينب فجيعة بطف الاوجاع
شوفي كفال الضعن مكطوع الذراع
اليسرة واليمنة اكطعوهه
الرايه جنهم طيحوهه
وكافلج ينده تعالي....
**************************
ياهلال اشماله وجهك كاسف اللون
كمت اشوفنك مناحة وكلك اعيون
تسجب ادروب المدامع موت الظنون
تحتضر شفتك جوارك ساكن الكون
وكفت افلاك المجرة
ماتم بدمعتهه تقره
دمعة انحور وتسالي....
**************************
انت غايب من غيابك بانت الوان
انت ظاهر من ظهورك تنزل احزان
بيني ما بينك منية ونبلة واكفان
زينب انه وخدري طاهر عالي الشان
زينب انه وخدري عالي
دارت اعليه الليالي
تشرح اهموم الجرالي...
**************************
بعينك ادموع ومناحة وصورة انحور
اسمع بشاطي المنحر نفخة الصور
من نفخ صور الحرايب صوته مكسور
عالثره اجساد ودمايه ورايه واكبور
عالثره اجساد ودمايه
صورة اكبور وضحايه
والحزن فوك احتمالي...
**************************
رحلة اوداعك رزية وخاطرك ليل
بي سهر كلبي وعذابة ونجمة اسهيل
ياهلال بهم عذابي اتهدم الحيل
دمعي وي دم الحبايب نازف ايسيل
دمعي وي دم الحبايب
اتجمعن فوك الترايب
هذا واقع مو خيالي...
**************************
سيدحيدرالعوادي

#هلال #محرم


•••أطوار تغريد الحزين••• *لفى عاشور* *تمنيته يدوم الليل* *أنا العباس يا زهره* *يا جبريل نترجاك* وغيره



لفى شهر الحزن والآه
وانه قلبي يفيض جروح

انه ام الحزن زينب
على المذبوح دليلي ينوح

علينا هلّ المحرم
وتراوالي حبيب الروح

ظامي حسين عالرمضا
بلا أكفان ظلّ مطروح


آه يا مظلوم آه يا مظلوم آه يا مظلوم آه

•••••••••••••

يهلال الحزن مهلا
علينا لا تهل أرجوك

تذكرني بأهل بيتي
دمهم عالترب مسفوك

يهلال الألم عالناس
كدر وآلام من شافوك

رسول الله يون ويلي
يصرخ يبني يا مذبوح

آه يا مظلوم آه يا مظلوم آه يا مظلوم آه

•••••••••••••

من شفته أبو اليمه
مره يقوم مره يطيح

جسمه ممتلي بسهام
وشفافه دُعا وتسبيح

لطمت الراس والخدين
قلبي ملتهب ويصيح

وين انصار أخويه حسين
فدوه له تروح الروح

آه يا مظلوم آه يا مظلوم آه يا مظلوم آه

•••••••••••••

أبو فاضل كسر ظهره
من شافه بلا زندين

ظل محني يجر ونّة
ويَمه صاح يالمعين

الدمعه عليه سجابه
قلي يختي زيدي ونين

سهم عينه وفضخ راسه
عقبه لا بقت هالروح

آه يا مظلوم آه يا مظلوم آه يا مظلوم آه

•••••••••••••

هل هلال المحرم
وعلي الأكبر غدى مطبر

بسيف اعداه يا لهفي
طاح مقطع الأكبر

ورمله تنادي يا جاسم
وينه وجهك الأزهر

شباب تنام عالرمضا
عليهم جم قلب مجروح

آه يا مظلوم آه يا مظلوم آه يا مظلوم آه

•••••••••••••

وعبدلله الطفل مذبوح
بسهم البين هم فطموه

دمه يسيل من نحره
ورقبته تلوح من صابوه

وأمه تنظره بدهشه
من دمه ترى غسلوه

تقله يمه وشذنبك
ييمه عني وين تروح


آه يا مظلوم آه يا مظلوم آه يا مظلوم آه

•••••••••••••

#أمنن #علينا #برضاه
#يا_صاحب_الزمان


https://t.me/joinchat/AAAAAEE4ijbUxg3bt2uloA

هلال محرم مقدمه

يهلال انته نورك يجرح احساسي
لو ادري بطلعتك ماشلت راسي

لو ادري بطلوعك ماشلت هامي
انته هذا لو كربله الكدامي!!!!
اشوفن بيك اخوتي ودمعة ايتامي
جبل فوك النهر ماادري عباسي
*
ماناسي الكلب والعبره خنكتني
مو حسبالك الايام نستني
انه هاي اليالي هوايه بجتني
ماناسي الكلب لاوالله ماناسي
*
ماناسي الكلب بس توجع الذكره
ويقين اليله كامت تنحب الزهره
الجفن لو مادمع هليله ماعذره
تره اسلوب الحزن مابيه رحم قاسي
*
يامن صورتك تشبه مهد خالي
ومهد عبدالله من شفتك اجه ابالي
عند امه الطفل تدري اشكثر غالي
تكله انته حبيبي ولذت انفاسي
*
مثل سن الصوارم سنك اتصور
شايفتك كبل يمكن ويه العسكر!!
اشكن الك طعنه بكلب ابو الاكبر
ومشارك بكطع اجفوف نوماسي
*
ياهاي المسيه وين ردتني
وانه واكفه الكربله ودتني
اعله تل الزينبي هل الذكره مرتني
واسيني بدمع يل رايد اتواسي
***
سعد العبودي


-

#اول_محرم
1439هجريه

اول ليله بمحرم يوسفنا بقى بحيره
يذكر زينب الحره ويذكر عمه ابو الغيره


اول ليلة بمحرم المهدي يجذب الحسره
هلال الشوم يمحرم بيك اقلوب متوجره
بيك حسين ظل حيران انصاره اموسده الغبره
وشاطي العلكمي يهلال عالكافل حنى ظهره

اول ليله بمحرم يوسفنه بقى بحيره
يذكر زينب الحره ويذكر عمه بو الغيره
&&&&&&&&&&&&&&

يباوع للسمه المهدي وبيهه كل نجم تذكار
بيهه الاكبر اينظره شابح للابو الانظار
وسط العسكر يشاهد شبه المصطفى المختار
جدي جابه للصيوان ومنه تايهه الافكار

اول ليله بمحرم يوسفنه بقى بحيره
يذكر زينب الحره ويذكر عمه بو الغيره
&&&&&&&&&&&&&&&

بيهه جاسم العريس حنته من دمه الخضاب
نجمه وبظهر عاشور تهاوى وي نسيم الهاب
لجم قلب العقيله اهناك دمع احسين ظل سجاب
جن شاف الحسن جاله وجن وسط النعش نشاب

اول ليله بمحرم يوسفنه بقى بحيره
يذكر زينب الحره ويذكر عمه بو الغيره

&&&&&&&&&&&&&&&&&&

بيهه طفل بقماطه اعله الماي العده ذبحوه
وقلب العدو ما يرحم اجته الخيل هم سحكوه
راس الطفل وشيحمل فوق الرمح من شالوه
اتعاين امه من بعيد اوليدي بالمهد خلوه

اول ليله بمحرم يوسفنه بقى بحيره
يذكر زينب الحره ويذكر عمه بو الغيره

&&&&&&&&&&&&&&&&&&&

بيهه الخيمه محتركه خيل وزلم ويه الليل
بيهه اطفال محتاره ونسه ما عدهه بس ياويل
بيهه احسين ظل عريان اموسد الغبرى وجديل
بيهه موكب للسبى مجتوفه باحبال وعليل

اول ليله بمحرم يوسفنه بقى بحيره
يذكر زينب الحره ويذكر عمه بو الغيره

تمت بعون الله
خادمة الزهراء / ليلى زغيب