التاريخ: ٢١‏/١٢‏/٢٠١٩

ليش اعاني؟
والحزن سيّر عليّة
ومن إديّة گاوداني
ليش اعاني؟
شيّبت باول شبابي
نار مصلوبة اعله بابي
والفرح تيّه خطوتي ومالگاني
ليش اعاني؟
ثمنطعش عام العشتهن دمعة دمعة
خلّصن باول حريق
وبالبداية راح محسن
بعده مابادي الطريق
الباگو من احلامه ياسة
ماله واهس من تجي گباله الصواني
ليش اعاني؟
سيّرت نار اعله بيتي
وخيزران ايصد علية
طالبت بابسط حقوقي
وخلّوا المحسن بديّة
هاي هيّة
هيّة هاي الدنيه ونّة
والحزن شيخ الثواني
مايفارگ باب اهلنة
مرّة تيّهته وعبرني
ومن تعب جدمي لگاني
ليش اعاني؟
آنه زهرة الماكو منها
الشمس من تنزل تجيها
اتخلّص الليل بحظنها
كسّرو احله امنياتي
وگيدو ماي السبيل
شلون أرجعك يم حلمنه
آخ ياحامي الدخيل
شرِدِت منّي يازمن
وليش للجامع اخذته
علي حاسبته وطن
أرفع اچفوفي واوگفك
كون حيدر مااجاني
ليش اعاني؟
ليش محد رحم بيّة
ويه كل جرّة نفس الچم ضلع
حيل توجع
الونّة اذا ماتنسمع
آخ گلبي
الموت أذمّه
چي اخذ ابني البطني وماخذاني
ليش اعاني؟
گلت الوذ من الزلم ويه الجدار
بابنة كلّش عصرني
وچلِّبت بهدومي نار
لاگدرت اطلع لفضة
ولالحت طرف الخمار
جيش كامل دخل بيتي
وحيدر ايدوّر عليّة ومالگاني
ليش اعاني؟
اي وداعاً يااولادي
هنا وقصّتنا انتهت
طه من غمّض عيونه
الوادم اعلينه رهت
ولَحَد مايظهر القائم
راح اگولن يازماني.. ليش اعاني؟


@@@@@@@@@@@
محمد جبر الدراجي

لـحّـد يلوم من ارد اذب قمصاني
والله العـظيم آنه الجـرح وازانـي
هذا اللي طايح حگّي من ابچيله
وشـلـون مـا ابـچـي عله السوّاني

م.ج✍

امشي بطريقك واجب
مـااجـفـي عـنّـك لـيلة
خـيّـال احـس بروحي
والخدمة ظهر اكحيلة

م.ج✍

اوّل دخـولي لمـجلـسك
بمصيبتك متعذّب
ومن اسمع المقتل اظل
مثـل الهلال محدّب
هسّه آنه اعزّب بالضحك
وانت برقيّة معزّب
مامـحتـرگ گلبي صدگ
لو محترگ ماچذّب


م.ج✍

يـابـويـه اگـلك تـقـبـل البويه؟
مايدري شيسولف تره الفاگد
مـتهمني شدّة الشدّة مگضيّة
غـيـر المجالس كلشي مارايد

م.ج✍

وشنطلب تمادينه..موكافي سيلت دمك

عـبّـاس يادلّالـي وحـبـل الـوريـد
هـوّه الـمـات بحبّك سموه شهيد
بدربك لمّن ابچي كل بچية عيد
فدوه يروح لرجلك شارب يزيد


السلام على كافل العلويات ❤

🔸:اجانه العيد
✍️:محمد جبر الدراجي
🔹:ابناء مجلس الحسين ع
👐:اللهم عجل لوليك الفرج
@Husseny

التاريخ: ٢٤‏/٠٥‏/٢٠١٩

ياحيدر من الظيم جبت شكوه
خـلّص عمرنا هموم يبو النخوه
يَـمـدَلِل الـمـحـتـاج اذا يـطـلب
خـلّـيـنـي يم الخيل ولو حذوه

ماادري.اشتريد اهوائي.اجيت اشكيلك
عَذَّبني..حچي البگليبي..واريد احچيلك
آنه ابنك.. اذا تقبلني.. يـبـويـه ادخيلك

حاچيني.. ولـو بـس كلمة
الـمـثـلك.. أقـبّـل جـدمـه
وزِّعـنـي.. بثواب الخدمة

گــالــولــي.. تِـدَلِّل ضـيـفــك
جــنِّــدنـي.. واخذني بكيفك
حط گلبي.. غـمـاد لـسـيـفـك
@@@@@@@@@@@

يـم بـابـك اتـرجـيـت گلب صافي
رتبة الذنب شو صار عله اچتافي
لـو مـرَّة اعـيـشن دور بشر حافي

واركضلك.. وادوّر دمعة.. ذخـر لايـامـي
ماعندي..شرط بالخدمة.. خِدَمتك عامي
يم ميثم.. تَـمُـر خـلّـيني.. اشـد احـزامي

ويم مالك..غلام اتمنّه
مـارايـد.. قصر بالجنّة
ابيبانك.. علگ لو حنّة

كل حلمي..اعيش بوكتك
هـنـيـالـي… اذا رافـگـتك
اطـردنـي.. اذا عـاتـبـتـك
@@@@@@@@@@@

شُـلَّـت يـمـيـن الـگام طبر راسك
وانت الورد يندار عله احساسك
مـايـذبـل الـنـعـنـاع اذا جـاسـك

بـيـبـانـك..تريدك ترجع..درَت بالـطـبـرة
مفجوعة..منهد ماشافت..ضلوع الزهرة
من دمّك..صدگ ياحيدر..لـحيتك حمرة


رمـضـانك..ولا تـمَّـمـتـه
والــقــاتـل..فـلا عـاتبته
شگد طيّب..يحيدر انته

ياعادل.. يـبـو الـحـنـيّـة
ياطيّب.. يـمـلـح الـنـيّـة
بنفاسك.. عـطـر جوريّة
@@@@@@@@@@@@

بـفْراشه من خلّاك نبي الامّة
عـن امّـة الإسلام زِحِت غُمّـة
يـم الـيتيم اتصير ابوه وامه

المو خيّر..يجي لشباچك.. يـصبّح خيّر
هـذا آنـه.. اضل گدّامك.. عـبـد وزغـيّر
تَعَّبني.. وخبط ماهيتي.. الوكت متغيّر


صفّيني..واخذني لبيتك
اعذرني.. اذا اذّيـــتـــك
لاموني.. لأن حـبّـيـتـك

مـايـحـلـة.. الأذان بـدونك
شگد رادوا.. عبث يمحونك
مـايـفــرغ.. صدر ماعونك
@@@@@@@@@@@@

يـمـرجِّـع الارواح يـبـو الحملة
مـاتـنـسه بالصحراء رزق نملة
يمّ الهلال اتروح ضوه اتكملة


مـن چـفّـك.. طـيور الديرة.. تجي توكّلها
ومن ضلّك..تجي الصفصافة..تكمّل ضلها
والـدنـيــه..بلـبس متواضع..تجي اتقابلها

مــتـبـيّـن.. دموع احزانك
يم ضيفك..عـسل بلسانك
اتـعـزّبـلـه.. وتكف اردانك

بخدودك.. حچي لدمعاتك
ومـبـيـنه.. بنگل خطواتك
مـذبوحة.. ذَبــح آهــاتـك
@@@@@@@@@@@@
محمد جبر الدراجي

(جبت شكوة)

📜 للشاعرمحمد جبر الدراجي
🕌هيئه زلزال كربلاء بغداد/الشعب
🌙ليالي استشهاد الإمام علي عليه السلام

التاريخ: ٠٤‏/٠٧‏/٢٠٢٠

انت الطبيب انت الامان

@@@@@@@@@@

كل الامان بمجلسك
من الزغر ادريها
خافوا وعافوا مجلسك
والناس هاي شبيها
الناس ليش اتناقضت
يمكن نست ماضيها
چانت گبل وكت المرض
تركضلك اتشافيها


كلّه اختبار هذا الزمان
@@@@@@@@@@@@

چانوا اهلنه بحظرتك
يلگون كل الطيبة
شو هسه عنك نبتعد
خوفاً وشك وريبة
آنه اعتقادي باللطم
حته العلاج ايجيبه
والوادم العني حچت
خليها تاخذ غيبة

اكبر علاج هذا المكان

@@@@@@@@@@@

الاعمة يرجعله النظر
من ايدك ايصدگوها
بس المجالس مو شفة
گدامك ايگولوها
يصدگون بالمشلول امس
يمك وگف قنعوها
ولمن گلت هذا اللطم
مو مرض ماقبلوها

لمن حچيت صرت المدان
@@@@@@@@@@@@

وادمنة عافت مجلسك
خاف المرض ياذينة
هو المريض بمجلسك
من الله مايعدينه
باچر اذا صارت صدگ
ماتلگه ناصر بينة
هذا اختبار لشيعتك
والزين يحفظ دينه

قبرك علاج للمرضه چان
@@@@@@@@@@@@

ياحيف ردّانة المرض
عن مجلس اللطمية
وانت المضحّي بكربلة
بالضلع والترچية
خايف عله اهلي وصحبتي
وانت النطيته شويه؟
صحبانك واهلك گضوا
واختك مشت مسبية

خايف انه ترك الاذان
@@@@@@@@@@@

محمد جبر الدراجي

هوسة ليلة السابع من محرم الشاعر محمد جبر الدراجي

بالعافية.. بالعافية.. نوم الهنة
@@@@@@@@@@@
نــوم الــعــافية يوليدي يالغالي
جنت احلم جبير وواگف اگبالي
واقــرالك دعــاء وانــت تــقرالي
والبْسَك خوذة العباس حسبالي

@@@@@@@@@@@
ردتــك للــكُــبُــر ماردتــك لــنبلة
يــومــيــن بغيابك مااضل عدلة
وكــت فــرگه اجه ياعملة العملة
تصعد عالرمح وآنه اصعد الهزلة

@@@@@@@@@@@@@
تـعـال انــزل بحضني حتّه تتذكّر
ايّام الرضــاعــة ومن جنت اسهر
جنت حلمي يعبد الله شوكت تكبر
شـمــدريـني السهم يم الحلم يعثر

@@@@@@@@@@@@@
شرايــك يــمه اهزّك خاف الجمنّك
بـطـيــت وتوْني اسأل عمّتك عنّك
شـرادوا يـمّــه گــلّي وشخذوا منّك
خَذَن رخصة السهام؟ شلون شمّنك؟

@@@@@@@@@@@@@@
الــدنــيــه بــعين امّك دنيه ماتسوه
رحــت فــدوه الك لمّن رحت فدوه
خــذاك الــبــيــن بــلوه اتدفّع ابلوه
ابــدال الماي ليش من السهم تروه؟

@@@@@@@@@@@@@
دللــول ابــنــي مــيّــت لاتــگعدونه
حــاجــيــتــه وابــد مافتــّح عيونه
مدري شلون اعيشن دنيتي بدونه
بــس لا عــالــرمــح راسه يرفعونه
@@@@@@@@@@@
محمد جبر الدراجي

آه.. يالوعتي… آه يالوعتي
@@@@@@@@@@@@@
يــاايّــهــا الغــوالي
ماجانت اعله بالي
امشي وحبل بديّة
واستانس بخيالي

عــطــشانه وآهــاتي مليــانة اتراب
الــواحد من يفگد عينه اعله الباب
مشتاگه لشوفتكم لو حتّه اشهاب

واحترگ مثل شمعة
والوكت وكت دمعة
زيــنــب وبرد حيلي
صعبة تنحمل دفعة
@@@@@@@@@@@@
ويــن الــوجــــه اديــــرة
وآنــه الــجــنــت امــيــرة
بالسوگ اطب وانه اسمع
يــگــلــولــي يــااســيــرة

والــوادم مــاتــرحــم اخــت العباس
لــيــش بــحــبــل الناگة ينشد الياس
شحّت يمنه الغيرة ومات الاحساس

وانضرب عله امتوني
والــغُــرُب يــجــروني
آنــه اخــت ابو فاضل
بالــحــبــل يــشدّوني
@@@@@@@@@@@@@
فــوگ الــجمر واتاني
وجف العطش لگاني
بــيــر الــشرف لگيته
وزمــزم هجر لساني

شــمــا يــذرف دمعاته ينحبّ البير
عكس البير من ابجي گالوا ميصير
اســأل ويــگــلّــولــي مــات التبرير

هسه الديرة مو النة
طاحت خيمة الحنّة
مــاي الــجان مالتنه
هــسّه ينحسب منّة
@@@@@@@@@@@@
خــيــمتنه زلمة بيها
جرها وسحگ عليها
گــال لسَكينه گومي
وشــدّ الحــبل بديها

مــاادري الــمــالــه اخــوه يــنــذل بساع
يمشي وجفّه بخصره وعينه اعله الگاع
حلمي من اول صيحة لم روحه وضاع

مــاشــفت حلم وردي
والــحــزن كــُبَر عندي
اتحاربت وانه زغيرة
وبــللوا خــيــم خدّي
@@@@@@@@@@@@
هــوّه الفــگد خليله
مــن يــنكسر قليله
يمكن تدفعه نسمه
وِتْــمُــر عَلَي ثگيله

هــذا الــصار بحالي ياناس هواي
مــن يــحير بدربه ميعيش الماي
ياوسفه الموگدها حط باله وياي

شعدهم وي گمر هاشم
تــحــب تتشمت الوادم
صــفَّگــت ادي حــسرة
مــن زمــخ عـَـلَي خادم
@@@@@@@@@@@
محمد جبر الدراجي