Onlayn taʼlimning 8ta foydasi ⠀

Onlayn va oflayn taʼlim qarama-qarshiligi yaqin 3yil ichida odamlarning qarashlarini butunlay oʻzgartirib yubordi. Virus sababli insoniyatning imkoniyatlari cheklanib qoldi, shundan soʻng istar-istamas onlayn taʼlimga katta urgʻu berila boshlandi. Ilgari odamlar uni vaqt va pulning isrofi deya qaragan boʻlsa, bugunga kelib onlayn taʼlimning ustun jihatlari yaqqol sezila boshlandi.

Shunday boʻlsa ham oramizda ikkilanib turgan kuzatuvchilarimiz yoʻq emas. Navbatdagi keltiradigan faktlarimiz stereotiplar zanjirini parchalab tashlaydi:

1. Darsga borish uchun 5km yoʻl bosishingiz shart emas. Oʻzingizga mos kun rejasini tuzib oling. Qarabsizki, darsga ham kech qolmaysiz, asab tolalaringizni ham asrab qolgan boʻlasiz.

2. Transport uchun yoʻl haqi toʻlashga hojat yoʻq. Uyingizda, sevimli dars stolingiz oldida hatirjam ilm olish imkoniyati turganda, qoʻshimcha xarajat kimga ham kerak.

3. Dunyoning istalgan yeridan turib taʼlim olish imkoniyati. Xohlasangiz Garvardda, xohlasangiz Stenfordda oʻqing. Ha,darslarda ishtirok etish uchun rasmiy kiyim talab qilinmaydi.

4. Oʻzingiz istagan mutaxassisning darslarida qatnashish imkoniyati. Bundan tashqari ularni oʻzingiz tanlab, saralay olasiz.

5. Oʻqish uchun ishdan boʻshashingiz shart emas. Endi siz ish va taʼlimni bir xilda olib keta olasiz.

6. Dunyo kutubxonalarining noyob kitoblaridan foydalanish imkoniyati. Gohida biz qidirgan kitoblarni topish qiyin boʻlib qoladi, top universitetlar esa kutubxonasidan bepul foydalanishga ruxsat beradi.

7. Darslarni tushunmay qolsangiz, saqlab qoʻyilgan nusxasidan qaytadan koʻrib oʻzlashtirib olsangiz boʻladi. Bu esa bilimlaringizni yaxshigina mustahkamlaydi.

8. Oflayn kurslarga qaraganda onlayn kurslarning narxi hamyonbopdir. Shuning uchun ham bugunga kelib koʻpchilik onlayn taʼlimni afzal koʻrmoqda.

Telegram | Instagram | Youtube

Muhim o'zgarish

Mohirdev onlayn ta'lim platformasining bog'lanish raqami o'zgardi.

Yangi telefon raqamimiz: 78-113-13-10

Kurs bo'yicha savollaringiz bo'lsa, ushbu raqamga qo'ng'iroq qilib batafsil ma'lumot olishingiz mumkin

Telegram | Instagram | Youtube

🔥 Bu maslahatlarga amal qilsangiz, onlayn kurslardan maksimal foyda olasiz

Koʻpchilik onlayn kurslar sotib olib, baʼzi bir sabablarga koʻra kursni oxirigacha tugata olmay, darslarni keyinga surishadi. Sabab diqqatni oʻqishga jamlash oson emas. Chalgʻituvchi narsalar juda koʻp, ijtimoiy tarmoqlar, tugʻilgan kun, uchrashuvlar, uyqu... Bularning hammasi darslarni keyinga surishga sabab boʻladi. Agar sizda ham shunday muammo boʻlsa, siz mutlaqo yolgʻiz emassiz va bu postni diqqat bilan oʻqishingiz kerak!

Onlayn kurslardan qanday qilib maksimal darajada samarali foydalanish mumkin?

1. Maqsadingizni aniqlab oling

Maqsadingiz jiddiymi oʻzi? Nimaga erishmoqchisiz? Yarim yoʻlda ortga qaytasizmi yoki maqsadingizga erishguningizcha toʻxtash yoʻqmi? Shu haqida oʻylash uchun alohida vaqt ajrating va maqsadlaringiz roʻyxatini tuzib chiqib, unga kuniga bir-ikki marta koʻz yugurtiring. Bu sizga eng katta motivatsiya boʻlsin! Unutmang, motivatsiya ichingizda boʻlsin, uni tashqaridan izlamang.

2. Oʻzingiz uchun alohida oʻquv maydoni ajrating

Oʻqish uchun alohida boʻsh xonangiz boʻlmasa ham, siz uyning televizor, shovqindan uzoq boʻlgan sokin qismida dars qilish uchun joy yarating. Bu aynan dars qiladigan joyingiz boʻlsin. Alohida oʻquv maydoniga ega boʻlishning yana bir afzalligi sizda dars qilish ongi paydo boʻladi. Xuddi oshxonani koʻrsangiz tamaddi qilgingiz, yotoqxonada uhlagingiz kelganidek, oʻquv maydonida dars qilish koʻnikmasiga ega boʻlasiz.

3. Kechiktirishga “YOʻQ” deb javob bering

Odatda onlayn kurslar tayyor holatda va koʻrish uchun chegaralanmagan boʻladi. Shunda siz “Dushanbadan boshlayman, buni xohlagan vaqtim koʻrishim mumkin, ertalab soat 5:00da turib “svejiy kallaga” dars qilaman, hozir ishlar koʻp, “ kabi yod boʻlib ketgan “vaʼdalarga” aldanishingiz mumkin. Intizomli boʻling, oʻquv rejasini tuzib chiqing. Chalgʻituvchi narsalarni cheklab qoʻying.

4. Oʻquv guruhlarida, meeting, ovozli chatlarda faol boʻling

Kursdoshlaringiz bilan suhbatlashing, balki uchrashib, birga oʻrganishingiz mumkindir. Muammolaringizni ular bilan birga baham koʻring va hamkorlikda oʻrganishga harakat qiling, yolgʻiz emasligingizni his qiling. Guruhlarda boshqalarga yordam berish bilan ham bilimingizni mustahkamlaysiz, ham hurmat-eʼtiborga sazovor boʻlasiz. Ijobiy suhbatlar qurish, sizni xavotir va stressdan qutqaradi.

5. Tanaffus qilish esingizdan chiqmasin!

Oʻqish davomida tanaffus qilish juda muhim. Bunda ozgina yurish, sayr, toza havodan nafas olish sezilarli yordam beradi. Agar ijtimoiy tarmoqlar, gadjetlar, televizor koʻrishga oʻtirsangiz bu sizni battar charchatishi mumkinligini unutmang.

Siz onlayn kurslardan foydalanishda qanday metodlardan foydalanasiz? izohlarda ulashishni unutmang 😉⠀

Kurslarga ro'yxatdan o'tish

@mohirdev - kasbiy xotirjamlikka shu yerda erishiladi

Telegram | Instagram | Youtube

🔎 QA ya'ni Sifat Nazorati mutaxassislari detektivlarga o'xshaydi - ularning vazifasi xatolarni topish va ularni to’g’irlashga yordam berish

Keling, nima uchun QA muhandisligi IT’da karyera boshlash uchun eng yaxshi tanlovlaridan biri ekanligini ko'rib chiqaylik.

1. Raqobatdoshi ish haqqi
QA muhandisligi - IT sohasidagi yaxshi haq to'lanadigan mutaxassisliklardan biri. Head Hunter’ga ko’ra QA muhandislariga $300 dan - $2500 maoshgacha ish e’lonlari joylangan. Tajribangiz, va o’zingizni ko’rsata olish qobiliyatlaringizga qarab daromadingiz ham oshib boraveradi.

2. O'rganish ko'p vaqt talab qilmaydi
Haftasiga 10 soatdan vaqt ajratgan holatda, o'rtacha 3-4 oy ichida soha asoslarini egallagab, o'z karyeyrangizni boshlashingiz mumkin. Agar ish beruvchi kompaniya tomonidan qo'yilgan talablarga javob bera olsangiz ish topish ham muammo bo'lmaydi.

3. Nisbatan toliqishlarsiz va stressli emas
QA muhandisi mahsulot sifatini yaxshilash, sinovdan o'tkazish, rejalashtirish va natijalarni tahlil qilishga javobgar. Boshqa ITdagi kasblar bilan solishtirganda, nisbatan bu sohada stressli holatlar kam uchraganligi kuzatilgan. (1)

4. Tanlov imkoniyati
QA muhandisi bo'lib ishlab, tajriba orrtirganingizdan so'ng, siz keyingi bosqichga, masalan, QA automation'da o'zingizni sinab ko'rishingiz mumkin. Bu bosqichda sizdan endi ko'proq ko'nikma va texnik bilimlar talab qilinadi.

5. Siz bu istiqbolli sohani Mohirdev'da "Quality Assurance" (Sifat Nazroati) praktikumida o'rganishingiz mumkin! Kurs davomida sizga QA sohasi asoslaridan boshlagan holda, ish davomida qo’llanadigan barcha kerakli ko'nikmalar o'rgatiladi.

Kurs haqida batafsil: mohirdev.uz/qa

P/S: Yuqoridagi ma’lumotlar Manual QA'ni o’rganmoqchi bo’layotganlar uchun.

@mohirdev - kasbiy xotirjamlikka shu yerda erishiladi

Telegram | Instagram | Youtube

Soha tanlashga qiynalyapsizmi? Bepul konsultatsiya oling

Quyidagi link orqali o'ting va ma'lumotlaringizni qoldiring. Biz siz bilan bog'lanamiz.

👉 mohirdev.uz/consultation

Telegram | Instagram | Youtube

Ayni paytda davom etayotgan Mohirfest22 ochilish marosimidan lavhalar

Bizni kuzatib boring:

@mohirfest | @yoshlaragentligi | @mohirdev

Qanday qilib doimiy motivatsiya bilan ishlash mumkin? ⠀

Vazifalaringizni bajarish uchun ishda motivatsiya boʻlishi muhimdir. Agar energiyaga toʻla boʻlsangiz maqsadlaringizga erishishingiz, topshiriqlarni vaqtida bajarishishingiz oson boʻladi. Sizning layoqatli ekanligingiz hamkasblaringizga ham taʼsir qiladi, ayniqsa jamoadagi muhit ishning unumdorligini oshiradi.

Quyidagi usullar orqali motivatsiyangizni kun davomida maksimal darajada ushlab tura olasiz:

1. Oʻzingizni oʻzingiz mukofotlang

Topshiriqni ajoyib tarzda yakunlasangiz, sevimli mashgʻulotingizni qilishga vaqt ajrating. Kimdir oʻyin oʻynashni yaxshi koʻradi, kimdir esa shirinlikxoʻr. Bunda sizda baxt garmoni ajralib chiqib, kayfiyatingizga taʼsir qiladi. Shunda doimiy bosimlardan biroz boʻlsa ham xalos boʻlasiz.

2. Ertalabki badantarbiya

Koʻpchilik IT mutaxassislarining shaxsiy kun tartibi boʻlmaydi. Notoʻgʻri ovqatlanish, kompyuter qarshisida uzluksiz oʻtirish nafaqat kayfiyatingizga, balki jismoniy holatingizga ham taʼsir qiladi. Muammolardan chetlanish uchun ham sport bilan shugʻullaning, bunga vaqt ajrata olmasangiz, tongda yugurishni odat qiling. Natijasi koʻp kuttirmaydi, ishonavering!

3. Qisqa tanaffuslar

Ish jarayonida ozroq tanaffus qiling. Iloji boʻlsa oldingizda gadjetlar boʻlmasin. Hozirgi paytda gadjetlarga qaramlik avj olganini hisobga olsak, bu ajoyib muolaja.

4. Sayr qilish

Sayr qilishga odatlaning. Ayniqsa, yomgʻirdan keyingi musaffo havo sogʻligʻingizga ijobiy taʼsir koʻrsatadi. Mutaxassislarning tadqiqotiga koʻra, doimiy sayr qilishga odatlanganlar kun davomida yuqori kayfiyatda boʻlganliklarini aniqlashgan.

5. Aniq belgilangan maqsad

Biror ish qilishdan oldin, oʻsha ish uchun qancha vaqt ajratishingiz belgilab oling. Kechiksangiz, hech ikkilanmay jarima belgilang. Odatda odamlar oʻzini pul bilan jazolashadi (sinab koʻrganlar gapimizni tasdiqlashi mumkin. Aytgancha, pul ketishidan siqilib, shuncha qilgan harakatingizni havoga sovurib qoʻymang-a?!

Telegram | Instagram | Youtube

Mohirfest 22 festivali haqidagi yangiliklardan @mohirfest kanali orqali xabardor bo'lishingiz mumkin

Bugun soat 20:00 da MohirFest 22 bo'yicha efir o'tkazamiz.

Kimda savollar chiqayotgan bo'lsa, kirishi mumkin.

LINK: https://youtu.be/q9eVSOj9by8

Ehtimoliy savollarga javoblar:
- Efir yozib olinadi.
- YouTubeda bo'ladi.
- Savollaringizni YouTubeda yozib yuborsangiz bo'ladi.
- Darslarga oid savollarga guruhlarda javob beramiz, YouTubeda umumiy MohirFest haqida gaplashamiz.
- Soat 20:00 da bo'ladi.
- Efirni Muhammadjavohir o'tkazadi.
- Soat 20:00 dan kechroq kirsangiz ham bo'ladi. Efirni boshiga qaytish uchun videoning boshiga o'tkazasiz vaqt qismidan.
- Efir yozib olinadi.
- Saytga kirishda muammo bo'lyaptimi? Efirni ko'ring. Kutishni xohlamasangiz, juda ko'p marta yuborayotgan yo'riqnomamizni ko'ring.
- Sizga SMS kelmadimi? Buning ham sababini aytamiz efirda. Hozir esa @mohirfest da SMS kelmaganda nima qilish kerakligi haqidagi postni ko'rib u yerdagi qo'llanmaga qarab ro'yxatdan o'ting: https://t.me/mohirfest/28

Bizni kuzatib boring:

@mohirfest | @yoshlaragentligi | @mohirdev

Efir boshlandi: https://youtu.be/q9eVSOj9by8

Fikrlashni kuchaytiruvchi foydali resurslar ⠀

Logika va IT bir-biri bilan chambarchas bogʻliqdir. Mantiqiy fikrlashingiz qanchalik yaxshi boʻlsa, ishda boʻladigan turli xil muammolarga tezkorlik bilan yechim bera olasiz. Shuning uchun ham ish beruvchilar intervyuda doimiy ravishda nomzodlarning fikrlash doirasini bilish uchun sinovlar oʻtkazishadi.

Quyida sizlarga logikani kuchaytiruvchi servislarni qoldirdik:

❇️ BrainExer.com

Xotirani kuchaytiruvchi mashqlar toʻplami hamda logika uchun foydali oʻyinlarga boy sayt. Undan tashqari smartfonlar uchun ilovasi mavjud boʻlib, shaxsiy kun tartibingizga mos ravishda shugʻullanish imkoni bor.

❇️ CogniFIT.com

Eng foydali servislardan biri boʻlib, undan Yevropaning baʼzi maktablarida, shuningdek oila psixologlari doimiy ravishda foydalanib keladi. Saytdagi mashqlar maxsus mutaxassislar tomonidan tuzilgan boʻlib, logikani rivojlantirishga sezilarli ravishda hissa qoʻshadi.

❇️ Wikium.ru

Miya faoliyatini yaxshilash va kognitiv funksiyalarni rivojlantirish uchun onlayn platforma. Siz onlayn oʻyinlar, simulyatorlar yordamida diqqatni jamlay olasiz, xotirangizni kuchaytirasiz, fikrlashingiz oʻstira olasiz. Eʼtiborli jihati shundaki, platforma sizni dastlab sizni sinovdan oʻtkazadi, shundan soʻng darajangizga mos ravishda mashqlar jadvalini tuzadi.

❇️ Brain Blow

Oʻyin oʻynashni yaxshi koʻruvchilarga bu servis yoqsa kerak. Ilova sizga turli xildagi oʻyinlar, mantiqiy savollar, jumboqlar, topishmoqlarni taqdim qiladi. Oʻyin davomida sizni sinovdan oʻtkazadi va yakunda rivojlanishingiz uchun mashqlar toʻplamini taqdim qiladi.

Telegram | Instagram | Youtube

🎉 Biz bilan ekanligingizdan xursandmiz!

Mamnuniyat bilan shuni e'lon qilamizki, Instagram sahifamizdagi kuzatuvchilarimiz 10 mingdan oshdi.

O'tgan vaqt davomida Mohirdev jamoasi sizlar uchun ko'plab mavzularda foydali postlar ulashishga harakat qildi. Undan tashqari, yoshlarimiz orasida axborot texnologiyalari sohalarini targ'ib qilish uchun o'z sohasining mutaxassislari bilan bepul vebinarlar tashkillashtirib kelmoqdamiz.

⭐️ Albatta, kuzatuvchilarimizning oshishi yelkamizga ulkan mas'uliyat yuklaydi. Biz siz uchun harakatdamiz. Bildirilgan ishonch uchun tashakkur!

Telegram | Instagram | Youtube

Muvaffaqiyatli karyera qurishni istaganlar uchun ⠀

Agar birinchi ishingizga endigina erishgan bo'lsangiz, keltirilgan maslahatlar sizning foydangizga ishlaydi. Xususan, muvaffaqiyatli karyerani orzu qiladigan har qanday mutaxassis oʻz ishiga sidqidildan yondashishi afzaldir.

Xoʻsh, qanday qilib ishda muvaffaqiyat qozonish mumkin?

1. Ish beruvchining maqsadlarini toʻgʻri tushunish

Kompaniya ichidagi atmosferaga koʻnikishga harakat qiling. Boshliq yoki menejer bilan doimo yaxshi aloqada boʻling. Ularni berilgan topshiriqlarni aʼlo darajada bajarishingizga ishontiring.

2. Yuqori kayfiyat

Ishda hamma narsa boʻlishi mumkin. Qiyin vaziyatlarda, tabiiyki, jamoaning kayfiyatini tushib ketadi. Qolaversa, bu ish surʼatiga ham taʼsir qiladi. Yaxshi xodim nafaqat oʻzini, balki jamoadoshlarini ham oldinga unday oladi.

3. Yakdillik

Kompaniya oʻsishi uchun oʻz shaxsiy manfaatlarini ishdan ustun qoʻymaydigan xodimlardan tashkil topgan boʻlishi kerak. Birdamlikdagi harakat sizni karyerada oʻsishingiz uchun xizmat qiladi.

4. Gʻiybat

Afsuski, jamiyatimizda ildiz otgan bu illat odatiy holga aylanib qoldi. Baʼzi bir odamlar mansab pillapoyalaridan koʻtarilish uchun hamkasblarini boshliqlariga yomonlaydi. Ishoning, mana shu harakat sizning karyerada singaningizni anglatadi. Aqlli boshliq, bu ishingizdan xulosa qiladi, siz esa kompaniya bilan xayrlashaverasiz. Jamoa ham bir oila, undagi sir uning ichida qolishi kerak.

5. Masʼuliyat

Sizga ishonib topshirilgan vazifani chin dildan bajarishga harakat qiling. Komfort hayotga oʻrganib qolmang. Dangasalikdan voz keching. Masʼuliyatli boʻlsangiz, kompaniyada ham hurmat topasiz.

6. Deadline

Biz buni deyarli har yozgan postlarimizda eslatib oʻtamiz. “Bugungi ishni ertaga qoʻyma” degan maqol bekorga aytilmagan. Avval aytib oʻtganimizdek, shaxsiy manfaatlarni ishdan ustun qoʻymang.

Telegram | Instagram | Youtube

Proyekt menejer bo'lish osonmi? ⠀

Loyiha boshqaruvida baʼzan bilimlarning oʻzi kamlik qiladi. Avvalgi postlarimizda aytib oʻtilganidek, sizning hayotiy tajribalaringiz ham muhim rol oʻynaydi.

Proyekt menejerlardan kundalik muammolarini hal qilish, shuningdek, javobgarlik, moslashuvchanlik, analitik va strategik fikrlash, qatʼiyatlilik, stressga chidamli shaxsiyat va tavakkal qilishni yaxshi koʻrish talab qilinadi. Ayniqsa muloqotga kirishimli boʻlsangiz, odamlar bilan yaxshi chiqisha olsangiz bu soha aynan siz uchun.

Proyekt menejer sifatida muvaffaqiyat choʻqqilarini zabt etmoqchi boʻlganlar uchun, quyida tajribali mutaxassislarning maslahatlarini keltirdik:

• Biznes va riskni boshqarish jarayonlarini yaxshi tushunish
• Muayyan muammolarga nafaqat texnik bilimlar, balki hayotiy koʻnikmalar orqali toʻgʻri yechim bera olish
• Kuchli liderlik qobiliyati
• Byudjetni toʻgʻri taqsimlay bilish
• Tanqidiy fikrlash
• Bosim ostida toʻgʻri qaror qabul qila olish
• Yaxshi muloqot qilish va muzokara olib borish qobiliyati
• Kuchli ishbilarmonlik
• Kreativ fikrlash
• Analitika

Koʻrib turganingizdek har bir kasbning oʻziga yarasha qiyinchiligi bor. HH.uz saytining maʼlumotlariga koʻra yurtimizda proyekt menejerlar oʻrtacha $200 — $3000 gacha maosh taklif qilinyapti. Oʻzbekistonda bu kasbga boʻlgan talab yuqori boʻlgan, raqobat yoʻq boʻlgan bir paytda dangasalikka chek qoʻyish ayni muddao.

Oʻz maqsadlari yoʻlida hormay-tolmay mehnat qiladiganlar uchun Project Management kursini tavsiya qilamiz. Bizda oʻqishingiz uchun faqatgina internet, kompyuter va kuchli xohish talab qilinadi xolos. Qisqa muddat ichida talabgir soha mutaxassisi boʻlish imkoniyatini qoʻldan boy bermang.

Telegram | Instagram | Youtube