محله شعبان بسم المنتظر
محله شعبان أحله من الگمر
يامهدي. يامهدي

توه هالمولد حله بمهدينه
أنه يبقى القائد ووالينه
احنه بعيون العده طبينه
الليله مهدينه يشع علينه

نفرح اليوم كلنه بطلته
نفرح اليوم محله شوفته

اليوم مبتشره بسعدهه اجداده
اليوم فرحانه وتهلي الساده
الليله مهدينه انولد يا قاده
الليله أول خطوة تبدي أمجاده

الليله مولود. لزهره ولد
الليله مولد أحله من الشهد

اليوم ابواب الجنان مشرعه
اليوم عنوان افتاخري بمطلعه
اي وحق جدك امير المشرعه
الشيعه كل حبهه بمحبته مجمعه

حبك اليوم. يكبر مازغر
حبك اليوم مهدي المنتظر

اليوم روحي بمولده فرحانه
اليوم فرحانه السمه بمولانه
ياابوصالح عايش انته ويانه
الشيعه احنه بخدمتك تلگانه

نشعل شموع ..للمهدي صدگ
نشعل شموع..حب مانفترگ

نريد تكمل فرحتك لحبابك
نريد تطلع مانريد غيابك
نروح فدوه سيدي لترابك
يمته تطلع واحنه نلزم بابك

يمته موعود ونشوفك عجل
يمته موعود يالكلك امل



خادم رقية عليها السلام
الشاعر مهند الدريساوي

نعي / استشهاد سيدي ومولاي الامام علي عليه السلام

انطبر راعي المحنه
وتطشر خير اهلنه
حنين الماكومنه
بعد ياهو يلم وصلنه
والجروح الماغفن هنه
ذكرياتك حيل أذنه
اهنانصلي أهنا گعدنه
يبعد عيونك الجنه
مشيت ومنهو النه
طلعت بليلك اجنازه
العزيز تشيعه اعزازه
مات واني محتازه
علينه الفارك عيوني
تدفونه تدفنوني
اطب بگبره خلوني
بعد ماشابعه عيوني
من عنده لاتحرموني ..يابويه ياعلي


خادم رقية عليها السلام
الشاعر مهند الدريساوي

زينب عليها السلام تنعى حالها برحيل فلذة كبدها الامام علي عليه السلام

   وحشة دارك...عكبك عشت مثل الغريبه
     وحشه دارك...الله يساعد الفارك حبيبه
     حيدر تشيع عجيب...ميت الزينب حبيب 
                        وحشة دارك
          __
               كلب العقيلة وهامتك بالطبره
                من الالم ماتخمدلهن حسره
              عشت اليتم موت الابو والزهره
               ليلي برحيلك طول وبي جمره
    بانتظارك...... اشوف الدنيا بعيوني اسيره
     بانتظارك.....عطري من البجي ميت عبيره
     صبري بعيون الرقيب....ميت الزينب حبيب
                        وحشة دارك
           _
                 دمع الحسن بالكوفه ظل يلالي
              رمضان اجاني واني مات اهلالي
                 حسرة يتيمه و ودعت كل غالي
                  ارجف وناشق والحزن يبرالي
     ودعيته.......وافرش ذكرياته وانشق ابآه
      ودعيته....ابوي الغالي كلي شلون انساه
       اليله تشيعك رهيب.....ميت الزينب حبيب
                         وحشة دارك
           ____
               جانت عزيزه بوكت ابونه الجمعه
                مات الأذان وي الفجر منسمعه
                 تلطملك املاك السمه بالسبعة
                يبجيلك ادموع العرش مودمعه
     راعي بيتي....مات وظلت ايتامه وحيده
     راعي بيتي... المسافة البيني والبينه بعيدة
      صحت حيدر مايجيب...ميت الزينب حبيب
                           وحشة دارك
           __
             يبجي الحسين وي الكمر كل ليله
               ميت ابونة بكل بوكت نبجيله
              منهو اليعوض هيبته ونشكيله
             جان اليتامة بكل فرض تدعيله
    كل كلامك..اذكرنه ويهد اعيوني الاوداع
    كل كلامك....ربنه مئيده وقران ع الكاع
      تبجي الايتام بنحيب..ميت الزينب حبيب 
                          وحشة دارك
         _
             ابيضت عليك عيوني لايارمضان
            اهلالك يهل ومن كمل بس أحزان
               شهر الله وبيته انطبر بي قران
           ركن الله طايح حيدره راعي الشان
         مونهاية...يبقى بكل زمن ينعاك محراب
        مونهاية...تبقى اعيون ولدك ناطره الباب
    هذا ابونه موغريب       ميت الزينب حبيب
                           وحشة دارك
         _
            طاح العمود الخيمه من يمهه اطيح
                مثل الورود التنشلع من الريح
             دارك خليه وزينب بوحشه تصيح
         دمعي اعله بوي الغالي مثل التسبيح
  للغوالي..ادموعي  البلحزن فاضت ع الاخدود
  للغوالي... احسه بكل نبض وياي موجود
سابح بدمه خضيب         ميت الزينب حبيب
                      وحشة دارك
   


     خادم رقية عليها السلام
      الشاعر مهند الدريساوي

نزله للامام علي عليه السلام

طاح رباط السوالف  والمضيف بلاملح
     الفريضه براسه طبره ودمه ينزف للصبح
        _
          شيوخ طاحت بالسلف ماكو اقوياء
           الدنيه وحشه ومابقت بيهه ابرياء
            شلون جرءه وسيفك يطر السماء
            جان وحده وخارس افواه الرياء
       الكاع يبست من بجيهه ودمعت حتى الفلح
         _
           الهيبة ماتت من وكع صدر المضيف
           وجاي يحكمني اعله تالي المو شريف
              مات حيدر يعني شيعنة الرغيف
             الشجره تزعل لو قرب يمهه الخريف
          الخير مطبور اعله راسه وبين بروحه الجرح
           ____
               مات حيدر وارتفع صوت الوثن
            وشال نعشه وغركت اعيونه الحسن
             تره الفارك حيدره مفارك وطن
             حسين يبجي اعيونه من دمعه انتهن
       كل ملامح وجهة راحت سابح بدمه سبح
            __
              جاع حيدر حتى يشبع كل فقير
                 اليتامه تشوفه اول مواخير
               هذا حيدر يعني ابو كلب الجبير
             اهدومه خشنه ولبس الفقره حرير
       عاش كل همه اعله ناسه وماطلب منهم ربح
            __
               كل جوامع الله تبجي وماتمل
                استشهد القران بيهه وتنسئل
                ليش يمج منطبر كل الثكل
               جان يعرف بالفقيره من النمل
       هذا تربات النبوه  ومايخاف من الذبح
              ____
               كون كل شيعي اعله راسه ينطبر
                 شلون طبروهه المراجل بالفجر
               المهدي يبجي ويلطم ويانه الخضر
                   مانوافي لون نبجيلك عمر
          باجر افعال الظوالم من دمعنه تنفضح
   
   
        خادم رقية عليها السلام
          الشاعر مهند الدريساوي

الحن اوداعك بروحي ورتل
ثكيل السان المفارك ورتل
عكب حسين تالي البد ورتل
وانه الجان التراب يلوذ يه
 
حسين عيوني لمصابك تجاره
عليك اليبعد ومخلص تجاره
خادم ماخذت دربك تجاره
رضاتك عني هيه فلوس اليه
__
سجن دلالي مافك من خيمات
وعدوك بيده يحرك من خيمات
غريبه ابوحدي واركض  من خيمات
صبح جرف النهرسجان اليه
__
 
ثكل بالطف عليه .......كله وانه (كل هوانه)
وصده اجروحي يتفتك كله وانه
اجيتك واعثربهمي
اطيح وانته مويمي
اشوفن راسك واشهك
اجيلك وبكفاي انطك
اكوم واعثربظلي
لجحت اعيونك اتكلي
يزينب عينج عليهه
رقيه ابنيتي داريهه
نارالخيم تجويهه
دوس الخيل ياذيهه
خايف تعرف شبيهه
يخي كطعوا تراجيهه
بعباتي اركض واغطيهه
وعلي متني يتشطب كله وانه
  اشاكف والسياط اتلوح بيه

 
منو الباقيلي مامذبوح ياخيل
ياعم العدل مامات ياخيل.  
بهداي ويه صدر حسين ياخيل
مومالت دپج يالعوجيه



لهيب الطف وانه اتنطر بطشتاه
يزيد بقصره ماهمني بطشتاه
جبان وصاح جيبولي بطشتاه
راس حسين ونموت رقية


الله يحبه كلمن طفه لحسين
خيمة وكله يرعب طف حسين
وعلي لودمه طايح طفل لحسين
جاكالو بقت ع الكاع اميه


__
نهج عدهم ذبحته ماكو راسة
الشمر تاريخه شنهي  ماكو رأسه
وگع بالطف يازينب ماكو راسه
اخوج حسين ظل اعله الوطيه

 
 
 
#خادم_رقية_عليها_السلام
#الشاعر_مهند_الدريساوي

محاوره بين السيدة زينب وحادي النوگ

ريض يا حادي النوگ هم بدل الراي
مر بيه عل عباس خلي اشبع فياي

يازينب تموتين مابدل الراي
صاير وصل عباس موذاك الاهواي

ودني اعله خوي ارجوك خليني يمه
حت لوصل عباس بدييه المه

كل ضنج تلمين عينه ويه الجفوف
شفت اعله جسمه اثار الآف السيوف

مررني حادي النوگ وكليبي يمه
حت لونحر بس ضال خليني اشمه

ماريدج اتموتين من عينج اتشوف
راسه اعله ذاك الصوب وهنانه الاجفوف

ياوسفه طاح الحيد ذاك شحلاته
خيمه وستر عباس جان الخواته

شفته اعله جرف الماي من جفه بداه
وبحلكه شفته حسين ويسولف وياه

كيف رأيتي صنع الله بكم
فأجابت السيدة زينب عليها السلام
ما رأيت الا جميلاً

كلش جميل الجره بطف كربله بيمال
وايوب يمي وكف صبره خلص بيمال
والطاغي مابي سند من ينتبع بيمال
من احجي يحجي النحر من تستمع قافله
وبكلبي خاتم علي حب الولي قافله
ركعت روس الزلم واني اركب القافله
وامشي برسالة نبي للشام اطب بيمال

الشاعر مهند الدريساوي الرسمية:
نزلة لاستشهاد النبي محمد صلى الله عليه وآله وسلم
 
 
فنه عمره
ابوالزهرة....لجلنه
**
بوگت چانت قريش بدم
تغرگه اليدنه ليهه
ابوالزهره حبيب الله
يسل سيفه عليهه
جمع بالسر زلم كالدر
قفص مقفل حچيهه
بدر طالع على الوادم
رزق ربك نبيهه
 
 
انكتب قدره
ابو الزهره....لجلنه
***
شعظم جرحه الگلب يدمي
رغم كل المخاطر
صلاة الحب يصليهه
بكهف كل المشاعر
وگف وحده بوسط ديره
وحيد بلا مناصر
درب صحره يعوف أهله
غصب عنهم يسافر
 
 
عجب صبره
ابوالزهرة.....لجلنه
***
 
منو مثله بدرب ربه
انضرب رأسه بحجاره
وكت متعب يلم ربعه
وخلص عمره بمراره
وگف وحده وخطب بيهم
علن مبدأ شعاره
رفع راية وعلي وياهه
وكتب بيهه انتصاره
 
صدر أمره
ابو الزهره...لجلنه
***
 
بده إسلامه ورفع رأيه
بكتاب الله بداهه
بوسط مكة وثن يهدم
علن بسلامه طه
برز بالحق على الباطل
هتف صوت بسماهه
الامين انته وصدوق انته
وذخر كل محتواهه
 
الجرح ادره
ابو الزهره...لجلنه
****
 
على الدنيه العفه بعدك
يبو الزهره الزچيه
نبي مثلك ابد ماكو
شبع هالكد اذيه
الربع تحجي النبي يهجر
وكت قرب المنيه
صفه وحده فقط حيدر
ابن عمه وخويه
 
البعد نظره
ابوالزهرة....لجلنه
 
*
الحزن طاغي على اعيوني
يبو الزهره وحبيبي
عشت قصت فراق الحب
انه مشيع طبيبي
لبست اسود عليك احزن
صفه جرحي بنصيبي
ابوي انته وعشيرتنه
ولقب اهلي وقريبي
 
بنه حظره
ابو الزهره...لجلنه
 
 
 
خادم رقية عليها السلام
الشاعر مهند الدريساوي

‏مقطع صوتي من مهند الدريساوي

‏مقطع صوتي من مهند الدريساوي

نزلة / اعگيلي استشهاد الرسول صلى الله عليه و آله و سلم

شيعنه الكون وتكوينه
___
دگينه صدور ولطامه
طگينه الرأس اعله الهامه
شيعنه الدين ويه إسلامه
ودعنه الغالي مشيعينه
__
 
والفقره ابابك حزنانه
شيعنه الليله مولانه
هو اليسهر چان ويانه
لونبرد چان يغطينه
___
 
ويسافر هاي اخر ليله
والزهره بصفه وتدعيله
وحيدر يمه ويتچيله
ويگله شلون تخلينه
_
 
وزينب تبجي تصيح جدي
عگب عيونك اصفه وحدي
چنت اتمنه تحفر لحدي
بيدك تربه تهل علينه
_
 
طاح الحسن فوگ أحضانك
 شيعنه الدين وقرانك
هاي اخر لحظه بعنوانك
وتموت انفاسك والينه
__
 
هذا حسينك تپجي عيونه
شيچاوب لما يسئلونه
چدك ماكو وتماشونه
وايتامك ناس تسمينه
____
 
مودع بالله روح الغالي
گبرك يمي عاش أبالي
بنعشك انته وهم تبرالي
وأنه الي مافارك عينه
 
خادم رقية عليها السلام
الشاعر مهند الدريساوي
 
 

دعم مؤسسة منبريون الحسينية
#افضل قناة للنعي
https://t.me/+P0VV4bLqtzuKdcQS
#للاشتراك بالدعم @ahmed_alziwar0