ياصاحب الوچه الحزين زينب اجتك ياحُسين
حُسين حُسين حُسين حُسين


.
.
.

يا ابو الاكبر الليلة اجت يمك
حيرة ماتگدر لازم تظمك
هوايه مشتاگه اختك اتشمك
زينب اعيونك اعيونك اتلچمك

وتذكرت نار وسهام وسمعت كسر ذيج العظام
حُسين حُسين حُسين حُسين

.
.
.

اشلونك اتگله گاله اشلوني
والله ماشبعت منك اعيوني
خويه شيباتك غيرن لوني
والشمر يضرب طيح امتوني

طحت اعله وجهي ماتشوف طيحت مره ابلايه چفوف
حُسين حُسين حُسين حُسين

.
.
.

مددت زينب ويلي رجليها
ياحُسين الحگ شوفها شبيها
من عمت عيني ماتحاجيها
يابني هاشم وين اهاليها

فشله يمد ايده الغريب احضر يمن خدك تريب
حُسين حُسين حُسين حُسين

.
.
.

أتخَليت زينب ميته گدامي
والله اشگ ثوبي واكسر اعظامي
هذا حال اني وانت يالظامي
شحال من صاحت احترگن اخيامي

اتخيل مره وتچويها نار تحتار بيها وبالزغار
حُسين حُسين حُسين حُسين

.
.
.

ياعلي ادخيلك رجعت الذكره
گلي يالميمون تنحب وتقره
وين والينه منكسر ظهره
عدل لو ميت داسة العشره

والخيل اجتنه عاديات لا ظل خوات ولا بنات
حُسين حُسين حُسين حُسين

.
.
.

الشامت الشامت شاف دمعتها
من سمع زينب الليله موتتها
يا ابو الاكبر ترضه غربتها
لا تجي انت ولا تجي اخوتها

يادنيا بالله اتآملي علوية ماتت من علي
حُسين حُسين حُسين حُسين

خادم زينب محمد الظالمي

تعال وسير العيني تعال وكل شي حاجيني يروح اختك
دقايق راح اموت اني احتمال ابگبري تلگاني على بختك

.
.
.

بسرعة دارت دنيتي فجأه افترقنه
صرنه احنه ياوكت نشتاق لحنه
صار كل واحد يجر بالآه حزنه
ماكو بس الموت يجمعنه و يلمنه

اريدك يا ابو الاكبر تجيني حتى لو منحر اچه وكتك
اريد الليلة اشوفنك اخيتك ورد اشمنك على بختك

.
.
.

ماكو شي احلة تره من الصراحه
عيشه بعد احسين لا ما بيها راحه
عسه گلبي لاتعب من المناحه
احسين جسمك طاب لو باقي ابجراحه

ظلام الليل عاميني احاجيك وتحاجيني ولا عفتك
اعوفك والله ما اگدر تعال ابداعة المنحر على بختك
.
.
.

وين الله وترجع ايام البدايه
يانهاية عمري بس انت النهايه
الله ليرجعها ايام السبايه
اشلون امشي والشمر يمشي ورايه

يخويه اركض وارجع اشوف الراس من يوگع شكثر شلتك
تطيح ابحضني ياوسفه تراب اشكثر بالشفه على بختك

.
.
.

شلون نتفارگ وانام ابگبر وحدي
کل شي ماعندي واگولن انت عندي
انه اريدن خدك تخلي اعله خدي
واعله كيفيك احذر من اثار جلدي

سواد ابجلدي اثاره مكان اسياط وحجاره يخي صحتك
دخان امخيمك باقي خنگني وطيح اوراقي على بختك


.
.
.


اقبل بكل شي يجي منك اليه
بس اريدك امشابگ ايدك وي اديه
راسك اينام اعله متني بكل مسيه
مثل ما نامت على وجهك رقيه

سمارك واضح هوايه شجاها الشمس ويايه دم ابشفتك
جبينك ماكله الحافر اخوي ابحالك اشصاير على بختك

.
.
.

شرد اگول الموت يركض بالثواني
بعد ما اگدر اگومن من مكاني
بس تعال ابداعتي وإشبع حناني
السبي غيرني وصرت مو اني : اني

انام وعايش ابالي حبيبي اعيوني يالغالي شكثر عشتك
تعال اكمشني من ايدي شكثر صارن تجاعيدي على بختك




للشاعر محمد الظالمي

الحمد الله الذي جمعنا تحت خيمة الامام الحسين عليه السلام
لقائي الاول : بالحاج الكبير #باسم_الكربلائي

#محمد_الظالمي
#البصرة_الفاوا
#حسينية_ام_الحسن

مانسيتك حته دمعي اعليك دافي
انه اجيت احسبني ثاني بِشر حافي
عندي غايه بيدي رايه


_______________

يا أول عشگ چيتك مختنگ
نسمه اعله ريتي محبوسه
روحي الي انتخت يمراد وبخت
ماكوا حاجه الي ميؤوسه
لا مترجعه ابحاجه الي اندعه
محسوسه تنطي وملموسه
والحَب عتبتك نزل دمعتك
أدنگ لراسه وتبوسه


ارد اگلك هو چم موسى اعله گلبي
من خدمتك كون مايحرمني ربي
بهالداريه بيدي رايه


________________


عذبني العمر ماخذني الكُبر
ابشيباتي اگول اشلونك
اتخليني اطب ؟ بس كلي ذنب
متناقض انه وعيونك
مارايد هله سُمعه ومنزله
بس رايد اشوف امتونك
هم بيهن حبل مثل ام الهزل
هم اربعة الي يشعونك

انت زلمه وسم جرعته وتدري حِيله
واشتگوله لو شفت متن العقيله
حُجه هايه بيدي رايه

_____________

حافظ سمعتي حافظ هيبتي
مشكور يانور العين
اقبلني عبد ارجوا ماترد
چن جون اويقبله حسين
سويني نذر حالي من بِشر
من تنطني دين يظل دين
واني دين الك ابقه اوصلك
أومادام مامرني البين

يابو طلبه الناس تطلب واني ذنبي
گلبك انت فضح بين الناس حُبي
عالبرايه عندي رايه

_____________

عاشرت السجن صدرك من يحن
تلطم عله عمتك زينب
تنحب عالخدر آه من اليسر
والماي ماظن تشرب
يالكاظم تره ماعدكم مره
وبفوگ الهزيله تركب
هم عدكم ظعن نسون انسبن
بس انت عليهن تنحب

دخيلك انت جيتك اعله الباب سائل
باب الحوائج مثل عمك ابو فاضل
من السبايه عندي رايه


________

أربط بالصور بينك والنهر
بين النخل والشريعه
عمك من كتب ممسوم الرطب
چفينه طاحن گطيعه
والسِندي عِبث حاله من شبث
خله حاجتك ذريعه
ينكر والنَكر سواه الشمر
صدرك يرفسه ويشيعه


انت واحد مشتري العاشر ابسجده
ماتگوم الا وتصيح انگطع زنده
بهالروايه عندي رايه

_________

الصحنك من فتت يالكاظم شفت
ألمهدي موجود ابروحه
ينتظر الامل وينادي العَجَل
وعينه اعله الصحن مشبوحه
ابثار اهل العبا يطلع يطلبه
وانت جرح من اجروحه
سيف ابيمنته رايه ابيسرته
ماينسمع همه ونوحه

راح اسلم بلكي يسمعلي سلامي
عجل الله فرج المهدي امامي
المُنيه هايه بيدي رايه


للشاعر محمد الظالمي

مشتاقلك يا بوعلي يا بوعلي مشتاقلك

.
.
.


مابين گلبي ونبضتي اسمك يدگ احروفه
سبحانه وجهك سيدي وهنيال عين تشوفه
اترك واعوفن دنيتي بس مرقدك ما عوفه
اولمن ازور ابو الفضل يفتحلي هيج اچفوفه

مشتاقلك يابو علي يابو علي مشتاقلك

.
.
.

اسم الحُسين اشگد حلو متروس بالحنينه
عابس اذا شگ ملبسه انه اشگله الريه
يوميه اذوب ابخاطره واجري الدمع لليليه
جرني اله خيط الگلب واتعلقت كل نيه


مشتاقلك يا بوعلي يا بوعلي مشتاقلك

.
.
.

منعوني من ازيارتك مدري الهوا منعوني
محد ترس عيني ابد وهذا انت بين اعيوني
مسجون احس سجن العشگ ومن حسرتي يعرفوني
شني العشگ مابي طعم لو ما يصير اجنوني

مشتاقلك يا بوعلي يابوعلي مشتاقلك

.
.
.

هو غرامك لو فلا هايم سكنت الخاطر
سودني عشگك يالگلب مسودن اخيول العاشر
الشاعر اذا ماناح الك لا مايصير الشاعر
نور البضريحك سيدي هو الضوه البناظر

مشتاقلك يا بوعلي يا بوعلي مشتاقلك

.
.
.

انت بتوالي الليل الك حصه بعذابي وروحي
اسمك اذا لفضه بحزن تهدء هواي اجروحي
اتعلقت بيك وعلي صاير اهيم ابنوحي
مذبوحي انت وقصتي ابچي على مذبوحي

مشتاقلك يابوعلي يابوعلي مشتاقلك

.
.
.

مشتاقلك يا بوعلي اكثر من امي هوايه
مشتاق اشوفن مرقدك وانظر رفيف الرايه
مشتاق انه الكربله وعيني على المشايه
وادخل عزائك سيدي وعينك تظل ويايه

مشتاقلك يا بوعلي يا بوعلي مشتاقلك



.
.
.

للشاعر محمد الظالمي

[ يحسين اهواك ]
#خضر_عباس
للشاعر محمد الظالمي

https://youtu.be/oFHOZI-OsKM

الهندسة الصوتية احمد الحجامي
التوزيع احمد الحجامي
شعبان 1436 هـ
#خضر_عباس

السلامُ على تِلك الدموع الجارية
السلامُ على تِلك الخيام الخالية
السلامُ على تِلك الرؤوس العالية
ياحُسين ياحُسين

.
.
.

لا مو حرگ الخيام لا هاي حرگ الگلوب
دمك كحل الغيم وبالگاع انت مگلوب

جرحك كلشي اجبير فاتح گلبك هواي
ميت شفتك احسين بس ميت على الماي

زينب ركضة عليك ركضه مالت أخوان
سمعت گلبك يصيح خويه اني عطشان


السلامُ على تلك الشفاه الذابله
السلام على تلك العيون الناحله
السلامُ على تلك الخدود الراخية
ياحُسين ياحُسين

.
.
.

وَ الله انت مولاي طيب كلش احنين
تبجي اعله اليسلبوك جا شنهي انت يحسين

شد حيلك يمولاي احترگن عندك اخيام
ما نايم قبل ليش هسه صاير اتنام

علمني اجازيك وحرگ گلبي كل يوم
استرني يعريان يامسلوب الهدوم


السلام على تلكِ العقيلة الحايره
السلام على تلكِ اليتيمه العاثره
السلام على تلكِ الجسوم العارية
ياحُسين ياحُسين

.
.
.

ما ادري الله خلاك گلبه وحُبه للناس
وانت گلبك ادريه عباس والله عباس

اشبگني يمذبوح خلي اتلاسق وياك
من زغري اناجيك اهواك اني اهواك

مهرك صوته مسموع شق صوته بالاسماع
هو المثل الحسين هم يوگع على الگاع


السلام على تلك العنان النازله
السلام على تلك الدموع الهامله
السلام على تلك الخيوله الداعيه
ياحُسين ياحُسين

.
.
.

لحظه صفنت الناس شمسوي بالعقول
حطو فوگك اتراب ومدوسك هالخيول

اكبر فشلة والله صروالك يجروه
عيب وخلص العيب والخنصر يگطعوه

اوف من المسافات جا جيتك يمذبوح
انطيك ماي العيون ولا ابخلها هالروح


السلام على تلك الرمال الحارقه
السلام على تلك السهام العالقه
السلام على تلك الرماح القاضيه
ياحُسين ياحُسين

.
.
.

صفنه عندي مولاي عبد الله بالگماط
خيطت النحر گول لو لا مو للخياط

اه اعله السهم ذاك ما خللاله بلعوم
مدري شحجي وياك يحسين انت مظلوم

اكبر راحة عندك جانت وجه الاكبر
الله يساعدك حيل من شفته تعفر


السلام على تلك العيون الشاحبه
السلام على تلك البدور الغئبه
السلام على تلك الجباه الداميه
ياحُسين ياحُسين

.
.
.

مو حلوة حياتي لو مو انت وياي
شمسويلك احسين وتصفني بالماي

ليش ابجيلك اني وانت التعرف اليش
اليسمع خدرك الضاع اشلون يحاول يعيش

زينب هم شرفنه و ما نرضه بيسرها
اتمنه اختي بالشام مسبيه ابأسرها

السلام على تلك العظيمه التنضرب
السلام على تلك المشت گوه وغصب
السلام على تلك الحريم الساميه
ياحُسين ياحُسين

.
للشاعر محمد الظالمي

ياحبيبي ياحسين
نور عيني ياحسين

انت ياوجه الصبح
بكل جرح يعثر جرح
وكل جرح ميت امام
عالرمح راسك نزف
شفافك اترتل الكهف
وتقره عالدنيا السلام
مانمت تقهر حلم
خاف يم زينب زلم
حاشه لعيونك تنام
والبدن ضل يعتذر
مارضه تمشي بيسر
شالت الجثه الحمام
وسافرت للخافقين
نور عيني ياحسين

سيدي يابو الوفه
النده بعينك غفه
والرمش ينگط مطر
والهوى شايل برد
حامل اعطور الورد
يمسح اتعاب السفر
مايهمك منعطف
ياشرف شايل شرف
ياشمس فاگد گمر
شيبتك صارت اثر
شيبت راس الدهر
وانترس حضنك قهر
تارس الدنيه حنين
نور عيني ياحسين

من طحت فوگ الرمال
أتولد أبالي سؤال
بيا سهم صار النحر
انكسر لو صله بيك
لو كسرته ابين اديك
لو مزگ وجه الضهر
حيرتني يالجريح
منين ما اشوفك ذبيح
انه ما قصدي النحر
اعني خيمه اعني أدين
أعني گلبك ياحسين
يعني زينب والگمر
والسلام اعله الثنين
نور عيني ياحسين

صدگ باب الله الجبير
بوجهك الوان الحرير
والجروح اتغسله
وانت من تقره الحمد
تسمع بروح الورد
ساعة تقره البسمله
يا أسد من هيبتك
الدنيا لا ما ضمتك
كيف؟ نورك تحمله
ﻟ لله قربانه الذبيح
وجسمك الذابل طريح
رتل بما انزله
"عند ذي العرش مكين"
نور عيني ياحسين

صيتك بصيت السمه
والله ماهمك ضمه
ياملك لابس سواد
صوت باعلا السابعه
دوه صوت القارعه
من طحت من الجواد
وطولك إلْصله الفرض
خَجّل تراب الارض
ولَبّس الدنيا حداد
كل جرح طوله نبي
وعينك انت إعله السبي
والرمل هو الوساد
حاجبك سداله عين
نور عيني ياحسين

خنصرك دور عليك
مستحي من جف اديك
ابلايه محبس من اجاك
ونحرك بأوداجه نور
يقره علسيف الثغور
قبل لايطبك ضواك
النفس قدره قليل
تستعد اعله الرحيل
والشمر يگطع هواك
والحوافر بيه صوت
تسحك الروح وتموت
فاضت الروح بدماك
جسمك شگد بأنين
ياحبيبي ياحسين

*محمد الظالمي*

علياً وا علياه
عينك سيدي مرتين
فتحة العزاء للشاعر محمد الظالمي
ليلة ١٨ جمادي الأولى
البصرة ساحة الشهداء المركزيه
الفاطمية الثانية
بدون مونتاج

(فيديو)
قصيدة - يا حبيبي يا حسين - باسم الكربلائي(للشاعر محمد الظالمي)