عدى أقل من 4 شهور على رمضان ومع ذلك في طاعات كنت بدأتها وبطلت!
أو ذنوب كنت تبت منها ورجعت لها تاني 💔
هل في حل عشان نثبت ونستمر؟
الإجابة هتعرفها لما تشوف درس
#كيف_نستقيم؟

درس أول مرة ينزل يا شباب
شير عشان الكل يستفيد

t.me/moh_elghaleez

السلام عليكم ورحمة الله وبركاته
صباح الخير يا شباب

نصيحة ابدأوا يومكم من بدري، فالنبي ﷺ دعا ربه قائلا: "اللَّهمَّ بارِكْ لأمَّتي في بُكورِها"..

انتم متخيلين مقدار البركة اللي موجودة في الوقت ده بفضل دعوة النبي صلى الله عليه وسلم!

فتعرضوا لبركة البكور كلما استطعتم.

t.me/moh_elghaleez

قال ﷺ: "يَدْخُلُ الجَنَّةَ أقْوامٌ، أفْئِدَتُهُمْ مِثْلُ أفْئِدَةِ الطَّيْرِ" قيل: في الخوف والهيبة، والطير أكثر الحيوان خوفًا وفزعًا.
فالطير دائمًا على حذر، يخاف من أدنى حركة أو صوت، يعيش في حالة من الترقب واليقظة المستمرة.
والمراد هنا أنهم قوم غلب عليهم الخوف من الله، فأصبحوا يعيشون في يقظة دائمة، وحرص مستمر على رضا الله واجتناب معاصيه، كما قال الله تعالى: "إِنَّمَا يَخْشَى اللَّهَ مِنْ عِبَادِهِ الْعُلَمَاءُ ۗ إِنَّ اللَّهَ عَزِيزٌ غَفُورٌ"..
لذلك سألت عائشة رضي الله عنها، رسول الله صلى الله عليه وسلم فقالت: يا رسول الله، (وَالَّذِينَ يُؤْتُونَ مَا آتَوا وَقُلُوبُهُمْ وَجِلَةٌ أَنَّهُمْ إِلَىٰ رَبِّهِمْ رَاجِعُونَ)، هُوَ الَّذِي يَسْرِقُ وَيَزْنِي وَيَشْرَبُ الْخَمْرَ، وَهُوَ يَخَافُ اللهَ؟
قَالَ: "لَا يَا بِنْتَ أَبِي بَكْرٍ، يَا بِنْتَ الصِّدِّيقِ، وَلَكِنَّهُ الَّذِي يُصَلِّي وَيَصُومُ وَيَتَصَدَّقُ وَهُوَ يُخَافُ اللهَ عَزَّ وَجَلَّ"..

فإذا أردنا أن نتشبه بهؤلاء القوم، فعلينا أن نعيش حياة يقظة وبعد عن الغفلة، فنحرص على فعل ما يحبه الله تعالى، ونرجوا أن يتقبل منا العمل ويغفر لنا الزلل بتوبتنا ورجوعنا، ولا نأمن فنركن للدنيا وأنفسنا، فقد قال الله تعالى: "أَفَأَمِنُوا مَكْرَ اللَّهِ ۚ فَلَا يَأْمَنُ مَكْرَ اللَّهِ إِلَّا الْقَوْمُ الْخَاسِرُونَ"..

فالمؤمن الحق هو من يعمل الطاعات وهو مشفق، وجل، خائف، أما الفاجر فهو من يعمل المعاصي وهو مطمئن.

فسلوا الله السلامة والعافية.

#كالطير

الصيف دخل والجو حر وناس كتير بتحب تسافر تغير جو وتصيف فى أماكن فيها بحر 🏖
وطبعا ده جميييل
بس خلينا ناخد أهم وأول حاجة في حياتنا ك مسلمين

قال تعالى (فَإِذَا قَضَیۡتُمُ ٱلصَّلَوٰةَ فَٱذۡكُرُوا۟ ٱللَّهَ قِیَـٰمࣰا وَقُعُودࣰا وَعَلَىٰ جُنُوبِكُمۡۚ فَإِذَا ٱطۡمَأۡنَنتُمۡ فَأَقِیمُوا۟ ٱلصَّلَوٰةَۚ إِنَّ ٱلصَّلَوٰةَ كَانَتۡ عَلَى ٱلۡمُؤۡمِنِینَ كِتَـٰبࣰا مَّوۡقُوتࣰا)
الصلاة 💗
يعني الصلوات ليها أوقات محددة ماينفعش تخرج صلاة عن وقتها وماينفعش تجمع الصلوات إلا بضوابط شرعية معينة.

فالمصيف والبحر والسفر مش مبرر أبدا إنك تضيع الصلوات أو تجمعها كلها فى آخر اليوم 😎

الخلاصة 🤓
1.مطلوب منك لو مسافر مصيف تنطبق عليه مواصفات السفر >> تسأل أهل العلم الثقة قبل ما تسافر عن شروط وضوابط الأخذ برخصة الجمع والقصر فى الصلاة وتفهمها كويس علشان تعرف تطبقها صح.

2. وقت الصلاة لما يدخل عليك >> بكل بساطة روح صلي فى أقرب مسجد من مكانك .. وحتى لو افترضنا مافيش مكان خااالص تصلى فيه اسأل حد من أهل المكان عن اتجاه القبلة وصلي فى الشارع 😌
طب لو كنتى بنت 🤔 >> نفس الكلام بالضبط هتجتهدي تصلي في مكان مستور بس هتصلي في أي حال حتى لو في مكان فيه رجال وطبعا بلبسك الشرعي.

3. وحتى لو كنت راكب طيارة أو قطار أو غيره >> لو سألت أهل العلم الثقة واهتميت فعلا بالموضوع هتلاقى إجابات لكل ده الحمد لله.

بصراحة كده يا جماعة 😎 اللى مركز وعارف إنه وراه صلاة لازم يصليها فى ميعادها هايعرف يتصرف. 🙂

t.me/moh_elghaleez

السلام عليكم ورحمة الله وبركاته
صباح الخير يا شباب

طبيعة الحياة بقت سريعة جدا، حتى الطاعات بقينا بنأديها بشكل سريع..
بتقرأ ورد القرآن بسرعة علشان تلحق تنزل شغلك
بتصلي بسرعة علشان تلحق تخلص اللي وراك
بتقرأ أذكارك بسرعة علشان تلحق مشوارك

عجلة بتجري بشكل سريع، ويوم بيعدي ورا التاني

طب فين قلبك في اليوم؟!

إمتى آخر مرة صليت بخشوع؟!
إمتى آخر مرة بكيت من آية؟!
إمتى آخر مرة اشتقت للنبي ﷺ؟

أكيد مش بقولك وقف عمل الطاعات، لكن حاول ترجع قلبك المخطوف ولو في طاعة واحدة في اليوم.

t.me/moh_elghaleez

الدين بيهذب صاحبه، وبيحسِّن علاقته بربه وبالناس..
وعلى قدر مشقة مجاهدة نفسك عشان تكون إنسان صالح صاحب خُلق حسن، على قدر الأجر إن شاء الله..

قال رسول الله ﷺ: "فإن أكثرَ ما يُدخلُ الناسُ الجنةَ تَقْوى اللهِ وحُسْنُ الخلقِ"

فاجتهد واصبر، واسأل الله عز وجل أن يرزقك التقوى وحُسن الخُلق.

t.me/moh_elghaleez

حل ســـريع لأي مشكلة

#الجواب
#محمد_الغليظ

t.me/moh_elghaleez

السلام عليكم ورحمة الله وبركاته
صباح الخير يا شباب

من مكايد الشيطان بينا إنه خلانا نسمي الحرام بمسميات مختلفة عن اسمه الحقيقي؛ علشان تقل درجة إنكاره في قلوبنا، ونبتدي نتقبله بالتدريج، وممكن كمان نوصل إننا ننشره وندافع عنه..

يعني العاق لوالديه بقى اسمه خلقه ضيق!
والمتبرجة بقى اسمها مش محجبة!
والديوث بقى اسمه راجل متفتح!
والكلام في دين الله بغير علم بقى اسمه حرية رأي!

ولو عايز دليل ركز في قول النبي صلى الله عليه وسلم: "ليشرَبنَّ ناسٌ من أمَّتي الخمرَ يُسمُّونَها بغيرِ اسمِها"..

فخلينا دايما نفكر نفسنا إن الحرام هيفضل حرام مهما تغير اسمه.


t.me/moh_elghaleez

قال ﷺ: "يَدْخُلُ الجَنَّةَ أقْوامٌ، أفْئِدَتُهُمْ مِثْلُ أفْئِدَةِ الطَّيْرِ".
قيل: في السلامة من كل عيب وذنب، والصفاء في القلب والنقاء في السريرة.

الطير يعيش بنقاء وصفاء، خاليًا من الأحقاد والذنوب، قلوبهم طاهرة، وأرواحهم نقية.
وكما قال الله تعالى: "يَوْمَ لَا يَنفَعُ مَالٌ وَلَا بَنُونَ * إِلَّا مَنْ أَتَى اللَّهَ بِقَلْبٍ سَلِيمٍ"، فإن المراد هنا قوم قلوبهم نقية يزكونها من العيوب والذنوب، يعيشون بصفاء ونقاء، ويتقربون إلى الله بقلوب نقية وطاهرة لا تحمل غلًا ولا حسدًا لأحد من المسلمين.

فالطير، برغم ضعفه ورقته، يعيش بسلامة القلب ونقائه، وهو ما يجعلنا نتشبه به في سعينا نحو الله.
فالقلب السليم والنقي هو الذي يخشى الله في كل أمر، ويتقرب إليه بالطاعات، بعيدًا عن الأحقاد والذنوب فيسلم قلبه من الشهوات والضغائن، فقد قال الله تعالى: "قَدْ أَفْلَحَ مَن زَكَّاهَا"..
وقال الله تعالى أيضا عن أهل الجنة: "وَنَزَعْنَا مَا فِي صُدُورِهِم مِّنْ غِلٍّ إِخْوَانًا عَلَىٰ سُرُرٍ مُّتَقَابِلِينَ"..

وعن عبد الله بن عمرو رضي الله عنهما قال: قيل لرسولِ اللهِ صلَّى اللهُ عليْهِ وسلَّمَ: أيُّ الناسِ أفضلُ؟ قال: "كلُّ مخمومِ القلبِ صدوقِ اللسانِ."، قالوا: صدوقُ اللسانِ نعرفُه فما مخمومُ القلبِ؟ قال: "هو التقيُّ النقيُّ، لا إثمَ فيه ولا بغيَ، ولا غِلَّ ولا حسدَ."

فلنقتدِ بهؤلاء الذين يعيشون بقلوب نقية وسليمة، نبتغي رضا الله ونتقرب إليه بالطاعات، متجنبين الذنوب والأحقاد، حتى نلقى الله بقلوب سليمة ونفوس طاهرة، وننال بذلك رضاه وجنته.

#كالطير

t.me/moh_elghaleez

اتعلم تميز كي لا تنخدع

#إيه_المشكلة

t.me/moh_elghaleez

- يا ترى هنصيف في مطروح ولا مارينا ولا نروح العين السخنة... بيقولوا في قرية هادية أوي في الساحل بس أكيد شرم أحلى 🤔؟

طبعا أكيد هنفكر في الميزانية ومسافة السفر والخدمات فى المكان اللى بنفكر نروحه ووسائل الترفيه ووووووووو

بس في وسط كل ده ممكن ننسى حاجة مهمة جداااا 👈 هل المصيف ده فيه حاجات حرام؟!
يعنى مثلا فيه مصايف معروف عنها انتشار العري الشديد في شواطئها وحتى في الشوارع .. وفيه شواطئ معروف عنها تقديم الخمور .. وفيه أماكن معروف عنها إقامة حفلات وموسيقى ورقص وووووو
كل الأماكن دى ماينفعش تروحها ابتداءا لإنك بكده بتروح للحرام برجليك حتى لو مش هتشترك فيه.

وماتقولش هاروح وهنكر المنكر بقلبي 🤓
لإن من إنكار المنكر بالقلب إنك تقوم وتغادر مكان المنكر ده طالما عندك القدرة.
بصراحة كده ماتضحكش على نفسك مافيش حاجة اسمها أروح للحرام بنفسي واقعد فيه وأنا مش مضطر واقول هنكره بقلبي 😌

وتخيل بقى إن كل كلامنا اللى فوق ده لو إنت مش بتعمل المنكر بس قاعد فيه .. فما بالك بقى لو كنت فيه وبتعمله!!

الخلاصة 👈 خلينا نصيف يا شباب بس من غير ما نغضب الله عز وجل .. اختاروا مصايف محترمة حتى لو كانت خدماتها ومتعتها أقل.
اعتزوا بدينكم والتزموا بيه ظاهرا وباطنا واثبتوا على الحق .. اثبتوا الجنة مش ببلاش
.
🚫 وبالمناسبة لا طاعة لمخلوق في معصية الخالق يعني لو حد فرض عليك مصيف صمم متروحش بحكمة وموعظة حسنة طبعا بس متروحش..
ولو كنتي بنت ومش هتقدري تاخدي قرار يبقى تخليكي ف البيت أو الشاليه أو تنزلي في أوقات مفيهاش زحمة ومعاصي.

t.me/moh_elghaleez

السلام عليكم ورحمة الله وبركاته
صباح الخير يا شباب

مع أي اختبار بتقابله في حياتك؛ سواء دراسة، مشروع عمل، مشروع زواج
إنت مش مُطالب بضمان النتيجة، إنت مُطالب فقط ب 4 حاجات:
1. توكل حقيقي على الله.
2. سعي عملي وأخذ بكل الأسباب المباحة المتاحة للنجاح.
3. اجتهاد ومثابرة، ومحاولة علاج نقاط الضعف اللي بتكتشفها.
4. صبر على مرارة السعي.

والنتيجة في الآخر ربنا يقدرها بحكمته؛ لأنه يعلم كل واحد فينا إيه اللي يُصلحه..

فطالما عملت كل اللي عليك بشكل صحيح يبقى إنت نجحت بفضل الله.
وربنا يكتب لكم التوفيق دايما يا شباب.

t.me/moh_elghaleez

3 حاجات لو عملتها هيبقى ليك مكان جميل أوي في الجنة بإذن الله..

قال رسول الله ﷺ: "إِنَّ في الجنةِ غُرَفًا يُرَى ظَاهِرُها من باطِنِها، وباطِنُها من ظَاهِرِها". فقال أبو مالِكٍ الأَشْعَرِيُّ: لِمَنْ هيَ يا رسولَ اللهِ؟ قال: "لِمَنْ أَطَابَ الكَلامَ، وأَطْعَمَ الطَّعَامَ، وباتَ قائِمًا و الناسُ نِيامٌ"

فنضف لسانك من كل فُحش وماتتكلمش إلا بكل جميل
وزي ما ربنا أنعم عليك وأطعمك، أطعم خلقه
وحافظ على قيام الليل ولو بركعتين

وأبشر خيرا.

t.me/moh_elghaleez

أقاوم الانتكاس في العبادة ازاي؟

#من_أسئلتكم
#فضفضة_الأحد

t.me/moh_elghaleez

السلام عليكم ورحمة الله وبركاته
صباح الخير يا شباب

أنا عايزكم تجيبوا سقف توقعاتكم عن الجنة ونعيمها، وتوصلوا لأقصي تصوراتكم عنها
وبعدها اقرأوا قول ربنا تبارك وتعالى في الحديث القدسي: "أعْدَدْتُ لِعِبادِي الصَّالِحِينَ، ما لا عَيْنٌ رَأَتْ، ولا أُذُنٌ سَمِعَتْ، ولا خَطَرَ علَى قَلْبِ بَشَرٍ"

يعني الجنة وكل ما فيها برا صندوق التفكير البشري بكل أشكاله..

فسيروا في طريق الصلاح يا شباب واصبروا عليه وأبشروا بالجنة ونعيمها.

اللهم إنا نسألك الجنة وكل ما قرب إليها من قول وعمل

t.me/moh_elghaleez

قال ﷺ: "يَدْخُلُ الجَنَّةَ أقْوامٌ، أفْئِدَتُهُمْ مِثْلُ أفْئِدَةِ الطَّيْرِ."
في الرضى والقناعة، والصفاء في القلب، والنقاء في السريرة.

الطير يعيش بنقاء وصفاء، قانعًا برزقه، راضيًا بما قسمه الله له، قلوبهم طاهرة، وأرواحهم نقية.

فالطير يقنع بما يجده من رزق، ويعيش برضا واطمئنان.. وكما قال الله تعالى: "وَمَا مِن دَابَّةٍ فِي الْأَرْضِ إِلَّا عَلَى اللَّهِ رِزْقُهَا"، فإن الطيور تعلم أن الله هو الرازق، فتعيش مطمئنة قانعة بما كتبه الله لها.

وعن أبي هريرة رضي الله عنه قال: قال رسول الله ﷺ: "انظروا إلى من هو أسفل منكم ولا تنظروا إلى من هو فوقكم، فهو أجدر أن لا تزدروا نعمة الله عليكم."

وقال ﷺ: "من رضي فله الرضا، ومن سخط فله السخط."

فالرضا والقناعة هي من صفات المؤمنين الصادقين الذين يعلمون أن كل ما يأتي من الله هو خير.

فلنقتدِ بهؤلاء الذين يعيشون بقلوب نقية وسليمة، ونحسن الظن بالله في كل ما يقدره لنا من رزق وأقدار، فمن رضي بالله كان حقًا عليه سبحانه أن يرضيه.

#كالطير

t.me/moh_elghaleez

صيف ومصيف ولمة العيلة والصحاب وبنكون عايزين نرفه عن نفسنا على أد ما نقدر وبنقعد نفكر ونخطط هنتبسط إزاى 📝
بس الخطة دى يا شباب ماينفعش يكون فيها حاجة حرام زى سماع الأغاني وحضور حفلاتها مثلا 🤓
فكروا معايا كده الأغاني دى فيها حاجتين (كلمات وموسيقى)
🎼 الموسيقى 👈 حرام باتفاق المذاهب الأربعة والخلاف فى الموضوع ده ضعيف جدا.
📃 الكلمات فقط من غير موسيقى 👈 الحلال منها حلال .. والحرام منها حرام.

يعني أى أغنية طالما فيها موسيقى حرام نسمعها حتى لو كانت كلماتها محترمة جدا .. حتى لو كانت أغنية دينية 😎

فما بالكم بقى لو الكلمات كمان كلها إسفاف وبذاءة زى الأغاني المنتشرة حاليا 😑

وكل الكلام اللى فات ده لو بتسمعوا الأغاني بس 🎧 فما بالكم بقى بحضور الحفلات بتاعتها 😑
متخيلين ساعتها كوكتيل الذنوب والمعاصي ( موسيقى واختلاط غير جائز بين شباب وبنات ورقص وعري وسجاير وممكن يكون كمان فيه خمور ومخدرات ).

بالله عليكم فيه حد عاقل وفطرته سليمة يقول إن ده حلال؟!

الخلاصة يا شباب 👈 افرحوا واتبسطوا ورفهوا عن نفسكم بس بما يُرضي الله .. وأنا عارف إن ده ممكن يكون صعب ومش بالساهل بس خليكوا دايما فاكرين إن الجنة غالية ومش ببلاش بس تستاهل نتعب علشان ننولها بفضل الله 🙂

t.me/moh_elghaleez