ဝင်းမင်းခိုင် - ဦးဝင်းတင်
https://ift.tt/6Jdih3D
MediaImage- Credit

ဦးဝင်းတင်ဝင်းမင်းခိုင်(မိုးမခ) ဧပြီ ၂၁၊ ၂၀၂၄
ဧပြီ၂၁ ဟာသူဖွင့်ထွက်သွားတဲ့တံခါးပေါက်ပဲဖြစ်ချင်ရာဖြစ်မျက်နှာလွှဲခဲပစ်ကျောခိုင်းသွားတာမဟုတ်ခဲ့ဘူးသူစောင့်ထိမ်းတဲ့သီလ သူ့အတွေ့ကြုံဝမ်းစာတွေနဲ့ပွဲသိမ်းတဲ့အထိအပြိုင်ကြဲဖို့အတွေးခေါ်လက်နက်ခဲယမ်းတွေ အလုံအလောက်ထားခဲ့တယ်အဝင်နဲ့အထွက်ဂိတ်ပေါက်၂ ခုကြားမှာသူဟာမတရားမှုစိန်မှန်ကင်းကိုထင်းဖြစ်သွားအောင်ဖြိုဖျက်ခဲ့သူဖြစ်တယ်
၂၁.၄.၂၄-Join Us @ MoeMaKa Telegramt.me@moemaka#MoeMaKaMedia#WhatsHappeningInMyanmar

တရက်နီးပါး အကြာတိုက်ပွဲဖြစ်ပြီးနောက် KNLA တပ်တွေ တံတား ၂ အနီးက စစ်ကောင်စီတပ်တွေကို ဖယ်ရှားခဲ့ဟု ဆို
https://ift.tt/UrqwS4a
<a href="https://blogger.googleusercontent.com/img/a/AVvXsEhu6sh0ZD-WINBpXIDRTD3UJGp4UVfwDFwLF71B8DUzyy3jmx3eKGjl9uEw8VED8UNc8OGSCQH_GMa_bBO5rwMRX2TFFdQRsGKDRyg2atK4nBBo1754O9GIAUEF6igV3sdjX5_gp7jzS8pDGktDvKeBm9O7LzUzUrcivncRf1OmiPj7uuS8s50rE_zyr2Y">Media</a>မြန်မာနွေဦး ခရိုနီကယ် - ဧပြီ ၂၀ မြင်ကွင်း(မိုးမခ) ဧပြီ ၂၁ ၊ ၂၀၂၄
တရက်နီးပါး အကြာတိုက်ပွဲဖြစ်ပြီးနောက် KNLA တပ်တွေ တံတား ၂ အနီးက စစ်ကောင်စီတပ်တွေကို ဖယ်ရှားခဲ့ဟု ဆို မြဝတီမြိုနဲ့ အနီးတဝိုက်မှာ ရှိနေတဲ့ လက်နက်ကိုင် အဖွဲ့တွေ ဘယ်နှဖွဲ့ရှိလဲလို့ ချရေးကြည့်ရင် KNU/KNLA လက်နက်ကိုင် အဖွဲ့၊ DKBA, BGF မှ အမည်ပြောင်းသွားတဲ့ KNA အဖွဲ့ နဲ့ KNU/KNLA(PC) လို့ခေါ်တဲ့အဖွဲ့ တွေ နဲ့ စစ်ကောင်စီ တပ်လက်ကျန် အချို့တို့က မြဝတီမြို့ထဲ၊ အနီးတဝိုက် သူ့နေရာနဲ့သူ ရှိနေကြတဲ့ သဘောလို့ သတင်းတွေ ဖတ်ကြည့်တဲ့အခါ အဲဒီလိုနားလည်ရပါတယ်။ အဓိကအင်အားစုတွေကတော့ KNU/KNLA နဲ့ BGF အသွင်ပြောင်း KNA တို့ဖြစ်လိမ့်မယ်လို့ မှန်းဆရပါတယ်။ ယခု သီတင်းပတ်အနည်းငယ် အတွင်းမှာ မြဝတီမြို့ အနေအထားက ရှင်းရှင်းလင်းလင်း မပြောနိုင်တဲ့ အနေအထားရောက်နေပြီး ဘယ်လက်နက်ကိုင်အဖွဲ့တွေ ဘယ်နေရာတွေမှာ နေရာယူထားသလဲ ဆိုတာနဲ့ ပတ်သက်လို့ ရှင်းရှင်းလင်းလင်း သိနိုင်တဲ့အချက်အလက် တချို့ ရှိပေမယ့် သဲသဲကွဲကွဲ မသိနိုင်တဲ့ အချက်အလက်တွေလည်း ရှိနေဆဲဖြစ်သလို နောက်တချက်က ဘယ်လက်နက်ကိုင်အဖွဲ့က ဘယ်သူ့ဘက်ကို ကူမလဲဆိုတာတွေလည်း ရှင်းရှင်းလင်းလင်း မရှိတဲ့ အနေအထားတွေ ရှိနေခဲ့တာ ဖြစ်ပါတယ်။  အဓိကအားဖြင့် စောချစ်သူ ခေါင်းဆောင်တဲ့ BGF/ KNA လက်နက်ကိုင်တပ်က စစ်ကောင်စီကို သံယောဇဥ် ရှိနေသေးသလား၊ သို့မဟုတ် KNU/KNLA နဲ့ ပူးပေါင်းပြီး စစ်ကောင်စီတပ်တွေကို တိုက်မှာလား၊ သို့မဟုတ် ၄င်းတို့ ရယူချင်တဲ့နေရာတွေ ရရှိဖို့ ၄င်းတို့အတွက်ပဲ တိုက်မယ့် သဘောလား ဆိုတာလည်း မသဲကွဲသေးတဲ့ အနေအထားဖြစ်ပါတယ်။ ဧပြီ ၁၉ ရက်နေ့ညက စတင်ပြီး တံတားနားက စစ်ကောင်စီရဲ့ ခလရ (၂၇၅) က လက်ကျန်တပ်တွေကို KNU/KNLA နဲ့ PDF ပူးပေါင်းတပ်ဖွဲ့တွေက ဒရော့ဗုံးချပြီး တိုက်ခိုက်နေတဲ့ သတင်းတွေ တက်လာပြီး ဧပြီလ ၂၀ ရက်နေ့တနေ့လုံး နှစ်ဖက် တိုက်ပွဲတွေ ဖြစ်ပွားနေခဲ့တဲ့ သတင်းတွေ ပေါ်ထွက်လာကာ ညဦးပိုင်းမှာတော့ စစ်ကောင်စီ ခလရ ၂၇၅ လက်ကျန်တပ်တွေကို တံတား အမှတ် ၂ နားကနေ အပြီးသတ်ဖယ်ရှားနိုင်ခဲ့ပြီလို့ KNU/KNLA  က သတင်းမီဒီယာ တချို့ကိုပြောပါတယ်။ သို့ပေမယ့်လည်း စစ်ကောင်စီ တပ်တွေကို ချေမှုန်းလိုက်တဲ့သဘောလား သို့မဟုတ် တံတား အမှတ် ၂ အောက်ကနေ ဖယ်ရှားလိုက်တာလား သဲသဲကွဲကွဲ မသိရသေးပါဘူး။ တိုက်ပွဲဖြစ်သံတွေက ၂၀ ရက်နေ့ ညဘက်တွေမှာလည်း ဆက်လက်ကြားနေရသေးတယ်လို့ မဲဆောက်မြို့မှာ နေထိုင်နေသူတွေရဲ့ ပြောဆိုချက်တွေကိုးကားပြီး သတင်းမှာ ဖော်ပြထားကြပါတယ်။ ဧပြီ ၂၀ ရက်နေ့တနေ့လုံး စစ်ကောင်စီရဲ့ စစ်လေယာဥ်၊ စစ်ရဟတ်ယာဥ်တွေနဲ့ လေကြောင်း တိုက်ခိုက်မှုတွေကလည်းရှိနေပြီး ဗုံးအလုံးရေ ရာနဲ့ချီ ချခဲ့တယ်လို့ စစ်ဘေးရှောင်လာတဲ့ မြို့ခံတွေ၊ ထိုင်းနိုင်ငံဘက် အခြမ်းကနေ စောင့်ကြည့်နေသူတွေရဲ့ ပြောဆိုချက်အရ သိရပါတယ်။ စစ်ကောင်စီရဲ့ ဝါဒဖြန့်တယ်လီဂရန်တွေဘက်မှာတော့ တံတားအမှတ် ၂ အောက်က ခလရ ၂၇၅ လက်ကျန်တပ်တွေကို BGFကနေ KNA  နာမည်ပြောင်းထားတဲ့ အဖွဲ့တွေက ကူညီတိုက်ခိုက်ပေးနေတယ်လို့ ဖော်ပြနေကြပြီး မြေပြင်မှာ အဲဒီလို အမှန်တကယ်ဖြစ်တယ် မဖြစ်ဘူးဆိုတာကို အတည်ပြုနိုင်သေးခြင်း မရှိပါဘူး။ မြဝတီမြို့ ပေါ်က မြို့ခံအချို့နဲ့ တံတားအမှတ် ၂ နဲ့နီးတဲ့ ရပ်ကွက်၊ ကျေးရွာတွေမှာ နေကြသူတွေ ကတော့ အရှိန်မြင့်လာတဲ့ တိုက်ပွဲတွေကြောင့် သောင်ရင်းမြစ်ရဲ့ မြစ်ကမ်းကနေ ထိုင်းနိုင်ငံဘက်ကို ဧပြီလ ၂၀ ရက်နေ့မှာ အများဆုံးကူးလာကြတယ်လို သတင်းတွေမျာ ဖော်ပြထားကြပါတယ်။ အချို့သော ဂိတ်တွေမှာ ထိုင်းနယ်ခြားစောင့် စစ်သားတွေက ကူးမလာဖို့ တားဆီးထားတာတွေ ရှိတယ်လို့လည်း သတင်းတွေမှာ တွေ့ရပြီး လုံခြုံရေးအရကြောင့်လား အခြားအကြောင်းကြောင့်လား တိတိကျကျ မသိရဘူးလို့ သတင်းတွေမှာဆိုပါတယ်။  ထိုင်းနိုင်ငံ မဲဆောက်ဘက်မှာတော့ ခုရက်ပိုင်းအတွင်း မြဝတီမြို့က စစ်ဘေးရှောင်လာသူ စုစုပေါင်း ၁သောင်း ၁ ထောင်ကျော်ရှိနေပြီလို့ ဆိုပါတယ်။ အဆိုပါ အရေအတွက် ၁၁၀၀၀ အနက် ၃၀၀၀ လောက်က တံတားအမှတ် ၁ ပေါ်က နေကူးလာကြသူတွေဖြစ်ပြီး ကျန် ၈၀၀၀ ကျော်ကတော့ နယ်စပ်မျဥ်း သောင်ရင်းမြစ်ထဲက ဖြတ်ပြီး ကူးလာကြသူတွေ ဖြစ်ပါတယ်။ မကြာသေးတဲ့ သီတင်းပတ်တွေအတွင်း ထိုင်းနိုင်ငံအနေနဲ့ မြဝတီမြို့နဲ့အနီးမှာ တိုက်ပွဲတွေ ဖြစ်ပွားလာနိုင်တာကို မှန်းဆထားပြီးဖြစ်ကာ ထိုင်းနိုင်ငံခြားရေး ဝန်ကြီးဖြစ်သူက မြန်မာနိုင်ငံထဲက တိုက်ပွဲတွေကြောင့် ထွက်ပြေးတိမ်းရှောင်လာသူ အရေအတွက် ၁ သိန်းလောက်ထိ လက်ခံနိုင်အောင် စီစဥ်ထားရှိမယ် လို့ ပြောဆိုထားတာ ဖြစ်ပါတယ်။ KNU/KNLA အနေနဲ့ သင်္ကြန်မတိုင်ခင် သင်္ဃန်းညီနောင်တဝိုက်က တပ်စခန်းတွေ၊ ဗျူဟာစခန်းတွေကို အပြီးသတ်တိုက်ခိုက်သိမ်းယူခဲ့ပြီး…

မြင့်အေး - Soli ဆူးလီမှာ ဆုံကြမယ်
https://ift.tt/cYxjtV2
MediaImage- Google

Soli ဆူးလီမှာ ဆုံကြမယ်မြင့်အေး(မိုးမခ) ဧပြီ ၂၁၊ ၂၀၂၄
ဒီနေ့ နော်ဝေရဲ့ ဟော့နယူးက အော်စလိုမြို့လည်ခေါင်မှာ ကော်ဖီဆိုင်ဖွင့်ပြီး ဆေးခြောက်ရောင်းပွဲလုပ်တာ ရဲတွေရောက်မလာခင်အထိပဲ။ ဆေးခြောက် ဂရမ်(၂၀၀) ကျော် ရောင်းလိုက်နိုင်ပါတယ်။ လူတယောက် ဝမ်းဂရမ်ပဲရောင်းပေးတာပါတာ။ ဝယ်သူတွေက လမ်းပေါ်မှာ ပြည့်ညှပ်နေအောင် တိုးကြိတ်နေကြတာ။ အစိုးရသတင်းဌာနက ဖော်ပြနေတာ။ဒီသတင်းက တကယ့်ဒရမ်မာ။မနေ့က မီဒီယာမျိုးစုံကနေ “ကော်ဖီဆိုင် ရှိမယ်။ ဆူးလီမှာ ဆုံကြမယ်” ဆိုပြီး ရဲကိုတပ်လှန့်အသိ ပေးလိုက်တယ်။ ဆေးခြောက်ကြိုက် ဂိုဏ်းသားများကြားမှာလည်း ထိပ်တန်းပွဲတော်ရှိမယ်ဆိုတာ အထာပေါက်လိုက်ကြပြီ။ မနှစ်ကလည်း မြို့လည်မှာ ဖရီးဝေတာ ရဘူးသူတွေလည်း ရှိတာကိုး။ဒီဘဲတွေ ရည်ရွယ်ချက်က ရှင်းတယ်။ ဆေးခြောက်မကောင်းဘူး ဘာညာဂျင်းထည့်မနေနဲ့ ဥရောပထဲမှာ ဆေးခြောက်သောက်ခွင့်ပြုတဲ့ နိုင်ငံတွေ တိုးလာတာ သက်သေ။ ဆိုတော့ကာ ငါတို့နော်ဝေက အကြိုက်သမားတွေကကော ဘာကြောင့် ဒီအခွင့်ရေး ရခွင့်မရှိရမှာလဲ။ အစိုးရဖွင့်မပေးသေးဘူးလား ရတယ် လာ ဟေ့ရောင်တွေ ငါတို့ ရောင်းမယ် လာဝယ်ကြ။ ဒါပဲ။ ဆူးလီရောက်ရင် လိပ်စာလမ်းညွှန်မယ်။ဆူးလီနဲ့ရောင်းတဲ့ နေရာက လမ်းလျောက်ရင် (၁၀) မီနစ်လောက်ပဲဝေးတယ်။ စတေဒီယမ် ရှိတဲ့ မြို့လည်ခေါင် ရပ်ကွက်မှာ ကော်ဖီဆိုင်ကို လ််းလျှောက်ပြီးသွားဝယ်ရုံပဲ။မနက် (၉) နာရီလောက်ရောက်တော့ ဆူးလီမှာ အမျိုးကောင်းသားများ တစုဆီ စုဝေးလာကြတယ်။ ရဲတွေက သိတယ် ခက်တာက ဆိုင်ကို မသိနိုင်တာပဲ။ဒီလိုနဲ့ ကော်ဖီဆိုင်မှာဆုံကြတော့ လူက တန်းဆီနေကြရပြီ။ ကိုလှရွှေတို့ လှည့်စားခံလိုက်ရလို့။ အထက်ကပြောသလို လူ(၂၀၀) လောက် ဝယ်နိုင်ဖို့ အချိန်ရသွားကြတယ်။ ရဲရောက်လာတယ်။ ရောင်းသူတွေကလည်း ရှေ့မှာ ဆေးခြောက်ဘန်းကို ပေါ်တင် ချထားတာပဲ။ မဖမ်းဘူး။ ဟိုမောင်တွေက ဖမ်းစေချင်တာ။ ရဲရာဇဝတ်ဥပဒေကို လူ့အခွင့်ရေးရပိုင်ခွင့်ဥပဒေနဲ့ခုခံရင် ရဲက နိုင်ခြေမရှိပါဘူး။ တခြားတဖက်မှာဖမ်းလိုက်ရင် ဆေးခြောက်ချစ်သူများရဲ့ ဝါဒကကြေငြာပေးလိုက်ရာရောက်သွားမယ်။ နဂိုကတည်းက ဆေးခြောက်ချစ်သူဦးရေက တိုးပွားသထက် တိုးပွားလာနေတာကို သိထားလေတော့ မဖမ်းတဲ့သဘောလည်းပါနိုင်ပါတယ်။နောက်သတင်းတပုဒ်ကတော့ အော်စလိုမှာ ကိုကင်း kg 700 မိတာနဲ့ပတ်သက်ပြီး ရဲအရာရှိနဲ့ အင်တာဗျူးလာပါတယ်။ ငှက်ပျောသီးသေတ္တာများနဲ့အတူ ပါလာတာပါ။ တနှစ်လောက် မသင်္ကာသူတွေကိုစောင့်ကြည့်ပြီး ဖမ်းဆီးနိုင်ခဲ့တဲ့ ကြီးမားတဲ့အမှုကြီးပါ။ဒီအမှုနှစ်ခု တနေ့ထဲလာဆုံနေတာကလည်း ထူးခြားတယ်ဆိုရမှာပါ။ဒီနှစ်မှုကိုယှဉ်ပြီးစဉ်းစားရင် ရဲတွေရဲ့ ဉာဏ်ပညာနဲ့ကိုင်တွယ်သွားတာကို မြင်နိုင်ပါတယ်။ဆေးခြောက်ကဲ့သို့သော နိုင်ငံအများမှာပင် ခွင့်ပြုလာရတဲ့ အပျော့စားမူး ယစ်ထုံထိုင်းဆေးခြောက်ကို ရေးကြီးခွင်ကျယ်လုပ်ပြီး မြို့မေတ္တာခံယူတဲ့ အလုပ်မျိုးမကျူးလွန်ဘူး။ လက်ရှိနိုင်ငံရဲ့ဥပဒေအရ အရေးယူလို့ရပါတယ် ။ ဒါပေမဲ့ ဆိုခဲ့သလို လူ့အခွင့်အရေး ရှုထောင့်ကကြည့်ရင် မလိုလားအပ်တဲ့ တရားရင်ဆိုင်မှုလုပ်ရမယ်။ အိုကေ- မင်းတို့ကောင်တွေ လျင်တော့လုပ်ထား။ ငါတို့သိတယ်နော် ဒီထက် ပိုတဲ့ရာဇဝတ်မှုတော့ လုပ်လို့မရဘူး၊ သဘောပါလား။ ပြီးပြီ။တကဲ့ ကိုကင်းဂိုဏ်းကိုကျတော့ သင်္ဘောဆိပ်ကမ်းမှာ ကုန်တွေ စချက တည်းက ကင်မရာနဲ့ စောင့်ကြည့်တယ်။ ဂိုထောင်မှာ ကင်မရာထားတယ်။ လာသယ်တဲ့ကားတွေ မှတ်ထားတယ်။ နှစ်ကြိမ်သုံးကြီမ် အတင်အချလုပ် တိုင်း တွေ့ရတဲ့လူတွေနောက် လိုက်ထားတယ်။ သေချာပြီဆိုမှ ဝင်ကြုံးလိုက်တယ်။ ပြောရရင် တကယ့်မှောင်ခို ရာဇဝတ်ဂိုဏ်းကို အချိန်ပေး ၊ ငွေကုန် အသေအချာလုပ်ပြီး ဖြိုခွင်းတာပါပဲ။ကဲ ..ဥပဒေအရ အရေးယူခွင့်ရှိသော်ငြား ဘယ်လိုအမှုကို အလေးအနက်ပြုတင်းကြပ်ထိန်းသိမ်းရမလဲ။ ဘယ်အမှုကိုတော့ဖြင့် ငယ်တဲ့အမှုပျောက်စေလုပ်ရမလဲဆိုတာ ပညာတတ်တဲ့သူတွေ သိက္ခာရှိအစိုးရတွေ လုပ်ရတဲ့အလုပ်မဟုတ်ပါလား။အာဏာဆိုတာ ဉာဏ်ပညာသုံးပြီး လူ့အဖွဲ့အစည်းကို လုံခြုံဖို့၊ ရှေ့ကို တိုးတက်အောင်လုပ်ဆောင်ဖို့၊ တရားမျှတတဲ့ ဥပဒေစိုးမိုးဖို့ လုပ်ဆောင်နိုင်စွမ်းပါတယ်။အာဏာကို ဉာဏ်မသုံးရင်တော့ လူကဲ့ရဲ့ခံအာဏာရှိသူသာ ဖြစ်စေပါလိမ့်မယ်။လူ့အဖွဲ့အစည်းကလည်း လူမလေး ခွေးမခန့်ဖြစ်ပါလိမ့်မယ်။
မြင့်အေး-Join Us @ MoeMaKa Telegram
t.me@moemaka
#MoeMaKaMedia
#WhatsHappeningInMyanmar

မောင်မောင်ငြိမ်းအေး - ကျည်ဆန်
https://ift.tt/42iTNeg
MediaArt by Than Htay Maung

ကျည်ဆန်မောင်မောင်ငြိမ်းအေး(မိုးမခ) ဧပြီ ၂၂၊ ၂၀၂၄
နိုင်ငံ့ကျက်သရေကျည်ဆန်တွေကြောင့်ယုတ်နေခဲ့တာ ကြာပြီလေ။
မ,ကမဖျက်ကျည်ဆန်ဖျက်၍တိုင်းပျက်ပြည်ပျက်ကြာပြီလေ။
ကျည်ဆန်ရဲ့လမ်းမှောင်ရိပ်သန်း၍ပန်းတို့ကြွေခဲ့ ကြာပြီလေ။
ကျည်ဆန်သမိုင်းနေရာတိုင်းမှာရိုင်းစိုင်းခဲ့တာ ကြာပြီလေ။
ကျည်ဆန်ဝှေ့ယမ်းတိုင်းပြည်လမ်းမှာငြိမ်းချမ်းမရှိ ကြာပြီလေ။
ကျည်ဆန်ကြောင့်လေဟောဒီမြေမှာမျက်ရေစိုရွှဲ ကြာပြီလေ။
ကျည်ဆန်ကြောင့်ပင်အာဏာရှင်တို့ဘုရင်ဖြစ်ခဲ့ ကြာပြီလေ။
ကျည်ဆန်နှင့်ရှင်းရန်တုံ့နှင်း၍စစ်ခင်းခဲ့တာ ကြာပြီလေ။
ကျည်ဆန်လွတ်ရေးစွန့်ခွာပြေးကြစစ်ဘေးရှောင်များ ကြာပြီလေ။
ကျည်ဆန်ကိုယုံဖွဲ့စည်းပုံကြောင့်ရေစုန်မျောရ ကြာပြီလေ။
ကျည်ဆန်ကိုချစ်တရားပစ်၍နွံနစ်ပြည်သူ ကြာပြီလေ။
ကျည်ဆန်ယုံကြည်ကိုယ်ကျိုးမှီကြတိုင်းပြည်ဆင်းရဲ ကြာပြီလေ။
ကျည်ဆန်အားကိုးရှေ့ကိုတိုး၍ကိုယ်ကျိုးငင်ကြ ကြာပြီလေ။
ကျည်ဆန်ကိုမုန်းပြည်သူရုန်းမှညွန့်တုံးဘဝ လွတ်လိမ့်မည်။
ကျည်ဆန်စွန့်ပစ်လူစိတ်သစ်မှမွဲညစ်တိုင်းပြည် သာလိမ့်မည်။
ကျည်ဆန်ကိုစွန့်လူထုလွန့်မှမြူးကွန့်ရောင်ခြည် နီလိမ့်မည်။
ကျည်ဆန်မကြောက်ဒူးမထောက်မှဆိုက်ရောက်လိမ့်မည် ဒီမိုကရေစီ။
-
Join Us @ MoeMaKa Telegramt.me@moemaka#MoeMaKaMedia#WhatsHappeningInMyanmar

ကမ္ဘာတိုင်ဆုံး မောင်စစ်မုန်း - ခုချက်ချင်း စစ်မှုထမ်း ပရမ်းပတာဥပဒေကို တန်ပြန်တိုက်စစ် မစနိုင်ရင်
https://ift.tt/7bTxPiE
Mediaကမ္ဘာတိုင်ဆုံး မောင်စစ်မုန်း - ခုချက်ချင်း စစ်မှုထမ်း ပရမ်းပတာဥပဒေကို တန်ပြန်တိုက်စစ် မစနိုင်ရင်(မိုးမခ) ဧပြီ  ၂၂ ၊ ၂၀၂၄
“သူ့ကို ပြည်သူ့စစ်အဖြစ် လာခေါ်ရင် သူ့ကိုယ့်သူ သတ်သေလိုက်မယ်။ မဟုတ်လည်း သူများကို သွားသတ်ရမှာ။ သူက မသတ်လည်း သူများက သူ့ကို သတ်မှာ။ အချင်းချင်း သတ်ရမယ့်အတူတူ ကိုယ့်ကိုယ်ကိုယ် သတ်သေလိုက်တာပဲ ကောင်းပါတယ်”သူ့သားစကားကို မိခင်က ပြန်ပြောတယ်။ သူက အိမ်ခြေရှစ်ဆယ်လောက်ရှိတဲ့ ပအိုဝ်းရွာတရွာကပေါ့။အင်္ဂလိပ်ခေတ်က “ သေသော်မှတည့် ဪကောင်း၏” ဆိုတဲ့ ဆီးဘန်းနီဆရာတော်ရဲ့စာကို ခုမှပဲ သဘောပေါက်သလိုလို ဖြစ်သွားတယ်။ ဘာတဲ့၊ “ထီးသုဉ်းနန်းသုံး မြို့သုဉ်းသုည သုဉ်းသုံးဝဖြင့် သုဉ်းရပြန်လစ် သုညခေတ်ဝယ် ဖြစ်လာရလေ ဒို့တတွေသည် သေသော်မှတည့် ဪကောင်း၏”။ အခုလဲ နံပါတ် ၁ သုဉ်းတာက “ပြည်သူ့စစ်အဖြစ် လာခေါ်တာ”ဒုတိယသုဉ်းက “သူများကို သွားသတ်ရမယ်”တတိယသုဉ်းက “သူများက သူ့ကို သတ်မယ်” ။အဲဒီတော့ သုဉ်းသုံးဝဖြင့် သုဉ်းရပြန်လစ် သုညခေတ်ဝယ် ဖြစ်လာရလျှင် သေသော်မှတည့် ဪကောင်း၏ဆိုတဲ့အတိုင်း သူ့ကိုယ်သူ သတ်သေလိုက်မယ်လို့ သူ့အမေကို ပြောလိုက်တာ။မအေတယောက် ဘယ်လောက် ပူလောင်မလဲ။ ဘယ်လိုနေနေရမလဲ။ သူ့သား သူ့ဘာသာ သတ်သေမယ့်ရက်ကို စောင့်နေရတဲ့ မိခင်တယောက်ကို ပအိုဝ်းတိုင်း ပြည်သူ့စစ်ဖြစ်ရမယ်လို့ ပြောပြောနေတဲ့ ပအိုဝ်းအမျိုးသားခေါင်းဆောင် PNO သခင်ကြီးဦးအောင်ခမ်းထီ ဘာပြောမလဲ။ပအိုဝ်း အကိုးကွယ်ခံ ဆရာတော်တွေ ဘာပြောမလဲ။“စစ်တပ်သာလျှင် မဟာသူတော်ကောင်း” လို့ မဟုတ်တရုတ် ဇာတ်ကြောင်းတွေ ပအိုဝ်းလူထုထဲ အမြဲမပြတ် တင်ဆက်ပေးနေတဲ့ ပအိုဝ်းမှော်တွေ ဘာပြောမလဲ။လူငယ်လေးတွေကို ပြည်သူ့စစ်စာရင်းပေးသွင်းနေတဲ့ သူကြီးတွေ ဘာပြောမလဲ။သင်္ကြန်ပြီးမှ စစ်မှုထမ်းဥပဒေ အကောင်အထည်ဖော်မယ်လို့ လူထုကို လိမ်ညာပြီး အုပ်ကြီးတွေကတဆင့် မဟားဒယား သင်တန်းသားငါးထောင်လောက် ရှာဖွေသွားသူတွေဟာ ခု သင်္ကြန်ပြီးတာနဲ့ လမ်းပေါ်မှာတွေ့သမျှလူငယ်လူရွယ်တိုင်းကို ဆွဲခေါ်ဖမ်းဆီးစစ်သင်တန်းကျောင်းကို ဇွတ်အတင်းပို့ပြီ။ ဖြူးမှာ စလုပ်တဲ့ပုံစံက အုက်ကြီးမသုံးတော့။ သူတို့ စိုးမိုးတဲ့မြို့တွေကနေ လမ်းပေါ်ထွက်လာတဲ့ လူငယ်​တိုင်းကို ဖမ်းဆွဲ တခါတည်းသင်တန်းကျောင်းပို့ လုပ်လိုက်တယ်။ မြို့ပြလူငယ်တိုင်း မြို့ကို တက်လာတဲ့ လူငယ်တိုင်းဟာ သူတို့ရဲ့ သားကောင်ဖြစ်သွားပါပြီ။ အားလုံးဟာ အိမ်ထဲမှာ ကြာကြာအောင်းနိုင်လို့ မဖြစ်နိုင်တော့ဘူး။ လူငယ်တွေဟာ နီးစပ်ရာ အဖွဲ့တွေဆီ ပြေးဖို့ပါပဲ။ စစ်မှုထမ်းရှောင် ရောက်လာတဲ့ လူငယ်တိုင်းအတွက် လက်ခံတဲ့အဖွဲ့တွေကို လူအရေအတွက်အလိုက် ထောက်ပံ့ကြေးပေးဖို့ လိုပါမယ်။ အဲဒီအတွက် နိုင်ငံတကာအဖွဲ့တွေ အစိုးရတွေကို အကူအညီတောင်းခံဖို့ပါ။ မဟုတ်ရင် ပအိုဝ်းလူငယ်လေးတွေးသလို အချင်းချင်း ပြန်သတ်ရကိန်းဆိုက်လာတော့မှာဖြစ်ပါတယ်။ အချင်းချင်း မသတ်ချင်လို့ ကိုယ့်ကိုယ်ကိုယ်ပြန်သတ်တာမျိုးမဖြစ်အောင် အားလုံး ဝိုင်းဝန်းလုပ်ဆောင်ကြရမှာ ဖြစ်ပါတယ်။ အဖွဲ့တွေက စစ်မှုထမ်းရှောင် မျှလက်ခံ၊ နုကြည်လို တာဝန်ရှိအဖွဲ့တွေက ဝိုင်းထောက်ပံ့၊ ရှောင်လာသူတွေ နိုင်ရာတာဝန်ထမ်းဖို့ စီမံလုပ်ဆောင်ပေးဖို့ အရေးတကြီး အကောင်အထည်ဖော်ရတော့မည်ဖြစ်ပါကြောင်း။
ကမ္ဘာတိုင်ဆုံး မောင်စစ်မုန်း

Join Us @ MoeMaKa Telegram
t.me@moemaka
#MoeMaKaMedia
#WhatsHappeningInMyanmar

မြဝတီမြို့ တိုက်ပွဲတွေနဲ့ နားလည်ဖို့ ခက်ခဲနေဆဲ ကရင်လက်နက်ကိုင်အဖွဲ့တချို့ရဲ့ ရပ်တည်ချက်များ
https://ift.tt/uWjsK01
<a href="https://blogger.googleusercontent.com/img/a/AVvXsEhYNrchnHwkSKMWnokog11HGd5bncym-Yt3V-Ga09kXiuUN-yAukUGj7AkXh4hDq5iACjhE0F-Wuw3eGxfwzlhdD0G8_FGssrS9To3cgFda06DYxv_xSLgLIXaIEKLjw6ep7JOEtW67kBOXOcUSP6AeRn12n9WWxHApqisYusmeoA4MD6FSW4mmrhT-s0Q">Media</a>မြန်မာနွေဦး ခရိုနီကယ် - ဧပြီ ၂၁ မြင်ကွင်း(မိုးမခ) ဧပြီ ၂၂ ၊ ၂၀၂၄
မြဝတီမြို့ တိုက်ပွဲတွေနဲ့ နားလည်ဖို့ ခက်ခဲနေဆဲ ကရင်လက်နက်ကိုင်အဖွဲ့တချို့ရဲ့ ရပ်တည်ချက်များ အယ်လ်နီညို ဖြစ်စဥ်ကျရောက်တဲ့ ၂၀၂၄ ခုနှစ် နွေရာသီက အပူရှိန် အမြင့်ဆုံးနေ့ရက်တွေကို ရောက်ရှိလာနေတဲ့ ဧပြီလဆန်းရက်တွေမှာ ကရင်ပြည်နယ် မြဝတီမြို့အနီးတဝိုက်က စစ်ကောင်စီတပ်တွေနဲ့ ကေအန်ယူ/ကေအန်အယ်လ်အေ တပ်၊ PDF ပူးပေါင်းတပ်၊ DKBA ကလိုထူးဘော အဖွဲ့ အစရှိတဲ့ တပ်တွေ တိုက်ပွဲတွေက နွေရာသီအပူချိန်နဲ့ အတူတဖြည်းဖြည်း မြင့်တက်လာခဲ့ပါတယ်။ သင်္ကြန်အားလပ်ရက်တွေ မတိုင်ခင် မှာ သင်္ဃန်းညီနောင်က တပ်ရင်းစခန်း၊ ဗျူဟာစခန်းတွေကို သိမ်းယူနိုင်ခဲ့ပြီး ကေအန်ယူအနေနဲ့ သင်္ကြန်မတိုင်ခင် မြဝတီမြို့ကို အပြီးသိမ်းဖို့ ရည်ရွယ်ထားတဲ့အကြောင်း သတင်းမီဒီယာတွေကို ထုတ်ပြောထားကာ သင်္ကြန်မတိုင်မီ ရက်အနည်းငယ်အလို မြဝတီမြို့နဲ့အနီးဆုံး မြို့စောင့်တပ်လို့လည်း ခေါ်ဆိုကြတဲ့ စစ်ကောင်စီရဲ့  ခလရ ၂၇၅ ကို ကေအန်ယူက သိမ်းယူခဲ့သလို အဲဒီတပ်ရင်းက စစ်ကောင်စီတပ်သားတွေက စောချစ်သူ ဦးဆောင်တဲ့ ယခင်BGF လက်နက်ကိုင်အဖွဲ့ရဲ့ အကူအညီနဲ့ ထိုင်းမြန်မာနယ်စပ် သောင်ရင်းမြစ်ကမ်းနားက ချစ်ကြည်ရေး တံတားအောက်မှာ သွားရောက် ခိုလှုံနေကြတာဖြစ်ပါတယ်။ အဲဒီနေ့ရက်တွေကတည်းက မြဝတီမြို့ တိုက်ပွဲတွေရဲ့ နောက်ဆုံးအခြေအနေတွေကို လူအများက စိတ်ဝင်တစားစောင့်ကြည့် နေကြတာပါ။ စစ်ကောင်စီတပ်တွေ ရဲတွေ လှုပ်ရှားသွားလာတာ မတွေ့တော့တဲ့ မြဝတီမြို့ ကို ဘယ်သူတွေ ထိန်းချုပ်လည်ပတ်မလဲ၊ နှစ်နိုင်ငံ နယ်စပ် ကုန်သွယ်ရေး နဲ့ မြို့အုပ်ချုပ်ရေးတွေကို ဘယ်လို လုပ်ဆောင်မလဲ စတဲ့ လက်တွေ့ စီမံခန့်ခွဲမှုတွေကို ဝင်ရောက်ကိုင်တွယ်တော့မလား ဆိုတဲ့ သိချင်တဲ့ မေးခွန်းတွေပေါ်ထွက်လာခဲ့တာ ဖြစ်ပါတယ်။ ခလရ ၂၇၅ ကနေ စစ်ကောင်စီတပ်တွေ ဆုတ်ခွာသွားအပြီး မြဝတီမြို့မှာ စစ်ကောင်စီ မဟုတ်တဲ့ လက်နက်ကိုင် အဖွဲ့အစည်းတွေက ကားတွေနဲ့ လှည့်လည်အင်အားပြနေတာမျိုးတွေ တွေ့ရပေမယ့်လည်း နေ့ချင်းညချင်း အုပ်ချုပ်ရေး၊ အခွန်အကောက်၊ လူဝင်မှုကြီးကြပ်ရေး ကိစ္စတွေကို နေရာဝင်မယူကြသေးတဲ့ အနေအထားဖြစ်ပါတယ်။ မြဝတီမြို့ထဲမှာ စစ်ကောင်စီတပ်တွေ လက်နက်ကိုင်အဖွဲ့တွေ မရှိတော့ပေမယ့်လည်း အရပ်ဘက်ဌာနတချို့က လက်ရှိအချိန်ထိ ဆက်လက်တာဝန်ယူ လုပ်ဆောင်နေဆဲ ဖြစ်ပါတယ်။ ဥပမာအားဖြင့် ထိုင်း-မြန်မာ နယ်စပ်ဂိတ်တံတားမှာ လူဝင်မှုကြီးကြပ်ရေးလိုမျိုးအဖွဲ့တွေက စစ်ကောင်စီရဲ့ ဝန်ထမ်းအဖွဲ့အစည်းတွေက တာဝန်ယူထားဆဲ ဖြစ်ပါတယ်။ မြဝတီမြို့မှာ ရှိနေတဲ့ အဓိက အင်အားစုဖြစ်တဲ့ ကေအန်ယူ နဲ့ BGF အသွင်ပြောင်း KNA တို့ ခွဲဝေအုပ်ချုပ်ကြမလား၊ ဘယ်လို ခွဲဝေဖို့ဆွေးနွေးနေကြတာလဲ စတဲ့ မေးခွန်းတွေက ပြီးခဲ့တဲ့ ရက်အနည်းငယ်အတွင်း အများအပြားထွက်ပေါ်လာနေပေမယ့် အဖြေတော့ မရှိကြသေးတဲ့ အနေအထား ဖြစ်ပါတယ်။ မော်လမြိုင်မြို့ အခြေစိုက် အရှေ့တောင်တိုင်း စစ်ဌာနချုပ်က စေလွှတ်လိုက်တဲ့ စစ်ကူစစ်ကြောင်းတွေ ရောက်အလာကို စစ်ကောင်စီရဲ့ ခလရ ၂၇၅ လက်ကျန်တပ်တွေက တံတား အမှတ် ၂ အနီးကနေ စောင့်ဆိုင်းနေတဲ့ သဘောလား။ BGF အသွင်ပြောင်း KNA က စစ်ကောင်စီနဲ့ အပေးအယူ မပြတ်သေးတာကြောင့် အခုလို ခလရ ၂၇၅ လက်ကျန်တပ်တွေကို မတိုက်ခိုက်ဖို့ အကာအကွယ်ပေးထားတာလား။ အဲဒီနောက် BGF အသွင်ပြောင်း အဖွဲ့အနေနဲ့ ဘယ်လိုဆုံးဖြတ်ပြီး ရပ်တည်မလဲ ဆိုတာလည်း လူအများက စိတ်ဝင်စားနေကြတာ ဖြစ်ပါတယ်။ မြဝတီမြို့ရဲ့ ရပ်ကွက်အများစုကတော့ အခုချိန်ထိ တိုက်ပွဲဖြစ်ပွားခြင်းမရှိသေးတဲ့ အနေအထားဖြစ်ပါတယ်။ မြဝတီမြို့ခံတွေ အနေနဲ့တော့ မြို့ထဲတိုက်ပွဲတွေ ဖြစ်ပေါ်လာမလား၊ တိုက်ပွဲတွေ ဖြစ်ကောင်းဖြစ်လာနိုင်တယ်လို့ မှန်းဆကာ နေ့လားညလား  စိတ်တထင့်ထင့်နဲ့ စောင့်ဆိုင်းနေကြရတဲ့ အနေအထားဖြစ်ပါတယ်။ လူနေအိမ်တွေအတွင်း မြို့ပေါ်မှာ တိုက်ပွဲတွေ ဖြစ်ပွားလာခဲ့ရင် မီးရှို့ဖျက်ဆီးခံရမယ့်အရေး၊ နေအိမ်တွေမှာ ရှိတဲ့ ပိုင်ဆိုင်တဲ့ ပစ္စည်းတွေ ဖျက်ဆီးခံရ၊ ခိုးယူခံရမယ့် အရေးတွေ စိုးရိမ်ပူပန်မှုကြောင့်လည်း  ဒေသခံတွေအနေနဲ့ နေအိမ်မှာ နေထိုင်သူအားလုံး စစ်ဘေးရှောင်မယ့် လမ်းမရွေးချယ်ပဲ အိမ်စောင့်အချို့ ချန်ထားပြီး ဆက်လက်နေထိုင်ကာ မမျှော်လင့်ပဲ နေအိမ်တွေ မီးလောင်ကျွမ်းခဲ့ရင် ငြိမ်းသတ်နိုင်ဖို့ ရည်ရွယ်ပြီး ဆက်လက်နေထိုင်နေကြတဲ့ သဘောလည်း တွေ့နေရတာ ဖြစ်ပါတယ်။ လက်နက်ကိုင် အဖွဲ့တွေ အနေနဲ့တော့ မြဝတီမြို့ကို သိမ်းယူထိန်းချုပ်နိုင်ရင် ရရှိမယ့် အခွန်အကောက်  အကျိုးအမြတ်၊ မြန်မာနိုင်ငံနဲ့ ထိုင်းနိုင်ငံတို့ရဲ့ အဓိကအကျဆုံး ကုန်သွယ်မှု လမ်းကြောင်းပေါ်က မြို့ ဆိုတဲ့ အချက်တွေက လက်နက်ကိုင် အဖွဲ့အားလုံးကို ထိန်းချုပ်ထားနိုင်ဖို့  ဆွဲဆောင်နေကြတဲ့…

ကမ္ဘာတိုင်ဆုံး မောင်စစ်မုန်း - အလှည့် အတုံ့
https://ift.tt/CLs8P2S
Mediaကမ္ဘာတိုင်ဆုံး မောင်စစ်မုန်း - အလှည့် အတုံ့(မိုးမခ) ဧပြီ ၂၂ ၊ ၂၀၂၄
ပြူးလွင်မှာ ဒူးချင်သော်လဲ အဖူးမြင်လို့ သွေးပျက် ပြေးထွက်ခဲ့ရ မိလှိုင်တို့ သားဖတတွေ အသားစတွေကြွေဖို့ မဝေးတော့တဲ့အခြေ ရောက်လာပြီလေ။ပီဒက်တွေရဲ့ ရှော့ဒုံးရယ် ဒေါ့ဗုံးရယ် မလာခင် တပ်တွင်းပစ္စတို မောင်းပြန်တွေနဲ့လည်း ဒစ္စကိုအကြောင်းဖန်သွားမှာပူရ။ မြေးလေးတွေကို ပူတင်ဆီလည်း မထားရဲ အဏုမြူဗုံးကြဲရင် ပါသွားနိုင် ဒူဘိုင်းသွားရင်လည်း မွတ်တွေက ကိုင်မှာ ရှီကျင့်ဖင်ဆီမှာလည်း စိတ်မချရ အထူးအခွင့်အရေးလည်း ရမယ်မဟုတ်။ အာဆီယံတွေကလည်း အဟုတ်ကျ အားမကိုးသာ ပြုတ်ကျရင် ဘုတ်ပြမှာ။ပစ်တာကမန်းပီဒက် ထွက်ပြေးတာက မအလ အစစ်ခံရတာက မန်းတိုင်းမှူး ဆိုတော့ တိုင်းမှူးလည်း အရူးသခင် လုပ်မိတဲ့အရသာ သိရှာပြီ။ ခွေးချုပ်ထွက်ပြေး ၂၄ မို့ သရေကြိုးနှစ်ကွင်းလုံး ၂၄ သင်္ကြန်အမှတ်တရ ဒါ့ပုံလေးတောင်မှ မရိုက်လိုက်ရတဲ့အဖြစ် ဟစ်ငိုမယ်ဆို ငိုစရာ၊ အင်း အဖြစ်က မနှစ်ကနဲ့မတူဆိုသာလို ရှေ့လျှောက် ပုန်းလျှိုးကွယ်လျှိုး သူခိုးအိမ်ဝင် ကိုယ်ထင်မပြ အရိပ်မဲ့ဘဝနဲ့ နေသွားရတော့မှာ။ ပြူတာနဲ့ ပစ် လစ်တာနဲ့ ကြိတ် အိပ်တာနဲ့ ရှော့ မော့တာနဲ့ ကျတော့မှာ၊ မင်း ဘယ်သွားသွား မင်းတင်းပါးနောက် တကောက်ကောက်လိုက် ဒေါ့ဗုံးကြိုက် ဒေါ့ဗုံးနဲ့၊ ရှော့ဒုံးကြိုက်ရှော့ဒုံးနဲ့ ပစ်ထည့်ကြတော့မှာ။ သေချိန်ကျပလားဆို ရေအောက်မှာ အခေါင်းလုပ်နေလဲမလွတ်၊ မြေအောက်မှာ ကျင်းတူးလည်း ဒူး၊ တောင်ဖောက်ဂူတည်လည်း တည်တည်ပဲ ရှိမယ်လေ။အမယ် စောက်ပုရဲ့ အပုထရော်မာကလည်း မသေးဘူးနော်။ ဘယ်နေ့ ဘယ်မှာ ဘာပြောပြော အရှည်တွေး အရှည်ကြည့် အရှည်မျှော်ဆိုတာချည်းပဲ။ ဘယ်အရှည် ကြွေလဲတော့ မသိ။ သူ့အသက်ကတော့ ကြာလေ တိုလေရယ်။ သူတင်မကဘူးလေ သူ့ခေါသနီအသက်ရော သူ့သားအောင်ပြည့်စုံအတွက်ရော၊ ဟိုစနိုက်ကျော်ခံရတဲ့ သမီးချောလေးအသက်ရော အင်း မြေးလေးတွေပါ အသက်ရှည်ဖို့ ခက်ရောပ။ သူ့မြေးအရွယ်လေးတွေပေါ် ဗုံးတွေကြဲ၊ စက်သေနတ်တွေနဲ့ ထင်သလိုဆွဲထားတာ မနည်းမနောမဟုတ်လား။ ဒါတွေက အရိပ်ပမာ မခွဲမခွာ လိုက်နေမှာပဲ။ သူ့တပ်တွေအသက်ကတော့ ပြောမနေနဲ့၊ တရက် တမနက် ရှည်ဖို့တောင် ခက်ခက်လာ၊ ဒါပေလို့ အာဏာရူးကောင် ရူးကြောင်ကြောင်ခိုင်းတာမှန်း သိတဲ့သူတွေကတော့ လက်နက်နဲ့ အသက်လဲလိုက်တာပဲလေ။ တခါတည်း သိန်းငါးဆယ်လောက်ရတဲ့အပြင် ကိုယ့်မိသားစုလေးပါ လွတ်မြောက်နယ်မြေထုတ် အောင်ခိုင်အောင်နိုင် ရေခဲလုပ်ကြတော့တာပ။ လက်နက်ချလိုက်ရင် အသက်က ကြိုက်သလောက်ရှူတော့ဘဲ။ ရှေ့လျှောက် မအလကတော့ ငါးခုံးမကမ်းတင်သလို ခါးလေးလွန့်လွန့်ပြီး ဆန့်ငင်ဆန့်ငင်ဖြစ်နေမှာ မြင်ယောင်သေး။

Join Us @ MoeMaKa Telegram
t.me@moemaka
#MoeMaKaMedia
#WhatsHappeningInMyanmar

ထိုင်းနိုင်ငံက မြန်မာ့အရေး ကြားဝင်ဆောင်ရွက်နိုင်မှာလား
https://ift.tt/a28b64M
<a href="https://blogger.googleusercontent.com/img/a/AVvXsEhsSfU8wMWKOTEhziqQC4_SOiVV_Og0TQJBDCqrz07hl2wfGFApDI_0ecuDuaLAKyzIibqgMm8f8D4oy9JQO0J-HXQpaw_CeUMOhT9raj4Uc2o2VzlymOL2DYe7ajvCKD0GMJnR6JPlp4uKZNvYUza5eMVlGijCM7MrFDemJOqBD1TWC064i-LW9zytTNY">Media</a>မြန်မာနွေဦး ခရိုနီကယ် - ဧပြီ ၂၂ မြင်ကွင်း(မိုးမခ) ဧပြီ ၂၃ ၊ ၂၀၂၄
ထိုင်းနိုင်ငံက မြန်မာ့အရေး ကြားဝင်ဆောင်ရွက်နိုင်မှာလား ထိုင်းနိုင်ငံ ဝန်ကြီးချုပ်ဖြစ်သူ ဆရီသာထေဝီဆင် က မြန်မာနိုင်ငံရဲ့ အရေးကိစ္စတွေမှာ ကြားဝင်ဖြေရှင်းပေးဖို့ အဆင်သင့်ရှိကြောင်း သူ့ရဲ့အတွင်းဝန်ဖြစ်သူက ဘန်ကောက်ပို့စ် သတင်းစာကို ထုတ်ဖေါ်ပြောဆိုလိုက်ပါတယ်။  ထိုင်းဝန်ကြီးချုပ်ဟာ ဧပြီလ ၂၃ ရက်နေ့မှာ မဲဆောက်မြို့ကို လာရောက်ဖို့ စီစဥ်ထားပေမယ့် မတိုင်ခင် တရက်မှာတော့ ထိုင်းနိုင်ငံခြားရေး ဝန်ကြီးနဲ့ ဒုတိယဝန်ကြီးချုပ် တာဝန်လည်းယူထားသူ ပမ်ပရီးကို ဝန်ကြီးချုပ်ကိုယ်စား စေလွှတ်မယ့်အကြောင်း သတင်းတွေမှာ ပါရှိလာပါတယ်။ ထိုင်းနိုင်ငံဟာ မြန်မာနိုင်ငံနဲ့ ကီလိုမီတာ ထောင်ချီရှည်လျားတဲ့ နယ်နိမိတ်ချင်း ထိစပ်နေတဲ့နိုင်ငံ၊ အဲဒီလို ထိစပ်နေတဲ့ နယ်နိမိတ်တလျှောက် တိုင်းရင်းသားလက်နက်ကိုင် အဖွဲ့ ၄ ဖွဲ့ထက်မနည်း ထိုင်းနယ်စပ်နဲ့ ထိစပ်နေတဲ့ ဒေသတွေမှာ အခြေစိုက်ကြတာလည်း ဖြစ်ပါတယ်။ တရုတ်နိုင်ငံအနေနဲ့လည်း ထိုင်းနိုင်ငံလို မြန်မာနဲ့ နယ်နိမိတ်ထိစပ်နေတဲ့ ဒေသတွေမှာ အခြေစိုက်တဲ့ တိုင်းရင်းသားလက်နက်ကိုင် အဖွဲ့တွေ အတော်များများရှိတာ ဖြစ်ပါတယ်။ ထိုင်းနဲ့ တရုတ်နိုင်ငံအနေအထားက အဲဒီအချက်တွေမှာ တူညီကြပြီး မတူညီတဲ့အခြားအချက်တခုက ထိုင်းနိုင်ငံမှာ မြန်မာနိုင်ငံသား သန်းနဲ့ချီ တရားဝင်ရော တရားမဝင်ပါ နေထိုင် အလုပ်လုပ်ကိုင်နေကြတဲ့ အချက်ဖြစ်ပါတယ်။ နောက်တချက်က ထိုင်းနိုင်ငံဟာ တရုတ်နိုင်ငံနဲ့ မတူပဲ အတိုင်းအတာတခုထိ ဒီမိုကရေစီ စနစ်ကျင့်သုံးတဲ့ နိုင်ငံအနောက်နိုင်ငံတွေနဲ့ ရင်းနှီးတဲ့ ဆက်ဆံရေးရှိတဲ့နိုင်ငံ၊ မြန်မာအတိုက်အခံ အင်အားစုတွေ ထိုင်းနယ်မြေတွေထဲ နေထိုင်ခိုလှုံနေကြပေမယ့် ထိုင်းအစိုးရအနေနဲ့ လက်နက်ကိုင် လှုပ်ရှားမှုမဟုတ်တဲ့ နိုင်ငံရေး သဘောထားကွဲလွဲသူတွေကို လက်ခံထားရှိတဲ့ နိုင်ငံတနိုင်ငံဖြစ်တာကြောင့်လည်း စစ်တပ်ဆန့်ကျင်သူ နိုင်ငံရေးအဖွဲ့အစည်းက သူတွေအများအပြား ထိုင်းနိုင်ငံမှာ နေထိုင်နေကြတဲ့ သဘောလည်း ဖြစ်ပါတယ်။ တရုတ်နိုင်ငံနဲ့ မြန်မာဆက်ဆံရေးမှာတော့ တရုတ်နိုင်ငံက မြန်မာနိုင်ငံထဲက ၄င်းရဲ့ ရင်းနှီးမြှုပ်နှံမှုတွေ အကာအကွယ်ပေးဖို့၊ မြန်မာနိုင်ငံတည်ငြိမ်မှုရှိရေး စတာတွေက အဓိက အခြေခံအချက်တွေဖြစ်ပြီး မြန်မာနိုင်ငံက အစိုးရ၊ စစ်တပ်တွေကို အပေါ်စီးအနေအထားနဲ့  ဆက်ဆံတာမျိုးဖြစ်ပြီး မြန်မာစစ်ကောင်စီ အစိုးရကို မနှစ်သက်မှုတွေ ရှိတဲ့အခါမှာ နယ်စပ်တလျောက်က တိုင်းရင်းသား လက်နက်ကိုင်တွေကို ကူညီပေးတာမျိုး လုပ်ဆောင်လေ့ရှိတာလည်း ဖြစ်ပါတယ်။ ပြီးခဲ့တဲ့ ၁၀၂၇ စစ်ဆင်ရေး ကိုကြည့်ရင် အဲဒီလက္ခဏာ သဘောတရားကို ရှင်းလင်းစွာတွေ့မြင်နိုင်ပြီး စစ်ကောင်စီတပ်ကိုတိုက်ခိုက်နေတဲ့ တိုင်းရင်းသား လက်နက်ကိုင် ၃ဖွဲ့ကို နောက်ကွယ်မှာ အကူအညီပေးနေခဲ့တာ၊ စိတ်ဓါတ်ရေးအရ အားပေးခဲ့တာ ဖြစ်လိမ့်မယ်လို့ အများကယူဆထားခဲ့ကြတာ ဖြစ်ပါတယ်။ ၁၀၂၇ စစ်ဆင်ရေးရဲ့ အကျိုးရလဒ် အနေအထားတခု ရောက်တဲ့အချိန်မှာ တရုတ်နိုင်ငံက ကြားဝင်စေ့စပ်ပေးကာ တိုင်းရင်းသား လက်နက်ကိုင် အဖွဲ့တွေကို တရုတ်နယ်နိမိတ်ထိစပ်နေတဲ့ ဒေသတွေမှာ အပစ်ရပ်ဖို့ လုပ်ဆောင်ခဲ့ပါတယ်။ ဒီအနေအထားက တရုတ်နိုင်ငံရဲ့ အင်အား၊ တိုင်းရင်းသားလက်နက်ကိုင် အဖွဲ့အချို့ပေါ်မှာ အတိုင်းအတာတခုထိ သြဇာညောင်းနိုင်တဲ့ အနေအထားဖြစ်ပါတယ်။ ထိုင်းနိုင်ငံကတော့ တရုတ်နိုင်ငံလို သြဇမရှိတဲ့ အနေအထားမျိုး ဖြစ်ပြီး ထိုင်းစစ်တပ်အနေနဲ့ မြန်မာစစ်ကောင်စီ စစ်တပ်နဲ့ ရင်းနှီးတဲ့ ဆက်ဆံရေးရှိတဲ့အချက်၊ မြန်မာနိုင်ငံနဲ့ ပတ်သက်တဲ့ ကိစ္စရပ်တွေမှာ ထိုင်းအစိုးရအဖွဲ့ အနေနဲ့ စစ်တပ်နဲ့ သဘောထား ထပ်တူထပ်မျှ မရှိတဲ့ အနေအထားမျိုးလည်း ဖြစ်ပါတယ်။ ထိုင်းနိုင်ငံအနေနဲ့ ဒီလို နောက်ခံအနေအထားတွေ၊ အခြေအနေတွေ အောက်မှာ ၄င်းရဲ့ နယ်စပ်ဒေသတလျှောက်ကနေ စစ်ဘေးရှောင်ဒုက္ခသည်တွေ ထိုင်းနိုင်ငံထဲ ဝင်ရောက်လာနိုင်တဲ့ အချက်၊ မြန်မာဘက်က တိုက်ပွဲတွေကြောင့် နယ်စပ် ကုန်သွယ်ရေး အပေါ် သက်ရောက်လာနိုင်တဲ့ကိစ္စတွေ မှာ ထိခိုက်မှု သက်ရောက်မှုအနည်းဆုံးဖြစ်အောင် မြန်မာ့အရေးကို ပြေလည်စေလိုတဲ့ ဆန္ဒရှိတာ ဖြစ်ပါတယ်။ မြန်မာနိုင်ငံရဲ့  လက်နက်ကိုင်တိုက်ပွဲတွေအကြား တဖက်ဖက်ကို ဘက်လိုက်တယ် ကူညီပေးတယ်လို့ ထင်မြင်ခံရမှာကိုလည်း ထိုင်းအစိုးရက ရှောင်လွှဲလိုပြီး စစ်တပ်အချင်းချင်း ရင်းနှီးတဲ့ ဆက်ဆံရေးကို လည်း အလွန်အကျွံ မဖြစ်စေဖို့ ထိန်းသိမ်းလိုတဲ့ ဆန္ဒရှိနေလိမ့်မယ်လို့ မှန်းဆရပါတယ်။ မြန်မာစစ်တပ်ကို ဖျောင်းဖျနိုင် ရည်မှန်းချက်ထားကောင်းထားပေမယ့် အခု အရပ်သားအစိုးရ မတိုင်မီ ဗိုလ်ချုပ်ကြီး ပရာယွတ်လက်ထက်ကတောင် မစွမ်းဆောင်နိုင်ခဲ့တာကိုလည်း မေ့လို့မဖြစ်ပါဘူး။  အဲဒီကာလတွေတုန်းက ထိ…

မောင်လင်းရိပ် - ပုဒ်မ ချရန်မလိုတဲ့ စာကြောင်းတွေ
https://ift.tt/MhDOTLr
MediaArt by Than Htay Maungပုဒ်မ ချရန်မလိုတဲ့ စာကြောင်းတွေမောင်လင်းရိပ်(မိုးမခ) ဧပြီ ၂၄၊ ၂၀၂၄
လရောင်အောက်မှာ ကံ့ကော်ပွင့်ခြောက်ကလေး နှစ်ယောက်ပဲ ရှိသတဲ့နောက်ဆုံးပွင့်တဲ့ ပန်းကလေးတွေဟာ မခူးပဲထားတော့ အပွင့်မပျက် ခြောက်သွားခဲ့ခုတော့ ညတိုင်း အိမ်ရှေ့ဝရန်တာဘက်ဆီ လှမ်း အချက်ပြနေသလိုပဲကျွန်တော် လေရှူဖို့ ထွက်လာရင် ငိုသံလိုလို ကြားရတယ်တစ်လောကလုံး ငြိမ်သက်နေတဲ့အချိန် သူတို့ပဲ အသက်ရှိတာအစွမ်းကုန်ပွင့်ပြီး အစွမ်းကုန်မွှေးပြီးတဲ့နောက် ဘာမစ်ရှင်ကျန်သေးလဲတွေးရင်းနဲ့ တွေးသူကို ခေတ်တစ္ဆေခြောက်ပါစေသားလူဆိုရင်သေရမှာ ဆိုတာလို ကျွန်တော်တို့ သေချာနေတာက သေချာရဲ့လားစာအုပ်ကြားမှာ ပြားချပ်သွားတဲ့ ချစ်သူပန်ဖူးတဲ့ ပန်းခြောက်မဟုတ်ပါခြံထောင့် ကံ့ကော်ပင်က ကံ့ကော်ပွင့်ခြောက်လေးတွေဟာ လသာတဲ့ခါ လှမ်းပြုံးပြနေတုန်းပါပဲ
၂၀၂၄၊ ဧပြီ ၂၂-Join Us @ MoeMaKa Telegramt.me@moemaka#MoeMaKaMedia#WhatsHappeningInMyanmar

စစ်ပွဲများ၊ လက်တွေ့ပြဿနာ၊ အကျိုးစီးပွား နှင့် ရပ်တည်ချက်
https://ift.tt/mDUuBWI
<a href="https://blogger.googleusercontent.com/img/a/AVvXsEg4o6346X8UWhe6vbElgRo_Xta_Td6zZLILfM8VDV2f1T1j37J_WQwyOMJuc6LoUp8J3EHqPkM-cFlhadADrRA8gXYLnkuMHX2Jd2zJYgRHpD-gPsxU1mHe84KquttlczSIzWtP61IQ_hlx7rxkxav7JTpNN90jSPMZMLK04aYE-PZu5yyjy3dLXhEfGA0">Media</a>
မြန်မာနွေဦး ခရိုနီကယ် - ဧပြီ ၂၃ မြင်ကွင်း(မိုးမခ) ဧပြီ ၂၄ ၊ ၂၀၂၄
စစ်ပွဲများ၊ လက်တွေ့ပြဿနာ၊ အကျိုးစီးပွား နှင့် ရပ်တည်ချက်မြဝတီမြို့ အနီးတွင် နေရာယူတည်ဆောက်ထားသည့် စစ်ကောင်စီ၏ ခြေလျင်တပ်ရင်း အမှတ် ၂၇၅ ကို မကြာသေးသည့် ရက်အနည်းငယ်က KNU/KNLA နှင့် PDF ပူးပေါင်းတပ်ဖွဲ့များ သိမ်းယူခဲ့သည်ဟု သတင်းများတွင် ဖေါ်ပြခဲ့ကြသည်။ ယင်းတပ်ရင်းမှ စစ်ကောင်စီ တပ်ဖွဲ့ဝင်တွေက ထိုင်းမြန်မာ ချစ်ကြည်ရေး နယ်စပ် ဖြတ်ကူးသည့် တံတားအမှတ် ၂ အောက်ခြေတွင် ယာယီသွားရောက် ခိုလှုံနေရာယူနေခဲ့ကြ သဖြင့် မြို့စောင့်တပ်ကျပြီး မြဝတီမြို့လည်း တော်လှန်ရေး လက်နက်ကိုင် တပ်ဖွဲ့တွေဘက်က သိမ်းပြီးပြီ ဟု သတင်းမီဒီယာများက ရေးသားဖေါ်ပြကြသလို မြဝတီမြို့တွင် စစ်ကောင်စီ၏ ထိန်းချုပ်မှု နိဌိတံသွားပြီဟု အများက ယူဆကြသည်။ ဤသည်မှာလည်း သတင်းမီဒီယာများ၏ မှန်းဆချက်များ၊ စိတ်အားတက်ကြွဖွယ်ရာ ဖြစ်စေလိုသည့် ဆန္ဒဖြင့် ဖြည့်စွက်မှန်းဆကာ တင်ပြရေးသားချက်များ ဖြစ်သည်ကို နောက်ရက်အနည်းငယ်အကြာ အခြေအနေတွေ ပြောင်းပြန်ပြောင်းလဲသွားသည့် အခါ သဘောပေါက်လာခဲ့ကြရပြီဖြစ်သည်။ အခြေအနေ ပြောင်းပြန်ပြောင်းလဲသွားခြင်းက လက်နက်ကိုင် တိုက်ပွဲအပြင်းအထန် ဖြစ်ပွားခြင်းကြောင့် စစ်အင်အားချိန်ခွင်လျှာ၊ တိုက်ပွဲရလဒ်များကြောင့် ဆိုသည်ထက် ညှိနှိုင်းမှု၊ စကားပြောဆိုမှု၊ အများပြည်သူကို အသိပေးခြင်း မပြုနိုင်သည့် သဘောတူညီမှုများ အပေါ်မူတည်ကာ ရလဒ်တွေ အခြေအနေတွေ ပြောင်းပြန်ပြောင်းလဲသွားခြင်း ဖြစ်သည်။ ပြီးခဲ့သည့် ရက်အနည်းငယ်အတွင်းက ဖြစ်ပွားသည့် တိုက်ပွဲအတွင်း ပစ်ခတ်မှုများကြောင့် ပဲ့ထွက်နေသည့် အလံတင် အုတ်ခုံ၊ သွပ်ခေါင်မိုးတွေ၊ သစ်သားဒိုင်းတွေ ပြုတ်ထွက်နေသည့် အဆောက်အဦများ နောက်ခံနှင့် ခြေလျင်တပ်ရင်း ၂၇၅ ၏ အလံတိုင်တွင် ပြီးခဲ့သည့် ရက်ပိုင်းက လွှင့်တင်ထားသည့် ကေအန်ယူ (ကရင်အမျိုးသားအစည်းအရုံး) ၏ အလံကို ဖြုတ်ချ၍ မြန်မာနိုင်ငံအလံကို ပြန်လည်လွှင့်တင်နေသည့် သတင်းဓါတ်ပုံ လူမှုကွန်ရက်မီဒီယာများတွင် ပေါ်ထွက်လာသည့်အခါ အခြေအနေဘယ်လိုတွေ ပြောင်းလဲကုန်တာလဲ၊ ဘာကြောင့် အခုလိုဖြစ်ရသလဲ ဆိုသည့် ရုတ်တရက် ဖြေရခက်သည့် မေးခွန်းတွေ၊ စိတ်ပျက်ခြင်းတွေ၊ အံ့အားသင့်ခြင်းတွေ ပေါ်ထွက်လာခဲ့ကြသည်။ စစ်ကောင်စီ၏ အထောက်အပံ့ခံနှင့် ၄င်းတို့၏ ဝါဒဖြန့်ယန္တရားဟု တရားဝင် ဝန်မခံသော်လည်း အများက စစ်ကောင်စီ ဝါဒဖြန့်ချိရေး ချယ်နယ်များဟု နားလည်မှတ်ယူထားကြသည့် သတင်းမီဒီယာဟု ခေါ်ဆိုခြင်း မပြုနိုင်သည့် ကျော်စွာ၊ ကိုသက်၊ မှိုင်းဝေ အစရှိသည့် တယ်လီဂရန်ချယ်နယ်များတွင် ခလရ ၂၇၅ ကို စစ်ကောင်စီတပ်တွေ ပြန်လည်နေရာယူကြောင်း ဗီဒီယို၊ ဓါတ်ပုံတွေ ပေါ်ထွက်လာခဲ့ချိန်မှာ လူအများအနေဖြင့် ဘယ်လိုမှ မယုံကြည်နိုင် လက်ခံလို့ မရသည့် အဖြစ်အပျက်၊ ဖြစ်ရပ်များ ဖြစ်လာသည်။ သတင်းမီဒီယာအချို့က ခလရ ၂၇၅ အလံတိုင်ရှေ့၊ အလံတင်သည့် ဗီဒီယို ဓာတ်ပုံသည် ဝါဒဖြန့်ဖို့သက်သက် လုပ်ဆောင်ခြင်းသာဖြစ်ပြီး အမှန်တကယ် ဝင်ရောက် နေရာယူခြင်းမဟုတ်ကြောင်းလည်း ရေးသားဖော်ပြသည်။ သို့ရာတွင် နာရီပိုင်းအကြာတွင် စောချစ်သူ ဦးဆောင်သည့် BGF/KNA တပ်များ၏ အကူအညီဖြင့် ခလရ ၂၇၅ တွင် စစ်ကောင်စီတပ်များ ပြန်လည်နေရာယူလိုက်ကြောင်း သတင်းဌာန တခုပြီးတခု ဆက်တိုက် ဖော်ပြလာကြသည်ကို တွေ့ရသည်။ BGF/KNA က စစ်ကောင်စီတပ်တွေကို အကူအညီပေးပြီး ၄င်းတို့၏ မူလနေရာတွင် ပြန်လည်နေရာယူ တပ်စွဲနိုင်အောင် လုပ်ဆောင်ပေးသည့် အချက်က ထင်ရှားလာပြီး ယင်းသို့ လုပ်ဆောင်ခြင်းကို KNU/KNLA အနေနှင့် အဘယ်ကြောင့် လက်သင့်ခံခဲ့သလဲ ဆိုသည့် မေးခွန်းက ဧပြီလ ၂၃ ရက်နေ့တွင် လူအများအကြား ပေါ်ထွက်လာသည့် မေးခွန်းဖြစ်သည်။ သို့သော် မေးခွန်းက မေးရန် အသင့်တော်ဆုံး မေးခွန်း ဖြစ်သည့်တိုင် ဖြေဆိုရန် တာဝန်ရှိသည့် KNU/KNLA အနေဖြင့် ဖြေဆိုဖို့ ခက်ခဲ့သည့် မေးခွန်းဖြစ်ပြီး အဖြေကို မည်သည့် သတင်းဌာနကမျှ မရကြသေးသည့် အနေအထားလည်း ဖြစ်သည်။ ဧပြီလ ၁၉ ရက်နေ့ ည ဦးပိုင်းမှစတင်ကာ ၂၀ ရက်နေ့ တနေ့လုံး ၂၁ မတိုင်ခင်ထိ ချစ်ကြည်ရေး တံတားအနီးက စစ်ကောင်စီတပ်တွေကို ပြင်းပြင်းထန်ထန် တိုက်ခိုက်နေရာက ရုတ်တရက် ပြန်လည်ဆုတ်ခွာလိုက်ခြင်းကို နားမလည်နိုင်ဖြစ်ကြရာမှ ယခုနောက်တဆင့် အဆိုပါ တိုက်ခိုက်ခံခဲ့ရသည့် တပ်တွေက ၄င်းတို့ အခြေစိုက်တပ်ရင်းကို ပြန်လည်ဝင်ရောက် နေရာယူနိုင်သည့် ဖြစ်ရပ်အပေါ် လက်မခံနိုင်ကြခြင်း၊ နားမလည် နိုင်ကြခြင်း ဖြစ်သည်။ လူမှုကွန်ရက်များတွင် NUG, PDF ထောက်ခံသူ အများစုကတော့ KNU/KNLA လက်နက်ကိုင် အဖွဲ့အပေါ် အပြစ်တင်နေကြသည့် ရေးသားမှုတွေ၊ PDF လူငယ်တွေ အသက်ပေးပြီး တိုက်ခိုက်ခဲ့ရသည့် ရလဒ်ကို အကျိုးစီးပွားအတွက် ချနင်းမှုအဖြစ် ကောက်ချက်ချကာ အပြစ်တင်ကြသည့် ရေးသားမှုတွေ…

ဦးဝင်းတင် ပြောပြတဲ့ မသေခင် တွေ့ချင်ရခြင်းအကြောင်း
https://ift.tt/hIj2CPk
Media
ဦးဝင်းတင် ပြောပြတဲ့ မသေခင် တွေ့ချင်ရခြင်းအကြောင်းရန်နောင် (ဗိုလ်တထောင်) ဧပြီ ၉၊ ၂၀၁၄(ဟံသာ၀တီ ဦးဝင်းတင် အမှတ်တရ ပြန်လည်တင်ဆက်ခြင်း)

ဘဘ ဦးဝင်းတင်၏ ကျန်းမာရေးအခြေအနေက အကောင်းဘက်သို့ ရောက်ရှိနေသည်။ဘဘဦးဝင်းတင်သည် သူ၏ ၈၄ နှစ်မြောက် မွေးနေ့ တွင်   ရန်ကုန်အနောက်ပိုင်းရှိ GREEN CROSS ဆေးရုံတွင် တက်ရောက်၍ ဆေးကုသမှုခံယူခဲ့ပါသည်။ထိုဆေးရုံတွင် တက်ရောက်နေရာမှ ပိုမိုကြပ်မတ်ကုသမှု ခံယူရန် ဝိတိုရိယဆေးရုံသို့ ပြောင်းရွှေ့ကုသရပြန်ပါသည်။ဝိတိုရိယဆေးရုံတွင် ကုသစဉ် လိုအပ်ချက်အရ ရန်ကုန်ဆေးရုံကြီး အထူးကြပ်မတ်ကုသဆောင်သို့ထပ်မံ၍ ပြောင်းရွှေ့ကုသပေးရပါတော့သည်။အထူးကြပ်မတ်ကုသဆောင်တွင် တက်ရောက်ကုသနေရကြောင်း သတင်းကြောင့် လူနာမေးလာသူများသည်လည်း ဆေးရုံကော်ရစ်ဒါတွင် အမြဲ ရှိနေပါသည်။ဘကြီးမိုးသည်လည်း သက်ကြီးပိုင်းဝင်လာပြီဖြစ်၍ အသွားအလာ အဆင်အခြင်ကိုလည်း အစားအသောက်ကဲ့သို့ ဆင်ခြင်နေရသူ ဖြစ်သည်။ဘဘဦးဝင်းတင်နှင့် ဘကြီးမိုးသည် ပြောမနာ ဆိုမနာ မိတ်ဆွေသူငယ်ချင်းနှစ်ဦး ဖြစ်ကြသည်။ဘကြီးမိုးမှာ ရန်ကုန်ဆေးရုံကြီးသို့ လူနာ မေးသွားချင်သော်လည်း လှေကားဆယ့်လေးငါးထစ် တက်ရမည့်ဒဏ်မခံနိုင်ခြင်း၊ ကော်ရစ်ဒါတွင် လမ်းလျှောက်ရာတွင် အတွဲပါမှ အဆင်ပြေခြင်းတို့ကြောင့် တော်ရုံနှင့် လူနာမေး မရောက်ဖြစ်ပေ။အင်္ဂါနေ့ (၈. ၄.၁၄ ) တွင် အပေါင်းအသင်းအချို့ စောင်မမှုကြောင့် ဘကြီးမိုးတစ်ယောက် ဘဘဦးဝင်းတင်ဆီ လူနာမေး ရောက်ဖြစ်ခဲ့ပါတော့သည်။သွားသည့်အခါ ဘဘဦးဝင်းတင်အား စောင့်ကြည့်ဂရုစိုက်ပေးနေသူ ဆရာ ၊ ဆရာမ များအတွက် ဘကြီးမိုးက မြီးရှည်ခေါက်ဆွဲ ၊ ရှမ်းခေါက်ဆွဲတို့ကို မောနင်းစတားမှ ဝယ်၍သွားပြီး ကျွေးမွေးခဲ့ပါသည်။ဘကြီးမိုး ဆေးရုံသို့ ရောက်သောအခါ ဦးဝင်းတင်ကို မှန်ပေါက်မှနေ၍ အတွင်းသို့ ချောင်းကြည့်လိုက်ပါသည်။ဆရာဝန်ကြီးများ စေတနာပါပါဖြင့် ဂရုစိုက်ကုသပေးနေသည်ကိုလည်း ဘကြီးမိုး တွေ့မြင်နေရပါသည်။တခဏမျှကြာသော် ဘကြီးမိုး အထဲဝင်ကြည့်ပါဟု ပြောသဖြင့် အထူးကြပ်မတ်ကုသဆောင်ရှိ အခန်းတွင်း ဝင်ရန် သတ်မှတ်ထားသော ဝတ်စုံနှင့် ဖိနပ်အား ဝတ်ဆင်ကာ ဘဘဦးဝင်းတင်ကို ဝင်ရောက်ကြည့်ရှုပါသည်။ဦးဝင်းတင်က အခန်းတွင်း ပိုက်များတန်းလန်းဖြင့် ရှိနေသည်။ဘဘဦးဝင်းတင်သည် ဘကြီးမိုးအား တွေ့သောအခါ …“အေး…ခင်ဗျားကို မသေခင် တွေ့ချင်နေတာဗျာ” ဟု ပြောလိုက်ပါသည်။ထိုသို့ ပြောလိုက်သောအခါ   ဘကြီးမိုး မျက်နှာ ကွက်ခနဲ ပျက်သွားသည်၊ထို့နောက် စိတ်မကောင်းသော မျက်နှာဖြင့် ဘဘဦးဝင်းတင်ကို ဆက်ပြီး ကြည့်နေမိသည်ဟု ဆိုသည်။ထို့နောက် ဒီလိုလည်း မဟုတ်သေးပါဘူး ဘာညာဖြင့် အားပေးစကားပြောရန် အနားသို့ ဘကြီးမိုးတိုးသွားသည်။“ကျုပ်က ခင်ဗျား မသေခင် တွေ့ချင်တယ်လို့ ပြောတာပါ။ တခြားမတွေးပါနဲ့” ဟူသော ဦးဝင်းတင်က ဆိုလိုက်တော့မှ  ဘကြီးမိုး  ရယ်နိုင်ပါတော့သည်။ဘကြီးမိုးကို တွေ့သည်နှင့် မလွှတ်တမ်း လက်ကိုဆုပ်ကိုင်ကာ စကားများ ရေပက်မဝင်ပြောနေပါတော့သည်။ဆရာမများကလည်း လူနာအား မမောစေလိုသဖြင့် ဘကြီးမိုးကို ပြန်စေချင်သည့်ပုံ ရှိနေသည်။ဘဘဦးဝင်းတင်ကလည်း သူ ပြန်လည်ထူထောင်လာကြောင်း ပြသချင်နေသည်။ဘကြီးမိုးက …  ခင်ဗျားဟာ ဘာလဲဟဲ့ လောကငရဲ ဦးဝင်းတင်အစစ်ပါပဲဗျာ။ ကျုပ်ကို ဒီလိုနောက်နိုင် ၊ ပြောင်နိုင်တာကို ဂုဏ်ယူပါတယ်ဗျာဟု မှတ်ချက်ပြုလိုက်သည်။ဘဘဦးဝင်းတင်က ချောင်းဟန့်နေရပုံအကြောင်းကိုလည်း ပြောသေးသည် ဆို၏။“ကျုပ် … တနေ့ကို အဟမ်း အဟမ်း ထွီ ဆိုပြီး လုပ်တယ်ဗျ။  အဟမ်း အဟမ်းကတော့ ချောင်းဟန့်တာပေါ့ဗျာ၊  ထွီဆိုတာကတော့ စစ်အစိုးရကို ရွံလို့ဗျာ”(ရန်ကုန်ဆေးရုံကြီး အထူးကြပ်မတ်ကုသဆောင်မှ လူကြီးနှစ်ဦး၏ အပြန်အလှန်ပြောစကားများအကြောင်းကို ဖောက်သည်ချလိုက်ပါသည်။)

Join Us @ MoeMaKa Telegram
t.me@moemaka
#MoeMaKaMedia
#WhatsHappeningInMyanmar

ပါလစ္စတိုင်းများကို ထောက်ခံခြင်းနဲ့ ဂျူးများကို ဆန့်ကျင်ခြင်း အတူတူလား
https://ift.tt/BaXe5io
<b>Media

</b><b>ပါလစ္စတိုင်းများကို ထောက်ခံခြင်းနဲ့ ဂျူးများကို ဆန့်ကျင်ခြင်း အတူတူလား</b><b>နိုင်ငံတကာသာဂိ၊ (မိုးမခ) ဧပြီ ၂၅၊ ၂၀၂၄
</b>
မိုးမခပြည်တွင်းအယ်ဒီတာက ပြည်ပကစာရေးဆရာတွေ အခု ပါလစ္စတိုင်းအရေး ထောက်ခံဆန္ဒပြပွဲနဲ့အတူတူဖြစ်ပွားနေတဲ့ ဂျူးဆန့်ကျင်မုန်းတီးရေး လှုံဆော်နေကြတာတွေ စာမရေးဘူးလား မေးပါတယ်။ ပြည်တွင်းမှာ ကရင်ပြည်နယ်က မြ၀တီမြို့သိမ်းတိုက်ပွဲမှာ ပြည်သူတွေအားမလို အားမရဖြစ်ပြီး ကရင်လက်နက်ကိုင်အဖွဲ့တွေ၏ အသီးသီးသော ရပ်တည်ချက်တွေအပေါ် ဆန္ဒထုတ်ဖော် ဝေဖန်နေကြတဲ့ဆီမှာ သည်လိုကိုယ်ပိုင်သဘောထားထုတ်ဖော်တာကို ကရင်လူမျိုးဆန့်ကျင်ရေးလို့ ဝါးလုံးနဲ့ရမ်း ဝေဖန်မှုတွေ ဖေ့ဘုတ်က ဟိုထောင့် သည်ထောင့်မှာ ဆူညံနေတော့ ကိုယ်လည်း ကျောတော့ အတွန့်သား။ တလောကတောင် သတင်းတွေမှာ ဘင်္ဂလီလား၊ မူဆလင်လား၊ ရိုဟင်ဂျာလား ဆိုပြီး အသုံးအနှုန်းတွေ ပြောဆိုဆွေးနွေးကြတာတွေ ကြားလိုက်ရပါသေး။ သည်တော့ ကမ္ဘာမှာ ပါလစ်စတိုင်းပြည်သူတွေအရေးကို ထောက်ခံဆန္ဒပြရင်းနဲ့က ဂျူးလူမျိုးတွေကို ဆန့်ကျင်ပုတ်ခတ် ရန်လိုတာတွေပါ တွေ့ကြုံနေရတော့ ဆန္ဒထုတ်ဖော်တာနဲ့ အမုန်းတရားဖြန့်ချိတယ်လို့ တံဆိပ်ကပ်တာက အတော် အရေခွံပါးတာမို့ သတိထားရပါတယ်။

သို့သော် မိုးမခ၏ နွေဦးနေ့စဉ်သတင်းမှတ်တမ်း ရက်စွဲတွေကို ပျက်ရက်မရှိ ရေးနေသူတွေက တောင်းဆိုတာမို့ တခါတလေ ကလောင်ကိုင်ရသူမှာ အလှည့်ကျလို့ မနွဲ့စတမ်း ပါလစ္စတိုင်းအရေးနဲ့ ဂျူးတွေကို ဆန့်ကျင်ရေးက ထပ်တူကျနေသလားဆိုတာကို မိမိမြင်သလောက် ရေးသားပါမယ်။ ရေးတဲ့ဆီမှာလည်းပဲ မိုးမခလိုမျိုး လွတ်လပ်ပြီး အမှီအခို ကင်းတဲ့ သတင်းဌာနအဖြစ် မှတ်ပုံတင်ထားတဲ့ အမေရိကန်က အကျိုးအမြတ်မရှာတဲ့ အဖွဲ့အစည်းဖြစ်တာမို့ ဘယ်သူ့ဆီကမှ ခွင့်တောင်းပြီး အစိုးရတွေ ငွေပေးသူတွေဆီက ခွင့်ခံစရာမလိုတာကိုလည်း ဝမ်းသာအားရ ထောက်ပြရပါမယ်။

အကယ်၍ ကိုယ်ရေးလိုက်မိတာကို အဖွဲ့အစည်းနဲ့ လူအချို့က တိုင်းပြည်ပျက်အောင် လူမျိုးသုန်းအောင် ကမ္ဘာကြီးမီးလောင်အောင် ရေးတဲ့ စာတွေ ကာတွန်းတွေပါလို့ လာစွပ်စွဲပြီး ပြသနာရှာပြီး ခြိမ်းခြောက်လာရင်လဲ မိမိတို့ဘာသာ လွတ်လပ်စွာ ထုတ်ဖော်ရေးသားတာမို့ ဘယ်သူ့ကိုမှ ကိုယ်စားပြုခြင်းမရှိတဲ့ လွတ်လပ်ခွင့်ကိုပဲ သက်သေပြစရာရှိပါတယ်။ ဒေါ်နယ်ထရန့်တောင် သူ့ဖာသာမဲရှုံးတာကို လက်မခံနီုင်ဘဲ မဲလိမ် မဲခိုးလို့ပါလို့ လွတ်လပ်စွာ သူ့အမြင်ပြောမိလို့ လွှတ်တော်ကြီးကို အစွန်းရောက်တွေ ဝင်စီးတာ သူ့အပြစ်မဟုတ်ပါလို့ ထရန့်က ငြင်းနေတဲ့ ကမ္ဘာဘက်ခြမ်းမှာ နေတဲ့ သာဂိကို နားလည်ကြမယ် ထင်ပါတယ်။ ဟဲဟဲ။

အစ္စရေး ပါလစ္စတိုင်း စစ်ရေးပဋိပက္ခမှာ လက်နက်မဲ့ အရပ်သား ပါလစ္စတိုင်းပြည်သူတွေ ကလေးတွေ မိန်းမတွေ ကိုယ်ဝန်ဆောင်တွေ ၂ သောင်းကျော်နေပါပြီ။ ရက်ပိုင်း လပိုင်းအတွင်း အစ္စရေး၏ စစ်လက်နက်များ သင့်ပြီး သေဆုံးကုန်ကြတာ ဖြစ်ပါတယ်။ စားရေ ရိက္ခာ ပြတ်လတ်နေပါတယ်။ နေစရာအိမ်တွေကနေ ထွက်ပြေးစွန့်ခွာနေရပါတယ်။ ဆေးရုံ ဆေးခန်းတွေ လောင်မီးကျ ဖျက်ဆီးခံထားရလို့ လူနာများစွာ သေဆုံး ပျက်စီးနေပါတယ်။ ဒါကြောင့် လူသားစာနာသူများက ပါလစ္စတိုင်းပြည်သူတွေအတွက် ထောက်ခံဆန္ဒပြပွဲများ ပြုလုပ်ပြီး အပစ်အခတ် ရပ်စဲရေးကို တောင်းဆိုနေကြတာ ဖြစ်ပါတယ်။ အစ္စရေးစစ်ဆင်ရေးကို ကန့်ကွက် ရှုတ်ချနေကြပါတယ်။ အစ္စရေးအစိုးရကို ဆန့်ကျင်ဆန္ဒပြကြပါတယ်။ အစ္စရေးအစိုးရဘက်က ရပ်တည်နေတဲ့ အမေရိကန်အစိုးရနဲ့တကွ နိုင်ငံတကာက အစိုးရတွေကို ကန့်ကွက် ရှုတ်ချ ဆန့်ကျင် ဆန္ဒပြကြပါတယ်။ ဒါက ပါလစ္စတိုင်းတွေကို ထောက်ခံခြင်းနဲ့ ပတ်သက်ပြီး အခြေခံအချက်အလက်တွေကို ချရေးပြတာပါ။

အဲသည်နေရာမှာ ပါလစ္စတိုင်းကို ထောက်ခံတာ မထောက်ခံတာနဲ့ မသက်ဆိုင်ဘဲ မိမိပတ်ဝန်းကျင် က ဂျုးလူမျိုးတွေ အစ္စရေးနိုင်ငံသားတွေကို သူတို့၏ အသက်ကို ရန်ရှာခြင်း၊ သူတို့လူမျိုးများကို နှိမ်ချခြင်း၊ ပြစ်တင် ရှုတ်ချ ကန့်သတ်ခြင်းတွေ၊ ဆဲဆို ခြင်းတွေ လုပ်လာကြတာကိုပါ တပါတည်း မြင်တွေ့ကြလာရပါတယ်။ သည်တော့ ဂျူးလူမျိုးများကို ဆန့်ကျင်ရေးသည် ပါလစ္စတိုင်းများကို ထောက်ထားညှာတာ ထောက်ခံတာနဲ့ အတူတွဲပါနေတယ်လို့ သတင်းတွေမှာ မြင်တွေ့နေရတာ ဖြစ်ပါတယ်။

ဂျုးတွေကို ဒုတိယကမ္ဘာစစ်မှာ နာဇီတွေက လူမျိုးတုန်း သတ်ဖြတ်ချေမှုန်းခဲ့ပါတယ်။ အဲသည်အတွက် အနောက်နိုင်ငံများနဲ့ ကုလသမဂ္ဂမှာ ဂျုးလူမျိုးများ အရေးကို အထူးအာရုံစိုက်ပြီး အကာအကွယ်ပေးဖို့ သိသာထင်ရှားဖို့ ဆောင်ရွက်ခဲ့ကြပါတယ်။ အဲသည်အတွက် ဂျူးလူမျိုးများ ဖြစ်တည်မှုကို အန္တာရယ်ပြုလာခြင်းကို Antisemitism လို့ ဝေါဟာရတခုနဲ့ သတ်မှတ်ထားပါတယ်။ အဲသည်အချက်ကို အထူးဂရုစိုက် ဆောင်ရွက်ကြပါတယ်။

အမေရိကန်က နိုင်ငံခြားရေးဝန်ကြီးဌာနက သည်လို သတ်မှတ်ချက် ဖွင့်ဆိုထားပါတယ်။ “Antisemitism ဆိုသည်မှာ ဂျူးများအပေါ် မုန်းတီးခြင်းထုတ်ဖော်မှုအဖြစ် ဂျူးများ၏ ရှုမြင်သုံးသပ်ချက် ဖြစ်သည်။ ဂျူးလူမျိုး သို့မဟုတ် ဂျူးမဟုတ်သူများ အပါအဝင် ၎င်းတို့၏ပိုင်ဆိုင်မှုများ၊ ဂျူးအသိုင်းအဝိုင်းအဖွဲ့အစည်းများနှင့် ဘာသာရေးဆိုင်ရာအဆောက်အအုံများအပေါ် ဂျူးလူမျိုး…

၁၀၂၇ စစ်ဆင်ရေးပြီးနောက် ၆ လအကြာ အနေအထား
https://ift.tt/043vDjF
<a href="https://blogger.googleusercontent.com/img/a/AVvXsEjxpKxo0tBQ0qjKWMGQB_B_6uBMQXGWqdQETE6XTaSCF874GZTzZDXxhM_apM9ug7qxLxwc-15c5FMa52VJQM1bJr80TsEyAgaRjgtfyBrshNuo-MUxKk_LsFkgX0wLJzkC9iokjkV1QHfXSIhfe9-VwInD17Onmor_YIRI4y_83NZcv3DF1y1nIpAmKTE">Media</a>မြန်မာနွေဦး ခရိုနီကယ် - ဧပြီ ၂၄ မြင်ကွင်း(မိုးမခ) ဧပြီ ၂၅ ၊ ၂၀၂၄
၁၀၂၇ စစ်ဆင်ရေးပြီးနောက် ၆ လအကြာ အနေအထား ၂၀၂၃ ခုနှစ် အောက်တိုဘာလ ၂၇ ရက်နေ့ နံနက်စောစောတွင် ရှမ်းပြည်နယ် မြောက်ပိုင်းတွင် စစ်ကောင်စီတပ်တွေရဲ့ စစ်စခန်းတွေနှင့် လမ်းမကြီးတွေပေါ်က စစ်ဆေးရေးဂိတ်တွေကို မြောက်ပိုင်းညီနောင် မဟာမိတ် ၃ ဖွဲ့ဟု အမည်ပေးထားသည့် လက်နက်ကိုင် ၃ ဖွဲ့က တိုက်ခိုက်မှုကို စတင်ခဲ့သည်အချိန်ကို ပြန်လှည့်ကြည့်လျင် ၆ လပြည့်ရန် ရက်အနည်းငယ်သာ လိုပါတော့သည်။ အဆိုပါ ၆ လအတွင်း မြန်မာနိုင်ငံအတွင်း စစ်ရေး နိုင်ငံရေး၊ စီးပွားရေး၊ အာဏာချိန်ခွင်လျှာ ဘာတွေ ပြောင်းလဲသွားခဲ့ပါသလဲ။ လူထုရဲ့ စားဝတ်နေရေး၊ အသက်ဘေးလွတ်မြောက်ရေး စတဲ့အခြေအနေတွေရော ဘာတွေ ပြောင်းလဲလာခဲ့ပါသလဲ။ နိုင်ငံတကာကရော မြန်မာ့အရေးကိစ္စကို ဘယ်လောက် အရေးစိုက်လာကြပါသလဲ။ ၁၀၂၇ စစ်ဆင်ရေး စတင်ခဲ့သည့် အောက်တိုဘာ ၂၇ ရက်နေ့ နောက်ပိုင်း စစ်ရေးချိန်ခွင်လျှာ သိသိသာသာ အပြောင်းအလဲဖြစ်လာခဲ့သည့် အချက်ကိုတော့ အငြင်းပွားစရာမရှိအောင် အများက လက်ခံထားပြီး ဖြစ်ပါသည်။ ရှမ်းပြည်နယ်မြောက်ပိုင်း တရုတ်နိုင်ငံနှင့် နယ်နိမိတ် ထိစပ်နေသည့် ကိုးကန့်ဒေသ၊ တအန်းပလောင်ဒေသ၊ ရှမ်းလူမျိုးတွေ ပလောင်လူမျိုးတွေ နှင့် ကချင်လူမျိုးတွေ အတူနေထိုင်ကြသည့် ကွတ်ခိုင်၊ နမ့်ခမ်းလို ဒေသတွေမှာ စစ်ကောင်စီ တပ်စခန်းတွေ၊ စစ်ကောင်စီရဲ့ စကခ၊ ဒကစ အစရှိသည့် အတိုကောက်နာမည်များဖြင့် ခေါ်ဆိုကြသည့် ဒေသကွပ်ကဲရေး စစ်ဌာနချုပ်၊ စစ်ဆင်ရေး ကွပ်ကဲမှုဌာနချုပ် စသည့် စခန်းတွေ၊ ဗိုလ်မှူးချုပ် ရာထူးအဆင့်ရှိသည့် စစ်ဗိုလ်ချုပ်တွေ တိုက်ပွဲမှာ သေဆုံး၊ လက်နက်ချ၊ ဖမ်းဆီးခံရတာတွေ အဆိုပါ ဒေသများတွင် အောက်တိုဘာ ၂၇ ရက်နေ့နောက်ပိုင်း ဖြစ်ပွားခဲ့သည်။ စစ်ကောင်စီတပ်တွေက အထင်အမြင်သေးခံခဲ့ရသော၊ ပြောက်ကျား စစ်ဆင်ရေးမျိုးသာ ဆင်နွှဲနိုင်သည်ဟု မှတ်ယူခြင်းခံထားရသော တိုင်းရင်းသားလက်နက်ကိုင် တပ်ဖွဲ့တွေက နေရာယူစစ်ဆင်ရေး၊ မြို့တွေ ဗျူဟာစခန်းတွေကို သိမ်းယူသည့် စစ်ဆင်ရေးတွေကို နေရာအတော်များများမှာ တပြိုင်နက်ထည်း စတင်ခဲ့ပြီး မြေပြင်က စစ်ကူလာရောက်နိုင်မည့် လမ်းကြောင်းတွေမှာ တံတားတွေ ဖောက်ခွဲ ဖျက်ဆီးခြင်း၊ ကြားဖြတ်တိုက်ခိုက်ခြင်းတို့ဖြင့် စစ်ကောင်စီ အခြေစိုက်စခန်းတွေ၊ မြို့တွေကို လအနည်းငယ်အတွင်း ဆက်တိုက်ဆိုသလို သိမ်းယူနိုင်ခဲ့ကြသည်။ ရှမ်းပြည်နယ် မြောက်ပိုင်း ၁၀၂၇ စစ်ဆင်ရေးအစပိုင်း ၂/၃ လအတွင်းမှာပင် စခန်းပေါင်း ရာကျော်နှင့် မြို့၁ ဒါဇင်နီးပါး သိမ်းယူနိုင်ခဲ့သလို တရုတ်-မြန်မာ နယ်စပ်ကုန်သွယ်ရေး တွင် အချက်အချာကျသည့် ချင်းရွှေဟော်လို မြို့နှင့် စခန်းကို သိမ်းယူခဲ့သလို မူဆယ်-ကျယ်ဂေါင် မြို့ နယ်စပ်ကုန်သွယ်ရေး စခန်း ဆက်လက်လုပ်ဆောင်လို့မရတော့အောင် ၁၀၅ မိုင် ကုန်သွယ်ရေး ဇုန်တို့ကို သိမ်းယူခဲ့သည်။ မူဆယ်မြို့ ကို သိမ်းယူနိုင်ခြင်း မရှိခဲ့သော်လည်း တရုတ်-မြန်မာနယ်စပ်ကုန်သွယ်ရေး လမ်းကြောင်းပေါ်မှ မြို့တွေ၊ စခန်းတွေကို တိုင်းရင်းသား လက်နက်ကိုင်အဖွဲ့တွေမှ သိမ်းယူနိုင်ခဲ့ပြီးဖြစ်ကာ နယ်စပ်ကုန်သွယ်ရေး လုပ်လို့ မရတော့သည့် အနေအထားကျရောက်ခဲ့သည်။ ကိုးကန့်တပ်ဖွဲ့အနေဖြင့် ၄င်းတို့ရဲ့ နယ်မြေများ အားလုံးကို သိမ်းယူနိုင်ခဲ့သည့် အပြင် ထိစပ်နေသည့် သိန္နီမြို့လိုမျိုးကိုပင် သိမ်းယူထားနိုင်သည့် အနေအထားဖြစ်သည်။  နယ်စပ်ကုန်သွယ်ရေး အနေဖြင့် ချင်းရွှေဟော်နယ်စပ် စခန်းကို သိမ်းယူနိုင်ခဲ့သော်လည်း ကိုးကန့်ဒေသနှင့် ကျန်ပြည်တွင်းဒေသများသို့ ဆက်သွယ်ထားသည့် လားရှိုး၊ မန္တလေး၊ သိန္နီ ပြည်ထောင်စုလမ်းလိုမျိုးက စစ်ရေးအရ လက်နက်ကိုင် အဖွဲ့အစည်းတွေက ဖြတ်တောက်ထားသည့် လမ်းပိုင်းဖြစ်နေသဖြင့် မျှော်လင့်သလို နယ်စပ်ကုန်သွယ်ရေး ဖြစ်ထွန်းလာခြင်း မရှိသေးပဲ အခွန်အကောက် ကောက်ခံရဖို့ အခြေအနေမရှိသေးပေ။ ၁၀၂၇ စစ်ဆင်ရေးတွင် တအန်းလွတ်မြောက်ရေး TNLA အနေဖြင့် မျှော်လင့်ထားသည်ထက် နယ်မြေ ပိုသိမ်းယူနိုင်ခဲ့သည်ဟု ဆိုနိုင်သည်။ နမ့်ခမ်းလို နယ်စပ်မြို့၊ နမ့်ဆန်လို ရုံးစိုက်ရာမြို့၊ ကွတ်ခိုင်လို တရုတ်-မြန်မာ ကုန်သွယ်ရေး လမ်းကြောင်းပေါ်က မြို့တွေကို သိမ်းယူထားနိုင်ပြီး အုပ်ချုပ်ရေး စတင်လည်ပတ်နိုင်သည့် အနေအထားဖြစ်သည်။ နမ္မတူ၊ မန်တုံ၊ နမ့်ခမ်း၊ ကွတ်ခိုင် နမ့်ဆန် အစရှိသည့် မြို့တွေက TNLA လက်အောက်မှာ ဖြစ်သည်။ ယင်းဒေသများတွင် နေထိုင်ကြသည့် အခြားသော တိုင်းရင်းသား လူမျိုးစုများ ဖြစ်သည့် ရှမ်း၊ ကချင် တို့အနေနှင့် ၄င်းတို့ဒေသကို ၄င်းတို့လူမျိုးစု လက်နက်ကိုင်များ အုပ်ချုပ်သည်ကို လိုချင်ကောင်း လိုချင်ကြမည် ဖြစ်သော်လည်း ၁၀၂၇ စစ်ဆင်ရေးအတွင်း မြန်မြန်ဆန်ဆန် တိုက်ခိုက်ကာ မြန်မြန်ဆန်ဆန် သိမ်းယူခဲ့ကြသဖြင့် အခြားသော တိုင်းရင်းသား လက်နက်ကိုင်…

ဆလိုင်းနံရံ - ရှေ့သို့တိုးခြင်း
https://ift.tt/SDRtp7G
<a href="https://blogger.googleusercontent.com/img/b/R29vZ2xl/AVvXsEhtrbxBDfRNwGjaolZTkmAbI-cD8SilnE1zPNV-N2zUPO6vII6TUGwMZCmr_R3CIV6Adr9frDXDZbJM14mopSKuT-UYHnGXoe_u0wmqV_yxhgDlbHxXqCa_q8CTHHd7zl-dvUOl1mM9C6ryzDJrsOTwFauERglxsLRQlgJkip-AjMGSw9yYbbhHmV7rIMcR/s2048/Ag%20Htet%2024.4.24.jpg">Media</a><b>ရှေ့သို့တိုးခြင်း</b><b>ဆလိုင်းနံရံ</b><b>(မိုးမခ) ဧပြီ ၂၄၊ ၂၀၂၄</b>

အသက်ကို တနာရီချင်း၊ တရက်ချင်းအတွက်ပဲတွေးရင်း ရှင်သန်နေကြတဲ့လူတွေလို့ သူတို့မျက်နှာတွေကြည့်ရင် အဲ့ဒီလိုခံစားရတယ်။ မျှော်လင့်ခြင်းများများစားစားမရှိတဲ့၊ မထားကြတော့တဲ့ လူတွေပါ။ ဒီနေ့ဟာဘာမှမဖြစ်ပဲ ပုံမှန်နေ့ရက်ကလေးလိုပြီးလိုက်ရင်တောင် မနက်ဖြန်လည်း ဒီအတိုင်းဖြစ်မယ်လို့ ကြိုတွေးထားလို့မရဘူး။ တရက်တရက်အတွင်း ပြောင်းလဲမှုကြီးတွေပဲ ဆက် တိုက်ကြုံလာခဲ့တဲ့ပတ်ဝန်းကျင်လို့ပဲ ပြောရမယ်။ 
လွန်ခဲ့တဲ့ ၆ လ ကျွန်တော်ရောက်လာတုန်းကလူနေအိမ်တွေနဲ့ အခုမြင်ရတဲ့လူနေအိမ်တွေဟာ သိပ်ကွာခြားသွားတာမရှိတဲ့နေရာတွေလည်း ရှိသလို တချို့နေရာတွေကျ ပြာပုံဖြစ်နေတာတွေအများကြီးပဲ။ နောက်တခုက ဒီဒေသက လူတွေရဲ့သွားလာလှုပ်ရှားပုံတွေ မျက်လုံးတွေကလည်း တခြားဆီဖြစ်သွားပြီ။ ကြည့်သူရဲ့မျက်လုံးကပဲ မလုံခြုံစိတ်ပိုများသလား၊ မြင်ရတဲ့အရာတွေကပဲ မလုံခြုံကြတာလား။ သေချာတာကတော့ မလုံခြုံတဲ့ခံစားချက်နဲ့ အကြောက်တရားတွေ၊ သံသယမျက်လုံးတွေ လူတိုင်းဆီမှာရှိနေတာပါပဲ။
“ဘယ်လဲကြီးတော်” ဆိုပြီး ကျွန်တော်မနက်စာ စားနေတဲ့ဆိုင်ရဲ့ဆိုင်ရှင်က ရေးကြီးသုတ်ပြာသွားနေတဲ့အန်တီကြီးကို လှမ်းမေးလိုက်တယ်။ အန်တီကြီးကလည်း ဟိုလူတွေ ဆင်းလာကြတယ်တဲ့။ ရှောင်မှရမယ်။ ညည်းတို့လည်း ရှောင်ဖို့လုပ်ထားကြပါတဲ့။ စစ်ကိုင်းတိုင်းအတွင်း ခရီးတထောက်နားနေတဲ့နေရာက အခိုက်အတန့်တနေရာအကြောင်းပါ။
မနေ့က ကားစပါယ်ရာသမားကတော့ ပြောထားပြီးသား။ အခြေအနေမကောင်းလောက်ဘူးထင်တယ်ဆိုပြီး မျက်နှာပျက်ပျက်နဲ့ပြောနေတာ။ ဒီနေရာမရောက်ခင်လေးမှာ စစ်ကိုင်းတိုင်း၊ မြင်းမူတနေရာမှာ ကျနော်ညအိပ်တယ်။ မနက်အိပ်ရာနိုးလာပြီး နည်းနည်းဆက်သွားတော့ ပုလဲမြို့မှာ မနက်စာစားတယ်။ ဖုန်းတချက်စစ်လိုက်တော့ အင်တာနက်လိုင်းမရတော့ဘူးဆိုတာ သိလိုက်တယ်။ တောင်ပေါ်ခရီးအတွက် ခရီးက သုံးပုံနှစ်ပုံလောက် လာခဲ့ကြပြီ။ မင်းတိုင်ပင်အရောက်မှာ ကားတွေလမ်းဘေးရပ်လိုက်ပြီး ခရီးဆက်သွားဖို့မသင့်တော်သေးတဲ့အကြောင်း ကားဆရာပြောလို့ နားကြတယ်။ စစ်ကြောင်းရှိလို့ဆိုပြီး ပြောတယ်။ ဂန့်ဂေါဖက်က စစ်သားတွေဆင်းလာကြတဲ့သတင်းကြောင့်ပေါ့လေ။
ကျွန်တော်တို့နဲ့အတူ ခရီးသည်ထဲမှာတော့ နေမကောင်းသူတွေ၊ မိန်းမကြီးတွေနဲ့ လူငယ် ၃-၄ ယောက် စုစုပေါင်း ၂၀ လောက်ပါတယ်။ ကျွန်တော်တို့ ကားရပ်နားထားရာ နေရာနားမှာ ကုန်တင်ကားကြီးတွေလည်း ရပ်ထားတာ တွေ့ရတယ်။ သူတို့ကတော့ အေးဆေးပဲ။ သူတို့က ခေတ်ကြီးဘယ် လိုဖြစ်ဖြစ် မရရအောင် သွားနေကြသူတွေဖြစ်တယ်။ ကိုဗစ်ဖြစ်ကတည်း က ခရီးသွားလာရ တော်တော်ခက်သွားပေမယ့် ကုန်တင်ကားမောင်းသူတွေကတော့ အဲ့ဒီကတည်းကလည်း အမြဲမပြတ်သွားလာနေကြသူတွေပါ။ အာဏာသိမ်းမှုဖြစ်ပြီးကတည်းကလည်း မရရအောင် သွားနေကြတာပါပဲ။ စားကုန်သောက်ကုန်တွေမပြတ်ခဲ့တာတွေအတွက်တော့ ကျေးဇူးတင်ရတဲ့လူတွေပေါ့။ သူတို့ကို ခုလိုပိတ်မိနေကြတဲ့ခရီးလမ်းမှာ ကျနော်ဆုံခဲ့ရတယ်။
မင်းတိုင်ပင်မှာ တရက်အိပ်ပြီး နောက်မနက်တော့ သတင်းဆိုးတခုထပ်ကြားရတယ်။ ဂန့်ဂေါက ဆင်းလာတဲ့စစ်ကြောင်းအပြင် ပုလဲဖက်ကပါ ခြေလျှင်နဲ့စစ်ကြောင်းထွက်လာပြန်တဲ့ သတင်း။ ပတ်ဝန်းကျင်ကလူတွေရဲ့လှုပ်ရှားမှုတွေ၊ သူတို့ရဲ့မျက်နှာတွေ မျက်လုံးတွေ၊ အကုန်ပြောင်းလဲသွားတာကိုတွေ့လိုက်တော့ ကျွန်တော့်ကိုပါ အဲ့ဒီခံစားချက် ကူးသွားတော့တယ်။ ခံစားချက်က ငယ်ငယ်ကကြည့်တဲ့သိုင်းကားတွေထဲမှာ လူတွေနေတဲ့နေရာကို မကောင်းဆိုးဝါးတိမ်မည်းကြီးတွေနဲ့ ချဉ်း ကပ်လာချိန် ရွာထဲမှာ ဖြစ်ပျက်နေကြတဲ့ပုံစံမျိုးနဲ့ ခပ်ဆင်ဆင်ပဲ။ ဟုတ်တယ်၊ လူတွေဟာအထုပ်ကိုယ်စီသယ်သူသယ်နဲ့ ပွေ့သူပွေ့နဲ့ တနေရာရာကို ရှောင်ဖို့ပြင်ဆင်နေကြတယ်။ လူမဆန်တဲ့၊ ရောက်တဲ့နေရာတိုင်း တွေ့ကရာလူတွေကို ဖမ်း၊ သတ်တဲ့အပြင် အိုးအိမ်တွေမီးရှို့ဖျက်ဆီး၊ စား စရာတွေဖျက် ဆီး၊ မွေးထားတဲ့တိရစ္ဆာန်တွေကို သတ်စား၊ အဖိုးတန်ပစ္စည်းတွေ ယူလေ့ရှိတဲ့လူတွေမှန်း သူတို့က သတင်းတွေမဖတ်ရ၊ ဓာတ်ပုံတွေမတွေ့ရပါပဲ သိနေကြပြီလေ။ သိဆို အဲ့ဒီအကြောင်းသတင်းကနေ ဖတ်ရ သိရတာတွေကကို သူတို့က လက်တွေ့ကြုံနေရတဲ့လူတွေကိုး။
ကမ္ဘာကြီးမှာ ဘာဖြစ်နေတာလဲ၊ ကုလသမဂ္ဂက ဘာရှုတ်ချ၊ ဘာဝမ်းနည်းကြောင်းတွေ ပြောနေသလဲ၊ နိုင်ငံတကာမှာ ဘယ်လိုတင်းမာမှုတွေဖြစ်နေတယ်၊ မြန်မာပြည်ရဲ့မြောက်ပိုင်း၊ အနောက်ပိုင်းတွေမှာ ဘယ်လိုဖြစ်နေတာလဲဆိုတာတွေ၊ မြန်မာပြည်မှာအမြဲတွေ့ရတဲ့ အညှီနံ့ထောင်းထနေတဲ့အနုပညာလောက ခပ်ပေါပေါပဲပဲသတင်းတွေ၊ အပြန်အလှန်ဆဲဆိုပွဲဖြစ်နေကြတဲ့ ဆိုရှယ်မီဒီယာကလူတွေအကြောင်း သူတို့ခေါင်းထဲမှာမရှိဘူး။ မရှိဆို အင်တာနက် အဖြတ်ခံရတာ၊ ကမ္ဘာကြီးနဲ့အဆက်ဖြတ်ခံရတာကြာပြီ။သူတို့အတွက်လည်း သိပ်အရေကြီးဟန်မပေါက်ပါဘူး။ ဒီ့နောက်ပိုင်း အဖြစ်အပျက်တွေအမ…

စိုးရိမ် - တရား
https://ift.tt/2F5BIW1
MediaArt by Than Htay Maungတရားစိုးရိမ်(မိုးမခ) ဧပြီ ၂၆၊ ၂၀၂၄
အဝေးပြေးလမ်းမကြီးတစ်ခုရဲ့ရင်ထဲမှာလဲသိုဝှက်ထားတဲ့စကားလုံးတွေရှိမှာပေါ့ဘီးချော်ပြီးပွတ်တိုက်သွားတဲ့အသံလေထဲကိုခုန်တက်ပြီးသုံးလေးပတ်လွင့်သွားတဲ့ကားနာကျင်ငြီးတွားသံ သီချင်းသံပြိုင်သီဆိုသွားတဲ့အသံသူ့ရင်ဘတ်ကိုစွန်းပေစေတဲ့သွေးများပြုတ်ကျလာတဲ့လက်တစ်ဘက် မျက်လုံး ဦးနှောက်ဘီယာဘူးခွံများ အမှိုက်များမရဲတရဲအနမ်းများလမ်ဘေးတစ်နေရာကရမ္မက်သံညံနေတဲ့ကားတစ်စီးနဲ့တစ်စီးထိပ်တိုက်တွေ့ဆုံမှုများသူ့အမြင်ကလူဆိုတာ အသက်ဓာတ်မရှိတော့တဲ့အခါသံပတ်ကုန်သွားတဲ့ကစားစရာအဖြစ်မျှသာ...။-Join Us @ MoeMaKa Telegramt.me@moemaka#MoeMaKaMedia#WhatsHappeningInMyanmar

ရှမ်းမြောက်မှာရှိတဲ့ လက်နက်ကိုင်အဖွဲ့တွေအကြား ပွတ်တိုက်မှုတွေကို ဘယ်လိုဖြေရှင်းကြမလဲ
https://ift.tt/0nMDuV3
<a href="https://blogger.googleusercontent.com/img/a/AVvXsEjB_6q0xgVejvpK_h_7tbSN5OCaS01cC3INdQtkv7s2-hH-jaTCUnRSGzgD2Nr8qRO1huCSGLySZKA7VoIbi0Vsr_hP-VlRgxUHpVVsLlRDXN25HFTlRpER8U9IfezDtbBboxv5MBeX35j7YfUclUEH9OzJuZ4rD9ITjdJ-No7sON8qyn3rEDLikbVpEK4">Media</a>မြန်မာနွေဦး ခရိုနီကယ် - ဧပြီ ၂၅ မြင်ကွင်း(မိုးမခ) ဧပြီ ၂၆၊ ၂၀၂၄
ရှမ်းမြောက်မှာရှိတဲ့ လက်နက်ကိုင်အဖွဲ့တွေအကြား ပွတ်တိုက်မှုတွေကို ဘယ်လိုဖြေရှင်းကြမလဲ၁၀၂၇ စစ်ဆင်ရေးကာလတွေမှာ စစ်ကောင်စီ တပ်တွေထဲက တိုက်ယူ သိမ်းပိုက်ရရှိထားတဲ့နယ်မြေတွေ၊  ရှမ်းပြည်နယ် မြောက်ပိုင်းက တိုင်းရင်းသား လက်နက်ကိုင် ၃ ဖွဲ့အနက် TNLA  ပလောင် လက်နက်ကိုင် အဖွဲ့ရဲ့ ထိန်းချုပ်နယ်မြေ၊ MNDAA ကိုးကန့်အဖွဲ့ရဲ့ ထိန်းချုပ်နယ်မြေတွေထဲမှာ KIA ရဲ့  ရုံးနဲ့ ဆက်ဆံရေးရုံးလို နေရာမျိုးတွေကို ဖယ်ရှားပေးဖို့ MNDAA နဲ့ TNLA တို့က အသီးသီး အကြောင်းကြားတာ၊ စာကပ်တာတွေ ခုသီတင်းပတ်တွေမှာ စတင်ဖြစ်ပွားလာနေတာ တွေ့ရပါတယ်။ ပထမဆုံး အဖြစ်အပျက်က ကွတ်ခိုင်မြို့မှာ ရှိတဲ့ KIA ဆက်ဆံရေး ရုံးကို TNLA က ဧပြီလ ၁၅ ရက်နေ့ နောက်ဆုံးထားပြီး ဖယ်ရှားပေးဖို့ နှိုးဆော်စာပေးခဲ့တဲ့ အဖြစ်အပျက်ဖြစ်ပါတယ်။ ကချင်တိုင်းရင်းသားတွေ အများအပြား နေထိုင်ကြတဲ့ ကွတ်ခိုင်မြို့မှာ KIA ဆက်ဆံရေးရုံးဟာ အစဥ်အဆက်ကတည်းက တည်ရှိခဲ့တဲ့နေရာဖြစ်ပြီး အချို့သော ကာလတွေမှာ KIA နဲ့ အစိုးရ စစ်တပ်တို့ မပြေလည်တဲ့ ကာလတွေ ဆက်ဆံရေး မကောင်းတဲ့ ကာလတွေမှာ ဒီဆက်ဆံရေး ရုံးမှာ KIA တပ်ဖွဲ့ရဲ့ ကိုယ်စားလှယ်တွေ နေထိုင်နိုင်ခြင်း မရှိခဲ့ပဲ၊ မကြာခင်လပိုင်းတွေက စစ်ကောင်စီကို ဆန့်ကျင်တိုက်ခိုက်နေတဲ့ တိုင်းရင်းသား လက်နက်ကိုင်အဖွဲ့တဖွဲ့ ဖြစ်တဲ့ TNLA က ကွတ်ခိုင်မြို့ကို တိုက်ခိုက်သိမ်းပိုက်နိုင်ခဲ့ပြီးနောက်မှာ KIA ရဲ့ ဆက်ဆံရေး ရုံးက ပြန်လည် အသက်ဝင်လာတဲ့ သဘောလို့ သတင်းရေးသားမှုတွေ သမိုင်းအထောက်အထားတွေ အရ နားလည်ရပါတယ်။ KIA လက်နက်ကိုင် အဖွဲ့အနေနဲ့ ကွတ်ခိုင်မြို့နဲ့ အနီးတဝိုက်ဒေသတွေမှာ ကချင်လူမျိုးတွေ အစဥ်အဆက်ကတည်းက အခြေစိုက်နေထိုင်နေခဲ့ကြတာ ဖြစ်သလို ဗြိတိသျှ ကိုလိုနီခေတ် အင်္ဂလိပ်တို့ အုပ်ချုပ်စဥ်မှာ ကချင် ဆပ်စတိတ်ဒေသအဖြစ် သတ်မှတ်ခဲ့ပြီး ရှမ်းနယ်မြေထဲက ကချင်လူမျိုးတွေ အခြေချ နေထိုင်ခဲ့ကြတဲ့ ဒေသအဖြစ် အုပ်ချုပ်ရာမှာ သတ်မှတ်ခေါ်ဝေါ်ခဲ့ကြတာ ဖြစ်ပါတယ်။ ၁၀၂၇ စစ်ဆင်ရေးအတွင်း TNLA လက်နက်ကိုင်အဖွဲ့က ကွတ်ခိုင်မြို့ကို တိုက်ခိုက်သိမ်းယူခဲ့ပြီး အဲဒီနောက်မှာ TNLA က အုပ်ချုပ်ရေး ဖော်ဆောင်အုပ်ချုပ်နေတာဖြစ်ပြီး ကွတ်ခိုင်မြို့နဲ့ သိပ်မဝေးတဲ့ လားရှိုး-မူဆယ်လမ်းမကြီးနဘေးက နမ့်ခမ်း ဘက်သွားရာ လမ်းခွဲပေါ်က နမ့်ဖတ်ကာ ကျေးရွာကိုတော့ KIA တပ်တွေက ၁၀၂၇ နှောင်းပိုင်းကာလမှာ တိုက်ခိုက်သိမ်းယူခဲ့တာပါ။ တဖန် မူဆယ်ခရိုင်ထဲမှာ ရှိပြီး တရုတ်နိုင်ငံနဲ့ နယ်နိမိတ် မျဥ်းပေါ်မှာ တည်ရှိတဲ့ မုန်းကိုးမြို့ဟာ ၁၀၂၇ စစ်ဆင်ရေး အစပိုင်းကာလမှာတင် စစ်ကောင်စီတပ်တွေထိန်းချုပ်ထားတဲ့လက်ထဲက MNDAA လက်နက်ကိုင် အဖွဲ့က တိုက်ခိုက်သိမ်းယူခဲ့ပြီး အုပ်ချုပ်နေတဲ့ မြို့ဖြစ်ပါတယ်။ မုန်းကိုးမြို့ ရဲ့ အတိတ်သမိုင်းတွေမှာ ဆယ်စုနှစ် ၂ ခုကြာ ဗမာပြည်ကွန်မြူနစ်ပါတီရဲ့ ထိန်းချုပ်မှုအောက်မှာ ရှိခဲ့ပြီး ၁၉၈၉ ခုနှစ် ဧပြီလ ကွန်မြူနစ်ပါတီ ပြိုကွဲချိန်မှာ ကိုးကန့်အဖွဲ့ခေါင်းဆောင် ဖုန်ကြားရှင်က ထိန်းချုပ်ခဲ့တဲ့ မြို့ဖြစ်ပါတယ်။ အဲဒီနောက်ပိုင်း ကိုးကန့်အထူးဒေသ ၁ ရဲ့ အုပ်ချုပ်သူအဖြစ်ကနေ မြန်မာ စစ်အစိုးရတပ်ရဲ့  ဖယ်ရှားခြင်းကို ခံခဲ့ရပြီးနောက် မကြာသေးခင်ကာလအထိ စစ်ကောင်စီတပ်တွေက ထိန်းချုပ်ထားခဲ့တဲ့ မြို့နယ်ခွဲ မြို့တမြို့ဖြစ်ပါတယ်။ ရှမ်းပြည်နယ် မြောက်ပိုင်းဒေသမှာ တိုင်းရင်းသား လူမျိုးစုတွေ တခုမက ရှိနေပြီး နေရာဒေသတွေမှာ အစဥ်အဆက် အခြေချ နေထိုင်လာကြတာ ဖြစ်ပါတယ်။ ရှမ်း၊ တအန်းပလောင်၊ ကိုးကန့်၊ ကချင် စတဲ့ တိုင်းရင်းသား လူမျိုးစုတွေဖြစ်ကြပြီး သမိုင်းကြောင်းအရ အခြေချ နေထိုင်လာခဲ့တဲ့ဒေသတွေ၊ လူမျိုးစုအလိုက် ဖွဲ့စည်း ပေါ်ထွက်လာကြတဲ့ လက်နက်ကိုင် အဖွဲ့တွေက လက်နက်နဲ့ တိုက်ခိုက်ပြီး သိမ်းယူထားတဲ့နယ်မြေ စသဖြင့် အနေအထားအမျိုးမျိုး ကွဲပြားကြပါတယ်။ ရှမ်းမြောက်ဒေသက နမ့်ခမ်းမြို့ ဆိုရင်လည်း ကချင်၊ ရှမ်း နဲ့ တအန်းပလောင်တွေ နေထိုင်ကြတာတွေ့ရမှာ ဖြစ်ပါတယ်။ နမ့်ခမ်းမြို့နဲ့ ထိစပ်နေတဲ့ မံစီမြို့နယ်ထဲမှာတော့ ကချင်လူမျိုးတွေ အများစုဖြစ်ပြီး မံစီက ကချင်ပြည်နယ်ထဲ ပါရှိသလို နမ့်ခမ်းက ရှမ်းပြည်နယ်ထဲ ပါရှိတာဖြစ်ပါတယ်။ ၁၀၂၇ စစ်ဆင်ရေးမှာတော့ ညီနောင် မဟာမိတ် လက်နက်ကိုင် ၃ ဖွဲ့က အင်တိုက်အားတိုက် စုစည်းတိုက်ခိုက်ခဲ့ကြတာ ဖြစ်ပါတယ်။ ဒီစစ်ဆင်ရေးကို အရှိန်သတ်လိုက်တဲ့ ယူနန်ပြည်နယ် ကူမင်းမြို့မှာ ဆွေးနွေးခဲ့ကြတဲ့ ဟိုင်ဂင်သဘောတူညီချက် ဇန်နဝါရီလထဲ ပေါ်ထွက်လာပြီးနောက်မှာ စစ်ကောင်စီနဲ့ မြောက်ပိုင်း ညီနောင် ၃ ဖွဲ့အကြား အပစ်ရပ်ဖို့ သဘောတူခဲ့ကြတာကြောင့် လက်နက်ကိုင်တပ်တွေ သိမ်းယူထားတဲ့ နေရာဒေသတွေမှာ…

လွတ်မြောက်နယ်မြေနဲ့ ထိန်းချုပ်နယ်မြေတွေ မှာ ဘယ်လို အုပ်ချုပ်ရေး ပေါ်ထွက်လာကြမလဲ
https://ift.tt/j1Fstwk
<a href="https://blogger.googleusercontent.com/img/a/AVvXsEja9sn3a2wrL5VKayo0kl9gyIFpLICe9pVP4uEJuFNXscUd8h1PRyIJDTubhMbiMHhTR5zvDYtzaHYgSDjnrGrr6cnvTk7j-4t_y21trjOPvC-sJnOe6qcwV38oaqNua-inlidJrcsha7LL7ZM5vEt2YOC2Bg8SrJjOTxCYKax33pYlzBsLgKkFWCxtxqM">Media</a>မြန်မာနွေဦး ခရိုနီကယ် - ဧပြီ ၂၆ မြင်ကွင်း(မိုးမခ) ဧပြီ ၂၇၊ ၂၀၂၄
လွတ်မြောက်နယ်မြေနဲ့ ထိန်းချုပ်နယ်မြေတွေ မှာ ဘယ်လို အုပ်ချုပ်ရေး ပေါ်ထွက်လာကြမလဲပြီးခဲ့တဲ့ ၆ လတာအတွင်းမှာပဲ စစ်ကောင်စီရဲ့ ထိန်းချုပ်ထားနိုင်တဲ့ နယ်မြေတွေ သိသိသာသာ လျော့နည်းလာနေပြီး တိုင်းရင်းသားလက်နက်ကိုင်အဖွဲ့တွေ၊ လူမျိုးအလိုက်မဟုတ်တဲ့ မြို့နယ်ဒေသအလိုက် PDF အဖွဲ့ပေါ် အခြေပြုထားတဲ့ ပြည်သူ့အုပ်ချုပ်ရေး အဖွဲ့ (ပအဖ) တွေ ပေါ်ထွက်လာနေပါတယ်။ အချို့သော တိုင်းရင်းသား ဒေသတွေမှာ ပြည်နယ်အလိုက် ကြားကာလ အစိုးရတွေ ဖွဲ့စည်းထားကြပြီး အုပ်ချုပ်ရေးတွေကို စီမံခန့်ခွဲနေကြပါတယ်။ ဥပမာအားဖြင့် Interim Executive Council of Karenni လို့ခေါ်တဲ့ ကရင်နီပြည် ကြားကာလအစိုးရ၊ ချင်းပြည်အစိုးရ အဖွဲ့တွေ ဖြစ်ပါတယ်။ တခြားသော တိုင်းရင်းသား လူမျိုးစုတွေ ဖြစ်တဲ့ တအန်းပလောင်၊ ကိုးကန့်၊ ကချင်၊ ရခိုင် တို့လို ဒေသတွေမှာတော့ လက်နက်ကိုင် တပ်ဖွဲ့က ခန့်အပ်တဲ့ အုပ်ချုပ်ရေးခေါင်းဆောင်တွေ၊ တချို့ဒေသတွေမှာ လက်နက်ကိုင် တပ်ဖွဲ့မှာ တပ်မှူးတာဝန်ယူထားတဲ့သူတွေကပဲ အုပ်ချုပ်ရေးကို စီမံခန့်ခွဲနေတာမျိုးလည်း ဖြစ်ပါတယ်။ တိုင်းရင်းသား လက်နက်ကိုင် အဖွဲ့တွေရဲ့ ဖွဲ့စည်းပုံတွေ အရ နိုင်ငံရေးအဖွဲ့အစည်းလို့ ခေါ်ဆိုနိုင်မယ့် အစည်းအရုံး၊ ပါတီ ဆိုတဲ့အမည်နာမတွေနဲ့ အဖွဲ့၊ နောက် လက်နက်ကိုင် အဖွဲ့ဆိုပြီး နာမည်နှစ်ခု တွဲလျှက်သုံးစွဲကြပြီး လက်ဝဲဆန်တဲ့ အသုံးအနှုန်းနဲ့ဆို နိုင်ငံရေးမှူးလို့ ခေါ်ဆိုသုံးနှုန်းကြတဲ့ နိုင်ငံရေး/အုပ်ချုပ်ရေး အပိုင်းတာဝန်ယူ ခေါင်းဆောင်တွေ ခန့်အပ်ထားတဲ့ အဖွဲ့တွေလည်း ရှိကြတာတွေ့ရမှာ ဖြစ်ပါတယ်။ ဒီနေရာမှာ မီးမောင်းထိုးပြလိုတဲ့ အချက်က လက်နက်ကိုင်အဖွဲ့နဲ့ အရပ်ဖက် အုပ်ချုပ်ရေးအဖွဲ့ သီးသီးခြားခြား ခွဲပြီးဖွဲ့စည်းထားတာရှိခြင်း မရှိခြင်းဆိုတဲ့ အချက်ဖြစ်ပါတယ်။ အချို့သော တိုင်းရင်းသား နယ်မြေဒေသတွေမှာတော့ အရပ်ဖက် အုပ်ချုပ်ရေး အဖွဲ့လိုမျိုး သီးခြားရှိနှင့်ပြီးဖြစ်ကာ နှစ်ရှည်လများ လွတ်မြောက်နယ်မြေ အဖြစ်နဲ့ အုပ်ချုပ်လာတဲ့ ဒေသတွေအဖို့ နိုင်ငံရေးဦးဆောင်အဖွဲ့က တာဝန်ပေးအပ်ထားတဲ့ အုပ်ချုပ်ရေးတာဝန်ရှိသူတွေက အုပ်ချုပ်ကြကာ အခွန်ဌာန၊ ပညာရေးဌာန၊ ကျန်းမာရေးဌာန နဲ့အချို့အဖွဲ့အစည်းတွေမှာ သစ်တော သယံဇာတ စီမံခန့်ခွဲရေး ဌာနတွေအထိ ရှိကြတာတွေ့ရပါတယ်။ သို့ပေမယ့် မကြာသေးခင် လပိုင်းတွေက ဖြစ်ပွားလာတဲ့ စစ်ဆင်ရေးတွေ နောက်ပိုင်းမှ လွတ်မြောက်လာတဲ့ ဒေသတွေမှာတော့ အုပ်ချုပ်ရေးပုံစံတွေက နယ်မြေဒေသ တနေရာနဲ့ တနေရာ မတူညီကြတဲ့ အနေအထားတွေ တွေ့မြင်နေရတာလည်း ဖြစ်ပါတယ်။ ဥပမာအားဖြင့် ကရင်နီပြည် က အုပ်ချုပ်ရေးနဲ့ ကိုးကန့်ဒေသက အုပ်ချုပ်ရေး၊ တအန်းပလောင်ဒေသက အုပ်ချုပ်ရေး၊ တဖန် စစ်ကိုင်းတိုင်းက တပိုင်းတစ လွတ်မြောက်နယ်မြေတွေရဲ့ အုပ်ချုပ်ရေးတို့က ပုံစံအမျိုးမျိုး ကွဲပြားကြတာတွေ့ရမှာ ဖြစ်ပါတယ်။ ဒီလို အခွန်ကောက်ခံရေး၊ သယံဇာတ ထုတ်ယူရောင်းချရေး စတဲ့ အရေးတကြီးလိုအပ်နေတဲ့ ဘဏ္ဍာငွေရှာတဲ့ အပိုင်းတွေကို ဘယ်လို စီမံခန့်ခွဲကြသလဲ၊ ဘယ်လိုဝါဒ၊ အခြေခံမူတွေ အပေါ်ရပ်တည်ပြီး အုပ်ချုပ်ကြသလဲ ဆိုတာလည်း စောင့်ကြည့်လေ့လာစရာ ကောင်းတဲ့ကိစ္စရပ်တွေ ဖြစ်ပါတယ်။ စစ်အာဏာရှင် လက်အောက်က လွတ်မြောက်လာမယ့် ဒေသတွေ၊ နယ်မြေတွေမှာ ပြီးဆုံးသွားတဲ့နောက် ဖက်ဒရယ် ပြည်ထောင်စုကို ထူထောင်ကြမယ်လို့ ယေဘုယျအားဖြင့် ဆိုနိုင်ပေမယ့်လည်း အချို့သော တိုင်းရင်းသား လက်နက်ကိုင် အဖွဲ့အစည်းတွေက ဖက်ဒရယ်ပြည်ထောင်စု ဆိုတာထက် ကွန်ဖက်ဒရိတ် ပြည်နယ်၊ ဒေသ အနေအထားမျိုး မျှော်မှန်းချက်ထားရှိကြတာလည်း တွေ့ရမှာဖြစ်ပါတယ်။ “ဝ” ပြည် က အဲလို မျှော်မှန်းချက်ထားတဲ့ အဖွဲ့တွေရဲ့ စံနမူနာ ဖြစ်ရပ်အနေနဲ့ ဥပမာပေး ပြောဆိုကြတာလည်း ဖြစ်ပါတယ်။ မကြာသေးခင်က လွတ်မြောက်ခဲ့တဲ့ ကိုးကန့်ဒေသအနေနဲ့ ဝ ပြည်ပုံစံမျိုး အုပ်ချုပ်ရေးကို ထူထောင်တာတွေ့ရမှာ ဖြစ်ပါတယ်။ ခုရက်ပိုင်းအတွင်း သတင်းတွေ ထုတ်ပြန်ခဲ့တဲ့ ၄င်းတို့ရဲ့ လက်နက်ကိုင် တပ်ဖွဲ့ဝင်တွေထဲက ပြစ်မှုကျူးလွန်သူတွေကို ပြည်သူ့တရားစီရင်ရေးပုံစံမျိုးနဲ့ လူပရိသတ် အများရှေ့မှာ စီရင်တဲ့ အခမ်းအနားက ကိုးကန့်ဒေသမှာ ဖေါ်ဆောင်မယ့် အုပ်ချုပ်ရေး၊ တရားစီရင်ရေး စနစ်ကို တစိတ်တပိုင်း ဖေါ်ပြလိုက်တဲ့ အနေအထားလို့ ဆိုရမှာ ဖြစ်ပါတယ်။ တရုတ်နိုင်ငံနဲ့ နယ်နိမိတ်ထိစပ်နေတဲ့ ဒေသမှာ တရုတ်ငွေကို သုံးစွဲကာ တရုတ်ဘာသာစကားပြောဆိုကြတဲ့ တိုင်းရင်းသားဒေသတခု အနေနဲ့ တရုတ်ပြည်က တရားစီရင်ရေးပုံစံကို အတုယူကျင့်သုံးတဲ့ သဘောလည်း ဖြစ်ပြီး အကြီးလေးဆုံး ပြစ်ဒဏ်ဖြစ်တဲ့ သေဒဏ်ပေးခြင်း၊ အယူခံခွင့် မရှိခြင်းနဲ့ သေဒဏ်ကို စီရင်ရာမှာ လူပရိသတ်တွေ တက်ရောက်စေပြီး အခမ်းအနားတခုသဖွယ်…

သင်းရည်လွင် - မနက်ခင်း ရေဒီယို ၊၂၇၊
https://ift.tt/QAlKFEd
MediaArt by Than Htay Maung

မနက်ခင်း ရေဒီယို ၊၂၇၊သင်းရည်လွင်(မိုးမခ) ဧပြီ ၂၈၊ ၂၀၂၄
မိုးသားများ ထူပြောနေရောင်များ ပန်းပန်လျက်မီးရှုး မီးပန်းများ ပျော်ပွဲစား ထွက်လျက်အိမ်သားမစုံတဲ့ တစ်နေ့သားမိသားစုဆိုပြီး ဘာမှ စုမရတဲ့နေ့တွေဆန်ဖွတ်တဲ့အဘိုးရဲ့ လယ်တဲလေးကွင်းပြင်အဝေး မှိုင်းမှုန်မုတ်သုန်မြင်းရိုင်း နှိုးသံကြားရွာမှာလေလားဆိုပြီးကြယ်မြင် လမြင်ကောင်းကင်ကို မိုးတယ်ဓနိ သက်ကယ် ခနော်ခနဲ့လယ်သူမလေးအတွေးထဲတောင်ဘဝ တစ်ဝက်တစ်ပျက် စိုခဲ့ရမျှော်လင့်သော တိမ်များနီးလျက်နဲ့ ဝေးခဲ့ရာသီမမျှော်ခဲ့သောနေ့များ အကြိမ်ကြိမ်ငေးနေရင်း....အထပ်ထပ်မှောင်လို့ ။
Apr 25-Join Us @ MoeMaKa Telegramt.me@moemaka#MoeMaKaMedia#WhatsHappeningInMyanmar

နိုင်ငံရေး၊ စစ်ရေး နယ်ပယ်က အကျိုးစီးပွားနဲ့ ရိုးသားမှု
https://ift.tt/bHNFOlr
<a href="https://blogger.googleusercontent.com/img/a/AVvXsEgxnr4h7mzgTsIfHIYYgXjzWgm9pD2IAeQvHiaWJjOfzdORJ0-_3tsC81m8_0Co_p4uIDbqbO0m61wPRQB6goPYfWm7AfkdPUFNWjyienuctJ_CudOgzBPlMeMfkMQJtzVWYmYNrCWRtxMzr0sHOB5cAxyS1OXy7fRlrX3CctJdki1MCTrkZpPXdsBRfNc">Media</a>မြန်မာနွေဦး ခရိုနီကယ် - ဧပြီ ၂၇ မြင်ကွင်း(မိုးမခ) ဧပြီ ၂၈၊ ၂၀၂၄
နိုင်ငံရေး၊ စစ်ရေး နယ်ပယ်က အကျိုးစီးပွားနဲ့ ရိုးသားမှုနိုင်ငံတကာ ဆက်ဆံရေး၊ နိုင်ငံရေး ဖြစ်စဥ်များနှင့် ပတ်သက်သည့် လူသိများသော ဆိုရိုးစကားတရပ် ရှိသည်။ အမြဲတမ်းမိတ်ဆွေ၊ အမြဲတမ်းရန်သူဟူ၍ မရှိ၊ အမြဲတမ်းအကျိုးစီးပွားသာလျှင် ရှိသည် ဆိုသည့် ဆိုရိုးစကား ဖြစ်သည်။  အဆိုပါ ဆိုရိုးစကားက နိုင်ငံတကာ ဆက်ဆံရေး၊ ကွန်မြူနစ်၊ အာဏာရှင်၊ အရှင်းရှင် အစရှိသည့် နိုင်ငံရေးအယူအဆချင်း မတူကြသည့် နိုင်ငံတွေအကြား အုပ်စုဖွဲ့ကြသည့် အခြေအနေမျိုးကို နားလည်စေဖို့ ရှင်းလင်းပြောဆိုကြရတွင် အဆိုပါ ဆိုရိုးစကားဖြင့် နောက်ကွယ်က ဖုံးကွယ်နေသည့် အကျိုးစီးပွားများကို ဖော်ထုတ်ရှင်းပြလေ့ ရှိကြသည်။ ဥပမာအားဖြင့် အရင်းရှင် ကမ္ဘာ့အင်အားကြီးနိုင်ငံ အနေဖြင့် ဆိုဗီယက်ပြည်ထောင်စုနှင့် စစ်အေးခေတ် ရင်ဆိုင်နေကြရချိန်ကာလက ဆိုဗီယက်ပြည်ထောင်စုနှင့် တရုတ်နိုင်ငံအကြား ဆက်ဆံရေးယိုယွင်းလာသည့်အခါ ဆိုဗီယက်ပြည်ထောင်စုနှင့် အားပြိုင်မှုတွင် ချိန်ခွင်လျှာ အသာစီးရအောင် ၁၉၄၉ ခုနှစ် တရုတ်ပြည်သူ့ သမ္မတနိုင်ငံထူထောင်ကတည်းက အမေရိကန်ပြည်ထောင်စုနှင့် ဆက်ဆံရေး မကောင်းခဲ့သည့် တရုတ်နိုင်ငံနှင့် ဆက်ဆံရေး ထူထောင်ခဲ့သည့် အဖြစ်အပျက်မျိုးသည် မူဝါဒ၊ အခြေခံစံနှုန်းတန်ဖိုး များထက် အကျိုးစီးပွားကိုသာ တွက်ချက်ပြီး ဖေါ်ဆောင်သည့် နိုင်ငံခြားရေး မူဝါဒ၏ ထင်ရှားသည့် သာဓက ဖြစ်သည်။ မြန်မာနိုင်ငံရှိ နိုင်ငံရေး အဖြစ်အပျက်များ၊ သမိုင်းမှတ်တမ်းများတွင်လည်း မိမိ၏ ရန်သူဟု တလျှောက်လုံး မှတ်ယူထားသည့် အဖွဲ့အစည်း၊ ပါတီနှင့် အခြေအနေတခုတွင် ဘုံရန်သူ တူညီကြပြီး၊ ရည်မှန်းထားသည့် ရလဒ်တူကြသည့်အခါ မဟာမိတ်အဖြစ် လက်တွဲလုပ်ဆောင်ခဲ့ကြသည့် သာဓကတွေ အများအပြားရှိခဲ့ပြီး ဖြစ်သည်။ လတ်တလော မြဝတီမြို့ နယ်က လက်နက်ကိုင်တိုက်ပွဲများ၊ မြို့သိမ်းယူထားသည့် အခြေအနေ၊ အဖြစ်အပျက်များသည် နားလည်ရ ခက်ခဲသည့် အခြေအနေများဖြစ်နေပြီး အဆိုပါ ဖြစ်စဥ်ထဲပါဝင် ပတ်သက်နေသည့် အဖွဲ့အစည်းများကလွဲ၍ သာမန်လူထုအဖို့ ဖြစ်စဥ်ကို ဘယ်လိုနားလည်ရမှန်း မသိသည့် အခြေအနေမျိုးကြုံတွေ့နေကြရသည်။ ထိုသို့သော မြဝတီမြို့ ထိန်းချုပ်ရေး၊ တိုက်ပွဲ၊ နောက်ကွယ်တွင် ဆွေးနွေးညှိနှိုင်းမှု အစရှိသည့် အခြေအနေမျိုးကို အထက်က ဆိုရိုးစကားဖြင့်သာ နားလည်ဖို့ ကြိုစားကြရသည့် သဘောလည်း ဖြစ်လာခဲ့သည်။ ဒီမိုကရေစီစနစ် လိုလားသည့် အဖွဲ့ နှင့် အာဏာရှင်စနစ်လိုလားသည့် အဖွဲ့  ဟူ၍ အဖြူနှင့် အမည်း၊ လူဆိုးနှင့် လူကောင်း စသည့် အလွယ်သရုပ်ခွဲ သတ်မှတ်လို့ ရသည့် အခြေအနေမျိုးမဟုတ်ဘဲ အကျိုးစီးပွားပေါ် အခြေခံကာ ဘယ်အဖွဲ့နှင့် လက်တွဲမည်၊ ဘယ်အဖွဲ့ကို ကူညီဖေးမမည် ဆိုသည့် ဆုံးဖြတ်ချက်များကို ချမှတ်ကြသည့် အနေအထားမျိုးလည်း ဖြစ်သည်။ ထိုသို့ ဆုံးဖြတ်ချက်ချမှတ်ရာတွင် အမှန်တကယ် ထည့်သွင်းစဥ်းစားရသည့် အကျိုးစီးပွား၊ ထိခိုက်နစ်နာမှု၊ ဆုံးရှုံးမှုကို အများပြည်သူ သိအောင် ပြောဆိုခြင်း မပြုဘဲ၊ အများ လက်ခံစေနိုင်သည့် ယုတ္တိ၊ အကြောင်းအကျိုး ဆက်စပ်ချက်များဖြင့် အများပြည်သူကို လှည့်စားသည့် ပြောဆိုမှုတွေလည်း ကြားကြရမည့် အနေအထားဖြစ်သည်။ အမှန်တကယ်တော့ အကျိုးစီးပွား ဆိုသည့် စကားရပ်က ဘာမျှ မကောင်းသည့် သဘောမပါ၊ မှားယွင်းသည့် သဘောမပါဟု ထင်မြင်ပါသည်။ အကျိုးစီးပွား ဆိုသည့်စကားရပ်က ကြားနေအငွေ့အသက်ပါသည့် စကားရပ်သာ ဖြစ်သည်။ ခေါင်းဆောင်တွေ၏ အကျိုးစီးပွား၊ ပါတီ၊ အဖွဲ့ တခုထည်း၏ အကျိုးစီးပွား၊ လူမျိုးစု တစုတည်း၏ အကျိုးစီးပွား ဆိုသည့် ဝိသေသတွဲဖက်ပါဝင်လာသည့် စကားရပ်တွေက မကောင်းသည့် သဘော၊ အငွေ့အသက်၊ မရိုးသားမှု၊ ဖုံးကွယ်မှုများနှင့် ဆက်နွယ်လာခြင်း ဖြစ်သည်။ နိုင်ငံရေး အဖွဲ့အစည်းတရပ်၊ လက်နက်ကိုင် အဖွဲ့အစည်းတရပ် အနေနှင့် ဆုံးဖြတ်ချက်တရပ်၊ လုပ်ဆောင်မှုတရပ် မလုပ်မီ အကျိုးစီးပွားကို တွက်ချက်ရမည်သာ ဖြစ်သည်။ မဟုတ်လျင် မျက်ကန်းတောတိုး လုပ်ရပ်မျိုး ဆုံးဖြတ်ချက်မျိုး ဖြစ်နေပါလိမ့်မည်။ သို့သော်လည်း တွက်ချက်သည့် အကျိုးစီးပွားသည် အများနှင့် လိုက်လျောညီသည့် အကျိုးစီးပွား ဖြစ်ဖို့လိုအပ်ခြင်းသာဖြစ်သည်။ ယင်းအကျိုးစီးပွားကို ဦးတည်ရသည့် အခြေအနေ ဆုံးဖြတ်သည့် ရည်ရွယ်ချက်ကိုလည်း အများကို အသိပေးနိုင်သည့် ရိုးသားဖြောင့်မတ်မှုမျိုး လိုအပ်ခြင်း ဖြစ်သည်။ မိမိတို့ အဖွဲ့တဖွဲ့တည်း အကျိုးခံစားရပြီး အခြားသော အဖွဲ့အစည်းတွေ အနေနှင့် အသုံးချခံရသည့် သဖွယ် မဖြစ်ဖို့ အရေးကြီးပါသည်။ မိမိတို့ အဖွဲ့အစည်းက ကိုင်စွဲရသည့် အကျိုးစီးပွားတွေက အများနှင့် သက်ဆိုင်သည့် အကျိုးစီးပွားတွေ ဖြစ်လျင် ထုတ်ဖေါ် မပြောဆိုနိုင်စရာ မရှိဟုယူဆပါသည်။ လူသိရှင်ကြား ကြေညာထားသည့် ရပ်တည်ချက်က တမျိုး၊…

မျိုးသန့်ထွန်း(စစ်ကိုင်း) - ဝန်ကြီးချုပ်ဦးနုရဲ့ ဆောင်ရွက်ချက်ကြီး ၅ ချက်
https://ift.tt/6C3chaS
<a href="https://blogger.googleusercontent.com/img/a/AVvXsEgRC4j0lVsI3DrBrrYqxU27JNd3InExGw3BHCxAuoz80ghQUOAu0JlmgXJmv3JwSKazsTM9TwIW4G0wiY69mstb7bXQhFy-ACFfyiaSyKdtY23h2HoFDAO1gtZtExjWhuHxvOQmNSoWaaU7529lyaz5UYB60mXPkY0TkO5hcxKDrIyd84JEg_6pg23wqu8">Media</a><a href="https://www.moemaka.com/search?q=%E1%80%99%E1%80%BB%E1%80%AD%E1%80%AF%E1%80%B8%E1%80%9E%E1%80%94%E1%80%BA%E1%80%B7%E1%80%91%E1%80%BD%E1%80%94%E1%80%BA%E1%80%B8(%E1%80%85%E1%80%85%E1%80%BA%E1%80%80%E1%80%AD%E1%80%AF%E1%80%84%E1%80%BA%E1%80%B8)&max-results=20&by-date=true">မျိုးသန့်ထွန်း(စစ်ကိုင်း) </a>- ဝန်ကြီးချုပ်ဦးနုရဲ့ ဆောင်ရွက်ချက်ကြီး ၅ ချက်(မိုးမခ) ဧပြီ ၂၈ ၊ ၂၀၂၄
ဦးနုဟာ မြန်မာပြည်ရဲ့ လွတ်လပ်ရေးနဲ့အတူ မွေးဖွားလာခဲ့ ပထမဆုံးဝန်ကြီးချုပ် ဖြစ်ခဲ့တယ်။ပါလီမန်ခေတ် ဒီမိုကရေစီအပြည့်အဝရှိတဲ့ ဝန်ကြီးချုပ်ဦးနု ဖြစ်ပါတယ်။ ထိုခေတ်မှာ အတိုက်အခံတွေ ရှိတယ်။ မ‌ကျေနပ်က ဝေဖန်လို့ ရတယ်။ တိုက်ခိုက်လို့ ရတယ်။ဝန်ကြီးချုပ်ကို မကြိုက်တဲ့သူ ရှိတယ်။ ကြိုက်တဲ့သူတွေ ရှိတယ်။ အဲဒါ ပြည်သူက အာဏာအပ်နှင်းထားတဲ့ ဒီမိုကရေစီအစိုးရတရပ် မြန်မာပြည်မှာ ပေါ်ထွန်းခဲ့ဖူးတာ ယနေ့ခေတ် လူငယ်များ လေ့လာဖို့ကောင်ပါတယ်။ ယနေ့ခေတ် လူငယ်များကတော့ ဝန်ကြီးချုပ်ဦးနုအကြောင်း သိပ်မသိကြတာဟာ နိုင်ငံအတွက် ဝမ်းနည်းစရာကောင်းလှပါတယ်။ စာပေ မဖတ်ရှု မလေ့လာကြတာလည်း ဖြစ်နိုင်ပါတယ်။တခါက စာရေးသူ "ဦးနု ပြတိုက်"မှာ ပြတိုက်မှူး အလုပ်လုပ်စဉ် ကြုံဖူးပါတယ်။လူငယ်တယောက်က "နု-အက်တလီ စာချုပ်"ကို ဦးနု အိမ်မှာ လက်မှတ်ထိုးတာလား မေးဖူးပါတယ်။ ဪ... မသိလို့ မေးတာပါလို့ ဆိုပါတယ်။ သူတို့လို လူငယ်မျိုးတွေ များပြာရင်း နိုင်ငံအတွက် ရင်လေးမိပါတယ်။ အဲသလို မေးခွန်းမျိုး မီဒီယာသမား သတင်းထောက်မလေးတစ်ဦးက မေးဖူးပါတယ်။ နု-အက်တလီစာချုပ်က ဒီအိမ်မှာ လက်မှတ်ထိုးတာ မှတ်လို့ ပြောဖူးပါတယ်။ သူမက ကွန်ပျူတာတက္ကသိုလ်ကနေ ဘွဲ့ရလာတာလို့ ဆိုပါတယ်။ ဒါတွေမကပါဘူး။ဦးနု ကို  တို့ဗမာ အစည်းအရုံးဝင် ဖြစ်လို့ သခင်နု ဖြစ်လာတယ်ဆိုတာ မသိတဲ့ လူငယ်တွေတော်တော်များများ တွေ့ရဖူးပါတယ်။ အချို့လူငယ်တွေက တို့ဗမာအစည်းအရုံးဆိုတာ မသိကြပါဘူး။ ဒီအတွက် စိတ်မ‌ကောင်းပါ။‌ နောင်အ‌ရေးအတွက် ဝမ်းနည်းစရာပါ။ ဒေါက်တာသန်းထွန်းက 'သမိုင်း သင်တယ်ဆိုတာ မအအောင်လို့' ပြောထားပါတယ်။ သမိုင်းကို မသင်ရဲ မသင်ကြည့် ခွေးဖြစ်လိမ်မယ် တဲ့။  သမိုင်းကို ဖျက်ဆီးသူ‌တွေ၊ သမိုင်းအမှန်ကို ဖုံးကွယ်ထားသူတို့ကြောင့်  သမိုင်းတရားခံ ဘယ်သူတွေလဲ ဆိုတာ အထင်အရှား ရှိနေပါတယ်။ သမိုင်းအမှားတွေ ဖော်ထုတ်နေသူတွေ ရှိနေဆဲ။ သမိုင်းတရားခံတွေလည်း ရှိနေဆဲပါ။ဦးနုဘဝမှာ ဝန်ကြီးချုပ်မဖြစ်ခင် ငယ်စဉ်က တာတေလန်အောင် ဆိုးခဲ့တယ်၊ မိုက်ခဲ့တယ်။ ဦးနု ရဲ့ ကိုယ်တိုင်ရေးပုံတူ "တာတေစနေသား" (၂၀၁၂) စာအုပ်ကို ဖတ်ကြည့်ရင်း အော်ကြောလန် တာတေစနေသား ဘဝမှ ဝန်ကြီးချုပ်ဘဝအထိ တတ်လှမ်းခဲ့ပုံကို ကွက်ကွက်ကွင်းကွင်း တွေ့နိုင်တယ်။လူတိုင်း အထူသဖြင့် လူငယ်တိုင်း ဖတ်ကိုဖတ်ရမယ် စာအုပ်လို့ အကြံပြုပါတယ်။ ဦးနုရဲ့ဘဝတလျှောက်မှာ မောင်နု၊ ကိုနု၊ ကိုကြီးနု၊ သခင်နု၊ ဝန်ကြီချုပ်ဦးနု အထိ ခေါ်ခံရသူဖြစ်လာပါတယ်။ စာရေးဆရာ၊ ကျောင်းသားခေါင်းဆောင်၊ နိုင်ငံရေးသမား၊ နိုင်ငံ့ခေါင်းဆောင် ဝန်ကြီးချုပ်ဘဝ၊ ဘုရားဆုပန်တဲ့ လူသား စတဲ့ အသိအမှတ်ပြုခံခဲ့ရပါတယ်။ဦးနု ဟာ လူသားတဦးပါ။ လူသားဖြစ်‌တာကြောင့် သူ့ဘဝမှာ အားသာချက်တွေ ရှိသလို အားနည်းချက်တွေ ရှိနိုင်ပါတယ်။ဦးနုမှာ ကမ္ဘာကငြင်းလို့ မရတဲ့ အချက်ကြီး (၅)ချက်ရှိပါတယ်။(၁) ဦးနုဟာ ၁၉၃၆က ကိုလိုနီအစိုးရကို ဆန့်ကျင်တဲ့ ဒုတိယကျောင်းသပိတ် ခေါင်းဆောင် ဖြစ်ခဲ့တယ်ဆိုတာ ဘယ်သူမှ ငြင်းမရပါ။(၂) ဦးနုဟာ ၁၉၃၇ ခုနှစ်က နဂါနီးစာအုပ်အသင်းကို တည်ထောင်သူတဦး ဆိုတာရော ဘယ်ပုဂ္ဂိုလ်ကမှ ငြင်းလို့မရပါ။(၃) ယနေ့ မြန်မာပြည် လွတ်လပ်ရေးကို လက်မှတ်ထိုး ယူခဲ့တဲ့ "နု-အက်တလီ စာချုပ်"  ချုပ်ခဲ့သူ တဦး ဆိုတာ ဘယ်လိုမှ မမေ့ရတဲ့  လူသားတဦးဆိုတာ ဘယ်သူ ငြင်းဦးမှာလဲ။(၄) ဝန်ကြီးချုပ်ဦးနု ဦးဆောင်၍ ၁၉၅၅ က ကမ္ဘာ့အသိ ဘန်ဒေါင်း(ဒွန်း)ညီလာခံမှ ငြိမ်းချမ်းရေးမူကြီး‌တွေ ချမှတ်နိုင်အောင်၊ အခြား နိုင်ငံ့ခေါင်းဆောင်းများ သဘောတူ လက်ခံလာနိုင်အောင် ဆောင်ရွက်နိုင်ခဲ့တာဟာ သာဓကပြစရာ မလို၊ ဘယ်သူမှ ငြင်းချက်ထုတ်လို့ မရပါကြောင်း။ ယနေ့အချိန်ထိ ဘန်ဒေါင်းညီလာခံက ချမှတ်ခဲ့တဲ့ ငြိမ်းချမ်းရေးမူကြီးတွေကို နိုင်ငံတကာက လက်ခံကျင့်သုံးနေကြပါတယ်။(၅) ဒီနောက်ဆုံး အချက်ကတော့ ဝန်ကြီးချုပ်ဦးနု၏ ဆောင်ရွက်ချက်ထဲမှာ နောက်ဆုံး အချက်လို့ပြောရမယ် ထင်ပါတယ်။ ဗုဒ္ဓသာသနာ၏ အသက်သွေးကြော (ရေသောက်မြစ်) လို့ပြောလို့ရတဲ့ ဗုဒ္ဓသာသနာအတွက် အရေးကြီးလှသော "ဆဋ္ဌသင်္ဂါယနာ" တင်တော်မူတဲ့ အလုပ်ကို လုပ်ဆောင်ခဲ့တယ်ဆိုတာ ငြင်းလို့ မရကောင်းပါ။ ဘယ်မှလည်း မငြင်းနိုင်တဲ့ အချက်ကြီး ဖြစ်လို့နေပါတယ်ခင်ဗျား။ဒီအချက်ကြီး ၅ ချက်ကို ဝန်ကြီးချုပ်ဦးနု ကိုယ်တိုင်…