လှကျော်ဇော - ဗမာပြည်ကြီးရဲ့ အနာဂတ်ပုံရိပ်
https://ift.tt/8tNGDX4
<a href="https://blogger.googleusercontent.com/img/a/AVvXsEif-hp-VXf1tTFkRAzhtk3Ty0QdG1ppdfNGoAC2K7tg7vmuNYrBsUYndmLCxR9Aa8c9uI4cFqcCf_8sbGkQHdPUuNBTROGOVIr_sSPxEwIcAfyUBhJFMMfWl3lSEytXD-6nly1XJNNrtNJ8B-o4HkSwDCpSEZwXhCfwRdTv70WorqbHAk-yxaYCKS70olE">Media</a>
လှကျော်ဇော - ဗမာပြည်ကြီးရဲ့ အနာဂတ်ပုံရိပ်(မိုးမခ) နိုဝင်ဘာ ၂၉၊ ၂၀၂၃
ယာယီသမ္မတ ဆိုတဲ့ တံဆိပ်ကြီးကပ်ပေးပြီး သူခိုးသေဖော်အညှိခံထားရတဲ့ (စစ်ဗိုလ်ချုပ်ဟောင်း) ဦးမြင့်ဆွေက (သူတို့စစ်အုပ်စုရဲ့ မရိုးနိုင်တဲ့ အကြောင်းပြချက်ကြီးလည်း ဖြစ်တဲ့) 'တိုင်းပြည်ကြီး အစိတ်စိတ်အမြွှာမြွှာ ဖြစ်သွားနိုင်တယ်'လို့ အခုနောက်ဆုံး ကျင်းပသွားတဲ့ ကာလုံ အစည်းအဝေးမှာကယောင်ကတမ်း ပြောလာတာ တွေ့ရပါတယ်။တကယ်တော့ တိုင်းပြည်ကြီး အစိတ်စိတ်အမြွှာမြွှာ ဖြစ်ပြီး စည်းလုံးညီညွတ်ရေး ပြိုကွဲနေတာ ကြာလှပါပြီ။ တိုင်းပြည်ကြီး ပြိုကွဲမှာစိုးလို့ဆိုပြီး ဗမာ့တပ်မတော်ကြီးက ၀င်ကယ်ခဲ့ရတယ်ဆိုတာကလည်း အကြိမ်ရေ မနည်းတော့ပါဘူး။ တခါ ဝင်ကယ်ရင် စစ်ဗိုလ်ချုပ်သူဌေးကြီး  မျိုးဆက်တဆက် ပေါ်လာလိုက်၊တိုင်းပြည်ကြီးက ဆင်းရဲတွင်း တချီ ကျသွားလိုက်နဲ့၊ နောက်ဆုံးကမ္ဘာ့အလယ် အရှက်တကွဲ အကျိုးနည်း ဖွံ့ဖြိုးမှုအနိမ့်ဆုံးနိုင်ငံအဖြစ် ဒေဝါလီခံလိုက်ရပါတော့တယ်။ စစ်ဗိုလ်ချုပ်ကြီးများကတော့ ဆွေစဉ်မျိုးဆက် စားမကုန်အောင် ချမ်းသာသွားကြပါတယ်။တိုင်းပြည်ကြီးကို အခုလိုဖြစ်အောင် လုပ်ခဲ့တဲ့ တကယ့် တရားခံအစစ်ဟာ ဘယ်သူလဲ။အခုတော့ ပြည်သူတွေအမြင်မှာ ရှင်းသွားပါပြီ။အခုနောက်ဆုံး ပေါ်လာတဲ့ စစ်အာဏာရှင်စနစ် ဆန့်ကျင်ရေး နွေဦးတော်လှန်ရေးကြီးမှာ ပြည်သူတွေက သင်ခန်းစာနှစ်ရပ်ကို ကောင်းကောင်းဆုပ်ကိုင်ထားကြပါတယ်။၁။ ဗမာပြည်ရဲ့ လက်ရှိ ခံစားနေရတဲ့ ဒုက္ခအဖုံဖုံဟာ စစ်အာဏာရှင်စနစ်မှာ မြစ်ဖျားခံတယ်။ ဒီစစ်အုပ်စု ရှိနေသရွေ့ ဗမာပြည်ကြီး မငြိမ်းချမ်းနိုင်ဘူး။ မဖွံ့ဖြိုး မတိုးတက်နိုင်ဘူး။ ဒါ့ကြောင့် 'ဖက်ဆစ် စစ်တပ် အမြစ်ဖြတ်' ရမယ်။၂။ ဒီစစ်အာဏာရှင်ကို တိုက်တဲ့အခါ တဦးကောင်း တယောက်ကောင်း တဖွဲ့ကောင်းနဲ့ မရနိုင်ဘူး။ စစ်အာဏာရှင်ကို မကြိုက်တဲ့၊ လက်မခံနိုင်တဲ့ လူတွေအားလုံး (လူမျိုးမရွေး၊ ဘာသာမရွေး-အတွေးအခေါ်  အယူအဆ မရွေး-ဒေသမရွေး။) အကုန်စုပေါင်းပါဝင်ပြီး ဟန်ချက်ညီစွာ တိုက်မှရမယ် ဆိုတာပါ။တကယ်တော့ ဒါတွေဟာ ၁၉၆၂ ခုနှစ် ဇူလိုင် ၇ ရက်နေ့က စခဲ့တဲ့ စစ်အာဏာရှင်စနစ် တိုက်ပွဲစဉ်ကြီးအတွင်း သဏ္ဌာန်အမျိုးမျိုးနဲ့ တိုက်ပွဲများ အကြိမ်ကြိမ် ပေါ်ပေါက်ခဲ့ပြီး အကြိမ်ကြိမ် ရှုံးနိမ့်မှုများကနေ ပြည်သူများက ရရှိလိုက်တဲ့ နိဂုံးချုပ်ချက်များပါ။ဒါကြောင့် ဒီရရှိချက် သင်ခန်းစာတွေကို စွဲကိုင်ပြီး အခုတဆင့်တက် ဆင်နွှဲလိုက်ကြတဲ့ (၁၀၂၇) စစ်ဆင်ရေးနဲ့ တပြိုင်နက် ဒေသအသီးသီးရဲ့ စစ်ဆင်ရေးကြီးအတွင်းမှာ ထွက်ပေါ်လာတဲ့ အောင်ပွဲသတင်းများကို တွေ့ရ ကြားရတဲ့အခါ၊ ဒီတချီပွဲကတော့ ဗမာတပြည်လုံးအနှစ်(၆၀)ကျော်ဆင်နွှဲခဲ့တဲ့ စစ်အာဏာရှင်စနစ် တိုက်ပွဲကြီးကတော့ အောင်ပွဲရောင်ခြည်သန်းလာပြီးလို့ ပြောနိုင်လာပါပြီ။နိုဝင်ဘာ ၂၇ ရက်နေ့က သတင်းကွန်ရက်အမျိုးမျိုးကနေ တက်လာတဲ့ သတင်းတွေ၊ သတင်းဓာတ်ပုံတွေ၊ ဗွီဒီယိုအခွေလေးတွေကို ကြည့် ဗမာပြည်ကြီးရဲ့ ရှေ့အနာဂတ် ပုံရိပ်တွေ ထွက်လာပြီလို့ သီကြူးနိုင်ပါတော့တယ်။
<a href="https://blogger.googleusercontent.com/img/a/AVvXsEh2BlswMZ1rYuFFBGVnlyJ4bwK7VxO6NBjvRdAEgkn8fe0klOUfIMm1N4kYN_kxk9LL2oThkujMRaj5xyF-Kz1aWTu0df67V5xIMduArM80JvGkceSrgTbzfZ33hb8wO6ci0YJmRTcdZx3Pn3R0MsHO9ROFMMlTDp8T7Z4L33mZe8Bpc9fjvRIh5yoAVY4">Media</a>

အဲဒါကတော့ စစ်ဆင်ရေးများအတွင်း လောက်ကိုင်မှာ ပိတ်မိနေတဲ့ ဗမာပြည်အရပ်ရပ်က (ညီနောင်တပ်ဖွဲ့များက စစ်ဆင်ရေး ရပ်ပေးထားလို့) အဲဒီမှာ လာအလုပ်လုပ်နေတဲ့ ပြည်သူများ နေရင်းပြန်ကြရာမှာ လမ်းတလျှောက် လုံခြုံရေးယူပေးတဲ့ တော်လှန်ရေးတပ်ဖွဲ့ဝင်တွေ၊ ၀နယ်၊ မိုင်းလားဒေသ စတာတွေ ဖြတ်တော့ ဒေသခံများက စစ်ဘေးရှောင်များကို အစားအသောက် အ၀တ်အစားတွေ ပေးလှူရုံမက တချို့ဒေသများကဆို ခြေကျင်လျှောက် ပြန်လာရသူများကို ကားတွေနဲ့တောင် လိုက်ပို့ပေးသတဲ့။ဒါ့အပြင် အဲဒီဒေသတွေမှာ စစ်ဘေးရှောင်ပြည်သူများကို ထောက်ပံ့ရန် ဆိုပြီး အလှူခံရာမှာ အသက် (၇-၈) နှစ် ကလေးလေးတွေကအစ သူတို့မုန့်ဖိုးလေးတွေ ပေးလှူနေတဲ့ပုံများလည်း တင်ပေးထားတာ တွေ့ရပါတယ်။ကျွန်မတို့ ဗမာပြည်ကြီးက တိုင်းရင်းသား ပြည်သူတွေ ရင်းနှီးချစ်ကြည်နေကြပုံများ။သေချာတာကတော့ ဒင်းတို့ စစ်ဗိုလ်ချုပ်တွေ မရှိတော့ရင် 'သွေးခွဲမယ့်သူများလည်း မရှိတော့၊ ဗမာပြည်ကြီးရဲ့ စီးပွားရေးကိုလည်း မောင်ပိုင်စီးထားမယ့်သူများလည်း မရှိတော့တဲ့အတွက်' အေးအတူ-ပူအမျှ ဗမာပြည်သူတွေအားလုံး (အခုလို) စိတ်ချမ်းသာ ပျော်ရွှင်စွာနေရတော့ မယ်' ဆိုတဲ့ နိမိတ်ပုံပါပဲ။ ဘယ်လိုလုပ် အစိတ်စိတ်အမြွှာမြွှာကွဲနိုင်မှာလဲ။ကဲ... ကျွန်မတို့အားလုံး တညီတညွ့တ်တည်း ဗမာပြည်ကြီးကို နည်းလမ်းပေါင်းစုံနဲ့ ဒုက္ခဆင်းရဲတွေ ပေးခဲ့တဲ့ ဒီစစ်အာဏာရှင် စနစ်ကြီးကို ဝိုင်းဖြိုဖျက်ကြ…

လတ်တလော တိုက်ပွဲပြင်းထန်နေတဲ့ လွိုင်ကော်နဲ့ ပေါက်တောမြို့တွေ၊ မြို့သိမ်းတိုက်ပွဲတွေရဲ့ ရည်မှန်းချက်က ဘာဖြစ်နိုင်လဲ
https://ift.tt/2fDkOx4
<a href="https://blogger.googleusercontent.com/img/a/AVvXsEh3KrrNZiypt0PnSdQKAgxn121DWO5YU4B7Cn27wT6P2eqaeM_N7XN2USDuR989gTgGyv5BJtyFSFsiXvhkE-aKifK9N533NDEYRYd7_Rb3x6N5Xk9-bLdGmHMGGov_GRyYCRnd9LPUlV-qM__yB5hQL4AQvONT_Qr9fqAKlyrqomohfwZ2Frfhd_W-NKo">Media</a>
မြန်မာနွေဦး ခရိုနီကယ် - နိုဝင်ဘာ ၂၈ မြင်ကွင်း(မိုးမခ) နိုဝင်ဘာ ၂၉၊ ၂၀၂၃
လတ်တလော တိုက်ပွဲပြင်းထန်နေတဲ့ လွိုင်ကော်နဲ့ ပေါက်တောမြို့တွေ၊  မြို့သိမ်းတိုက်ပွဲတွေရဲ့ ရည်မှန်းချက်က ဘာဖြစ်နိုင်လဲကရင်နီပြည်နယ် မြို့တော် လွိုင်ကော်ကို ကရင်နီအမျိုးသားကာကွယ်ရေးတပ်ဖွဲ့ KNDF တွေက ယခုလ ၁၁ ရက်နေ့က စတင်တိုက်ခိုက်ခဲ့ပြီး မြို့ရဲ့ နေရာအချို့ ဖြစ်တဲ့ လွိုင်ကော်တက္ကသိုလ်လို နေရာတွေကို သိမ်းနိုင်ခဲ့ပြီး ပညာရေးဝန်ထမ်းနဲ့ မိသားစု ၂၀၀ ကျော်ကို ခေါ်ဆောင်သွားခဲ့ပြီးနောက် စစ်ဆေးမေးမြန်းကာ ပြန်လွှတ်ပေးခဲ့ပါတယ်။ လွိုင်ကော်တက္ကသိုလ်အပြင် အကျဥ်းထောင်ကို စီးနင်းနိုင်ဖို့ ကြိုးစားခဲ့ကြပေမယ့် ယနေ့ထက်ထိတော့ အကျဥ်းထောင်ကို မသိမ်းပိုက်နိုင်သေးတဲ့ အနေအထားလည်းဖြစ်ပါတယ်။ မြို့နေ လူထုအများစုတွေကတော့ ကရင်နီပြည်နယ်ရဲ့ မြောက်ဘက်ကျတဲ့ ရှမ်းပြည်နယ်တောင်ကြီး၊ ဆီဆိုင်၊ ပင်လောင်း နဲ့ ညောင်ရွှေမြို့နယ်တွေဆီ မြို့ကနေထွက်ခွင့်ရတာနဲ့ ထွက်ပြေး တိမ်းရှောင်ခဲ့ကြပါတယ်။ တိုက်ပွဲ စဖြစ်ဖြစ်ချင်း တိမ်းရှောင်နိုင်ကြတာမျိုးမဟုတ်ပဲ ရက်အနည်းငယ် အကြာမှ မြို့ထဲက ထွက်ခွင့်ရခဲ့ကြတာ ဖြစ်ပါတယ်။ ကရင်နီပြည်နယ်ရဲ့ မြို့တော် ဖြစ်တဲ့ လွိုင်ကော်မြို့ကို ဘာကြောင့်တိုက်ခိုက်ရသလဲ ဆိုတဲ့ အချက်နဲ့ ပတ်သက်ပြီး KNDF ခေါင်းဆောင်ဖြစ်သူက ကျွန်တော်တို့မှာ အခြားရွေးစရာ လမ်းမရှိဘူးလို့ သတင်းမီဒီယာ တခုနဲ့ အမေးအဖြေလုပ်ရာမှာ ပြောဆိုထားပါတယ်။ ကရင်နီပြည်နယ် ရဲ့ အုပ်ချုပ်ရေး ရုံးစိုက်ရာ၊ စစ်ကောင်စီ စစ်ဌာနချုပ်မရှိသော်လည်း ဒေသကွပ်ကဲရေး စစ်ဌာနချုပ်ရှိရာမြို့ ဖြစ်တဲ့ အကြောင်းရင်းတွေကြောင့် KNDF က လွိုင်ကော်ကို တိုက်ခိုက်ဖို့ ဆုံးဖြတ်ခဲ့တာ ဖြစ်ပါလိမ့်မယ်။ နောက်တချက်ကတော့ ရှမ်းမြောက် နဲ့ စစ်ကိုင်းတိုင်း အထက်ပိုင်း ကောလင်း၊ ထီးချိုင့်လိုမြို့တွေမှာ တိုက်ပွဲတွေ ဖြစ်ပွားနေခြင်းတို့ကလည်း စစ်ကောင်စီရဲ့ တပ်တွေ တနေရာမှ တနေရာကို အင်အားများများစားစား ထုတ်နှုတ် ပို့ဖို့အခွင့်မသာတဲ့ အနေအထားကို အခွင့်ကောင်း ယူပြီးတိုက်ခိုက်လိုတာလည်း ဖြစ်ပါလိမ့်မယ်။ ၁ လေးလုံးလို့ ခေါ်ဆိုတဲ့ နိုဝင်ဘာ ၁၁ ရက်နေ့ က စတင်တိုက်ခိုက်ခဲ့ရာမှာ ယနေ့အထိဆို ၁၈ ရက်တာကြာမြင့်လာပြီဖြစ်ပါတယ်။ လွိုင်ကော် တက္ကသိုလ် တိုက်ပွဲမှာ စစ်ကောင်စီဘက်က လက်နက်ကိုင် ဒါဇင်နဲ့ချီတဲ့အရေအတွက် လက်နက်ချခဲ့ကြတဲ့ ဖြစ်ရပ်ကလည်း စစ်ကောင်စီဆန့်ကျင်ရေး အင်အားစုတွေ အဖို့ စိတ်ဓါတ်တက်ကြွစရာ ဖြစ်ပါတယ်။ လူဦးရေ ၆ သောင်းခန့်ရှိတဲ့ မြို့အနေနဲ့တော့ နေအိမ်တွေ ပျက်စီးတာ၊ ပိုင်ဆိုင်မှုတွေ ဖေါက်ထွင်းဖျက်ဆီးခံရ၊ အဆိုးဆုံးအခြေအနေမှာ မြို့မီးလောင်ပျက်စီးတဲ့ အခြေအနေမျိုးတွေလည်း ကြုံရနိုင်ခြေရှိနေတာ ဖြစ်ပါတယ်။  ထန်တလန်မြို့လို မြို့တမြို့လုံးနီးပါး မီးလောင်ပျက်စီးနိုင်တဲ့ အနေအထားမျိုး ရောက်ရှိမှာကိုလည်း စိုးရိမ်စရာ အခြေအနေမျိုး ဖြစ်နေပါတယ်။ အလားတူ မြို့ပေါ်မှာ တိုက်ပွဲတွေဖြစ်ပွားနေပြီး မြို့နေရာအချို့ မီးလောင်နေတဲ့ အခြားမြို့တမြို့ကတော့ ရခိုင်ပြည်နယ် စစ်တွေမြို့ အရှေ့မြောက်ဘက် ကုလားတန်မြစ်တဖက်ကမ်းက ပေါက်တောမြို့ဖြစ်ပါတယ်။ AA လက်နက်ကိုင်အဖွဲ့က နိုင်ဝင်ဘာလ ၁၅ နေ့က စတင်ပြီး ပေါက်တောမြို့ ကို စတင်တိုက်ခိုက်ခဲ့ကြရာမှာ AA တပ်ဖွဲ့တွေ ပေါက်တော မြို့မရဲစခန်းကို သိမ်းယူနိုင်ခဲ့ပြီးနောက် စစ်ကောင်စီတပ်တွေ ပြန်လည် တိုက်ခိုက်ခဲ့ရာမှာ ၁၀ ရက်ကျော်ကြာ တိုက်ပွဲအပြင်းအထန် ဖြစ်ပွားနေပြီး ခုရက်ပိုင်းမှာတော့ မြို့ရဲ့ နေရာတချို့ မီးလောင်နေတဲ့ သတင်းတွေ ကြားသိလာရတာ ဖြစ်ပါတယ်။ လက်နက်ကြီး နဲ့ ပစ်ခတ်တဲ့ ကျည်တွေကျပြီး ပေါက်ကွဲရာမှာ လောင်ကျွမ်းတာလို့ လောလောဆယ် မှန်းဆကြပေမယ့် မီးလောင်တဲ့အကြောင်းအရင်းကို အခုလို စစ်ပွဲတွေ ဖြစ်ပွားပြီးအခြေအနေတွေ ရှုပ်ထွေးနေချိန်မှာ သဲသဲကွဲကွဲ အတည်မပြုနိုင်တဲ့ အနေအထားမျိုးဖြစ်ပါတယ်။ စစ်ကောင်စီတပ် လုံခြုံရေးစခန်းတွေကို သွားရောက်တိုက်ခိုက်ခဲ့တဲ့ အခြားပြည်နယ်မြို့တော်မြို့ကတော့ ချင်းပြည်နယ်ဟားခါးမြို့  ဖြစ်ပါတယ်။ ဟားခါးမြို့ဟာလည်း စစ်ဌာနချုပ် အခြေစိုက်တဲ့ မြို့မဟုတ်ပါဘူး။ ချင်းပြည်နယ်မှာ ဒေသအလိုက်သို့မဟုတ် မြို့အလိုက် ကာကွယ်ရေး တပ်ဖွဲ့တွေ ဖွဲ့စည်းထားကြပြီး ချင်းအမျိုးသားတပ်ဦး CNF နဲ့ ပူးပေါင်းပြီးဖြစ်စေ ၄င်းတို့ ဒေသကာကွယ်ရေး တပ်ဖွဲ့တွေအနေနဲ့ သီးသန့် ဖြစ်စေ စစ်ကောင်စီတပ်ကို တိုက်ခိုက်ကြတာ ဖြစ်ပါတယ်။ မကြာသေးခင်က ချင်းပြည်နယ် မြောက်ပိုင်း အိန္ဒိယနယ်စပ်နဲ့ ကပ်လျှက် ရိဒ်ခေါဒါမြို့ကို မကြာသေးခင်က PDF Zoland က တိုက်ခိုက်သိမ်းယူခဲ့ပါတယ်။ အဲဒီနောက်ရက်သီတင်းပတ်ကျော်အကြာ ဟားခါးမြို့ကို ဟားခါး…

အန်ကယ် တူမီး - အမှောင်ထဲက ဒိုင်ယာရီ ( ၄၆ )
https://ift.tt/FMS2zhf
Media

အန်ကယ် တူမီး - အမှောင်ထဲက ဒိုင်ယာရီ ( ၄၆ )(မိုးမခ) နိုဝင်ဘာ ၃၀၊ ၂၀၂၃29/11/23Diary in the darkness
ညဘက် ကောင်းကောင်းအိပ်မပျော်။ ကျနော်တို့ အားလုံးရဲ့ ကံကြမ္မာကို အဆုံးအဖြတ်ပေးမယ့် ကာလကို ရောက်နေပြီလို့ ခံစားရတယ်။ တညလုံး အင်တာနက်ဖွင့်ပြီး သတင်းတွေ နားစွင့်နေမိတယ်။ နှစ်နာရီကြား တခါ၊ သုံးနာရီကြား တခါပေါ့။ ပါချုပ်ဆရာတော် တရားနာလိုက်၊ ‌ မှေးခနဲအိပ်ပျော်သွားလိုက်၊ တိုက်ပွဲသတင်းတွေ နားစွင့်လိုက်။ စစ်ကောင်စီ ထောက်ခံတဲ့ မီဒီယာတွေက တရုတ်ကို ကျူးကျော်သူအဖြစ် စွပ်စွဲ ဆန္ဒပြသတင်းတွေတင်လိုက်၊ စစ်သည်အင်အား ၇၀၀ ကျော် ပါတဲ့ တရုတ်ရေတပ်သ‌‌င်္ဘော ရောက်လာပြီး မြန်မာရေတပ်နဲ့ ပူးတွဲစစ်ရေး လေ့ကျင့်တော့မယ်ဆိုတဲ့ သတင်းတွေ အကြီးအကျယ် ဖြန့်လိုက်၊ တရုတ်ပြည်ကို ပို့တဲ့ ရေနံနဲ့ ဓာတ်ငွေ့ပိုက်လိုင်းကို တော်လှန်ရေးတပ်သားတွေက ဖျက်ဆီးနေပါတယ်လို့ သတင်းတွေ လွှင့်လိုက် ၊ တရားမဝင် တရုတ်လောင်းကစားလုပ်ငန်း ဂိုဏ်းသား(ကျားဖျန့်) ထောင်နဲ့ချီပြီး တရုတ်ပြည်ကို အပ်နှံပြီးကြောင်း ကြေညာလိုက် လုပ်နေပါတယ်။ သတင်းတွေက ကယောင်ကတမ်း ဖြစ်နေတယ်။ အသေဆိုးနဲ့ သေမယ့်လူတစ်ယောက် အော်ဟစ်နေသလိုမျိုးပါပဲ။စစ်ကောင်စီဟာ ဘာကြောင့် ခုလို ကယောင်ကတမ်းတွေ စည်းလွတ် ဝါးလွတ် အော်နေရတာလဲ။ သူငယ်ချင်းတစ်ယောက်က ပြောတယ်။ တရားမဝင် လောင်းကစားဝိုင်း ကျားဖျန့် တွေရဲ့ ငွေ ဘီလျံနဲ့ချီပြီး မြန်မာဘဏ်ထဲမှာ ရောက်နေတယ်။ အဲဒါ မြန်မာ စစ်အစိုးရက တရုတ်အစိုးရကို ပြန်ပေးရမယ်။ မြန်မာစစ်အစိုးရက ကာကွယ်ပေးထားတဲ့ ကျားဖျန့်ခေါင်းဆောင်တွေကိုလဲ ဖမ်းပို့ရမယ်တဲ့။ အဆိုးဆုံးသတင်းကတော့ တရုတ်သတင်းစာတစ်‌စောင်မှာ ရေးထားတဲ့ သတင်းပါ။ တရုတ်ပြည်က သူငယ်ချင်းက လှမ်းအကြောင်းကြားတာ။ မြန်မာစစ်ခေါင်းဆောင်ဆီမှာ ကျားဖျန့်က ရတဲ့ငွေ သုံးဆယ်ရာခိုင်နှုန်း ရောက်နေတယ်တဲ့။ ဒီသတင်းတွေသာ မှန်ရင်တော့ စစ်ကောင်စီတော့ ကျွန်တော်မျိုးကြီး သေထိုက်ပါတယ်လို့ ပြောရုံကလွဲလို့ အခြားမရှိတော့ပါဘူး။စစ်ကောင်စီက ကယောင်ချောက်ချား ဗျူဟာတွေ ခင်းနေချိန်မှာ ဂျပန်ရောက် နိုင်ငံခြားရေးဝန်ကြီး ဒေါ်ဇင်မာအောင် စကားအရ NUG ဟာ တရုတ်နဲ့ သံတမန် ဆက်ဆံရေး သိသိသာသာ ကောင်းလာပုံရတယ်။ တရုတ်နဲ့ ယုံကြည်မှု တည်ဆောက်ရာမှာ ‌သေးငယ်တဲ့ အရာကလေးတွေက စ ခဲ့ရကြောင်း၊ ဥပမာ လူကုန်ကူးခံရတဲ့ တရုတ်လူမျိုး သုံးဦးကို တရုတ်အစိုးရ လက်ထဲ ပြန်အပ်ခဲ့တဲ့အကြောင်း၊ တရုတ်ပြည်နဲ့ ယုံကြည်မှုတည်ဆောက်ရာမှာ မြောက်ပိုင်း လက်နက်ကိုင်တွေရဲ့အကြံဉာဏ်ရယူခဲ့ကြောင်းနဲ့ တရုတ်အစိုးရဲ့ သဘောထားက မြန်မာလူထုဆီကို အာဏာပြန်အပ်စေလိုကြောင်း ပြောပါတယ်။ တရုတ်အစိုးရရဲ့ မြန်မာပြည်သူထံ အာဏာပြန်အပ်စေလိုကြောင်း သဘောထားကို သိလိုက်ရတဲ့ ပွဲတက်လာ မြန်မာပရိသတ်က လက်ခုပ်တီး ကြိုဆိုတာကို ကြားလိုက်ရပါတယ်။ ဒီလက်ခုပ်သံဟာ တရုတ်မြန်မာ လူမျိုးရေး အဓိကရုဏ်း ဖန်တီးပြီး ထွက်ပေါက်ရှာဖို့ ကြိုးစားနေတဲ့ စစ်ကောင်စီအတွက် မိုးကြိုးပစ်သံပါပဲ။ဒီဖြစ်ရပ်ဟာ NUG အတွက် သံတမန်အောင်ပွဲကြီးပါ။ တနည်းပြောရရင် နွေဦးတော်လှန်ရေးအတွက် သံတမန်အောင်ပွဲကြီးပါ။အခုလို သံတမန် စစ်မျက်နှာမှာ အောင်ပွဲတွေ ဆက်တိုက်ရနေသလို လက်နက်ကိုင်စစ်မျက်နှာမှာ လဲ နွေဦးတော်လှန်ရေးနဲ့ ချိတ်ဆက်ထားတဲ့ တိုင်းသားတွေရဲ့ လက်နက်ကိုင် တွေ က မြို့သိမ်းတိုက်ပွဲတွေ တိုက်နိုင်တဲ့အဆင့်ကိုရောက်နေပါပြီ။ ခုလိုသတင်းတွေ နားစွင့်ကာ စိတ်အားတက်ကြွနေချိန်မှာ အိမ်တံခါးဝက ဆယ်အိမ်မှူး ခေါ်သံကြားလို့ ထွက်ကြည့်ပါတယ်။ ဒီည ဧည့်စာရင်းစစ်မယ်၊ ဧည့်စာရင်း တိုင်ထားပါ၊ ညက တောင်ဥက္ကလာ၊ မြောက်ဒဂုံ၊ လှိုင်သာယာမှာ ဗုံးတွေ ပေါက်တယ်၊ လျှပ်တပြက် ဆန္ဒပြပွဲတွေ ဟိုနားဒီနားဖြစ်နေတယ်၊ စစ်ကားတွေလဲ မပြတ်ကင်းလှည့်နေတယ်တဲ့။ တိုက်ပွဲတွေကတော့ ရပ်ကွက်ထိပ် ရောက်လာပြီ ထင်တယ်။ စိုးရိမ်စိတ်တွေ၊ အားရဝမ်းသာစိတ်တွေ တပြိုင်တည်း ခံစားရတယ်။ ဒီလို ခံစားမှုမျိုးဆိုတာ ဒီလိုအချိန်၊ ဒီလိုနိုင်ငံမျိုးမှာပဲ ခံစားခွင့်ရတာ။ ကျေးဇူးပါပဲ ဘုရားသခင် အပေါင်းတို့ ခင်ဗျာ။အန်ကယ် တူမီး၂၉ /၁၁ /၂၃

Join Us @ MoeMaKa Telegram
t.me@moemaka
#MoeMaKaMedia
#WhatsHappeningInMyanmar

ရဲဘော်တေး - ခရေကြွေချိန်
https://ift.tt/wYxp5Zg
Media
ရဲဘော်တေး - ခရေကြွေချိန် (မိုးမခ) နိုဝင်ဘာ ၃၀ ၊ ၂၀၂၃
ရှမ်းပြည်နယ်မြောက်ပိုင်းတိုက်ပွဲများမှာ ပြည်ပ ဒရုန်းပညာရှင် ၆၅၀၀ ခန့်၊ စစ်သုံးဒရုန်းဗုံး ၂၅၀၀၀ ကျော် အသုံးပြုပြီး သာလွန်အင်အားနဲ့ စစ်တပ်စခန်းများ တိုက်ခိုက်ခံနေရလို့ တပ်စခန်းများက စွန့်ခွာပေးနေရတယ်လို့ စစ်ရာဇဝတ်ဂိုဏ်းချုပ် မအလက နိုဝင်ဘာ ၂၉ ရက်နေ့က စကစအစည်းအဝေးမှာ စွပ်စွဲပြောဆိုထားတယ်။ ဒီစကားရဲ့ ရည်ရွယ်ချက်ကတော့ ညီနောင်သုံးဖော်နဲ့ ပီဒက်တွေဟာ စွမ်းလို့မဟုတ်ပါဘူး။ အပြင်ကအကူအညီရလို့။ အဲဒီတော့ မင်းတို့ ကြောက်စရာ မလိုဘူး၊ ဒူးသာဒူးဆိုတဲ့သဘော။ ငါ့သားနဲ့ သမီးလဲ မင်းတို့နည်းတူ ခွင့်မယူစတမ်း စီးပွားရေးသောင်းကျန်းနေပါတယ်ပေါ့။ ပြင်ပအကူအညီလို့ ဆိုတာကတော့ တရုတ်လို့ သွယ်ဝိုက်စွပ်စွဲတာ၊ ဒါမှ တရုတ်နဲ့ မဘသတွေကို အရေးအခင်း ဖန်တီးလို့ရမယ်လေ။ တရုတ်ကကျ ဘာသာ သာသနာရေးနဲ့ ရှူးတိုက်လို့မရ၊ လူမျိုးရေးနဲ့ဘဲ တိုက်ရမှာကိုး။ လောလောဆယ် ညီနောင်သုံးဖော်ရဲ့ အမုန်းဆော်လှိုင်းဒဏ် အံကြိတ်ခံနေရတုန်း တရုတ်ရဲ့ ကျားဖြန့်လှိုင်းဒဏ်ပါ အလူးအလဲခံနေရတာ သက်သာလိုသက်သာငြားပေါ့။ တရုတ်က လူဖမ်းပေးရုံနဲ့ အားမရ၊ အနောက်အုပ်စု ဖိအားနဲ့ ဒေါ်လာငန်းဖမ်းနေပါတယ်ဆို လောင်းကစားငွေ ဘီလျံ ၄၀ ပါ တစာစာတောင်းပြီး ထောင်းနေရုံနဲ့ အားမရ၊ သာကောက ဘာမပြောညာမပြောနဲ့ စစ်ရေးရှုပ် လူလိုနေပါတယ်ဆို စစ်သင်္ဘောတွေနဲ့ စစ်သားခုနစ်ရာပါ ပင့်လာပြီး တမင် သောက်လုပ်ပေးထားတာကို တင်းနေတာ။ တင်းပေမယ့်လဲ မခို့တရို့နဲ့ အကို့အကို့ဆိုပြီး ဖင်ကလေးပင့် မျက်စကလေးဝင့် တဟင့်ဟင့်လုပ်နေရတဲ့အခြေ။ခရေတွေ ကြွေနေပြီ နန်းရေပေါ့။ ဒီစွပ်စွဲချက်ရဲ့နောက်ရည်ရွယ်ချက်တမျိုးက မင်းတို့လဲ ပြင်ပကျွမ်းကျင်ပညာရှင် ခေါ်ထားတော့ ငါတို့လဲ ကျမ်းကျင်ရော ကြေးစားပါငှားမယ် ဆိုတဲ့ အထာ။ ရှရှားတွေ ခေါ်သွင်းမယ်ပေါ့လေ၊ ဒါကတော့ တရုတ်ကို အဝှာပုတ်ပြတာ။ သာလွန်အင်အားနဲ့ဆော်လို့ မိသားစုငဲ့ညှာပြီး စခန်းစွန့်ခွာတယ် ဆိုတာကတော့ ရင်းလိုက် အလံဖြူထောင်တာကို မသိခြင်ထောင်ထောင်တာ။ သူ့ထုံးစံ အရူးကွက်မျက်နှာပေးလေးနဲ့ပလေ။ သာလွန် ဆိုတော့ ကူကယ်ဖို့လဲ ခက်တယ်ပေါ့လေ။ မကူ မကယ်တာ မဟုတ်ပါဘူးပေါ့။ ကျားဖြန့်ခေါင်းဆောင်တွေကို မသေအောင် ဟတ်စကီးနဲ့ ထုတ်ပေးသလို စစ်ဗိုလ်တွေကိုလဲ အသေကောင် ဟတ်စကီးနဲ့ ထုတ်ပေးပါတယ်ပေါ့။ တရုတ်သင်္ဘောတွေက ကျားဖြန်းကြီးကြီးတွေကို လာတောင်းတာလို့လဲ တပ်တွင်းစကား ကြားမိရဲ့။ 


Join Us @ MoeMaKa Telegram
t.me@moemaka
#MoeMaKaMedia
#WhatsHappeningInMyanmar

တန့်ဆည်မှာ PDF တွေ မြို့သိမ်းဖို့ ကြိုးစားပြီ တိုက်ပွဲပြင်းထန်၊ တိုင်းမှူးဟောင်းတယောက်ကို ပြည်ပမှာ ပြန်လည်ခေါ်ယူပြီးစစ်ဆေး
https://ift.tt/cFSJ61B
<a href="https://blogger.googleusercontent.com/img/a/AVvXsEiWfTnd3ckAjTaDXPrQPf-RZPjA6W5i0E-UZ2xwGqyuQ7M3eYrU0Hsy9rwbWMpHsWlA-utLloSp8RuY3O47_nKT_OtS5cIz_cDfTYNnrjP2TErZNcjvwuADIFsDXRVIjmkXoUfL6-6PW2GXV_LsyRevUxsbXYmc1jf6njSeLn3Kh_tRhvSsMjMu5UUHZeA">Media</a>
မြန်မာနွေဦး ခရိုနီကယ် - နိုဝင်ဘာ ၂၉ မြင်ကွင်း(မိုးမခ) နိုဝင်ဘာ ၃၀၊ ၂၀၂၃
တန့်ဆည်မှာ PDF တွေ မြို့သိမ်းဖို့ ကြိုးစားပြီ တိုက်ပွဲပြင်းထန်၊ တိုင်းမှူးဟောင်းတယောက်ကို ပြည်ပမှာ ပြန်လည်ခေါ်ယူပြီးစစ်ဆေးစစ်ကိုင်းတိုင်း တန့်ဆည် မြို့ကို PDF တွေ တိုက်ခိုက်နေပြီး စစ်ကောင်စီဘက်က အပြင်းအထန် ခုခံနေရတဲ့ အနေအထားလို့ စစ်ကောင်စီထောက်ခံတဲ့ တယ်လီဂရန်တွေမှာ ဖေါ်ပြထားတာတွေမှာ တွေ့ရပါတယ်။ ဘီဘီစီ မြန်မာပိုင်း သတင်းမှာတော့ တန့်ဆည်မြို့ ရဲစခန်းကို PDF တွေက သိမ်းယူဖို့ အပြင်းအထန် တိုက်ခိုက်နေတာလို့ ဖေါ်ပြထားပါတယ်။ စစ်ကိုင်းတိုင်း အနောက်မြောက်ဘက်မှာရှိတဲ့ မြို့နယ်မြို့တမြို့ဖြစ်တဲ့ တန့်ဆည်မြို့ အနီးတဝိုက်က ကျေးရွာတွေဟာ ပြီးခဲ့တဲ့ ၂ နှစ်တာ ကာလအတွင်း စစ်ကြောင်းထိုးပြီး ကျေးရွာက နေအိမ်တွေ ဘုရားကျောင်းတွေ မီးရှို့ဖျက်ဆီးသွားတာ၊ ပီဒီအက်ဖ် အဖွဲ့ဝင်၊ အားပေးကူညီသူ ဆိုတဲ့ စွပ်စွဲချက်တွေနဲ့ သတ်ဖြတ်ခံရတာတွေ တကြိမ်ပြီး တကြိမ်ခံနေကြရတဲ့ နေရာဒေသတွေ ဖြစ်ပါတယ်။ အချို့ရွာတွေမှာတော့ စစ်ကောင်စီ ထောက်ခံသူနဲ့ PDF ထောက်ခံသူ စသဖြင့် အုပ်စုကွဲနေကြတဲ့ အဖြစ်မျိုးလည်း ရှိတယ်လို့ ဒေသခံတဦးက ဆိုပါတယ်။ စစ်ကောင်စီက သတ်ဖြတ်မှု အများဆုံးကျူးလွန်တာဖြစ်ပြီး အရေအတွက်အနည်းငယ်မျှသော အရပ်သားသတ်ဖြတ်ခံရမှုတွေက PDF လက်နက်ကိုင် အဖွဲ့တွေက ကျူးလွန်တာဖြစ်တယ်လို့လည်း အဆိုပါ ဒေသခံက ဆိုပါတယ်။ ကျေးရွာတွေမှာ ဖြစ်ပွားနေတဲ့ တိုက်ပွဲတွေကနေ အခုအခါ တန့်ဆည်မြို့ကို သိမ်းယူဖို့ကြိုးစားကြတဲ့ အခြေအနေမျိုး ရောက်ရှိလာတာလည်း ဖြစ်ပါတယ်။ 
<a href="https://blogger.googleusercontent.com/img/a/AVvXsEjicLvT14OLKgj5sKhlJ9fqsi18WTt82QTkZqGPtWMFgbO_yIB2QYzNoeqR_TzE34iW3hcDFe4uNY7E4NxdOJ9xB0Dpd5FARVkIpDOu9roFnmoys1rA67INbgxn_ngJuwG5MSVzAeMnNrKMljO5iCdBz0Zx4VP_fr-cLJJlcnyluipTPEOeqgkTI8_ACEE">Media</a>

ဒီနေ့ အဖို့ နောက်ဆုံးရ တိုက်ပွဲသတင်းတွေအနက် မတူပီမြို့နယ်က ရေဇွာမြို့ကို ချင်းကာကွယ်ရေး တပ်ဖွဲ့တွေက သိမ်းယူလိုက်တယ်ဆိုတဲ့ သတင်း၊ ကိုးကန့်ဒေသမှာတော့ ကုန်းကြမ်းဒေသက တပ်ရင်းတရင်း လုံး ကိုးကန့်လက်နက်ကိုင် အဖွဲ့ MNDAA ထံ လက်နက်ချတယ်ဆိုတဲ့ သတင်းဖြစ်ပါတယ်။ ကိုးကန့်နယ်က တိုက်ပွဲတွေက ဆက်လက်ဖြစ်ပွားနေဆဲဖြစ်ပြီး စစ်ကောင်စီ အနေနဲ့ နောင်ချို ဂုတ်တွင်းကတက်လာတဲ့ စစ်ကူယာဥ်တန်းက သီပေါကို မကျော်နိုင်ဘဲရှိရာက ယမန်နေ့ကတော့ ကျောက်မဲထိ နောက်ပြန်ဆုတ်သွားရတဲ့ အနေအထားလည်း ဖြစ်ပါတယ်။ ထွက်ပေါက်တွေကို ပိတ်ဆို့ပြီး တိုက်ခိုက်မယ်လို့ သတင်းထွက်နေတဲ့ ကိုးကန့် ကိုယ်ပိုင်အုပ်ချုပ်ခွင့်ရဒေသရဲ့ အကြီးဆုံးမြို့ လောက်ကိုင်ကိုတော့ တိုက်ခိုက်တာ မရှိသေးပါဘူး။ လောက်ကိုင်မြို့မှာ သွားရောက် အလုပ်လုပ်ကိုင်နေကြတဲ့ မြန်မာနိင်ငံ အခြားမြို့တွေက ထောင်သောင်းနဲ့ ချီ အလုပ်သမားတွေ ဝ နယ်ကို ဖြတ်သန်းတာ၊ သိန္နီမြို့ကို ရှောင်ကွင်းကာ ရှမ်းပြည်မြောက်ပိုင်း မြို့တွေဆီ ပြန်လာနေကြတဲ့ သတင်းတွေလည်း ဆိုရှယ်မီဒီယာမှာ ဖော်ပြထားကြပါတယ်။ လားရှိုးမြို့ အဝင်တိုးလ်ဂိတ်ကို ယမန်နေ့က စတင်ရောက်ရှိလာကြပြီး စစ်ကောင်စီဘက်က မြို့ဝင်ခွင့်ရဖို့ မြို့ခံတဦးဦးရဲ့ အမည်၊ လိပ်စာ ဆက်သွယ်ဖို့ ဖုန်းနံပါတ် စတာတွေ ပေးနိုင်မှ မြို့တွင်း ပေးဝင်တယ်လို့ ဖော်ပြထားကြတာ ဖြစ်ပါတယ်။ 
<a href="https://blogger.googleusercontent.com/img/a/AVvXsEgcroijgTAxoGjjCmbU0W0d1Tp4OoscOp7PoeMhgHJISHf-H5Bp8LRVLovTBJ4AKneU9ceWzgjM1VgZCaRG-b0aPO98vq26Jy7aiswf0PrSIMBDP3J_3pzSO4__BIAjer1PBgycbUD2d2_x-Is9mqMvDRCKC8ckSzARcaO1RZCx938azItN5vFqB3yw5E4">Media</a>
လောက်ကိုင်မြို့က ထွက်ခွင့်ရဖို့ သီတင်းပတ်အတန်ကြာ စောင့်ဆိုင်းနေခဲ့ကြရတဲ့ ရွှေ့ပြောင်းအလုပ်လုပ်ကိုင်သူတွေ အနေနဲ့ ဆိုင်ကယ်၊ ကား၊ ခြေကျင် အသီးသီး ပြန်လာခဲ့ကြရသလို အချို့သောသူတွေအနေနဲ့ ၃/၄ ရက်တာအတွင်း ထမင်း မစားခဲ့ကြရတဲ့ အဖြစ်မျိုးကြုံရတာ၊ ဆိုင်ကယ်တွေ ပျက်တဲ့အခါ တောလမ်းတွေ မောင်းနှင်လို့ မရတော့တဲ့အခါ လမ်းမှာ စွန့်ပစ်ခဲ့ကြရတယ်လို့လည်း ခက်ခဲကြမ်းတမ်းတဲ့ အတွေ့အကြုံတွေကို ပြန်လည်ပြောပြထားကြတာ တွေ့ရပါတယ်။ ဒီဖြစ်ရပ်တွေ ကြားသိရ၊ ဓာတ်ပုံတွေ မြင်တွေ့ရတဲ့အခါ ဒုတိယကမ္ဘာစစ်ဖြစ်ပွားစဥ်က အင်္ဂလိပ် ဆုတ်ခွာစဥ် အရပ်သားတွေပါ တိမ်းရှောင်ကြရတဲ့ အဖြစ်အပျက်မျိုး နဲ့ အလားသဏ္ဍာန် တူညီတဲ့ အဖြစ်အပျက်တွေလို့ နှိုင်းယှဥ်တွေးမိစရာ ဖြစ်ပါတယ်။ ရှမ်းပြည်နယ် မြောက်ပိုင်းဒေသ အနှံ့အပြားမှာ တိုက်ပွဲတွေဖြစ်ပွားနေတာ ဖြစ်လို့ အခုလို လူသောင်းနဲ့ချီ လောက်ကိုင်ကနေ မိုင်ရာနဲ့ချီတဲ့ ခရီးကို…

မာတီနာ - မျှော်လင့်ခြင်းဆောင်းရာသီ
https://ift.tt/kfs9M68
<a href="https://blogger.googleusercontent.com/img/b/R29vZ2xl/AVvXsEhKkvIdH4lJJmE2KHCwVJw3sxw8XheI5Bd3VoKRaBEpoZIInMzdv3XZ1rmtdShq-OHEhzXBF7hpgW5HZAhTT0Htwi8mwqEvNhQfQamcVKTZVaIo50D7SDX5o1OuVEN_Y7OGa39Ab0qYiZyy_cBVfcJYylXkHkdMf-24IKNR-Mr2nl2NtT8yEjOzh3SXYThd/s1053/MMK%20image,%20Kall%20Lin%2017.11.23.png">Media</a><b>မျှော်လင့်ခြင်းဆောင်းရာသီ</b><b>မာတီနာ</b><b>(မိုးမခ) နိုဝင်ဘာ ၃၀၊ ၂၀၂၃</b>
ဆောင်းဝင်စပြုပြီ။ ရွာမှာဆိုရင့်မှည့်စပြုသည့် ကောက်နှံတို့အနံ့ဖြင့် မွှေး ပျံ့နေရော့မည်။ တမျှော်တခေါ်လယ် ကွင်းပြင်တွင် ရွှေရောင်လွှမ်းစပြုရော့မည်။  ကောက်ညှင်းတွေပေါ်ရော့မည်။ ခေါဆီ၊ ခေါဆီစားချင်သည်။ ခြေခင်းလက်ခင်းမသာလှသောအခြေအနေကြောင့် လယ်တွေကောင်းပါ့မလား။ သတင်းတွေကအမျိုးမျိုး။ အားတက်စရာသတင်းတွေရှိသော်လည်းဒေသခံဆွေမျိုးမိတ်သင်္ဂဟများအတွက် စိတ်ပူသည်။ အသက်ဘေးကြောင့် ဟိုဘက်ပြေးလိုက်၊ ဒီဘက်ပြေးလိုက်နှင့် ဗျာများနေကြတော့မည်။ ခေါဆီမှထောင်းနိုင်ကြပါ့မလား။ ကောက်ညှင်းမှ စိုက်နိုင်ကြပါရဲ့လား။ အရင်တုန်းကတော့ ရွာမှာအမေတို့ ရှိနေတာကြောင့် အချိန်အခါလိုက် ရာသီစာတွေမပြတ်တမ်းစားရသည်။ ခုလိုဆောင်းကာလမျိုးဝယ် ကောလင်းဈေးထဲတွင် အမျိုးမျိုးသောမုန်ညင်းတွေပေါရော့မည်။ မုန်ညင်းကိုရန်ကုန်မှာဝယ်စားလို့ ရပေမဲ့ လတ်ဆတ်မှုနှင့် အရသာကမတူ။ ခုတော့ အမေတို့လည်းသူ့လိုပဲရွာကို၊ ရွာ၏ အနံ့ အသက်ကို၊ ရွာ၏ ရာသီဥတုကို၊ ရွာ၏ အစားအစားတို့ကိုအတူတူလွမ်းနေရပြီ။ ဘာလိုလိုနှင့် အမေတို့ ရန်ကုန်ရောက်ခဲ့သည်မှာနှစ်နှစ် ပြည့်ပြီပဲ။ ရွာလည်းပြာပုံဖြစ်ခဲ့ပြီ။ ခေါဆီထောင်းပေးနေကြ အကိုလည်းကျဆုံးသွားခဲ့လေပြီ။ တင်တင်က သျှောင်နောက်ဆံထုံးပါကာရန်ကုန်မှာနေတာကြာပြီ။ တန်ဆောင်မုန်းဆိုရင် ကထိန်ပွဲဘာညာအကြောင်းပြကာရွာသို့ တခါတခေါက်  ပြန်စမြဲ။ ဆွေမျိုးများ၊ ငယ်ပေါင်းကြီးဖော်များနှင့်ဆုံတွေ့ခိုက်  မုန်ညင်းပေါင်းစားကြ၊ ခေါဆီထောင်းစားကြနှင့်။ ရွာကပြန်လာလျှင် မုန်ညင်းမျိုးစုံ၊ပဲစိမ်းတောင့်၊ခေါဆီ၊ ပေါင်းတင်းတို့ကိုခြင်းကြီးခြင်းငယ်အပြည့်နှင့် သယ်လာမြဲ။ ခုတော့ ဘုန်းကြီးတွေပင် ကျောင်းမှာမထိုင်နိုင်။ ပြေးလွှားရင်းခေတ္တခိုအောင်းသောအမိုးအကာသည်သာကျောင်းသင်္ခန်းဖြစ်ကြရသည့်အခြေ အနေ။ ကထိန်ပွဲ၊ ကထိန်သင်္ကန်းအသာထားလို့ လဲလှယ်စရာသင်္ကန်းတစုံလောက်ကိုကျစ်ကျစ်ပါအောင် ထုတ်ထားရသည်။ ကြုံရာတဲကကပ်သောဆွမ်းကို စားကြရသည်။ စစ်မီးကဘုန်းကြီးရဟန်း၊ ကျောင်းသင်္ခန်းရယ်လို့ မရှောင်။ အရာရာကိုဝါးမြိုချေဖျက်ခဲ့သည်။ ချေဖျက်နေဆဲ။ နောက်ထပ်ချေဖျက်မည့်အရိပ်အယောင်များထင်ရှားနေဆဲ။  အထက်မြန်မာနိုင်ငံမီးရထားလမ်းရှိအချက်အချာဖြစ်သောကောလင်းမြို့ကိုသိမ်းလိုက်နိုင်ပြီဆိုတော့ ဝမ်းသာမိသည်။ နှစ်နှစ်ကျော် ကြာကာလအတွင်းပထမဆုံးအကြိမ် နှစ်နှစ်ကာကာပြုံးမိခြင်းပင်။ စိုးရိမ်စိတ်ကတော့ မပျယ်။ ရန်ကုန်သည်ခြောက်သွေ့ခြင်းအားဖြင့် ဆောင်း၏သရုပ်ကိုဖော်လေသည်။ သစ်ပင်တချို့ ရွက်ဟောင်းတွေခါချစပြုပြီ။ လမ်းပေါ်မှာရွက်ကြွေတို့ ဟိုဟိုသည်သည် လွင့်မြောကြပြီ။  တမ်းတမိသောခေါဆီကို ကိုယ့်ဘာသာကိုယ်လုပ်စားမည်ဟုစိတ်ကူးကာရပ်ကွက်ထဲရှိဆန်ဆိုင်မှ ကောက်ညှင်းဆန်တပြည် ဝယ်လိုက်သည်။ ရန်ကုန်မှ ကောက်ညှင်းဆန်သည် ကောလင်းကခေါဆီထောင်းသည့် ကောက်ညှင်းဆန်နှင့်မတူပေ။ ကောလင်းက ကောက်ညှင်းဆန်က လုံးလုံးပုပု၊ ဒီကကောက်ညှင်းဆန်ကသေးသေးရှည်ရှည်ကလေးတွေဖြစ်သည်။ ဘာပဲဖြစ်ဖြစ် ရှိတာနှင့်ပဲရအောင်လုပ်ရပေမည်။
ရွာကလယ်တွေကကောက်ကြီးစပါးစိုက်တာများသည်။ ကောက်ညှင်းတွေမှည့်ပြီဆိုလျှင် စပါးတွေကမရိပ်ရသေး။ သည်တော့ ကောက်ညှင်းစိုက်သောလယ်ကိုလှည်းဝင်၍ မရသောကြောင့် ကောက်လှိုင်းတွေကိုကန် သင်းရိုးအတိုင်းထမ်းပြီးထုတ်ရသည်။ ရွာကတလင်းကိုရောက်မှ ရိုက်ခြွေရသည်။ ရလာသည့် ကောက်ညှင်းစပါးတို့ကိုဖွပ်လိုက်လျှင် ကောက်ညှင်းဆန်ရပြီ။ တင်တင်သည် ကောက်ညှင်းဆန်ကိုရေစိမ်ထားလိုက်ပြီးနောက်နေ့ ခေါဆီထောင်းရာတွင်လိုအပ်မည့် ပစ္စည်းများကိုပြင်ဆင်သည်။ လျှော်ဖွပ်ထားသောပီနန်အိပ်ကြီးနှစ်လုံး၊ စကောတချပ်။ ပြီးတော့ တူ။ တူကိုရေဆေးသန့်စင်ထားလိုက်သည်။ ရွာမှာကတော့ သစ်သားတင်းပုတ်နှင့်သော်လည်းကောင်းပုဆိန်အနှောင့်နှင့်သော် လည်းကောင်း ထုထောင်းကြသည်။ အခုတော့ ထုစရာတူပဲရှိသည်။ တူကိုသန့်ရှင်းအောင် ဆေးကြောရင်းအကို့ကိုသတိရမိသည်။ ရွာမှာဆိုရင်တော့ လူပျိုကာလသားများကအပျိုရှိသည့်အိမ်ကိုသွားရောက် ခေါဆီကူထောင်းပေးရင်းပိုးပန်းကြသည်။ အခုတော့ အကိုသည် ကောင်းကင်ယံကဘယ်ကြယ်ပွင့်ကိုများပိုးပန်းရင်းခေါဆီထောင်းနေလေမလဲ။ တိုက်တန်းများကြားမှ မြင်ရသောကောင်းကင်ကျဉ်းကျဉ်းကိုမော့ကြည့်မိသည်။ ကြယ်တွေစုံတဲ့ ညကျရင်တော့ ကောင်းကင်မှာအကို့ကိုတွေ့လိုတွေ့ငြားရှာကြည့်ဦးမည်။ ခေါဆီထောင်းရန် ပြင်ဆင်စရာရှိသည်တို့ကိုပြင်ဆင်ပြီးနောက် မနက်ကဝယ်ထားသည့် မုန်ညင်းနှစ်စည်းကိုယူကာသင်သည်။ မုန်ညင်းချဉ်တည်မည်။ အလျဉ်ရှိသည်မို့ ဒီနေ့အချဉ်တည်ထားလျှင် နောက်နေ့ နေခင်းလောက်ဆိုချဉ်နေလောက်ပြီ။ ခေါဆီနှင့်မုန်ညင်းချဉ်ကလိုက်ဖက်လှသည်။ 
ထောင်းထားသောခေါဆီပြ…

မင်းငြိမ်းအေး - သက်သေခံကဗျာ(* ကိုလူအိမ်သို့)
https://ift.tt/4TnPxok
Mediaကဗျာဆရာလူအိမ်သက်သေခံကဗျာမင်းငြိမ်းအေး(မိုးမခ) နိုဝင်ဘာ ၃၀၊ ၂၀၂၃
နာဆာကစုံစမ်းထောက်လှမ်းလို့မရတဲ့အရာဟာကဗျာဖြစ်တယ်လွန်းပျံယဉ်လိုဂြုလ်တုလိုပန်းကန်ပြားပျံလိုပုံစံအမျိုးမျိုးနဲ့ကဗျာပတ်လမ်းမှာကမ္ဘာကြေလည်းကဗျာမကြေတဲ့စိတ်နဲ့ရှင်သန်လှည့်ပတ်ကြတယ် ။တရားတော်အတိုင်းဗောဓိပင်နဲ့ရွှေပုလ္လင်ကိုတွေ့ခဲ့တယ် ။တရားတော်အတိုင်းဒေဝဒတ်ကိုဖျောင်းဖျတယ် ။ကဗျာကမြောက်ဝန်ရိုးစွန်းလိုသံလိုက်ဓါတ်လဲရှိသလိုတစ်နေ့ချင်းမျှင်းသတ်တဲ့အဆိပ်လည်းဖြစ်တယ် ။ကဗျာဆရာဟာဆေးရည်မစိမ်ပဲသူ့ကဗျာကိုမပုတ်သိုးအောင်ထားနိုင်တယ် ။ကဗျာဆရာရဲ့အလိုကလူသေရင်၊ခုနှစ်ရက်ထားလို့ရတယ်ကဗျာသေရင်နေ့ချင်းချရမယ် ။ကဗျာဟာသိပ္ပံနည်းကျတဲ့ဝိဇ္ဇာအတတ်ဖြစ်တယ်ကမ္ဘာပြုမိုးလည်းဖြစ်တယ်ကမ္ဘာဖျက်လက်နက်ဆန်းလည်းဖြစ်တယ်။ကဗျာရေးတိုင်းလည်းကဗျာဆရာမဖြစ်အောင်ပိတ်ပင်တားဆီးထားတယ်လိုအပ်လာရင်ကဗျာအာဏာပါတိမောက်လည်းပြနိုင်တယ်။ကဗျာဟာငြိမ်းချမ်းရေးလိုလားပေမယ့်ကမ္ဘာကအကြိမ်ကြိမ်ပယ်ချခဲ့တဲ့နိုင်ငံရေးကျမ်းတစ်စောင်ဖြစ်တယ် ။ဒီကဗျာမှာကဗျာဆရာကိုဝှက်ထားတယ်ကဗျာပတ်လမ်းမှာကမ္ဘာရဲ့မြေသားထုအောက်မှာပေါ့ ။
(* ကိုလူအိမ်သို့) ** ကဗျာဆရာလူအိမ်သည် ၁၉၈၈ အရေးတော်ပုံအလွန်ကာလတွင် တောခိုကျောင်းသားတဦးဖြစ်သည်။ တော်လှန်ရေးနယ်မြေတွင် ညီနိုင်ကလောင်ဖြင့် ကဗျာများရေးသားခဲ့သည်။  ၂၀၁၈ ခု နိုဝင်ဘာ ၂၉ ရက်တွင် ရန်ကုန်မြို့ ဦး‌ေနှာက်နှင့် အာရုံကြောကုသဆောင်တွင် ကုသခံနေဆဲ ကွယ်လွန်ခဲ့သည်။ -Join Us @ MoeMaKa Telegramt.me@moemaka#MoeMaKaMedia#WhatsHappeningInMyanmar

အောင်ဝေး - ခွပ်ဒေါင်းအိုကြီးတစ်ကောင်ရဲ့ ရင်ကွဲနာကျတေး
https://ift.tt/fVZUwIr
<a href="https://blogger.googleusercontent.com/img/a/AVvXsEioI5IyZyoPvj5yT_w04iLpzNog3m-6FlM1unjolkzaCeD_wTwIhSEWr-BbWI06PAtra6JSMi01ResVYbFx_HGsP0oEhraR_n1ybrbTQtYqIh0sm_prqjkjbjOan3wuZk4JBLPEb4ihejkKMJQ3ssApv6Tib-c7z4PANnnUdx5orI7lvXWcUzPWNNldz3s">Media</a>
အောင်ဝေး - ခွပ်ဒေါင်းအိုကြီးတစ်ကောင်ရဲ့ ရင်ကွဲနာကျတေး(မိုးမခ) နိုဝင်ဘာ ၃၀ ၊ ၂၀၂၃
ကျနော့်မှာ အနွယ်တော်ချစ်စိတ် ရှိသည်။ ၂၀၀၄ ခုနှစ်၊ ဖေဖော်ဝါရီလ အလယ်လောက်တုန်းက မြိတ်ကျွန်းစု၊ ဗိုလ်ချိုကျွန်း၊ မကြုံဂလက်ရွာမှာ ကျင်းပတဲ့ ဆလုံရိုးရာပွဲတော်မှာ ရဲဘော်ညိုမြင့်နှင့် တွေ့ဆုံခဲ့ရသည်။ သူသည် ကျနော့်သူငယ်ချင်း ငြိမ်းအေးအိမ်၊ နေမျိုးဇော်၊ ကဗျာဆရာမ မအိတို့နှင့်အတူ ဗကပတောပြန်တစ်ဦး။ ကျနော်က ကိုညိုမြင့်ကို ကျနော်တို့ အနွယ်တော်တွေ ယခုလို မမျှော်လင့်ဘဲ တွေ့ဆုံရသည့်အတွက်ဝမ်းသာကြည်နူးမိကြောင်း ပြောပြခဲ့သည်။ ကျနော်လည်း နရသိန်ပြန် ဗကပ (ဗကပနရသိန်ပြန်) တစ်ယောက်ပဲ မဟုတ်လား။မနေ့တစ်နေ့က ကျနော်တို့ ချစ်ခင်လေးစား အားကျ အတုယူရတဲ့ ကျွန်းပြန်ကြီး အစ်ကိုတော်ရဲဘော်ဖိုးသံချောင်းက ကွယ်လွန်သွားတာ မကြာသေးတဲ့ သူ့ရဲ့ ညီငယ် စာရေးဆရာ ညီပုလေးအကြောင်း facebook မှာလွမ်းစာ ရေးတင်လိုက်သည်။ ကျနော် ဖတ်ပြီး သူတို့ ညီအစ်ကို နှစ်ယောက်ကို လွမ်းမိသွားသည်။ ကိုဖိုးသံ[အစ်ကိုကြီးကလောင်နာမည်က ဖိုးသံ(လူထု) ဖြစ်ပါသည်]က တရုတ်ပြည် ရွှေလီမှာ နေသည်။ ကျနော်က အမေရိက မဲဇာမှာ။ ကျနော် လွမ်းစိတ်နဲ့ သူ့  post အောက်မှာ comment ဝင်ရေးလိုက်သည်။ "မသေခင် ကျနော်တို့အနွယ်တော်တွေ ပြန်ဆုံချင်ပါသေးတယ် အစ်ကိုကြီးရေ"ကျနော် အနွယ်တော်ချစ်စိတ် ကြီးပါတယ်ဗျာ။ ကျနော် ၁၉၇၄-၇၅-၇၆ ကျောင်းသားမျိုးဆက်။ ဒီကနေ့ ကျနော့် နိုင်ငံရေး၊ ကျနော့် စာပေ အနုပညာသည် ကျောင်းသားတိုက်ပွဲကြားက ပေါက်ဖွားဆင်းသက်လာတာ ဖြစ်ပါသည်။ ကျနော်တို့ မျိုးဆက်ခေတ်၊ တစ်နည်း မဆလခေတ်မှာ ကျောင်းသားသမဂ္ဂ မရှိပါ။ ရှိလို့လည်း မရပါ။ ဖွဲ့စည်းဖို့လည်း မလွယ်ကူပါ။ ကျနော်တို့မှာ ကျောင်းသားဖြစ်ပေမဲ့ ကျောင်းသားသမဂ္ဂ မရှိ။ ဗကသ မရှိ။ တကသ မရှိ။အဲဒီတုန်းက ကျနော်တို့မှာ "ဗကပ"ပဲ ရှိပါသည်။ ဗကပ အတွေးအခေါ် (မတ်ဝါဒ၊ လက်ဝဲ)သည် ကျနော်တို့ကျောင်းသားတိုက်ပွဲ၏ အလုပ်လမ်းညွှန် ဖြစ်ပါသည်။ကျနော်တို့သည် ဗကပ လိုလားသော လက်ဝဲကျောင်းသားများ ဖြစ်ကြပါသည်။နေဝင်း-စန်းယု မဆလ စစ်အစိုးရ ဖြုတ်ချရေး အတွေးအခေါ်သည် လက်ယာဘက်က မလာပါ။ လက်ဝဲဘက်ကသာ လာပါသည်။ဖဆပလခတ်ဦးက ၁၉၅၁ တွင် ကျောင်းသားအင်အားထု နှစ်ခြမ်းကွဲခဲ့သည်။ တစ်ခြမ်းမှာ ကျော်ငြိမ်း မယား ခင်နွဲ့ရီ ထဘီကို လျှော်ပေးတဲ့ DSO (Democratic Student's Organization) ဟု ခေါ်သည့် အစိုးရလက်ကိုင်တုတ် ဖောက်ပြန်သော ကျောင်းသားအုပ်စု ဖြစ်သည်။ အစိုးရကို ပြတ်ပြတ်သား တိုက်တဲ့ ကျောင်းသားအုပ်စုကို PSF(Progressive Student Force)လို့ခေါ်သည်။ ၁၉၅၃ အောက်တိုဘာ ကျောင်းတစ်လပိတ်ရေး လှုပ်ရှားမှုအပြီးတွင် PSF ကို SUF(Students United Front) ဟု ပြောင်းလဲလိုက်ပြီး "တပ်ဦး"ဟူ၍ခေါ်တွင်ခဲ့ကြပါသည်။ကျနော်တို့သည် ထိုတပ်ဦး၏ အစဥ်အလာကို လိုက်နာခဲ့ကြပါသည်။ ကျနော်တို့ခေတ်မှာလည်း မဆလ စစ်အာဏာရှင်စနစ်ကို ဆန့်ကျင်တော်လှန်နေသော တိုးတက်သည့် ကျောင်းသားအင်အားစုရှိသလို၊ မဆလလက်ကိုင်တုတ် "လမ်းစဥ်လူငယ်"ဆိုသည့် ကျောင်းသားဖောက်ပြန်ရေးသမားများလည်း ရှိခဲ့ပါသည်။ကျနော် ကျောင်းသားလှုပ်ရှားမှုထဲက လာပါသည်။ ကျနော့်မှာ ခွပ်ဒေါင်းစိတ်ဓာတ် အပြည့်ရှိပါသည်။ ခေတ်အဆက်ဆက် စစ်အာဏာရှင်စနစ် ဆန့်ကျင်ဖြုတ်ချရေး တိုက်ပွဲဝင် ကျောင်းသားများသည် ကျနော်(တို့)၏ အနွယ်တော်တွေပဲ ဖြစ်သည်။ ကျောင်းသားနိုင်ငံရေး တိုက်ပွဲထဲကနေ ကျနော် အကျဥ်းထောင်ထဲ ရောက်ခဲ့သည်။ အကျဥ်းထောင်က ပြန်လွတ်လာသည့်အခါ ကျနော်နိုင်ငံရေး(သမား) ကဗျာဆရာတစ်ယောက် ဖြစ်လာခဲ့သည်။ (NLD ခေတ်ဦးက ဒေါ်အောင်ဆန်းစုကြည် တာဝန်ပေး၍ ကျနော် ဧရာဝတီတိုင်း စည်းရုံးတာဝန်ယူခဲ့ဖူးပါသည်။)၁၉၉၁ ကျနော် အကျဥ်းထောင်က တတိယအကြိမ်မြောက်အဖြစ် ပြန်လည် လွတ်မြောက်လာသည့်အခါ၊ ကျနော့်မိခင်တပ်ရင်း (Mother unit) ဖြစ်သည့် စာပေလောကအတွင်းသို့ အပြီးပြန်လည်ဝင်ရောက်လာခဲ့ပါသည်။ မညာတမ်း ဝန်ခံရလျှင် ထိုအချိန်အထိ ကျနော် မတ်ဝါဒကို ယုံကြည်သက်ဝင်လေ့လာနေဆဲ၊ ဗမာပြည်ကွန်မြူနစ်ပါတီ(ဗကပ)ကို လွမ်းနေဆဲ ဖြစ်ပါသည်။ (၁၉၈၇ လောက်က မြန်မာ့ဆိုရှယ်လစ်လမ်းစဥ်ပါတီ ဗဟိုဌာနချုပ်၏ လျှို့ဝှက်အစီရင်ခံစာတစ်စောင်တွင် ကျနော့်ကို "တောမျှော်"ကဗျာဆရာဂိုဏ်းတွင် ထည့်သွင်းဖော်ပြထားခဲ့ပါသည်)ကျနော်သည် အနွယ်တော်ချစ်စိတ်ရှိသော ကဗျာဆရာတစ်ယောက် ဖြစ်ပါသည်။ကျနော့်အနွယ်တော် ကျောင်းသားမျိုးဆက်အသီးသီးကို ကျနော် ချစ်သည်။ကျနော်က ကျနော် ချစ်ကြောင်းကို ကဗျာနှင့် ဖော်ပြတတ်သည်။"အောင်ကျော်ရေ...မင်း သေရတာ၊ တို့ဖြေသာတယ်မင်းမှာနယ်ချဲ့လက်ချက်မို့။<i>(ဆဲဗင်းဂျူလိုင်ကဗျာတစ်ပုဒ်မှ)</i>၁၉၃၈အောင်ကျော်ကစ၊ ကျခဲ့တဲ့သွေးနီနီစွေးဟေ့အရေးတော်ပုံအောင်ခဲ့သည်။၁၉၈၈ဖုန်းမော်ကစ၊ ကျခဲ့တဲ့သွေးနီနီစွေးဟေ့အရေးတော်ပုံအ…

မောင်ဘဦး - ဆုတောင်းပါရ အကြိမ်ကြိမ်အခါခါ...
https://ift.tt/l9ipxav
<b>Media</b><b>ဆုတောင်းပါရ အကြိမ်ကြိမ်အခါခါ...</b><b>မောင်ဘဦး</b><b>(မိုးမခ) ဒီဇင်ဘာ ၁၊ ၂၀၂၃</b>
   ရက်၃၀မှာ စက်တင်ဘာ၊ ဧပြီ ဂျွန်နဲ့ နိုဝင်ဘာ၊   ကျန်လများမှာ ၃၁၊ ဖေဖော်ဝါရီ ၂၈၊   ရက်ထပ်နှစ်မှာ ၁ ရက်တိုး၊ ဖေဖော်ဝါရီ ၂၉။
 မူလတန်းကျောင်းသားဘဝက သင်ယူခဲ့ရသော လကုန်ရက် လင်္ကာဖြစ်ပါ၏။ ဒီနေ့ နိုဝင်ဘာ ၂၉ ဆိုတော့ ဒီဇင်ဘာရောက်လာဖို့ ၂ ရက်ပဲလိုတော့ သည်။ 'မွေးဂဏန်း' တွေကို စာရင်းသွင်းရမည်။ ပြီးတော့ 'ဆရာ့' ဆီက 'ပိတ်ဂဏန်း' တွေကို လယ်ဂျာစာရင်း မျက်နှာဖုံးပေါ်တွင် ရေးမှတ်ထားရမည်။ အလွတ်အာဂုံပါ ဆောင်ထားရမည်။ လဆန်း ၁ ရက်နှင့် ၁၆ ရက်၊ ဖွင့်သည့်နေ့တွေကတော့ လာထိုးသူတွေများလွန်းလို့ မနက်မိုးလင်းက တည်းက ၁၁ နာရီလောက်အထိ 'ဘရိတ်ပင် ကောင်းကောင်း မဖတ်နိုင်'။ ဒါတောင် အခုမှ စ,ရသည့် ၂ ထောင် ဘရိတ်လေး။
ဒိုင်ကြီးဖြစ်သူ ဘောစိဆရာဆီက 'ပိတ်ဂဏန်း' ကို အလွတ်မကျက်လို့က မဖြစ်။ ပိတ်ဂဏန်းထဲက ပေါက်ဂဏန်းများပါသွားလျှင် ဒိုင်က အလျော်ပေးမည်မဟုတ်။ ၂ ထောင်ဂိတ်အတွက် ရောင်းကြေး ၅,၀၀,၀၀ဝ/ အပ်ရသည်ကို ရောင်းပေးခ ၂၅,၀၀၀/ ရတာလေးနှင့် မိမိလည်း စိုက်မလျော်နိုင်။ ဒီတော့ ရေးတာမှတ်တာရော အလွတ်အာဂုံ‌ပါ ဆောင်ထားရပေမည်။ ၂ ထောင်ဘရိတ်အတွက် ရောင်းကြေး ၄,၇၅,၀၀၀/ ကိုတော့ ဘောစိထံ အပ်ကိုအပ်နိုင်ရမည်။ မပြည့်လျှင် အိတ်ထဲက စိုက်ဖြည့်ပြီး အပ်ရုံသာ။  ၄,၇၅,၀၀၀ ထက်ကျော်လျှင်တော့ ဒိုင်အပ်ငွေ ကျော်ကျော်သလောက် ကော်မရှင်ရပေသည့်။ အခုမှ စလုံးရေစ,ရောင်းရသူမို့ အောက် ထစ်ရောင်းကြေး ၄၇၅၀၀၀/ ရအောင်က အတော်ကြိတ်ရသည်။ ရောင်းကြေး ဂိတ်မီပါစေကြောင်း အခါခါဆုတောင်းသမှုပြုရသည်။   ဒါတောင် ၂ ထောင်ဂိတ်။   ၅ ထောင် ၁ သောင်း ဂိတ်တွေကတော့ ဝါရင့်ချဲရောင်းသူ ဆရာကြီးတွေမှသာ တတ်နိုင်ပေမည်။
အရင်တုန်းကဆို ကိုယ့်ကချည်း 'ဆရာ' အခေါ်ခံရပြီး မှတ်သားစရာ  ကျက်မှတ် အာဂုံဆောင်စရာတွေကို ကိုယ်ကပဲ သင်ကြားညွှန်ကြားလေ့ ရှိခဲ့ပေမင့်၊ အခုတော့ စီဒီအမ်ကျောင်းဆရာကြီး မိမိမှာ တွံတေးသိန်းတန် 'စိုးမိုးမေတ္တာ' ထဲက 'ကိုမောင်မောင်လွင်' လို သမုဒ္ဒရာဝမ်းတစ်ထွာအတွက် အခြေအနေအရ 'ဆရာ' မခေါ်ချင်လည်း ခေါ်ရပါလေပြီ။
ဆိုင်ကယ်တားပြီး လိုင်စင်အစစ်ခံရတုန်းလည်း "ဒါလေး ပါတာ၊ ယူလိုက် ပါတော့ ဆရာရယ်" ပြောပြီး၊ ၅၀၀၀ တန် တစ်ရွက်ပေး၊ 'ဆရာ'ခေါ်ပြီး အမြန်လစ်ပြေးခဲ့ရဖူးသည်။ စီဒီအမ်ဘဝ၊ 'ဆရာ' မခေါ်ချင်ပဲနှင့် 'ဆရာ' ခေါ်ခဲ့ရပေါင်းကတော့ ရိုးအီနေလေပြီ။
 "... အပ်ထားတဲ့ ၁၅ သိန်းလုံး အကုန် ထုတ်ချင်ပါတယ် ဆရာ..."
   "... မရဘူးဗျ၊ သိန်းရာထောင်ချီ အပ်ထားသူတွေလည်း တစ်ပတ်မှာ တစ်ကြိမ်၊ တစ်လ နှစ်ကြိမ်၊ တစ်ကြိမ်မှာ ၁၀သိန်းပဲထုတ်ပေးတယ်၊ ကြေငြာချက်ကို ဖတ်ကြည့်ပါ ဦးလေး ...။"
မိခင်အိုကြီး ဆေးရုံတက်ရ၍ ၁၂ သိန်းလောက် လိုသဖြင့် ပုဂ္ဂလိကဘဏ်မှာ အပ်ထားသော အိုစာမင်းစာလေး သွားထုတ်တော့ 'ဆရာ' ချင်း မိုးမွှန်အောင် ခေါ်ခဲ့ဖူးသည်။ သို့သော် မရခဲ့။ မိမိ၏ဆယ်ဂဏန်းလောက်ကို အသာထား၊ သိန်း ရာထောင်ချီအပ်ထားသူတွေကိုပင် ဤနည်းပဲပေးပါ သည် တဲ့။ ကျန် ၂ သိန်းကို အသိ မိတ်ဆွေဆီက ဆွဲလိုက်ရသည်။
   "...ဟို ဆရာဖြင့်ကွာ အထက်အညာမှာ အဆင်ကိုပြေလို့၊ ရာထူးက တိုးသေး၊ ထွက်လိုက်ပါလားသူငယ်ချင်းရာ ..."
ကရုဏာစကား ဖြစ်ပါငြား၊ "...နန်းစီကိစ္စနဲ့ပတ်သက်ပြီး နောက်ထပ်ဘယ် တော့မှ မပြောနဲ့ကွာ၊ ရော့ မင့်ငွေ ..." ဟုဆိုကာ ယူထားသော လက်ထဲကငွေကို ပြန်ပေးလိုက်ချင်သော်လည်း မိခင်အိုကြီးမှာ ဒီနေ့ပဲ ဆေးရုံဆင်းရမည် ငွေလိုနေသည်မို့ အသာမျိုချလိုက်ရသည်။ ကျန်းမာရေးကိစ္စနှင့် ပတ်သက်လာပြီဆိုမှဖြင့် ငွေက အတော်လိုသည်။ သည်အတွက် ကျန်းမာပါရလိုကြောင်း အခါခါဆုတောင်းမိသည်။
 စီဒီအမ်ဝင်ခါစ,က "... နောက်နှစ်မှာ ပင်စင်ယူတော့မယ့် ဆရာကြီးတောင် စီဒီအမ်ဝင်မှတော့ ကျမတို့လည်း ဝင်ရမှာပေါ့..." ဆိုသူ ဘဝတူ ဆရာဆရာမများရှိသလို၊ "...စီဒီအမ်ဝင်တော့ ဘယ်သူက လာကျွေးမှာလဲ၊ ဘာသွားစားရမှာလဲ" ဆိုသည့်ဆရာမများလည်း ရှိပါလေသည်။ "...ကျနော်တော့ ပင်စင်အထိ မှေးနေလိုက်တော့မယ်..." ဆိုသည့် နန်းသူ ငယ်ချင်းများလည်း ရှိသေးသည်။   "...သမီးတော့ စီဒီအမ်ထွက်လိုက်ပြီ ဆရာကြီး၊ ဝန်ခံကတိကို ခရိုင်ရုံးအထိ လျှောက်လွှာသွားယူပြီး လက် မှတ်ထိုးတင်ရတယ်၊ ပြီးတော့ ၂ ယောက်ထဲ လူချင်းတွေ့ပြီး နောက်နောင်မလုပ်တော့ပါဘူးး ကျမ်းကျိန်ရတယ်၊ နောက်လကစပြီးတော့ လစာရတယ်၊ အရင်တုန်းက ပေးထားတာတွေတော့ ဖြတ်ယူလိုက်တယ်... ။"   "... ဟိုဆရာမက၊ သူနယ်က ကျောင်းသွားတက်လို့မှ မရတာ၊ 'စီ' မဝင်ဘူးရယ် ... ။"
'နန်းစကား' ကြားလိုက်တိုင်း တိရစ္ဆာန်လိုကြိုးတုပ်ပြီး ဖမ်းဆီးခေါ်ဆောင်ခံရတဲ့ ခမောက်နဲ့ ကျောင်းစိမ်းလုံချည်လေးတွေကိုချည်း ပြေးမြင်မိသည်။ ပြီးတော့ တက်သစ်စနုနုနယ်နယ် အင်ဂျင်နီယာအရာရှိလေးတွေ ဆရာ ဝန်ဆရာဝန်မလေးတွေကိုလည်း မြင်ယောင်မိသည်။ တချို့က တောထဲမှာ တောင်ထဲမှာ။ တချို့က ထောင်ထဲမှာ။ တချို့က တိတ်တခိုးငိုရှိုက်ရ။ တချို့က စစ်ကြောရေးမှာပင် သက်ဆိုးမရှည်လိုက်ကြ။
စီဒီအမ်ဝင်စ, ကာလက သိပ်မသိသာပေသိ၊ ၂ နှစ်ကျော် ၃ နှစ် အတွင်းက တော့ တော်တော်ကြီးကို ရုန်းကန်ခဲ့ရသည်။ ရုန်းထွက်ခဲ့ရသည်။…

ဗမာကြီး - မြန်မာစစ်အစိုးရ ကျဆုံးခါနီးပြီ၊ အမေရိကန်သည် ပျက်စီးခြင်းအတွက် ကြိုတင်ပြင်ဆင်သင့်ပြီ
https://ift.tt/1bSv2k8
<a href="https://blogger.googleusercontent.com/img/a/AVvXsEhbu-TijIZKoN_6GImSeSV4KZ-W-uarzK8pI5Q0Wvj-x0NpY4rXTx_OcIlZwfPopju7BCRciES2j1Kq8tYHvQvW9hjjYMjrqaoTr8-0VYZXcRFquEhK0IItxskphC5arYB3Q2DSA6YF76ZJXX26TvTHp_rG-HiEd61_OjdCcU6bfvlr0hn2qosxJsvEu6Q">Media</a>
ဗမာကြီး - မြန်မာစစ်အစိုးရ ကျဆုံးခါနီးပြီ၊ အမေရိကန်သည် ပျက်စီးခြင်းအတွက် ကြိုတင်ပြင်ဆင်သင့်ပြီ(မိုးမခ) ဒီဇင်ဘာ ၁ ၊ ၂၀၂၃
ဒီမိုကရေစီနည်းအရ  ရွေးချယ်တင်မြှောက်ထားသော အစိုးရထံမှ အာဏာကို သိမ်းယူပြီးနောက် သုံးနှစ်ခန့် ကြာမြင့်လာသောအခါ တိုင်းပြည်ကို ပြည်တွင်းစစ် ဖြစ်ပွားစေပြီး စစ်ပွဲများတွင် အစိုးရမှ နိုင်မည့် လက္ခဏာမရှိဘဲ ဖြစ်နေပါသည်။ ကမ္ဘာ့နိုင်ငံများအနေဖြင့် အစိုးရ ပြိုလဲမည့်အရေးကို ကြိုတင်စဉ်းစားနေသင့်ပါပြီ။ အချိန် အနှေး အမြန်ကိုမူ ပြောရန် မဖြစ်နိုင်ပါ။ ဆိုလိုသည်မှာ တိုင်းပြည်တွင် ဒီမိုကရေစီနည်းအရ ရွေးကောက်တင်မြှောက်ထားသည့် ကိုယ်စားလှယ်များဖြင့် ဖွဲ့စည်းထားသော NUG- National Unity Government ရှိပြီး ဖြစ်ရာ ၎င်းတို့နှင့် စကားပြောရန် အချိန်ကျရောက်နေပါပြီ။တိုင်းရင်းသားတပ်ဖွဲ့များ၏ လက်နက်များ ကောင်းမွန်စွာ တပ်ဆင်ထားသော စစ်တပ်များသည် နိုင်ငံတဝန်း အောင်မြင်မှုများ ရရှိခဲ့ပါသည်။ နောက်ဆုံး ထိုးစစ်သည် အောက်တိုဘာလ ၂၇ ရက်နေ့တွင် စတင်ခဲ့ပြီး အစိုးရ၏ တပ်စခန်းများစွာကို အောင်မြင်စွာ သိမ်းပိုက်နိုင်ခဲ့ပါသည်။ ၎င်းတို့ထဲတွင် တရုတ်နိုင်ငံ နယ်ခြားမျဉ်းနှင့် နီးစပ်နေသော စစ်စခန်းများလည်း ပါဝင်ပါသည်။ အလားတူတော်လှန်သူများက စစ်ကိုင်းတိုင်း၊ ချင်းပြည်နယ်နှင့် ရခိုင်ဒေသတို့တွင်လည်း စစ်စခန်းများစွာကို သိမ်းပိုက်နိုင်ခဲ့ပါသည်။သို့ပါသော်လည်း ထိုအောင်မြင်မှုများမှာ NUG အတွက် များစွာ အထောက်အကူမပြုခဲ့ပါ။ NUG သည် တိုင်းပြည်၏ အဝေးရောက် အဖွဲ့အစည်းဖြစ်ပြီး ထိုအစိုးရတွင် ဒေါ်အောင်ဆန်းစုကြည်၏ National League For Democracy ပါတီမှ လောလောဆယ် အကျဉ်းချခံနေရသူများနှင့် အဝေးရောက်ပြည်သူများ ပြည်တွင်း နှင့်ပြည်ပမှ နိုင်ငံရေးတက်ကြွလှုပ်ရှားသူများ ပါဝင်ကြပါသည်။ ထိုအစိုးရသည် ယနေ့ ကမ္ဘာ့ကုလသမဂ္ဂမှ မြန်မာနိုင်ငံ၏ နေရာကိုလည်း ယူထားပါသည်။ သို့ရာတွင် NUG အစိုးရမှာ အမေရိကန်နိုင်ငံ အပါအဝင် နိုင်ငံများမှ အသိအမှတ်ပြုမှုကို မျှော်လင့်နေပါသည်။တစ်ဦးနှင့် တစ်ဦး အဆင်မပြေဘဲ ရန်ဖြစ်နေကြသော နယ်စပ်မှ တိုင်းရင်းသားအဖွဲ့များ၏ စစ်တပ်များက မြန်မာ့နယ်ခြားမျဉ်းဒေသကို ရှုပ်ထွေးစေခဲ့သည်မှာ ဆယ်စုမက ကြာခဲ့ပါပြီ။ သူတို့တွင် ကိုယ်ပိုင်မျှော်လင့်ချက်များရှိကြပြီး ပြည်ပမှ အထောက်အပံ့ကို ရယူရန် ကြိုးစားနေကြရာ အထူးသဖြင့် တရုတ်တို့၏ အကူအညီကို ယူကြရပါသည်။ ၎င်းတို့သည် ယခုအခါ နိုင်သည့်ဘက်သို့ ရောက်သွားပါပြီ။ သူတို့သည် နှစ်ပေါင်းကြာရှည်စွာ ရပ်တည်နိုင်ကြခြင်းမှာ တရားမဝင် စီးပွားရေးလုပ်ငန်းများကြောင့် ဖြစ်ပါသည်။ သူတို့သည် လူကုန်ကူးခြင်း၊ မူးယစ်ဆေးဝါးလုပ်ငန်း၊ သစ် နှင့် တောရိုင်းတိရစ္ဆာန် ရောင်းဝယ်ခြင်း စသော လုပ်ငန်းများကို လုပ်ကိုင်ကြပါသည်။ တိုက်ပွဲများ ပိုမိုပြင်းထန်လာရခြင်းမှာ ထိုနယ်ခြားဒေသ ရှမ်းပြည်တွင် အွန်လိုင်းလောင်းကစားခြင်းဂိုဏ်းကို တရုတ်ပြည်အစိုးရက နှိမ်နင်းရာမှ စတင်လာခဲ့ခြင်းဖြစ် ပါသည်။ တရုတ်တို့က ဦးဆောင်ပြီး လုပ်နေကြသောလုပ်ငန်းများ ဖြစ်ပါသည်။ ထိုသူတို့၏ စိတ်ကူးတွင် မြန်မာအစိုးရအား ဖြုတ်ချရန် တိုင်းပြည်တွင် ဒီမိုကရေစီထွန်းကားစေရန် စသော အချက်များ မပါဝင်ခဲ့ပါ။သို့တစေ မြန်မာအစိုးရ၏ တပ်မတော်မှာ အင်အားချည့်နဲ့လာခဲ့ပါသည်။ တပ်များကို နေရာများစွာ ဖြန့်ထားရပြီး စစ်မျက်နှာများမှာ အများကြီးဖြစ်နေပါသည်။ တပ်များကို မြေပေါ်တွင် လွတ်လပ်စွာ မရွှေ့ပြောင်းနိုင် သောကြောင့် လေကြောင်းမှ တိုက်ခိုက်ခြင်းများကို အားထားရနေရပြီး၊ အပြစ်မဲ့ပြည်သူများမှာ သူတို့က ကျေးရွာများပေါ်သို့ ဗုံးကျခြင်းကြောင့် သေဆုံးကြရပါသည်။ တိုက်ခိုက်သူ သူပုန်များက အစိုးရကို ဓာတုလက်နက်များကို သုံးသည်ဟု စွပ်စွဲချက်များလည်း ရှိနေပါသည်။ ထိုအချက်မှာ အမှန်ဖြစ်ပါက အစိုးရအနေဖြင့် အပြည်ပြည်ဆိုင်ရာ ဥပဒေများကို ချိုးဖောက်ရာရောက်ပြီး အပြည်ပြည်ဆိုင်ရာ တရားရုံးသို့ သွားရန်သာရှိပေသည်။မြန်မာပြည်တွင် ဖြစ်ပျက်နေသော ပြည်တွင်းစစ်က လူသားတို့ကို ဆင်းရဲဒုက္ခ အကြီးအကျယ် ရောက်စေပါသည်။ ကမ္ဘာကြီးက အာရုံစိုက်စရာများမှာလည်း များပြားနေသောကြောင့် မြန်မာပြည်မှ ဒုက္ခ များကို လျစ်လျူရှုနေရပါသည်။ သို့သော် မြန်မာပြည် တိုက်ပွဲများကြောင့် လူဦးရေ ၂ သန်းကျော်ခန့် တိုင်းပြည်တွင်းမှာ ပြေးလွှားနေကြရပြီး လူ ၁ သန်းကျော်မှာ ပြည်ပဒုက္ခသည်စခန်းများ၌ နေကြရပါသည်။ ရှမ်းပြည်နယ်တွင် တိုက်ပွဲများ ပြင်းထန်လာချိန်တွင် ကုလသမဂ္ဂက ဆိုသည်မှာ သူတို့ ထောက်ပံ့ကြေးများမှာ သုံးပုံတစ်ပုံသာရရှိပြီး ၎င်းထက်လည်း လျော့နည်းနေသည်ဟု ဆိုပါသည်။အမေရိကန်တို့အနေဖြင့် မြန်မာပြည်၏ အိမ်နီးချင်း သို့မဟုတ် ASEAN- Association…

စစ်ကောင်စီက မျက်နှာလွှဲထားတဲ့ တရုတ်ဆန့်ကျင်ရေး ဆန္ဒပြမှုတွေ၊ ပုဂ္ဂလိကဘဏ်က ငွေ ကျပ် ၄၄ ဘီလျံ NUG သိမ်းဆည်း
https://ift.tt/UqGHD7W
<a href="https://blogger.googleusercontent.com/img/a/AVvXsEh8P67Dw6mQxssM14Jgj1BtmuiwNZGr0KHephF8AWPbXbV7pfzyc_lYVz6i7nG_gI3UnrWcbv3qals2ecihSp4hB5ZSbfkn0oeYWbJCo4Sh8e0Svp2DucZDIK4Fy9Vpl0uV8hjUY8GGNQSaqAIDnsM4UCambkGEcDC2dbQg-h3quhqP895a5c6u1Ygau8o">Media</a>မြန်မာနွေဦး ခရိုနီကယ် - နိုဝင်ဘာ ၃၀ မြင်ကွင်း(မိုးမခ) ဒီဇင်ဘာ ၁၊ ၂၀၂၃
စစ်ကောင်စီက မျက်နှာလွှဲထားတဲ့ တရုတ်ဆန့်ကျင်ရေး ဆန္ဒပြမှုတွေ၊ ပုဂ္ဂလိကဘဏ်က ငွေ ကျပ် ၄၄ ဘီလျံ NUG သိမ်းဆည်းအောက်တိုဘာလကုန် ရှမ်းမြောက်ဒေသမှာ စတင်ဖြစ်ပွားလာတဲ့ ၁၀၂၇ စစ်ဆင်ရေးဖြစ်ပွားပြီး ၁ လ ကျော်လာချိန်မှာ ဒီစစ်ဆင်ရေးမှာ တရုတ်နိုင်ငံက ဘယ်လောက်ထိ လက်ဝင်ပါသလဲ၊ စစ်ဆင်ရေးနဲ့ ပတ်သက်လို့ ဘယ်လောက် သိရှိထားသလဲဆိုတာ ခန့်မှန်းပြောဆိုချက်တွေ ကောက်ချက်ချမှုတွေ အမျိုးမျိုးရှိခဲ့သလို၊ စစ်ကောင်စီ အနေနဲ့ ၄င်းတို့ကို ထောက်ခံတဲ့ အောက်ခြေလူထုထဲက အမျိုးသားရေး အစွန်းရောက်သူတွေ၊ ကြံ့ခိုင်ရေးထောက်ခံသူအချို့ရဲ့ တရုတ်ဆန့်ကျင်ရေး ဆန္ဒပြပွဲတွေကို ခွင့်ပြုထားခဲ့တာကို ကြည့်ရင် ဒီစစ်ဆင်ရေးမှာ တရုတ်နိုင်ငံရဲ့ ပါဝင်မှုကို စစ်ကောင်စီက မကျေမနပ်ဖြစ်တာ ထင်ရှားနေတာ ဖြစ်ပါတယ်။ ပြီးခဲ့တဲ့ နိုဝင်ဘာ ၂၉ ရက်နေ့က နစက ၆/၂၀၂၃ အစည်းအဝေးမှာ စစ်ခေါင်းဆောင် မင်းအောင်လှိုင်က ကိုးကန့်ဒေသနဲ့ ရှမ်းမြောက်ဒေသတွေမှာ ဖြစ်ပွားတဲ့ တိုက်ပွဲတွေမှာ ဒရုန်းဗုံးအရေအတွက် ၂၅၀၀၀ ဝန်းကျင်ထိ အသုံးပြုခဲ့တယ်လို့ ရည်ညွှန်းပြောဆိုရာမှာ တရုတ်နိုင်ငံကို ထည့်သွင်းပြောဆိုခြင်း မရှိသော်လည်း ဒီဒရုန်းဗုံးတွေ အသုံးပြုတဲ့ နည်းပညာ၊ ကျွမ်းကျင်သူတွေကို လေ့ကျင့်မှုတွေမှာ တရုတ်နိုင်ငံက လက်ရာမကင်းကြောင်း ရည်ညွှန်းလိုတာ ထင်ရှားပါတယ်။ ဒီလို လတ်တလော ဖြစ်ပွားတဲ့ ရှမ်းမြောက်က ထိုးစစ်တွေမှာ တရုတ်နိုင်ငံရဲ့ နည်းပညာအကူအညီ၊ လက်နက် အကူအညီတွေ ပါဝင်နေလိမ့်မယ်လို့ စစ်ကောင်စီဘက်က မှတ်ယူထားတာ သေချာပါတယ်။ တဖက်မှာတော့ စစ်ကောင်စီဟာ ဒီအဖြစ်အပျက်တွေမတိုင်ခင်ကတည်းက သဘောတူညီခဲ့တာတွေအရ တရုတ်နိုင်ငံ ရေတပ်နဲ့ ပူးတွဲ စစ်ရေးလေ့ကျင့်တာတွေ ပြုလုပ်ဖို့ တရုတ် ရေတပ် သင်္ဘောတွေ ခုရက်ပိုင်းမှာ ရန်ကုန်မြို့ကို ဆိုက်ရောက်လာတာလည်း ဖြစ်ပါတယ်။ တရုတ်နိုင်ငံအနေနဲ့ မြန်မာနိုင်ငံအရေးမှာ ဒီမိုကရေစီ စနစ်ဖြစ်ထွန်းရေးဆိုတာမျိုး လုံးဝထည့်သွင်း စဥ်းစားခြင်း မရှိတာ သံသယဖြစ်ဖွယ်မရှိပါဘူး။ တရုတ်နိုင်ငံ ကိုယ်၌က ဒီမိုကရေစီ စနစ်ကို လက်ခံကျင့်သုံးတဲ့ နိုင်ငံမဟုတ်ပဲ စီးပွားရေးမှာသာ စျေးကွက်စီးပွားရေး စနစ်ကိုကျင့်သုံးပြီး နိုင်ငံရေးစနစ်မှာတော့ ကွန်မြူနစ်ပါတီတပါတီထည်းက အာဏာကို ချုပ်ကိုင်ထားတဲ့ အာဏာရှင်ဆန်တဲ့ အုပ်ချုပ်မှုနဲ့ အုပ်ချုပ်နေတဲ့ နိုင်ငံဖြစ်ပါတယ်။ မြန်မာနိုင်ငံမှာ အာဏာရှင် အုပ်ချုပ်သည်ဖြစ်စေ၊ ဒီမိုကရေစီ စနစ်အရ ရွေးကောက်ခံ အစိုးရအုပ်ချုပ်သည်ဖြစ်စေ၊ တရုတ်နိုင်ငံအနေနဲ့ ၄င်းရဲ့ စီးပွားရေးအကျိုးစီးပွား၊ လုံခြုံရေး အကျိုးစီးပွားတို့ကို ဦးစားပေးကာ မူဝါဒ၊ လက်တွေ့ကျင့်သုံးမှုတို့ကို လုပ်ဆောင်မှာအသေအချာဖြစ်ပါတယ်။ တရုတ်နိုင်ငံအနေနဲ့ အိမ်နီးချင်း နိုင်ငံတနိုင်ငံဖြစ်တဲ့ မြန်မာနိုင်ငံမှာ အခြားသော အင်အားကြီးနိုင်ငံတခုခုရဲ့ တဆင့်ခံနိုင်ငံသဖွယ် မဖြစ်ဖို့က ပိုပြီးအရေးကြီးတာ ဖြစ်ပါတယ်။ ဥပမာအားဖြင့် အမေရိကန်၊ ရုရှား၊ အိန္ဒိယတို့လို နိုင်ငံတနိုင်ငံငံရဲ့ သြဇာခံ မဖြစ်ဖို့၊ အဆိုပါနိုင်ငံကြီးတွေက စစ်ရေးအရ၊ လုံခြုံရေးအရ မြန်မာနဲ့ နီးနီးကပ်ကပ် ဆက်ဆံတာမျိုး၊ အဲလိုနိုင်ငံ တနိုင်ငံငံက လက်နက်ကိုင်တပ်လို၊ စစ်စခန်းလို၊ စစ်ရေး ပူးပေါင်းဆောင်ရွက်မှုလိုမျိုး မဖြစ်ဖို့ရာ ကြိုတင်တွေးပြီး ကာကွယ်မှာ အသေအချာဖြစ်ပါတယ်။ အိမ်နီးချင်းနိုင်ငံမှာ တခြားသောအင်အားကြီး နိုင်ငံတွေရဲ့ သြဇာလွှမ်းမိုးမှုမရှိစေလိုတဲ့ အချက်က အဓိကအချက် နောက်တချက်အနေနဲ့တော့ အိမ်နီးချင်းနိုင်ငံက အာဏာရှင်ဖြစ်စေ၊ ဒီမိုကရေစီစနစ်နဲ့ တက်လာတာဖြစ်စေ တည်ငြိမ်တဲ့ စစ်မက် ကြီးကြီးမားမား မဖြစ်ပွားတာမျိုးကိုလည်း လိုလားမှာဖြစ်ပါတယ်။ စစ်တပ်အာဏာသိမ်းပြီးနောက် စစ်ကောင်စီခေါင်းဆောင်ရဲ့ ရုရှားဘက်ကို သံတမန်ရေး၊ စစ်ရေး၊ စီးပွားရေး ပိုမိုနီးကပ်စွာ ဆက်ဆံလာတဲ့အပေါ် တရုတ်နိုင်ငံက စိတ်ဝင်တစား စောင့်ကြည့် အကဲဖြတ်နေမှာ သေချာပါတယ်။ ဒီလို အခြေအနေတွေ အပေါ်မှာ တရုတ်နိုင်ငံက မြန်မာစစ်ခေါင်းဆောင်တွေကို သင်ခန်းစာပေး ဆုံးမတဲ့ သဘောလို့ ယူဆရင်မှားမယ် မထင်ပါဘူး။ ဘယ်လောက်ထိ ဆုံးမ မလဲဆိုတာတော့ ခုနေခန့်မှန်းဖို့ မလွယ်ကူသေးတဲ့ သဘောဖြစ်ပါတယ်။ ဒီနေ့အဖို့ အခြားသောအကြောင်းအရာ တခုကတော့ ကောလင်းမြို့ သိမ်းယူခဲ့စဥ်က နိုင်ငံပိုင် မြန်မာ့စီးပွားရေး ဘဏ်အပြင် ပုဂ္ဂလိကဘဏ်တွေက ငွေကြေး ၄၄  ဘီလျံကျပ်ကိုပါ NUG အစိုးရလက်အောက် တပ်ဖွဲ့တွေက သိမ်းဆည်းထားတယ်လို့ နိုဝင်ဘာ ၃၀ ရက်နေ့စွဲနဲ့ NUG ကြားကာလဗဟိုဘဏ်က ကြေညာချက် ထုတ်ပြန်ခဲ့ပါတယ်။ နိုဝင်ဘာလဆန်း ကောလင်းမြို့ကို PDF တွေက သိမ်းယူခဲ့ပြီးနောက် မြန်မာ့စီးပွားရေးဘဏ်က…

ကမ္ဘာတိုင်ဆုံး မောင်စစ်မုန်း - တိုင်းပြည်ပြန်တည် ပါဝင်မည် ဆိုမှ အဆင်ပြေကြတော့မယ် စစ်သားတို့
https://ift.tt/BUZRsKG
Media
ကမ္ဘာတိုင်ဆုံး မောင်စစ်မုန်း - တိုင်းပြည်ပြန်တည် ပါဝင်မည် ဆိုမှ အဆင်ပြေကြတော့မယ် စစ်သားတို့(မိုးမခ) ဒီဇင်ဘာ ၁ ၊ ၂၀၂၃
ညီနောင်က ၃ ဖော်အမုန်းဆော် အပီပလေးမယ့်ဒီဒေးက ၂၇အတိုင်းထက်အလွန် တံခွန်နဲ့ကုက္ကားဥဿဖယားနဲ့ စိန်ကျောက်ထိန်တောက်တဲ့အခိုက်တြင်းကိုက် နဝင်းကိုက်မို့အတင်းမတိုက်ရဘဲရင်းလိုက်ကယ် ခိုဝင်ကုန်တော့ဟိုဘုရင် ဝမ်းတွင်းရူးမှာကွယ်လူးလွင့်လွတ်ခါ။ 
အဖြစ်သနစ် ဆိုးချင်တော့စဝင်လာတဲ့ရင်းကလဲ ၁၂‌၉ ပါဗျရိုးရိုးနဲ့ရှင်းရှင်း အထင်းသားကြီးမြင်စရာ၁၂(+၃) ဆိုတဲ့ တြင်းနဲ့ ၉ ဆိုတဲ့ နဝင်းအဆင်မှာဝင်တာက နိုဝင်ဘာ ၁၂ တြင်းထပ်ဖြစ်ခိုက်ဝင်လာ စစ်သားက ၁၂၆(+၉) နဝင်းကိုက်ပြန်တော့၁၂ တြင်းကိုက် ရင်းလိုက်တွေဘဲ ဓာတ်ကြိုက်သမို့၅ လိုက်လို့လာ။ 
လိုက်လာတဲ့ ၁၂၅ ကလဲစစ်သား ၉၃ ဆိုတော့ တလုံးဆီမှာ နဝင်းတြင်းဖြစ်တဲ့ပြင်၂၇(+၉)ပြည်သူ့စစ်နဲ့ စကခအဖွဲ့၃၆(+၉)ပါ လက်နက်ပဏ္ဏာသတော့သာဝခမျာ တိုးပြီးတိုးလျက်တမျိုးပြီး တမျိုးပျက် ၉ ပြီး ၉ ဆက်လာကိုးနှစ်ထပ်ဟာ အဖိုးမဖြတ်သာ ဆိုတဲ့အတိုင်းကိုင်း စကခမှူးပါ စစ်သားတရာနဲ့ ပြန်မလာသူလုပ်လေတော့ဒကစမှူးခမျာ စစ်သား ကျန်တာနဲ့ အလံဖြူထုတ်လို့တပ်ရုပ်ကာ ပြန်ရုံသာကျန်တာ သစ္စဖောက်။
ဒီအခင်းမှာလအရင်းစစ်ရင် အညစ်တပ်မတော်မလျော်ကာချုပ် အယုတ်မအလ ဒုက္ခမဆုံး ပြည်လုံးပတ်သတ် ခုတော့ တတပ်လုံး စစ်ရာဇဝတ်ဂိုဏ်းဖြစ်တိုင်းသားပြည်သူ လူဟူသမျှ မနှစ်မြို့  ရွံရှာစက်ဆုပ်နှလုံးနာလှပါသောကြောင့်မုန်းစရာ့တပ်အိုကို အပြတ်ဖြိုမဟဲ့ဆိုပြီးတကဲ့လူတွေဘဝ အသက် အိုးအိမ် စည်းစိမ်တွေအကျေခံပြီးအသေနှံပြီမို့ပြေပြန်တည်သည်အရေးမှာမနှေးနဲ့ ခြေထောက်။


Join Us @ MoeMaKa Telegramt.me@moemaka#MoeMaKaMedia#WhatsHappeningInMyanmar

ကမ္ဘာတိုင်ဆုံး မောင်စစ်မုန်း - တိုင်းပြည်ပြန်တည် ပါဝင်မည် ဆိုမှ အဆင်ပြေကြတော့မယ် စစ်သားတို့
https://ift.tt/dBVzbOa
Media
ကမ္ဘာတိုင်ဆုံး မောင်စစ်မုန်း - တိုင်းပြည်ပြန်တည် ပါဝင်မည် ဆိုမှ အဆင်ပြေကြတော့မယ် စစ်သားတို့(မိုးမခ) ဒီဇင်ဘာ ၁ ၊ ၂၀၂၃
ညီနောင်က ၃ ဖော်အမုန်းဆော် အပီပလေးမယ့်ဒီဒေးက ၂၇အတိုင်းထက်အလွန် တံခွန်နဲ့ကုက္ကားဥဿဖယားနဲ့ စိန်ကျောက်ထိန်တောက်တဲ့အခိုက်တြင်းကိုက် နဝင်းကိုက်မို့အတင်းမတိုက်ရဘဲရင်းလိုက်ကယ် ခိုဝင်ကုန်တော့ဟိုဘုရင် ဝမ်းတွင်းရူးမှာကွယ်လူးလွင့်လွတ်ခါ။ 
အဖြစ်သနစ် ဆိုးချင်တော့စဝင်လာတဲ့ရင်းကလဲ ၁၂‌၉ ပါဗျရိုးရိုးနဲ့ရှင်းရှင်း အထင်းသားကြီးမြင်စရာ၁၂(+၃) ဆိုတဲ့ တြင်းနဲ့ ၉ ဆိုတဲ့ နဝင်းအဆင်မှာဝင်တာက နိုဝင်ဘာ ၁၂ တြင်းထပ်ဖြစ်ခိုက်ဝင်လာ စစ်သားက ၁၂၆(+၉) နဝင်းကိုက်ပြန်တော့၁၂ တြင်းကိုက် ရင်းလိုက်တွေဘဲ ဓာတ်ကြိုက်သမို့၅ လိုက်လို့လာ။ 
လိုက်လာတဲ့ ၁၂၅ ကလဲစစ်သား ၉၃ ဆိုတော့ တလုံးဆီမှာ နဝင်းတြင်းဖြစ်တဲ့ပြင်၂၇(+၉)ပြည်သူ့စစ်နဲ့ စကခအဖွဲ့၃၆(+၉)ပါ လက်နက်ပဏ္ဏာသတော့သာဝခမျာ တိုးပြီးတိုးလျက်တမျိုးပြီး တမျိုးပျက် ၉ ပြီး ၉ ဆက်လာကိုးနှစ်ထပ်ဟာ အဖိုးမဖြတ်သာ ဆိုတဲ့အတိုင်းကိုင်း စကခမှူးပါ စစ်သားတရာနဲ့ ပြန်မလာသူလုပ်လေတော့ဒကစမှူးခမျာ စစ်သား ကျန်တာနဲ့ အလံဖြူထုတ်လို့တပ်ရုပ်ကာ ပြန်ရုံသာကျန်တာ သစ္စဖောက်။
ဒီအခင်းမှာလအရင်းစစ်ရင် အညစ်တပ်မတော်မလျော်ကာချုပ် အယုတ်မအလ ဒုက္ခမဆုံး ပြည်လုံးပတ်သတ် ခုတော့ တတပ်လုံး စစ်ရာဇဝတ်ဂိုဏ်းဖြစ်တိုင်းသားပြည်သူ လူဟူသမျှ မနှစ်မြို့  ရွံရှာစက်ဆုပ်နှလုံးနာလှပါသောကြောင့်မုန်းစရာ့တပ်အိုကို အပြတ်ဖြိုမဟဲ့ဆိုပြီးတကဲ့လူတွေဘဝ အသက် အိုးအိမ် စည်းစိမ်တွေအကျေခံပြီးအသေနှံပြီမို့ပြေပြန်တည်သည်အရေးမှာမနှေးနဲ့ ခြေထောက်။


Join Us @ MoeMaKa Telegramt.me@moemaka#MoeMaKaMedia#WhatsHappeningInMyanmar



Join Us @ MoeMaKa Telegram
t.me@moemaka
#MoeMaKaMedia
#WhatsHappeningInMyanmar

နိုင်မွန်အောင်သွင် - ခေတ်ပျက်ကြီးထဲမှာ
https://ift.tt/DC0lmrA
MediaArt by Naing Mon Aung Thwinခေတ်ပျက်ကြီးထဲမှာနိုင်မွန်အောင်သွင်(မိုးမခ) ဒီဇင်ဘာ ၂၊ ၂၀၂၃
ခေတ်ပျက်ကြီးထဲမှာရေခဲမုန့်တောင် မျက်နှာမာကြီးနဲ့။
ခေတ်ပျက်ကြီးထဲမှာခွေးတွေပျော်တယ်ဆိုတာသူ့သခင်ကို အရိပ်တကြည့်ကြည့်နဲ့။
ခေတ်ပျက်ကြီးထဲမှာဘုရားမတဖြစ်ဘူး။
ကိုယ့်အမည်ကို သူ တ ရသူ့အမည်ကို ကိုယ် တ ရ။
ခေတ်ပျက်ကြီးထဲမှာဘယ်အရာမှမသေချာဘူးဆိုတာလာပြီး သေချာနေတဲ့အရာ။
ခေတ်ပျက်ကြီးထဲမှာရေဘူးကသာ မပေါက်တယ်မိုးက ရွာမဆုံးပဲဖြစ်နေတော့တယ်။
ခေတ်ပျက်ကြီးထဲမှာမီးခိုးအူတိုင်းကိုယ့်ရင်ဘတ်ကိုအရင်ငုံ့ကြည့်ရတယ်။
ခေတ်ပျက်ကြီးထဲမှာတရွေ့ရွေ့နီးကပ်လာနေတဲ့ခြေသံတွေနဲ့တရွေ့ရွေ့ဝေးသွားတဲ့ခြေသံတွေနှုတ်ဆက်မနေအားကြဘူး။
ခေတ်ပျက်ကြီးထဲမှာမုန်းသူကို တူးတူးခါးခါးမုန်းရသလိုချစ်သူကို နှစ်နှစ်ကာကာ ပိုချစ်ရတယ်။
ခေတ်ပျက်ကြီးထဲမှာမျက်ရည်ဆိုတာတန်ဖိုးရှိပေမယ့် အပေါများဆုံးအရာ။ ၂၇.၁၁.၂၀၂၃-
Join Us @ MoeMaKa Telegramt.me@moemaka#MoeMaKaMedia#WhatsHappeningInMyanmar

ကိုသန်းလွင် - ဟင်နရီ ကစ်ဆင်ဂျာ (၁၉၂၃ -၂၀၂၃)
https://ift.tt/pVGE73q
<a href="https://blogger.googleusercontent.com/img/a/AVvXsEj4heHxKF-MEfLf6udv3H9A_78FJGCVBPNHcB8BDTLzn3Yn4Fs6whvceg7DmUvlc07a8HnQaJ11QE9W7vkRTgkauaXWWzq4VDwNARp1UfLgcyr5mHnqkb5bIAWESbRpycEz9tWms9MvEdHTJHbbmMQRPOc5Ev-_fV2r1uzVfaHt7d2kL03Dz62nXxyUuNc">Media</a>
ကိုသန်းလွင် - ဟင်နရီ ကစ်ဆင်ဂျာ (၁၉၂၃ -၂၀၂၃)(မိုးမခ) ဒီဇင်ဘာ ၂ ၊ ၂၀၂၃
( ၁ ) ဟင်နရီကစ်ဆင်ဂျာသည် ပညာတတ်တယောက်အဖြစ်မှ သံတမန်ဖြစ်လာခဲ့ပြီး အမေရိကန်နိုင်ငံလူမျိုး တစ်ယောက်အနေဖြင့် တရုတ်ကို ပြင်ပကမ္ဘာကြီးနှင့် ဆက်သွယ်ရန် လမ်းဖွင့်ပေးခြင်း ကိစ္စ၊ ဗီယက်နမ်စစ်ပွဲကို ပြီးဆုံးအောင် ညှိနှိုင်းဆွေးနွေးခြင်း ကိစ္စများကို ကျင်လည်စွာ၊ တခါတရံ ကောက်ကျစ်စွာသော နည်းလမ်းများဖြင့် ပြေလည်စေခဲ့ပါသည်။  ဆိုဗီယက်ယူနီယံနှင့် စစ်အေးတိုက်ပွဲအတွင်း ဆက်ဆံရေးကိစ္စများကို ဆောင်ရွက်ရာတွင် မကြာခဏ ဒီမိုကရေစီမကျသော နည်းလမ်းများကို အသုံးပြုခဲ့ပါသည်။ သူသည် လွန်ခဲ့သော ဗုဒ္ဓဟူးနေ့က (၂၉ - နိုဝင်ဘာလ) ကွယ်လွန် သွားခဲ့ပါပြီ။ သူ ကွယ်လွန်ချိန်တွင် အသက်၁၀၀ ပြည့်ပြီးသွားပါပြီ။ သူ တည်ထောင်ထားသော အဖွဲ့ (Consultation firm) က သူ သေဆုံးသော သတင်းကို အတည်ပြုကြေ ညာပါသည်။ သံတမန်အနည်းငယ်သာ ကစ်ဆင်ဂျာလို အလွန်အမင်း ချစ်ခင်သူနှင့်မုန်းတီးသူများ ရှိခဲ့ကြပါသည်။ ဒုတိယကမ္ဘာစစ်ကြီးအပြီးတွင် အမေရိကန်နိုင်ငံ၏ သြဇာအာဏာ အရှိဆုံးနိုင်ငံခြားဝန်ကြီးအဖြစ် ထမ်းဆောင်ခဲ့ ပြီး သူ့ကို တကယ် လက်တွေ့ကျသူ၊ အမေရိကန် နိုင်ငံခြားရေးဝါဒကို ပုံဖော်နိုင်ခဲ့သူအဖြစ် မှတ်တမ်းတင်နိုင်ခဲ့ကြ ပါသည်။ တဖက်ကလည်းအမေရိကန်တို့၏ ထားရှိအပ်သော လူ့အခွင့်အရေးဆိုသည်ကို နိုင်ငံအတွက် အကျိုး ရှိမည်ဆိုလျှင် လျစ်လျူရှုခဲ့ပါသည်။ သူသည် ဂျွန်အက်(ဖ) ကနေဒီ မှဂျိုးဘိုင်ဒန်အထိ သမ္မတ ၁၂ ယောက်ကို အကြံပေးခဲ့ပြီး ပညာတတ် တစ်ယောက်၏ သံတမန်ရေးရာသမိုင်းကို ကျွမ်းကျင်မှုများဖြင့်လည်းကောင်း၊ ဂျာမန် ဂျူး စစ်ပြေးတယောက်၏ ကြိုးစားမှုများဖြင့် လည်းကောင်း သူ့ ကြီးပြင်းရာနိုင်ငံကို အောင်မြင်မှုများ ရရှိစေခဲ့ပါသည်။ သူ၏အရိုးစွဲနေသော မတည်ငြိမ်မှု၊ သူ၏ ဘာဘေးရီးယမ်းအသံ (Bavarian accent) ပါသောစကားသံများနှင့် သူ တွေ့ထိမိသည့် အရာရာတိုင်းကို ပြောင်းလဲစေခဲ့ပါသည်။အမေရိကန်ပြည်၏သမိုင်းတွင် သမ္မတနစ်ဆင် ပြီးလျှင် ဒုတိယသြဇာပါဝါရှိသူ တယောက်အနေမျိုးနှင့် နစ်ဆင်၏ အိမ်ဖြူတော်သို့ ၁၉၆၉ ခုနှစ် ဇန်နဝါရီလတွင် လုံခြုံရေးဆိုင်ရာ အကြံပေး အဖြစ် (Security adviser) ရောက်ရှိလာခဲ့ပါသည်။ ၁၉၇၃ ခုနှစ်တွင် နိုင်ငံခြားရေးဝန်ကြီးဖြစ်လာခဲ့ပြီးရာထူးနှစ်ခုလုံးကို စွဲကိုင်ထားကာ နစ်ဆင် သမ္မတအဖြစ်မှ နုတ်ထွက်သွားချိန်တွင် သမ္မတ ဂျာရယ် ဖို့ဒ် အောက်တွင် ဆက်လက်အလုပ်လုပ်ခဲ့ပါသည်။ကစ်ဆင်ဂျာ၏ တရုတ်ပြည် (Red china) ကို ပြင်ပကမ္ဘာကြီးနှင့် ဆက်သွယ်မိအောင် လမ်းဖွင့်ပေးသော စေ့စပ်ညှိနှိုင်းမှုမှာ နစ်ဆင်၏ အအောင်မြင်ဆုံး နိုင်ငံခြားရေး ပေါ်လစီ ဖြစ်ခဲ့ပါသည်။ ထိုစဉ်က ရည်ရွယ်ချက်မှာ ဆိုဗီယက် ယူနီယံကို အထီးကျန်ဖြစ်စေရန် ဖြစ်ပါသည်။ သူတို့ ထွင်ခဲ့သော လမ်းသည် ယခု ကစ်ဆင်ဂျာ ကွယ်လွန်ချိန်တွင် ကမ္ဘာအကြီးဆုံး စီးပွားရေးကြီးနှစ်ခုတို့ ဆက်သွယ်ရာ လမ်းအဖြစ် ကျန်ရစ်ခဲ့ပါသည်။ ထိုနှစ်နိုင်ငံ၏ ဆက်ဆံရေးမှာ တစ်ဦးနှင့်တစ်ဦးလည်း မပစ်ပယ်နိုင်ဘဲ အဆင်းအသွင်အပြင်ကလည်း ကွဲပြားနေပြီး စစ်အေးတိုက်ပွဲ တစ်ခု အစပြုရန် ပြင်ဆင်နေသကဲ့သို့ ရှိပါတော့သည်။ကစ်ဆင်ဂျာ၏ အသံမှာ ဆယ်ခုနှစ်ပေါင်းများစွာ ကြာသည့်တိုင်အောင် တရုတ်ပြည်၏ စီးပွားရေး၊ စစ်ရေးနှင့် သိပ္ပံနည်းဆိုင်ရာ တိုးတက်မှုများကို ကိုင်တွယ်ရာတွင် သြဇာရှိသော အသံဖြစ်နေခဲ့ပါသည်။ သူသည် မော်စီတုန်းမှသည် ရှီကျင်ဖျင့်အထိ တရုတ်ခေါင်းဆောင် အဆက်ဆက်တို့နှင့် ဆက်သွယ်နိုင်သော သံတမန် ဖြစ်ခဲ့ပါသည်။ ယခုနှစ် ဇူလိုင်လ သူ့အသက် ၁၀၀ ပြည့်ပြီးချိန်တွင် တရုတ်ပြည်၌ ရှီကျင်ဖျင့်နှင့် အခြားခေါင်းဆောင်များကို တွေ့ဆုံခဲ့ပါသည်။ သူ့ကို ကြိုဆိုရာတွင် အမေရိကန်နှင့် ဆက်ဆံရေးဆိုးရွားနေလင့်ကစား တော်ဝင် တစ်ယောက်လို တခမ်းတနား ကြိုဆိုခဲ့ကြပါသည်။သူသည် ဆိုဗီယက် ရုရှားတို့နှင့်လည်း “detente” ခေါ်  ငြိမ်းချမ်းရေးအတွက် အတူတကွ ဆောင်ရွက်ကြရန် နှိုးဆော်ခဲ့ပါသည်။ နှစ်နိုင်ငံအတွင်း ပထမဆုံး နျူးကလီးယားလက်နက်များ ထိန်းချုပ်ရေး စာချုပ်ကို ချုပ်ဆိုခဲ့ကြပါသည်။ သူ၏ လွန်းပျံဒစ်ပလိုမေစီ(Shutlle Dglomecy) က အရှေ့အလယ်ပိုင်းဒေသအတွင်း ငြိမ်းချမ်းရေး ရရှိအောင် ဆောင်ရွက်ရာတွင် ဆိုဗီယက်တို့ကို ကျော်ဖြတ်ခဲ့ပါသည်။ သို့သော် အရှေ့အလယ်ပိုင်း ငြိမ်းချမ်းရေးမှာ အကောင်အထည်မပေါ်ခဲ့ပါ။သူသည် ပါရီမြို့တွင် ငြိမ်းချမ်းရေး ဆွေးနွေးပွဲများ ထိုင်ရင်း အမေရိကန်တို့၏ ဗီယက်နမ်တွင် ပါဝင်မှုကို အဆုံးသတ်နိုင်ခဲ့ပါသည်။ ထို့အတွက် ၁၉၇၃ ခုနှစ် ငြိမ်းချမ်းရေးဆိုင်ရာ နိုဗယ်ဆုကို ဗီယက်နမ် ကိုယ်စားလှယ် လီဒတ်သို (Le Duc Tho) နှင့် ပူးတွဲ၍ ချီးမြှင့်ခြင်းခံခဲ့ရပါသည်။ သူက ထိုဆုကို ဂုဏ်ရှိသော ငြိမ်းချမ်းရေး ဟု ခေါ်ဆိုခဲ့သော်လည်း စစ်ပွဲများကို…

ကိုအောင်မှိုင်း - နှင်းပျောက်တဲ့နွေ
https://ift.tt/edgJ9GZ
Media
ကိုအောင်မှိုင်း - နှင်းပျောက်တဲ့နွေ(မိုးမခ) ဒီဇင်ဘာ ၂ ၊ ၂၀၂၃
နွေဦးတွက်ပန်းပွင့်လေးတွေတပွင့်ချင်းစီလိုက်တာပန်းရထားကြီးဖြစ်သွားပြီးမိုးကောင်းကင်ကိုကြယ်ရထားကြီးအဖြစ်ကခုန်တက်သွားကြတယ်။
မိုးကောင်းကင်မှာအရင်ကြယ်တွေအခုကြယ်တွေနဲ့နောင်လာမည့်ကြယ်တွေတွက်ကြယ်အိမ်ကြီးတခုဆောက်လိုက်ကြတယ်။
အာကာသဟာဟင်းလင်းပွင့်သွားပြီးစကြဝဠာမှာနဂါးငွေ့တန်းတွေအစားကြယ်ရထားတွေနဲ့ ပြည့်နေတယ်။
အလင်းတောင်တွေပေါက်ကွဲပင်လယ်ပြင်ဟာတဝက်ပဲ့သွားခဲ့ကမ္ဘာမြေတခုလုံးချစ်ခြင်းတွေဖုံးလွှမ်းသွားလိုက်တာဂေဟစနစ်တွေတောင်ကျဥ်းလိုက်ကျယ်လိုက် မဖြစ်တော့နိုင်းရဓမ္မတရားဟာစကြဝဠာဆီကို ခရီးထွက်ခဲ့ပေါ့။
အလွမ်းဇာတ်တွေကိုကဗျာဆရာတွေ ဖျက်သိမ်းနေကြတယ်။မျက်ရည်တွေကိုကဗျာဆရာတွေ သုတ်သိမ်းနေကြတယ်။
အမုန်းတွေကိုကဗျာဆရာတွေ ပိတ်သိမ်းနေကြတယ်။
ကဗျာဆရာပြာပူနဲ့ပက်ခံရဆတ်ခနဲ တရေးနိုးဗုံးခိုကျင်းက အထရှေ့နောက်တောင်မြောက်ပန်းခြောက်များစွာ မီးတောက်နေဆဲပန်းအိပ်မက်တို့ မီးလောင်နေဆဲပါ။
အလွမ်းတွေကိုပန်းတံတိုင်းတွေနဲ့ ကာကြမယ်။မျက်ရည်တွေကိုပန်းတံတိုင်းတွေနဲ့ ကာကြမယ်။အမုန်းတွေကိုပန်းတံတိုင်းတွေနဲ့ ကာကြမယ်။
အနာဂတ်မှာအချစ်ကိုရှာလို့သီချင်းရှည်ကြီးတွေ အဆုံးသတ်ကြဦးစို့။


Join Us @ MoeMaKa Telegramt.me@moemaka#MoeMaKaMedia#WhatsHappeningInMyanmar

ကော့ကရိတ်မြို့ တိုက်ပွဲပြင်းထန်၊ ရခိုင်အရေး ကိစ္စကြားဝင်ညှိနှိုင်းခဲ့သူ နေပြည်တော်ရောက်ရှိ၊ ဦးသိန်းညွန့် တည်ထောင်တဲ့ ပါတီဥက္ကဌ နေအိမ်မှာပစ်သတ်ခံရ
https://ift.tt/AjqLhtr
<a href="https://blogger.googleusercontent.com/img/b/R29vZ2xl/AVvXsEhLOp8OFvMk0FiZOw42k0iTiknd5N6ohZtRr2C-yXkiEekz02h_cwp_w4kslP0etj2GANo-KRGo0SlaICdTTNR6skPYBs79brL4TVgXS2ysZDspMEA1KYjjyAnFw9_16h-dYilgoJuC7UpGGUoaCiwXZmZUTSlPzc1C4Lnmo6Ucmp1-cTLkQWzc9SyK3W3i/s720/signal-2023-12-01-203845_002.jpeg">Media</a>

မြန်မာနွေဦး ခရိုနီကယ် - ဒီဇင်ဘာ ၁ မြင်ကွင်း
(မိုးမခ) ဒီဇင်ဘာ ၂၊ ၂၀၂၃

<b>ကော့ကရိတ်မြို့ တိုက်ပွဲပြင်းထန်၊ ရခိုင်အရေး ကိစ္စကြားဝင်ညှိနှိုင်းခဲ့သူ နေပြည်တော်ရောက်ရှိ၊ ဦးသိန်းညွန့် တည်ထောင်တဲ့ ပါတီဥက္ကဌ နေအိမ်မှာပစ်သတ်ခံရ
</b>
ကရင်ပြည်နယ် ကော့ကရိတ်မြို့ ကို ကေအန်အယ်အေ နဲ့ ပူးပေါင်းတပ်တွေက မြို့သိမ်းဖို့ ရည်ရွယ်ပြီး တိုက်ခိုက်နေတဲ့ တိုက်ပွဲတွေနဲ့ ဒီဇင်ဘာ ၁ ရက်နေ့မှာ မြို့ရဲ့ နေရာအချို့မီးလောင်နေသလို၊ ပစ်ခတ်မှုတွေကြောင့် အရပ်သား ထိခိုက်သေဆုံးမှုတွေလည်း ရှိနေတယ်လို့ သတင်းတွေမှာ ဖေါ်ပြထားကြပါတယ်။
ကော့ကရိတ်မြို့အဝင် စက်မှုလယ်ယာ ဦးစီးဌာနရုံးဝင်းထဲက အဆောက်အဦတွေကို ကေအန်ယူနဲ့ ပူးပေါင်းတပ်ဖွဲ့တွေက မီးတင်ရှို့ထားတယ်လို့လည်း သတင်းတွေထဲ ဖေါ်ပြထားကြတာ တွေ့ရပါတယ်။ ဒေသခံတယောက်က ပြောပြရာမှာတော့ မြို့ထဲမှာ အရပ်သားတွေ ရှိနေကြတာဖြစ်ပြီး ပစ်ခတ်မှုတွေဖြစ်ပွားနေစဥ် မြို့ထဲသွားလာတဲ့ အမျိုးသားတဦး ဦးခေါင်းပိုင်းကို ကျည်ထိပြီး သေဆုံးတဲ့ အဖြစ်အပျက်ကို မျက်မြင်တွေ့ရှိသူက ပြောပြလို့ သိရတယ်လို့ ဆိုပါတယ်။ သတင်းတွေမှာတော့ အရပ်သား အနည်းဆုံး ၅ ဦးထက်မနည်း အသက်ဆုံးရှုံးပြီး ဖြစ်တယ်လို့ ဆိုပါတယ်။ စစ်ကောင်စီဘက်က လက်နက်ကြီး ပစ်ခတ်မှုတွေ၊ လေကြောင်းတိုက်ခိုက်မှုတွေလုပ်နေတာဖြစ်လို့ သေနတ်ကျည်ထိမှန်လို့ သေဆုံးနိုင်သလို လက်နက်ကြီးကျည် ကျရောက်ပေါက်ကွဲပြီး အသက်ဆုံးရှုံးတာ၊ လေကြောင်း တိုက်ခိုက်မှုကြောင့် ထိမှန်သေဆုံးရတာတွေလည်း ရှိနေတယ်လို့ ဆိုပါတယ်။ ကော့ကရိတ်မြို့မှာ တိုက်ပွဲဖြစ်ပွားချိန်မှာ မြဝတီ နဲ့ ဖားအံ အာရှကားလမ်းကိုလည်း ပိတ်ဆို့ထားလိုက်ပြီး တွဲကားလို့ ခေါ်တဲ့ ကုန်ကားတစီးကို လမ်းပေါ် ကန့်လန့်ဖြတ် ပိတ်ဆို့ထားခိုင်းပြီး မြဝတီက ဆင်းလာတဲ့ ကားတွေနဲ့ ဖားအံက မြဝတီသွားမယ့် ကားတွေပါ အားလုံး ရပ်ဆိုင်းထားရပြီး ပစ်ခတ်မှုတွေလည်း ရှိနေတာမို့လို့ လမ်းနဘေးတွေမှာ ဘေးလွတ်အောင် ပုန်းခိုနေကြရတာလည်း ဖြစ်ပါတယ်။

ကရင်ပြည်နယ် ဖားအံကနေ ထိုင်းနယ်စပ် မြဝတီမြို့ကို သွားတဲ့ ကားလမ်းပေါ်မှာ တည်ရှိတဲ့ ကော့ကရိတ်မြို့ကို ကေအန်ယူ နဲ့ ပူးပေါင်းတပ်ဖွဲ့လို့ ဆိုတဲ့ စစ်ကြောင်းတွေ၊ အဆိုပါလက်နက်ကိုင် အဖွဲ့တွေမှာ ပါဝင်နေကြတဲ့ PDF လူငယ်တွေပါဝင်ပြီး တိုက်ခိုက်နေတယ်လို့ သတင်းဖေါ်ပြချက်တွေအရ သိရပါတယ်။ ကေအန်အယ်လ်အေ နဲ့ ပူးပေါင်းတပ်ဖွဲ့တွေလို့ သတင်းတွေမှာ ယေဘုယျဆန်တဲ့ အသုံးအနှုန်းနဲ့ ဖေါ်ပြကြပေမယ့် ပူးပေါင်းတပ်ဖွဲ့တွေမှာ ဘယ်တပ်ဖွဲ့တွေ ပါဝင်သလဲဆိုတာတော့ အသေးစိတ် ထုတ်ဖေါ်ပြောဆိုလေ့မရှိပါဘူး။

ကော့ကရိတ်မြို့ကို သိမ်းယူဖို့ ယခင်နှစ် နိုဝင်ဘာ၊ ဒီဇင်ဘာလတွေတုန်းကလည်း အပြင်းအထန် တိုက်ခိုက်ခဲ့ဖူးတာ ဖြစ်ပါတယ်။ အဲဒီနောက် ယခုနှစ် မတ်လ၊ အောက်တိုဘာလတွေမှာလည်း ကော့ကရိတ်မြို့ကို တိုက်ခိုက်နေခဲ့တဲ့ တိုက်ပွဲတွေလည်း ဖြစ်ပွားခဲ့ပြီး ယခုရက်ပိုင်းမှာပိုမို ပြင်းထန်တဲ့ တိုက်ပွဲတွေ ဖြစ်ပွားလာတာ ဖြစ်ပါတယ်။ စစ်အာဏာသိမ်းပြီးနောက် ဖြစ်ပွားခဲ့တဲ့ ကော့ကရိတ်မြို့ကို တိုက်ခိုက်မှုတွေမှာ ရဲစခန်းအချုပ်လိုမျိုးကို ဖွင့်လိုက်နိုင်တာ၊ မြို့စုပေါင်းရုံးကို တိုက်ခိုက်ခဲ့တာတွေ ရှိပေမယ့် မြို့တမြို့လုံးကိုတော့ ထိန်းချုပ်နိုင်ခြင်း မရှိခဲ့သေးပါဘူး။ အခုနောက်ဆုံး အကြိမ်ဖြစ်ပွားနေတဲ့ ကော့ကရိတ်မြို့သိမ်းတိုက်ပွဲမှာတော့ စစ်ကောင်စီ အနေနဲ့ အရင်လို အနေအထားမဟုတ်ပဲ နေရာအများအပြားမှာ တပြိုင်နက်ထဲ စစ်မျက်နှာရင်ဆိုင် တိုက်ခိုက်နေရချိန်ဖြစ်လို့ ကေအန်အယ်အေနဲ့ ပူးပေါင်းအဖွဲ့တွေအနေနဲ့ ဒီအနေအထားကို အခွင့်အလမ်း တရပ်အဖြစ်ရှုမြင်ကာ တိုက်ခိုက်ကြတာလို့ ကောက်ချက်ချစရာ ရှိပါတယ်

ဒီနေ့ သတင်းအကြောင်းအရာတွေအနက် နောက်အကြောင်းအရာတခုကတော့ ရခိုင်ပြည်နယ်မှာ ဖြစ်ပွားနေတဲ့ လက်နက်ကိုင်တိုက်ပွဲတွေ နဲ့ ဆက်စပ်ပြီး နိပွန်ဖောင်ဒေးရှင်း ဥက္ကဌဖြစ်သူ ဆာဆာကာဝါ နေပြည်တော်ကို ရောက်ရှိနေတယ်လို့ သတင်းတွေမှာ ဖေါ်ပြထားပါတယ်။ ၂၀၁၈-၁၉ ခုနှစ်က ရခိုင်မှာ ဖြစ်ပွားခဲ့တဲ့ လက်နက်ကိုင် တိုက်ပွဲတွေ ရွေးကောက်ပွဲ မတိုင်မီ အပစ်ရပ်ဖို့ နှုတ်အားဖြင့် သဘောတူညီမှုနဲ့ ၂၀၂၂ ခုနှစ် ဖြစ်ပွားတဲ့ လက်နက်ကိုင် တိုက်ပွဲတွေကိုလည်း နှုတ်အားဖြင့် အပစ်ရပ်ဖို့ သဘောတူညီခဲ့ကြရာမှာ ဆာဆာကာဝါက ကြားဝင် ညှိနှိုင်းခဲ့တယ်လို့ သတင်းတွေအရ သိရှိထားကြရပါတယ်။ နိပွန်ဖောင်ဒေးရှင်းဟာ မြန်မာနိုင်ငံ လက်နက်ကိုင် ပဋိပက္ခဖြစ်ပွားနေတဲ့ တိုင်းရင်းသားဒေသတွေကို လူသားချင်းစာနာမှု အကူအညီ အထူးသဖြင့် ဆန် အထောက်အပံ့ပေးနေတဲ့ ဖောင်ဒေးရှင်းအဖွဲ့ဖြစ်ပြီး…

စစ်ပွဲတွေရဲ့ ဂယက်နဲ့ ပျောက်ဆုံးသွားတဲ့ ငွေကြေးရဲ့ တန်ဖိုးတွေ
https://ift.tt/CBDuyXp
<a href="https://blogger.googleusercontent.com/img/a/AVvXsEjXxvrTOWH_Pxh-2N6zvMh4f8QIeLyNTnEMittFiYABOw56RBXT1zvn-mzTaSXY2s_2vkR6EqyDbSNLCzJMdt6Zqn9N-iMYUFKV7ToWC8ePRXKOws_e4b0k4XTLzfFQOFTrSrXGcW2lQXokXu2Tjor3n8HtISEwcxQJoxkBw_uNrx0IXQKhKj0zdF0R--A">Media</a>မြန်မာနွေဦး ခရိုနီကယ် - ဒီဇင်ဘာ ၂ မြင်ကွင်း(မိုးမခ) ဒီဇင်ဘာ ၃၊ ၂၀၂၃
စစ်ပွဲတွေရဲ့ ဂယက်နဲ့ ပျောက်ဆုံးသွားတဲ့ ငွေကြေးရဲ့ တန်ဖိုးတွေစစ်မက်ဖြစ်ပွားတဲ့ အခါ အစားအသောက်၊ အဝတ်အထည်၊ ဆေးဝါးတွေ ရှားပါးကြတာ၊ ပိုက်ဆံရှိဦးတော့ ဝယ်ယူလို့မရတဲ့ အဖြစ်မျိုးတွေ၊ ငွေကြေးမတန်တဆ ဖောင်းပွမှုတွေ ဖြစ်ပွားလေ့ရှိပါတယ်။ မြန်မာနိုင်ငံမှာ ဒုတိယကမ္ဘာစစ် ဖြစ်ပွားစဥ် ဂျပန်ခေတ်လို့ခေါ်တဲ့ နယ်ချဲ့ အင်္ဂလိပ်လက်အောက်က လွတ်မြောက်ပြီး နယ်ချဲ့ ဖက်ဆစ်ဂျပန်ရဲ့ လက်အောက်မှာ ၃ နှစ်နီးပါး နေထိုင်ခဲ့ကြရတဲ့ကာလ မှာအထက်က အခြေအနေမျိုးတွေ ကြုံခဲ့ကြရတာကို စစ်အတွင်း မှတ်တမ်းတွေ၊ အဲဒီကာလကို ကိုယ်တိုင်မှီလိုက်ကြရတဲ့ သက်ကြီး ရွယ်ကြီးပုဂ္ဂိုလ်တွေရဲ့ ကိုယ်တွေ့အတွေ့အကြုံ ပြန်ပြောပြတဲ့အခါ နားထောင်ခဲ့ဖူးကောင်း နားထောင်ခဲ့ဖူးပါလိမ့်မယ်။ နယ်ချဲ့လည်းဖြစ် ဖက်ဆစ်လည်းဖြစ်တဲ့ ဂျပန်က မြန်မာနိုင်ငံကို စစ်ရေးအရသိမ်းပြီးနောက် မြန်မာနိုင်ငံက ထွက်ရှိတဲ့ စိုက်ပျိုးရေး ထွက်ကုန်၊ သယံဇာတ ရှိရှိသမျှကို ၄င်းတို့နိုင်ငံကို တင်ပို့ဖို့ သူ့အစိုးရက အစွမ်းကုန် ရိုက်ထုတ်လိုက်တဲ့ ငွေစက္ကူတွေနဲ့ ဝယ်ယူပြီး တင်ပို့ပါတော့တယ်။ စစ်ပွဲဖြစ်လို့ စိုက်ပျိုးရေး မလုပ်ကိုင်နိုင်၊ ရောင်းဝယ်ရေး မလုပ်ကိုင်နိုင်ကြသလို လမ်းပန်းဆက်သွယ်ရေး ပြတ်တောက်တာ၊ တရားဥပဒေစိုးမိုးမှု အားနည်းတာတွေကြောင့် ဂုန်နီအိတ် လိုမျိုးကို အဝတ်အစားအဖြစ် ဝတ်ရတာ၊ ဆပ်ပြာမသုံးနိုင်တာကြောင့် ဝဲပေါက်ကြတာမျိုး၊ ဆေးဝါးမရှိတဲ့ ခေတ်ကာလကို ဖြတ်သန်းခဲ့ကြရတယ်လို့ ပြန်လည်ပြောပြတာမျိုးနဲ့ စာအုပ်တွေထဲ ဖတ်ရှုဖူးပါတယ်။ အခုဖြစ်ပွားနေတဲ့ ပြည်တွင်းစစ်က ဒုတိယကမ္ဘာစစ်နဲ့နှိုင်းယှဥ် ရလောက်အောင် ဆိုးရွားတဲ့ အတိုင်းအတာ မဟုတ်ပေမယ့် လတ်တလော ဖြစ်ပွားလာနေတဲ့ ကုန်စျေးနှုန်းတွေ ကုန်ပစ္စည်းပြတ်လပ်မှုတွေ တနယ်နဲ့ တနယ် ကုန်ပစ္စည်းသယ်ယူရောင်းဝယ်ဖို့ မလွယ်ကူတဲ့ အခြေအနေတွေ ပိုပြီး ကျယ်ပြန့်လာနေတာ တွေ့ရမှာ ဖြစ်ပါတယ်။ စစ်ကောင်စီက AA က နယ်ခြားစောင့် ကင်းစခန်းကို စတင်တိုက်ခိုက်ကာ တိုက်ပွဲတွေ ပြန်ဖြစ်တဲ့ နေ့မှာပဲ ရခိုင်ပြည်နယ်ကို ပိတ်ဆို့ထားခဲ့တာ သီတင်း ၃ ပတ်ခန့်ကြာမြင့်လာပြီးနောက်မှာတော့ ကုန်သယ်ယူမှု ပိတ်ဆို့ခံထားရတဲ့ ရခိုင်ပြည်နယ်ရဲ့ မြို့တမြို့ဖြစ်တဲ့ သံတွဲမြို့မှာ ငြုပ်သီးစိမ်းတောင့် တပိသာ ကျပ် ၁ သောင်း၊ ခရမ်းချဥ်သီး တပိသာ ၈ ထောင်၊ ချင်း တပိသာ ကျပ် ၁၆၀၀၀၊ ဂေါ်ဖီထုပ် တပိသာ ၅၀၀၀ စျေးနှုန်းဖြစ်လာနေပြီလို့ ဒေသခံတဦးက ဆိုရှယ်မီဒီယာမှာ ဝေမျှထားတာ တွေ့ရပါတယ်။ ပြည်နယ်တခုလုံးကို လေယာဥ်လမ်းကလွဲလို့ လူအဝင်အထွက်နဲ့ ကုန်သွယ်မှု ကိုပါ ပိတ်ထားတဲ့  ရခိုင်ပြည်နယ်မှာ အခုလို ဖြစ်တာလို့ ဆိုကောင်းဆိုနိုင်ပေမယ့် ကချင်ပြည်နယ် မြစ်ကြီးနားမြို့မှာလည်း အောက်အရပ်ဘက်က သယ်ယူတင်သွင်းရတဲ့ ကုန်စိမ်းအမျိုးအမည်စျေးနှုန်းတွေက ရခိုင်နဲ့ အလားတူ ဖြစ်နေတယ်လို့ ဆိုပါတယ်။ ဝိုင်းပတ်ပို့ဆို့ထားတဲ့ ကိုးကန့်ဒေသက လောက်ကိုင်မြို့က စျေးနှုန်းတွေကတော့ ကြားသိခဲ့ကြတဲ့အတိုင်း လောင်စာဆီ ၄ ဂါလံပုံးတပုံးကို ကျပ်သိန်း ၂၀ လို့ပြီးခဲ့တဲ့ သီတင်းပတ်တွေက သတင်းထဲ ဖေါ်ပြခဲ့ကြတာ ဖြစ်ပါတယ်။ တိုက်ပွဲတွေ ဖြစ်ပွားနေတဲ့ စစ်ကိုင်းတိုင်း၊ တလျှောက် ကုန်ကားတွေ သွားလာဖို့ အန္တရာယ်များပြားတာကြောင့် စားသောက်ကုန်၊ လောင်စာဆီ၊ ဆေးဝါးစတာတွေ မထင်မှတ်တဲ့ စျေးနှုန်းတွေ ဖြစ်လာနေတာ ဖြစ်ပါတယ်။ ရှမ်းမြောက် ဒေသမှာဖြစ်ပွားနေတဲ့ တိုက်ပွဲတွေ တလကျော်လာချိန် တရုတ်နိုင်ငံနဲ့ နယ်စပ်ကုန်သွယ်ရေး ရပ်ဆိုင်းနေခြင်းကလည်း တရုတ်နိုင်ငံကို တင်ပို့တဲ့ စိုက်ပျိုးရေး မွေးမြူရေး ရေထွက်ပစ္စည်း စတဲ့ထွက်ကုန်တွေ အားလုံး ရပ်တန့်ပြီး ဝယ်သူမရှိတဲ့ အနေအထားမျိုး ကြုံတွေ့နေကြရတဲ့ အနေအထားမျိုးလည်း ဖြစ်ပါတယ်။ ပင်လယ်ရေကြောင်းနဲ့ တင်သွင်းတာ၊ တင်ပို့တာလုပ်နိုင်ပေမယ့် အချို့သော ကုန်ပစ္စည်းတွေက ပင်လယ်ရေကြောင်းနဲ့ တင်ပို့တဲ့ လုပ်ငန်းစဥ် အဆင့်ဆင့်အတွက် ကြာမြင့်တဲ့ အချိန်ကာလ၊ သယ်ယူတဲ့ ကာလတွေအထိ ရက်ကြာကြာ မခံတဲ့ ကုန်ပစ္စည်းတွေ ဖြစ်တာကြောင့် စိုက်ပျိုးရေး ၊ မွေးမြူရေးနဲ့ ရေလုပ်ငန်းတွေ မှာကြီးကြီးမားမား ထိခိုက်မှာဖြစ်ပါတယ်။ မြန်မာနိုင်ငံ တောင်ဘက်ပိုင်းကိုကြည့်ရင်  မနေ့တနေ့က စတင်ဖြစ်ပွားတဲ့ ကော့ကရိတ်တိုက်ပွဲကလည်း ထိုင်းမြန်မာကုန်သွယ်ရေး လမ်းကြောင်းကိုပါ ပိတ်ဆို့စေပြီး ဒီနေ့အထိ သွားလာလို့မရတဲ့ အနေအထား ဖြစ်ပါတယ်။ တရုတ်-မြန်မာ နယ်စပ်ကုန်သွယ်ရေးပြီးရင် ထိုင်း-မြန်မာ နယ်စပ်ကုန်သွယ်ရေးမှာ အဓိက လမ်းကြောင်းဖြစ်တဲ့ မြဝတီ-ဘားအံ လမ်းကြောင်းက ခုအခါ ပိတ်နေတဲ့ အနေအထားဖြစ်ပြီး နောက်ထပ် ဘယ်လောက်ကြာမြင့်မယ် မသိနိုင်သေးပါဘူး။ နောက် အကြောင်းတချက်က လက်နက်က…

လေခဏီ - သတင်းသုံ့ပန်း
https://ift.tt/5E1aQtV
Media
လေခဏီ - သတင်းသုံ့ပန်း(မိုးမခ) ဒီဇင်ဘာ ၃ ၊ ၂၀၂၃
အော်ဆဲကြုံးတဲ့ ဇော်မဲလုံး ဆိုတဲ့ကောင်က မျက်နှာနဂို ရုပ်ပိုးထိုး ပုပ်သိုးသိုးကို တမင်မာထန်ပြီး အဆင်ဖွာလန်ပြ။ ဖာဆန်တယ်လို့ပြောရင် ဖာသည် အားနာရတဲ့အဆင့် ဆိုတော့ မပြောတော့ပါ။လက်ယက်ကုန်းမှာ ကလေးတွေ အစုအပြုံလိုက် စက်သေနတ်နဲ့ သတ်ဖြတ်မှု၊ အနမ့်ပါ ပဇီကြီးနဲ့ မုန်လိုင်ခက်မှာ အလွန်ပြင်းထန်တဲ့ဗုံးကျဲချ တပြိုင်တည်းလူရာချီသတ်ဖြတ်မှုတွေ စစ်ရာဇဝတ်ဂိုဏ်းက ကျူးလွန်တိုင်း အဲဒီ ယုတ်ကန်းမာထန် အော်ကြော့လန်ကောင်က မဟုတ်တန်းတရားတွေနဲ့  စကားမုဒိမ်းကျင့်နေကျ။၁၀၂၇ အော်ပရေးရှင်းနဲ့  ညီနောင်သုံးဖော် အမုန်းဆော်ကထဲက လေလျော့သွားတဲ့ ကျွတ်လို ဖွတ်လိုက်ဖွတ်လိုက်နဲ့ ပျော့ပျော့သွားလိုက်တာ ငါးသလောက်ပေါင်းသံနဲ့ သတင်းစာရှင်းရတဲ့ဘဝရောက်ကရောဘဲ။ဇော်မဲလုံး သံချုံးပျော့ညံ့ မခန့်တရံမပြောရဲတော့တာကို မင်းကင်းမောင်မြင့်က အားမရ အသံရော မန်ရော ဟန်ရော ထထကြွကြွရှိဖို့ သတိပေးပို့စ်နဲ့ ပလို့ဂျိလုပ်ရ။ ဒါပေလို့ ပြောတုန်းတခါဘဲ မာသယောင်ယောင် ဟောင်ကြည့်သေးတယ်၊ ဟိန်းဘို့တော့ဝေး သွေးအားနည်းနေတဲ့အသံမှာ မာန်လဲမချီ၊ ဟန်လဲ မပီ၊ ဌာန်လည်း မမြည်တော့။ ဘယ်လိုမြည်မလဲ၊ တပတ်အတွင်း စခန်းတရာနဲ့ သံချပ်ကာတွေ ဟောင်ဝစ်ဇာတွေအပြင် တပ်ရင်းလိုက် လက်နက်တိုက် ထိုးအပ်သွားတာတွေဆိုတော့ မိုက်ရှေ့ရပ်ဖို့ ဆိုတာ ဆင်ရှေ့ရောက်တဲ့ခွေး ဖင်သီသလို မဲလုံးခမျာ အသံ တရွတ်ဆွဲနေတော့တာကိုး။ဇော်မဲငနဲ အသံ နာလန်မထနိုင်တော့မှန်း သိတော့ ကျော်မျိုးမင်းတို့ ကျော်စိုးဦးတို့ကလဲ ရှေ့တန်းကျတပ်မတော်သားများကို တဖွဲ့လုံးပေါင်းမှ သုံးသောင်းပဲ လှူတဲ့ မိုးဟိန်းတို့ သူရိယကို ကျော်ချင်ခွချင် ပြန်ကြားရေးဘုရင် လုပ်ချင်တော့ ဒီရက်ပိုင်း ပိုအူပြ ဟောင်ပြ တောင်ပြနေကြလေရဲ့။ တောင်ပြဆို မိုးဟိန်းက အယ်ဘ ပျော့သည်ပြောတာကိုး။ ကျော်မျိုးမင်းဆို ငမဲကို ဟားချက်များ ဘက်မှားနေသလားတောင် ထင်ရ။ ငမဲငနဲခမျာမလဲ အသံတင်ပျော့တာမဟုတ်၊ ဟန်ပါမကျော့ရှာတော့ ခုဆို သတင်းစာရှင်းတာ ရုပ်တောင် မပြရဲရှာ။ လေလှိုင်းအစိုးရ ဘာညာနဲ့ နုကြည်ကို ဟီခဲ့သမျှ အခွီခံနေရ။ တကယ့် လေသက်သက်လွှင့်နေရ။ ထုတ်လွှင့် မဟုတ်၊ မသာရုပ် မထုတ်၊ လနာသံပဲ လွှင့်တော့ တိုင်းပြည်လဲ ပျို့ချင် အန်ချင်စိတ် လျော့တာပေါ့လေ။ခုအသံတောင် စကစပိုင် ပြန်ကြားရေးဌာန ပျောက်လို့ Yangon Media Group ဆိုတဲ့ အမည်ခွဲလေးနဲ့ ဟဲနေရ။ အပုပ်ကောင် ရုပ်ကြောင်တော့ မပြရဲရှာတော့ဘူးလေ၊ ပြလိုက်ရင် အလံဖြူ ပြတ်လပ်မှုကြုံသွားနိုင်သမို့လား။


Join Us @ MoeMaKa Telegram
t.me@moemaka
#MoeMaKaMedia
#WhatsHappeningInMyanmar

KNU/KNLA နဲ့ ပူးပေါင်းအဖွဲ့တွေ မုန်းမြို့ (မူးမြို့) ကို သိမ်းယူ၊ စစ်ကိုင်းတိုင်းထဲက နောက်ထပ် ရွာသား ဆယ်ဂဏန်းကျော် သတ်ဖြတ်ခံရတဲ့နောက်ထပ် ဖြစ်ရပ်တခု
https://ift.tt/7QYJFHs
<a href="https://blogger.googleusercontent.com/img/a/AVvXsEjUlI8B3hAUX-igAgU5xLAldnYQPw2doxxSIxCQ6jx-5RcDl5Hp5BnIQXAV-wuIsb7yorglOM9sWrhF6bplqNN-3FoMdQARi4r-hkllXYvPuPN_5zdmoksq8t9P4nsR0pYSu553QJn0ZHFu45_n-FRWfHgiBqWs-3sTHetD9JLIuXp_GVSltpzGKncYRVE">Media</a>
မြန်မာနွေဦး ခရိုနီကယ် - ဒီဇင်ဘာ ၃ မြင်ကွင်း(မိုးမခ) ဒီဇင်ဘာ ၄၊ ၂၀၂၃
KNU/KNLA နဲ့ ပူးပေါင်းအဖွဲ့တွေ မုန်းမြို့ (မူးမြို့) ကို သိမ်းယူ၊ စစ်ကိုင်းတိုင်းထဲက နောက်ထပ် ရွာသား ဆယ်ဂဏန်းကျော် သတ်ဖြတ်ခံရတဲ့ နောက်ထပ် ဖြစ်ရပ်တခုကရင်ပြည်နယ်ရဲ့ မြောက်ပိုင်းနဲ့ထိစပ်နေတဲ့ ပဲခူးတိုင်းထဲက ကျောက်ကြီးမြို့နယ် မုန်း(ကရင်ဘာသာ အသံထွက်နဲ့ မူး) မြို့ကို ကေအန်ယူ တပ်ဖွဲ့နဲ့ BLPA, PDF တွေ ပူးပေါင်းပြီး မြို့မှာ အခြေစိုက်တဲ့ တပ်ရင်း၊ ရဲစခန်းတွေကို ဒီဇင်ဘာ ၂ ရက်နေ့က စတင်တိုက်ခိုက်ခဲ့ပြီး ၃ ရက်နေ့မှာတော့ စခန်းနဲ့ တပ်ရင်းတခုကို သိမ်းပိုက်နိုင်ခဲ့တယ်လို့ အာရ်အက်ဖ်အေ သတင်းမှာ ဖော်ပြထားပြီး အခြားသတင်းတွေမှာတော့ မြို့ကို အလုံးစုံသိမ်းယူနိုင်တဲ့ အခြေအနေတော့ မဟုတ်သေးကြောင်း မီဒီယာကို ပြောဆိုထားကြပါတယ်။ ပဲခူးတိုင်းရဲ့ အရှေ့ဘက်ခြမ်း၊ စစ်တောင်းမြစ်ရှေ့ဘက်က ကျောက်ကြီး၊ မုန်း စတဲ့ဒေသတွေက ကရင်တိုင်းရင်းသားတွေ အခြေချနေထိုင်ကြတဲ့ ဒေသတွေဖြစ်ပြီး ယခင်ကတည်းက ကေအန်ယူ စစ်ရေးလှုပ်ရှားမှုအားကောင်း တဲ့ဒေသတွေဖြစ်ပါတယ်။ သန်းခေါင်စာရင်းအရ လူဦးရေ ၁ သောင်း ၂ ထောင်ကျော်နေထိုင်တဲ့ မြို့ဖြစ်ပြီး ယခင်ကတည်းက ကေအန်ယူရဲ့ စိုးမိုးမှုအားကောင်းတဲ့ ဒေသတွေဖြစ်ပါတယ်။ အနောက်ဘက် စစ်တောင်းမြစ်ကူးပြီး အနောက်ဘက်အရပ်မှာ ရန်ကုန်မန္တလေး ကားလမ်း၊ ရထားလမ်းပေါ်က ဇေယျဝတီမြို့ တည်ရှိတာဖြစ်ပါတယ်။ စစ်ကောင်စီအနေနဲ့ ဆယ်စုနှစ်များစွာ စစ်ရေးအရ ထိန်းသိမ်းထားတဲ့ တပ်ရင်းတွေထဲက တခုကို အခုအခါ ကေအန်အယ်လ်အေနဲ့ ပူးပေါင်းအဖွဲ့တွေက သိမ်းယူခဲ့တဲ့ သဘောလည်း ဖြစ်ပါတယ်။ မုန်းမြို့ကိုသိမ်းယူပြီးနောက်မှာ စစ်တောင်းမြစ် အရှေ့ခြမ်း ရဲ့ ဒေသတွေကို ကေအန်ယူနဲ့ ပူးပေါင်းအဖွဲ့တွေ စစ်ရေးအရ ထပ်မံခြိမ်းခြောက်လာနိုင်တဲ့ အနေအထားလည်း ဖြစ်ပေါ်လာနိုင်တာဖြစ်ပါတယ်။ ဒီနေ့ သတင်းတွေထဲက နောက်ထပ် အကြောင်းအရာတခုကတော့ စစ်ကိုင်းတိုင်း မုံရွာမြို့နယ်ထဲက ကျပိုင်ရွာကို ခုရက်ပိုင်းအတွင်း စစ်ကောင်စီ စစ်ကြောင်းဝင်စီးပြီး ကျေးရွာသား ၅၀ ကျော်ဖမ်းဆီးခဲ့ပြီးနောက် သတ်ဖြတ်ခံရသူ အမျိုးသား ၁၈ ဦးထက်မနည်း သတ်ဖြတ်ခံရပြီး ၄င်းတို့ရဲ့ ရုပ်အလောင်းတွေကို ဖျောက်ဖျက်ဖို့ နေအိမ်တွေ မီးရှို့တဲ့အထဲ ထည့်သွင်းခဲ့တယ်ဆိုတဲ့ အစုလိုက် သတ်ဖြတ်မှု နောက်တခု ဖြစ်ပွားခဲ့ပါတယ်။ မုံရွာမြို့နဲ့ ၆ မိုင်သာ ကွာဝေးတဲ့ ကျပိုင်ရွာကို စစ်ကောင်စီတပ်တွေ နံနက်ပိုင်းမှာ ဝင်ရောက်ခဲ့ပြီး ၄င်းတို့ဝင်ရောက်လာချိန်မှာ ထွက်ပြေးဖို့ အချိန်မမှီလိုက်တဲ့ သူ ၅၀ ကျော်ကို စစ်ကောင်စီက ဖမ်းဆီး စစ်မေးပြီး အမျိုးသားတွေထဲက အရွယ်ရောက်ပြီး အသက် ၅၀ အောက်တွေကို သတ်ဖြတ်ခဲ့တာလည်း ဖြစ်ပါတယ်။ ဒီဖြစ်ရပ်မဖြစ်ပွားမီ ရက်အနည်းငယ်အတွင်း ကျပိုင်ရွာနဲ့ မဝေးတဲ့ တောပုရွာ အနီးက စစ်ကောင်စီရဲ့ အစီအစဥ်နဲ့ ဖွဲ့စည်းထားတဲ့ ပျူစောထီး (ပြည်သူ့စစ်) အဖွဲ့တွေရဲ့ မန္တလေး-မုံရွာ ကားလမ်းနဘေး အထိုင်စခန်းငယ်တခုကို PDF တွေက တိုက်ခိုက်ခဲ့ပြီးနောက် ရက်အနည်းငယ်အတွင်း အခုလို စစ်ကောင်စီတပ်တွေက အဆိုပါ တောပုရွာမှာ အခြေစိုက်ကြတဲ့ ပျူစောထီးတွေနဲ့ ပူးပေါင်းပြီး လက်စားချေ တိုက်ခိုက်ခဲ့တာဖြစ်မယ်လို့ ဒေသခံတွေဆိုကြောင်း သတင်းတွေမှာ ဖော်ပြထားပါတယ်။ စစ်ကိုင်းတိုင်းထဲက ကျေးရွာတွေအနက် အချို့သောကျေးရွာတွေက ကြံ့ခိုင်ရေးနဲ့ စစ်ကောင်စီကို ထောက်ခံတဲ့ ကျေးရွာတွေ ဖြစ်ပြီး အခုလို လက်နက်ကိုင် ပဋိပက္ခတွေ မဖြစ်ခင်နကိုတုန်းကတော့ အခုလို လက်စားချေ တိုက်ခိုက် သတ်ဖြတ်တာတွေ မရှိပေမယ့် စစ်အာဏာသိမ်းပြီးနောက်ပိုင်း စစ်ကောင်စီအနေနဲ့ အဲဒီလို ကျေးရွာတွေကို ပြည်သူ့စစ် ဖွဲ့စည်းပြီး PDF တပ်ဖွဲ့တွေကို တိုက်ခိုက်ဖို့ စစ်ကောင်စီရဲ့ စစ်ကြောင်းတွေ ထိုးတဲ့အခါ အကူအညီရဖို့ စီစဥ်လုပ်ဆောင်ခဲ့တာ ဖြစ်ပါတယ်။ ကန့်ဘလူမြို့နယ်ဘက်မှာ ၅၅၀ ဆရာတော်လို့ လူသိများတဲ့ အသက်အရွယ်အားဖြင့် လူလတ်ပိုင်းဆရာတော်တပါးက အဲဒီနယ်တဝိုက်မှာ ပြည်သူ့စစ်အဖွဲ့တွေကို ဦးဆောင်သင်တန်းပေးတာ စည်းရုံးတာ ကျေးရွာကာကွယ်ရေးအဖွဲ့လို့ ဆိုပြီး PDF တွေကို တန်ပြန်တိုက်ခိုက်ဖို့ စီစဥ်တာတွေမှာ နာမည်ကြီးပါတယ်။ ကျပိုင်ရွာဖြစ်ရပ်ကို ကြည့်ရင် လူဒါဇင်နဲ့ချီ သတ်ဖြတ်ပြီး နေအိမ်ရာဂဏန်း မီးရှို့ဖျက်ဆီးခဲ့တဲ့ ဖြစ်ရပ်ဟာ စစ်ကိုင်းတိုင်းအဖို့ အသစ်အဆန်းမဟုတ်ပေမယ့် ရွာနီးနားချင်း ၂ ရွာကို ရန်သူဖြစ်အောင် အခဲမကြေ ဖြစ်အောင် ဖန်တီးခဲ့တဲ့ သဘောမျိုးတွေ့ရမှာ ဖြစ်ပါတယ်။ ဒီကျေးရွာကို ဝင်ရောက်ချိန်မှာ တောပုရွာက ပြည်သူ့စစ်တွေကိုပါ အကူအညီအနေနဲ့ ခေါ်ဆောင်လာခဲ့တယ်လို့လည်း သတင်းတချို့မှာ ဒေသခံကိုကိုးကား ဖော်ပြထားတာ …