تمنيتك حلم ياطف..

ولا شوفنها زينب تركظ اعله التل
ولا شوفن يتامه متيها ماتندل
ولا شوف الحسين يودع بعباس..ويجي العاشر ومانعرف شنو المقتل..

تمنيتك حلم ياطف..
وافز ما الكه حرك خيام.. وزينب يمها واليها..
وباوع للرباب بخير
وبعد عبد الله بيديها
وروحن يم رقية حسين.. وتلمس تراجيها..
رسايلهم جذب يحسين.. ويرد ماصدّكت بيها

تمنيتك حلم ياطف.
ولا شوف العيال ميسره للشام.
ولاشوفنها زينب حايره بايتام
ولاشوفن جروح حسين ماتلتام

تمنيتك حلم ياطف..
ويفز من نومته التاريخ ويسولف صدك عنك..
ومسح هالحجي يحسين ابد ما سابح بدمك
وكتب عله الرسايل ذيج سوالف خاف ياذنك

يحسين يمرايت محمد
الكتوبها مو عالشيعه تنعد
بالك تجي للكوفه مولاي
يغدرون بيك الله ولحد "🖤



لـ محمود اليزل

هاي الناس تكرهني
باچر لو متت يحچون هذا الميت نحبه
دنيا وماكو صاحب زين
بس عباس والجربه "🖤


منقول

الشاعر الكبير #كاظم__خبط

قصيدة ___ "دولة الفقراء"

.
.

يمة ذوله أهل القصر ما لاعبوني ،،
يمة من شافوني اجيت
تنادسوا واستغربوني

يمه ماسموني بإسمي،،
وگالو هذا ابن الفقير وشتموني
وگالو هذا ابن الصريفه وعيروني

يمة جا هو الفقير اشسوه من نجله ابعمرهم
يمه جا هيه الصريفه شماخذه وخايف قصرهم

يمه گالوا لاتمر منا بعد بالك تشم ريحة وردنه
وگالو بجدمك الحافي نخاف يترب عكَدنه
يمه عدهم كلشي عدهم واحنه بس الماكو عدنة ..

يمه لعابات عدهم مدري شنهي ,
وانه لعاباتي طين,

يمه حته ثيابهم مستغربتني
يعاتبن ثوبي الحزين

, يمه جا ليش احنه فقره؟؟
وليش اهلهم زناگين؟!

يمــــــه دين الفقره متعب
خل نبدله بغير ديــــــن..

وليش ماعدنه قصر عالي مثلهم ؟
موش ابونة اليبني هاي قصورهم كل هالسنين

وليش ماعدنه ورد يمه مثلهم؟
موش ابونه اليزرعلهم بساتين؟

يمة مو گتيلي مره
ابنادم اطباعه تهم مايهم لونه ..

ويمة مو گَتيلي مرة .
يمة ثاري،،
ثاري بس الگمر بالدنيه يحبنه
اعلينة يسهر دوم ماغمض اعيونه

يمة خاف الكَمر هم ينباع والهم يشترونه!!

***

يمة امس مر بينة فارس
خضرن دمعاتنه بروحه سوالف

لونة لون وجوهنه ويشكي مثله
يمة والعباس جنه من الصرايف

سولفنه شكثر سولف كلهن سوالف جديده
يمة كَال الحكَه بيد الغير جا شيسوي بيده
يمة كَال السكك كثرة . الفرح بالسكة البعيده"🖤

كون العمر
عمر الصفگة برموشك يساهي الليل
كون الليل حرگة طيف، مو صفنة الباب بعتبة مبيوگة
كون تنام مثل الدم غريب بصفنة الشريان
كون عيونك يلوحن نوايا العتب بالسجّان
كون تنام وأنت تعرف روحك ذكره مو نسيان
كون بكل گلب تتلاگه وي انسان

عليمن هالنفس يصعد سهر فانوس
ويحدّر صحو بنجمة
عليمن تنكتل جمّار وانت بسگيتك ثلمه
عليمن تنهب بعمرك نفس غرگان
والدنيا عراضة حرب مبيوعة اعل ثلمه گاع
ياصبّير يا حگ العطش كافي
لو تنكتب فيض برگبة البستان.
لو تسكت عله شفافي
لا تكتب اغاني لعشگ متعافي "🖤



لـ عباس الغالبي

هلي والموت لاحگني عله عشريني
هلي والـ ماحجيته الڪم يـٲذيني "🖤



الذكرى السنويه الرابعه الله يرحمج

لـ وجدان النقيب

گــودني بواهــس حبيــبه
وحلـّي همــي بهــيل چلمات الــ تعاي

واهمــس بــ أذني حنيــن وصفي نيــتك
ابد متشوفه گفاي "🖤

لـ وجدان النقيب

مثل هذا اليوم قبل اربع اعوام فُقدت حواء الشعر الشعبي وجدان النقيب لروحك الرحمه والمغفره "

ناري ما تطفه ولا نارك طفت
وعيني قبلك تطفي اذا عينك بچت
كون يمك الف هنياله الگعد هالليله يمك ..🖤

الراحل عادل محسن

شعراء الوطن يتساقطون واحداً تلو الأخر اليوم
عادل محسن يلتحق بجبار رشيد

الرحمه والغفران

شلونك يبعد المو الي
يالتعبتني انت وهلي
لا بيك گطره من الهلا
ولا ملگه غيرك بي دوه
چا ابدلك انه من الصبح لو ينلزم بيدي الهوه
مرات مو من البچي
مرات صفنه تفضحك
والدمع مو للمنهظم
يلوگ بس لليضحك
لو ادري بيك بيا كتر
ابچيك حد ما امسحك
بس انت مثل المستحه
من كل كتر ماخذني
امنيتي اعرفك بطلت
لو لسه باقي تحبني
ارد افتهم تسوه السهر ؟
مستاهل مدنگني
مشكلتي اعرفك ما ترد
بس جيب اليتوبني
كلما اغمض انسجن
ويچتفني هدومي
ليش انه من دون الخلگ
بهدومي يخلص يومي ..🖤

لـ حسام الحمزاوي

واذا چانن رسايل بيض وديهن
‏يَـ منك حتى اليوجعن ‏مرات آغنيهن !🖤

منقول"

هواي بيه حجي
بس ما احب اعتب

اعرف مكاني عدل
واندل ظهور الشگر بالذيل ما جلب

تروح ناس وتجي
وگلبي بمحبته يشب
ما كره مرة بشر خلص حياته يحب

رايد لگلبي گلب
تعبني هذا لأن ما يعرف يجذب

وبين بوجهي العطش
بس ما كسرت الحب"🖤


لـ عقيل العرد

خلهم بسفر باجر يردون
اردهن بالمثل دمعات الاعيون
واضل اضحك عليهم
وضم ضحكة لبجيهم
هذول الخربو ضحكات الاسنون"🖤





لـ علي_البديري

_حٰسبَِالي الوَِجوَه الحلٰوّة متَجَِذبَ "🖤

وحِسبَاليٰ اليُِحَب النـِٰاس يلگِه النّاس همّ تحبَ


لـ محسن الموسوي

ترى المفروض مو هلگد محبتكم
خساراتي حجمها بگد معزّتكم

فاتتني وطحت من كون سائلكم
تسووها ؟ تطيحولي من أطيحلكم ؟

چان ببالي أگابلكم وأعاتبكم
وچنت أنسى حرگتي من أگابلكم

عمت عينه اليضوج گبال شوفتكم
عمت عينه اليگول تهون روحتكم

دصيرو گبالي خل أگضيها أشمنّكم
ترى يا دوب تحچي وياي صورتكم"🖤

.



لـ زيد الهاجري

.
تشــابكــنه ودفــه كلــــشي
صــفـــن ويبـاوع بـرمـــشي
ظحــك من كتله هااا نمــشي .
.
غمزلي وكالي شـــــــويه .
.
بيــاض اسنونه جنهن شــب
مــادك باب كلبــي وطـــــب
انـــا المشـكله مــن ارغـــب .
.
ايـــشاركـنــي بهــوى الريه .
.
اشـكر والعيون اوســـــاع
شــفايف لــوطعم نعـــنـاع
مشه وتبوس جـدمه الكاع .
.
ابنادم مــدري حــــــوريه .
.
شحــلاته اليلتــقي بـولفــه
لا والحــلـوه مــن يــغـفــه
اعله زنـــدي وألـــعب بزلفه .
.
واكعــدنه اعله رجـــــليــه .
.
شحلات عيونه اذا ســلهم
تْرَدِ عــافيتي مــن اشــتم
ركِبته وبيها مــدري اشجم . .
حدايق ورد جــــوريــــــه .
.
احبـــه بســـاعــة المــــلكـه
الــهـلا مــن تـطـلـع بـحـركه
بــدفو من اسـمعـها من حلكه .
.
واردد بـيـهـا لـيـلـيــــه .
.
ترف بــس يجــرح المعشوك
اذا مــابـيـه مــحــنة نــووك
حـبيــتك وشــرط الظــوك .
.
وطـــعــم اشفايـفك بيــه .
.
كل ذنــي وبعدنه انــخـاف
طفيــنه الضــوه واننشـاف
يــلـــمــع خـــدك الـشـــفاف .
.
طولك جـــنه بــرحـــيه .
.
انه من اشتم ركبته ارتاح
خدر مابين اديه وطــــاح
ادم مـــــاكـــل الــتـــفـاح .
.
خــــايــب جاانه شــــعليه .
.
كتلني بخصره من ايميـل
وحُدنَه وكــام بيه ايعــيل
شحلاته بزلفه من ايشـيل .
.
ثخيــن ونــكعـــد افـــيه .
.
انته منين يــمدلل وانــامين
ثقه وارتاحلك كلبي وانـامين
اشم بصورتك واخدر وانامن
وهــلي بيا فاطمه ايكعدون بيه .

سجاد الابراهيمي ..... غزل”🖤