لما تبقي شايل الهم وفاكر نفسك أكتر واحد تعيس فى الدنيا علشان ضغوطات المذاكرة والدراسة ، إنزل الشارع وشوف الشاب اللى فسنك وبيشتغل عامل نظافة أو ميكانيكي أو فى مخبز أو فى البناء وغيره (مع احترامنا لجميع المهن دي ولأصحابها) ، هتعرف إنك فى نعمة كبيرة وإن وضعك اللى انت ناقم عليه غيرك كتير يتمنوه . في حين إنك بتذاكر على مكتب أو سرير فى التكييف وبتاكل وبتشرب وقت ما تعوز وكل طلباتك مُجابة وأهلك بيدللوك علشان تذاكر وبيخافو على زعلك، غيرك مجبر على الكد والتعب وبيبذل مجهود أضعافك وبأجر ضئيل جدا ومش لاقي كلمة تواسيه فى سبيل سعيه على أمه او أخواته علشان يحصل لقمة العيش ..
فالوقت ده لازم تقول : الحمد لله الذي لم يجعل عيشي كدا كدا وصبَّ علي الخير صبّا صبّا.

نفس الوضع بعد التخرج بتكون قاعد فى مكتب مكيف طلباتك مجابة والكل بيحترمك وبتاخد أجر كويس وغيرك شغال فى الحر والبرد وبيصحي من الفجر ...كل دى نعم لازم تحمد ربنا عليها وتشكره وتفكر نفسك بيها باستمرار علشان ربنا يحفظها ويزيدها وينمّيها " ولئن شكرتم لأزيدنكم" .

اول ما تدخلو تانية
هتاخدو مديول الكارديو باذن الله مديول مش اسهل حاجه ومدته سبع اسابيع يعني كم المعلومات فيه كتير
ف المهم متنسوش زمايلكم ف بنين من دعائكم عشان هيمتحنوه بكرة
ومتنسوناش في طب بنات عشان هنمتحن الأربع والخميس
ربنا يوفقنا جميعا ويوفقكم 🤍🤍🤍🤍

لو تعرف حد من أولى ابعتله دي👇

سلام عليكم 👋
بناء على طلب حضراتكم أن المذكرة تنزل pdf لأن كتير منكم في البلد فأنا قررت أنزلها PDF مجانا و لوجه الله
مش محتاج منكم غير دعوة بصلاح الحال و التوفيق في امتحان ال CVS بكرة إن شاء الله (و ربنا يشهد أنها متعوب عليها جدا و استهلكت مني ١٠ أيام عشان أنظمها) لكن درجاتكم و تفوقكم و دعاءكم أهم عندي من كل دا
و زي ما قلت المذكرة فيها أهم الأسئلة لو حلتها و حليت كتب الاقسام هتضمن امتياز بعون الله
بالتوفيق يا شباب و متنسوش دعاءكم ليا و لزمايلي في امتحان بكرة إن شاء الله أن الدكاترة تسهل علينا كدا بعون الله و ربنا معاكم❤

مش عارفه مين الدكتور صاحبها
ولكن متنسهوش من دعاءكم
دا مديول النورمال (بنين)

لو حد سنه اولى
Come
https://t.me/youcan169

كله تمام ولا لسه؟🌚

ورقة الضامن
اي حد موظف حكومي
حتي لو هتروحو لمدرس عارفكم بس
شرط أساسي ختم النسر لو مفيش ختم النسر متخليهوش يمضيها

بتطبعو الورق اللي نازل علي الموقع اما ينزل أن شاء الله
ومن ضمن الورق ورقة الكشف الطبي دي بتعملوها قبل اي حاجة ف الإدارة الطبية جوا المدينة الرئيسة اسالو الأمن اللي علي البوابة وهو هيقولكم هي فين
وبعدين بتروحو المبني بتاعكم تخلصو باقي الورق
صورة بطاقتك وولي امرك و بطاقة الضامن للاحتياط خلي معاك لكل واحد ٣ صور
واللقاح صورتين
وبالنسبة للبنات ٦ صور مش عارفة البنين
ووصل فوري بتاع ال 400 جنيه ووصل الشهر لو انت اقتصادي ووصل ال60 جنيه متصورين
لو لا قدر الله والدك متوفي أو والدتك هي ولي الأمر لاي سبب من الأسباب هات ورقة معاك بكدا مش مجرد البطاقة بتاعتها
وساعات بيرخمو ويطلبو فلوس تدفع بالفيزا او ممكن تاخدو من حد من اللي واقفين عادي
بيتهيالي كدا معتش ناقص حاجة

حاجه كدا تفك عننا علي سبيل الفكاهة😂

مسالتش عنكم من زمان 🥲
معلش بقا اكيد متفهمين بقينا في نفس المركب 🙂
المهم بقا الترم بيخلص وكدا يعني
كله تمام ولا لسه؟😂

ايه رايكم في الموضوع دا ك دكاترة؟ 🌚

النهارده فاينل كأس العالم الساعه 5
ال بيتابعه تقريبا أكتر من نص سكان الكوكب!

صلاة المغرب الساعه 4:58 تقريبا علي حسب منطقتك
الماتش هيخلص الساعه 7 أو أكثر

صلاة العشاء الساعة 6:21 تقريبا علي حسب منطقتك

قال رسول الله ﷺ: "العِبَادَةُ في الهَرْجِ كهِجْرةٍ إلَيَّ" رواهُ مُسْلمٌ


كما أنّ تأخير الصلاة عن وقتها بدون عذر شرعي حتي تخرج عنه من أكبر الكبائر قال _تعالي_:{ إِنَّ الصَّلاةَ كَانَتْ عَلَى الْمُؤْمِنِينَ كِتَابًا مَوْقُوتًا}[النساء:103]

انا عارفه انتو مريتو بايه كويس الفترة اللي فاتت ولسه خايفين عشان الجاي
عارفة إن دلوقتي في ناس بيتردد جواها صوت بيقول انا ايه دخلني الكلية دي وباصص علي غيره وهو عايش حياته
يمكن كمان سمعتو عن اللي بيحصل في المستشفيات🥲
عارفة إن كل دي حاجات تستدعي الزعل أو السخط حتي
انا بس عايزه الفت نظركم لكام حاجة:-
"اولهم أن الكلية دى حلمك واللى كلنا بندعي بيه من سنين يعني معنى كدا دعاءنا وسعينا بيجيب نتيجة اهو يبقي خايفين ليه دلوقتي ربنا اكيد مش هيسبنا زى ما مسبناش قبل كدا🥺
"حاجه كمان احنا احسن بكتير جدا من شباب كتير ف سننا
احنا معندناش وقت نعصي ربنا فيه ، فاكرين ( نعمتان مغبون فيهما كثير من الناس الصحة والفراغ)
اهو احنا ربنا حمانا من الفراغ دا ، دا غير انك في شبابك هتشوف حالات كفيلة تخلي قلب الواحد يلين لو هو حجر إشارات كلها عشان نتوب غيرنا معندوش الفرصة دي
"كمان ربنا أما يسالك عن عمرك فيما افنيت؟
هنعرف نرد باذن الله♥️
يبقي نصبر شوية نخلينا لطاف مع نفسنا شوية وكله هيعدي اصل اللي قبل كدا عدى ايه اللي هيخلي دا ميعديش؟
احنا مش مطلوب مننا غير السعي كل واحد يعمل المطلوب منه وعلي أد مقدرته ( لا يكلف الله نفسا إلا وسعها) وإدراك النتائج على الله 😌
بس منتلهيش عن ربنا يعني منسبش الصلاة والمصحف والاذكار ونجدد النية دايما ومنبخلش علي نفسنا بالدعاء
مننساش نشكر ربنا على كل حاجه (ولئن شكرتم لازيدنكم) 😊
ربنا يوفقكم في اللي جاي كله ويجبركم في اللي فات💚💚

ببالغ الحزن و الأسى ننعى وفاة والد زميلنا زياد عشري ، ربنا يرحمه ويغفر له ويسكنه فسيح جناته ويلهم أهله و ذويه الصبر والسلوان
نسألكم الفاتحة و الدعاء

البنت دي إسمها رؤي حمزة عندها ٧ سنين من تلا - المنوفية تم تشخيص مرضها من فترة بسيطة " فشل في النخاع" ومحتاجة عملية زرع نخاع فى تركيا ضرورى جدًا جدًا جدًا فى أقرب وقت .

الحالة حاليًا محجوزة فى مستشفي طنطا الجامعى قسم " أمراض الدم" .

الحالة موثوق منها جدًا لأنها من بلدي ونعرفهم، فالبوست ممكن يتشير من الناس اللي هنا ويوصل لخارج حدود المركز ونوصل للمبلغ بسهولة فى أقرب وقت .
مهم جدا نرجو من جميع الصفحات الكبيرة المشاركة

#تحديث بتاريخ 1/6 الحالة في نزيف دائم وحالتها خطرة جداً والمبلغ لسه ماتعداش ال٢ مليون جنيه ومحتاجين ٣ مليون يعني اتبقي مليون وحاجات بسيطة ، الحالة تم إرسال عينتها تركيا للبحث عن عينة تطابقها وتم استخراج ليها جواز سفر استعدادا لسفرها .

أتمني اللي مش قادر يدعم ماليًا يعمل شير للبوست لعل غيره قادر " فمن أحياها فكأنما أحيا الناس جميعا

ودى أرقام والدها حمزة وعليهم فودافون كاش
01063202725 متاح
01003042340 متاح
01092497736 متاح وده رقم الوالد للتواصل  01094239294 متاح
+201094239294 رقم انستا بي

وبشكر الناس اللي اتواصلت وارسلت بالفعل مبالغ بسبب البوست وده يأكد أهمية النشر .