بسبب ذاك البرود البيَك
علاقتنا نهيناها
مثل ما اني ناسي الصار
انت اتقوة وانساها ،
لدزلي رسايل حاچي بيها هواي
ماعندي خلك اگعد واقراها .

اجت عينك بعيني وطالت السكتة
وجزيت وعفت واحد ناسي سالفته
چنت احچيلهُم بالماضي وشمحلاه
وعرفت الجاي احلى من الحچي الگلتة
وعرفت الگلب يوگف والبشر ميموت
ثواني بنگل جدمك عطلت دگتة
منين انت ؟ من يا غصن جاي ؟
اهلك بيا بستان ؟ نوع من الورد ؟
كائن جديد انتَ ؟!

كل ماشوف
عالم يمة اتنحس
ويسرع نبض
گلبي وگوة اتنفس
يضحك من اغار
واني اشوف الموت
ولمن ازعل ،
يگلي اصدقاء وبس !

يا بزر حُضني ونصيبي
انا چنت اسمي اتيهةه
بـ كثر متگلي حبيبي ♥️.

گلبي يريد يحچي الصار
تتصورني خليتة ؟
اذا السويته بية ماگدرت احچي
انت شلون سويته ؟
- باهر الجنديل

مره جاي من الحرب
مگتول اخوي ،
منين متكضني انتقام
وبس لزمت چفوف اديه
طفت كل النار بيه
وگُمت اسولف بالغرام

چنت ما حاس بگلبي
بَس لاگيتك وحسيت
وعرفت بروحي هالمرة
صُدك حَبيت ، من
تطول بنومك واگلك
اگعد اشتاگيت .

من چنت اجرحك تقترب ،
مُعجب چنت بـ اسلوبي
واني ادري ليش تغيرت
جامد ، ومانحب صرت
من صلحتها عيوبي .

اللي ميحس بزعلك لا تِزعل منه ولا تِزعل عليه .

هَو هَذا الحُبّ .. حَلو بَس بالبدايَات
مِثل الچَاي لذَته بأوَل گلاصَ ..

ما طحت لسة بخير وامشي برهاوة
وحصتي بحلك الـ اسباع اخذها خاوة

بالي مو يمهن بالي يمها
وذني ظِلها ، وحيل مشتاك لحُضنها
- ايهاب عصام

ما مرخوص من تروح
وانت اول بشر ضحيتلة بصحتي .

المفروض بـ اول خطوة اعوفك
گاطعلي ديرة وجاي اشوفك
تگلي الظروف معاندة وياي ؟
ترحولي فدوه انت وظروفك

ناوشني باكيت الجگاير
ذولة جابوا طاري ولفي

طوارفها ثلج ، ومكحلة بليل
وسواد البؤبؤ يوديني سفرة
هاي عيونها ، والباقي مضموم
اغار عليها ماراويك شَعرة
بكثر ما حلوة اني الاسمر الطوخ
من اذكُرها تصير خدودي حمرة

احنة ماعدنة العشك صفنة وخيال
احنة من نحب نطك وننفجر
- جبار رشيد

بس انته ، ولك يبعيد بس انت
اجه رب الدوة لجرحي وفلا ردتة
احبن جرحي أحسه انت

ولميت العفن والصگط والممروض
وخاويت ﺍﻟﻮذر والزفر ﻭﺍﻟﻠﻔﺎﺡ
ﻭﻣﻦ ﺩﺍﺭﺕ ﺍﻟﺪﻧﻴﺎ ﻭﺯﺭه ﻭﻳﺎك ﺍﻟﺤﺎﻝ
غطوا روسهم والداح منهم داح 💔

الينجرح جرح چبير من أغلى شخصين عنده شيسووله؟

المشكلة قصتي غريبة شوية
سوء حظ وليس سوء فهم