‏الصدمة إلليّ بتجيلك من حد أنت بتحبه كفيلة إنها تقفلك من الناس كلها

السلام عليكم ورحمة الله وبركاته
صباح الخير يا شباب
الرضا بالقضاء مش معناه إنك ممنوع تتألم!
إنت بشر، بني آدم ضعيف مهما كنت قوي
فطبيعي إنك تتألم، وتبكي، ويضيق صدرك
ولكن..
رغم ألمك إنت صابر محتسب الأجر عند الله
رغم بكاءك إنت مش بتقنط من رحمة الله
رغم ضيق صدرك إنت مش بتشكي ربنا للناس
النبي ﷺ لما مات ابنه إبراهيم بكى وقال: "إنَّ العَينَ تَدمَعُ، والقَلبَ يَحزَنُ، ولا نَقولُ إلَّا ما يَرضى رَبُّنا، وإنَّا بفِراقِكَ يا إبراهيمُ لَمَحزونونَ"..
الخلاصة..
ألمك لا يتعارض مع يقينك التام بأن قضاء الله كله خير.

‏مش سهل تلاقي حد يستحملك وقت زعلك .

قررت اعملكم roadmap لانهاء اي نقاش :-
موضوع ديني: ربنا يهدينا جميعاً.
‏موضوع سياسي: ربنا يولي من يصلح.
‏موضوع اجتماعي: مفيش زي أيام زمان.
‏موضوع شخصي (سعيد): ما شاء الله.
‏موضوع شخصي (حزين): لا حول ولا قوة إلا بالله.
‏وايلد كارد بتمشي مع أي حاجة: دوام الحال من المحال.

- عايز تنجح؟ صلي
- عايز تبقي حاجه كبيره؟ صلي
- عايز تشتري حاجه؟ صلي
- نفسك توصل لِحاجه معينة؟ صلي
- محتاج حاجه من ربنا ونفسه يحققها ليك؟ صلي
- نفسك تتعلم حاجه معينه؟ صلي
- نفسك تشتغل؟ صلي
- نفسك في أي حاجه في الدنيا كبيره اوي صغيره ، صعبه أو سهله مستحيله أو لا؟ صلي


- الصلاة بدايه لكُل حاجه نفسك فيها

أعوذُ بالله من ترك الصلاة وسوء الأخلاق ولسان مغتاب وحياة بلا هدف💌

• صباح الخير :
لأصحاب البال الطويل ٬ والصابرين رغم سوء الحياه ٬ والمتفائلين بأن القادم أجمل ٬
ولو بعد حين .

‏هذهِ هى الأيَّام الَّتي لا يملِك المرءُ فيها حيلةً سِوى أن يرفعَ وجهه للسَّماء تاركًا عيناهُ تبوح!

وأنتَ يا ربّ علِيم.

‏الإفراط في التسامح يعلم الناس التهاون في حقك.

‏مفيش أصعب من إنك تبقى تايه في نفسك ومش لاقي طريق ترجع منه ولا عارف ترجع أصلا .

فيه جملة عجبتني أوي بتقول:
لو نيّتك صافية هتوصل أبعد من أي حد..

والحقيقة إن فعلًا طول ما نيّتك كويسة ومن جواك نضيف ومسالم وبتحب الخير لغيرك ومركز في شغلك وحياتك وأهدافك؛ ممكن تحقق في أيام وشهور اللي غيرك بيحققه في سنين.

على نياتكم تُرزقون : ))

السلام عليكم ورحمة الله وبركاته
صباح الخير يا شباب .
من أسماء الله عز وجل: "الواسع" .
الواسع في رحمته، فلا ذنب أكبر من مغفرته..
والواسع في عطائه، فيُعطي بلا حساب، ويرزق من يشاء بفضله..
والواسع في علمه، فيعلم ما في قلبك، ويسمع دعاءك، ولا يخفى عليه شيء من أمرك..
لما تتعرف على اسم الله الواسع؛ قلبك هيطمئن وهتتأكد إن مهما ضاقت بك الدنيا، فرحمة الله أوسع، وفرجه أقرب مما تظن..
فلا تيأس، ولا تظن أن باب الخير أُغلق!
فربك واسع الرحمة، واسع العطاء، واسع الفضل..
{إِنَّ اللَّهَ وَاسِعٌ عَلِيمٌ}.

شُفت أفلام رُعب كتير ولا فيلم رعبني زي غيابَك .

السلام عليكم ورحمة الله وبركاته
صباح الخير يا شباب

لو مش قادر تزود طاعاتك أو تكتر أعمالك..
اعمل اللي تقدر عليه، حتى لو قليل.
بس خليه بنية صالحة، مش مجرد عادة أو واجب وخلاص.

واستحضر نيتك في كل حاجة..
لإن النية لوحدها ممكن تفتحلك أبواب من الخير ما كنتش تتوقعها.

-
كلما أعطيت القرآن من وقتك
أثابك الله نصراً على نفسك، على ملذاتها وشهواتها وعلى فتن هذا الزمان…

فالزَمِ القرآنَ، واجعله رفيقَ دربِك🤍🍃

شاركيني الشاي والليل ، والرغي بدون أهداف ، الحزن إن شاف إتنين ، قاعدين يضحكوا بيخاف .

Beautiful 🥰

هو ليه محدش بيتكلم عن الرغبه المجنونه في تحقيق كل الأهداف في سن صغير دون النظر لضعف الموارد .