अँडी मरेला ऐतिहासिक दुसरे सुवर्ण :
01. इंग्लंडचा टेनिसपटू अँडी मरेने ऑलिम्पिकमध्ये पुरुष एकेरीत दुसरे सुवर्णपदक पटकावताना इतिहास रचला.
02. रोमांचक झालेल्या अंतिम फेरीत मरेने अर्जेटिनाच्या ज्युआन मार्टिन डेल पोट्रोवर 7-5, 4-6, 6-2, 7-5 असा विजय मिळवत सुवर्णपदक मिळविले.
03. मरेने 2012 च्या लंडन ऑलिम्पिकमध्ये सुवर्णपदक पटकावले होते. तब्बल चार तास चाललेल्या या सामन्यात डेल पोट्रोने मरेला चांगली लढत दिली. पण मरेने अनुभव पणाला लावत हा अंतिम सामना जिंकला.
04. कांस्यपदकाच्या लढतीत स्पेनच्या राफेल नदालला पराभूत करून केई निशिकोरीने जपानला टेनिसमधील शतकातले पहिले पदक मिळवून देण्याचा मान पटकावला. या सामन्यात निशिकोरीने नदालला 6-2, 6-7 (1-7), 6-3 असे पराभूत केले.
05. तसेच यापूर्वी जपानने 1920 साली पुरुष एकेरी आणि दुहेरीमध्ये रौप्यपदक पटकावले होते.

भारतीय महिला मल्ल साक्षीची ऐतिहासिक कामगिरी
01. रिओ ऑलिंपिक स्पर्धेत पदकाची प्रतीक्षा असणाऱ्या भारतीयांसाठी महिला कुस्तीगीर साक्षी मलिकने कास्य पदकाची भेट दिली.
02. महिला कुस्तीतील 56 किलो वजनी गटात साक्षीने पिछाडी भरून काढत किरगिझस्तानच्या असुलू तिनीबेकोव्हा हिचा 8-5 असा पराभव केला.
03. ऑलिंपिक स्पर्धेत कुस्तीत पदक मिळविणारी साक्षी पहिली महिला खेळाडू, तर ऑलिंपिक पदक मिळविणारी ती चौथी महिला खेळाडू ठरली.
04. तसेच यापूर्वी करनाम मल्लेश्‍वरी (2000 सिडनी), मेरी कोम (2012, लंडन), साईना नेहवाल (2012, लंडन) यांनी ऑलिंपिक पदक मिळविले होते.
05. मल्ल साक्षी मलिक ही 29 ऑगस्ट रोजी खेलरत्नची मानकरी ठरेल.
06. राजीव गांधी खेलरत्न आणि अर्जुन पुरस्कार निवड समितीने देशाच्या सर्वोच्च पुरस्कारासाठी जिम्नॅस्ट दीपा कर्माकर तसेच नेमबाज जितू राय यांच्यासोबतच साक्षीच्या नावाची श्फिारस केली आहे.
07. 2008 च्या बीजिंग ऑलिम्पिक नंतर 2009 मध्ये ऑलिम्पिक पदक विजेता सुशील कुमार, बॉक्सर विजेंदरसिंग आणि पाच वेळेची विश्व चॅम्पियन बॉक्सर एम.सी. मेरिकोम यांना एकाचवेळी खेलरत्नने सन्मानित करण्यात आले.

वनविभागातर्फे विशेष मोहीमला प्रारंभ :
01. नामशेष होण्याच्या मार्गावर असलेल्या माळढोक पक्ष्याची संख्या वाढवण्याच्या दृष्टीने सोलापूर वनविभागाने विशेष मोहीम हाती घेतली आहे.
02. पाच-सहा टप्प्यांवर अर्थात 30 हेक्टरवर आठ उपयुक्त गवतांची लागवड करण्याची विशेष मोहीम हाती घेतली आहे़ याचा पहिला टप्पा म्हणून 5 हेक्टरवर या गवतांची लागवड करून माळढोक वाढीच्या दृष्टीने एक पाऊल टाकले आहे.
03. नान्नज अभयारण्यातून पक्ष्यांनी पाठ फिरवली, त्यामागे अनेक कारणे आहेत़ त्यातील मुख्य कारण म्हणजे गवत आणि कीटकसंख्या़ पूर्वी या संपूर्ण क्षेत्रफळात बहुतांश उपयुक्त गवत होते़.
04. कालांतराने उपयुक्त गवत कमी होत गेल्याने कीटकांची संख्या कमी होत गेली़ त्याचबरोबर काळवीट आणि ससे यांचीही संख्या रोडावत गेली़ खूप गांभीर्याने घेण्यासारखी ही बाब आहे.
05. तसेच परिणामत: एकेकाळी शंभराच्या जवळपास माळढोक पक्ष्यांची संख्या होती, आता एक-दोनवर असल्याचा सर्वेक्षणातील अंदाज आहे़.
06. निसर्गाच्या साखळीतील ही कडी सुस्थितीत ठेवण्यासाठी वनखात्याचे उपवन संरक्षक सुभाष बडवे यांनी कुरण व्यवस्थापनांतर्गत ह्यउपयुक्त गवतह्ण लागवडीची मोहीम हाती घेतली आहे.

उसेन बोल्टला आणखी एक सुवर्णपदक
01. रिओ ऑलिंपिकमध्ये 200 मीटर धावण्याच्या स्पर्धेत जमैकाच्या उसेन बोल्टने पुन्हा एकदा सुवर्णपदक पटकाविले आहे.
02. तसेच यापूर्वी 100 मीटर धावण्याच्या स्पर्धेतही त्याने सुवर्णपदक पटकावले आहे.
03. उसेनने 200 मीटरचे अंतर 19.78 सेकंदात पूर्ण केले. याच स्पर्धेत कॅनडाच्या ऍड्रे डे ग्रासे याला रौप्यपदक, तर फ्रान्सच्या क्रिस्तोफीला कांस्यपदक मिळाले.
04. विशेष म्हणजे या दोन्ही स्पर्धा पूर्ण करण्याच्या कालावधीत त्याने नवे विक्रम प्रस्थापित केले आहेत.
05. स्पर्धेनंतर ‘मी जगात महान आहे हे सिद्ध करण्यासाठी मला आता आणखी काहीही करण्याची गरज नाही‘, अशा प्रतिक्रिया उसेनने व्यक्त केल्या आहेत.

सचिन तेंडुलकर करणार डोंजा गावाचा विकास
01. माजी कसोटीपटू आणि राज्यसभा सदस्य सचिन तेंडुलकर उस्मानाबाद जिल्ह्यातील डोंजा गावाचा विकास करण्यास पुढाकार घेतला आहे.
02. खासदार आदर्श ग्राम योजनेतून गावाचा विकास करण्यासाठी सचिन तेंडुलकरने हे गाव दत्तक घेतले आहे.
03. सचिनने डोंजा गावाची निवड केल्याबद्दल आनंद वाटतो. सचिनच्या या कृतीने या परिसरातील अन्य गावांतही विकासाचे हे मॉडेल राबवले जाईल, अशी भावना उस्मानाबाद जिल्हा परिषदेचे मुख्य कार्यकारी अधिकारी आनंद रायते यांनी व्यक्त केली.

नरसिंग यादववर चार वर्षांची बंदी घोषित
01. भारताचा कुस्तीगिर नरसिंग यादव आपले निर्दोषत्व सिद्ध करू न शकल्यामुळे ब्राझीलच्या कोर्ट ऑफ ऑर्बिट्रेशन फॉर स्‍पोर्ट्सने (सीएएस) त्याच्यावर चार वर्षांची बंदी घातली आहे. त्यामुळे तो रिओ ऑलिंपिक स्पर्धेतून बाहेर पडला आहे.
02. (दि.18) भारतात दिवसभर साक्षी मलिकने कांस्यपदक मिळविल्याचा आनंद साजरा करण्यात येत होता. तर संध्याकाळी पी.व्ही.सिंधूचे पदक निश्‍चित झाल्याची आनंदवार्ताही आली होती.
03. तसेच दरम्यान रात्री उशिरा नरसिंग यादव स्पर्धेतून बाहेर झाल्याचे समोर आले आहे. 74 किलो वजनीगटाच्या प्रकारात (दि.19) यादवची लढत होणार होती.
04. नरसिंगच्या ऑलिंपिक सहभागास जागतिक उत्तेजक प्रतिबंधक संस्थेने (वाडा) हिरवा कंदील दिला असल्याचे भारतीय कुस्ती महासंघाच्या वरिष्ठ पदाधिकाऱ्यांनी सांगितले होते.
05. नरसिंगच्या स्पर्धेतील प्रवेशाबाबतची केवळ अधिकृत घोषणाच बाकी होती.
06. मात्र रिओतील स्थानिक प्रमाणवेळेनुसार सीएएसने वाडाचा निर्णय बाजूला ठेवत नरसिंगला स्पर्धेपासून दूर ठेवून चार वर्षांची बंदी लादली आहे.

ऑलिम्पिकमध्ये पी.व्ही. सिंधूला रौप्य पदक
01. अंतिम सामन्यात स्पेनच्या कॅरोलिना मारिन हिने भारताच्या पी.व्ही. सिंधूला 19-21, 21-12, 21-15 असे हरवून 2016 रिओ ऑलिम्पिकमध्ये बॅडमिंटनचे सुवर्णपदक जिंकले.
02. ऑलिम्पिकमध्ये अंतिम फेरी गाठणारी पहिली बॅडमिंटनपटू बनण्याचा बहुमान मिळवणारी सिंधू रौप्यपदकाची मानकरी ठरली.
03. सिंधूने पिछाडीवरुन येवून पहिला गेम जिंकल्यामुळे भारतीय चाहत्यांची सुवर्णपदकाची आस आणखीनच तीव्र बनली परंतु वर्ल्ड चॅम्पियन मारिनने आपला सर्व अनुभव पणाला लावून दुसऱ्या आणि तिसऱ्या गेममध्ये सिंधूचा पराभव केला.
04. अंतिम सामन्यात पराभूत झाली असली तरी सिंधूने जिगरबाज खेळाचे प्रदर्शन करुन सव्वाशे कोटी भारतीयांची मने मात्र जिंकली आहेत.
05. जपानच्या नोजोमी ओकुहारा हिला कांस्यपदक मिळाले.
06. तसेच उपांत्य सामन्यात सिंधूने ओकुहारा हिला तर कॅरोलिना मारिनने गत चॅम्पियन चीनच्या ली जुईरुईचा पराभव करीत अंतिम फेरी गाठली होती.

उसेन बोल्टची ऑलिम्पिकमध्ये 'सुवर्ण' हॅटट्रीक
01. जगातील सर्वांत वेगवान धावपटू म्हणून ज्याला ओळखलं जातं तो म्हणजे जमैकाचा उसेन बोल्ट.
02. एखादी रेस सहज जिंकणा-या उसेन बोल्टने पुन्हा एकदा सुवर्ण पदक जिंकत धावपट्टीवरचा बादशहा आपणच असल्याचे सिद्ध केले आहे.
03. जमैकाला 4 बाय 100 रिलेत सुवर्णपदक मिळाले असून यानिमित्ताने उसेन बोल्टने आपलं ट्रिपल ट्रिपल साजरे केले.
04. तसेच या सुवर्ण पदकासोबत सलग तीन ऑलिम्पिकमध्ये तीन सुवर्णपदके जिंकणारा उसेल बोल्ट पहिलाच अॅथलिट ठरला आहे.
05. उसेन बोल्टच्या खात्यात तीन ऑलिम्पिकमध्ये नऊ सुवर्णपदके जमा झाली आहेत.
06. नऊ सुवर्णपदके जिकंणारा आजवरचा चौथाच खेळाडू ठरण्याचा मानही उसेन बोल्टला मिळाला आहे.
07. बोल्टनं 2008 सालच्या बीजिंग, 2012 सालच्या लंडन आणि 2016च्या रिओ ऑलिम्पिकमध्ये 100 मीटर, 200 मीटर आणि फोर बाय हंड्रेड मीटरचे सुवर्णपदक जिंकण्याचा पराक्रम गाजवला आहे.

महाराष्ट्र सदनात उभारणार लोकमान्य टिळकांचा पुतळा
01. दिल्लीत उभारण्यात आलेल्या महाराष्ट्र सदनात लोकमान्य बाळ गंगाधर टिळक यांचा पुतळा उभारण्याचा निर्णय राज्य सरकारने घेतला आहे.
02. तसेच त्यासाठी समितीची स्थापना करण्यात आली असून, मुख्यमंत्री देवेंद्र फडणवीस यांनी समितीच्या अध्यक्षपदाची जबाबदारी स्वीकारली आहे.
03. या समितीत अर्थमंत्री सुधीर मुनगंटीवार, सांस्कृतिकमंत्री विनोद तावडे यांच्यासह प्रशासकीय अधिकाऱ्यांचा समावेश आहे.
04. मार्चमध्ये महाराष्ट्र सदनात उभारण्यात आलेल्या क्रांतिकारक व समाजसुधारकांच्या पुतळ्याबाबत आढावा घेण्यात आला होता. या वेळी तिथे लोकमान्य टिळकांचा पुतळा नसल्याचे समोर आले होते.
05. त्यामुळे महाराष्ट्र सदनाच्या स्वागत कक्षाच्या मध्यभागी लोकमान्य टिळकांचा पुतळा उभारण्याचा निर्णय सरकारने घेतला.

***रिओ ऑलिंपिक 2016 चा समारोप***
01. रिओ ऑलिंपिकमध्ये भारताला पहिले पदक मिळवून देणारी कुस्तीपटू साक्षी मलिकला समारोप समारंभात ध्वजधारकाचा मान देण्यात आला. साक्षीने मारकाना स्टेडियमवर भारताचा ध्वज फडकावला.
02. (दि.21) झालेल्या समारोप सोहळ्यात सर्वच देशांचे खेळाडू आपला ध्वज घेऊन सहभागी झाले होते.
03. उद्घाटन सोहळ्यात नेमबाज अभिनव बिंद्रा भारतीय पथकाचा ध्वजधारक होता. साक्षी मलिकने 58 किलो वजनी गटात भारताला ब्राँझपदक मिळवून दिले होते.
04. तसेच या ऑलिंपिकमध्ये भारताला फक्त दोन पदक मिळविण्यात यश आले.
05. भारताला साक्षीने ब्राँझ आणि बॅडमिंटनपटू पी.व्ही. सिंधू रौप्य पदक मिळवून दिले. यामुळे दोन पदकांसह भारत पदकतालिकेत 67 व्या स्थानावर राहिला.
06. रिओमध्ये अमेरिकेने पुन्हा एकदा आपले वर्चस्व सिद्ध केले आहे. अमेरिकेने 121 पदके जिंकून अव्वल स्थान मिळविले.
07. अमेरिकेच्या खेळाडूंनी 46 सुवर्ण, 37 रौप्य आणि 38 ब्राँझपदके मिळविली. तर, पदकतालिकेत ग्रेट ब्रिटनने आश्चर्यकारकरित्या दुसऱा क्रमांक मिळविला. ब्रिटनने 27 सुवर्ण, 23 रौप्य आणि 17 ब्राँझ अशी 67 पदके मिळविली.
08. चीनला तिसऱ्या स्थानावर समाधान मानावे लागले. चीनने 26 सुवर्ण, 18 रौप्य आणि 26 बाँझ अशी 70 पदके मिळविली.
09. रिओला निरोप देत वेलकम टोकियो असे म्हणत पुढील 2020 टोकियो ऑलिंपिकचा ध्वज टोकियाच्या गव्हर्नरांकडे देण्यात आला.

***पुढील तीन महिन्यांत 'इस्रो'कडून चार उपग्रहाचे प्रक्षेपण***
01. उपग्रह अवकाशात सोडण्याचा भारतीय अवकाश संशोधन केंद्राचा (इस्रो) धडा कायम असून, पुढील तीन महिन्यांमध्ये आणखी चार उपग्रह अवकाशात झेपावणार आहेत.
02. 'इस्रो'च्या उपग्रह केंद्राचे संचालक मिलस्वामी अण्णादुराई यांनी ही माहिती दिली.
03. अण्णादुराई म्हणाले, 'ऑगस्ट 2015 पासून ऑगस्ट 2016' पर्यंत भारताने दहा उपग्रह अवकाशात सोडले आहेत.
04. आता सप्टेंबरमध्ये इन्सॅट 3 डी आर आणि स्कॅटसॅट-1 हे उपग्रह, तर ऑक्‍टोबरमध्ये जीसॅट-18 आणि नोव्हेंबरमध्ये रिसोर्ससॅट-2 ए हे उपग्रह सोडले जातील.
05. तसेच पुढील तीन वर्षांत 70 उपग्रह अवकाशात सोडण्याचे 'इस्रो'चे नियोजन असून, त्यानुसार काम सुरू आहे.

***ब्रिटनचा मो फराहाची ऑलिंपिकमध्ये एतिहासिक कामगिरी***
01. ब्रिटनचा धावपटू मो फराहने रिओ ऑलिंपिकमध्ये 5000 मीटर धावण्याच्या शर्यतीतही सुवर्णपदक जिंकल्याने त्याचे या ऑलिंपिकमधील दुसरे सुवर्णपदक ठरले आहे.
02. तसेच यापूर्वी त्याने लंडन ऑलिंपिकमध्येही दोन 5000 आणि 10000 हजार मीटर शर्यतीत सुवर्ण मिळविली होती.
03. सलग दोन ऑलिंपिकमध्ये या दोन्ही शर्यतीत सुवर्णपदक जिंकण्याचा मान यापूर्वी फिनलँडच्या लॅसी विरेन यांच्या नावावर आहे. त्यांनी 1972 आणि 1976 च्या ऑलिंपिकमध्ये या दोन्ही शर्यतीत सुवर्णपदके मिळविली होती.
04. आता फराहने या विक्रमाची बरोबरी केली आहे. फराहने 5000 मीटरची ही शर्यत 13 मिनिटे 03.30 सेकंदांत पूर्ण करत आपले वर्चस्व राखले.
05. तर अमेरिकेच्या चेलिमो पॉल याने 13.03.90 सेकंदांसह रौप्य आणि इथिओपियाच्या गेब्रीहेवेट हॅगोस याने 13.04.35 सेकंदांसह ब्राँझपदक मिळविले.

*विधिमंडळाचे विशेष अधिवेशन*
1. संसदेत संमत झालेल्या संविधान (122 वी सुधारणा) विधेयकाच्या समर्थनासाठी अर्थात वस्तू आणि सेवाकर विधेयकाच्या मंजुरीसाठी (जीएसटी) 29 ऑगस्ट रोजी राज्य विधिमंडळाचे एक दिवसाचे विशेष अधिवेशन अभिनिमंत्रित करण्याची शिफारस राज्यपालांना करण्याचा निर्णय मंत्रिमंडळ झालेल्या बैठकीत घेण्यात आला.
2. संविधान (122 वी सुधारणा) विधेयक, हे विधेयक संसदेच्या दोन्ही सभागृहांनी मंजूर केले आहे.
3. तसेच या विधेयकातील सुधारणांना भारतीय संविधानाच्या अनुच्छेद 368 खालील खंड (2) च्या उपखंड (ख) आणि (ग) मधील तरतूद लागू होत असल्यामुळे विधेयकाला राष्ट्रपतींची संमती मिळण्यासाठी देशातील निम्म्याहून अधिक राज्य विधिमंडळांचे समर्थन आवश्‍यक आहे.
4. त्यामुळे या विधेयकाच्या समर्थनासाठी राज्य विधिमंडळाचे एक दिवसाचे अधिवेशन बोलविण्यात आले असून, त्याच दिवसाच्या सभागृहाच्या बैठकीच्या समाप्तीनंतर संस्थगित करण्याविषयी राज्यपालांना शिफारस करण्याचा निर्णय घेण्यात आला.
5. संपूर्ण देशामध्ये अप्रत्यक्ष कराची एकसमान पद्धती लागू करण्याच्या हेतूने वस्तू व सेवा करप्रणालीचा अवलंब करण्यासाठी संसदेच्या दोन्ही सभागृहांनी मंजुरी दिलेल्या संविधान (एकशे बाविसावी सुधारणा) विधेयक 2014 ला अनुसमर्थन दर्शवण्यासाठी प्रस्ताव विधिमंडळासमोर सादर करावयाच्या प्रस्तावास मंत्रिमंडळ झालेल्या बैठकीत मान्यता देण्यात आली.
6. लोकसभेने संविधान (122 वी सुधारणा) विधेयक-2014 हे विधेयक सहा मे 2015 रोजी मंजूर केल्यानंतर राज्यसभेकडे संमतीसाठी पाठविण्यात आले होते.
7. राज्यसभेने या विधेयकात काही बदल सुचविले. त्यानंतर या बदलासह तीन ऑगस्ट 2016 रोजी राज्यसभेने त्यास मंजुरी दिली.
8. तसेच हे बदल स्वीकृत करीत लोकसभेत हे संविधान सुधारणा विधेयक आठ ऑगस्ट 2016 रोजी मंजूर करण्यात आहे.

*‘राजीव गांधी खेलरत्न’ पुरस्कार जाहीर*
1. पी.व्ही. सिंधू, दीपा कर्माकर, साक्षी मलिक यांना भारतातील सर्वोत्तम ‘राजीव गांधी खेलरत्न’ पुरस्कार जाहीर करण्यात आला. त्याचबरोबर वर्षभर सातत्याने नेमबाजीत शान उंचावलेला जितू राय हाही या पुरस्काराचा मानकरी ठरला.
2. दीपा कर्माकरला घडवलेल्या बिश्‍वेश्‍वर नंदी यांना ‘द्रोणाचार्य’ पुरस्काराने सन्मानित करण्यात येईल.
3. जागतिक स्पर्धेपाठोपाठ ऑलिंपिकमध्येही अंतिम फेरी गाठलेली माणदेशी एक्‍स्प्रेस ललिता बाबर, भारतीय कसोटी संघाचा उपकर्णधार असलेला मुंबईकर अजिंक्‍य रहाणे, भरवशाचा ड्रॅग फ्लिकर व्ही.आर. रघुनाथ यांना ‘अर्जुन’ पुरस्कार देण्यात आला आहे.
4. रोइंगमध्ये चमकदार कामगिरी केलेल्या राजेंद्र शेळके यांना ध्यानचंद पुरस्कार जाहीर झाला आहे.
5. क्रीडा पुरस्कार इतिहासात प्रथमच एका वर्षी चार खेळाडूंना सर्वोच्च क्रीडा पुरस्कार देण्यात येणार आहेत.
6. सूत्रांनी दिलेल्या माहितीनुसार काही दिवसांपर्यंत केवळ जितू राय आणि दीपा कर्माकर यांचेच नाव पुरस्कारासाठी होते; पण सिंधू आणि साक्षीने पदक जिंकल्यानंतर त्यांच्या नावाचाही समावेश करण्यात आला.
7. 2009 मध्ये 2008 मधील ऑलिंपिक कामगिरी लक्षात घेऊन सुशील कुमार, विजेंदर सिंग आणि मेरी कोमला हा पुरस्कार देण्यात आला होता, तर 2002 आणि 2012 मध्येही दोघांना संयुक्तपणे हा पुरस्कार देण्यात आला होता.

*राजकीय पक्षांच्या दर्जाचा दर दहा वर्षांनी आढावा*
1. दर दहा वर्षांनी राजकीय पक्षांच्या राष्ट्रीय आणि प्रादेशिक पक्षाच्या दर्जाबाबत आढावा घेण्याचा निर्णय निवडणूक आयोगाने घेतल्याने बसपा, एनसीपी आणि सीपीआय या पक्षांना मोठा दिलासा मिळाला आहे.
2. 2014 च्या लोकसभा निवडणुकीतील निराशाजनक कामगिरीमुळे बसपा, एनसीपी आणि सीपीआयच्या राष्ट्रीय पक्षाच्या दर्जावर टांगती तलवार होती.
3. यावरून निवडणूक आयोगाने या पक्षांना 2014 मध्ये नोटिसाही जारी केल्या होत्या.
4. राष्ट्रीय आणि प्रादेशिक पक्षाची मान्यता देण्यासंबंधीचे निकष ‘जैसे थे’ राहणार असले तरी अशा दर्जाबाबत लोकसभा आणि विधानसभेच्या सलग दोन निवडणुकीनंतर आढावा घेतला जाणार आहे, असे निवडणूक आयोगाच्या अधिसूचनेत नमूद करण्यात आले आहे.
5. सध्या दर पाच वर्षांनी म्हणजे एका निवडणुकीनंतर राजकीय पक्षांच्या राष्ट्रीय व प्रादेशिक पक्षाच्या दर्जाबाबत आढावा घेतला जायचा.
6. तसेच आता दर दहा वर्षांनी याबाबत आढावा घेतला जाईल.

*श्रीमंत देशांमध्ये भारत 7 व्या स्थानी*
1. जगातील 10 श्रीमंत देशांच्या यादीत भारताने स्थान मिळवले आहे.
2. भारतातील एकूण व्यक्तीगत संपत्ती 5600 अब्ज डॉलर्स आहे.
3. तसेच अमेरिका या यादीत पहिल्या स्थानावर आहे.
4. न्यू वर्ल्ड वेल्थच्या अहवालानुसार टॉप टेन श्रीमंत देशांच्या यादीत भारत 7 व्या स्थानावर आहे.
5. कॅनडा 8, ऑस्ट्रेलिया 9 आणि इटली 10 व्या स्थानावर आहे.
6. पहिल्या स्थानावर असलेल्या अमेरिकेत एकूण व्यक्तीगत संपत्ती 48,900 अब्ज डॉलर्स आहे.
7. चीन दुस-या आणि जापान तिस-या स्थानावर आहे. चीनमध्ये एकूण व्यक्तीगत संपत्ती 17,400 अब्ज डॉलर्स आणि जापानमध्ये 15,100 अब्ज डॉलर्सची संपत्ती आहे.
8. तसेच या यादीत इंग्लंड 4,जर्मनी 5 व्या आणि फ्रान्स 6 व्या स्थानावर आहे.

*आंतरराष्ट्रीय खगोलशास्त्रज्ञांनी शोधला पृथ्वी सारखा ग्रह*
1. पृथ्वीपासून जवळपास चार प्रकाशवर्षे अंतरावर असलेल्या पृथ्वीसारख्याच दुसऱ्या ग्रहाचा शोध संशोधकांनी लावला.
2. तसेच हा ग्रह सूर्याच्या अगदी जवळ असून, प्रॉक्‍झिमा-बी असे त्याला नाव देण्यात आले आहे. या ग्रहाची आकारासहित बहुतेक वैशिष्ट्ये पृथ्वीसारखीच असल्याची निरीक्षणे संशोधकांनी नोंदविली आहेत.
3. या ग्रहावरील वातावरणाचे अस्तित्व व सजीवांचा अधिवास याबाबत मात्र अद्याप संशोधन सुरू आहे.
4. प्रॉक्‍झिमा-बी हा ग्रह प्रॉक्‍झिमा सेन्शॉरी या लाल लघुताऱ्याच्या शेजारीच असल्याचे संशोधन 'नेचर' या विज्ञान नियतकालिकामध्ये प्रसिद्ध करण्यात आले आहे.
5. ब्रिटिश संशोधकांच्या पुढाकाराने युरोपियन शास्त्रज्ञांनी हे संशोधनपर लिखाण केले आहे. या लिखाणासाठी संशोधकांनी 16 वर्षांपासून माहिती संकलन केले.
6. तसेच या माहिती संकलनाच्या आधारे व चिलीमधील युरोपियन साऊदर्न ऑब्जर्व्हेटरी टेलेस्कोपच्या साह्याने संशोधकांनी या ग्रहाच्या अस्तित्वावर शिक्कामोर्तब केले.
7. लंडन येथील क्वीन मेरी विद्यापीठातील प्रमुख संशोधक लेखक ग्युलेम अँग्लाडा एस्क्‍युड यांनी या संशोधनाला त्यांच्या आयुष्यातील अविस्मरणीय अनुभव असल्याचे सांगितले.